Haustmót TR. Lokaumferðin.

Tómas Björnsson gerði jafntefli við Harald Baldursson í lokumferð Haustsmóts TR sem tefld var í gærkvöld. Tómas varð í 6. sæti í A-flokki með 4 vinninga.

Rk.		Name	RtgI	Club/City	Pts.	Rp	rtg+/-
1	IM	Kjartansson Gudmundur	2314	TR	7,5	2393	8,1
2	FM	Kjartansson David	2291	Víkingar	7	2343	8,6
3		Bergsson Stefan	2135	SA	5,5	2220	15,8
4		Bjornsson Sverrir Orn	2158	Haukar	5	2181	3,9
5		Ragnarsson Johann	2068	TG	5	2191	21,3
6	FM	Bjornsson Tomas	2162	Goðinn	4	2094	-12,1
7		Olafsson Thorvardur	2174	Haukar	4	2093	-14,3
8		Jonsson Bjorn	2045	TR	3	2025	-4,3
9		Valtysson Thor	2041	SA	2	1931	-18,3
10		Baldursson Haraldur	2010	Víkingar	2	1934	-12,6

Stephen Jablon varð í 3. sæti í B-flokki með 5,5 vinninga . Stephen vann Dag Ragnarsson í lokaumferðinni.

Sjá nánar hér

Haustmót SA. Jakob vann Svein í goðaslag.

Jakob Sævar Sigurðsson vann Svein Arnarson í 4. umferð haustmóts SA sem tefld var í gær.
Jakob er sem stendur í 3. sæti í mótinu með 3 vinninga en Sveinn er í 6, sæti með 1. vinning.

Staðan:

Rk.	Name	Rtg	Club/City	Pts.	TB1
1	Ólafsson Smári	1875	SA	3,5	3,75
2	Þorgeirsson Jón Kristinn	1609	SA	3,5	2,75
3	Sigurðsson Jakob Sævar	1713	Goðinn	3	3,25
4	Arnarson Sigurður	1931	SA	2,5	5,5
5	Björgvinsson Andri Freyr	1301	SA	2	2,75
6	Arnarsson Sveinn	1781	Goðinn	1	0
7	Heiðarsson Hersteinn	1230	SA	0,5	1
8	Jónsson Haukur	1429	SA	0	0

Fimmta umferð mótsins verður tefld nk. sunnudag og hefst kl. 13.

• Heimasíða SA
• Chess-Results

 

Skráðir keppendur í Farmsýnarmótið 2011

Skráning fer vel af stað á Framsýnarmótiðí skák sem fram fer helgina 28-30 október nk. Í kvöld voru 7 keppendur búnir að skrá sig til leiks og allt stefnir í fjölmennt og skemmtilegt mót.

Skráir keppendur:

Hermann Aðalsteinsson  1390
Smári Sigurðsson            1640
Árni Garðar Helgason           0
Sighvatur Karlsson          1354
Sigurður Daði Sigfússon   2332
Sigurbjörn Ásmundsson   1217
Hlynur snær Viðarsson     1047

Sjá hér:

https://docs.google.com/spreadsheet/ccc?key=0AgWZ02GI9Ay_dG1LYWx6TXRsM3dDaUw2MU0tQnRSQ1E&hl=en_US

Framsýnarmótið í skák 2011

Framsýnarmótið í skák 2011 verður haldið helgina 28-30 október nk. í fundarsal stéttarfélagsins Framsýnar að Garðarsbraut 26 á Húsavík. 

Það er skákfélagið Goðinn í Þingeyjarsýslu og Framsýn-stéttarfélag, sem sjá um mótshaldið.

Mótið er öllum áhugasömum opið.

Dagskrá.

1. umf. föstudaginn 28 október kl 20:00   25 mín (atskák)
2. umf. föstudaginn 28 október kl 21:00       
3. umf. föstudaginn 28 október kl 22:00     
4. umf. föstudaginn 28 október kl 23:00     

5. umf. laugardaginn 29 október kl 11:00  90 mín + 30 sek/leik
6. umf. laugardaginn 29 október kl 19:30   
7. umf. sunnudaginn 30 október kl 11:00   

Verðlaunaafhending í mótslok.

Verðlaun.

Veittir verða glæsilegir eignarbikarar fyrir þrjá efstu í mótinu sem stéttarfélagið Framsýn gefur í tilefni af samvinnu Framsýnar og skákfélagsins Goðans í þingeyjarsýslu. Einnig hlýtur efsti utanfélagsmaðurinn eignarbikar.

Mótið verður reiknað til íslenskra skákstiga og til fide skákstiga.
Ekkert þátttökugjald er í mótið.

Upplýsingar.

Allar nánari upplýsingar um Framsýnarskákmótið verða aðgengilegar á heimasíðu skákfélagins Goðans, ásamt skráningu, stöðu, skákir og svo loka-úrslit, verða birt á http://www.godinn.blog.is/  og á http://www.framsyn.is/

Skráning.

Skráning í mótið er hér í dálki til vinstri hér á heimasíðu Goðans á sérstöku skráningarformi. Einnig er hægt að skrái sig hjá Hermanni Aðalsteinssyni, formanni skákfélagins Goðans, í síma 4643187 begin_of_the_skype_highlighting              4643187      end_of_the_skype_highlighting og 8213187 begin_of_the_skype_highlighting              8213187      end_of_the_skype_highlighting og á [e-mail] 

Listi yfir skráða keppendur á mótið.
https://docs.google.com/spreadsheet/ccc?key=0AgWZ02GI9Ay_dG1LYWx6TXRsM3dDaUw2MU0tQnRSQ1E&hl=en_US

Ævar efstur á æfingu.

Ævar Ákason varð efstur á skákæfingu kvöldsins með 4 vinninga af 4 mögulegum. Tefld var ein skák með 25 mín umhugsunartíma á mann og þrjár með 15 mín umhugsunartíma á mann.

Úrslit Kvöldsins:

1.    Ævar Ákason                   4 af 4
2.    Hermann Aðalsteinsson  3
3-6  Sigurbjörn Ásmundsson  2
3-6  Heimir Bessason              2
3-6  Snorri Hallgrímsson         2
3-6  Hlynur Snær Viðarsson    2
7     Sigurgeir Stefánsson       1
8.    Sighvatur Karlsson          0
9.    Viðar Hákonarson            0

Næsta skákæfing verður að viku liðinni.

3. umferð haustmóts SA.

3. umferðin á haustmóti SA var tefld í dag. Jakob Sævar Sigurðsson vann Hauk Jónsson en Sveinn Arnarson tapaði fyrir Jóni Kristni Þorgeirssyni. 

Jakob er með 2 vinninga og Sveinn er með einn vinning. 

sjá nánar á http://www.skakfelag.bolg.is

Haustmót TR. Stephen vann en Tómas tapaði.

8. umferð haustsmóts TR var tefld í dag. Tómas Björnsson tapaði fyrir Guðmundi Kjartanssyni (2314) og er Tómas með 3,5 vinninga í 6. sæti fyrir lokaumferðina. Í lokaumferðinni mætir Tómas Haraldi Baldurssyni (2010)

Stephen Jablon vann Kristján Örn Elíasson (1906) og mætir Degi Ragnarssyni (1761) í lokaumferðinni. Stephen er í 3. sæti í B-flokki með 4,5 vinninga.

Haustmót SA. Sveinn vann og Jakob gerði jafntefli.

2. umferð Haustmóts SA var tefld í kvöld.
Sveinn Arnarson vann Hauk Jónsson og Jakob Sævar gerði jafntefli við Andra Frey Björgvinsson.

Jón Kristinn Þorgeirsson vann Herstein Heiðarsson og Smári Ólafsson og Siguður Arnarson gerðu jafntefli.

Sveinn og Jakob hafa báðir 1 vinninga eftir tvær umferðir.

Heimasíða SA: http://www.skakfelag.bolg.is

Pistill formanns.

Þá er fyrri hluta Íslandsmóts skákfélaga lokið og menn búnir að tefla nægju sína amk. í bili.
Eins og fram hefur komið er Jón Þorvaldsson búinn að gera frammistöðu A-liðs Goðans góð skil eins og honum einum er lagið.  Í þessum pistli verður fjallað um B og C-lið Goðans. 

Annað árið í röð sendir Goðinn þrjú lið til keppni á mótið. B og C-liðin tóku þátt í 4. deild og er staða B-liðsins vænleg eftir fyrri hlutann. Liðið er sem stendur í 4. sæti með 17 vinninga og 6 punkta ásamt Fjölni B.

B-sveitin byrjaðið vel með 4,5- 1,5 sigri á SSON-B í 1. umferð.
Í 2. umferð vann B-liði C-lið Goðans 6-0
Í 3. umferð tapaði B-liði fyrir B-sveit SFÍ 2-4 og 
Í 4. umferð vann B-liðið D-sveit SA 4,5-1,5

Smári Sigurðsson stóð sig best í b-liðinu. Smári landaði 3,5 vinningum í 4 skákum.
Páll Ágúst Jónsson og Stephen Jablon fengu 3 vinninga af 4 mögulegum og Jakob Sævar Sigurðsson fékk 2,5 af 4 mögulegum. Benedikt Þorri Sigurjónsson fékk 2,5 vinninga en hann tefldi eina skák með C-liðinu. Baldur Danílesson kom inn í liðið eftir langa fjarveru og gerði jafntefli í báðum sínum skákum. Tómas Björnsson og Björn Þorsteinsson tefldu eina skák með B-liðinu.

Staða efstu liða í 4. deild. 

Rk.	SNo	Team	Games	+	=	-	TB1	TB2	TB3
1	19	SFí B	4	4	0	0	8	18.5	0
2	21	Mátar B	4	3	1	0	7	16.0	0
3	4	SSA	4	3	0	1	6	17.5	0
4	6	Goðinn B	4	3	0	1	6	17.0	0
5	5	Fjölnir B	4	3	0	1	6	17.0

C-liðinu gekk frekar brösulega í mótinu, en landaði þó naumum sigri geng C-sveit Fjölnis í fyrstu umferð 3,5-2,5. Liðið tapaði hinum þremur viðureignunum, eins og fram hefur komið 0-6 fyrir B-liðinu og svo tapaðist viðureignin við SA-D 2,5-3,5 og við TR-F 2-4.
C-liðið er í næst neðsta sæti í 4. deild, með 2 punkta og 8 vinninga.

Snorri Hallgrímsson og Valur Heiðar Einarsson stóðu sig best í C-liðinu. Báðir lönduðu þeir tveimur vinningum úr fjórum skákum. Hlynur Snær Viðarsson fékk 1,5 vinning úr þremur skákum.
Aðrir liðsmenn C-liðsins voru með innanvið 50% vinningshlutfall. 

Ljóst er að bæði lið eiga talsvert inni fyrir seinni hlutann og eru menn örugglega staðráðnir í því að gera betur á Selfossi í mars 2012.

Mótið á Chess-results:
http://chess-results.com/tnr57498.aspx?art=61&fed=Go%F0inn%20C&lan=1&fedb=NED&flag=30 

Rothögg Goðans geigaði en allt enn hægt !

Pistill um framgöngu A-sveitar Goðans á Íslandsmótinu:

Það iðaði allt af lífi og fjöri í Rimaskóla helgina 7. -9 . okt. Spekingslegir riddarar og óþreyjufullir fótgönguliðar þyrptust að tafli á föstudagskvöldinu í óvenjumiklu hitakófi, unglingarnir prúðu hömuðust við veitingasöluna og húsvörðurinn knái barðist sveittur við að laga loftræstinguna svo að menn féllu ekki í valinn í eiginlegri merkingu. Mitt í öllum hamaganginum héldu Helgi skólastjóri, Gunnar forseti og starfsmenn mótsins sinni stóísku ró og horfðu vökulum augum yfir vígvöllinn. Skemmtilegasta skákmót landsins var hafið enn á ný.

          Gutti, lukkudýr Goðans, fékk ekki inngöngu á skákstað.

Hin vörpulega A-sveit Goðans lagði allt í sölurnar til að tryggja sé vænlega stöðu á toppnum í annarri deild.  Sveitin fór fjarska vel af stað með 5,5-0,5 sigri yfir vaskri B-sveit Hellis. Sigurgangan hélt áfram á laugardeginum með 5,5-0,5 sigri yfir harðskeyttum Akurnesingum og um kvöldið voru kapparnir knáu úr Reykjanesbæ lagðir með 5,0 vinningum gegn 1,0.  Að þremur umferðum loknum var staðan því sú að riddarar Hermanns formanns Aðalsteinssonar voru jafnir aðalkeppinautunum í Víkingasveitinni-Þrótti - A með 16 vinninga. Ljóst að slagurinn á sunnudeginum við vini okkar og erkifjendur, Víkingana, yrði afar harður.

       Sigurður Daði Sigfússon fór fyrir A-sveitinni.

Viðureignin við Víkingasveitina, styrkta með þremur erlendum meisturum og mun stigahærri en sveit Goðans, sýndi vel styrk okkar. Hart var tekist á og stöður almennt torráðnar nema hvað sjentilmennirnir Sigurður Daði Sigfússon og stórmeistarinn Luis Galego sömdu snemma um jafnan hlut. Nokkra athygli vakti að sá síðarnefndi féll í væran svefn fram á borðið að skák lokinni. Voru áhorfendur ekki á eitt sáttir um hvort svefnhöfgi  Portúgalans ætti sér upptök í svæsinni skákþreytu, bráðaofnæmi fyrir íslenskum mat eða hvort bilunin í loftræstingunni leiddi til þess að allt í einu hefðu skapast kjöraðstæður fyrir siestu. Sú gáta er enn óleyst en hitt er víst að Galego hrökk þó að upp að lokum af værum blundi og brá mjög í brún enda hélt hann að hann hefði sofið af sér skákina. Portúgalska ljúfmennið tók þó fljótt gleði sína á ný þegar honum var tjáð að hann hefði landað hálfum vinningi rétt fyrir blundinn, minnugur hins fornkveðna að betri er blundur en blunder. 

       Ásgeir Páll Ásbjörnsson tefldi óaðfinnanlega um helgina.

Á öðru borði mætti best geymda leyndarmál íslensks skáklífs, Ásgeir Páll Ásbjörnsson, hinum öfluga alþjóðlega meistara Williem De-Jong. Skákin var öll logandi í strategískum og taktískum álitamálum en eins og svo oft áður sá Ásgeir dýpra og lengra en andstæðingurinn sem gafst upp í vonlausri stöðu.

                Kristján Eðvarðsson kom sterkur leiks en fann ekki réttu leiðina gegn Magnúsi Erni.

Á þriðja borði áttust þeir við kapparnir Kristján Eðvarðsson og Magnús Örn Úlfarsson. Magnús Örn hafði betur í taktískum skærum og vann vel útfærða skák sannfærandi að lokum. Að skák lokinni kom þó í ljós að Kristján átti fína möguleika hefði hann nýtt tækifærin í miðtaflinu.

                     Einar Hjalti Jensson mentor Goðans.

Á fjórða borði tapaði Einar Hjalti mjög slysalega fyrir stórmeistara kvenna, Biönku Mühren, í léttunnu hrósendatafli, eftir að hafa yfirspilað hana með svörtu og unnið mannskap án mótspils. Einar lét skákdrottinguna hollensku skáka af sér hrókinn en átti þó 12 mínútur eftir á klukkunni á móti einni! Enn eitt dæmið um það þegar menn hugsa svo marga leiki fram í tímann að sýndarstaða kemur upp í huganum í stað hinnar raunverulegu.   

                    Þröstur Árnason hefur engu gleymt.

Á fimmta borði skemmtu Þröstur Árnason og Davíð Kjartansson áhorfendum konunglega með magnaðri átakaskák og voru menn ekki á einu máli lengi framan af hvor stæði betur. Svo fór þó að Þröstur náði afgerandi betri stöðu í lok miðtafls og stóð til vinnings þegar hann lék af sér manni. Staðan var þó enn svo góð hjá Þresti að hann hélt  auðveldlega jafntefli.

                          Hlíðar Þór Hreinsson tefldi í fyrsta skipti fyrir Goðann um helgina.

Á 6. borði bárust friðsemdarmennirnir geðþekku,  Hlíðar Þór Hreinsson og Ólafur B. Þórsson á banaspjót í tvísýnni stöðu sem okkur grunnhyggnum skákunnendum þótti skipta ótt og títt um eigendur. Í lokin var það þó Hlíðar Þór sem átti vinningsmöguleikana með peðasverm á móti biskupi en guðsmaðurinn reyndist jafnoki peðanna í krafti heppilegs hörundslitar. Þá var ekki annað eftir en að takast í hendur og taka upp léttara hjal.

Ástæða er til að þakka Víkingunum fyrir skemmtilega og drengilega viðureign enda ríkir sérstök háspennu-stemning þegar þessar öflugu sveitir læsa saman skoltum.  Ef ekki hefði komið til einskær óheppni Einars Hjalta í kolunninni stöðu á móti Biönku Mühren, hefði Goðinn unnið verðskuldað 3,5 -2,5. Rothöggið geigaði að sönnu en eftir úrslit helgarinnar munar þó aðeins einum vinningi á Goðum og Víkingunum, þannig að því fer fjarri að úrslit í 2. deild 2011- 2012 séu ráðin.

 Og eitt er víst: Lokaumferðirnar á Selfossi verða hreint magnaðar!

 Jón Þorvaldsson, liðsstjóri A-liðs Goðans.

A-sveit Goðans kominn með annan fótinn í 1. deild.

A-sveit Goðans tapaði naumlega fyrir Víkingaklúbbnum A í 4. umferð sem tefld var í dag. Leikar fóru 3,5 -2,5 fyrir Víkingaklúbbnum.  Sigurður Daði gerði jafntefli við stórmeistarann Luis Galego á fyrsta borði. Ásgeir vann glæsilegan sigur með svörtu á De Jong Jan-Willem (2424) og Hlíðar Þór Hreinsson og Þröstur Árnason gerðu jafntefli. Einar Hjalti Jensson og Kristján Eðvarðsson töpuðu sínum skákum fyrir stigahærri andstæðingum. Frábær frammistaða hjá A-liðinu því andstæðingarnir voru stigahærri á öllum borðum.

Rk.	Team	1	2	3	4	5	6	7	8	TB1	TB2	TB3
1	Víkingaklúbburinn A	*	3½	5½	4½				6	19.5	8	0
2	Goðinn A	2½	*			5	5½	5½		18.5	6	0
3	KR A	½		*	4	3	4			11.5	5	0
4	TR B	1½		2	*			4½	3	11.0	3	0
5	SR A		1	3		*	3		3	10.0	3	0
6	TA		½	2		3	*	4		9.5	3	0
7	Hellir B		½		1½		2	*	4	8.0	2	2
8	Haukar A	0			3	3		2	*	8.0	2	0

Víkingaklúbburinn er efstur í 2. deild og hefur eins vinnings forskot á Goðann. Liðin eru langefst í 2. deild og hefur Goðinn 7 vinninga forskot á KR-b í 3. sæti. Margt þarf að fara úrskeiðis til þess að Goðinn vinni ekki sæti í fyrstu deild að ári.

B og C-sveit Goðans áttust við í gær. B-sveitin vann öruggan 6-0 sigur. 

B-sveit Goðans og er í ágætri stöðu í 4. deild. Liðið er í 4. sæti með 6 punkta og 17 vinninga. Þrjú efstu liðin vinna sig upp í 3. deild og eru góðar líkur á að það takist í seinni hlutanum á Selfossi í mars 2012.

Rk.	SNo	Team	Games	+	=	-	TB1	TB2	TB3
1	19	SFí B	4	4	0	0	8	18.5	0
2	21	Mátar B	4	3	1	0	7	16.0	0
3	4	SSA	4	3	0	1	6	17.5	0
4	6	Goðinn B	4	3	0	1	6	17.0	0
5	5	Fjölnir B	4	3	0	1	6	17.0	0
6	13	Bridge-fjelagið	4	3	0	1	6	15.0	0
7	15	UMSB	4	3	0	1	6	13.0	0
8	7	TR C	4	2	1	1	5	15.5	0
9	8	Víkingaklúbburinn - Þróttur C	4	2	0	2	4	13.0	0
10	11	Tf. Mosfellsbæjar	4	2	0	2	4	12.0	0
11	17	Sf. Vinjar B	4	2	0	2	4	11.5	0
12	14	SA D	4	2	0	2	4	11.0	0
13	1	Kórdrengirnir	4	2	0	2	4	10.5	0
14	3	TR F	4	2	0	2	4	7.5	0
15	9	TR D	4	1	1	2	3	11.5	0
16	10	Fjölnir C	4	1	0	3	2	11.0	0
17	18	Hellir Unglingar A	4	1	0	3	2	8.5	0
18	16	SSON B	4	1	0	3	2	8.0	0
19	12	TR E	4	1	0	3	2	8.0	0
20	20	Goðinn C	4	1	0	3	2	8.0	0
21	2	TG C	4	0	1	3	1	6.0	0

C-liðinu gekk frekar illa í mótinu og er sem stendur í næst neðasta sæti með 2 punkta og 8 vinninga.

Pistlar frá liðsstjórum eru væntanlegir á næstu dögum.

Chess-results
http://chess-results.com/tnr57496.aspx?art=0&lan=1&fedb=NED&flag=30

Allar sveitir Goðans unnu í 1. umferð

Allar skáksveitir Goðans unnu í fyrstu umferð á Íslandsmóti skákfélaga í gærkvöld.

C sveitin vann C sveit Fjölnis 3,5 - 2,5. Valur og Snorri unnu sínar skákir, Hlynur, Bjössi og Sighvatur gerðu jafntefli, en Hermann tapaði.

B sveitin vann SSON B 4,5 - 1,5. Páll, Jakob, Smári og Benedikt unnu, Baldur gerði jafntefli, en Stephen tapaði. 

A sveitin vann stóran sigur á B sveit Hellis 5,5  -0,5. Björn, Tómas, Þröstur, Kristján og Sigurður Daði unnu sínar skákir og Einar Hjalti gerði jafntefli.

Chess-results. 2. deild
http://chess-results.com/tnr57496.aspx?art=0&lan=1&flag=30

4. deild
http://chess-results.com/tnr57498.aspx?art=2&rd=2&lan=1&flag=30

Svo skemmtlega vill til að B-sveit Goðans mætir C-sveitinni í 2. umferð í dag.

Tómas og Stephen töpuðu báðir í 5. umferð.

Tómas Björnsson og Stephen Jablon töpuðu báðir sínum skákum í 5. umferð á Haustmót TR sem tefld var í gærkvöld. Tómas tapaði fyrir Jóhanni Ragnarssyni og Stephen fyrir Sigurlaugu Friðþjófsdóttur.

6. umferð verður tefld 14 okt kl 19:30. Þá mætir Tómas Stefáni Bergssyni (2135) og Stephen mætir Inga Tandra Traustasyni (1823)

Sigurbjörn og Snorri unnu sínar skákir.

Síðasta skákæfing fyrir deildó var háð sl. mánudag. Tefldar voru skákir með 90 mín á mann + 30 sek á leik. 
Sigurbjörn vann Hlyn og Snorri vann Val.

Hermann og Heimir gerðu jafntefli.

Næsta skákæfing verður mánudaginn 10 okt.

Stephen Jablon löglegur með Goðanum

Úrskurður mótsstjórnar Íslandsmóts skákfélaga 2011-2012

 

Ár 2011, mánudaginn 3. október, er tekið fyrir mál nr. 1/2011; beiðni Taflfélags Vestmannaeyja (TV) um athugun á lögmæti Stephen Jablon (FIDE-kennitala 2019833 begin_of_the_skype_highlighting              2019833      end_of_the_skype_highlighting) sem keppanda með Skákfélaginu Goðanum (SG) í fyrri hluta Íslandsmóts skákfélaga 2011-2012. Í málinu úrskurða Sverrir Örn Björnsson, Áskell Örn Kárason og Helgi Árnason.

Málavextir og ágreiningsefni:

Framangreint erindi TV barst mótsstjórn með tölvupósti 29. september 2011. Þar segir m.a. svo:

„Taflfélag Vestmannaeyja (TV) fer þess hér með á leit við mótsstjórn Íslandsmóts skákfélaga að hún úrskurði um lögmæti félagaskipta Stephen Jablons (frá USA) í skákfélagið Goðann, laugardaginn 17. september sl. varðandi þátttöku hans með skákfélaginu Goðanum í Íslandsmóti skákfélaga í október nk. þar sem deildar meiningar (ágreiningur) hafa komið fram um það hvenær frestur til tilkynninga skv. 18. gr. skáklaga Skáksambands Íslands rann út í ár.

Þar sem kveðin rök hníga því að því að Stephen sé ekki löglegur og ljóst er að hann mun tefla í sömu deild (4. deild) og sveitir frá TV, taki hann þátt, er brýnt að fá úr þessu skorið enda ólíðandi að þurfa að tefla í andrúmi slíkrar óvissu. Ég fer því fram á að mótsstjórn úrskurði um þetta mál án tafar."

 

Stephen Jablon verður löglegur með Goðanum á Íslandsmóti skákfélaga.

            Með tölvupósti mótsstjórnar 29. september 2011 var lagt fyrir TV að gera nánari grein fyrir ástæðum þess að félagið teldi vafa leika á lögmæti Stephen Jablon til þátttöku með SG í Íslandsmóti skákfélaga 2011.

            Svar barst frá TV með tölvupósti sama dag. Þar segir svo:

„Skáksambandið gaf út sérstaka tilkynningu á Skák.is þar sem fram kom að síðasti dagur fyrir skráningar væri 16. september sbr. eftirfarandi: "Athugið að tilkynningar v. Keppendaskrár Skáksambands Íslands skulu hafa borist SÍ í síðasta lagi 16. september nk. sbr. 18. gr. skáklaga..."

Samkvæmt þessari tilkynningu ættu því þeir sem skráðu sig í félag 17.september að vera ólöglegir. Þar af leiðandi er rétt að úr því sé skorið hvort Stephen Jablon, sem var skráður eftir að útgefinn skráningarfrestur rann út, er ólöglegur eður ei.

Það eru fordæmi fyrir því að menn hafi verið dæmdir ólöglegir vegna þess að þeir hafa verið skráðir í félag eftir að skráningarfresturinn rann út og í því sambandi ber kannski Dreev málið hæst. Það verður því áhugavert að sjá hvort hin háæruverðuga mótsstjórn er sama sinnis nú og hún var í því máli."

Með tölvupósti mótsstjórnar 29. september 2011 var formanni SG með vísan til 20. gr. skáklaga Skáksambands Íslands (SÍ) gefinn kostur á að koma á framfæri athugasemdum í tilefni af beiðni TV.

            Svar barst frá SG með tölvupósti sama dag. Þar segir svo:

„Við hjá skákfélaginu Goðanum teljum að Stephen sé löglegur með Goðanum í keppninni enda hljóti lög og reglur Skáksambandsins gilda og löglega gefinn frestur hafi sannanlega ekki verið runninn út þegar hann var skráður í Goðann."

Niðurstaða:

Eins og fram kemur í málavaxtalýsingu hér að framan lýtur ágreiningur í máli þessu eingöngu að því hvort tilkynning um skráningu Stephen Jablon í Skákfélagið Goðann, sbr. 2. gr. reglugerðar um Keppendaskrá Skáksambandsins, hafi verið send Skáksambandi Íslands innan lögmælts 20 daga frests samkvæmt 2. mgr. 18. gr. skáklaga Skáksambands Íslands. Af hálfu Skákfélagsins Goðans er talið að tilkynningin hafi verið send innan frestsins. Af hálfu Taflfélags Vestmannaeyja er hins vegar litið svo á að vafi leiki á því og þar með lögmæti Stephen Jablon til þátttöku í Íslandsmóti skákfélaga. Ekki er því haldið fram í málinu að aðrar ástæður en hér greinir kunni að leiða til ólögmætis Stephen til þátttöku í mótinu.

            Samkvæmt 1. mgr. 18. gr. skáklaga Skáksambands Íslands teljast aðeins þeir sem eru í Keppendaskrá SÍ löglegir með viðkomandi félagi í Íslandsmóti skákfélaga (fyrri og seinni hluta). Þó eru þeir skákmenn sem eru án skákstiga og án félags undanþegnir því að þurfa að vera í Keppendaskránni. Fyrir liggur að þessi undantekning á ekki við um Stephen Jablon sem er skráður með 1965 alþjóðleg skákstig á stigalista Alþjóðaskáksambandsins (FIDE).

            Í 2. gr. reglugerðar um Keppendaskrá Skáksambandsins kemur fram að skipti skákmaður um félag, nýskráist í það eða hættir í því skal hann tilkynna SÍ það á þar til gerðu eyðublaði. Samkvæmt 2. mgr. 18. gr. skáklaga skal tilkynning skákmanns samkvæmt 2. gr. reglugerðar um Keppendaskrá Skáksambandsins hafa verið send 20 dögum fyrir upphaf fyrri hluta Íslandsmóts skákfélaga ella getur hann ekki teflt fyrir sitt nýja félag í því.

            Við skýringu á frestákvæði 2. mgr. 18. gr. skáklaga þykir bera að hafa hliðsjón af viðtekinni túlkun hliðstæðra ákvæða í öðrum lögum um fresti sem taldir eru í dögum. Er þá jafnan miðað við að sá dagur, sem frestur er talinn frá, teljist ekki með innan frestsins. Fyrsti dagur við talningu frests er því sá dagur sem kemur á eftir eða eftir atvikum á undan þeim degi sem fresturinn er reiknaður frá. Þessa skýringarreglu er nú m.a. að finna í 1. mgr. 8. gr. stjórnsýslulaga nr. 37/1993 sem hér má hafa til hliðsjónar. Þá standa rík hallkvæmnisrök til þess, þegar svo stendur á að frestir eru taldir í heilum dögum en upphaf þeirra markast af atvikum innan dags, eins og hér á við, að miða frestlok allt að einu við lok dags, þ.e. miðnætti á síðasta degi frests.

Fyrri hluti Íslandsmóts skákfélaga 2011-2012 hefst í Rimaskóla föstudaginn 7. október 2011. Óumdeilt er í málinu að tilkynning um skráningu Stephen Jablon í Skákfélagið Goðann var send SÍ laugardaginn 17. september 2011, nánar tiltekið kl. 19:56:03 eftir því sem næst verður komist. Samkvæmt þessu var tilkynningin send SÍ innan lögmælts 20 daga frests samkvæmt 2. mgr. 18. gr. skáklaga, enda rann fresturinn ekki út fyrr en á miðnætti sama dag. Stephen Jablon telst því löglegur keppandi með Skákfélaginu Goðanum í fyrri hluta Íslandsmóts skákfélaga 2011-2012.

 

Ú r s k u r ð a r o r ð :

 

            Stephen Jablon (FIDE-kennitala 2019833 begin_of_the_skype_highlighting              2019833      end_of_the_skype_highlighting) telst löglegur keppandi Skákfélagsins Goðans í fyrri hluta Íslandsmóts skákfélaga 2011-2012.

Um málskot:

Úrskurði þessum má skjóta til Dómstóls SÍ. Kærufrestur er þrír sólarhringar frá upphafi þeirrar umferðar sem keppandi var á meðal þátttakenda.

Jakob og Sveinn taka þá í Haustmóti SA.

Haustmót SA hófst í dag. Tveir keppendur frá Goðanum taka þátt í mótinu.
Jakob Sævar Sigurðsson gerði jafntefli við Sigurð Arnarsson í 1 umferð en Sveinn Arnarson tapaði fyrir Andra Frey Björgvinssyni.

 

 

 

 

 

 

 

 

 

 

Alls taka 8 keppendur þátt í mótinu og tefla allir við alla. 2. umferð verður tefld að loknum fyrri hluta íslandsmóts skákfélaga 14. okt.

Tómas með jafntefli og Stephen með sigur á Haustmóti TR.

Tómas Björnsson gerði jafntefli við Björn Jónsson (2045) í 4. umferð Haustmóts TR sem tefld var í dag. Tómas Er í 3-4 sæti í A-flokknum með 2,5 vinninga.
Stephen Jablon vann Örn Leo Jóhannsson (1931) í B-flokknum og er efstur í B-flokknum ásamt Degi Ragnarssyni með 3,5 vinninga. 

5. umferð verður tefld á miðvikudag kl 19:30. 

• Heimasíða mótsins
• Beinar útsendingar
• Chess-Results

 

Staða efstu manna í A-flokknum:

Rk.		Name	RtgI	RtgN	Club/City	Pts.
1		Ragnarsson Johann	2068	2057	TG	3
2	IM	Kjartansson Gudmundur	2314	2316	TR	3
3	FM	Bjornsson Tomas	2162	2147	Goðinn	2,5
4	FM	Kjartansson David	2291	2266	Víkingaklúbburinn	2,5

Haustmót TR. Stephen vann í 2. umferð.

Stephen Jablon (1965) nýjasti liðsmaður Goðans, vann Atla Antonsson (1862) í 2. umferð haustmóts TR í fyrradag. Skák Tómasar Björnssonar við Þorvarð Fannar Ólafsson (2174) var frestað. Ritstjóri hefur ekki upplýsingar um hvenær hún verður tefld.

             Stephen Jablon. Mynd af skák.is

3. umferð verður tefld í kvöld. Þá mætir Tómas þór Valtýssyni (2041) og Stephen mætir Mikael J Karlssyni (1855) . 

Bein útsending er frá mótinu og ma. skák Tómasar hér: Útsendingin

Smári, Sigurbjörn og Hermann unnu sínar skákir

Smári Sigurðsson, Sigurbjörn Ásmundsson og Hermann Aðalsteinsson unnu sínar skákir á skákæfingu sem fram fór sl. mánudagskvöld. Heimir Bessason og Sighvatur Karlsson gerðu jafntefli. Tefld var ein skák á mann og var umhugsunartíminn 60 mín á mann.

Smári Sigurðsson         -       Valur Heiðar Einarsson         1 - 0
Hlynur Snær Viðarsson -      Sigurbjörn Ásmundsson        0 - 1
Snorri Hallgrímsson      -      Hermann Aðalsteinsson         0 - 1
Heimir Bessason          -       Sighvatur Karlsson             1/2 - 1/2

Nk. mánudagskvöld verður lokaæfing fyrir deildarkeppnina. Þá verður tefld ein skák á mann og verður umhugsunartíminn 90 mín+30 sek/leik

Haustmót TR. Tómas vann Davíð Kjartanss í fyrstu umferð.

Haustmót TR hófst í dag í Reykjavík. Tveir keppendur frá Goðanum taka þátt í mótinu og unnu þeir báðir sínar skákir. Tómas Björnsson tefldi slavneska vörn gegn hinum öfluga liðsmanni Víkingaklúbbsins, Davíð Kjartanssyni. Eftir jafnt tafl út úr byrjuninni fór Tómas að finna smáveilur í stöðu hvíts og gekk á lagið. Skærurnar leiddu að lokum til þess að Tómas vann skiptamun og hvítur gafst upp í 42 leik. Þessi sigur var dæmigeður fyrir Tómas sem er alltaf stóhættulegur þegar hann nær að hrifsa til sín frumkvæðið. Tómas verður með hvítt gegn Þorvarði Fannari Ólafssyni í annari umferð sem verður tefld á miðvikudag. 

                          Tómas Björnsson. 

Hinn nýi liðsmaður Goðans, Stephen Jablon, (USA) atti kappi við hinn margreynda skákmann, Sigurjón Haraldsson, með hvítu. Stephen tefldi hvasst afbrigði gegn hollenskri vörn Sigurjóns, var alltaf skrefinu á undan og svo fór að að lokum að svartur var mátaður í 32. leik. Sannfærandi innreið Stephen í íslenskt skáklíf. Stephen verður með svart gegn Atla Antonssyni (1862) í annari umferð. JÞ.

• Heimasíða mótsins
• Beinar útsendingar
• Chess-Results