A-sveit Goðans kominn með annan fótinn í 1. deild.

A-sveit Goðans tapaði naumlega fyrir Víkingaklúbbnum A í 4. umferð sem tefld var í dag. Leikar fóru 3,5 -2,5 fyrir Víkingaklúbbnum.  Sigurður Daði gerði jafntefli við stórmeistarann Luis Galego á fyrsta borði. Ásgeir vann glæsilegan sigur með svörtu á De Jong Jan-Willem (2424) og Hlíðar Þór Hreinsson og Þröstur Árnason gerðu jafntefli. Einar Hjalti Jensson og Kristján Eðvarðsson töpuðu sínum skákum fyrir stigahærri andstæðingum. Frábær frammistaða hjá A-liðinu því andstæðingarnir voru stigahærri á öllum borðum.

Rk.	Team	1	2	3	4	5	6	7	8	TB1	TB2	TB3
1	Víkingaklúbburinn A	*	3½	5½	4½				6	19.5	8	0
2	Goðinn A	2½	*			5	5½	5½		18.5	6	0
3	KR A	½		*	4	3	4			11.5	5	0
4	TR B	1½		2	*			4½	3	11.0	3	0
5	SR A		1	3		*	3		3	10.0	3	0
6	TA		½	2		3	*	4		9.5	3	0
7	Hellir B		½		1½		2	*	4	8.0	2	2
8	Haukar A	0			3	3		2	*	8.0	2	0

Víkingaklúbburinn er efstur í 2. deild og hefur eins vinnings forskot á Goðann. Liðin eru langefst í 2. deild og hefur Goðinn 7 vinninga forskot á KR-b í 3. sæti. Margt þarf að fara úrskeiðis til þess að Goðinn vinni ekki sæti í fyrstu deild að ári.

B og C-sveit Goðans áttust við í gær. B-sveitin vann öruggan 6-0 sigur. 

B-sveit Goðans og er í ágætri stöðu í 4. deild. Liðið er í 4. sæti með 6 punkta og 17 vinninga. Þrjú efstu liðin vinna sig upp í 3. deild og eru góðar líkur á að það takist í seinni hlutanum á Selfossi í mars 2012.

Rk.	SNo	Team	Games	+	=	-	TB1	TB2	TB3
1	19	SFí B	4	4	0	0	8	18.5	0
2	21	Mátar B	4	3	1	0	7	16.0	0
3	4	SSA	4	3	0	1	6	17.5	0
4	6	Goðinn B	4	3	0	1	6	17.0	0
5	5	Fjölnir B	4	3	0	1	6	17.0	0
6	13	Bridge-fjelagið	4	3	0	1	6	15.0	0
7	15	UMSB	4	3	0	1	6	13.0	0
8	7	TR C	4	2	1	1	5	15.5	0
9	8	Víkingaklúbburinn - Þróttur C	4	2	0	2	4	13.0	0
10	11	Tf. Mosfellsbæjar	4	2	0	2	4	12.0	0
11	17	Sf. Vinjar B	4	2	0	2	4	11.5	0
12	14	SA D	4	2	0	2	4	11.0	0
13	1	Kórdrengirnir	4	2	0	2	4	10.5	0
14	3	TR F	4	2	0	2	4	7.5	0
15	9	TR D	4	1	1	2	3	11.5	0
16	10	Fjölnir C	4	1	0	3	2	11.0	0
17	18	Hellir Unglingar A	4	1	0	3	2	8.5	0
18	16	SSON B	4	1	0	3	2	8.0	0
19	12	TR E	4	1	0	3	2	8.0	0
20	20	Goðinn C	4	1	0	3	2	8.0	0
21	2	TG C	4	0	1	3	1	6.0	0

C-liðinu gekk frekar illa í mótinu og er sem stendur í næst neðasta sæti með 2 punkta og 8 vinninga.

Pistlar frá liðsstjórum eru væntanlegir á næstu dögum.

Chess-results
http://chess-results.com/tnr57496.aspx?art=0&lan=1&fedb=NED&flag=30

Allar sveitir Goðans unnu í 1. umferð

Allar skáksveitir Goðans unnu í fyrstu umferð á Íslandsmóti skákfélaga í gærkvöld.

C sveitin vann C sveit Fjölnis 3,5 - 2,5. Valur og Snorri unnu sínar skákir, Hlynur, Bjössi og Sighvatur gerðu jafntefli, en Hermann tapaði.

B sveitin vann SSON B 4,5 - 1,5. Páll, Jakob, Smári og Benedikt unnu, Baldur gerði jafntefli, en Stephen tapaði. 

A sveitin vann stóran sigur á B sveit Hellis 5,5  -0,5. Björn, Tómas, Þröstur, Kristján og Sigurður Daði unnu sínar skákir og Einar Hjalti gerði jafntefli.

Chess-results. 2. deild
http://chess-results.com/tnr57496.aspx?art=0&lan=1&flag=30

4. deild
http://chess-results.com/tnr57498.aspx?art=2&rd=2&lan=1&flag=30

Svo skemmtlega vill til að B-sveit Goðans mætir C-sveitinni í 2. umferð í dag.

Tómas og Stephen töpuðu báðir í 5. umferð.

Tómas Björnsson og Stephen Jablon töpuðu báðir sínum skákum í 5. umferð á Haustmót TR sem tefld var í gærkvöld. Tómas tapaði fyrir Jóhanni Ragnarssyni og Stephen fyrir Sigurlaugu Friðþjófsdóttur.

6. umferð verður tefld 14 okt kl 19:30. Þá mætir Tómas Stefáni Bergssyni (2135) og Stephen mætir Inga Tandra Traustasyni (1823)

Sigurbjörn og Snorri unnu sínar skákir.

Síðasta skákæfing fyrir deildó var háð sl. mánudag. Tefldar voru skákir með 90 mín á mann + 30 sek á leik. 
Sigurbjörn vann Hlyn og Snorri vann Val.

Hermann og Heimir gerðu jafntefli.

Næsta skákæfing verður mánudaginn 10 okt.

Stephen Jablon löglegur með Goðanum

Úrskurður mótsstjórnar Íslandsmóts skákfélaga 2011-2012

 

Ár 2011, mánudaginn 3. október, er tekið fyrir mál nr. 1/2011; beiðni Taflfélags Vestmannaeyja (TV) um athugun á lögmæti Stephen Jablon (FIDE-kennitala 2019833 begin_of_the_skype_highlighting              2019833      end_of_the_skype_highlighting) sem keppanda með Skákfélaginu Goðanum (SG) í fyrri hluta Íslandsmóts skákfélaga 2011-2012. Í málinu úrskurða Sverrir Örn Björnsson, Áskell Örn Kárason og Helgi Árnason.

Málavextir og ágreiningsefni:

Framangreint erindi TV barst mótsstjórn með tölvupósti 29. september 2011. Þar segir m.a. svo:

„Taflfélag Vestmannaeyja (TV) fer þess hér með á leit við mótsstjórn Íslandsmóts skákfélaga að hún úrskurði um lögmæti félagaskipta Stephen Jablons (frá USA) í skákfélagið Goðann, laugardaginn 17. september sl. varðandi þátttöku hans með skákfélaginu Goðanum í Íslandsmóti skákfélaga í október nk. þar sem deildar meiningar (ágreiningur) hafa komið fram um það hvenær frestur til tilkynninga skv. 18. gr. skáklaga Skáksambands Íslands rann út í ár.

Þar sem kveðin rök hníga því að því að Stephen sé ekki löglegur og ljóst er að hann mun tefla í sömu deild (4. deild) og sveitir frá TV, taki hann þátt, er brýnt að fá úr þessu skorið enda ólíðandi að þurfa að tefla í andrúmi slíkrar óvissu. Ég fer því fram á að mótsstjórn úrskurði um þetta mál án tafar."

 

Stephen Jablon verður löglegur með Goðanum á Íslandsmóti skákfélaga.

            Með tölvupósti mótsstjórnar 29. september 2011 var lagt fyrir TV að gera nánari grein fyrir ástæðum þess að félagið teldi vafa leika á lögmæti Stephen Jablon til þátttöku með SG í Íslandsmóti skákfélaga 2011.

            Svar barst frá TV með tölvupósti sama dag. Þar segir svo:

„Skáksambandið gaf út sérstaka tilkynningu á Skák.is þar sem fram kom að síðasti dagur fyrir skráningar væri 16. september sbr. eftirfarandi: "Athugið að tilkynningar v. Keppendaskrár Skáksambands Íslands skulu hafa borist SÍ í síðasta lagi 16. september nk. sbr. 18. gr. skáklaga..."

Samkvæmt þessari tilkynningu ættu því þeir sem skráðu sig í félag 17.september að vera ólöglegir. Þar af leiðandi er rétt að úr því sé skorið hvort Stephen Jablon, sem var skráður eftir að útgefinn skráningarfrestur rann út, er ólöglegur eður ei.

Það eru fordæmi fyrir því að menn hafi verið dæmdir ólöglegir vegna þess að þeir hafa verið skráðir í félag eftir að skráningarfresturinn rann út og í því sambandi ber kannski Dreev málið hæst. Það verður því áhugavert að sjá hvort hin háæruverðuga mótsstjórn er sama sinnis nú og hún var í því máli."

Með tölvupósti mótsstjórnar 29. september 2011 var formanni SG með vísan til 20. gr. skáklaga Skáksambands Íslands (SÍ) gefinn kostur á að koma á framfæri athugasemdum í tilefni af beiðni TV.

            Svar barst frá SG með tölvupósti sama dag. Þar segir svo:

„Við hjá skákfélaginu Goðanum teljum að Stephen sé löglegur með Goðanum í keppninni enda hljóti lög og reglur Skáksambandsins gilda og löglega gefinn frestur hafi sannanlega ekki verið runninn út þegar hann var skráður í Goðann."

Niðurstaða:

Eins og fram kemur í málavaxtalýsingu hér að framan lýtur ágreiningur í máli þessu eingöngu að því hvort tilkynning um skráningu Stephen Jablon í Skákfélagið Goðann, sbr. 2. gr. reglugerðar um Keppendaskrá Skáksambandsins, hafi verið send Skáksambandi Íslands innan lögmælts 20 daga frests samkvæmt 2. mgr. 18. gr. skáklaga Skáksambands Íslands. Af hálfu Skákfélagsins Goðans er talið að tilkynningin hafi verið send innan frestsins. Af hálfu Taflfélags Vestmannaeyja er hins vegar litið svo á að vafi leiki á því og þar með lögmæti Stephen Jablon til þátttöku í Íslandsmóti skákfélaga. Ekki er því haldið fram í málinu að aðrar ástæður en hér greinir kunni að leiða til ólögmætis Stephen til þátttöku í mótinu.

            Samkvæmt 1. mgr. 18. gr. skáklaga Skáksambands Íslands teljast aðeins þeir sem eru í Keppendaskrá SÍ löglegir með viðkomandi félagi í Íslandsmóti skákfélaga (fyrri og seinni hluta). Þó eru þeir skákmenn sem eru án skákstiga og án félags undanþegnir því að þurfa að vera í Keppendaskránni. Fyrir liggur að þessi undantekning á ekki við um Stephen Jablon sem er skráður með 1965 alþjóðleg skákstig á stigalista Alþjóðaskáksambandsins (FIDE).

            Í 2. gr. reglugerðar um Keppendaskrá Skáksambandsins kemur fram að skipti skákmaður um félag, nýskráist í það eða hættir í því skal hann tilkynna SÍ það á þar til gerðu eyðublaði. Samkvæmt 2. mgr. 18. gr. skáklaga skal tilkynning skákmanns samkvæmt 2. gr. reglugerðar um Keppendaskrá Skáksambandsins hafa verið send 20 dögum fyrir upphaf fyrri hluta Íslandsmóts skákfélaga ella getur hann ekki teflt fyrir sitt nýja félag í því.

            Við skýringu á frestákvæði 2. mgr. 18. gr. skáklaga þykir bera að hafa hliðsjón af viðtekinni túlkun hliðstæðra ákvæða í öðrum lögum um fresti sem taldir eru í dögum. Er þá jafnan miðað við að sá dagur, sem frestur er talinn frá, teljist ekki með innan frestsins. Fyrsti dagur við talningu frests er því sá dagur sem kemur á eftir eða eftir atvikum á undan þeim degi sem fresturinn er reiknaður frá. Þessa skýringarreglu er nú m.a. að finna í 1. mgr. 8. gr. stjórnsýslulaga nr. 37/1993 sem hér má hafa til hliðsjónar. Þá standa rík hallkvæmnisrök til þess, þegar svo stendur á að frestir eru taldir í heilum dögum en upphaf þeirra markast af atvikum innan dags, eins og hér á við, að miða frestlok allt að einu við lok dags, þ.e. miðnætti á síðasta degi frests.

Fyrri hluti Íslandsmóts skákfélaga 2011-2012 hefst í Rimaskóla föstudaginn 7. október 2011. Óumdeilt er í málinu að tilkynning um skráningu Stephen Jablon í Skákfélagið Goðann var send SÍ laugardaginn 17. september 2011, nánar tiltekið kl. 19:56:03 eftir því sem næst verður komist. Samkvæmt þessu var tilkynningin send SÍ innan lögmælts 20 daga frests samkvæmt 2. mgr. 18. gr. skáklaga, enda rann fresturinn ekki út fyrr en á miðnætti sama dag. Stephen Jablon telst því löglegur keppandi með Skákfélaginu Goðanum í fyrri hluta Íslandsmóts skákfélaga 2011-2012.

 

Ú r s k u r ð a r o r ð :

 

            Stephen Jablon (FIDE-kennitala 2019833 begin_of_the_skype_highlighting              2019833      end_of_the_skype_highlighting) telst löglegur keppandi Skákfélagsins Goðans í fyrri hluta Íslandsmóts skákfélaga 2011-2012.

Um málskot:

Úrskurði þessum má skjóta til Dómstóls SÍ. Kærufrestur er þrír sólarhringar frá upphafi þeirrar umferðar sem keppandi var á meðal þátttakenda.

Jakob og Sveinn taka þá í Haustmóti SA.

Haustmót SA hófst í dag. Tveir keppendur frá Goðanum taka þátt í mótinu.
Jakob Sævar Sigurðsson gerði jafntefli við Sigurð Arnarsson í 1 umferð en Sveinn Arnarson tapaði fyrir Andra Frey Björgvinssyni.

 

 

 

 

 

 

 

 

 

 

Alls taka 8 keppendur þátt í mótinu og tefla allir við alla. 2. umferð verður tefld að loknum fyrri hluta íslandsmóts skákfélaga 14. okt.

Tómas með jafntefli og Stephen með sigur á Haustmóti TR.

Tómas Björnsson gerði jafntefli við Björn Jónsson (2045) í 4. umferð Haustmóts TR sem tefld var í dag. Tómas Er í 3-4 sæti í A-flokknum með 2,5 vinninga.
Stephen Jablon vann Örn Leo Jóhannsson (1931) í B-flokknum og er efstur í B-flokknum ásamt Degi Ragnarssyni með 3,5 vinninga. 

5. umferð verður tefld á miðvikudag kl 19:30. 

• Heimasíða mótsins
• Beinar útsendingar
• Chess-Results

 

Staða efstu manna í A-flokknum:

Rk.		Name	RtgI	RtgN	Club/City	Pts.
1		Ragnarsson Johann	2068	2057	TG	3
2	IM	Kjartansson Gudmundur	2314	2316	TR	3
3	FM	Bjornsson Tomas	2162	2147	Goðinn	2,5
4	FM	Kjartansson David	2291	2266	Víkingaklúbburinn	2,5

Haustmót TR. Stephen vann í 2. umferð.

Stephen Jablon (1965) nýjasti liðsmaður Goðans, vann Atla Antonsson (1862) í 2. umferð haustmóts TR í fyrradag. Skák Tómasar Björnssonar við Þorvarð Fannar Ólafsson (2174) var frestað. Ritstjóri hefur ekki upplýsingar um hvenær hún verður tefld.

             Stephen Jablon. Mynd af skák.is

3. umferð verður tefld í kvöld. Þá mætir Tómas þór Valtýssyni (2041) og Stephen mætir Mikael J Karlssyni (1855) . 

Bein útsending er frá mótinu og ma. skák Tómasar hér: Útsendingin

Smári, Sigurbjörn og Hermann unnu sínar skákir

Smári Sigurðsson, Sigurbjörn Ásmundsson og Hermann Aðalsteinsson unnu sínar skákir á skákæfingu sem fram fór sl. mánudagskvöld. Heimir Bessason og Sighvatur Karlsson gerðu jafntefli. Tefld var ein skák á mann og var umhugsunartíminn 60 mín á mann.

Smári Sigurðsson         -       Valur Heiðar Einarsson         1 - 0
Hlynur Snær Viðarsson -      Sigurbjörn Ásmundsson        0 - 1
Snorri Hallgrímsson      -      Hermann Aðalsteinsson         0 - 1
Heimir Bessason          -       Sighvatur Karlsson             1/2 - 1/2

Nk. mánudagskvöld verður lokaæfing fyrir deildarkeppnina. Þá verður tefld ein skák á mann og verður umhugsunartíminn 90 mín+30 sek/leik

Haustmót TR. Tómas vann Davíð Kjartanss í fyrstu umferð.

Haustmót TR hófst í dag í Reykjavík. Tveir keppendur frá Goðanum taka þátt í mótinu og unnu þeir báðir sínar skákir. Tómas Björnsson tefldi slavneska vörn gegn hinum öfluga liðsmanni Víkingaklúbbsins, Davíð Kjartanssyni. Eftir jafnt tafl út úr byrjuninni fór Tómas að finna smáveilur í stöðu hvíts og gekk á lagið. Skærurnar leiddu að lokum til þess að Tómas vann skiptamun og hvítur gafst upp í 42 leik. Þessi sigur var dæmigeður fyrir Tómas sem er alltaf stóhættulegur þegar hann nær að hrifsa til sín frumkvæðið. Tómas verður með hvítt gegn Þorvarði Fannari Ólafssyni í annari umferð sem verður tefld á miðvikudag. 

                          Tómas Björnsson. 

Hinn nýi liðsmaður Goðans, Stephen Jablon, (USA) atti kappi við hinn margreynda skákmann, Sigurjón Haraldsson, með hvítu. Stephen tefldi hvasst afbrigði gegn hollenskri vörn Sigurjóns, var alltaf skrefinu á undan og svo fór að að lokum að svartur var mátaður í 32. leik. Sannfærandi innreið Stephen í íslenskt skáklíf. Stephen verður með svart gegn Atla Antonssyni (1862) í annari umferð. JÞ.

• Heimasíða mótsins
• Beinar útsendingar
• Chess-Results

 

 

Hermann efstur á æfingu.

Hermann Aðalsteinsson vann báðar atskákir (25 mín) gærkvöldsins á skákæfingu á Húsavík. Sjö keppendur mættu á æfinguna en 3 félagsmenn höfðu boðað forföll.

Úrslit kvöldsins:

1.     Hermann Aðalsteinsson   2 af 2
2-3.  Heimir Bessason              1,5
2-3.  Snorri Hallgrímsson          1,5
4.     Hlynur Snær Viðarsson      1
             Aðrir fengu 0 

Á næstu skákæfingu, að viku liðinni, verður tefld ein klukkutíma skák á mann. Mikilvægt er að félagsmenn tilkynni þátttöku á þeirri æfingu.

Skákhelgi með Einari Hjalta.

Um nýliðna helgi stóð Goðinn fyrir skákhelgi með Einari Hjalta Jenssyni. Félagsmenn gátu fengið einkatíma með Einari og svo voru hópstúderingar á föstudagskvöld og laugardagskvöld. Margir félagsmenn nýttu sér þetta og voru menn sáttir með helgina.

Einar Hjalti heimsótti okkar líka í sumar. 

Á sunnudeginum tók Einar nokkra nýliða í einkatíma. Þetta voru ungir og efnilegir drengir, sem án efa eiga framtíðina fyrir sér við skákborðið. 

Heimir efstur á æfingu.

Heimir Bessason varð efstur á skákæfingu kvöldsins með 3,5 vinninga af 4 mögulegum og leyfði aðeins jafntefli gegn Sigurbirni.
Tefldar voru 4 umferðir eftir monrad-kerfi og var umhugsunartíminn 15 mín.

 

Úrslit kvöldsins:

1.    Heimir Bessason             3,5 af 4
2-3. Smári Sigurðsson            3
2-3. Snorri Hallgrímsson         3
4.    Sigurbjörn Ásmundsson  2,5
5-7. Hermann Aðalsteinsson   2 
5-7. Ævar Ákason                   2
5-7. Sighvatur Karlsson          2
8-9. Hlynur Snær Viðarsson    1
8-9. Valur Heiðar Einarsson    1 

Næsta skákæfing verður á Húsavík að viku liðinni og þá verða tefldar skákir með 25 mín á mann. 

Skákhelgi með Einari Hjalta.

Helgina 16-18 september verður sérstök skákhelgi með Einari Hjalta Jenssyni á Húsavík. Einar mun bjóða félagsmönnum Goðans upp á einkatíma og hóptíma á föstudagskvöld og á laugardagskvöld.

Félagsmenn geta pantað einkatíma hjá Einari með því að hringja í hann í síma 6917692.
Reglan, fyrstur bókar fyrstur fær gildir !

Hóptímarnir eru öllum opnir. 

Dagskrá helgarinnar:

Föstudagur   kl  16-18:00         byrjendur (óstaðfest) 
-----------------kl  19:00 - 21:00  hóptími     ( byrjanir og endatöfl) 
Laugardagur kl  10-12:00         laus      
-----------------kl  13-15              Smári Sigurðsson                                         
-----------------kl  15:30-17:30    laus
Laugardagur kl  19:00 - 21:30  hóptími     (endatöfl)
Sunnudagur  kl  11-13              laus
-----------------kl  14-16              laus

Mikilvægt er að þeir sem áhuga hafa á því að bóka einkatíma hjá Einari segi honum hvað byrjanir viðkomandi vill fræðast um. 

Tap í lokaumferðinni.

Einar Hjalti Jensson tapaði fyrir Birni Þorfinnssyni í lokaumferð meistaramóts Hellis sem lauk í gærkvöld.  Einar varð í 6. sæti á mótinu með 5 vinninga.

Lokastaða efstu manna:

 

Rk.		Name	Rtg	Pts.	TB1	Rp	rtg+/-
1	FM	Gretarsson Hjorvar Steinn	2437	6,5	34	2520	10,5
2	IM	Thorfinnsson Bjorn	2412	6	34	2436	8,5
3	IM	Kjartansson Gudmundur	2310	5,5	32,5	2224	4,4
4	FM	Kjartansson David	2295	5	32,5	2129	-2,4
5		Halldorsson Bragi	2198	5	32,5	2102	2
6		Jensson Einar Hjalti	2227	5	31	2111	-0,2
7		Sigurdsson Pall	1957	5	30,5	2118	23,4
8		Sverrisson Nokkvi	1919	5	29	1896	3
9		Bachmann Unnar Thor	1933	5	26,5	1801	-8,8

 

Sjá nánar á chess-results:
http://www.skak.blog.is/blog/skak/entry/1189716/

Æfinga og mótaáætlun Goðans

5. sept   Skákæfing og félagsfundur.
12          Skákæfing      15 mín
16-18    Stúderingar með Einari Hjalta á Húsavík.
19          Skákæfing       25 mín
26          Skákæfing       60 mín
3            Skákæfing       90 mín +30sek/leik
7-9 okt  Íslandsmót skákfélaga fyrri hluti
10          Skákæfing
17          Skákæfing
24          Skákæfing
28-30    Framsýnarmótið í skák * (eða 21-23 október)
7    nóv  Skákæfing
14          Skákæfing
21          Skákæfing
28          Skákæfing
3.  des   15 mín skákmót Goðans
5            Skákæfing
12          Skákæfing
19          Skákæfing
27         Hraðskákmót Goðans 2011

Allar skákæfingar eru í Framsýnarsalnum á Húsavík og hefjast kl 20:30

Óvíst hvenær Framsýnarmótið verður. Hér er reiknað með seint í október.

 

Stjórn Goðans.

Einar í 2-4 sæti eftir sigur í 6. umferð.

Einar Hjalti Jensson vann sigur á Braga Halldórssyni í 6. umferð meistaramóts Hellis sem tefld var í gærkvöld. Einar er í 2-4 sæti á mótinu með 5 vinninga. 

 

Staða efstu manna:

 

Rk.		Name	Rtg	Pts.
1	FM	Gretarsson Hjorvar Steinn	2437	6
2	IM	Thorfinnsson Bjorn	2412	5
3	IM	Kjartansson Gudmundur	2310	5
4		Jensson Einar Hjalti	2227	5
5		Olafsson Thorvardur	2174	4,5

 

Sjöunda og síðasta umferð verður tefld á miðvikudagskvöldið. Þá verður Einar Hjalti með svart á Björn Þorfinnsson (2412).

Orri Freyr efstur á fyrstu skákæfingu vetrarins

Orri Freyr Oddsson gerði sér lítið fyrir og vann alla sína andstæðinga 10 að tölu á fyrstu skákæfingu Goðans þennan veturinn sem fram fór á Húsavík í gærkvöld.
Afar góður árangur hjá Orra sem ekki hafði snert taflmenn í nokkur ár. Vel var mætt á æfingu en 11 félagsmenn tefldu hraðskákir (5 mín).

 

Orri Freyr Oddsson (tv) teflir við Heimi Bessason. 

Áður en æfingin hófst var haldinn félagsfundur þar sem æfing og mótaáætlun var ákveðin. Einnig var samþykkt ákveðin breyting á skákæfingum í vetur þar sem gert er ráð fyrir að fjölga lengri skákum. 15 mín skákir verða á næstu skákæfingu, síðan 25 mín skákir, þá 60 mín skákir og svo á síðust skákæfingu fyrir deildó verða tefldar skákir með 90 mín+30 sek/leik

Úrslit kvöldsins:

1.      Orri Freyr Oddsson              10 vinningar af 10 mögul. 
2.      Smári Sigurðsson               8,5
3-4    Hermann Aðalsteinsson     6
3-4    Benedikt Þór Jóhannsson  6
5-6    Heimir Bessason                4,5
5-6    Hlynur Snær Viðarsson       4,5
7-9    Sigurbjörn Ásmundsson     4
7-9    Ævar Ákason                      4
7-9    Snorri Hallgrímsson            4
10     Valur Heiðar Einarsson       3,5
11     Sigurhvatur Karlsson          1

Næsta skákæfing verður að viku liðinn á Húsavík. þá verða tefldar 15 mín skákir eftir monrad-kerfi. 

 

Félagsfundur mánudagskvöldið 5. september.

Vetrarstarf skákfélagsins Goðans hefst með félagsfundi á mánudagskvöldið 5. september, (annað kvöld) í sal stéttarfélagsins Framsýnar, Garðarsbraut 26 Húsavík.

 

Á félagsfundinum verður vetrastarfið rætt, æfinga og mótaáætlun fram til áramóta borin undir félgasmenn, undirbúninur fyrir deildarkeppnina ræddur og hvað eina það sem félagsmenn vilja ræða fyrir veturinn.

Að loknum félagsfundi verður teflt. 

                               Félagar fjölmennið.              

                                      Stjórnin. 

Goðanum berst öflugur liðsauki.

Goðinn heldur áfram að efla lið sitt fyrir hina hörðu keppni í 2. deild á vetri komanda.
Meðal svæsnustu keppinauta Goðans í þeim slag er Víkingasveitin sem státar ekki aðeins af snjöllum skákmönnum heldur eru flestir þeirra líka kraftlyftingamenn, afrenndir að afli.
Nægir þar að nefna vöðvatröllin knáu, Gunnar Frey Rúarsson og Magnús Örn Úlfarsson. Hér hefur því hallað verulega á lið Goðans, en nú eru bjartari tímar framundan því að einn kunnasti líkamsræktarfrömuður landsins og margfaldur Íslandsmeistari, Arnar Grant, hefur gengið til liðs við Goðann.

Arnar Grant kominn í keppnistreyju Goðans. 

Arnar, sem er Norðlendingur að uppruna, tefldi mikið á yngri árum en hefur nú ákveðið að hefja keppni á ný undir merkjum Goðans. Jafnframt mun hann verða félögum sínum til ráðuneytis um holla lífshætti og uppbyggingu líkamlegs atgervis enda ekki vanþörf á.

Arnar kveðst lengi hafa stefnt að endurkomu í skákina og gefur henni þessa einkunn: „Að mínu áliti er skákíþróttin besta vaxtarækt fyrir hugann sem völ er á og ég er mjög ánægður með að vera kominn í þennan vaska hóp.“

Þess má geta að Goðinn mun skora á Víkingaklúbbinn í keppni í sjómanni í náinni framtíð, en þó fyrr en liðsmenn Goðans eru orðnir „helmassaðir“ eins og það heitir á máli sérfræðinga.