Bjarni Jón og Starkaður skólameistarar Litlulaugaskóla í skák.

Bjarni Jón Kristjánsson og Starkaður Snær Hlynsson urðu skólameistara í skák í Litlulaugaskóla en skólamótið var haldið þar í dag. Bjarni Jón vann yngri flokkinn örugglega með 5,5 vinningum af 6 mögulegum. Starkaður Snær vann eldri flokkinn með 4,5 vinninga af 6 mögulegum. Alls tóku 16 nemendur þátt í mótinu og þar af 13 í yngri flokki.

 
Starkaður Snær og Bjarni Jón gerðu jafntefli í dag.

Staða 10 efstu.

  1   Bjarni,               7 bekk 5.5      14.0  
  2   Starkaður,            9 ---- 4.5      14.0  
 3-5  Ásgeir,               7 ---- 4        14.5  
      Freyþór,              9 ---- 4        14.0  
      Jakub,                6 ---- 4        12.5 
  6   Olivia,               5 ---- 3.5      11.5  
7-10  Jón,                  7 ---- 3        13.0  
      Hugrún,               7 ---- 3        13.0  
      Guðni,                8 ---- 3        12.0 
      Jói,                  7 ---- 3        10.0  

Sjá öll úrslit í skránni hér fyrir neðan:

Skrár tengdar þessari bloggfærslu:

• Litlulaugar 2012

Barna og unglingameistaramót Goðans verður haldið 26 mars.

Mánudaginn 26 mars kl 16:00 - 17:50 verður Barna og unglingameistaramót skákfélagins Goðans í skák haldið í Framsýnarsalnum Garðarsbraut 26 á Húsavík.

Öll börn og unglingar 16 ára og yngri í Þingeyjarsýslu geta tekið þátt í mótinu.

Tefldar verða 5-7 umferðir (monrad-kerfi) með 7-10  mín umhugsunartíma á mann.

Verðlaun verða veitt í eftirtöldum flokkum:
(bæði farandverðlaun og eignarverðlaun)

Stúlkur:

• 4 bekkur og yngri     (börn fædd 2002 eða síðar)
• 5-7 bekkur                (börn fædd 1999- 2001)
• 8-10 bekkur              (börn fædd 1996-1998)

Strákar:

• 4 bekkur og yngri
• 5-7 bekkur
• 8-10 bekkur

Skráning í mótið fer fram hjá Hermanni í síma 4643187 eða 8213187.

Einnig á [e-mail]

Skráningu líkur kl 15:55 á mótsdegi.

Þátttökugjald er krónur 500 á keppanda, sem greiðist á mótsstað.

(Ef fleiri en tvö systkyni keppa er frítt fyrir þau)

Páskaskákmót Goðans 30 mars.

Páskaskákmót Goðans verður haldið föstudagskvöldið 30 mars og hefst það kl 20:30 !!
Teflar verða 7-11 umferðir* og verða tímamörkin 10 mín á mann, auk 5 sek viðbótartíma fyrir hvern leik ! (*fer eftir fjölda keppenda)

Í verðlaun verða páskaegg fyrir þrjá efstu í fullorðinsflokki og 16 ára og yngri

Skráning í mótið er hjá formanni í síma 4643187 8213187 eða á [e-mail]

Snorri efstu á æfingu.

Snorri Hallgrímsson varð efstur á skákæfingu sl. mánudagskvöld þegar hann gerði sér lítið fyrir og vann alla sína andstæðinga. Tefldar voru skákir með 15 mín umhugsunartíma á mann.

 

Úrslit kvöldsins:

1.  Snorri Hallgrímsson         5 af 5
2. Hermann Aðalsteinsson   4
3. Sigurjón Benediktsson     3
4. Sigurbjörn Ásmundsson   2
5. Ævar Ákason                    1
6. Hlynur Snær Viðarsson     0

Næsta skákæfing verður nk. mánudagskvöld á Húsavík. 

Tryggvi og Eyþór skólameistarar í skák í Stórutjarnaskóla

Tryggvi Snær Hlinason og Eyþór Kári Ingólfsson urðu í dag skólameistarar í skák í Stórutjarnaskóla, skólamótið fór fram í dag. Tryggvi vann eldri flokkinn og Eyþór vann yngri flokkinn.  Þeir hlutu báðir 4 vinninga af 4 mögulegum. Teflar voru 4 umferðir eftir monrad-kerfi og var umhugsunartíminn 10 mín á skák. Alls tóku 24 keppendur þátt í mótinu.

 
Eyþór Kári Ingólfsson og Tryggvi Snær Hlinason.

Efstu keppendur:

1-2   Tryggvi Snær,                900  4         4.0   8.5   10.0
      Eyþór Kári,                  600  4         4.0   8.0   10.0
 3-6  Ingi Þór,                    900  3         5.0  11.0    9.0
      Líney Rúnars,                1000 3         4.0   9.0    6.0
      Snorri Már,                  500  3         4.0   8.0    6.0
      Elín Heiða,                  500  3         3.0   7.0    6.0
 7-8  Sandra Sif,                  800  2.5       4.0   8.0    6.5
      Arnar Freyr,                 600  2.5       2.5   5.5    6.5
9-15  Emilía Eir,                  900  2         6.5  12.5    7.0
      Sigtryggur Andri,            900  2         6.0  12.5    7.0
      Pétur Rósberg,               800  2         4.0   8.0    5.0
      Bjargey Ingólfs.,            800  2         4.0   7.5    7.0
      Aron Snær,                   700  2         3.5   7.5    6.0
      Haraldur Andri,              200  2         3.5   7.5    3.0
      Baldur Örn,                  500  2         3.0   6.5    4.0

 

 
Bræðurnir Sigtryggur Andri Vagnsson og Snorri Már Vagnsson.

 
Eyþór Kári Ingófsson.

Hægt er að skoða öll úrslit hér fyrir neðan.

Skrár tengdar þessari bloggfærslu:

• Stórutjarnir 2012

Smári efstur á æfingu.

Smári Sigurðsson varð efstur á skákæfingu sl. mánudagskvöld. Smári fékk 5 vinninga af 5 möglegum. Tefldar voru skákir með 15 mín umhugsunartíma á mann.

Úrslit kvöldsins:

1.   Smári Sigurðsson             5 af 5
2.   Hermann Aðalsteinsson   3
3.   Ævar Ákason                    2,5
4.   Snorri Hallgrímsson          2
5.   Sigurbjörn Ásmundsson   1,5
6.    Hlynur Snær Viðarsson    1

Næsta skákæfingu verður nk. mánudagskvöld kl 20:30 á Húsavík. 

Myndir frá Reykjavík Open

Hér eru nokkrar myndir frá Reykjavík Open, sem Hrafn Jökulsson tók.

                     Einar Hjalti Jensson.

                     Sigurður Daði Sigfússon.

                     Kristján Eðvarðsson.

Einar Hjalti Jensson fær afhenda viðurkenningu fyrir IM-áfangann.

Sigurður Daði Sigfússon fékk stigaverðlaun.

Ásdís Bragadóttir, Björn Ívar Karlsson, Jón Þorvaldsson, Björn Þorfinnsson, Gunnar Björnsson og Einar Hjalti Jensson.

Frábær árangur okkar manna. Sigurður Daði vann, en Einar og Kristján töpuðu í lokaumferðinni.

Óhætt er að segja að okkar menn hafi staðið sig frábærlega í Reykjavík Open sem lauk í dag.

Sigurður Daði Sigfússon varð í 30. sæti með 6 vinninga eftir auðveldan sigur í lokaumferðinni, því andstæðingur hann mætti ekki til leiks.

Einar Hjalti Jensson tapaði sinni fyrstu skák í mótinu í dag, gegn stórmeistararnum Aloyzas Kveinys og varð í 41. sæti með 5,5 vinninga. Eins og fram hefur komið var Einar þegar búinn að tryggja sér áfanga að alþjóðlegum titli fyrir skákina í dag.
Stigagróði Einars Hjalta er 33,6 stig. (samk. chess-results)

Kristján Eðvarðsson tapaði fyrir Keaton Kiewra frá USA og endaði Kristján í 69. sæti með 5 vinninga. Rúmlega 200 keppendur tóku þátt í mótinu.

Sigurður Daði og Einar Hjalti unnu til stiga-flokka verðlauna á lokahófinu sem fram fór fyr í kvöld, en birtar verða nánari fréttir af því á morgun.

 

Einar búinn að tryggja sér áfanga. Enn taplaus á Reykjavík Open

Einar Hjalti Jensson hefur farið á kostum á N1 Reykjavíkurskákmótinu í Hörpu. Einar Hjalti, sem er 31 árs og hefur 2245 skákstig er taplaus eftir 8 umferðir og hefur mikla möguleika á að ná áfanga að alþjóðlegum meistaratitli.

Einar Hjalti var einn af Ólympíumeisturum Íslands, 16 ára og yngri, í Las Palmas 1995. Aðrir í þeirri miklu sigursveit voru bræðurnir Björn og Bragi Þorfinnssynir, Jón Viktor Gunnarsson og Bergsteinn Einarsson.

Einar Hjalti hefur nálega ekkert teflt síðasta áratuginn, og því kemur árangur hans á N1 Reykjavíkurmótinu mörgum á óvart.  Hann hefur gert jafntefli við Héðin Steingrímsson stórmeistara, gert jafntefli við tvo erlenda stórmeistara, og sigraði í dag þýska alþjóðameistarann dr. Martin Zumsande.

Lykillinn að hinum glæsilega árangri Einars er sú staðreynd að hann hefur síðustu mánuðina helgað sig skákrannsóknum, 6 til 8 klukkustundir á dag. Slík vinnusemi, ásamt meðfæddum hæfileikum og metnaði er að skila sér. Svo er hann auðvitað Goðamaður.

Árangur Einars Hjalta á mótinu það sem af er jafngildir 2454 skákstigum og er hann þegar búinn að tryggja sér áfanga að alþjóðlegum meistaratitli !

Í dag vann Einar Hjalti Þjóðverja. Sigurður Daði vann Sverri Örn Björnsson og Kristján gerði jafntefli við Jón Viktor Gunnarsson.

Einar mætir Aloyzas Kveinys (2512) í loka umferðinni
Sigurður Daði mætirOdd magnus Myrstad (2091)
kristján mætir Keaton Kierwa (2355)

Reykjavík Open. Sigurður Daði með jafntefli við stórmeistara. Einar vann og Kristján vann Björn Þorfinnsson.

Sigurður Daði Sigfússon gerði jafntefli við Franska stórmeistarann Fabian Libiszewski í 6. umferð í dag. Vel gert hjá Sigurði. Í 7. umferð tapaði hinsvegar Sigurður Daði fyrir enska stórmeistaranum Simon Williams (2506)

Einar Hjalti Jensson vann Halldór Pálsson í 6. umferð og gerði svo jafntefli við Spánverjann Javier Navedo Aguera (2358) í 7. umferð.

Einar Hjalti er eini taplausi Íslendingurinn í mótinu.

Kristján Eðvarðsson gerði jafntefli við Dr. Martin Zumsande í 6. umferð en gerði sér svo lítið fyrir og vann Björn Þorfinnsson (2416) í 7. umferð með svörtu.

Að loknum sjö umferðum eru Kristján og Einar Hjalti með 4,5 vinninga og Sigurður Daði er með 4 vinninga.

Ekki er búið að para í 8. umferð.