Skákfélagið Goðinn og 641.is í eina sæng.

Veffréttasíðan 641.is, sem segir fréttir úr Suður-Þingeyjarsýslu, hefur gert samkomulag við skákélagið Goðann um að styrkja félagið.

 

                                    641.is

Skákfélagið Goðinn yfirtekur rekstur 641.is, en fyrir þá sem ekki vita að þá er formaður Goðans, Hermann Aðalsteinsson, einnig stofnandi og vefstjóri 641.is.
Það voru því hæg heimatökin þegar Hermann formaður skákfélagsins Goðans og Hermann vefstjóri 641.is gerðu með sér framangreint samkomulag. 

641.is vefurinn hefur verið starfræktur í tvö og hálft ár og hefur fengið góðar móttökur í héraði. Á milli 3 og 400 gestir heimsækja 641.is daglega og flettinga fjöldinn er óðum að nálgast 200.000.

Sjá hér: http://www.641.is

Ritstjóri hvetur félagsmenn til að kíkja reglulega inn á 641.is

Stigamót Hellis. Einar Hjalti Jensson meðal þátttakenda.

Stigamót Hellis hefst annað kvöld kl 19:30 með 4 atskákum. Okkar maður, Einar Hjalti Jensson, er skráður til keppni.

                           Einar Hjalti Jensson.

Nú tæpum tveimur sólarhringum fyrir mót hafa 20 keppendur skráð sig til leiks og er Einar Hjalti næst stigahæstur. Fylgst verður með gengi Einars hér á síðunni.

Sumarskákmót Goðans í Vaglaskógi 24 júní.

Sumarskákmót Goðans verður haldið við verslunina í Vaglaskógi föstudaginn 24 júní og hefst það kl 21.00. Mótið er útiskákmót og verður teflt á pallinum framan við verslunina.
Verslunin verður opin þetta kvöld og geta keppendur fengið sér mæru og drykk á meðan mótið stendur yfir.
Líkleg tímamörk verða 5-7 mín á mann og líklegt er að umferðirnar verði ekki fleiri en 11.

Við bjóðum nágrönnum okkar í SA velkomna yfir í Vaglaskóg til þátttöku í mótinu, en ekkert mótsgjald er og engin verðlaun verða veitt. Mótið er einungis til gamans og væntir stjórn Goðans þess að félagsmenn fjölmenni til keppni og vonandi geta Akureyringar litið við í einni af perlum okkar Þingeyinga sem Vaglagskógur er svo sannarlega.

                         Gamla bogabrúin yfir Fnjóská.

Að afloknu móti er ætlunin að taka hópmynd af keppendum á gömlu bogabrúnni yfir Fnjóská í tilefni dagsins en bogabrú þessi var, samkvæmt öruggum heimildum, ein elsta og ef ekki stærsta brú slíkrar gerðar á norðurlöndunum þegar hún var byggð. Er því um frekar merkilegt mannvirki að ræða. 

Mótið verður auglýst nánar þegar nær dregur.

Íslandsmót skákfélaga verður 7-9 október.

Fyrri hluti Íslandsmóts skákfélaga fer fram 7-9 október nk.
Seinni hlutinn verður svo 2-3 mars 2012.

Félagsmenn eru hvattir til þess að taka þessar helgar frá.

Akhressir öðlingar - pistill um Öðlingamótið 2011.

Hið árlega Öðlingamót TR er ekki síst merkilegt fyrir þær sakir hve marga síðþroska kolbíta það dregur úr öskustónni og teygir að taflborðinu. Hér er að sjálfsögðu átt við þá mætu skákunnendur sem halda sig löngum til hlés, lítt virkir eða óvirkir með öllu, en líta á  mót þetta sem gagnveg til uppvakningar, jafnvel uppljómunar á hvítum reitum og svörtum. Öðlingamótið hefur þann stóra kost að aðeins er teflt einu sinni í viku, þannig að þeir sem njörvaðir eru niður við dagleg störf hafa svigrúm til að taka þátt.

 

                             Jón Þorvaldsson.

Skákmenn leyna á sér 

Nýafstaðið Öðlingamót, sem reyndar var 20 ára afmælismót þessa árlega viðburðar, hafði flest til að bera sem prýða má skemmtileg skákmót. Þátttaka var góð, fjörutíu sprækir skákmenn, margir hverjir afar öflugir, en aðrir ekki síður skeinuhættir sjálfum sér en andstæðingnum, tókust á af snerpu. Þó að hart væri barist er skemmtilegt samneyti, spjall og spaug snar þáttur í vinsældum mótsins. Skákmenn eru nefnilega miklu viðræðusleipari og spaugsamari en margur hyggur þegar þeir hrista af sér stríðshaminn og trans einbeitingar að skák lokinni.  

Baneitruð framrás og seigdrepandi sóknarþungi

Svo skemmtilega vildi til að fjórir fulltrúar Goðans tóku þátt að þessu sinni: Björn Þorsteinsson, tvöfaldur Íslandsmeistari, Siglfirðingarnir knáu, Páll Ágúst Jónsson og Sigurður Jón Gunnarsson, og undirrituður. Allir stóðu vel fyrir sínu og hækka á stigum, ekki síst Páll Ágúst sem var taplaus fram í síðustu umferð. Af einstökum viðureignum okkar manna má nefna sigurskák Björns Þorsteinssonar gegn Jóhanni Ragnarssyni þar sem vel tímasett framrás peða í miðtafli reyndist baneitruð; jafntefli Páls Ágústs gegn Braga Halldórssyni þar sem Páll varðist seigdrepandi sóknarþunga Braga með líkamlegu þoli,  útsjónarsemi og æðruleysi; og síðast en ekki síst öruggt jafntefli Sigurðar Jóns með svörtu gegn Halldóri Pálssyni sem stóð sig afar vel í áskorendaflokki Íslandsmótsins 2011. Keppinautar undirritaðs um efsta sætið í lokin, Þorsteinn Þorsteinsson og Kristján Guðmundsson, gáfu fá færi á sér enda báðir moldsterkir og hafa marga fjöruna sopið með gyðjunni Caissu. Þorsteini óskum við til hamingju með sigurinn.  

Gjöf til Ólafs frá Goðanum

Mótsstjórn var í öruggum höndum skákstjórans geðþekka, Ólafs Ásgrímssonar, sem jafnframt er hugmyndasmiður viðburðar þessa. Í tilefni 20 ára afmælis mótsins færði Goðinn Ólafi veglega kræsingakörfu að gjöf, sem Birna, kona hans tók við fyrir hönd eiginmanns síns í veikindum hans. Voru Ólafi færðar bestu þakkir fyrir fórnfýsi, alúð og mikilvægt framlag til íslenskrar skákmenningar og tóku keppendur á lokakvöldi móstins heilshugar undir góðar kveðjur til Ólafs með ósk um skjótan bata.

Öðlingamótin verði tvö á ári

Vert er að þakka forvígismönnum Taflfélags Reykjavíkur fyrir að ljá mótinu góða umgjörð í vistlegum salarkynnum sínum. Kristján Guðmundsson stakk upp á því við verðlaunaafhendingu mótsins að Öðlingamótin yrðu framvegis tvö á ári enda væri ljóst af sívaxandi þátttöku að verið væri að koma til móts við hann og fleiri skákmenn sem hentar best að tefla einu sinni í viku. Tók Sigurlaug, formaður TR vel í áskorun Kristjáns og taldi vel koma til greina að halda Vetrarmót öðlinga í okt./nóv ásamt Vormóti Öðlinga í apríl/maí. Var gerður mjög góður rómur að þessari hugmynd sem vonandi verður að veruleika. Það er von okkar Goðamanna að þetta ágæta framtak Ólafs og TR megi dafna um langa framtíð. 

Við Goðamenn stefnum að minnsta kosti að myndarlegri þátttöku á næsta móti sem vonandi verður síðar á þessu ári. 

                             Jón Þorvaldsson. 

Jón Þorvaldsson - Bjarni Hjartarson

Stórmeistarinn Helgi Ólafsson gerði skák Jóns Þorvaldssonar og Bjarna Hjartarsonar skil í skákþætti Morgunblaðsins um sl. helgi, þar sem hann fjallar um ný afstaðið Öðlingamót.

Um skákina skrifar Helgi:

"Frammistaða Jóns Þorvaldssonar kemur mest á óvart, einkum þegar horft er til þess að hann hefur ekki teflt á opinberu móti í meira en 30 ár. Í eftirfarandi skák brenndi hann flestar brýr að baki sér í miðtaflinu og lagði upp í sóknarleiðangur sem enginn vissi hvaða enda myndi taka".

Skákin er birt hér fyrir neðan:

[Event "Öðlingamótið 2011"] [Site "?"] [Date "2011.05.03"] [Round "5"] [White "Thorvaldsson, Jón"] [Black "Hjartarson, Bjarni"] [Result "1-0"] [ECO "A67"] [WhiteElo "2045"] [BlackElo "2080"] [PlyCount "77"] [EventDate "2011.05.12"] [SourceDate "2011.05.15"] 1. d4 Nf6 2. c4 e6 3. Nc3 c5 4. d5 exd5 5. cxd5 d6 6. e4 g6 7. f4 Bg7 8. Bb5+ Nfd7 9. a4 O-O 10. Nf3 Na6 11. O-O Nb4 12. Be3 Nf6 13. h3 a6 14. Bd3 b6 15. Qd2 Bb7 16. Rad1 Re8 17. Bb1 Ra7 18. Bf2 Nd7 19. Bg3 b5 20. Rfe1 bxa4 21. Ng5 Nb6 22. Bf2 Nc4 23. Qe2 Nb6 24. Qg4 a3 25. e5 axb2 26. Nce4 dxe5 27. Nxc5 Bxd5 28. f5 a5 29. Nxh7 Kxh7 30. fxg6+ Kg8 31. Qh5 f6 32. Ne4 Na6 33. Rxd5 Qxd5 34. Qh7+ Kf8 35. Nxf6 Bxf6 36. Qxa7 Ra8 37. Qxb6 Bd8 38. Qxb2 Bf6 39. Be4 1-0

Gengið frá skákkennslusamning við Norðurþing í gær.

Í gær var undirritaður samningur skákfélagsins Goðans við sveitarfélagið Norðurþing um skákkennslu í grunnskólum Norðurþings (Húsavík, Kópasker, Raufarhöfn). Samningurinn er til tveggja ára. Raunar hófst skákkennsla, á grundvelli samningsins sem var undirritaður í gær, í febrúar sl. og er hún í umsjá Smára Sigurðssonar, sem kennir lengra komnum nemendum og Hermanns Aðalsteinssonar sem sér um byrjendur. Skákkennslan fer fram í sal Framsýnar-stéttarfélags.

Frá skákmóti 2009

Það var formaður skákfélagsins Goðans, Hermann Aðalsteinsson sem skrifaði undir samninginn fyrir hönd Goðans og Jóhann Rúnar Pálsson æskulýðsfulltrúi Norðurþings sem skrifaði undir hann fyrir hönd Norðurþings.

Skákkennslunni lýkur þetta vorið nk. miðvikudag, en skákkennslan hefst aftur með komandi hausti.

Jón vann Gylfa í síðustu umferð og endaði í 1-3 sæti á Öðlingamótinu.

Jón þorvaldsson vann Gylfa Þórhallsson í hörku skák sem sýnd var beint á netinu nú í kvöld. Jón skákaði drottningu Gylfa af í endataflinu og þá gaf Gylfi skákina.
(Hægt er að skoða skákina hér fyrir neðan) Með þessum sigri tryggði Jón sér 3. sætið á mótinu með 5,5 vinninga. þorsteinn Þorsteinsson tryggði sér efsta sætið á stigum með því að leggja okkar mann, Pál Ágúst Jónsson og Björn Þorsteinsson tapaði sinni skák gegn Kristjáni Guðmundssyni. Þessar viðureignir voru allar sýndar beint á netinu.
Sigurður Jón Gunnarsson gerði jafntefli gegn Halldóri Garðarssyni. Allir keppendur frá Goðanum stóðu sig með stakri prýði og náðu allir meira en 50% árangri í mótinu.

Björn endaði í 6. sæti með 4,5 vinninga
Páll Ágúst varð í 13. sæti með 4 vinninga og
Sigurður Jón varð í 17. sæti með 4 vinninga

Lokastaðan:

Rk.		Name	FED	Rtg	Club/City	Pts.	TB1	TB2	TB3
1	FM	Thorsteinsson Thorsteinn	ISL	2220	TR	5.5	30.5	22.5	22.50
2		Gudmundsson Kristjan	ISL	2275	TV	5.5	30.0	22.0	22.50
3		Thorvaldsson Jon	ISL	2045	Godinn	5.5	28.5	20.5	21.50
4		Hjartarson Bjarni	ISL	2078		5.0	28.0	19.5	18.50
5		Gunnarsson Gunnar K	ISL	2221	KR	4.5	31.5	23.0	19.00
6		Thorsteinsson Bjorn	ISL	2213	Godinn	4.5	31.0	22.5	17.75
7		Halldorsson Bragi	ISL	2194	Hellir	4.5	28.5	20.5	17.50
8		Valtysson Thor	ISL	2043	SA	4.5	27.5	19.0	15.50
9		Thorhallsson Gylfi	ISL	2200	SA	4.5	26.5	18.5	14.75
10		Loftsson Hrafn	ISL	2220	TR	4.5	23.5	16.5	15.00
11		Eliasson Kristjan Orn	ISL	1947	SFÍ	4.5	23.0	17.0	11.50
12		Ingvarsson Kjartan	ISL	1720		4.5	22.0	15.0	14.00
13		Jonsson Pall Agust	ISL	1895	Godinn	4.0	29.0	21.5	14.25
14		Bjornsson Eirikur K	ISL	2059	TR	4.0	27.5	19.5	15.25
15		Gardarsson Halldor	ISL	1945		4.0	26.0	19.5	14.00
16		Baldursson Haraldur	ISL	2020	Vikingak	4.0	21.0	14.5	10.00
17		Gunnarsson Sigurdur Jon	ISL	1825	Godinn	4.0	20.5	15.0	9.75
18		Ragnarsson Johann	ISL	2089	TG	3.5	28.0	21.0	11.00
19		Sigurdsson Pall	ISL	1929	TG	3.5	26.5	19.5	12.00
20		Fridthjofsdottir Sigurl Regin	ISL	1808	TR	3.5	26.5	19.0	10.25
21		Palsson Halldor	ISL	1966	TR	3.5	25.5	18.5	11.00
22		Bjornsson Yngvi	ISL	0		3.5	24.5	17.5	9.75
23		Gudmundsson Sveinbjorn G	ISL	1650	SR	3.5	22.5	15.5	9.25
24		Jonsson Pall G	ISL	1735	KR	3.5	22.0	15.0	8.75
25		Isolfsson Eggert	ISL	1830		3.0	27.0	19.5	10.00
26		Kristinsdottir Aslaug	ISL	2033	TR	3.0	24.0	17.0	9.50
27		Jonsson Sigurdur H	ISL	1860	SR	3.0	24.0	17.0	8.50
28		Thrainsson Birgir Rafn	ISL	1704		3.0	23.0	16.0	6.00
29		Jonsson Olafur Gisli	ISL	1842	KR	3.0	22.5	16.0	6.00
30		Jonsson Loftur H	ISL	1581	SR	3.0	21.5	15.5	9.25
31		Schmidhauser Ulrich	ISL	1395	TR	3.0	17.5	12.5	6.00
32		Ragnarsson Hermann	ISL	1985	TR	2.5	28.0	19.5	9.25
33		Johannesson Petur	ISL	1085	TR	2.5	14.5	10.0	4.50
34		Olsen Agnar	ISL	1850	SR	2.0	28.0	19.5	8.00
35		Solmundarson Kari	ISL	1855	TV	2.0	23.0	16.5	4.00
36		Hermannsson Ragnar	ISL	0	Fjolnir	2.0	20.5	15.5	3.50
37		Hreinsson Kristjan	ISL	1792	KR	2.0	19.5	14.0	3.50
38		Adalsteinsson Birgir	ISL	1360	TR	1.5	17.5	12.5	2.00
		Kristbergsson Bjorgvin	ISL	1125	TR	1.5	17.5	12.5	2.00
40		Eliasson Jon Steinn	ISL	1465	KR	1.0	21.0	15.0	2.00

 

Mótið á chess-results:
http://chess-results.com/tnr46610.aspx?art=1&rd=7&lan=1&wi=1000

[Event "Öðlingamótið 2011"] [Site "?"] [Date "2011.05.11"] [Round "7"] [White "Thorvaldsson, Jón"] [Black "Thórhallsson, Gylfi"] [Result "1-0"] [ECO "C01"] [WhiteElo "2045"] [BlackElo "2145"] [PlyCount "119"] [EventDate "2011.05.12"] [SourceDate "2011.05.12"] 1. e4 e6 2. d4 d5 3. exd5 exd5 4. Bf4 Ne7 5. Nf3 Ng6 6. Bg3 Bd6 7. Bb5+ c6 8. Bd3 O-O 9. Bxg6 Re8+ 10. Ne5 hxg6 11. O-O Bf5 12. Nc3 Na6 13. Nd3 Bxg3 14. hxg3 Qb6 15. Ne2 Re7 16. Rb1 Rae8 17. Re1 Nc7 18. Nc5 Nb5 19. Kf1 Nd6 20. b3 Bg4 21. f3 Nf5 22. Kf2 Ne3 23. Qd2 Bf5 24. Rbc1 Qc7 25. Nd3 f6 26. Ng1 g5 27. Re2 Bg6 28. Rce1 Nf5 29. f4 Nxd4 30. Rxe7 Rxe7 31. Rxe7 Qxe7 32. fxg5 fxg5 33. Nf3 Qf6 34. c3 Nb5 35. Nde5 Nd6 36. Qe3 g4 37. Nxg4 Qf5 38. Nge5 Ne4+ 39. Kg1 Nxg3 40. Nxg6 Qxg6 41. Qxa7 Qb1+ 42. Kf2 Ne4+ 43. Ke3 Qc1+ 44. Ke2 Qc2+ 45. Ke1 Qxc3+ 46. Ke2 Qc2+ 47. Ke1 Qxg2 48. Qb8+ Kh7 49. Qf8 Qf2+ 50. Kd1 Nc3+ 51. Kc1 Ne2+ 52. Kd1 Nc3+ 53. Kc1 Nxa2+ 54. Kb1 Nc3+ 55. Kc1 Qe3+ 56. Kc2 Ne4 57. Qf5+ Kh6 58. Qh3+ Kg6 59. Ne5+ Kf6 60. Ng4+ 1-0

Okkar menn í beinni í kvöld

Lokaumferðin á Öðlingamótinu er nú í gangi. Þegar þetta er skrifað er Páll Ágúst Jónsson búinn að tapa fyrir Þorsteini þorsteinssyni , en skákir Björns og Jóns eru í fullum gangi. Sjá hér fyrir neðan:
 

·         Heimasíða mótsins

·         Chess-Results

·         Beinar útsendingar

Pörun síðustu umferð Öðlingamótsins.

Þá liggur fyrir pöruní síðustu umferð Öðlingamótsins sem tefld verður nk. miðvikudagskvöld.
Björn verður með svart gegn Kristjáni Guðmundssyni, Jón verður með hvítt gegn Gylfa Þórhallssyni, Páll verður með hvítt gegn Þorsteini Þorsteinssyni og Sigurður Jón verður einnig með hvítt gegn Halldóri Garðarssyni.
Björn og Jón eiga ágæta möguleika á að vinna mótið vinni þeir sínar skákir í lokaumferðinni.

Til gamans má geta þess að í sunnudagsblaði Morgunblaðsins (8. maí) er skák Jóns Þorvaldssonar við Bjarna Hjartarson úr 5. umferð gerð skil af Helga Ólafssyni, en Jón vann þá skák með glæsibrag. Eftir því sem best er vitað er þetta fyrsta skák, sem einhver liðsmaður Goðans hefur teflt, sem birtist í Morgunblaðinu.

Pörun síðustu umferðar:

Bo.	No.		Name	Pts.	Result	Pts.		Name	No.
1	1		Gudmundsson Kristjan	4½		4½		Thorsteinsson Bjorn	5
2	11		Thorvaldsson Jon	4½		4½		Thorhallsson Gylfi	6
3	20		Jonsson Pall Agust	4		4½	FM	Thorsteinsson Thorsteinn	3
4	4		Loftsson Hrafn	4		4		Halldorsson Bragi	7
5	8		Ragnarsson Johann	3½		4		Hjartarson Bjarni	9
6	19		Sigurdsson Pall	3½		3½		Valtysson Thor	12
7	30		Ingvarsson Kjartan	3½		3½		Palsson Halldor	16
8	17		Eliasson Kristjan Orn	3½		3½		Bjornsson Yngvi	39
9	26		Gunnarsson Sigurdur Jon	3½		3½		Gardarsson Halldor	18
10	24		Jonsson Olafur Gisli	3		3		Bjornsson Eirikur K	10
11	14		Baldursson Haraldur	3		3		Kristinsdottir Aslaug	13
12	29		Jonsson Pall G	2½		3		Isolfsson Eggert	25
13	32		Gudmundsson Sveinbjorn G	2½		2½		Ragnarsson Hermann	15
14	35		Schmidhauser Ulrich	2½		2½		Jonsson Sigurdur H	21
15	27		Fridthjofsdottir Sigurl Regin	2½		2		Solmundarson Kari	22
16	33		Jonsson Loftur H	2		2		Olsen Agnar	23
17	31		Thrainsson Birgir Rafn	2		1		Eliasson Jon Steinn	34
18	37		Kristbergsson Bjorgvin	1½		1		Hreinsson Kristjan	28
19	38		Johannesson Petur	1		1½		Hermannsson Ragnar	40
20	36		Adalsteinsson Birgir	½	1			bye
21	2		Gunnarsson Gunnar K	4½	0			not paired