Smári Sigurðsson héraðsmeistari HSÞ 2011

Smári Sigurðsson varð í kvöld Héraðsmeistari HSÞ í skák 2011. Smári fékk 6 vinninga af 7 mögulegum. Smári gerði jafntefli við Pétur Gíslason og Benedikt Þór Jóhannsson. Aðrar skákir vann Smári. Rúnar Ísleifsson varð í öðru sæti með 5,5 vinninga og Pétur Gíslason varð í þriðja sæti með 5 vinninga. Tefldar voru 7 umferðir eftir monrad-kerfi og var umhugsunartíminn 10 mín + 5 sek/á leik. Góð frammistaða Snorra Hallgrímssonar og Benedikts Þór Jóhannssonar vakti athygli og voru þeir að vinna marga góða sigra gegn stigahærri andstæðingum á mótinu. 

             Smári Sigurðsson héraðsmeistari HSÞ 2011. 

Lokastaðan:

1      Smári Sigurðsson               6        21.0  28.5   25.5
2      Rúnar Ísleifsson                 5.5      20.5  27.5   21.5
3      Pétur Gíslason                    5        20.5  27.5   20.5
4-5   Snorri Hallgrímsson            4.5      20.5  27.5   17.5
         Benedikt Þór Jóhannsson  4.5      18.0  25.0   17.5
6       Hermann Aðalsteinsson     4        18.0  25.0   16.0
7       Heimir Bessason                3.5      17.5  24.0   13.5
8       Ævar Ákason                      3        17.5  24.5   13.0
9-10  Ármann Olgeirsson            2        15.0  22.0   10.0
          Valur Heiðar Einarsson      2        14.0  19.5    8.0
11-12 Sigurbjörn Ásmundson      1        15.5  22.0    1.0
          Hlynur Snær Viðarsson      1        15.0  21.0    4.0

Skrár tengdar þessari bloggfærslu:

• HSÞ 2011

Öðlingamótið. Jón, Björn og Páll unnu.

Björn Þorsteinsson, Jón Þorvaldsson, Páll Ágúst Jónsson og Sigurður Jón Gunnarsson hófu Keppni á öðlingamótinu (40 ára og eldri) í skák sem hófst í gærkvöldi í Reykjavík.  Björn, Jón og Páll unnu sínar skákir gegn stigalægri andstæðingum en Sigurður Jón tapaði fyrir Braga Halldórssyni (2194) en Bragi er sjöundi stigahæsti keppandinn á mótinu og núverandi öðlingmeistari.

Alls taka 40 keppendur þátt í mótinu. Ekki er búið að para í næstu umferð því tveimur skákum var frestað í gær. Pörun í 2. umferð verður birt um leið og hún liggur fyrir. Tefldar verða sjö umferðir einu sinni í viku og mótinu lýkur ekki fyrr en 11. maí.

Björn Þorsteinsson er 5 stigahæsti keppandinn á mótinu og Jón þorvaldsson er 11. stigahæstur.

Sjá nánar um mótið á chess-results
http://chess-results.com/tnr46610.aspx?art=4&lan=1&fed=ISL&m=-1&wi=1000

Héraðsmót HSÞ 2011

Héraðsmót HSÞ í skák fyrir 17 ára og eldri, verður haldið nk. mánudagskvöld kl 20:00 í Litlulaugaskóla.
Tefldar verða 7-9 umferðir eftir monrad-kerfi og fer umferðafjöldinn eftir keppendafjölda. 
Tímamörk verða 10 mín á mann með 5 sek viðbótartíma á hvern leik. (10 mín +5 sek/leik)

Mótið er öllu skákáhugafólki opið.
Skráning í mótið fer fram hér til vinstri á heimasíðunni á sérstöku skráningarformi. Einnig er hægt að skrá sig til leiks hjá Hermanni í síma 4643187 eða 8213187
Þátttökugjald er krónur 500

Núverandi héraðsmeistari HSÞ í skák er Rúnar Ísleifsson

Sigurvegarar undanfarinna ára:

2006   Pétur Gíslason
2007   Smári Sigurðsson
2008   Rúnar Ísleifsson
2009   Smári Sigurðsson
2010   Rúnar Ísleifsson
2011   ?

Öðlingamótið hefst í kvöld. Jón, Björn, Páll og Sigurður meðal keppenda.

Skákmót öðlinga 40 ára og eldri hefst í kvöld kl. 19.30 í félagsheimili T.R. að Faxafeni 12. Reykjavík.  Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.  Okkar menn, Jón þorvaldsson, Björn Þorsteinsson, Páll Ágúst Jónsson og Sigurður Jón Gunnarsson höfðu skráð sig til leiks síðdegis í dag ásamt um 30 öðrum skákmönnum.

Að sjálfsögðu verður fylgst með gengi okkar manna í mótinu hér á síðunni.

Dagskrá:

• 1. umferð miðvikudag 23. mars kl. 19.30
• 2. umferð miðvikudag 30. mars kl. 19.30
• 3. umferð miðvikudag 6. apríl kl. 19.30
• 4. umferð miðvikudag 13. apríl kl. 19.30
• 5. umferð miðvikudag 27. apríl kl. 19.30
• 6. umferð miðvikudag 4. maí kl. 19.30
• 7. umferð miðvikudag 11. maí kl. 19.30

Skákmót í Lautinni.

Tuttugu þátttakendur skráðu sig til leiks á hraðskákmóti í Laut, athvarfi fyrir fólk með geðraskanir á Akureyri, þar sem Rauði kross Íslands kemur m.a. að rekstrinum. Mótið var haldið kl. 17:30 í gær enda hafði Goðamaðurinn og prestur þeirra Húsvíkinga, Sighvatur Karlsson, boðað komu sína og efnilegra pilta um það leytið.

Lautargengið hafði fengið þá Smára Ólafsson frá Skákfélagi Akureyrar og Arnar Valgeirsson frá Skákfélagi Vinjar til samstarfs og úr varð stórskemmtilegt mót sem var öllum sem að því komu til háborinnar fyrirmyndar!

Hópur frá unglingaherdeild Skákfélags Akureyrar mætti og áhugamenn í Laut - sem ekki eru vanir klukkustressi - tóku alls ósmeykir þátt og stóðu sig frábærlega. Tefldar voru sex umferðir með sjö mínútna umhugsunartíma.

Smári stjórnaði mótinu af mikilli fagmennsku. Fagmennskan réð einning ríkjum í eldhúsinu þar sem nýbakað - a la Helga og Fanney Dóra - var framborið í pásunni og orkuþörfinni svarað.

Skáksamband Íslands og Eymundsson á Akureyri sáu til þess að allir þátttakendur fengju vinninga.

Efstu menn:

• 6 v.   Mikael Jóhann Karlsson
• 5.      Jón Kristinn Þorgeirsson
• 4.      Logi Jónsson
• 4.      Hjörtur Snær Jónsson
• 4.      Smári Ólafsson
• 3,5.   Páll Jónsson, Arnar Valgeirsson og Snorri Hallgrímsson
• 3 v.   Hlynur Viðarsson, Stefán Júlíusson og Valur Einarsson.

Frétt fengin af skák.is. Sjá meira hér: http://www.skak.blog.is/blog/skak/entry/1152856/

Smári efstur á æfingu.

Smári Sigurðsson varð efstur á fyrstu mánudagsskákæfingunni er fram fór í kvöld á Húsavík. Smári kom vel undan helginni og lagði alla sína andstæðinga. Tefldar voru hraðskákir (5 mín)

Úrslit kvöldsins.

1.     Smári Sigurðsson               8 af 8
2-3.  Ævar Ákason                     6
2-3.  Hermann Aðalsteinsson     6
4.     Snorri Hallgrímsson            5
5.     Hlynur Snær Viðarsson       3,5
6.     Heimir Bessason                3
7.     Róbert Hlynur Baldursson  2,5
8.     Árni Garðar Helgason         2
9.     Valur Heiðar Einarsson       0

Næsti viðburður hjá Goðanum er Héraðsmót HSÞ í fullorðinsflokki en það mót verður haldið nk. mánudag á Laugum. Mótið verður auglýst nánar þegar nær dregur.

Breytt æfinga og mótaáætlun.

Enn gerist það að breyta þarf æfinga og mótaáætlun Goðans. Helsta breytingin nú er að vikulegar skákæfingar félagsins verða hér eftir á mánudagskvöldum í stað miðvikudagskvölda. Æfingarnar hefjast sem fyrr kl 20:30. Héraðsmót HSÞ fyrir 16 ára og yngri verður á Laugum í stað Þórshafnar og Héraðsmótið í eldri flokki verður teflt á einu kvöldi í stað tveggja og tímamörk skáka stytt í 10-15 mín.

Ný æfinga og mótaáætlun Goðans.

21. mars     Skákæfing Húsavík
28. mars     Héraðsmót HSÞ eldri flokkur Laugar kl 20:00
4.   apríl      Skákæfing Húsavík
8-10 apríl   SÞN 2011 Siglufjörður
9.  apríl       Sýslumótið í skólaskák Húsavík.
11. apríl      Aðalfundur Goðans Húsavík
18. apríl      Skákæfing Laugar
23. apríl      Páskaskákmót Goðans 2011 Húsavík
25 eða 27. apríl      Skákæfing Húsavík  (Lokaæfing.)
30. apríl      Héraðsmót HSÞ 16 ára og yngri Laugar kl 14:00

Skákþing Norðlendinga 2011

Skákþing Norðlendinga 2011 verður haldið í Safnaðarheimili Siglufjarðarkirkju helgina 8.-10. apríl. Það er Skákfélag Siglufjarðar sem sér um mótshaldið.
Mótið er opið öllu skákáhugafólki.
Tefldar verða 7 umferðir eftir Monradkerfi, þ.e.a.s. 4 atskákir og 3 kappskákir. Mótið verður reiknað til íslenskra skákstiga og til FIDE-skákstiga.
Skákstjóri verður Páll Sigurðsson.

Dagskrá
Föstudagur 8. apríl kl. 20.00: 1.-4. umferð. Atskák, 25 mín/mann.
Laugardagur 9. apríl kl. 10.30: 5. umferð. Kappskák, 90 mín + 30 sek/leik.
Laugardagur 9. apríl kl. 16.30: 6. umferð. Kappskák, 90 mín + 30 sek/leik.
Sunnudagur 10. apríl kl. 10.30: 7. umferð. Kappskák, 90 mín + 30 sek/leik.

Áskell Örn Kárason varð skákmeistari Norðlendinga 2010 á Gamla Bauk.

Verðlaun  (í boði Fjallabyggðar, Sparisjóðs Siglufjarðar og Ramma)
A.
1. sæti. 30.000 krónur (lögheimili á Norðurlandi)
2. sæti. 20.000 krónur
3. sæti. 10.000 krónur
B.
1. sæti. 30.000 krónur (lögheimili utan Norðurlands)
2. sæti. 20.000 krónur
3. sæti. 10.000 krónur

Peningaverðlaunum verður skipt á milli manna verði þeir jafnir að vinningum í
báðum flokkum.

Aukaverðlaun C.
Efstur skákmanna undir 1800 íslenskum skákstigum (lögheimili á Norðurlandi).
Efstur heimamanna (í Skákfélagi Siglufjarðar).
Efstur stigalausra (lögheimili á Norðurlandi).
Eingöngu verður hægt að vinna til einna aukaverðlauna.

Hraðskákmót Norðlendinga 2010 verður svo haldið sunnudaginn 10. apríl á sama
stað og hefst það eigi fyrr en kl. 15.00. Ekkert þátttökugjald er í það mót.

Skráning og þátttökugjald
Skráning á mótið er hafin. Póstur þar að lútandi sendist á [e-mail]. 

Skráningu verður lokað á hádegi 8. apríl. Þátttökugjald er 2500 krónur fyrir 17 ára og eldri, en 1000 krónur fyrir 16 ára og yngri.
Breytingar á framantöldum upplýsingum vera kynntar á http://www.siglfirðingur.is, ef með þarf.

Nánari upplýsingar
Upplýsingar um gistimöguleika og veitingastaði er að finna á:
http://www.fjallabyggd.is/is/ferdafolk/gisti-og-matsolustadir

Upplýsingar um skráða keppendur er að finna á:
https://spreadsheets.google.com/ccc?key=0AvWtZEc5_GLZdFlTYTlGT2F1eXBSai0tQmI5Vy01Wnc&hl=en#gid=0. 

Sigurður Ægisson, formaður Skákfélags Siglufjarðar, veitir allar frekari
upplýsingar um mótið í síma 4671263 og 8990278 
Fyrirspurnir í tölvupósti sendist á  [e-mail].  

Tómas vann í síðustu umferð.

Síðasta umferðá Reykjavík Open var tefld í gær. Tómas Björnsson vann Bjarna Sæmundsson og endaði Tómas í 89. sæti með 4,5 vinninga.

                          Tómas Björnsson.

Sjá má allt um mótið á chess-results
http://chess-results.com/tnr41690.aspx?art=4&lan=1&fed=ISL&flag=30&m=-1&wi=1000

Hermann og Heimir efstir á æfingu.

Hermann Aðalsteinsson og Heimir Bessason urðu efstir á skákæfingu kvöldsins sem fram fór á Húsavík. Þeir hlutu báðir 5 vinninga hvor af 7 mögulegum. Tefldar voru skákir með 10 mín á mann.

Úrslit kvöldsins:

1-2. Hermann Aðalsteinsson      5 af 7
1-2. Heimir Bessason                 5
3-4. Sigurbjörn Ásmundsson      4
3-4. Sighvatur Karlsson              4
5-6. Hlynur Snær Viðarsson        3,5
5-6. Snorri Hallgrímsson             3,5
7.     Valur Heiðar Einarsson       2
8.     Róbert Hlynur Baldursson   1

Ekki hefur verið ákveðið hvar og hvenær næsta skákæfing verður.

Tómas með 3,5 vinninga fyrir lokaumferðina.

Síðasta umferð á Reykjavík Open verður tefld í dag. Tómas Björnsson verður með hvítt gegn Bjarna Sæmundssyni (UMSB)

Tómas tapaði fyrir Ingvari Þór Jóhannessyni í 6. umferð en gerði svo jafntefli við Brend Salewski (2056) og Willem Hajenius (2028).

Tómas er í 106 sæti með 3,5 vinninga fyrir lokaumferðina. 

Reykjavík Open. Tómas með 2,5 vinninga eftir 5 umferðir

Tómas Björnsson er með 2,5 vinninga á Reykjavík Open þegar 5 umferðum er lokið. Tómas er sem stendur í 74-95 sæti, en alls taka 166 keppendur þátt í mótinu. 

Tómas gerði jafntefli við Jan Olav Fivelstad í 2. umferð.
Tómas vann Mikael Jóhann Karlsson í 3. umferð.
Tómas vann Evgeni Degtiarev (2368) í 4. umferð.
Tómas tapaði fyrir Das Debashis (2398) í 5. umferð.

Tóma mætir Ingvari Þór Jóhannessyni (2338) í 6. umferð sem tefld verður í dag.

Mótið á chess-result
http://chess-results.com/tnr41690.aspx?art=0&lan=1&fed=ISL&flag=30&m=-1&wi=1000

Reykjavík Open hófst í gær. Tómas tapaði fyrir stórmeistara í 1. umferð

Tómas Björnsson (2158) tapaði fyrir danska stórmeistaranum Sune Berg Hansen (2603) í fyrstu umferð Reykjavík Open sem hófst í gær.

Tómas mætir norðmanninum Jan Olav Fivelstad (1860) í 2. umferð kl 16:30 í dag.
Tómas verður með svart.

Hlynur og Sigurbjörn efstir á æfingu.

Hlynur Snær Viðarsson og Sigurbjörn Ásmundssonurðu efstir og jafnir á skákæfingu sem fram fór á Húsavík í gærkvöld.  Þeir hlut hvor um sig 3 vinninga af 4  mögulegum. Tefldar voru skákir með 10 mín umhugsunartíma á mann.  Eflaust hafði leikur Íslands og Þýskalands í sjónvarpinu letjandi áhrif á mætinguna á skákæfinguna.

Úrslit kvöldsins:

1-2. Hlynur Snær Viðarsson     3 af 4
1-2. Sigurbjörn Ásmundsson   3
3-4. Hermann Aðalsteinsson   2
3-4. Snorri Hallgrímsson          2
5.    Sighvatur Karlsson           0

Næsta skákæfing verður að viku liðinni. Ekki er ákveðið hvort hún verður á laugum eða á Húsavík.

Goðmögnuð framganga á lokaspretti.- Íslandsmót skákfélaga. Liðsstjóra pistlar.

Þá eru liðsstjórapistlar vegna Íslandsmóts skákfélaga klárirog eru birtir hér fyrir neðan. Jón Þorvaldsson skrifar pistil fyrir A-liðið en Hermann Aðalsteinsson skrifar pistil fyrir B og C-liðið.

Goðinn A gegn SA-b. Ásgeir, Einar, Þröstur, Björn, Tómas og Jón Þ stendur th. á myndinni.

Goðmögnuð framganga á lokaspretti

Helgin 4. - 5 . okt. var góð skemmtan fyrir þau hundruð skákmanna og áhorfenda sem lögðu leið sína í Rimaskóla. Hin vörpulega A-sveit Goðans lagði allt í sölurnar til að ná öðru af tveimur efstu sætum í þriðju deildinni.  Það takmark náðist með tilþrifum þó að tæpt stæði á stundum. Þannig komust skutilsveinar Hermanns formanns skör hærra í virðingarstiga skáklistarinnar og geta borið höfuðið hátt fram á haust komanda þar sem hin rómaða keppnisharka í 2. deild gín við görpunum.

Handleiðsla og ungverskt gúllas

Enn hafði Goðanum bæst liðsstyrkur því að kempurnar Kristján Eðvarðsson, tölvuséní,  og Þröstur Árnason, fyrrum Evrópumeistari unglinga, höfðu gengið til liðs við félagið þingeyska og munaði um minna. Vandað var til undirbúnings, jafnt huglægt sem líkamlega. Höfðu keppendur æft saman um nokkurra vikna skeið undir traustri handleiðslu þjálfara liðsins, Einars Hjalta, þar sem dýpri rök skáklistarinnar voru brotin til mergjar. Einnig kom sér vel að Goðinn tefldi æfingaeinvígi við Taflfélag Reykjavíkur viku fyrir mót í boði veitingamannsins geðþekka, Torfa Leóssonar. Torfi bætti um betur með því að kenna nokkrum af keppendum Goðans undirstöðuatriði hugleiðslu, undir kjörorðinu: „Goðar verða líka að rækta Garðinn sinn.“  

Þröstur Árnason mætti til leiks eftir langa fjarveru frá skákborðinu.

Lokahnykkur undirbúningsins var svo föstudagssíðdegið 4. okt.  þegar liðsmenn Goðans úr öllum þremur sveitunum hittust yfir léttum málsverði, nánar tiltekið ungverskri  gúllassúpu. Svo skemmtilega vildi til að uppskriftina að súpunni bragðmiklu mátti rekja til forföður ungverska stórmeistarans og Íslandsvinarins Laos Portisch, sem er annálaður matmaður og hungrar í fleira en eitruð peð. Það var glatt í Hafnarfirðinum þessa síðdegisstund. Menn eggjuðu hver annan lögeggjan með tilheyrandi vopnaglamri, veinan og gaulan. Þótti formanninum,  Hermanni Aðalsteinssyni, nóg um og minnti liðsmenn á að ekki væri nóg að hrútar skækju hornin fyrir bardaga. Þeim þyrfti líka að beita af kunnáttu og afli þannig að undir tæki í fjöllunum.  

Dregur til tíðinda  

Viðureignin á föstudagskvöldið var gegn sterkri sveit Akureyringa sem var jöfn Goðanum að stigum. Ásgeir, Björn og Tómas unnu sínar skákir en Einar Hjalti, Þröstur og Jón gerðu jafntefli. Niðurstaðan: Goðinn 4,5 - SA 1,5.

Þó að spennan væri ærin fyrir mótið, jók það enn á eftirvæntinguna að ekki var ljóst hvort Kristján Eðvarðsson gæti teflt með á laugardeginum því hann þreytti próf í Niðurlöndum á föstudeginum og ekki réðst fyrr en á síðustu stundu hvort hann næði kvöldfluginu til Keflavíkur. Kristján komst sem betur fer í tæka tíð og viðureignin við Vestmannaeyingana knáu á laugardagsmorgni var kynngimögnuð. Þó svo að sveit Goðans væri sterkari á pappírnum, börðust Eyjamenn eins og ljón og niðurstaðan varð jafntefli á öllum borðum: 3-3.

Kristján Eðvarðsson mætti til leiks í 6 og 7. umferð.

Víkingasveitin hafði þegar hér var komið sögu tryggt sér efsta sætið í 3. deild með 11 stigum og góðu vinningshlutfalli, hafði ekki tapað stigi nema gegn Goðanum. Jafnar fyrir síðustu umferð með 9 stig voru sveitir TV B með 23 vinninga, Goðinn með 22,5 vinninga og TG með 22 vinninga. Sveitir TV B og TG mættust í lokaumferðinni og skildu jafnar en Goðar öttu kappi við C-sveit Hellis sem allt í einu var orðin miklu öflugri en gegn Víkingasveitinni í umferðinni á undan. Koma enda á daginn að Hellisbúar höfðu allt annað í huga en að renna rauðum dregli undir skrúðgöngu Goðanna upp í 2. deild. Viðureignin hófst með miklu vopnaskaki og þung högg féllu en svo fór að lokum að beittir brandar Goða reyndust máttugri vopn en höggþungar kylfur Hellisbúa. Einstök úrslit urðu þau að  Ásgeir hneppti erkibiskup Gunnars formanns í herkví á 1. borði og varð formaðurinn að játa sig sigraðan. Á öðru borði varð jafnt milli Kristjáns Eðvarðssonar og Bjarna Jens Kristinssonar í hróksendatafli sem var svo spennandi að bægja varð viðkvæmum sálum frá borðinu. Á þriðja borði tefldi Einar Hjalti léttleikandi sóknarskák þar sem hróksfórn á g-7 kom eins og skrattinn úr sauðarleggnum og braut á bak aftur varnir Gísla Hólmars Jóhannessonar.  Á fjórða borði stóð skákdrottingin efnilega, Hallgerður Þorsteinsdóttir, sig frábærlega gegn okkar manni, Þresti Árnasyni, sem varð að seilast djúpt í reynslubankann til að snúa erfiðu tafli sér í vil og knýja fram glæstan sigur. Björn Þorsteinsson lenti í óvenjulegu afbrigði spánska leiksins gegn Helga Brynjarssyni á 5. borði. Staðan var lengi tvísýn en svo fór að lokum að Helgi féll á tíma vígmóður en Björn lét sér hvergi bregða í öllum hamaganginum með sínu ljúfmannlega glotti. Á 6. borði velgdi Patrekur Maron Magnússon okkar manni, Tómasi Björnssyni, vel undir uggum og stóð um tíma mun betur en Tómas nýtti sér ónákvæmni andstæðingsins í flókinni stöðu, spýtti í lófana og neytti aflsmunar.  Niðurstaðan varð því stórsigur Goðans, 5,5 vinningar gegn 0,5, á sprækum Hellisbúum sem eiga hrós skilið fyrir að tefla nútímalega þó svo að þeir geri það undir merkjum steinaldarmanna.

Öflug liðsheild

Frammistaða allra liðsmanna Goðans var með ágætum og framganga þeirra sem bestum árangri náðu ekkert annað en stórglæsileg. Liðið tapaði ekki viðureign og enginn keppenda tapaði skák í síðari hluta mótsins. Félaginu er mikill fengur í komu Kristjáns og Þrastar í félagið en Þröstur hafði ekki keppt á mótum um langt árabil og Kristján dregið nokkuð úr taflmennsku.  Óhætt er að fullyrða að sveit Goðans hafi nú skipað sér á bekk með öflugustu keppnissveitum sem eingöngu eru skipaðar Íslendingum. Geta liðsmenn og velunnarar Goðans því hlakkað til spennandi viðureigna í 2. deild  2011 - 2012

Árangur liðsmanna Goðans í 5-7 umferð

1.       borð Ásgeir P. Ásbjörnsson        2,5 v. af 3   (6,0 af 7)

2.       borð Kristján Eðvarðsson            1,0 v. af 2   (1,0 af 2)

3.       borð Einar Hjalti Jensson             2, 0 v. af 3  (5,0 af 7)

4.       borð Þröstur Árnason                   2,0 v. af 3   (2,0 af 3)

5.       borð Björn Þorsteinsson             2,5 v. af 3   (6,0 af 7)

6.       borð Tómas Björnsson                 2,5 v. af 3   (5,5 af 7)

7.       borð Jón Þorvaldsson                   0,5 v. af 1   (1,5 af 3)      

Goðinn óskar  hinum vígreifu og vöðvastæltu liðsmönnum Víkingasveitarinnar til hamingju með sigurinn í 3. deild og hlakkar til að takast á við þá á nýjum vettvangi. Öllum keppendum og keppinautum Goðans er þökkuð vaskleg framganga, drengileg keppni og skemmtileg viðkynni. Jafnframt er ástæða er til að þakka forseta Skásambands Íslands, Gunnari Björnssyni, mótsstjórn, skákdómurum og öðrum starfsmönnum mótsins fyrir góða skipulagningu og þá miklu vinnu sem þarf til að hið fjölmenna Íslandsmót skákfélaga gangi snurðulaust fyrir sig. Þá er sérstök ástæða til að þakka Helga Árnasyni, skólastjóra Rimaskóla, fyrir að leggja skákmönnum til prýðilega aðstöðu og að skipuleggja sölu ljúffengra veitinga með sínum háttvísu nemendum.  

Deildakeppnin er meðal helstu kennileita íslensks skáklífs. Það er von okkar Goðanna að þessi merka keppni megi skjóta enn dýpri  rótum og kveikja nýja frjóanga áhuga og iðkunar.
Jón Þorvaldsson.

B-lið Goðans. Sigurður Jón, Páll Ágúst, Sveinn, Rúnar, Jakob og Smári.

Árangur B-liðs Goðans.

5. umferð. Goðinn B - Æsir (félag eldriborgara)
Stórsigur vannst á Æsi 5,5-0,5. Smári, Jakob, Rúnar, Sveinn og Sigurður Jón unnu sínar skákir og Páll Ágúst gerði jafntefli. Öruggur sigur og einmitt það sem þurfti til að koma liðinu í gang.

6. umferð.  Goðinn B - Kórdrengirnir.
Mjög undarleg pörun. Lið kórdrengjanna var langt fyrir neðan B-liðið eins og staðan var þá og hefði verið eðlilegra að C-liðið hefði fengið þá. En hvað um það. B-liðið vann aftur stóran 6-0 sigur.
Sigurður Jón, Páll, Sveinn, Rúnar og Jakob unnu og Smári fékk ekki andstæðing.

Páll Ágúst Jónsson tefldi sínar fyrstu skákir fyrir Goðann á mótinu.

7. umferð.  Goðinn B - Víkingaklúbburinn B
Ljóst var að B-liði varð að vinna síðustu viðureignina til að eiga möguleika á að ná 3. sætinu. Best hefði verið að fá Austfirðinga, því sigur gegn þeim hefði tryggt þriðja sætið í deildinni, því þá hefðu önnur úrslit ekki haft nein áhrif á stöðu B-liðsins. En pörunin var okkur óhagstæð og Víkingaklúbburinn - B var niðurstaðan. Sú viðureign tapaðist 2-4. Páll Ágúst, Sveinn, Jakob og Smári gerðu jafntefli en Rúnar og Sigurður Jón töpuðu. Þar með var ljóst að B-liðinu tækist ekki að vinna sæti í 3. deildinni að ári og varð 8. sætið niðurstaðan og það þrátt fyrir að B-liði fengi næst flesta vinninga allra liða í 4. deildinni, heila 28 vinninga. Frekar súrt það.

C-lið Goðans. Sighvatur, Snorri, Bjössi, Valur og Hlynur.

Árangur C-liðs Goðans.

5. umferð. Goðinn C - Fjölnir C.
Góður sigur vannst á Fjölni C 4-2. Valur, Snorri, Sighvatur og Benedikt Þorri unnu sínar skákir en Bjössi og Hlynur töpuðu.

6. umferð.  Goðinn C - SFÍ
C-liðið tapaði stórt fyrir Skákfélagi Íslands 0-6. Ekki var við öðru að búast, enda liðsmenn SFÍ allir mikil stigahærri en okkar menn. Stigamunurinn var 800 til rúmlega 900 stig þar sem hann var mestur á efstu þremur borðunum. Hermann stóð þó lengi í Sigurði Daða Sigfússyni (2334) en Hermann lék skákinni niður í 35. leik. Eins stóð Sighvatur lengi í Erni Leó Jóhannssyni (1820).
Hermann, Sighvatur, Snorri, Bjössi, Valur og Hlynur tefldu gegn SFÍ.

7. umferð. Goðinn - C  SA-d
C-liðið tapaði naumlega fyrir SA-d 2.5 - 3.5. Hlynur vann sína skák, Snorri, Bjössi og Sighvatur gerðu jafntefli en Hermann og Valur töpuðu.
C-liði endaði því í 15. sæti með 19 vinninga sem er framar vonum. Snorri, Valur og Hlynur voru að taka þátt í Íslandsmóti skákfélaga í fyrsta skipti og stóðu sig vel.

Árangur einstakra félagsmanna.

Sigurður Jón Gunnarsson      2 af 3

Páll Ágúst Jónsson                2 af 3

Sveinn Arnarson                   2,5 af 3

Rúnar Ísleifsson                    2 af 3

Jakob Sævar Sigurðsson       2,5 af 3

Smári Sigurðsson                   2,5 af 3
             
Benedikt Þorri Sigurjónsson   1 af 1

Hermann Aðalsteinsson         0 af 2

Sighvatur karlsson                 1,5 af 3

Snorri Hallgrímsson                1,5 af 3

Sigurbjörn Ásmundsson         0,5 af 3

Valur Heiðar Einarsson           1 af 3

Hlynur Snær Viðarsson            1 af 3

Hermann Aðalsteinsson formaður.
  

A-lið Goðans upp um deild !

A-lið Goðans náði öðru sæti í 3 deildinni í kvöld eftir stórsigur á Helli-C 5,5-0,5. 

Jón Þorvaldsson, Björn Þorsteinsson, Tómas Björnsson, Þröstur Árnason og Kristján Eðvarðsson, tóku við silfrinu í kvöld. Á myndina vantar Ásgeir P Ásbjörnsson og Einar Hjalta Jensson.

B-liðið tapaði fyrir B-liði Víkingasveitarinnar í 7. umferð og missti þar með af sæti í 3. deild að ári.
Páll Ágúst, Sveinn, Jakob og Smári gerðu jafntefli en Rúnar og Sigurður Jón töpuðu.

C-liðið tapaði naumlega fyrir SA-d 2.5-3.5 í 7. umferð. Hlynur vann sína skák, Snorri, Bjössi og Sighvatur gerðu jafntefli en Hermann og Valur töpuðu.

A-lið Goðans gerði 3-3 jafntefli við TV-b í 6. umferð og var samið á öllum borðum. Ásgeir, Kristján, Einar Hjalti, Þröstur, Björn og Tómas tefldu.

B-liðið vann stórsigur á Kórdrengjunum 6-0. Sigurður Jón, Páll, Sveinn, Rúnar og Jakob unnu og Smári fékk ekki andstæðing.

Á sama tíma tapaði C-liðið stórt fyrir SFÍ 0-6. Hermann, Sighvatur, Snorri, Bjössi, Valur og Hlynur tefldu.

Lokastaðan í 3. deild:

1	1	Vikingaklubburinn A	7	6	1	0	13	31.5	0
2	13	Godinn A	7	4	3	0	11	28.0	0
3	7	TV B	7	4	2	1	10	26.0	0
4	12	TG A	7	4	2	1	10	25.0	0
5	3	KR B	7	5	0	2	10	24.5	0
6	11	SA B	7	4	0	3	8	22.0	0
7	14	TG B	7	3	1	3	7	22.5	0
8	6	Hellir D	7	3	1	3	7	20.0	0
9	10	TB C	7	3	0	4	6	22.0	0
10	5	Sf. Vinjar A	7	3	0	4	6	21.0	0
11	4	Hellir C	7	3	0	4	6	18.5	0
12	16	SR B	7	2	1	4	5	18.0	0
13	8	SA C	7	2	1	4	5	17.5	0
14	2	TR C	7	2	0	5	4	19.0	0
15	9	TV C	7	1	2	4	4	13.5	0
16	15	Haukar C	7	0	0	7	0	7.0	0

Lokataðan í 4. deild:

Athygli vekur að B-lið Goðans fékk næsta flesta vinninga í 4. deildinni en endaði samt í 8. sæti.

1	18	SFÍ	7	6	0	1	12	31.0	0
2	8	Sf. Sauðarkroks	7	5	1	1	11	25.5	0
3	6	TV D	7	4	2	1	10	26.0	0
4	4	Vikingaklubburinn B	7	5	0	2	10	25.5	0
5	9	UMSB	7	4	1	2	9	27.5	0
6	20	S.Austurlands	7	4	1	2	9	24.0	0
7	2	Fjolnir B	7	4	1	2	9	23.5	0
8	22	Godinn B	7	4	0	3	8	28.0	0
9	21	SSON B	7	4	0	3	8	25.0	0
10	15	TR D	7	4	0	3	8	22.5	0
11	14	SA D	7	4	0	3	8	21.0	0
12	19	Sf. Vinjar B	7	3	0	4	6	21.0	0
13	7	Aesir feb	7	3	0	4	6	20.5	0
14	3	Hellir E	7	3	0	4	6	19.5	0
15	12	Godinn C	7	2	2	3	6	19.0	0
16	23	Fjolnir C	7	1	3	3	5	16.5	0
17	5	Kordrengirnir	7	2	1	4	5	15.0	0
18	1	TR E	7	2	1	4	5	14.5	0
19	17	TG C	7	2	0	5	4	17.0	0
20	13	UMFL	5	2	0	3	4	14.5	0
21	16	Osk	7	1	2	4	4	11.5	0
22	11	Fjolnir D	7	1	1	5	3	12.5	0
23	10	TV E	1	0	0	1	0	0.0	0

Liðsstjórarpislar eru væntanlegir á morgun.

Góðir sigrar á Íslandsmótinu.

Allar skáksveitir Goðans unnu góða sigra í 5. umferð Íslandsmóts skákfélaga í gærkvöld. A-sveit Goðans vann sigur á  B-sveit SA 4,5-1,5. Ásgeir, Björn og Tómas unnu sínar skákir og Einar, Þröstur og Jón gerðu jafntefli.

B-sveit Goðans vann stóran sigur á Æsi 5,5-0,5. Smári, Jakob, Rúnar, Sveinn og Sigurður Jón unnu sínar skákir og Páll Ágúst gerði jafntefli.

C-sveitin vann C-sveit Fjölnis 4-2 . Valur, Snorri, Sighvatur og Benedikt Þorri unnu sínar skákir en Bjössi og Hlynur töpuðu.

Pörun í 6. umferð sést hér:
http://chess-results.com/tnr38867.aspx?art=0&lan=1&m=-1&wi=1000

Staðan efstu liða í 3. deild:

1	1	Vikingaklubburinn A	5	4	1	0	9	21.0	0
2	7	TV B	5	4	0	1	8	20.0	0
3	13	Godinn A	5	3	2	0	8	19.5	0
4	12	TG A	5	3	1	1	7	17.5	0
5	4	Hellir C	5	3	0	2	6	17.0	0
6	11	SA B	5	3	0	2	6	17.0	0

Staða efstu liða í 4. deild:

1	8	Sf. Sauðarkroks	5	5	0	0	10	20.5	0
2	18	SFÍ	5	4	0	1	8	21.0	0
3	20	S.Austurlands	5	4	0	1	8	19.0	0
4	2	Fjolnir B	5	4	0	1	8	18.0	0
5	22	Godinn B	5	3	0	2	6	20.0	0
6	6	TV D	5	2	2	1	6	19.5	0
7	9	UMSB	5	3	0	2	6	19.5	0
8	21	SSON B	5	3	0	2	6	19.5	0
9	15	TR D	5	3	0	2	6	17.0	0
10	4	Vikingaklubburinn B	5	3	0	2	6	16.5	0
11	12	Godinn C	5	2	2	1	6	16.5	0
12	5	Kordrengirnir	5	2	1	2	5	15.0	0

A-liðið fær TV-B í 6. umferð
B-liðið fær Kórdrengina og C-liðið fær SFÍ.

Íslandsmót skákfélaga. Seinni hlutinn að hefjast.

Í kvöld hefst seinni hlut Íslandsmóts skákfélaga þegar 5. umferð verður tefld kl 20:00 í Rimaskóla í Grafarvogi.  A-lið Goðans á í hörku baráttu um efstu tvö sætin í 3. deild og stefnan er að sjálfsögðu tekin á sigur í deildinni.  A-liðið mætir B-liði nágranna okkar í SA í 5. umferð ,en erfitt er að segja nákvæmlega um hverjir verða andstæðingarnir í 6 og 7. umferð sem tefldar verða á laugardaginn.

Staðan í 3. deild.

Rk.	SNo	Team	Games	+	=	-	TB1	TB2	TB3
1	1	Vikingaklubburinn A	4	3	1	0	7	17.5	0
2	12	TG A	4	3	1	0	7	15.0	0
3	7	TV B	4	3	0	1	6	15.5	0
4	11	SA B	4	3	0	1	6	15.5	0
5	13	Godinn A	4	2	2	0	6	15.0	0
6	2	TR C	4	2	0	2	4	13.5	0
7	4	Hellir C	4	2	0	2	4	12.0	2
8	10	TB C	4	2	0	2	4	12.0	0
9	3	KR B	4	2	0	2	4	11.5	0
10	14	TG B	4	1	1	2	3	13.0	0
11	8	SA C	4	1	1	2	3	11.0	0
12	6	Hellir D	4	1	1	2	3	10.5	0
13	9	TV C	4	1	1	2	3	8.5	0
14	5	Sf. Vinjar A	4	1	0	3	2	9.5	0
15	16	SR B	4	1	0	3	2	8.0	0
16	15	Haukar C	4	0	0	4	0	4.0	0

Vinnist sigur á SA-b er öflugt lið TV-b líklegir andstæðingar A-liðsins í 6. umferð. 

B og C-lið Goðans tefla í 4. deildinni. B-liðið á möguleika á því að ná í þriðja sætið í deildinni, sem gefur sæti í 3. deild að ári, vinnist allar viðureignirnar sem eftir eru og úrslit í öðrum viðureignum verði okkur hagstæð. C-liðið verður líklega ekki í toppbaráttunni, en stefnir að sjálfsögðu á að ná góðum árangri.

Staðan í 4. deild:

 

Rk.	SNo	Team	Games	+	=	-	TB1	TB2	TB3
1	8	Sf. Sauðarkroks	4	4	0	0	8	17.0	0
2	2	Fjolnir B	4	4	0	0	8	15.5	0
3	9	UMSB	4	3	0	1	6	18.0	0
4	18	SFÍ	4	3	0	1	6	16.5	0
5	15	TR D	4	3	0	1	6	16.0	0
6	20	S.Austurlands	4	3	0	1	6	14.0	0
7	22	Godinn B	4	2	0	2	4	14.5	0
8	13	UMFL	4	2	0	2	4	14.5	0
9	21	SSON B	4	2	0	2	4	14.5	0
10	6	TV D	4	1	2	1	4	13.5	0
11	4	Vikingaklubburinn B	4	2	0	2	4	13.0	0
12	7	Aesir feb	4	2	0	2	4	13.0	0
13	12	Godinn C	4	1	2	1	4	12.5	0
14	23	Fjolnir C	4	1	2	1	4	10.0	0
15	17	TG C	4	2	0	2	4	9.5	0
16	5	Kordrengirnir	4	1	1	2	3	11.0	0
17	1	TR E	4	1	1	2	3	8.5	0
18	19	Sf. Vinjar B	4	1	0	3	2	10.5	0
19	3	Hellir E	4	1	0	3	2	8.0	0
20	14	SA D	4	1	0	3	2	7.5	0
21	11	Fjolnir D	4	0	1	3	1	6.5	0
22	16	Osk	4	0	1	3	1	4.0	0
23	10	TV E	0	0	0	0	0	0.0	0

B-liðið teflir við Æsir, sem er skákfélag eldri borgara og C-liðið teflir við C-lið Fjölnis í 5. umferð.

Hægt verður að fylgast með gengi Goðans um helgina hér á síðunni.

Mótið á chess-results:
3. deildin.
http://chess-results.com/tnr38867.aspx?art=0&lan=1&m=-1&wi=1000

4. deildin:
http://chess-results.com/tnr38868.aspx?art=0&lan=1&m=-1&wi=1000

Smári efstur á skákæfingu.

Smári Sigurðsson  varð efstur á skákæfingu er fram fór á Húsavík í gærkvöldi. Smári vann alla andstæðinga sína. Tefldar voru skákir með 8 mín umhugsunartíma.

úrslit gærkvöldsins:

1.     Smári Sigurðsson             6 af 6
2-3.  Hermann Aðalsteinsson   4
2-3.  Sigurbjörn Ásmundsson   4
4.     Snorri Hallgrímsson          3
5.     Hlynur Snær Viðarsson     2 
6-7.  Sighvatur karlsson           1
6-7.  Valur Heiðar Einarsson     1 

Á morgun hefst Íslandsmót skákfélaga í Reykjavík og hægt verður að fylgjast með gengi okkar manna hér á síðunni um helgina.

Ný Íslensk skákstig.

Íslensk skákstig voru gefin út í dag. Þau gilda 1. mars. Sigurbjörn Ásmundsson hækkar mest allra félagsmanna, eða um 37 stig. Tómas hækkar um 16 stig. Ævar hækkar um 15 stig, Sighvatur um 13, Snorri um 12 og Heimir hækkar um 8 stig. Sæþór Örn Þórðarsson kemur nýr inn á listann með 1170 stig. Aðrir standa í stað eða lækka á stigum. Ásgeir er sem fyrr stigahæstur með 2290 skákstig.

Ásgeir Páll Ásbjörnsson                2290            
Þröstur Árnason                           2255
Kristján Eðvarðsson                      2215
Einar Hjalti Jensson                      2215           
Björn Þorsteinsson                       2205            
Tómas Björnsson                          2151            (+16)
Jón Þorvaldsson                           2045            
Ragnar Fjalar Sævarsson              1935            
Páll Ágúst Jónsson                        1895
Ingi Fjalar Magnússon                   1845             
Sigurður Jón Gunnarsson               1825            
Pétur Gíslason                                1795           
Sindri Guðjónsson                          1770            
Benedikt Þorri Sigurjónsson            1740            
Sveinn Arnarson                             1765             
Barði Einarsson                              1755            
Rúnar Ísleifsson                              1696            (-19)
Jakob Sævar Sigurðsson                1729             (-11)       
Smári Sigurðsson                           1641             (-19)
Baldur Daníelsson                           1655           
Helgi Egilsson                                 1580           
Heimir Bessason                             1528            (+8)
Ævar Ákason                                 1525            (+15)
Sigurjón Benediktsson                    1520           
Hermann Aðalsteinsson                  1397             (-53)
Ármann Olgeirsson                         1405             
Benedikt Þór Jóhannsson                1390              
Snorri Hallgrímsson                         1317            (+12 )
Sighvatur Karlsson                          1338            (+13)
Sigurbjörn Ásmundsson                  1237            (+37)  
Sæþór Örn Þórðarson                    1170             nýtt 
Valur Heiðar Einarsson                   1143             (-27)
Hlynur Snær Viðarsson                   1052             (-3)

Sjá nákvæmt yfirlit stigabreytinga fyrir hvern og einn félagsmann hér:
(Velja club.... Goðinn og smella á search)
http://chess-results.com/isl/ratings.aspx?lan=16

Allur listinn er hér í skrá fyrir neðan.

Skrár tengdar þessari bloggfærslu:

• Íslensk stig 1. mars 2011