Hraðskákmót taflfélaga Goðinn-Mátar bar sigurorð af Taflfélaginu Helli

Goðar og Mátar mættu glaðbeittir til sveitakeppni við Hellismenn í Faxafeni í gær. Síðarnefndu höfðu fengið léð salarkynni SÍ af þessu tilefni en þeirra eigin voru í notkun vegna meistaramótsins. Sveitunum laust saman á 6 borðum eins og reglur keppninnar gera ráð fyrir. Viðureignin var spennandi framan af og nokkuð jöfn. Í hléi var staðan 19.5-16.5 Goðmátum í vil en þeir bitu í skjaldarrendur, juku forskotið í seinni hlutanum og unnu að lokum góðan sigur, hlutu 45.5 vinninga gegn 26.5 vinningum Hellis. 

Sterkastir hjá Goðanum-Mátum voru; Þröstur Þórhallsson með 10 af 12, Helgi Áss Grétarsson með 8 af 11 og Ásgeir P. Ásbjörnsson með 6.5 af 9. Sterkastir gestgjafanna voru Hjörvar Steinn Grétarsson með 8.5 af 12, Davíð Ólafsson með 7 af 12 og Andri Áss Grétarsson með 6.5 af 12. 

Hellismönnum er þökkuð viðureignin og viðurgjörningur í hléi.

Pálmi R. Pétursson

Árangur

No.		Name	Rtg	Team	Pts.	Games	%	Bo.
1	GM	Þórhallsson Þröstur	2445	Goðinn-Mátar	10.0	12	83.3	3
2	IM	Grétarsson Hjörvar Steinn	2474	Hellir	8.5	12	70.8	1
3	GM	Grétarsson Helgi Áss	2497	Goðinn-Mátar	8.0	11	72.7	2
4	FM	Ólafsson Davíð Rúrik	2312	Hellir	7.0	12	58.3	2
5	FM	Ásbjörnsson Ásgeir Páll	2275	Goðinn-Mátar	6.5	9	72.2	3
6	FM	Jensson Einar Hjalti	2292	Goðinn-Mátar	6.5	11	59.1	3
7	FM	Grétarsson Andri Áss	2332	Hellir	6.5	12	54.2	3
8		Eðvarðsson Kristján	2210	Goðinn-Mátar	5.0	8	62.5	4
9		Hreinsson Hlíðar Þór	2188	Goðinn-Mátar	4.0	8	50.0	3
10	FM	Árnason Þröstur	2233	Goðinn-Mátar	3.0	4	75.0	4
11		Þorsteinsson Arnar	2167	Goðinn-Mátar	2.5	4	62.5	4

 

Loftur gengur í SA

Loftur Baldvinsson (1703) hefur gengið í uppeldisfélag sitt, Skákfélag Akureyrar, úr Goðanum-Mátum. 

 

Um leið og við þökkum Lofti fyrir samveruna í GM óskum við honum góðs gengis hjá SA. 

Töfluröð Íslandsmóts skákfélaga

Dregið var í fyrstu og aðra deild Íslandsmóts skákfélaga sem fram fer í október nk. A-lið Goðans-Máta mætir B-liði Goðans-Máta í fyrstu umferð. A-liðið fær svo Bolvíkinga í 2. umferð, TR-b í 3.umferð, A-lið Víkingaklúbbsins í 4. umferð og A-lið Taflfélags Reykjavíkur í 5. umferð. 

Töfluröðin er sem hér segir:

1	Víkingaklúbburinn A
2	Taflfélag Reykjavíkur A
3	Hellir A
4	Goðinn-Mátar A
5	Taflfélag Vestmannaeyja A
6	Skákdeild Fjölnis A
7	Goðinn-Mátar B
8	Taflfélag Bolungarvíkur A
9	Taflfélag Reykjavíkur B
10	Skákfélag Akureyrar A

B-lið Goðans Máta fær TV-a í 2. umferð, Fjölni-A í 3. umferð, SA-a í 4. umferð og svo Bolvíkinga í 5. umferð. 

Töfluröð í 2. deild er sem hér segir:

 

1	Taflfélag Akraness
2	Skákdeild Hauka
3	Vinjar A
4	Skákfélag Reykjanesbæjar A
5	Taflfélag Bolungarvíkur B
6	Taflfélaga Vestmannaeyja B
7	Víkingaklúbburinn B
8	Taflfélag Garðabæjar A

Dregið verður í 3 og 4. deild við upphaf Íslandsmóts skákfélaga í október.

Hellir í 8-liða úrslitum

Goðinn-Mátar drógust gegn Helli í 8-liða úrslitum hraðskákkeppni taflfélaga en dregið var í gærkvöld. Hellir á heimaleik. Aðrar viðureignir í 8-liða úrslitum má sjá hér fyrir neðan.

 

 

Hellir -- Goðinn-Mátar
Skákfélag Íslands -- Víkingaklúbburinn
Skákfélag Akureyrar -- Briddsfjelagið
Bolungavík -- Taflfélag Vestmannaeyja 

Þröstur Þórhallsson stórmeistari keppir á Framsýnarmótinu 2013

Skráning á Framsýnarmótið 2013 í skák fer vel af stað, þrátt fyrir að rúmur mánuður sé í mótið. Í morgun voru 8 keppendur búnir að skrá sig til leiks. Meðal þeirra er Þröstur Þórhallsson stórmeistari, Einar Hjalti Jensson, Jón Þorvaldsson og Sigurður Daníelsson.

Framsýnarmótið fer fram daganna 27-29 september á Breiðumýri í Reykjadal í Þingeyjarsveit. 

Það er Framsýn-stéttarfélag í Þingeyjarsýslu sem gefur verðlaun í mótið og þess vegna er ekkert þátttökugjald í mótið.  Mótið er venjulegt helgarmót þar sem tefldar verða fjórar atskákir og þrjár kappskákir.

Nánari dagskrá verður gefin út þegar nær dregur.

Hægt er að skrá sig til leiks hér efst á síðunni.

Hér má sjá lista yfir skráða keppendur. 

 

Ísland hafði betur í seinni umferð

Íslenska liðið vann það færeyska 6-4 í seinni viðureigninni sem fram fór í dag í Klaksvík. Hlíðar Þór Hreinsson, Stefán Bergsson, Haraldur Haraldsson og Viðar Jónsson unnu. Einar Hjalti Jensson, Rúnar Sigurpálsson, Halldór Brynjar Halldórsson og Gunnar Björnsson gerðu jafntefli en aðrir töpuðu.

 

Lokatölur urðu 7,5-12,5 Færeyingum í vil. Haraldur stóð sig best fékk 1,5 vinning en íslenska liðið var að mestu skipað Norðanmönnum.

Einstaklingaúrslit má nálgast á Chess-Results.

• Heimasíða færeyska skáksambandsins
• Chess-Results

Hlíðar Þór vann hraðaskákmót í Færeyjum - Einar varð þriðji

Í gærkveldi fór fram hraðskákmót í Klaksvík þar sem flestir keppenda landsdystins tefldu. Hlíðar Þór Hreinsson  var í miklu stuði og hlaut 15 vinninga í 16 skákum. Annar varð Rúnar Sigurpalsson og þriðji varð Einar Hjalti Jensson.

Síðari hluti landskeppninnar fer fram í dag og hefst kl. 13. Íslendingar stefna á að gera mun betur en á föstudag. skák.is segir frá

 

 

 

 

 

Úrslit hraðskákkeppninnar

 

Rank	Name	Rtg	FED	Pts
1	Hlidar Hreinsson	2238	ISL	15
2	Runar Sigurpalsson	2230	ISL	13½
3	Einar Hjalti Jensson	2305	ISL	12
4	Finnbjorn Vang	2051	FAI	11
5	Gunnar Bjornsson	2102	ISL	10½
6	Halldor Halldorsson	2228	ISL	10
7	Haraldur Haraldsson	0	ISL	9
8	Sigurdur Eiriksson	1946	ISL	9
9	Torbjorn Thomsen	2143	FAI	9
10	Stefan Bergsson	2157	ISL	8
11	Tummas M. Solsker	1927	FAI	7
12	Vidar Jonsson	1997	ISL	6
13	Andrias Danielsen	1859	FAI	6
14	Rogvi M. Olsen	1922	FAI	5
15	Janus Skaale	1334	FAI	3
16	Oskar Long Einarsson	1605	ISL	2
17	Arnhold Davidsen	0	FAI	0

 

Færeyingar unnu stórt í fyrri umferð

Færeyingar unnu afar öruggan sigur í fyrri umferð Landskeppninnar á milli þeirra og Íslendinga sem fram fer um helgina í Klaksvík. Það var snemma ljóst hvert stefndi en sigurinn var þó fullstór eða 8,5-1,5 og litlu samhengi við styrkleikamuninn á milli liðanna.

 

Allt gekk upp hjá hjá Færeyingum. Hjá íslenska liðinu,voru það Rúnar Sigurpálsson, Gunnar Björnsson og Haraldur Haraldsson sem gerðu jafntefli en aðrir töpuðu.

Færeyingar hafa sínt gestum sínum ákaflega mikla gestrisni - nema við skákborðið!

Síðari hluti landskeppninnar fer fram á sunnudag.

• Heimasíða færeyska skáksambandsins
• Chess-Results

Landskeppnin við Færeyjar um helgina

Landskeppnin við Færeyinga fer fram um helgina í Færeyjum. Hlíðar Þór Hreinsson og Einar Hjalti Jensson fara fyrir hönd Goðans-Máta til keppni ásamt skákmönnum úr SA og SAUST auk Gunnars Björnssonar forseta SÍ.

 

 

Búast má við hörku keppni og eru Færeyingar með eitthvað sterkara lið á pappírnum en Íslendingar eiga harma að hefna frá því tapinu fyrir tveimur árum á heimavelli. 

 

 

Samkvæmt heimasíðu Færeyrska skáksambandsins verður liðsuppstillingin svona:

 

Fyrri umferð á laugardag

Borð 1 IM Helgi Dam Ziska   2468   Einar Hjalti Jensson 2305

             

Borð 2 Rógvi Egilstoft Nielsen   2243   Hlíðar Þór Hreinsson 2238

             

Borð 3 FM Carl Eli Nolsøe Samuelsen 2194 Rúnar Sigurpálsson 2230

             

Borð 4 Høgni Egilstoft Nielsen 2102 Halldór Brynjar Halldórsson 2228

             

Borð 5 Torkil Nielsen 2113 2093   Stefán Bergsson 2157

             

Borð 6 Torbjørn Thomsen 2143   Gunnar Bjørnsson 2102

             

Borð 7 Herluf Hansen 2028       Haraldur Haraldsson 2005

             

Borð 8 Terji Petersen 2037        Sigurður Eiríksson 1948

             

Borð 9 Martin Brekká 2028             Viðar Jónsson 1891

             

Borð 10 Súni Jacobsen 1865      Óskar Long Einarsson 1605

             

             

Meðaltal   2122     2071

 

Seinni umferð á sunnudag.            

             

Borð 1 IM Helgi Dam Ziska 2468   Einar Hjalti Jensson 2305

             

Borð 2 IM John Rødgaard 2366   Hlíðar Þór Hreinsson 2238

             

Borð 3 FM Carl Eli Nolsøe Samuelen 2194 Rúnar Sigurpálsson 2230

             

Borð 4 Torkil Nielsen 2113 2093   Halldór Brynjar Halldórsson 2228

             

Borð 5 Torbjørn Thomsen 2143   Stefán Bergsson 2157

             

Borð 6 Terji Petersen 2037 1996   Gunnar Bjørnsson 2102

             

Borð 7 Martin Brekká 2028 1954   Haraldur Haraldsson 2005

             

Borð 8 Tummas Martin Sólsker 1927   Sigurður Eiríksson 1948

             

Borð 9 Súni Jacobsen 1865 1805   Viðar Jónsson 1891

             

Borð 10 Jóannes Guttesen 1609   Óskar Long Einarsson 1605

             

             

Meðaltal   2127     2071

 

Reynt verður að segja fra gengi okkar manna hér á síðunni. 

Góður sigur á TR - Helgi Áss vann allar sínar skákir

Goðinn-Mátar vann öruggan sigur á TR í hraðskákkeppni taflfélaga nú í kvöld. Goðinn-Mátar fengu 52 vinninga gegn 20 vinningum TR. Goðinn-Mátar unnu sigur í 11 af 12 umferðum og þar af þrjár þeirra 6-0. Teflt var í húsnæði Sensu á Klettshálsi. 

 

Helgi Áss Grétarsson var í góðu formi og vann hann allar sínar skákir 12 að tölu. Ásgeir Ásbjörnsson fékk 9 vinninga af 12, Kristján Eðvarðsson fékk 8 vinninga í 9 skákum, Tómas Björnsson fékk 7 vinninga í 8 skákum og Einar Hjalti Jensson fékk 7 vinninga af 10. Aðrir fengu færri vinninga.

Bestir TR-inga voru Arnar Gunnarsson, sem fékk 7 vinninga af 12 og Karl Þorsteinss með 6 vinninga af 12. Aðrir fengu færri vinninga.

Sjá nánar hér 

Borgarskákmótið - Tómas í 4-5 sæti

Borgarskákmótið fór fram í Ráðhúsi Reykjavíkur í gær. Tveir félagsmenn Goðans-Máta tóku þátt í mótinu og stóðu sig vel. Tómas Björnsson varð í 4-5 sæti. með 5,5 vinninga af 7 mögul. og Jón Þorvaldsson varð í 6-13. sæti með 5 vinninga.

 

Lokastaðan:

1	Hjörvar Steinn Grétarsson Íslandsbanki	2505	7
2-3	Andri Grétarsson Sorpa	2335	6
	Róbert Harðarson Gagnaveita Reykjavíkur	2301	6
4-5	Guðmundur Gíslason Ölstofan	2322	5,5
	Tómas Björnsson Perlan	2140	5,5
6-13	Arnar E, Gunnarsson Talnakönnun	2441	5
	Dagur Ragnarsson Hótel Borg	2040	5
	Sigurbjörn Björnsson Reykjavíkurborg	2390	5
	Bragi Halldórsson Gámaþjónustan	2160	5
	Oliver Aron Jóhannesson Íslensk erfðagreining	2008	5
	Jón Þorvaldsson Jómfrúin	2165	5
	Gunnar Freyr Rúnarsson Hlölla bátar	1970	5
	Kjartan Maack Íslandspóstur	2128	5

 

Sjá nánar á skák.is 

Unglingalandsmótið Úrslit í skák - Kristján og Eyþór meðal keppenda

Keppt var í skák á Unglingalandsmótinu sem fram fór á Höfn í Hornafirði um helgina. Þeir Eyþór Kári Ingólfsson og Kristján Davíð Björnsson frá HSÞ tóku þátt í flokki 11-14 ára og stóðu sig með prýði. Kristján varð í 5. sæti með 4,5 vinninga og Eyþór varð í 7. sæti með 4 vinninga. Tefldar voru 7 umferðir og var umhugsunartíminn 10 mín á skákina.

11-14 ára.

1. Brynjar Bjarkason          6     Íþróttabandalag  Hafnarfjarðar

2. Eiríkur Þór Björnsson      6   Ungmennasamband A-Húnvetninga

3. Símon Þórhallsson          6    Ungmennafélag Akureyrar

4. Benedikt Fadel Farag      5   Héraðssambandið Skarphéðinn

5. Kristján Davíð Björnsson  4 ½   Héraðssamband Þingeyinga

6. Björgvin Ægir Elísson      4   Ungmenna og Íþróttafélag Austurlands

7. Eyþór Kári Ingólfsson     4   Héraðssamband Þingeyinga

8. Brynjar Daði Gíslason     2    Íþróttabandalag  Hafnarfjarðar

9. Ívar Kristinsson              2    Ungmennasambandið Úlfljótur

10. Hinrik Logi Árnason        1 ½   Ungmenna og Íþróttafélag Austurlands

11. Sólrún Lára Sverrisdóttir  1   Ungmennasamband Vestur-Skaftafellssýslu

 

15-18 ára.

 

1. Mikael Máni Freysson  6   Ungmenna og Íþróttafélag Austurlands

2. Arnþór Ingi Ingvasson   6   Keflavík,Íþrótta-og Ungmennafélag

3. Örvar Svavarsson   5   Aðrir Keppendur

4. Atli Geir Sverrisson   4   Ungmenna og Íþróttafélag Austurlands

5. Hávar Snær Gunnarsson  3   Íþróttabandalag Reykjavíkur

6. Mattías Már Kristjánsson  2   Aðrir Keppendur

7. Högni freyr Gunnarsson  1 ½   Íþróttabandalag Reykjavíkur

8. Bjarnar Ingi Pétursson   ½   Íþróttabandalag Reykjavíkur

 

Gunnar Páll Halldórsson var mótstjóri. 

Hraðskákkeppni taflfélaga - TR í fyrstu umferð

Í dag var dregið í fyrstu umferð (16 liða úrslit) Hraðskákkeppni taflfélaga við fjölmenni í skrifstofu SÍ. Aðalviðureignin umferðarinnar er viðureign Goðans-Máta og Taflfélags Reykjavíkur.

 

Fimmtán lið taka þátt í keppninni. Núverandi hraðskákmeistarar taflfélaga, Víkingaklúbburinn, kemst beint í 2. umferð (8 liða úrslit). 

Fyrstu umferð á samkvæmt reglum keppninnar að vera lokið eigi síðar en 20. ágúst. 

Röðun 1. umferðar (16 liða úrslita) - heimaliðið nefnt fyrst

• Taflfélag Garðabæjar - Taflfélag Bolungarvíkur
• Briddsfjelagið - Skákfélag Reykjanesbæjar
• Taflfélag Vestmannaeyja - Skákfélag Selfoss og nágrennis
• Skákfélag Íslands - Taflfélag Akraness
• Skákdeild Fjölnis - Skákfélag Akureyrar
• Taflfélagið Hellir - Skákfélag Vinjar
• Goðinn-Mátar - Taflfélag Reykjavíkur
• Víkingaklúbburinn er kominn áfram

Það er Taflfélagið Hellir sem stendur fyrir keppninni sem nú fer fram í nítjánda sinn.

Heimasíða Hellis

Ný skákstig. Jakob hækkar um 38 stig

Ný alþjóðleg skákstig eru komin út, dagsett 1. ágúst. Eina stigabreyting hjá félagsmönnum Goðans-Máta er að Jakob Sævar Sigurðsson hækkar um 38 skákstig frá síðasta lista, eftir góða frammistöðu á tveimur mótum erlendis í júlí. Enginn annar félagsmaður tók þátt í móti í júlí. 

 

Helgi Áss, Grétarsson	2300699	2460	GM	Goðinn-Mátar
Þröstur, Þórhallsson	2300109	2449	GM	Goðinn-Mátar
Sigurður Daði, Sigfússon	2300168	2320	FM	Goðinn-Mátar
Einar Hjalti, Jensson	2301067	2305	FM	Goðinn-Mátar
Ásgeir Páll, Ásbjörnsson	2300320	2293	FM	Goðinn-Mátar
Þröstur, Árnason	2300435	2265	FM	Goðinn-Mátar
Kristján, Eðvarðsson	2300893	2212		Goðinn-Mátar
Hlíðar Þór, Hreinsson	2301253	2238		Goðinn-Mátar
Björn, Þorsteinsson	2300184	2203		Goðinn-Mátar
Arnar, Þorsteinsson	2300524	2205		Goðinn-Mátar
Tómas, Björnsson	2300303	2143	FM	Goðinn-Mátar
Magnús, Teitsson	2302152	2220		Goðinn-Mátar
Pálmi Ragnar, Pétursson	2302136	2205	FM	Goðinn-Mátar
Jón, Þorvaldsson	2309181	2165		Goðinn-Mátar
Jón Árni, Jónsson	2302101	2078		Goðinn-Mátar
Tómas, Hermannsson	2300508	2108		Goðinn-Mátar
Sigurður G, Daníelsson	2301792	2030		Goðinn-Mátar
Páll Ágúst, Jónsson	2308410	1901		Goðinn-Mátar
Sigurður J, Gunnarsson	2308312	1914		Goðinn-Mátar
Barði, Einarsson	2307006	1755		Goðinn-Mátar
Loftur, Baldvinsson	2301261	1928		Goðinn-Mátar
Sveinn, Arnarsson	2304570	1856		Goðinn-Mátar
Jakob Sævar, Sigurðsson	2303850	1805		Goðinn-Mátar

  

 

Sjá heildarlistann hér 

Vel heppnað Landsmót

Það var eftirminnileg upplifun að taka þátt í Landsmóti UMFÍ á Selfossi um helgina. Þar skeiðuðum við fram á köflóttan völlinn nokkrir félagar úr Goðanum-Mátum fyrir hönd HSÞ og tókumst á við skemmtilegar og vel mannaðar sveitir annarra ungmennafélaga. Ekki spillti ánægjunni að við höfðum sigur í keppninni, hlutum 27 vinninga af 32 mögulegum og vorum 5,5 vinningum á undan liðinu í 2. sæti, UMSK, en „ungliðarnir“ í Fjölni náðu 3. sæti. Sigur HSÞ var reyndar í sjónmáli eftir velgengni fyrri keppnisdaginn þar sem tefldar voru 5 umferðir. Við létum svo kné fylgja kviði síðari daginn þegar stórmeistararnir Þröstur Þórhallsson og Helgi Áss Grétarsson komu til liðs við okkur síðustu 3 umferðirnar.

 

Halldóra Gunnarsdóttir, Jóhanna Kristjánsdóttir og Jón Þorvaldsson greinarhöfundur. 

Sumir höfðu á orði að við hefðum ekki þurft að tefla fram slíkum fallbyssum, þar sem forskotið var allgott eftir fyrri daginn. Því er til að svara að við vildum manna sveit okkar eins vel og kostur var á. Sú viðleitni speglar í senn virðingu okkar fyrir Landsmótinu og metnað okkar til að vera öflugir fulltrúar HSÞ og Goðans-Máta. Við lentum eins og sjálfsagt flestar aðrar sveitir í hálfgerðum vandræðum með að púsla liðinu saman þar sem tími margra var naumt skammtaður yfir hásumarið og nokkrir öflugir liðsmenn erlendis eða annars staðar á landinu. Það var því alger tilviljum að liðið raðaðist upp með þeim hætti að stórmeistararnir áttu báðir heimangengt síðari daginn en ekki þann fyrri.

Miklar sveiflur voru í gengi flestra liða og óvænt úrslit litu dagsins ljós. Þannig tapaði firnasterk sveit ÍBA t.d. 1-3 fyrir UMFN í fyrstu umferð en ÍBA vann síðan UMSK1, sem lenti í öðru sæti, 3,5-0,5. Þá var það athygli vert að Fjölnir tapaði aðeins einni viðureign af 8, fyrir HSÞ. Einnig var ánægjulegt að sjá hve vel kvenfólkinu í sveitum UMSK vegnaði en þar fóru fremstar Guðlaug Þorsteinsdóttir og Jóhanna Björg Jóhannesdóttir og þær sáu einmitt til þess að UMSK1 var eina sveitin sem hélt jöfnu við HSÞ.

 

Vel var staðið að Landsmótinu af hálfu skipuleggjenda og það var bæjarfélaginu til sóma. Það er erfitt að lýsa andanaum sem ríkti á mótinu, en ef til er fjölskylduíþróttahátíð, þá er það þessi. Við tefldum í húsakynnum Fjölbrautarskólans og þar var t.d. keppt í bridge, starfsíþróttum og boccia þar sem margir fatlaðir keppendur tóku þátt. Þetta breiða litróf mannlífsins gaf mótinu sérstakan blæ og sá skemmtilegi siður að sjá keppendur klappa fyrir öðrum keppendum og jafnvel hvetja sína eigin andstæðinga.

Síðast en ekki síst er sérstök ástæða til þess að þakka umsjónarmanni og skipuleggjanda skákmótsins, Magnúsi Matthíassyni fyrir frábæra frammistöðu. Hann þurfti allt í senn að halda utan um úrslit hverrar umferðar, vera dómari og mannasættir, miðla upplýsingum og sjá til þess að líflegur andi svifi yfir vötnum. Öll þessi hlutverk leysti hann með sóma.

Því er við að bæta að áhugi nokkurra skákmanna kviknaði á öðrum íþróttagreinum. Þannig hefur Tómas Björnsson t.d. þegar skráð sig í keppni í dráttarvélaakstri á Landsmótinu eftir 4 ár en sérgrein hans er að bakka heyvagni inn í hlöðu. Þá mun Helgi Áss íhuga að taka þátt í hástökki en hann var knár hástökkvari á árum áður og hafði þann kraftmikla stíl að þurfa ekki á atrennu að halda. Vert er að lokum að geta frammistöðu félaga okkar úr GM, Jóns Árna, sem sigraði í stafsetningarkeppninni með glæsibrag og gerði gott betur því að hann benti forvígismönnum Landsmótsins á samtals 174 villur í mótsskrá og öðrum gögnum mótsins.

Jón Þorvaldsson

Jakob stóð sig vel í Þýskalandi

Jakob Sævar Sigurðsson (1768) stóð sig vel á Arber Open sem lauk í gær í Þýskalandi. Jakob hlaut alls 4 vinninga í 9 skákum og endaði í 32.-37. sæti.

 

Sigurður Eiríksson SA (1950) stóð sig enn betur því hann hlaut 5 vinninga og endaði í 16.-21. sæti af 55 keppendum. Sigurður varð efstur keppenda með minna en 2000 skákstig. 

Sigurvegari mótsins varð rússneski stórmeistarinn Evgeny Vorobiov (2583)

Heimasíða mótsins

HSÞ vann öruggan sigur á Landsmótinu

Héraðssamband Þingeyinga HSÞ, vann öruggan sigur á Landsmóti UMFÍ sem fram fór í gær og í dag á Selfossi. Félagsmenn Goðans-Máta skipuðu sveit Þingeyinga og fóru stórmeistararnir Þröstur Þórhallsson og Helgi Áss Grétarsson þar fremstir í flokki. HSÞ fékk 27 vinninga en Kjalnesingar fengu 21,5 vinninga og Fjölnir 19 vinninga.

 

Arngrímur, Tómas, Einar, Helgi og Jón liðsstjóri með sín verðlaun. Mynd Halldóra Gunnarsdóttir. 

Ungmennasamband Kjalarnesþings (UMSK), sem var að mestu skipuð félagsmönnum Taflfélags Garðabæjar, endaði í öðru sæti og Fjölnir endaði í þriðja sæti.

Sigursveit Þingeyinga.

1. Þröstur Þórhallsson 3 v. af 3
2. Helgi Áss Grétarsson 3 v. af 3
3. Einar Hjalti Jensson 5,5 v. af 8
4. Ásgeir Ásbjörnsson 3,5 v. af 5
5. Arnar Þorsteinsson 3 v. af 3
6. Tómas Björnsson 6 v. af 6
7. Jón Þorvaldsson 2 v. af 2
8. Arngrímur Gunnhallsson 1 v. af 2

 

Jón, Ásgeir, Einar, Tómas og Arnar. Mynd: Halldóra Gunnarsdóttir

 

Jón, Helgi Áss, Arngrímur, Einar, Tómas og Þröstur. Mynd: Halldóra Gunnarsdóttir 

Halldóra Gunnarsdóttir úr stjórn HSÞ, Jóhanna Kristjánsdóttir formaður HSÞ og Jón Þorvaldsson liðsstjóri skáksveitar HSÞ með bikarinn.

Sveit Kjalnesinga skipuðu félagsmenn Taflfélags Garðabæjar að mestu leyti auk þess sem Jóhanna Björg Jóhannsdóttir úr Helli reyndust drjúgur liðsauki.

Lið Kjalnesinga:

• Jóhann H. Ragnarsson
• Jón Þór Bergþórsson
• Guðlaug Þorsteinsdóttir
• Jóhanna Björg Jóhannsdóttir
• Páll Sigurðsson 

Lið Fjölnis skipuðu félagsmenn Fjölnis eðli málsins samkvæmt! Sveitina skipuðu:

• Jón Árni Halldórsson
• Erlingur Þorsteinsson
• Dagur Ragnarsson
• Oliver Aron Jóhannesson
• Jón Trausti Harðarson

Fráfarandi meistarar, UMFB (Bolvíkingar) tóku ekki þátt.

 

Þrjú efstu liðið á Landsmótinu í skák. Mynd: Halldóra Gunnarsdóttir. 

Lokastaðan:

 

Rk.	Team	TB1	TB2
1	HSÞ	27	15
2	UMSK 1	21,5	12
3	Fjölnir	19	10
4	ÍBA	18	11
5	UMFN	17	10
6	HSK 1	13,5	6
7	UÍA	12,5	6
8	UMSK 2	8,5	2
9	HSK 2	7	0

 

Chess-Results

HSÞ með örugga forustu á Landsmótinu á Selfossi

Héraðssamband Þingeyinga HSÞ, sem félagsmenn Goðans-Máta skipa hefur örugga forystu á skákkeppni Landsmóts UMFÍ þegar 5 umferðum af níu er lokið. Þingeyingar hafa 4 vinninga forystu á Ungmennasamband Kjalarnesþings (UMSK), þar sem félagsmenn Taflfélags Garðabæjar eru í aðalhlutverki. Íþróttabandalag Akureyrar (ÍBA), sem félagsmenn Skákfélags Akureyrar skipa er í þriðja sæti.

Núverandi meistarar UMFB (Bolvíkingar) taka ekki þátt. Mótinu lýkur á morgun með umferðum 6-9.

Staðan eftir 5 umferðir

Rk.	Team	Games	TB1	TB2	TB3
1	HSÞ	5	17	10	0
2	UMSK 1	4	13	8	0
3	ÍBA	5	12,5	8	0
4	Fjölnir	4	10	5	0
5	UMFN	4	8,5	5	0
6	HSK 1	4	8	4	0
7	HSK 2	5	4,5	0	0
8	UMSK 2	5	3,5	0	0
9	UÍA	4	3	0	0

 

Chess-Results

Jakob með 3 vinninga eftir 6 umferðir

Jakob Sævar Sigurðsson vann Bielmeier Ludwig (2009) í 5. umferð á Arberopen 2013 í Þýskalandi í gær. Jakob tapaði hinsvegar fyrir Stark Ingo (2073) í 6. umferð í dag. 

Sigurður Eiríksson er líka með 3 vinninga eftir jafntefli við sinn andstæðing í dag. 

Ekki var búið að para í 7. umferð þegar þetta var skrifað. 

Sjá mótið hér 

Jakob með tvo vinninga eftir fjórar umferðir í Þýskalandi

Jakob Sævar Sigurðsson byrjar ágætlega á Arbropen 2013 í Þýskalandi. þegar fjórar umferðir eru búnar er Jakob kominn með 2 vinninga, eftir jafntefli gegn Dr Theodor Schleich (2040) í 3. umferð og góðan sigur með svörtu gegn Meduna Eduard (2082) í 4. umferð í dag.

Jakob verður með hvítt gegn Bielmeier Ludwig (2009) í 5. umferð á morgun.

Sigurður Eiríksson er einnig með tvo vinninga og hefur svart í 5. umferð gegn WIM Medunova,Vera (2133).   

Sjá hér