Hlynur, Sigurbjörn og Smári efstir á æfingum

Hlynur Snær Viðarsson og Sigurbjörn Ásmundsson urðu efstir og jafnir á skákæfingu sem fram fór í Árbót fyrir rúmri viku síðan. Þeir hlutu báðir 3,5 vinninga úr sex skákum. Hermann Aðalsteinsson kom næstur með 3 vinninga.

Smári Sigurðsson vann alla sína andstæðinga á skákæfingu á Húsavík sl. mánudagskvöld. Smári endaði kvöldið með 5 vinninga. Hermann og Hlynur komu næstir Smára með þrjá vinninga hvor . Ævar var með 2,5 og Sigurbjörn fékk 1,5 vinninga. Umhugsunartíminn var 15 mín á mann. 

Heimir Páll sigraði í eldri flokki og Stefán Orri í yngri flokki á æfingu hjá GM Helli.

Heimir Páll Ragnarsson sigraði í eldri flokki á GM-Hellisæfingu sem fram fór þann 27. janúar sl. Heimir Páll fékk 4,5v í fimm skákum og landaði sigrinum með jafntefli við Róbert Luu í síðustu umferð og vann þar með sína fyrstu æfingu á þessum vetri. Annar varð Óskar Víkingur Davíðsson með 4v og þriðji varð Róbert Luu með 3,5 vinninga og þar með í fyrst sinn í verðlaunasæti í eldri flokknum á æfingunum. 

Stefán Orri Davíðsson sigraði með fullu húsi 5v í fimm skákum í yngri flokki. Stefán Orri fer því eins og jojo milli eldri og yngri flokks þessa dagana. Annar varð Brynjar Haraldsson með 4v og 13 stig og þriðji var Egill Úlfarsson með 4v og 12 stig.

Eftirtaldir tóku þátt í æfingunni: Heimir Páll Ragnarsson, Óskar Víkingur Davíðsson, Róbert Luu, Jón Otti Sigurjónsson, Axel Óli Sigurjónsson,Birgir Ívarsson, Halldór Atli Kristjánsson, Alec Elías Sigurðarson, Oddur Þór Unnsteinsson, Freyja Dögg Deleon, David Deleon, Sindri Snær Kristófersson, Baltasar Máni Wedholm, Stefán Orri Davíðsson, Brynjar Haraldsson, Egill Úlfarsson, Adam Omarsson, Óttar Örn Bergmann Sigfússon, Þórður Hólm Hálfdánarson, Arnar Jónsson, Birgir Logi Steinþórsson, Sævar Breki Snorrason, Alexander Már Bjarnþórsson, Ívar Andri Hannesson, Aron Kristinn Jónsson og Gabríel Sær Bjarnþórsson

Næsta æfing í Mjóddinni verður svo mánudaginn 27. janúar og hefst kl. 17.15. Þessi æfing er fyrir félagsmenn í Skákfélaginu GM Helli þar sem unnið verður í verkefnahópum að mismunandi æfingum ásamt því að tefla. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Óskar og Baltasar efstir á æfingu

Óskar Víkingur Davíðsson sigraði með fullu húsi 5v í fimm skákum í eldri flokki á GM-Hellisæfingu sem fram fór þann 20. janúar sl. í Mjóddinni. Annar varð Birgir Ívarsson með 4v og síðan voru Halldór Atli Kristjánsson og Róbert Luu með 3 en halldór Atli var sjónarmun á undan og hreppti þriðja sætið. 

Baltasar Máni Wedholm og Brynjar Haraldsson voru efstir og jafnir með 5v í yngri flokki en Baltasar Máni var hærri á stigum og hlaut hann fyrsta sætið og Brynjar annað sætið. Baltasar fær því að spreyta sig í eldri flokki á næstu æfingu. Egill Úlfarsson og Þórður Hólm Hálfdánarson komu næstir með 4v en Egill var hærri á stigum og hreppti þriðja sætið.

Eftirtaldir tóku þátt í æfingunni: Óskar Víkingur Davíðsson, Birgir Ívarsson, Halldór Atli Kristjánsson, Róbert Luu, Sindri Snær Kristófersson, Stefán Orri Davíðsson, Axel Óli Sigurjónsson, Alec Elías Sigurðarson, Oddur Þór Unnsteinsson, Jón Otti Sigurjónsson, Baltasar Máni Wedholm, Brynjar Haraldsson, Egill Úlfarsson, Þórður Hólm Hálfdánarson, Ívar Andri Hannesson, Adam Omarsson, Arnar Jónsson, Birgir Logi Steinþórsson, Óttar Örn Bergmann Sigfússon og Sævar Breki Snorrason.

Næsta æfing í Mjóddinni verður svo mánudaginn 27. janúar og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Sundlaugarskáksett vígt í sundlaug Húsavíkur á Íslenska skákdeginum

Nýtt sundlaugarskáksett var vígt í sundlaug Húsavíkur á Íslenska skákdeginum í dag. Það voru þeir Smári Sigurðsson og Svavar Pálsson félagsmenn GM-Hellis á norðursvæði, sem tefldu fyrstu skákina í einum af heitapottum sundlaugarinnar á Húsavík.

 

             Smári og Svavar tefla í heitapottinum. 

Skák þeirra Smára og Svavars lauk með jafntefli og nýttu aðrir sundlaugargestir sér það í dag að taka nokkrar köflóttar þegar skák þeirra lauk. Sundlaugarskáksettið verður gestum sundlaugarinnar til frjálsra afnota héðan í frá.  Hafþór Hreiðarsson tók meðfylgjandi myndir.

 

          Svavar Pálsson sýslumaður Þingeyinga.

 

Smári Sigurðsson margfaldur meistari GM-Hellis á norðursvæði. 

Bragi og Björgvin efstir á Nóa Síríus mótinu

Alþjóðlegu meistararnir Bragi Þorfinnsson (2454) og Björgvin Jónsson (2340) eru efstir með fullt hús að lokinni þriðju umferð Nóa Síríus-mótsins - Gestamóts GM Hellis og Breiðabliks sem fram fór í kvöld í Stúkunni í Kópavogi. Bragi vann Guðmund Gíslason (2316) en Björgvin hafði betur gegn Halldóri Grétari Einarssyni (2190) í maraþonskák. Þorsteinn Þorsteinsson (2243) gerði sér lítið fyrir og lagði stórmeistarann Þröst Þórhallsson (2445) í hörkuskák.

Átta skákmenn hafa 2½ vinning og ljóst að allt getur gerst á mótinu.

Sem fyrr var töluvert um óvænt úrslit. Þröstur Árnason (2267) heldur áfram að gera góða hluti og gerði jafntefli við Dag Arngrímsson (2381) en í annarri umferð vann hann Karl Þorsteins. Björgvin S. Guðmundsson (1914) gerði jafntefli við Lenku Ptácníková (2245) og Vignir Vatnar Stefánsson (1800) sýndi hvers hann er megnugur í endatöflum með sigri gegn Baldri A. Kristinssyni (2181).

Næsta umferð

Fjórða umferð mótsins fer fram nk. fimmtudagskvöld. Þá mætast meðal annars: Bragi-Björgvin, Elvar-Stefán, Davíð-Jón Viktor, Þröstur Á-Björn og Þorsteinn-Dagur A.

  

 

• Chess-Results
• Myndaalbúm (GB)

Stelpuæfingar GM Hellis í Mjóddinni byrja miðvikudaginn 22. janúar nk.

Skákfélagið GM Hellir byrjar með sérstakar stúlknaæfingar miðvikudaginn 22. janúar 2014. Taflið byrjar kl. 17:15 og fyrirkomulagið þannig á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tími vinnst til. Æfingarnar eru opnar öllum  stelpum15 ára og yngri en ef ástæða er til verður skipt í tvo flokka eftir aldri og styrkleika á sumum æfingum. Engin þátttökugjöld.

Æfingarnar verða haldnar í félagsheimili GM Hellis í Álfabakka 14a, Mjódd. Inngangur er við hliðina á Subway en salur félagsins er á þriðju hæð hússins. Umsjón með æfingunum hafa Elsa María Kristínardóttir og Jóhanna Björg Jóhannsdóttir.

Mörg óvænt úrslit í 2. umferð Nóa Síríus mótsins

Baráttuandi, fingurbrjótar og snilldartilþrif settu svip sinn á 2. umferð Nóa Síríus mótsins sem fór fram í gær í hinum aðlaðandi vistarverum á Kópavogsvelli. Keppendur skerptu einbeitinguna og leikgleðina með ljúfmeti frá Nóa Síríusi og óvænt úrslit létu ekki á sér standa. Þannig sigraði Þröstur Árnason (2267) alþjóðlega meistarann Karl Þorsteins (2452), hinn glaðbeitti formaður Skákdeildar Breiðabliks, Halldór Grétar Einarsson (2190),  knésetti Sigurð Daða Sigfússon (2328) og Dagur Ragnarsson (2073) gerði sér lítið fyrir og lagði Davíð R. Ólafsson (2316) eftir miklar kúvendingar. Síðast en ekki síst vakti athygli að hinn bráðefnilegi Kristófer Ómarsson(1756) náði að leggja kappann unga Nökkva Sverrisson  (2081) að velli.   

Sigurður  P. Steindórsson (2240) og Þröstur Þórhallssson, stórmeistari, (2445) skildu jafnir og stórmeistari kvenna, Lenka Ptácníková (2245), hélt upp á afmæli sitt með skiptum hlut við alþjóðlega meistarann Jón Viktor Gunnarsson (2412). Fleiri konur voru í essinu sínu þetta kvöld því að þrefaldur Norðurlandameistari kvenna,  Guðlaug Þorsteinsdóttir (2052), sigraði Hafnfirðinginn geðþekka FM Benedikt Jónasson (2256) og háskólastúdínan Hallgerður Þorsteinsdóttir (1955) sneri á söngvarann og sjentilmanninn Sæberg Sigurðsson (2153).

Birkir Karl Sigurðsson (1742), hélt jöfnu við Hrannar Arnarson (2111) og prófessor Snorri Þór Sigurðsson (1808) beitti vísindalegri sundurgreiningu til að halda skiptum hlut gegn Sverri Erni Björnssyni (2010). Vignir Vatnar Stefánsson (1800) tók hraustlega á móti Magnúsi Pálma Örnólfssyni (2161) og skildu þeir jafnir. Kristján Halldórsson (1811) mætti grjótharður til leiks og gerði jafnt við Arnald Loftsson (2107). Sama varð uppi á teningnum í skák Páls Andrasonar (1767) og Olivers Arons  Jóhannessonar (2105) og í viðureign Andra Steins Hilmarssonar  (1631) við víkingakappann hrikalega Gunnar Frey Rúnarsson (2058) sem mun vera sterkasti skákmaður heims, pund fyrir pund. 

Bæta mannbroddar árangur?

Aðvara þurfti keppendur fyrir umferðina vegna mikillar hálku á bílaplaninu við leikvanginn og voru þeir hvattir til þess að setja mannbrodda undir skóna. Sú öryggiskennd sem mannbroddar veita virðist hafa yfirfærslugildi fyrir taflmenskuna því að enginn þeirra keppenda sem væddust mannbroddum tapaði skák þetta kvöld! Fiskisagan flýgur og hafa margir á orði það þeir komi á mannbroddum í næstu umferð hvort sem hált verður eða færðin sem á sumardegi. Vert er að benda þeim, sem veigra sér við að setja mannbrodda undir blankskó, á að einnig má mannbroddavæða bomsur, stigvél, strigaskó, flókaskó og klossa svo að eitthvað sé nefnt – og jafnvel sauðskinnsskó eins og Hermann, formaður GM Hellis og fjárbóndi, vill sérstaklega minna á.

Stálin stinn í 3. umferð

Þriðja umferð  Nóa Siríus mótsins fer fram fimmtudaginn 23. janúar. Þá leiða m.a. saman hesta sína Stefán Kristjánsson og Davíð Kjartansson, Guðmundur Gíslason og Bragi Þorfinnsson, Dagur Arngrímsson og Þröstur Árnason og Björgin Jónsson og Halldór Grétar Einarsson en allir þessir skákmenn hafa fullt hús eftir tvær fyrstu umferðirnar.

• Chess-Results

 

Óskar Víkingur - pistill frá EM

Óskar Víkingur Davíðsson fór ásamt sjö öðrum keppendum á Evrópumótið í skák í október síðastliðnum. Hann hefur teflt með taflfélaginu Helli frá því að hann hóf taflmennsku fyrir tveimur árum, og teflir nú undir merkjum sameinaðs félags, GM Hellis.

Óskar Víkingur var yngsti keppandinn sem keppti fyrir Íslands hönd en hann tefldi í opnum flokki undir 8 ára. Einstakar skákir og niðurstöður allra flokka má finna á heimasíðu mótsins: http://budva2013.org, en Óskar bloggaði einnig á meðan á mótinu stóð á síðunni: http://oskarvikingur.blogspot.com/. 

****

Við ferðuðumst til Svartfjallalands með flugi í gegnum London til Dubrovnik í Króatíu. Síðan fórum við með rútu til Budva í Svartfjallalandi, sem er lítill strandbær við Adríahaf. Við vorum átta keppendur, en hópurinn var 17 manns í heildina, og þar af voru þjálfararnir okkar tveir, Hjörvar Steinn og Helgi Ólafsson. Við komum á hótelið okkar um klukkan hálf eitt um nóttu. Svo fórum við að tefla daginn eftir. Eldri hóparnir kepptu í íþróttahúsi, en við Vignir kepptum í barnaskóla og byrjuðum okkar umferðir klukkan fjögur. Aðstæður á skákstað voru ekki góðar, klósettin voru ömurleg og það var rosa þröngt. Áhorfendur máttu ekki koma inn í skáksal hjá okkur, ekki einu sinni þjálfarar. Í íþróttahúsinu voru áhorfendapallar, en þar voru líka fullt af þjálfarum og foreldrum að reyna að svindla, og gefa keppendum merki, svo að það er kannski bara eins gott að hafa alla úti. Hjá okkur var heldur engin aðstaða til að bíða úti, svo að mamma mín og pabbi hans Vignis þurftu að bíða úti á malbikuðu plani, en stundum var komið myrkur þegar við vorum búnir með skákirnar.

 

Hótelið var hins vegar mjög fínt, það voru góðar sundlaugar og stutt að labba niður á strönd. Reyndar var ekkert internet í herberginu okkar, en við komumst oft á netið í móttökunni á hótelinu. Maturinn var alveg fínn stundum en ekki alltaf. Svo var rosa rigning suma dagana, en það var bara allt í lagi.

 

Í fyrstu umferðinni mætti ég strák frá Austurríki og vann hann. Það var gott að vinna fyrstu umferðina svo að maður fái sjálfstraust. Svo vann ég líka umferð númer tvö, en þá keppti ég við strák frá Georgíu. Í þriðju umferð var ég eiginlega með unnið, tapaði því niður í jafntefli og svo var ég ekki sáttur við það og reyndi að vinna og gerði mistök sem að endaði með því að ég tapaði skákinni. Ég hefði átt að fara í jafntefli og var með smá móral eftir skákina í marga daga á eftir. Svo tapaði ég á móti frekar lélegum strák frá Þýskalandi í fjórðu umferð og ágætum Búlgara í fimmtu umferð. Í sjöttu umferð náði ég jafntefli á móti Austurríkismanni og var mjög sáttur við það því ég eiginlega byrjaði á að tapa manni. Svo keppti ég við tvo Rússa í röð, vann annan auðveldlega og tapaði fyrir hinum, og endaði á að vinna léttan Ísraela. Þannig að ég endaði með 4,5 vinninga úr 9 umferðum, sem er helmings vinningshlutfall. Ég var ekkert rosa sáttur við það því að ég veit að ég get gert betur, en þetta var líka bara ágætt svona á fyrsta stórmótinu mínu í útlöndum.

Mörg löndin senda bara einn eða tvo keppendur í yngsta flokknum, og hin norðurlöndin, England og Írland sendu t.d. enga í yngstu flokkunum. Ég held að það sé dálítið sniðugt að byrja í undir 8 ára því að þá fær maður keppnisreynslu, sérstaklega fyrir okkur Íslendinga því að það er dýrt fyrir okkur að fara á alþjóðleg mót svo að við höfum stundum ekki eins mikla keppnisreynslu og hinir sem að búa í miðri Evrópu. Þannig að það er frábært að fara í stærri hóp saman og fá að keppa við þessa sterkustu á okkar aldri. Mér fannst hinir keppendurnir í mínum flokki alveg ágætir, eiginlega betri en ég hélt að þeir væru. Þeir tefldu líka aðeins öðruvísi en ég var vanur, stundum var ég búinn að skoða þá en þeir notuðu margar ólíkar opnanir og komu á óvart. Svo er dálítið erfitt að undirbúa sig undir skákir því að margir eru ekki komnir með skákstig og maður finnur ekki gamlar skákir með þeim.

Um mitt mótið var heill frídagur. Við nýttum hann í að slappa af og við Verónika og Mikki fórum líka í bátsferð. Við sigldum einmitt framhjá Sveti Stefan þar sem annað einvígi Fischer og Spassky fór fram akkúrat fyrir 21 ári síðan. Úrslitin voru þau að Bobby vann með tíu vinninga, fimm töp og 15 jafntefli.  Síðan var Bobby Fischer eftirlýstur af Bandaríkjunum fyrir að brjóta verslunarbann við Júgóslavíu og að lokum endaði þessi mikli skákkappi á Íslandi. Því miður missti ég af því að hitta hann því hann dó árið 2008 og þá var ég bara þriggja ára.

 

Sumir keppendanna eru að þjálfa rosalega mikið, eru í sérstökum skákskólum og margir eru með sérþjálfara með sér. Tyrkirnir verða kannski sterkir á næstu árum, en austantjaldsþjóðirnar röðuðu sér í efstu sætin, strákur frá Aserbaijan sigraði og annar þaðan var í þriðja sæti. Svo var rosa sterkur Rússi í öðru sæti, Hvítrússi í fjórða og Tyrki í því fimmta. Þessir þrír efstu á Evrópumótinu röðuðu sér líka í sæti 2-4 á heimsmeistaramótinu sem er nú nýbúið, en þá kom Indverji inn í fyrsta sæti. Þessir gaurar eru með um 1800 skákstig. Þessir bestu eru svo komnir upp í 1900-2000 elo stig í undir 10 ára flokki og með 2200 í undir 12 ára flokki. Þannig að það má ekkert slaka á til að missa ekki af öllu.  Rússarnir voru  með fimmtán keppendur bara í flokknum mínum, undir 8 ára, sem er næstum tvöfaldur sá fjöldi sem við Íslendingar sendum til að keppa í öllum flokkum! Þeir senda líka sterkustu 7 ára gaurana, til að æfa þá svo að þeir geti unnið flokkinn þegar þeir eru ári eldri.

 Ég lærði alveg fullt af mótinu, það var mjög góð reynsla að fá tækifæri til að keppa á svona stóru móti og ég segi takk fyrir við alla þá sem styrktu mig fyrir ferðina og líka við þjálfarana, sem kenndu mér mikið, bæði á mótinu og fyrir það. Svo var ég líka búinn að læra mikið áður af hinum þjálfurunum mínum, þeim Vigfúsi, Birni Ívari og Davíð Ólafs svo að ég segi líka takk við þá! Hinir keppendurnir í landsliðinu voru líka frábærir, allir stóðu saman og voru svo hvetjandi og það var frábært að vera hluti af íslenska ungmennalandsliðinu í skák.

 

Örn Leó sigraði á hraðkvöldi

Örn Leó Jóhannsson sigraði á hraðkvöldi  GM Hellis sem fram fór 13.  janúar. Örn Leó fékk 8 vinninga af níu mögulegum. Vignir Vatnar Stefánsson og Elsa María Kristínardóttir voru svo jöfn með 7,5v en Vignir Vatnar var hærri á stigum í þriðja stigaútreikningi og hlaut annað sætið en Elsa María það þriðja. Örn Leó dró svo Hjálmar Sigurvaldason í lok hraðkvöldsins og fengu þeir báðir gjafamiða á Saffran.

Nú verður gert smá hlé á þessum skákkvöldum en næst viðburður í félagsheimili GM Hellis í Álfabakka 14a verður mánudaginn 3. febrúar kl. 20 og þá verður einnig hraðkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Örn Leó Jóhannsson	8	29	23	22,5
2	Vignir Vatnar Stefánsson	7,5	30	23	22,3
3	Elsa María Kristínardóttir	7,5	30	23	19,3
4	Vigfús Vigfússon	6	31	24	11
5	Jón Úlfljótsson	5	32	25	11,3
6	Gunnar Nikulásson	4	33	26	4,75
7	Ingibergsson Gunnar	3,5	34	27	3
8	Björgvin Kristbergsson	2,5	35	28	2
9	Hjálmar Sigurvaldason	1	36	29	0

Óskar og Stefán Orri efstir á æfingu.

Óskar Víkingur Davíðsson sigraði með 4,5v í fimm skákum í eldri flokki á GM-Hellisæfingu sem fram fór þann 13. janúar sl. í Mjóddinni. Ýmislegt gengur á í skákum Óskars á þessum æfingum en hann getur verið laginn við redda sér út úr vandræðum eins og kom sér vel í tveimur síðustu skákunum á æfingunni. Þar náði hann jafntefli á móti Halldóri Atla í næst síðust umferðinni og vann Alec Elías þótt stöðurnar gæfu ekki beint tilefni til svo hagstæðra úrslit. Annar var Heimir Páll Ragnarsson með 4v og þriðji varð Oddur Þór Unnsteinsson með 3v. 

Stefán Orri Davíðsson og  Baltasar Máni Wedholm voru efstir og jafnir með 5,5v í yngri flokki en Stefán Orri var hærri á stigum og hlaut hann fyrsta sætið og Baltasar annað sætið. Stefán Orri fær því að spreyta sig í eldri flokki á næstu æfingu í fyrsta sinn. Sævar Breki Snorrason varð svo þriðji með 4v og er þetta í fyrsta sinn sem hann er í verðlaunasæti á æfingunum.

Eftirtaldir tóku þátt í æfingunni: Óskar Víkingur Davíðsson, Heimir Páll Ragnarsson, oddur Þór Unnsteinsson, Alec Elías Sigurðarson, Birgir Ívarsson, Halldór Atli Kristjánsson, Brynjar Haraldsson,  Sindri Snær Kristófersson, Stefán Orri Davíðsson, Baltasar Máni Wedholm, Sævar Breki Snorrason, Þórður Hólm Hálfdánarson, Adam Omarsson, Arnar Jónsson, Óttar Örn Bergmann Sigfússon og Aron Kristinn Jónsson.

Næsta æfing í Mjóddinni verður svo mánudaginn 20. janúar og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Adam, Stefán Orri og Óskar Víkingur aldursflokkameistarar á Íslandsmóti barna

Félagsmenn úr GM Hellli náðu góðum árangri á nýafstöðnu Íslandsmóti barna sem er fyrir skákmenn 10 ára og yngri. Keppnisfyrirkomulagið var á þann máta að þeir keppendur sem voru með þrjá vinninga úr fyrstu fimm umferðum mótsins fengu að halda áfram keppni í síðustu fjórar umferðir mótsins, en það voru 44 keppendur alls sem komust áfram. Samkeppnin var því hörð en 90keppendur tóku þátt í mótinu, auk 17 keppenda í peðaskák.

Óttar Örn Bergmann Sigfússon og Aron Kristinn Jónsson sem nýlega eru byrjaðir að æfa með félaginu komust ekki í gegnum síuna að þessu sinni, en stóðu sig engu að síður með stakri prýði.  Ellefu keppendur frá GM Helli náðu þeim árangri að komast áfram. Það voru Óskar Víkingur Davíðsson,Halldór Atli Kristjánsson,  Stefán Orri Davíðsson, Sindri Snær Kristófersson, Axel Óli Sigurjónsson, Egill Úlfarsson, Baltasar Máni Wedholm, Brynjar Haraldsson, Ívar Andri Hannesson, Birgir Logi Steinþórsson og Adam Omarsson, en úrslit mótsins má finna hér. 

 

Halldór Atli, Stefán Orri, Sindri Snær, Axel Óli og Egill skipuðu sér allir í fremstu röð og luku keppni með 6 vinningum, í 8. til 20. sæti í mótinu. Óskar Víkingur blandaði sér í toppbaráttuna en hann og ríkjandi Íslandsmeistari, Vignir Vatnar Stefánsson unnu allar aðrar sínar skákir fyrir utan jafntefli sín á milli í 7. umferð. Óskar og Vignir Vatnar tefldu því tvær skákir til úrslita um Íslandsmeistaratitilinn, þar sem Vignir Vatnar hafði betur. Óskar hlaut því annað sætið í mótinu, en þess má geta að hann er átta ára og hefur því keppnisrétt á Íslandsmóti barna í tvö ár í viðbót.

Á Íslandsmóti barna eru veittar viðurkenningar fyrir hvern aldursflokk, en Adam Omarsson varð meistari 6 ára keppenda, Stefán Orri Davíðsson varð meistari 7 ára keppenda og Óskar Víkingur Davíðsson varð meistari 8 ára keppenda. GM Hellir óskar þessum efnilega keppendahóp til hamingju með árangurinn.

Íslensk skákstig - 1. desember

Ný Íslensk skákstig voru gefin út 1. desember sl. og gilda til 1. mars nk. Líkt og venjulega hækka unglingarnir mest á stigum frá síðasta lista og hækkar Óskar Víkingur Davíðsson mest félagsmanna GM-Hellis, eða um 91 stig. Dawid Kolka bætir við sig 78 stigum, Felix Steinþórsson hækkar um 57 stig, Haraldur Magnússon hækkar um 53 stig, Einar Hjalti Jensson 45 stig, Kristófer Ómarsson 43 stig og Hilmir Freyr Heimisson hækkar um 42 stig.

Baldur A Kristinsson, Jakob Sævar Sigurðsson, Óskar Maggason, Elsa María Kristínardóttir og Smári Sigurðsson bæta öll við sig 20 stigum eða meira. Aðrir hækka minna eða standa í stað. Bjarni Jón Kristjánsson kemur nýr inn á listann með 1061 stig og sömuleiðis Halldór Atli Kristjánsson með 1000 stig. Alls hafa 153 félagmenn Íslensk skákstig og 64 eru með fide-skákstig

 

 

 

Listinn 1. des 2013.

Helgi Áss, Grétarsson	2492	-5	589	2455	GM
Þröstur, Þórhallsson	2440	-5	1251	2445	GM
Einar Hjalti, Jensson	2337	45	542	2347	FM
Andri Áss, Grétarsson	2322	-10	480	2325	FM
Sigurður Daði, Sigfússon	2320	8	1015	2328	FM
Davíð Rúrik, Ólafsson	2309	-3	565	2316	FM
Jóhannes Gísli, Jónsson	2290	0	242	2315
Ásgeir Páll, Ásbjörnsson	2275	0	204	2293	FM
Kristján, Guðmundsson	2275	0	381	2289
Þröstur, Árnason	2236	3	464	2267	FM
Lenka, Ptácníková	2214	-2	529	2245	WGM
Kristján, Eðvarðsson	2206	8	876	2220
Hlíðar Þór, Hreinsson	2184	-4	486	2232
Björn, Þorsteinsson	2183	5	826	2206
Atli Freyr, Kristjánsson	2170	0	377	2123
Arnar, Þorsteinsson	2167	0	509	2205
Þráinn, Vigfússon	2167	0	334	2256
Bragi, Halldórsson	2142	-15	760	2146
Magnús, Teitsson	2135	15	188	2220
Pálmi Ragnar, Pétursson	2127	9	314	2213	FM
Tómas, Björnsson	2125	2	1044	2145	FM
Arnaldur, Loftsson	2107	9	392	0
Baldur A, Kristinsson	2106	28	176	2181
Þorvaldur, Logason	2085	0	263	0
Jón, Þorvaldsson	2083	-18	142	2156
Bogi, Pálsson	2075	0	338	0
Sæberg, Sigurðsson	2073	0	318	2153
Jón Árni, Jónsson	2057	6	497	2084
Þórleifur, Karlsson	2048	-29	311	0
Óskar, Bjarnason	2045	0	162	2237
Gunnar, Björnsson	2041	-28	510	2073
Hrannar, Arnarsson	2034	9	188	2111
Ögmundur, Kristinsson	2029	0	522	2014
Arngrímur Þ, Gunnhallsson	2010	-2	296	0
Tina, Schulz	2000	0	106	0
Daði Örn, Jónsson	1955	0	132	0
Sigurður Áss, Grétarsson	1946	0	131	0
Ragnar Fjalar, Sævarsson	1935	0	250	0
Hallgerður H, Þorsteinsdóttir	1934	14	447	1955
Vigfús Óðinn, Vigfússon	1934	-11	566	1979
Gísli Hólmar, Jóhannesson	1932	0	72	2024
Tómas, Hermannsson	1918	0	176	2108
Helgi, Brynjarsson	1913	-4	362	1952
Jóhanna Björg, Jóhannsdóttir	1880	-72	394	1880
Páll Ágúst, Jónsson	1865	0	139	1901
Friðrik Örn, Egilsson	1862	0	111	1913
Sigurður J, Gunnarsson	1861	13	90	1921
Óðinn, Gunnarsson	1860	0	122	0
Skafti, Ingimarsson	1858	0	236	0
Ingi Fjalar, Magnússon	1845	0	307	0
Sigurður G, Daníelsson	1844	-40	394	1971
Hjörtur, Daðason	1820	0	271	0
Guðfríður L, Grétarsdóttir	1817	0	339	1984	WIM
Snorri Þór, Sigurðsson	1808	-37	46	0
Snorri, Kristjánsson	1805	0	84	0
Halldór, Kárason	1800	11	94	0
Jakob Þór, Kristjánsson	1798	0	307	0
Óskar, Maggason	1798	27	232	1882
Elsa María, Krístinardóttir	1793	21	358	1824
Hilmar, Þorsteinsson	1791	0	243	1827
Halldór, Blöndal	1789	0	11	0
Svavar G, Svavarsson	1765	0	145	0
Kristján, Halldórsson	1760	-9	146	1811
Barði, Einarsson	1755	0	37	1755
Paul Joseph, Frigge	1750	0	111	1833
Hallur Birkir, Reynisson	1740	0	3	0
Hilmir Freyr, Heimisson	1733	42	142	1761
Smári, Sigurðsson	1730	20	109	1913
Dawid, Kolka	1716	78	175	1748
Birgir R, Þráinsson	1700	0	69	1720
Jakob Sævar, Sigurðsson	1700	28	205	1824
Þórir, Júlíusson	1700	0	100	0
Örn, Stefánsson	1699	-16	79	1771
Jón Gunnar, Jónsson	1690	2	115	0
Þórarinn Árni, Eiríksson	1690	0	21	0
Sveinn, Arnarsson	1687	0	147	1856
Jósep, Vilhjálmsson	1685	0	102	0
Tómas Árni, Jónsson	1685	-12	40	1735
Benedikt Þorri, Sigurjónsson	1682	-12	29	0
Þorsteinn G, Sigurðsson	1670	0	40	0
Veturliði Þ, Stefánsson	1665	0	50	0
Baldur, Daníelsson	1642	0	85	0
Kristófer, Ómarsson	1641	43	63	1756
Páll, Sigurðsson	1640	0	44	0
Anna Björg, Þorgrímsdóttir	1630	0	139	1912
Aron, Bjarnason	1630	0	10	0
Hermann, Gunnarsson	1630	0	47	0
Hannes Frímann, Hrólfsson	1625	0	94	0
Hermann, Friðriksson	1605	0	21	0
Óttar, Bergmann	1590	0	65	0
Gylfi, Davíðsson	1580	0	152	1681
Helgi, Egilsson	1580	0	37	0
Felix, Steinþórsson	1567	57	140	1536
Sigurður F, Jónatansson	1546	17	148	0
Kristján, Jónsson	1545	0	47	0
Magnús K, Jónsson	1545	0	78	0
Ingvar Egill, Vignisson	1527	0	112	1561
Gunnar, Nikulásson	1525	-11	119	1635
Hjörtur Yngvi, Jóhannsson	1515	0	140	0
Sigurjón, Benediktsson	1508	0	65	0
Þórarinn, Björnsson	1504	0	18	0
Eyjólfur, Ármannsson	1500	0	69	0
Magnús, Ármann	1500	0	100	0
Haraldur, Magnússon	1499	53	72	0
Heimir, Bessason	1499	-29	84	0
Guðni Karl, Harðarson	1495	0	118	0
Ólafur F, Þorsteinsson	1470	0	23	0
Ævar, Ákason	1456	3	108	0
Brynjar, Steingrímsson	1450	0	71	1477
Sveinn, Benediktsson	1435	0	58	0
Ingimundur J, Bergsson	1430	0	128	0
Ármann, Olgeirsson	1427	0	50	0
Matthías, Eyjólfsson	1420	0	16	0
Jóhannes Ingi, Árnason	1415	0	89	0
Benedikt Þór, Jóhannsson	1409	0	24	0
Sveinn, Bragason	1395	0	77	0
Dagur Kári, Jónsson	1385	0	16	0
Kristján Freyr, Kristjánsson	1370	0	29	0
Benedikt Örn, Bjarnason	1365	0	82	0
Hjörleifur, Björnsson	1365	0	5	0
Jón Þ, Ólafsson	1345	0	32	0
Snorri, Hallgrímsson	1335	0	50	0
Heimir Páll, Ragnarsson	1333	18	169	1438
Hermann, Aðalsteinsson	1333	8	75	0
Egill, Guðmundsson	1320	0	17	0
Jökull, Jóhannsson	1320	0	61	0
Alec, Sigurðarson	1318	-44	24	1309
Ragnar, Eyþórsson	1295	0	40	0
Pétur, Blöndal	1284	0	8	0
Róbert Leó, Jónsson	1280	0	89	1633
Ásgeir, Mogensen	1275	0	7	0
Þröstur Smári, Kristjánsson	1270	0	7	0
Sighvatur, Karlsson	1268	-39	62	0
Örn, Ágústsson	1260	0	12	0
Jóhann Bernhard, Jóhannsson	1240	0	12	0
Ásta Sóley, Júlíusdóttir	1216	0	24	0
Óskar Víkingur, Davíðsson	1185	91	57	1396
Sigurbjörn, Ásmundsson	1185	-6	57	0
Pétur Olgeir, Gestsson	1180	0	19	0
Valur Heiðar, Einarsson	1171	0	28	0
Sæþór Örn, Þórðarson	1170	0	6	0
Árni Garðar, Helgason	1166	0	8	0
Knútur, Otterstedt	1165	0	33	0
Hildur B, Jóhannsdóttir	1155	-3	90	0
Margrét Jóna, Gestsdóttir	1150	0	19	0
Aron Hjalti, Björnsson	1095	0	24	0
Franco, Soto	1090	0	8	0
Hlynur Snær, Viðarsson	1071	-3	50	0
Bjarni Jón, Kristjánsson	1061	0	9	0
Sonja María, Friðriksdóttir	1042	0	42	0
Sigurður, Kjartansson	1014	14	27	0
Halldór Atli, Kristjánsson	1000	0	15	0
Jón Otti, Sigurjónsson	1000	0	22	0
Oddur Þór, Unnsteinsson	1000	0	36	0
Sindri Snær, Kristófersson	1000	0	19	0

 

Hraðkvöld í Mjóddinni hjá GM Helli mánudaginn 13. janúar

Skákfélagið GM Hellir heldur hraðkvöld mánudaginn 13. janúar nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili GM Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jakob Sævar og Jón Aðalsteinn unnu sigur í Árbót

Jakob Sævar Sigurðsson og Jón Aðalsteinn Hermannsson unnu sigur á skákþingi GM-Hellis á norðursvæði sem lauk í Árbót í Aðaldal nú í kvöld. Jakob Sævar vann öruggan sigur með 5,5 vinninga af 6 mögulegum í eldri flokki. Tómas Veigar Sigurðarson varð í öðru sæti með 4,5 vinninga og Smári Sigurðsson og Sigurður G Daníelsson urðu jafnir í þriðja sæti með fjóra vinninga, en Smári varð hærri á stigum. Smári hreppti því önnur verðlaun og Sigurður Daníelsson þriðju verðlaun þar sem Tómas keppti sem gestur á mótinu. Úrslit í 5. umferð og 6. umferð.

 

             Smári, Jakob og Tómas Veigar. 

Lokastaðan: 

	Sigurðsson Jakob Sævar	1824	GM Hellir	5.5	20.0	13.0
	Sigurðarson Tómas Veigar	1990	Víkingakl.	4.5	23.0	15.0
	Sigurðsson Smári	1913	GM Hellir	4.0	20.5	13.0
	Daníelsson Sigurður G	1971	GM Hellir	4.0	20.5	13.0
	Ásmundsson Sigurbjörn	1185	GM Hellir	3.5	15.0	10.5
	Viðarsson Hlynur Snær	1071	GM Hellir	3.5	15.0	10.5
	Aðalsteinsson Hermann	1333	GM Hellir	2.5	21.5	16.0
	Akason Aevar	1456	GM-Hellir	2.5	20.5	13.5
	Hermannsson Jón Aðalsteinn	0	GM Hellir	2.5	16.0	10.5
	Kristjánsson Bjarni Jón	1061	GM Hellir	2.0	14.5	10.5
	Statkiewicz Jakub Piotr	0	GM Hellir	1.5	14.0	10.5
	Þórarinsson Helgi James	0	GM Hellir	0.0	15.5	10.5

 

Jón Aðalsteinn vann sigur í flokki 16 ára og yngri með 2,5 vinninga, Bjarni Jón Kristjánsson varð annar með 2 vinninga og Jakub Piotr Statkiewicz varð þriðji með 1,5 vinninga.

 

             Bjarni Jón, Jón Aðalsteinn og Jakub. 

Mótið á chess-results. 

Nóa Siríus mótið 2014 hafið

Nóa Siríus mótið 2014 (Gestamót GM Hellis og Breiðabliks) hófst í kvöld. Keppendur eru 67 talsins og er mótið vel mannað með 22 alþjóðlegum titilhöfum. Meðal keppenda eru stórmeistarararnir Þröstur Þórhallsson og Stefán Kristjánsson en sá síðarnefndi sigraði einmitt Gestamótinu í fyrra.

Orri Hlöðversson leikur fyrsta leiknum fyrir Stefán Kristjánsson stórmeistara. 

 

Kristján Geir Gunnarsson markaðsstjóri Nóa-Síríus lék fyrsta leiknum fyrir Sverri Örn Björnsson gegn Þresti Þórhallssyni stórmeistara. 

 

Mótið er samstarfsverkefni GM Hellis og Skákdeildar Breiðabliks og haldið í hinum vistlegu húsakynnum undir stúku Kópavogsvallar. Eins og nafnið bendir til er bakhjarl mótsins Nói Siríus sem leggur til verðlaun mótsins og laumar auk þess að keppendum gómsætum molum til að skerpa einbeitinguna.

 

Við setningu mótsins þakkaði Jón Þorvaldsson keppendum góðar undirtektir og bauð gesti velkomna. Orri Hlöðversson,  formaður Breiðabliks, lýsti velþóknun sinni á kröftugu starfi skákdeildar Breiðabliks undir forystu Halldórs G. Einarssonar og lauk lofsorði á glæsilegt mót. Orri og Kristján Geir Gunnarsson, markaðsstjóri Nóa-Siríus, léku síðan fyrsta leikinn á tveimur efstu borðum og þótti Kristjáni Geir miður að fá ekki að ráða því hverju hvítur lék. Var honum boðið sæti í mótinu að ári ásamt skákþjálfun í sárabætur!

Það hefur komið forvígismönnum mótsins á óvart hve vel það hefur mælst fyrir meðal skákmanna og hve fjölsótt það er. Engin snilld býr þar að baki heldur hefur einfaldega verið hlustað á óskir skákmanna og reynt að verða við þeim eftir bestu getu.

 

Ljóst er að mikill meirihluti skákmanna kýs að tefla aðeins einu sinni í viku og er mótið sniðið að þeim óskum. Jafnframt er alltaf parað fyrir næstu umferð morguninn eftir hverja umferð. Þá geta keppendur notið þess að undirbúa sig af kostgæfni og enda liggur fyrir að sumir keppendanna hafa jafn gaman af undirbúningnum og að tefla sjálfa skákina.

Vert er að taka fram að sem fyrr var sérstök áhersla lögð á að laða til mótsins skákmenn sem hafa verið lengi frá keppni á kappskákmótum, jafnvel áratugum saman. Þar má nefna kappa á borð við Elvar Guðmundsson, Davíð Ólafsson, Þráin Vigfússon, Magnús Teitsson, Sæberg Sigurðsson, Hrannar Arnarson og Arnald Loftsson.

 

Undirbúningsnefnd mótsins skipa:

Andrea Margrét Gunnarsdóttir

Einar Hjalti Jensson

Halldór Grétar Einarsson

Jón Þorvaldsson

Steinþór Baldursson

Vigfús Vigfússon. 

 

Sitthvað var um óvænt úrslit í fyrstu umferð. Ögmundur Kristinsson (2014) vann Andra Áss Grétarsson (2325). Gunnar Björnsson (2073) gerði jafntefli við Einar Hjalta Jensson (2347), Örn Leó Jóhannsson (1955) við Davíð Ólafsson (2316) og Vignir Vatnar Stefánsson við Halldór Brynjar Halldórsson (2233).

Úrslit í 1. umferð. 

Önnur umferð fer fram 16. janúar. Þá mætast m.a. Björn Ívar - Stefán Kr., Bragi - Þráinn, Þröstur Á - Karl, Þröstur Þ - Sigurður Páll og Lenka - Jón Viktor.

Pörun 2. umferðar

• Chess-Results 

Næsta umferð fer fram 16. janúar.

Fréttir af barna- og unglingastarfi GM Hellis í Mjóddinni.

Dawid Kolka og Mikhael Kravchuk eru efstir í stigakeppni GM Hellisæfinganna í Mjóddinni með 21 stig. Jafnar í þriðja til fimmta sæti eru Óskar Víkingur Davíðsson, Brynjar Haraldsson og Róbert Luu með 13 stig. Það hefur verið ágæt mæting á haustmisseri, sérstaklega seinni hlutann en það hafa 15 þátttakendur mætt á 11 eða fleiri æfingar af 17 mögulegum. Þar af hafa þrír mætt á þær allar en það eru Brynjar Haraldsson, Halldór Atli Kristjánsson og Óskar Víkingur Davíðsson. Næsta æfing verður svo 13. janúar 2013 og hefst kl. 17.15. Stefnt er að því að skipta þá í tvo flokka eftir styrkleika og aldri. Æfingarnar eru í Álfabakka 14a í Mjóddinni. Inngangur milli Fröken Júlíu og Subway og salurinn er á 3 hæð.

Farið verður norður í Þingeyjarsýslu helgina 14. - 16. febrúar 2014 og haldið sameiginlegt barna- og unglingamót með norðurhluta félagsins. Mótið verður verður þó með því afbrigði að skákforeldrar og fararstjórar fá að tefla með sem gestir í mótinu. Gist og teflt verður í Árbót í Þingeyjarsýslu. Farið með rútu norður og kostnaði verður haldið í hófi. Þeir sem eru áhugasamir um að fara hafi samband við Vigfús á unglingaæfingum eða í síma-866-0116.

Kennsla hófst fyrir félagsmenn þegar líða tók á veturinn. Hún hefur verið á laugardagsmorgnum og svo stöku tímar þar fyrir utan. Þáttakendum hefur verið skipt í hópa 2-3 saman og farið var í peðsendatöfl og taktískar æfingar fyrir áramót. Eftir áramót var byrjað á hróksendatöflum og verða teknir 2 tímar í þau áður en við lítum aftur á peðsendatöflin og fleira eins og stöðulega veikleika.

Í lok vetrar verða veitt bókarverðlaun handa þeim sem mætt hafa best yfir veturinn og til þeirra sem sýnt hafa verulegar framfarir yfir veturinn og þeirra sem eru efstir í stigakeppninni. Staðan í stigakeppninni og listi yfir þá sem hafa mætt best er hér fyrir neðan.

Með besta mætingu eru:

Brynjar Haraldsson                   17 mætingar

Halldór Atli Kristjánsson            17 ----"------

Óskar Víkingur Davíðsson          17 ----"-----

Alec Elías Sigurðarson               16 ----"------

Ívar Andri Hannesson               16 ----"------

Adam Omarsson                        15 ----"------

Egill Úlfarsson                            15 ----"------

Róbert Luu                                14 ----"------

Birgir Ívarsson                           13 ----"------

Dawid Kolka                              13 ----"------

Stefán Orri Davíðsson               13 ----"------

Mikhael Kravchuk                      12 ----"------

Sindri Snær Kristófersson          12 ----"------

Heimir Páll Ragnarsson             11 ----"------

Oddur Þór Unnsteinsson          11 ----"------

 

Efstir í stigakeppninni:

1. Dawid Kolka                                    21 stig

2. Mikhael Kravchuk                            21   -

3. Óskar Víkingur Davíðsson               13   -

4. Brynjar Haraldsson                         13  -

5. Róbert Luu                                      13  -

6. Stefán Orri Davíðsson                     10  -

7. Alec Elías Sigurðarson                      7  -

8. Sindri Snær Kristófersson                 7  -

Elsa María sigraði á hraðkvöldi.

Elsa María Kristínardóttir sigraði með 5v af sex mögulegum á jöfnu og spennandi atkvöldi GM Hellis sem fram fór 6. janúar sl. Vignir Vatnar hafði leitt æfinguna lengst af og hafði aðeins misst hálfan vinning fyrir síðustu umferðina á meðan Elsa María var einn vinning niður. Í lokaumferðinni laut Vignir Vatnar í lægra haldi fyrir Gunnari Birgissyni. Á meðan bar Elsa María sigurorð af Sverri Sigurðssyni og tryggði sér með því sigurinn á lokasprettinum. Elsa María hafði ekki alveg gleymt Vignir Vatnari því hún dró hann í happdrættinu í lok hraðkvöldsins og fengu þau bæði gjafamiða á Saffran.

Næsta skákkvöld í félagsheimili GM Hellis í Mjóddinni verður mánudaginn 13. janúar kl. 20 og þá verður hraðkvöld.

Lokastaðan:

 

Röð	Nafn	Vinn.	TB1	TB2	TB3
1	Elsa María Kristínardóttir	5	17	11	12,5
2	Vignir Vatnar Stefánsson	4,5	21	14	15
3	Vigfús Vigfússon	4,5	20	13	14,5
4	Gunnar Birgisson	4,5	16	11	11,8
5	Sverrir Sigurðsson	3,5	20	14	7,75
6	Sigurður Kristjánsson	3,5	15	10	6,25
7	Kristján Halldórsson	3	22	14	9,25
8	Gunnar Ingibergsson	3	19	13	7,75
9	Óskar Long Einarsson	3	18	12	6
10	Árni Thoroddsen	3	18	12	7,25
11	Hjálmar Sigurvaldason	3	17	11	5,5
12	Jón Úfljótsson	2,5	22	16	8,75
13	Sigurður Freyr Jónatansson	2	17	12	2
14	Hörður Jónasson	2	15	10	2
15	Björgvin Kristbergsson	1	16	10	0,5

Felix sigraði á æfingu í Mjóddinni

Á fyrstu æfingu ársins sem haldin var 6. janúar 2014 var skipt í hópa  og glímt við ýmis viðfangsefni skákarinnar. Alec Elías, Felix og Heimir Páll fóru í spánska leikinn, enska leikinn og franska vörn hver með sinn hóp og síðan voru Óskar og Erla með sinn hvorn hópinn. Þegar æfingin var tæplega hálfnuð voru pizzurnar sóttar og þegar þær voru búnar var fyrst teflt. Umhugsunartíminn var því í styttra lagi eða 7 mínútur og aðeins tefldar 4 umferðir.

Felix Steinþórsson sigraði á æfingunni með fullu húsi eða 4v. Þrír voru svo jafnir með 3v en það voru Bjarki Arnaldarson, Óskar Víkingur Davíðsson og Sindri Snær Kristófersson. Þá voru reiknuð stig og þar var Bjarki hæstur með 9,5 stig en Óskar og Sindri Snær voru jafnir fyrri útreikningi með 7 stig og einnig í seinni útreikningi með 8 stig. Þeir teflu innbirðis svo það þurfti að grípa til bráðabana. Þar dró Sindri Snær hvítt og fékk 6 mínútur á klukkuna meðan Óskar var 5 mínútur og dugði jafntefli til sigurs. Það fór svo að Óskar hafði betur og hlaut þar með 3. sætið.

Þátttakendur að þessu sinni voru: Felix Steinþórsson, Bjarki Arnaldarson, Óskar Víkingur Davíðsson, Sindri Snær Kristófersson, Birgir Ívarsson, Heimir Páll Ragnarsson, Halldór Atli Kristjánsson, Stefán Orri Davíðsson, Brynjar Haraldsson, Axel Óli Sigurjónsson, Oddur Þór Unnsteinsson, Alec Elías Sigurðarson, Adam Ómarsson, Egill Úlfarsson og Aron Kristinn Jónsson.

Næsta æfing verður svo mánudaginn 13. janúar nk. og hefst kl. 17.15. Stefnt er að því að skipta þá í tvo flokka eftir aldri og stigum. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Jakob Sævar efstur á skákþingi GM-Hellis norðursvæði eftir fjórar umferðir

Jakob Sævar Sigurðsson heldur efsta sætinu með þrjá og hálfan vinning á skákþingi GM-Hellis norðursvæði, að loknum fjórum umferðum, en Jakob gerði jafntefli við Smára bróður sinn í dag. Tómas Veigar, sem vann Sigurð G Daníelsson, er í öðru sæti með 3 vinninga. Smári, Ævar og Hermann koma næstir með tvo og hálfan vinning. Mótinu verður framhaldið laugardaginn 11. janúar, en þá verða lokaumferðirnar tvær tefldar.

 

Úrslit í 4. umferð. 

	Sigurðsson Smári	½ - ½		Sigurðsson Jakob Sævar
	Daníelsson Sigurður G	0 - 1		Sigurðarson Tómas Veigar
	Viðarsson Hlynur Snær	½ - ½		Akason Aevar
	Aðalsteinsson Hermann	1 - 0		Ásmundsson Sigurbjörn
	Kristjánsson Bjarni Jón	1 - 0		Statkiewicz Jakub Piotr
	Hermannsson Jón Aðalsteinn	1 - 0		Þórarinsson Helgi James

 

 Staðan eftir fjórar umferðir. 

	Sigurðsson Jakob Sævar	1824	GM Hellir	3.5
	Sigurðarson Tómas Veigar	1990	Víkingaklúbburinn	3.0
	Sigurðsson Smári	1913	GM Hellir	2.5
	Akason Aevar	1456	GM-Hellir	2.5
	Aðalsteinsson Hermann	1333	GM Hellir	2.5
	Viðarsson Hlynur Snær	1071	GM Hellir	2.5
	Daníelsson Sigurður G	1971	GM Hellir	2.0
	Kristjánsson Bjarni Jón	1061	GM Hellir	2.0
	Ásmundsson Sigurbjörn	1185	GM Hellir	1.5
	Hermannsson Jón Aðalsteinn	0	GM Hellir	1.0
	Statkiewicz Jakub Piotr	0	GM Hellir	1.0
	Þórarinsson Helgi James	0	GM Hellir	0.0

Pörun 5. umferðar laugardaginn 11. jan kl 11:00 

	Sigurðsson Jakob Sævar	3½	-	2½		Aðalsteinsson Hermann
	Sigurðarson Tómas Veigar	3	-	2½		Viðarsson Hlynur Snær
	Akason Aevar	2½	-	2½		Sigurðsson Smári
	Kristjánsson Bjarni Jón	2	-	2		Daníelsson Sigurður G
	Ásmundsson Sigurbjörn	1½	-	0		Þórarinsson Helgi James
	Statkiewicz Jakub Piotr	1	-	1		Hermannsson Jón Aðalsteinn

 

Barna- og unglingaæfingar GM Hellis í Mjóddinni hefjast aftur eftir jólafrí mánudaginn 6. janúar 2014

Barna- og unglingaæfingar GM Hellis í Mjóddinni hefjast aftur eftir jólafrí mánudaginn 6. janúar 2014. Taflið byrjar kl. 17:15 og fyrirkomulagið verður það sama og fyrir áramót. Þessi fyrsta æfing ársins er aðeins fyrir félagsmenn í Skákfélaginu GM Helli þar sem unnið verður í verkefnahópum að mismunandi æfingum ásamt því að tefla.

Æfingarnar verða haldnar í félagsheimili GM Hellis í Álfabakka 14a, Mjódd. Engin þátttökugjöld. Inngangur er við hliðina á Subway en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með æfingunum hefur Vigfús Ó. Vigfússon.

Dæma- og verkefnatíma fyrir félagsmenn byrjuð á laugardaginn og var farið í hróksendatöfl og taktískar æfingar. Þessum æfingum verður svo fram haldið næstu laugardaga.