Ný Fide-skákstig. Loftur fær sín fyrstu stig

Ný alþjóðleg skákstig komu út í gær. Loftur Baldvinsson fær sín fyrstu fide-stig (1928) og er hann hæstur nýliða á listanum. Helgi Áss Grétarsson (2460) er sem fyrr stigahæstur félagmann Goðans-Máta og Þröstur Þórhallsson kemur næstur með (2449).Ekki eru miklar stigabreytingar frá síðasta lista.

                      Loftur Baldvinsson þungt hugsi.

Sjá allan listann hér

Helgi Áss, Grétarsson	2300699	2460	GM	Goðinn-Mátar
Þröstur, Þórhallsson	2300109	2449	GM	Goðinn-Mátar
Sigurður Daði, Sigfússon	2300168	2320	FM	Goðinn-Mátar
Einar Hjalti, Jensson	2301067	2305	FM	Goðinn-Mátar
Ásgeir Páll, Ásbjörnsson	2300320	2293	FM	Goðinn-Mátar
Þröstur, Árnason	2300435	2265	FM	Goðinn-Mátar
Kristján, Eðvarðsson	2300893	2212		Goðinn-Mátar
Hlíðar Þór, Hreinsson	2301253	2238		Goðinn-Mátar
Björn, Þorsteinsson	2300184	2203		Goðinn-Mátar
Arnar, Þorsteinsson	2300524	2205		Goðinn-Mátar
Tómas, Björnsson	2300303	2143	FM	Goðinn-Mátar
Magnús, Teitsson	2302152	2220		Goðinn-Mátar
Pálmi Ragnar, Pétursson	2302136	2205	FM	Goðinn-Mátar
Jón, Þorvaldsson	2309181	2165		Goðinn-Mátar
Jón Árni, Jónsson	2302101	2078		Goðinn-Mátar
Tómas, Hermannsson	2300508	2108		Goðinn-Mátar
Sigurður G, Daníelsson	2301792	2030		Goðinn-Mátar
Páll Ágúst, Jónsson	2308410	1901		Goðinn-Mátar
Sigurður J, Gunnarsson	2308312	1914		Goðinn-Mátar
Barði, Einarsson	2307006	1755		Goðinn-Mátar
Loftur, Baldvinsson	2301261	1928		Goðinn-Mátar
Sveinn, Arnarsson	2304570	1856		Goðinn-Mátar
Jakob Sævar, Sigurðsson	2303850	1767		Goðinn-Mátar

 

Hermann vann sigur í Kiðagili

Útiskákmót Goðans-Máta fór fram í Kiðagili í Bárðardal í heldur svölu veðri í dag. Sjö svölustu skákmenn félagsins mættu til leiks og hörkuðu af sér kuldann fram að síðustu umferð, en þá byrjaði að rigna. Síðasta umferðin var því tefld innandyra.

 

Tímamörkin í mótinu voru 10 mín á mann og fóru leikar þannig að Hermann formaður vann allar sínar skákir utan eina, gegn Hlyn Snæ Viðarssyni, sem mátaði formanninn laglega. Umræddur Hlynur, Sighvatur og Sigurbjörn komu næstir formanni að vinningum með 4 vinninga hver.

Aðrir keppendur, ungir að árum með framtíðina fyrir sér, fengu færri vinninga í Kiðagili í dag.

Það var hressandi að fá sér kaffi og kökur á rómuðu kaffihlaðborði í Kiðagili að móti loknum. 

Jakob með hálfan vinning eftir tvær umferðir í Þýskalandi

Jakob Sævar Sigurðsson tapaði fyrir Manfred Herbold (2119)  í fyrstu umferð Arber Open í Þýskalandi sem fram fór í gær. Í dag gerði Jakob jafntefli við Stephan Völz (1946) í annarri umferð.

Á morgun verður Jakob með hvítt gegn Dr Theodor Schleich (2040)  

Sigurður Eiríksson tekur einnig þátt í mótinu og er Sigurður með einn vinning eftir fyrstu tvær umferðirnar.  Sjá mótið hér

Alls taka 55 keppendur þátt í mótinu, þar af 5 stórmeistarar og er Jakob í hópi þeirra stigalægstu. 

Athygli vekur að mótið er ekki aðgengilegt á chess-results. 

Útiskákmót Goðans-Máta fer fram á sunnudag í Kiðagili

Hið árlega útiskákmót Goðans-Máta verður haldið í Kiðagili í Bárardal sunnudaginn 30 júní og hefst það kl 14:00. Áætluð mótslok erum um kl 15:00. Teflt verður á stéttinni fyrir framan Kiðagil. Líklegur umhugsunartími verður 5-10 mín á skák og fer umferðafjöldi eftir fjölda þátttakenda. Mótið er ókeypis og engin verðlaun verða í boði, bara gamanið.

Að móti loknu geta keppendur brugðið sér inn í Kiðagil því fyrsta kaffihlaðborð sumarsins verður þennan sama dag i Kiðagili.

Ekki þarf að skrá sig til keppni fyrirfram, en áhugasamir geta þó látið formann vita af þátttöku sinni með því að senda póst á [e-mail] eða hringja í síma 8213187 fyrir kl 14:00 á sunndag.

Jakob kláraði mótið með 3,5 vinninga

Teplice Open mótinu í Tékklandi lauk nýlega. Jakob Sævar Sigurðsson gerði jafntefli í 8. umferð en tapaði svo sinni skák í lokaumferðinni. Jakob endaði því með 3,5 vinninga á mótinu. Einhver villa er á chess-results þannig að ekki er hægt að skoða mótið þar.

 

Sigurður Eiríksson endaði með 3 vinninga á mótinu.

Jakob og Sigurður halda nú yfir landamærin til Þýskalands og taka þá í Arber Open  sem hefst 29 júní og stendur til 7. júlí.   

Jakob með 3 vinninga í Tékklandi

Jakob Sævar Sigurðsson vann sigur í 7. umferð í dag, en tapaði skák sinni í 6. umferð í gær. Jakob er sem stendur með 3 vinninga í 105 sæti á mótinu. 

Í 8. umferð verður Jakob með hvítt gegn Marie Bazantova (1968) frá Tékklandi. sjá hér

Sigurður Eiríksson er líka með 3 vinninga í 105 sæti á mótinu.

Þröstur valinn í landsliðshópinn

Helgi Ólafsson, landsliðseinvaldur í opnum flokki, hefur valið 10 manna landsliðshóp og er okkar amður, Þröstur Þórhallsson í hópnum. Fimm þeirra munu svo eiga sæti í landsliði Íslands á EM landsliða sem fram fer í Varsjá í Póllandi í nóvember nk. Val Helga verður tilkynnt 1. ágúst nk.

Landsliðshópinn skipa:

•  AM Björn Þorfinnsson (2377)
•  AM Bragi Þorfinnsson (2493)
•  AM Dagur Arngrímsson (2396)
•  SM Hannes Hlífar Stefánsson (2507)
•  SM Henrik Danielsen (2508)
•  SM Héðinn Steingrímsson (2561)
•  AM Hjörvar Steinn Grétarsson (2509)
•  SM Stefán Kristjánsson (2494)
•  SM Þröstur Þórhallsson (2449)     Skák.is

Tvö jafntefli í röð hjá Jakob

Jakob Sævar Sigurðsson gerði jafntefli í skákum sínum í 4 og 5. umferð í gær og fyrradag. Báðir andstæðingar hans voru yfir 1900 stig. Jakob er því komin með tvo vinninga eftir fimm umferðir og er í 116. sæti á mótinu af 159 keppendum. Sjá hér

 

Jakob verður með svart gegn Boris Smolik (1964) frá Tékklandi í umferð dagsins. 

Sigurður Eiríksson er einnig með tvo vinninga í 111. sæti.

Sigur í dag.

Jakob Sævar Sigurðsson vann Dai Nguyen(1391) frá Tékklandi í 3. umferð á Teplice Open sem tefld var í dag. Jakob tapaði sinni skák í 2. umferð og er því með einn vinning eftir fyrstu þrjár umferðirnar. Á morgun verður Jakob með hvítt gegn Marek Papay (1966) frá Tékklandi. Sjá hér

 

 

 

 

 

 

 

 

 

 

Mynd úr fyrstu umferð. Sennilega sést Jakob þarna í gráum bol að tefla við sinn andstæðing (sem er í fjólubláum bol) 

Sigurður Eiríksson gerði jafntefli í dag og einnig í gær og er því sömuleiðis með 1. vinninga eins og Jakob eftir þrjár fyrstu umferðirnar. Sjá hér 

Tap í 1. umferð

Jakob Sævar Sigurðsson (1768) tapaði fyrir Englendingnum Andrew Stone (2202) í 1. umferð á Teplice Open í Tékklandi í dag. Sjá hér.

 

Sigurður Eiríksson tapaði einnig sinni skák gegn sterkari andstæðing.

Jakob verður með hvítt gegn Petr Partys (1976) frá Tékklandi í 2. umferð sem hefst kl. 16:00 á morgun. 

Mótið á chess-results 

 

Pálmi kjörin varaforseti Skáksambands Íslands

Pálmi R Pétursson var kjörin varaforseti Skáksambands Íslands á fyrsta fundi nýkjörinnar stjórnar SÍ sem haldinn var 23. maí. Gunnar Björnsson er sem fyrr forzeti SÍ og aðrir í stjórn eru Helgi Árnason, Róbert Lagerman, Ríkharður Sveinsson, Stefán Bergsson og Ingibjörg Edda Birgisdóttir. Varamenn í stjórn eru: Steinþór Baldursson, Óskar Long Einarsson, Andrea Margrét Gunnarsdóttir og Þorsteinn Stefánsson.  

Á fundinum var skipt í hinar ýmsu nefndir á vegum SÍ og situr Jón Þorvaldsson í Mótsnefnd Reykjavíkurskákmótsins. Hermann Aðalsteinsson situr í Skákmótanefnd auk þess sem Hermann er formaður Landsbyggðanefndar SÍ annað árið í röð.

Pálmi er svo varamaður í Mótsstjórn Íslandsmóts Skákfélaga og líka í Stjórn Skáksambands Norðurlanda.

Pálmi R Pétursson fékk Fide-meistaratitli í vetur þegar Fide opnaði fyrir umsóknir um gamla áfanga, en fyrir einhver mistök vann Pálmi sér inn þau réttindi fyrir margt löngu síðan en fékk þau ekki staðfest fyrr en nú í vetur.

Goðinn-Mátar óskar Pálma til hamingju með FM-titilinn. 

Sjá fundargerð fyrsta fundar stjórnar SÍ hér fyrir neðan. 

Skrár tengdar þessari bloggfærslu:

• 1. fundur

Jakob í víking til Tékklands og Þýskalands

Jakob Sævar Sigurðsson tekur þátt í tveimur skákmótum erlendis í sumar. Hann er skráður til leiks á Teplice Open 2013  sem fram fer í Tékklandi daganna 15-23 júní. Eitthvað á annað hundrað keppendur eru nú þegar skráir til leiks á því móti og þar á meðal Sigurður Eiríksson SA og Lenka Ptacnikova 

 

Jakob skellir sér svo yfir til Þýskalands og tekur þátt í Arber Open  sem hefst 29 júní og stendur til 7. júlí. Sigurður Eiríksson verður einnig með á því móti.

Sagt verður frá gengi Jakobs hér á síðunni í sumar. 

Dagskráin í sumar. Nóg um að vera.

Þó að sumarið sé að skella á og reglubundnum skákæfingum lokið hjá Goðanum-Mátum er starfsemin þó ekki alveg dauð.

 

Jakob Sævar heldur utan til keppni á tveimur mótum í Tékklandi og Þýskalandi í júní og Júlí. Sjá nánari umfjöllum um það síðar..... 

Útiskákmót Goðans-Máta verður haldið seint í júní, en staður og dagsetning verður valin með skömmum fyrirvara og miðast við það að finna hentugt kvöld þegar hitastigið er hagstætt og þurrt í veðri. Vel getur hugsast að erlendir og mjög öflugir skákmenn taki þátt í því.

Landsmót UMFÍ á Selfossi 4-7 júlí. HSÞ sendir lið til keppni líkt og venjulega. 

Áskell Örn Kárason heldur uppá stórafmæli á ættaróðalinu sínu á Litlulaugum í Reykjadal 6. júlí og verður létt útihraðskákmót á dagskránni af því tilefni. 

Mærudagar á Húsavík um miðjan júlí. Eitthvað verður gert en ekkert ákveðið. Sighvatur Karlsson skipuleggur það 

Landskeppni við Færeyinga verður helgina 16-18. ágúst í Færeyjum. Hlíðar Þór Hreinsson og Einar Hjalti Jensson verða fulltrúar Goðans-Máta í þeirri keppni. 

Framsýnarmótið verður haldið helgina 27-29. september á Breiðumýri í Reykjadal og er stefnt á að vera með sérstakan skákskóla daganna á undan sem Stefán Bergsson sér um. 

Eins og sést á þessari upptalningu veður heilmikið um að vera hjá okkur í sumar... 

Íslandsmótið. Okkar menn stóðu sig með sóma

Hannes Hlífar Stefánsson varð Íslandsmeistari í skák í gærkvöld eftir sigur á Birni Þorfinnssyni í einvígi, 1,5-0,5. Þetta er tólfti Íslandsmeistari Hannesar sem hefur unnið titilinn langoftast allra.

Kristján Eðvarðsson varð í 8-13 sæti með 6,5 vinninga og Loftur Baldvinsson varð 23-28. sæti með 5,5 vinninga. Báðir unnu sínar skákir í 9. og 10. umferð.

• Heimasíða mótsins
• Chess-Results
• Myndaalbúm úrslitakeppni (HJ)

Íslandsmótið.

Kristján Eðvarðsson er í 20. sæti með 4,5 vinninga þegar 8 umferðum er lokið á Íslandsmótinu í skák. Kristján tapaði í 4,5 og 8. umferð en vann í 6 og 7. umferð. Sjá hér

Loftur Baldvinsson er í 40. sæti með 3,5 vinninga. Loftur tapaði í 4,7 og 8. umferð en vann í 5 og 6 umferð. Sjá hér 

Tveimur umferðum er ólokið á mótinu og verða þær tefldar kl 17.00 á morgun og kl 11:00 á laugardag.

• Heimasíða mótsins
• Chess-Results
• Beinar útsendingar
• Myndir frá sjöundu umferð (HJ)

 

Íslandsmótið. Kristján gerði jafntefli við Stefán Kristjánsson stórmeistara

Goð-Mátarnir Loftur Baldvinsson og Kristján Eðvarðsson halda áfram að gera góða hluti á Íslandsmótinu í skák sem var framhaldið með tveimur umferðum í dag. Kristján Eðvarðsson (2220) vann Bjarnstein Þórsson (1836) í annarri umferð og gerði síðan jafntefli við Stefán Kristjánsson stórmeistara (2494) í þriðju umferð.

Kristján Eðvarðsson á Reykjavík Open 2012 

Loftur Baldvinsson (1706) gerði jafntefli við Gylfa Þórhallsson (2151) í annarri umferð en tapaði fyrir Sigurði Steindórssyni (2234) í þriðju umferð.

Kristján er með 2,5 vinninga og Loftur er með 1,5 vinninga þegar þremur umferðum er lokið á mótinu.

Kristján stýrir hvítu mönnunum gegn Birni Þorfinnssyni (2377) og Loftur verður með svart gegn Nökkva Sverrissyni (2012) í 4. umferð sem hefst kl 17.00 á morgun sunnudag.

• Heimasíða mótsins
• Chess-Results
• Beinar útsendingar 
• Myndir frá fyrstu umferð (PRP og GB)
• Myndir frá annarri umferð (GB)

 

Íslandsmótið - Loftur vann Braga

Opna Íslandsmótið í skák byrjaði heldur betur með látum. Mikið um óvænt úrslit og bar það helst til tíðinda að Goð-Mátinn Loftur Baldvinsson, vann alþjóðlega meistarann Braga Þorfinnsson með glæsilegri fléttu. Goð-Mátinn Kristján Eðvarðsson vann Bald Teodor Petterson frá Svíþjóð. Skoða má skák Lofts við Braga hér ásamt fleiri skákum úr fyrstu umferð.

                Loftur Baldvinsson þungt hugsi.

Tvær umferðir fara fram á morgun. Sú fyrri hefst kl. 10 og sú síðari kl. 17. Áhorfendur eru velkomnir á staðinn en góðar aðstæður er fyrir áhorfendur á skákstað auk einstaks útsýnis. (skák.is)

• Heimasíða mótsins
• Chess-Results
• Beinar útsendingar 
• Myndir frá fyrstu umferð (GB)

Íslandsmótið í skák hefst í dag

Íslandsmótið í skák hefst í dag klukkan 17. Mótið á hundrað ára afmæli í ár en Skákþing Íslendinga - eins og mótið hét í upphafi, var fyrst haldið árið 1913. Taflfélag Reykjavíkur hélt mótið fyrstu árin en Skáksamband Íslands tók við mótinu tveimur árum eftir stofnun þess - eða árið 1927. 

 

Í tilefni þessa merka afmælis er mótið nú með óvenjulegi sniði. Það er opið í fyrsta skipti og í fyrsta skipti í hundrað ára sögu mótsins tefla allir í sama flokki. Mótið er einnig Íslandsmót kvenna. Ríflega 70 keppendur eru skráðir til leiks. Teflt er við einstakar aðstæður  á 20. hæðinni í Turninum við Borgartún (Höfðatorg). Menntamálaráðherra, Illugi Gunnarsson, setur mótið og leikur fyrsta leik þess. Skákáhugamenn eru hvattir til að fjölmenna við setningu mótsins. (Skák.is)

Kristján Eðvarðsson og Loftur Baldvinsson frá Goðanum-Mátum taka þátt í mótinu, en 71 keppandi er skráður til leiks.  sjá hér 

Fylgst verður með gengi þeirra hér á síðunni. 

Þröstur hraðskákmeistari suðurarms Goðans-Máta

Miðvikudagskvöldið síðasta þegar hinar pólitísku klukkur stóðu í stað og landið var stjórnlaust um stund fóru klukkurnar af stað í Sölufélagi Garðyrkjumanna. Tólf lærisveinar Caissu hófu að hreyfa útskorna menn í kappi hver við annan og húsbóndann harðasta - tímann sjálfan - sem tifaði miskunnarlaust áfram milli vel útilátinna grænmetis- og ostabakka Gunnlaugs Karlssonar, framkvæmdastjóra þar á bæ og góðs gestgjafa.

Félagar í skákfélaginu Goðanum-Mátum voru mættir í sólroðinn Brúarvog til þess að útkljá sín á milli hver skyldi kallaður hraðskákmeistari félagsins sunnan heiða. Sérstakur stuðningsaðili mótsins, fyrirtækið Eflir almannatengsl sá um vegleg verðlaun.

Spennandi keppni og jöfn fór í hönd og enduðu leikar þannig, að þrír urðu efstir og jafnir: ÞrösturÞórhallsson, Einar Hjalti Jensson og Tómas Björnsson. Rétt neðar kom Arnar Þorsteinsson nýkominn af fjalli - annars var mótið jafnt og í raun spurning um dagsform. Það var helst aldursforsetinn Björn Þorsteinsson, margfaldur Íslandsmeistari í hraðskák og kappskák, sem náði sér ekki á strik að þessu sinni. Stórmeistarinn og Íslandsmeistarinn, Þröstur Þórhallsson, var úrskurðaður sigurvegari á stigum og handhafi titilsins Hraðskákmeistari GM-S 2013. Hollvinur félagsins, Halldór Grétar, hélt utan um mótstöflu og tefldi með sem gestur.

Góður andi sveif yfir vötnum og var það mál manna þegar upp var staðið að Einstein hefði haft rétt fyrir sér með tímann: hann er sannarlega afstæður og getur auk þess verið hvorttveggja gefandi og skemmtilegur.

Að keppni lokinni hélt framkvæmdastjóri Eflis almannatengsla, séntilmaðurinn og mannasættirinn Jón Þorvaldsson, skemmtilega tölu og útdeildi verðlaunum. Allir keppendur voru leystir út með viðurkenningu og veglegri gjöf - skjatta frá Kropphúsinu (Body Shop). Innihald skjattans ku víst hafa glatt konur Goðmátanna sérstaklega.

Með þessu móti lýkur vetrarstarfi GM sunnan heiða. Óhætt er að segja að eftirtekjur séu góðar en félagið státar nú af tveimur sveitum í efstu deild Íslandsmóts skákfélaga. Framundan er skemmtikvöld í júní og svo hyggst félagið velgja Víkingum undir uggum í hraðskákkeppni skákfélaga síðla sumars.

Mótið á Chess-Results

Með skákkveðju

Pálmi R. Pétursson 

Öðlingamóti. Sigurður Daði í 3. sæti

Sigurður Daði Sigfússon (2324) varð í þriðja sæti á Öðlingamótinu sem laug í gærkvöld með 5 vinninga af 7 mögulegum. Hrafn Loftsson (2204) og Friðgeir Hólm (1698) urðu jafnir Sigurði að vinningum, en Daði fær bronsið eftir stigaútreikning.

 

Þorvarður F. Ólafsson (2225) tryggði sér sigur á Skákmóti öðlinga í gær er hann lagði Vigfús Ó. Vigfússon (1988) í lokaumferð mótsins. Þorvaður hlaut 6 vinninga í 7 skákum. Annað árið í röð að Þorvarður hampi titlinum. Sævar Bjarnason (2132) varð annar með 5,5 vinninga.

Þrír skákmenn urðu jafnir í 3.-5. sæti með 5 vinninga. Það voru 

Næstkomandi miðvikudag, 8. maí, fer svo fram Hraðskákmót öðlinga. Að því loknu verður verðlaunaafhending fyrir bæði mótin. Hraðskákmótið er opið öllum 40 ára og eldri og verður nánar kynnt þegar nær dregur móti.

Úrslit lokaumferðarinnar má nálgast hér og lokastöðuna má nálgast nálgasthér.

• Heimasíða TR
• Chess-Results