Öðlingamótið. Sigurður Daði 2-5 sæti

Sigurður Daði Sigfússon er í 2-5 sæti á Öðlingamótinu í skák með 4,5 vinninga þegar einni umferð er ólokið. Þorvarður Fannar Ólafsson (2225) er efstur með 5 vinninga.  Lokaumferðin fer fram á frídag verkalýðsins, 1. maí.

 

Öll úrslit sjöttu umferðar má nálgast hér.

Stöðu mótsins má nálgast hér.

Einni skák í umferðinni var frestað og pörun lokaumferðirnar því ekki tilbúin.

• Heimasíða TR
• Chess-Results

Símon og Óliver kjördæmismeistarar Norðurlands-Eystra

Kjördæmismót Norðurlands -Eystra fór fram í Litlulaugaskóla í Reykjadal í dag. Alls mættu 5 keppendur í eldri flokk og 6 keppendur í Yngri flokk. Símon Þórhallsson frá Akureyri vann sigur í eldri flokki með fullu húsi, 4 vinningum af 4 mögulegum. Jón Kristinn Þorgeirsson varð í öðru sæti og Hlynur Snær Viðarsson varð í 3. sæti. Óliver Ísak vann sigur í yngri flokki með 4,5 vinninga af 5 mögulegum. Sævar Gylfason varð í öðru sæti með 4. vinninga og Guðmundur Aron Guðmundsson varð þriðji með 3,5 vinninga. Umhugsunartíminn var 15 mín á skák í báðum flokkum.

 

Keppendur í eldri flokki. Hlynur, Bjarni, Benedikt, Símon og Jón Kristinn.

Lokastaðan í eldri flokki.

1. Símon Þórhallsson          4  af 4
2. Jón Kristinn Þorgeirsson  3
3. Hlynur Snær Viðarsson   1,5
4. Benedikt Stefánsson       1
5. Bjarni Jón Kristjánsson    0,5 

 

Keppendur í yngri flokki. Elvar, Helgi, Óliver, Guðmundur, Sævar og Ari.

Lokastaðan í yngri flokki:

1. Óliver Ísak                                4,5 af 5
2. Sævar Gylfason                         4
3. Guðmundur Aron Guðmundsson  3,5
4. Ari Rúnar Gunnarsson                 2
5. Helgi James Þórarinsson              1
6. Elvar Goði Yngvason                   0 

Símon, Óliver, Sævar og Guðmundur hafa því unnið sér keppnisrétt á Landsmótinu í skólaskák sem haldið verður á Patreksfirði 2-5 maí nk. 

 

Stefán meistari. Jakob varð í 9-11. sæti með 3,5 vinninga.

Stefán Bergsson (2139) tryggði sér Norðurlandsmeistaratitilinn eftir mjög góðan sigur á stórmeistaranum Hannesi Hlífari Stefánsson (2513) í sjöundu og síðustu umferð Skákþings Norðlendinga sem fram fór á Sauðárkróki um helgina. Hannes sigraði engu að síður á mótinu. Þorvarður F. Ólafsson (2237) varð annar með 5,5 vinning en Stefán og Sverrir Örn Björnsson (2135) urðu í 3.-4. sæti með 5 vinninga.

Vigfús Ó. Vigfússon fékk verðlaun skákmanna með minna en 2000 skákstig en Jón Arnljótsson, Sigurður Ægisson og Jakob Sævar Sigurðsson urðu eftir skákmanna með minna en 1800 skákstig.

Það var Skákfélag Sauðárkróks sem hélt mótið og bar Unnar Rafn Ingvarsson, formaður félagsins, hitann og þungann af mótshaldinu.Helstu styrktaraðilar þess voru Kaupfélag Skagafjarðar, FISK Seafood, Sparisjóður Sauðárkróks, Skáksamband Íslands og Sveitarfélagið Skagafjörður. 

Úrslit sjöundu umferðar má finna hér.

Lokastöðu mótsins má nálgast hér.

• Heimasíða Skákfélags Sauðárkróks
• Chess-Results
• Myndaalbúm (GB)

Skákþing Norðlendinga. Jakob með 2,5 vinninga fyrir lokaumferðina

Skákþing Norðlendinga fer fram á Sauðárkróki. Jakob Sævar Sigurðsson tekur þátt í því. Þegar einni umferð er ólokið hefur Jakob 2,5 vinninga. Jakob hefur unnið eina skák, gert þrjú jafntefli og tapað tveimur skákum í mótinu til þessa.

Jakob verður með svart í lokaumferðinni gegn Herði Ingimarssyni (1602)

Nánar hér 

chess-results 

Hlynur og Ari Þingeyjarsýslumeistarar í skólaskák 2013

Hlynur Snær Viðarsson og Ari Rúnar Gunnarsson unnu sigur á Þingeyjarsýslumótinu í skólaskák sem haldið var í Litlulaugaskóla í gær. Hlynur vann öruggan sigur í eldri flokki með 4 vinningum af 4 mögulegum. Bjarni Jón Kristjánsson varð í öðru sæti með 2 vinninga og Jón Aðalsteinn Hermannsson varð þriðji án vinninga. Tefld var tvöföld umferð þar sem aðeins þrír keppendur mættu til leiks. Uhugsunartíminn voru 10 mín á skák. Hlynur og Bjarni verða því fulltrúar Þingeyinga á Umdæmismótinu í næstu viku.

 

Bjarni Jón, Hlynur Snær og Jón Aðalsteinn. 

Í yngri flokki mættu 9 keppendur til leiks úr fjórum skólum. Ari Rúnar Gunnarsson vann allar sínar skákir 5 að tölu. Mikil og hörð barátta var um annað sætið og þegar öllum skákum var lokið voru 5 keppendur jafnir með 3 vinninga í 2-6 sæti. Grípa varð til stigaútreiknings og þá hreppti Elvar Goði Yngvason 2. sætið og Helgi James Þórarinsson 3. sætið. Allir koma þeir úr Reykjahlíðarskóla. Þeir verða því fulltrúar Þingeyinga á Umdæmismótinu (kjördæmismótinu) sem verður haldið á Laugum í næstu viku. (nákvæm tímasetning er óljós)

 

Yngri flokkur. Ari Rúnar, Elvar Goði og Helgi James. 

 Lokastaðan í Yngri flokki:

1     Ari Rúnar Gunnarsson,      Reykjahlí     5     8.5  14.0   15.0 

 2-6  Elvar Goði Yngvason,         Reykjahlí    3      8.5  14.5    6.0  

        Helgi James Þórarinsson,   Reykjahlí    3      8.0  14.5   11.0 

        Eyþór Kári Ingólfsson,       Stórutj.       3      7.0  13.0   12.0  

        Jakup Piotr Statkiwcz,        Litlulaug     3       7.0  13.0    8.0  

        Björn Gunnar Jónsson,       Borgarhóls  3      7.0  13.0    7.0  

  7    Magnús Máni Sigurgeirsson, Borgarhóls 2      8.0  12.0    7.0

 8-9  Olivia Konstcja Statkiewi,      Litlulauga   1.5    7.5  11.5    3.5  

       Tanía Sól Hjartardóttir,         Litlualauga  1.5   7.0  11.0    5.5   

 

Skrár tengdar þessari bloggfærslu:

• Sýslumótið 2013

Skákþing Norðlendinga 2013 - opinn flokkur

Skákþing Norðlendinga verður haldið á Sauðárkróki helgina 19 - 21. apríl

n.k. Mótið verður með hefðbundnum hætti, telfdar verða 4 umf. atskák með 25

mín. umhugsunartíma á föstudagskvöldi. Tvær umferðir kappskák 90 mín + 30

sec á leik á laugardegi og ein um ferð með sama sniði á sunnudegi. Að

þeirri umferð lokinni verður Hraðskákmót Norðlendinga haldið. Veitt verða

verðlaun fyrir þrjú efstu sæti í mótinu. Auk verðlauna í stigaflokkum.

Allir sem taka þátt í mótinu geta unnið til peningaverðlauna, en aðeins

þeir sem eru með lögheimili á Norðurlandi geta unnið titilinn Skákmeistari

Norðlendinga og Hraðskákmeistari Norðlendinga.

Mótsgjald er aðeins 2000 krónur og er innifalið í því kaffi og meðlæti á

stundum (þegar vel liggur á mótshaldara)

Skráning og frekari upplýsingar má finna á heimasíðu Skákfélags Sauðárkróks

www.skakkrokur.blog.is Einnig er hægt að senda fyrirspurnir á netfangið

[e-mail] Þar er einnig hægt að fá frekari upplýsingar um

gistimöguleika á Sauðárkróki.

Jakob héraðsmeistari HSÞ 2013

Jakob Sævar Sigurðsson vann sigur á héraðsmóti HSÞ í skák sem fram fór á Húsavík sl. laugardagskvöld. Smári bróðir hans veitti Jakobi harða keppni og háðu þeir hraðskákeinvígi um titilinn því þeir komu jafnir í mark á mótinu og gerðu jafntefli sín á milli. Jakob vann báðar skákirnar og mótið um leið. Smári varð í öðru sæti og Ármann Olgeirsson varð í þriðja sæti. Tímamörk voru 10 mín á mann +5 sek á leik.

 

Ármann, Jakob og Smári.

Lokastaðan:

1.  Jakob Sævar Sigurðsson       6 af 7 (+2)
2.  Smári Sigurðsson                 6
3.  Hlynur Snær Viðarsson         5
4.  Ármann Olgeirsson               4,5
5.  Sigurbjörn Ásmundsson         3
6.  Hermann Aðalsteinsson         2,5
7.  Bjarni Jón Kristjánsson          1
8.  Jón Aðalsteinn Hermannsson  0

Hlynur Snær varð hærri að vinningum en Ármann en héraðsmótið fyrir 16 ára og yngri fór fram fyrr í vetur og þar sem þetta var fullorðinsflokkur fékk Hlynur ekki verðlaun í þessu móti. 

Sigtryggur og Eyþór skólameistarar

Sigtryggur Andri Vagnsson og Eyþór Kári Ingólfsson urðu skólameistarar í skák í Stórutjarnaskóla í dag. Sigtryggur vann eldri flokkinn með fullu húsi, eða 5 vinningum. Eyþór tapaði aðeins einni skák og vann því yngri flokkinn með 4 vinningum. Alls tóku 13 keppendur þátt í mótinu og teflt var í einum hóp. Tímamörk voru 10 mín á hverja skák.

Þrír efstu í eldri flokki. Pétur Ívar, Sigtryggur Andri og Tryggvi Snær 

Heildarstaðan:

1   Sigtryggur Andri Vagnsson,        10b    5         9.0  15.0   15.0
2   Eyþór Kári Ingólfsson,                7b     4         7.0  13.0   11.0
3-6  Elín Heiða Hlinadóttir,               6b     3         9.0  15.0   12.0
      Pétur Ívar Kristinsson,               8b     3         8.5  15.5   10.0
      Tryggvi snær Hlinason,              10b   3         8.5  14.5   11.0
      Ingi Þór Halldórsson,                 10b   3         7.0  12.0    9.0
7-9  Sylvía Rós Hermannsdóttir,        5b    2.5       7.0  13.0    6.0
      Ari Ingólfsson,                           4b    2.5       7.0  11.0    7.0
      Þórunn Helgadóttir,                    2b    2.5       6.5  10.5    6.5
10   Hafþór Höskuldsson,                  2b    2         7.5  11.5    6.0
11-13 Grete Alavere,                       1b    1.5       7.5  12.5    5.5
       Heiðrún Harpa Helgadóttir          5b  1.5       7.5  12.5    2.5
      Rannveig Helgadóttir,                 2b  1.5       7.0  12.0    3.5

 

Þrjú efstu í yngri flokki. Elín Heiða, Eyþór Kári og Sylvía. 

Skrár tengdar þessari bloggfærslu:

• Stórutjarnaskóli 2013

Skólamótin í skák

Nokkrum skólaskákmótum er lokið í Þingeyjarsýslu. Skólaskákmót Litlulaugaskóla var haldið í vikunni og urðu úrslit eftirfarandi:

 

Úrslit í yngri aldurshópnum, 1.-7. bekk.
Í fyrsta sæti með 4,5 vinninga varð Jakub Piotr Statkiewicz og systir hans Olivia Konstancja 

Statkiewicz varð í öðru sæti einnig með 4,5 vinninga

Í þriðja sæti með 3 vinninga varð svo Tanía Sól Hjartardóttir. 

Þau hafa unnið sér keppnisrétt á sýslumótinu í skólaskák 

 

 

 

 

 

 

 

 

 

 

 

 

 

 

 

 

 

 

 

Úrslit í eldri aldurshópnum, 8.-10. bekk.
Í fyrsta sæti með 5 vinninga var Elvar Baldinsson
Í öðru sæti með 5 vinninga var Bjarni Jón Kristjánsson
Í þriðja sæti með 4 vinninga var Jón Aðalsteinn Hermannsson.

Þessir þrír hafa sömuleiðis unnið sér keppnisrétt á sýslumótinu.

 

Alls kepptu 19 nemendur í skák eða rúmlega 65% nemenda skólans.

 

Skólamótinu í Reykjahlíðarskóla er lokið og urðu úrslit svona:

 

Yngri flokkur:

1. Elvar Goði Yngvason

2. Ari Rúnar Gunnarsson

3. Helgi James Þórarinssson

 

 

Eldri flokkur: 

1. Friðrik Páll Haraldsson

2. Hjörtur Jón Gylfason

3. Ingimar Atli Knútsson

 

 

 

 

 

 

 

 

 

 

 

 

 

 

 

 

 

 

Úrslit í yngri flokki í Borgarhólsskóla á Húsavík urðu þannig að Björn Helgi Jónsson varð efstur og Magnús Máni Sigurgeirsson varð annar. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Björn og Magnús. 

Skólamótið í Stórutjarnaskóla verður í næstu viku. 

Arnar og Helgi Áss sigruðu á páskamóti Nóa-Siríusar

Það sveif léttur en hátíðlegur andi yfir páskahraðskákmóti Goðans Máta sunnan heiða sem haldið var miðvikudaginn 27. mars. Mótið var kennt við hið ágæta fyrirtæki Nóa-Siríus sem lagði keppendum til verðlaun, páskáegg að sjálfsögðu. Svo skemmtilega var um búið að allir málshættirnir í páskaeggjunum tengdust skák beint eða óbeint, t.d.: „Enginn verður óbarinn biskup“ og „Ja sko Spassky.“

 

Pálmi, Arnar, Kristján, Helgi, Jakob og Arngrímur. Jón Þ tók myndina. 

Páskarnir eru hátíð upprisu og frjósemi  og því ekki að furða að snilldartilþrif sæjust í mörgum skákanna. Sérstakt ánægjuefni var  hve oft brá fyrir djörfum upphafsleikjum á borð við 1.b-4 og 1. g-4 en félagsmenn hafa einmitt sökkt sér ofan í þessar byrjanir að undanförnu í þeim ásetningi að gera þær að beittu vopni á Íslandsmóti skákfélaga 2013-2014.  

Mótið var vel mannað enda voru nokkrir af sprækustu hraðskákmönnum landsins meðal þátttakenda.

Röð efstu manna: 

1.-2.sæti          Arnar Þorsteinsson og Helgi Áss Grétarsson

3. sæti             Kristján Eðvarðsson

4.-5. sæti         Jón Þorvaldsson og Pálmi R. Pétursson

6. sæti             Arngrímur Gunnhallsson

7. sæti             Jakob Þór Kristjánsson

 

Nýtt þróunarverkefni Goðans-Máta

Hverju félagi er hollt að ástunda þróun og nýsköpun. Í mótslok var greint frá nýju þróunarverkefni Goðans-Máta sem félagið mun leita til Nóa-Siriusar og etv. fleiri matvælafyrirtækja til samstarfs um. Hugmyndin gengur út á nýja tegund hraðskákar, svonefnda átskák.

Í átskák verða taflmennirnir gerðir úr matvöru, t.d. hvítu og dökku súkkulaði, og í hvert sinn sem annar hvor keppenda drepur taflmann andstæðingsins verður jafnframt að leggja sér þann taflmann til munns. Átið verður þó ekki lagt á skákmanninn sjálfan því að gert er ráð fyrir að hann hafi sér til fulltingis aðstoðarmann, svonefnt átvagl, sem sporðrennir föllnu mönnunum auk þess að gefa góð ráð um vænleg uppskipti. Átvagl verður virðingarheiti en augljóst er að reyna mun mjög á siðferðilegan þroska viðkomandi einstaklings að láta ekki stjórnast af græðginni einni saman við ráðgjöfina. Gert er ráð fyrir að fyrsta átskákmót Goðans-Máta verði haldið á öndverðu ári 2014 undir viðeigandi kjörorði: ÁT og MÁT.

Að endingu var að venju sunginn félagssöngur Goðans-Máta „Sé ég eftir sauðunum“. Forsöngvari var Pálmi R. Pétursson, sem er maður einmuna raddfagur og lagviss, en aðrir viðstaddir hrinu við eftir föngum.  

Gens una sumus – Við erum öll af sama sauðahúsi.

Jakob Páskameistari Goðans-Máta 2013

Jakob Sævar Sigurðsson vann sigur á Páskaskákmóti Goðans-Máta sem fram fór á Húsavík í gærkvöld, eftir jafna og harða keppni. Fyrir lokaumferðina gátu 5 skákmenn unnið mótið, en Jakob hafði sigur með 4,5 vinninga af 6 mögulegum og var stigahærri en Ármann Olgeirsson og Smári Sigurðsson sem urðu í öðru og þriðja sæti. Hlynur Snær Viðarsson vann yngri flokkinn með 4 vinninga, Jón Aðalsteinn varð annar með 3. vinninga og Bjarni Jón varð þriðji, einnig með þrjá vinninga en lægri á stigum.

Smári, Jakob, Ármann, Bjarni, Hlynur og Jón Aðalsteinn.

Lokastaðan: 

1-3  Jakob Sævar Sigurðsson,         1677 4.5   16.25   

      Ármann Olgeirsson,                   1427 4.5   12.25    

      Smári Sigurðsson,                     1704 4.5   10.75    

 4-5  Sigurbjörn Ásmundsson,           1197 4     12.50    

      Hlynur Snær Viðarsson,              1075 4     11.50    

  6   Hermann Aðalsteinsson,             1330 3.5    9.75    

 7-8  Jón Aðalsteinn Hermannsso,               3      4.00    

      Bjarni Jón Kristjánsson,                        3      3.00    

9-10  Ævar Ákason,                          1461  2      3.00    

      Eyþór Kári Ingólfsson,                         2      1.00    

 11   Jakub Statkiewicz,                             1      0.00    

 12   Helgi James Þórarinsson,                    0      0.00     

Einstök úrslit má skoða í skránni hér fyrir neðan. 

Skrár tengdar þessari bloggfærslu:

• Páskaskákmótið 2013

Öðlingamótið. Sigurður Daði efstur

Sigurður Daði Sigfússon (2324), Þorvarður Fannar Ólafsson (2225), Jóhann Hjörtur Ragnarsson (2066) og Þór Már Valtýsson (2040) eru efstir og jafnir með fullt hús að lokinni 2. umferð Skákmóts öðlinga sem fram fór í gærkveldi.

 

Sitthvað var um óvænt úrslit og má þar nefna að Siguringi Sigurjónsson (1959) og Jon Olva Fivelstad (1901) gerðu jafntefli við þá Hrafn Loftsson (2204) og Sævar Bjarnason (2132).

Öll úrslit 2. umferðar má nálgast hér.

Stöðu mótsins má nálgast hér.

 

Þriðja umferð fer fram nk. miðvikudagskvöld. Þá mætast meðal annars: Þór-Sigurður Daði og Þorvarður-Jóhann.  Pörun 3. umferðar má í heild nálgasthér. 

• Heimasíða TR
• Chess-Results

Páskaskákmót Goðans-Máta 2013 verður á laugardagskvöldið !

Páskaskákmót Goðans-Máta verður haldið laugardagskvöldið 23. mars og hefst það kl 20:20 !! Mótið fer fram í sal Framsýnar að Garðarsbraut 26 á Húsavík. Tefldar verða 7 umferðir og verða tímamörkin 10 mín á mann, auk 5 sek viðbótartíma fyrir hvern leik.

 

Í verðlaun verða páskaegg fyrir þrjá efstu í fullorðinsflokki og handa öllum keppendum í flokki 16 ára og yngri. Vinningahæsti keppandinn fær nafnbótina Páskaskákmeistari Goðans-Máta 2013

Skráning í mótið er hjá formanni í síma 4643187 og 8213187 eða á [e-mail]

Skákmót öðlinga. Sigurður Daði vann í fyrstu umferð

FIDE-meistarinn Sigurður Daði Sigfússon (2324) tekur þátt í skákmóti Öðlinga sem hófst í gær. Sigurður vann skák sína í fyrstu umferð gegn Einar Bjarka Valdemarssyni (1849). Sigurður mætir Eiríki Björnssyni (1967) í annarri umferð.

 

Sigurður Daði Sigfússon (til vinstri) í skák sinni við Smára Sigurðsson á Framsýnarmótinu 2012 

Alls tóku 30 skákmenn þátt sem telst prýðisgóð þátttaka. Úrslit gærdagsins voru hefðbundin, þ.e. hinir stigahærri unnu almennt hina stigalægri. Önnur umferð fer fram á nk. miðvikudagskvöld. 

 

Öll úrslit 1. umferðar má finna hér.

Röðun 2. umferðar sem fram fer á miðvikudagskvöld má finna hér.

• Heimasíða TR
• Chess-Results

TR-b upp í 1. deild í stað Fjölnis ?

Mótsstjórn Íslandsmóts skákfélaga felldi um daginn úrskurð um að Robert Ris skákmaður hjá Fjölni hafi verið ólöglegur sem keppandi fyrir Fjölni í viðureign þeirra við TR í lokaumferð Íslandsmóts skákfélaga 1-2 mars sl. Var það niðurstaða meirihluta nefndarinnar að TR ynni málið og viðureignin dæmd 4,5-1,5 þeim í vil en Fjölnir hafði unnið viðureignina á sjálfu Íslandsmótinu með sama mun. Athygli vekur að einn af þremur mótsstjórnarmönnum skilaði séráliti og taldi Robert löglegan keppanda með Fjölni.

Við þær breytingar tekur b-sveit TR efsta sætið í 2. deild, af Goðanum-Mátum, sem dettur þá niður í annað sætið og Fjölnir fer niður í það þriðja og missir þar með sæti í 1. deild að ári. 

Fjölnir hefur nú áfrýjað málinu til Dómstóls SÍ og því þarf þessi niðurstaða ekki að vera endanleg.

Niðurstaða Mótsstjórnar SÍ má skoða nánar hér 

Þetta hefur þó ekki áhrif á B-lið Goðans-Máta því það fer alltaf upp í 1. deild, sama hver niðurstaðan verður.

Deildarkeppnin frá sjónarhorni Gawains

Í dag skrifaði Gawain Jones pistil á heimasíðu sinni um deildarkeppnina, en Gawain tefldi á frysta borði fyrir Goðann-Máta.

 

Hægt er að lesa pistilinn hér 

Norðurlandsmót kvenna í skák

Norðurlandsmót kvenna í skák fer fram á Dalvík laugardaginn 23. mars nk. kl 13:00. Teflt verður í matsal Grunnskóla Dalvíkur og er gengið inn í hann að austanverðu.

Umferðafjöldi og tímamörk fara eftir fjölda keppenda.

Skráning verður á staðnum.

Nánari upplýsingar veitir Hjörleifur Halldórsson í síma 6964512 

Pistill Gawain Jones um Reykjavík Open

Gawains Jones fer fögrum orðum um Ísland og Reykjavík Open í pistli sem hann skrifaði á heimasíðu sinni fyrir skemmstu. 

 

Gawain vann Svíann Nils Grandelius á Reykjavík Open.

Hægt er að lesa pistilinn hér 

Goðinn-Mátar unnu 2. deildina aftur

B-sveit Goðans-Máta unnu 2. deild Íslandsmóts skákfélaga annað árið í röð í gær þegar keppni lauk í Hörpu. Goðinn-Máta tefla því fram tveimur liðum í 1. deild að ári þar sem A-liðið varð í 5. sæti í fyrst deild og hélt sæti sínu þar með öruggum hætti.

 

B-sveit Goðans-Máta tekur við verðlaununum. Arnar Þorsteinsson, Jón Þorvaldsson, Arngrímur Gunnhallsson, Jón Árni Jónsson og Tómas Björnsson. Andrea Margrét Gunnarsdóttir og Gunnar Björnsson forzeti Skáksambandsins standa við þeirra hlið.

C-liðið lenti í erfiðleikum í 3. deildinni er slapp við fall með því að vinna öruggan sigri á D-liðinu í næst síðustu umferð. D-liðið var hvort sem er fallið í 4. deild þegar að þessari viðureign kom og hefur því keppni í 4. deild að ári.

Nánari fréttir af gengi Goðans-Máta er að vænta á næstu dögum. 

Reykjavík open. Gawain í 7. sæti fyrir lokaumferðina

Gawain Jones er efstur okkar keppenda á Reykjavík Open með 7 vinninga eftir 9 umferðir og er taplaus á mótinu. Gawain er í 7 sæti á mótinu fyrir lokaumferðina og aðeins hálfum vinningi á efstir tveimur efstu mönnunum.
Þröstur Þórhallsson 6,5 vinninga eftir góðan sigur á Dragan Solak (2603) í dag.
John Bartholomew er með 6 vinninga.
Irina Krush er með 5,5 vinninga. 
Nikolaj Mikkelsen er með 5 vinninga.
Stephen Jablon er með 3 vinninga. 
Sigurður Jón Gunnarsson er með 2,5 vinninga eftir 7 skákir, en hann hætti þátttöku í mótinu eftir 7 umferðir.

 

13

GM

Jones Gawain C B

ENG

2637

0

43

IM

Krush Irina

USA

2460

0

44

GM

Thorhallsson Throstur

ISL

2441

0

46

IM

Bartholomew John

USA

2435

0

50

IM

Mikkelsen Nikolaj

DEN

2421

0

129

Gunnarsson Sigurdur Jon

ISL

2000

0

158

Jablon Stephen

USA

1896

1880

Smeltu á nafn viðkomandi til að skoða árangur þeirra nánar. 

 

Lokaumferðin verður tefld á morgun kl 12:00 í Hörpu