Pálmi kjörin varaforseti Skáksambands Íslands

Pálmi R Pétursson var kjörin varaforseti Skáksambands Íslands á fyrsta fundi nýkjörinnar stjórnar SÍ sem haldinn var 23. maí. Gunnar Björnsson er sem fyrr forzeti SÍ og aðrir í stjórn eru Helgi Árnason, Róbert Lagerman, Ríkharður Sveinsson, Stefán Bergsson og Ingibjörg Edda Birgisdóttir. Varamenn í stjórn eru: Steinþór Baldursson, Óskar Long Einarsson, Andrea Margrét Gunnarsdóttir og Þorsteinn Stefánsson.  

Á fundinum var skipt í hinar ýmsu nefndir á vegum SÍ og situr Jón Þorvaldsson í Mótsnefnd Reykjavíkurskákmótsins. Hermann Aðalsteinsson situr í Skákmótanefnd auk þess sem Hermann er formaður Landsbyggðanefndar SÍ annað árið í röð.

Pálmi er svo varamaður í Mótsstjórn Íslandsmóts Skákfélaga og líka í Stjórn Skáksambands Norðurlanda.

Pálmi R Pétursson fékk Fide-meistaratitli í vetur þegar Fide opnaði fyrir umsóknir um gamla áfanga, en fyrir einhver mistök vann Pálmi sér inn þau réttindi fyrir margt löngu síðan en fékk þau ekki staðfest fyrr en nú í vetur.

Goðinn-Mátar óskar Pálma til hamingju með FM-titilinn. 

Sjá fundargerð fyrsta fundar stjórnar SÍ hér fyrir neðan. 

Skrár tengdar þessari bloggfærslu:

• 1. fundur

Jakob í víking til Tékklands og Þýskalands

Jakob Sævar Sigurðsson tekur þátt í tveimur skákmótum erlendis í sumar. Hann er skráður til leiks á Teplice Open 2013  sem fram fer í Tékklandi daganna 15-23 júní. Eitthvað á annað hundrað keppendur eru nú þegar skráir til leiks á því móti og þar á meðal Sigurður Eiríksson SA og Lenka Ptacnikova 

 

Jakob skellir sér svo yfir til Þýskalands og tekur þátt í Arber Open  sem hefst 29 júní og stendur til 7. júlí. Sigurður Eiríksson verður einnig með á því móti.

Sagt verður frá gengi Jakobs hér á síðunni í sumar. 

Dagskráin í sumar. Nóg um að vera.

Þó að sumarið sé að skella á og reglubundnum skákæfingum lokið hjá Goðanum-Mátum er starfsemin þó ekki alveg dauð.

 

Jakob Sævar heldur utan til keppni á tveimur mótum í Tékklandi og Þýskalandi í júní og Júlí. Sjá nánari umfjöllum um það síðar..... 

Útiskákmót Goðans-Máta verður haldið seint í júní, en staður og dagsetning verður valin með skömmum fyrirvara og miðast við það að finna hentugt kvöld þegar hitastigið er hagstætt og þurrt í veðri. Vel getur hugsast að erlendir og mjög öflugir skákmenn taki þátt í því.

Landsmót UMFÍ á Selfossi 4-7 júlí. HSÞ sendir lið til keppni líkt og venjulega. 

Áskell Örn Kárason heldur uppá stórafmæli á ættaróðalinu sínu á Litlulaugum í Reykjadal 6. júlí og verður létt útihraðskákmót á dagskránni af því tilefni. 

Mærudagar á Húsavík um miðjan júlí. Eitthvað verður gert en ekkert ákveðið. Sighvatur Karlsson skipuleggur það 

Landskeppni við Færeyinga verður helgina 16-18. ágúst í Færeyjum. Hlíðar Þór Hreinsson og Einar Hjalti Jensson verða fulltrúar Goðans-Máta í þeirri keppni. 

Framsýnarmótið verður haldið helgina 27-29. september á Breiðumýri í Reykjadal og er stefnt á að vera með sérstakan skákskóla daganna á undan sem Stefán Bergsson sér um. 

Eins og sést á þessari upptalningu veður heilmikið um að vera hjá okkur í sumar... 

Íslandsmótið. Okkar menn stóðu sig með sóma

Hannes Hlífar Stefánsson varð Íslandsmeistari í skák í gærkvöld eftir sigur á Birni Þorfinnssyni í einvígi, 1,5-0,5. Þetta er tólfti Íslandsmeistari Hannesar sem hefur unnið titilinn langoftast allra.

Kristján Eðvarðsson varð í 8-13 sæti með 6,5 vinninga og Loftur Baldvinsson varð 23-28. sæti með 5,5 vinninga. Báðir unnu sínar skákir í 9. og 10. umferð.

• Heimasíða mótsins
• Chess-Results
• Myndaalbúm úrslitakeppni (HJ)

Íslandsmótið.

Kristján Eðvarðsson er í 20. sæti með 4,5 vinninga þegar 8 umferðum er lokið á Íslandsmótinu í skák. Kristján tapaði í 4,5 og 8. umferð en vann í 6 og 7. umferð. Sjá hér

Loftur Baldvinsson er í 40. sæti með 3,5 vinninga. Loftur tapaði í 4,7 og 8. umferð en vann í 5 og 6 umferð. Sjá hér 

Tveimur umferðum er ólokið á mótinu og verða þær tefldar kl 17.00 á morgun og kl 11:00 á laugardag.

• Heimasíða mótsins
• Chess-Results
• Beinar útsendingar
• Myndir frá sjöundu umferð (HJ)

 

Íslandsmótið. Kristján gerði jafntefli við Stefán Kristjánsson stórmeistara

Goð-Mátarnir Loftur Baldvinsson og Kristján Eðvarðsson halda áfram að gera góða hluti á Íslandsmótinu í skák sem var framhaldið með tveimur umferðum í dag. Kristján Eðvarðsson (2220) vann Bjarnstein Þórsson (1836) í annarri umferð og gerði síðan jafntefli við Stefán Kristjánsson stórmeistara (2494) í þriðju umferð.

Kristján Eðvarðsson á Reykjavík Open 2012 

Loftur Baldvinsson (1706) gerði jafntefli við Gylfa Þórhallsson (2151) í annarri umferð en tapaði fyrir Sigurði Steindórssyni (2234) í þriðju umferð.

Kristján er með 2,5 vinninga og Loftur er með 1,5 vinninga þegar þremur umferðum er lokið á mótinu.

Kristján stýrir hvítu mönnunum gegn Birni Þorfinnssyni (2377) og Loftur verður með svart gegn Nökkva Sverrissyni (2012) í 4. umferð sem hefst kl 17.00 á morgun sunnudag.

• Heimasíða mótsins
• Chess-Results
• Beinar útsendingar 
• Myndir frá fyrstu umferð (PRP og GB)
• Myndir frá annarri umferð (GB)

 

Íslandsmótið - Loftur vann Braga

Opna Íslandsmótið í skák byrjaði heldur betur með látum. Mikið um óvænt úrslit og bar það helst til tíðinda að Goð-Mátinn Loftur Baldvinsson, vann alþjóðlega meistarann Braga Þorfinnsson með glæsilegri fléttu. Goð-Mátinn Kristján Eðvarðsson vann Bald Teodor Petterson frá Svíþjóð. Skoða má skák Lofts við Braga hér ásamt fleiri skákum úr fyrstu umferð.

                Loftur Baldvinsson þungt hugsi.

Tvær umferðir fara fram á morgun. Sú fyrri hefst kl. 10 og sú síðari kl. 17. Áhorfendur eru velkomnir á staðinn en góðar aðstæður er fyrir áhorfendur á skákstað auk einstaks útsýnis. (skák.is)

• Heimasíða mótsins
• Chess-Results
• Beinar útsendingar 
• Myndir frá fyrstu umferð (GB)

Íslandsmótið í skák hefst í dag

Íslandsmótið í skák hefst í dag klukkan 17. Mótið á hundrað ára afmæli í ár en Skákþing Íslendinga - eins og mótið hét í upphafi, var fyrst haldið árið 1913. Taflfélag Reykjavíkur hélt mótið fyrstu árin en Skáksamband Íslands tók við mótinu tveimur árum eftir stofnun þess - eða árið 1927. 

 

Í tilefni þessa merka afmælis er mótið nú með óvenjulegi sniði. Það er opið í fyrsta skipti og í fyrsta skipti í hundrað ára sögu mótsins tefla allir í sama flokki. Mótið er einnig Íslandsmót kvenna. Ríflega 70 keppendur eru skráðir til leiks. Teflt er við einstakar aðstæður  á 20. hæðinni í Turninum við Borgartún (Höfðatorg). Menntamálaráðherra, Illugi Gunnarsson, setur mótið og leikur fyrsta leik þess. Skákáhugamenn eru hvattir til að fjölmenna við setningu mótsins. (Skák.is)

Kristján Eðvarðsson og Loftur Baldvinsson frá Goðanum-Mátum taka þátt í mótinu, en 71 keppandi er skráður til leiks.  sjá hér 

Fylgst verður með gengi þeirra hér á síðunni. 

Þröstur hraðskákmeistari suðurarms Goðans-Máta

Miðvikudagskvöldið síðasta þegar hinar pólitísku klukkur stóðu í stað og landið var stjórnlaust um stund fóru klukkurnar af stað í Sölufélagi Garðyrkjumanna. Tólf lærisveinar Caissu hófu að hreyfa útskorna menn í kappi hver við annan og húsbóndann harðasta - tímann sjálfan - sem tifaði miskunnarlaust áfram milli vel útilátinna grænmetis- og ostabakka Gunnlaugs Karlssonar, framkvæmdastjóra þar á bæ og góðs gestgjafa.

Félagar í skákfélaginu Goðanum-Mátum voru mættir í sólroðinn Brúarvog til þess að útkljá sín á milli hver skyldi kallaður hraðskákmeistari félagsins sunnan heiða. Sérstakur stuðningsaðili mótsins, fyrirtækið Eflir almannatengsl sá um vegleg verðlaun.

Spennandi keppni og jöfn fór í hönd og enduðu leikar þannig, að þrír urðu efstir og jafnir: ÞrösturÞórhallsson, Einar Hjalti Jensson og Tómas Björnsson. Rétt neðar kom Arnar Þorsteinsson nýkominn af fjalli - annars var mótið jafnt og í raun spurning um dagsform. Það var helst aldursforsetinn Björn Þorsteinsson, margfaldur Íslandsmeistari í hraðskák og kappskák, sem náði sér ekki á strik að þessu sinni. Stórmeistarinn og Íslandsmeistarinn, Þröstur Þórhallsson, var úrskurðaður sigurvegari á stigum og handhafi titilsins Hraðskákmeistari GM-S 2013. Hollvinur félagsins, Halldór Grétar, hélt utan um mótstöflu og tefldi með sem gestur.

Góður andi sveif yfir vötnum og var það mál manna þegar upp var staðið að Einstein hefði haft rétt fyrir sér með tímann: hann er sannarlega afstæður og getur auk þess verið hvorttveggja gefandi og skemmtilegur.

Að keppni lokinni hélt framkvæmdastjóri Eflis almannatengsla, séntilmaðurinn og mannasættirinn Jón Þorvaldsson, skemmtilega tölu og útdeildi verðlaunum. Allir keppendur voru leystir út með viðurkenningu og veglegri gjöf - skjatta frá Kropphúsinu (Body Shop). Innihald skjattans ku víst hafa glatt konur Goðmátanna sérstaklega.

Með þessu móti lýkur vetrarstarfi GM sunnan heiða. Óhætt er að segja að eftirtekjur séu góðar en félagið státar nú af tveimur sveitum í efstu deild Íslandsmóts skákfélaga. Framundan er skemmtikvöld í júní og svo hyggst félagið velgja Víkingum undir uggum í hraðskákkeppni skákfélaga síðla sumars.

Mótið á Chess-Results

Með skákkveðju

Pálmi R. Pétursson 

Öðlingamóti. Sigurður Daði í 3. sæti

Sigurður Daði Sigfússon (2324) varð í þriðja sæti á Öðlingamótinu sem laug í gærkvöld með 5 vinninga af 7 mögulegum. Hrafn Loftsson (2204) og Friðgeir Hólm (1698) urðu jafnir Sigurði að vinningum, en Daði fær bronsið eftir stigaútreikning.

 

Þorvarður F. Ólafsson (2225) tryggði sér sigur á Skákmóti öðlinga í gær er hann lagði Vigfús Ó. Vigfússon (1988) í lokaumferð mótsins. Þorvaður hlaut 6 vinninga í 7 skákum. Annað árið í röð að Þorvarður hampi titlinum. Sævar Bjarnason (2132) varð annar með 5,5 vinninga.

Þrír skákmenn urðu jafnir í 3.-5. sæti með 5 vinninga. Það voru 

Næstkomandi miðvikudag, 8. maí, fer svo fram Hraðskákmót öðlinga. Að því loknu verður verðlaunaafhending fyrir bæði mótin. Hraðskákmótið er opið öllum 40 ára og eldri og verður nánar kynnt þegar nær dregur móti.

Úrslit lokaumferðarinnar má nálgast hér og lokastöðuna má nálgast nálgasthér.

• Heimasíða TR
• Chess-Results

Öðlingamótið. Sigurður Daði 2-5 sæti

Sigurður Daði Sigfússon er í 2-5 sæti á Öðlingamótinu í skák með 4,5 vinninga þegar einni umferð er ólokið. Þorvarður Fannar Ólafsson (2225) er efstur með 5 vinninga.  Lokaumferðin fer fram á frídag verkalýðsins, 1. maí.

 

Öll úrslit sjöttu umferðar má nálgast hér.

Stöðu mótsins má nálgast hér.

Einni skák í umferðinni var frestað og pörun lokaumferðirnar því ekki tilbúin.

• Heimasíða TR
• Chess-Results

Símon og Óliver kjördæmismeistarar Norðurlands-Eystra

Kjördæmismót Norðurlands -Eystra fór fram í Litlulaugaskóla í Reykjadal í dag. Alls mættu 5 keppendur í eldri flokk og 6 keppendur í Yngri flokk. Símon Þórhallsson frá Akureyri vann sigur í eldri flokki með fullu húsi, 4 vinningum af 4 mögulegum. Jón Kristinn Þorgeirsson varð í öðru sæti og Hlynur Snær Viðarsson varð í 3. sæti. Óliver Ísak vann sigur í yngri flokki með 4,5 vinninga af 5 mögulegum. Sævar Gylfason varð í öðru sæti með 4. vinninga og Guðmundur Aron Guðmundsson varð þriðji með 3,5 vinninga. Umhugsunartíminn var 15 mín á skák í báðum flokkum.

 

Keppendur í eldri flokki. Hlynur, Bjarni, Benedikt, Símon og Jón Kristinn.

Lokastaðan í eldri flokki.

1. Símon Þórhallsson          4  af 4
2. Jón Kristinn Þorgeirsson  3
3. Hlynur Snær Viðarsson   1,5
4. Benedikt Stefánsson       1
5. Bjarni Jón Kristjánsson    0,5 

 

Keppendur í yngri flokki. Elvar, Helgi, Óliver, Guðmundur, Sævar og Ari.

Lokastaðan í yngri flokki:

1. Óliver Ísak                                4,5 af 5
2. Sævar Gylfason                         4
3. Guðmundur Aron Guðmundsson  3,5
4. Ari Rúnar Gunnarsson                 2
5. Helgi James Þórarinsson              1
6. Elvar Goði Yngvason                   0 

Símon, Óliver, Sævar og Guðmundur hafa því unnið sér keppnisrétt á Landsmótinu í skólaskák sem haldið verður á Patreksfirði 2-5 maí nk. 

 

Stefán meistari. Jakob varð í 9-11. sæti með 3,5 vinninga.

Stefán Bergsson (2139) tryggði sér Norðurlandsmeistaratitilinn eftir mjög góðan sigur á stórmeistaranum Hannesi Hlífari Stefánsson (2513) í sjöundu og síðustu umferð Skákþings Norðlendinga sem fram fór á Sauðárkróki um helgina. Hannes sigraði engu að síður á mótinu. Þorvarður F. Ólafsson (2237) varð annar með 5,5 vinning en Stefán og Sverrir Örn Björnsson (2135) urðu í 3.-4. sæti með 5 vinninga.

Vigfús Ó. Vigfússon fékk verðlaun skákmanna með minna en 2000 skákstig en Jón Arnljótsson, Sigurður Ægisson og Jakob Sævar Sigurðsson urðu eftir skákmanna með minna en 1800 skákstig.

Það var Skákfélag Sauðárkróks sem hélt mótið og bar Unnar Rafn Ingvarsson, formaður félagsins, hitann og þungann af mótshaldinu.Helstu styrktaraðilar þess voru Kaupfélag Skagafjarðar, FISK Seafood, Sparisjóður Sauðárkróks, Skáksamband Íslands og Sveitarfélagið Skagafjörður. 

Úrslit sjöundu umferðar má finna hér.

Lokastöðu mótsins má nálgast hér.

• Heimasíða Skákfélags Sauðárkróks
• Chess-Results
• Myndaalbúm (GB)

Skákþing Norðlendinga. Jakob með 2,5 vinninga fyrir lokaumferðina

Skákþing Norðlendinga fer fram á Sauðárkróki. Jakob Sævar Sigurðsson tekur þátt í því. Þegar einni umferð er ólokið hefur Jakob 2,5 vinninga. Jakob hefur unnið eina skák, gert þrjú jafntefli og tapað tveimur skákum í mótinu til þessa.

Jakob verður með svart í lokaumferðinni gegn Herði Ingimarssyni (1602)

Nánar hér 

chess-results 

Hlynur og Ari Þingeyjarsýslumeistarar í skólaskák 2013

Hlynur Snær Viðarsson og Ari Rúnar Gunnarsson unnu sigur á Þingeyjarsýslumótinu í skólaskák sem haldið var í Litlulaugaskóla í gær. Hlynur vann öruggan sigur í eldri flokki með 4 vinningum af 4 mögulegum. Bjarni Jón Kristjánsson varð í öðru sæti með 2 vinninga og Jón Aðalsteinn Hermannsson varð þriðji án vinninga. Tefld var tvöföld umferð þar sem aðeins þrír keppendur mættu til leiks. Uhugsunartíminn voru 10 mín á skák. Hlynur og Bjarni verða því fulltrúar Þingeyinga á Umdæmismótinu í næstu viku.

 

Bjarni Jón, Hlynur Snær og Jón Aðalsteinn. 

Í yngri flokki mættu 9 keppendur til leiks úr fjórum skólum. Ari Rúnar Gunnarsson vann allar sínar skákir 5 að tölu. Mikil og hörð barátta var um annað sætið og þegar öllum skákum var lokið voru 5 keppendur jafnir með 3 vinninga í 2-6 sæti. Grípa varð til stigaútreiknings og þá hreppti Elvar Goði Yngvason 2. sætið og Helgi James Þórarinsson 3. sætið. Allir koma þeir úr Reykjahlíðarskóla. Þeir verða því fulltrúar Þingeyinga á Umdæmismótinu (kjördæmismótinu) sem verður haldið á Laugum í næstu viku. (nákvæm tímasetning er óljós)

 

Yngri flokkur. Ari Rúnar, Elvar Goði og Helgi James. 

 Lokastaðan í Yngri flokki:

1     Ari Rúnar Gunnarsson,      Reykjahlí     5     8.5  14.0   15.0 

 2-6  Elvar Goði Yngvason,         Reykjahlí    3      8.5  14.5    6.0  

        Helgi James Þórarinsson,   Reykjahlí    3      8.0  14.5   11.0 

        Eyþór Kári Ingólfsson,       Stórutj.       3      7.0  13.0   12.0  

        Jakup Piotr Statkiwcz,        Litlulaug     3       7.0  13.0    8.0  

        Björn Gunnar Jónsson,       Borgarhóls  3      7.0  13.0    7.0  

  7    Magnús Máni Sigurgeirsson, Borgarhóls 2      8.0  12.0    7.0

 8-9  Olivia Konstcja Statkiewi,      Litlulauga   1.5    7.5  11.5    3.5  

       Tanía Sól Hjartardóttir,         Litlualauga  1.5   7.0  11.0    5.5   

 

Skrár tengdar þessari bloggfærslu:

• Sýslumótið 2013

Skákþing Norðlendinga 2013 - opinn flokkur

Skákþing Norðlendinga verður haldið á Sauðárkróki helgina 19 - 21. apríl

n.k. Mótið verður með hefðbundnum hætti, telfdar verða 4 umf. atskák með 25

mín. umhugsunartíma á föstudagskvöldi. Tvær umferðir kappskák 90 mín + 30

sec á leik á laugardegi og ein um ferð með sama sniði á sunnudegi. Að

þeirri umferð lokinni verður Hraðskákmót Norðlendinga haldið. Veitt verða

verðlaun fyrir þrjú efstu sæti í mótinu. Auk verðlauna í stigaflokkum.

Allir sem taka þátt í mótinu geta unnið til peningaverðlauna, en aðeins

þeir sem eru með lögheimili á Norðurlandi geta unnið titilinn Skákmeistari

Norðlendinga og Hraðskákmeistari Norðlendinga.

Mótsgjald er aðeins 2000 krónur og er innifalið í því kaffi og meðlæti á

stundum (þegar vel liggur á mótshaldara)

Skráning og frekari upplýsingar má finna á heimasíðu Skákfélags Sauðárkróks

www.skakkrokur.blog.is Einnig er hægt að senda fyrirspurnir á netfangið

[e-mail] Þar er einnig hægt að fá frekari upplýsingar um

gistimöguleika á Sauðárkróki.

Jakob héraðsmeistari HSÞ 2013

Jakob Sævar Sigurðsson vann sigur á héraðsmóti HSÞ í skák sem fram fór á Húsavík sl. laugardagskvöld. Smári bróðir hans veitti Jakobi harða keppni og háðu þeir hraðskákeinvígi um titilinn því þeir komu jafnir í mark á mótinu og gerðu jafntefli sín á milli. Jakob vann báðar skákirnar og mótið um leið. Smári varð í öðru sæti og Ármann Olgeirsson varð í þriðja sæti. Tímamörk voru 10 mín á mann +5 sek á leik.

 

Ármann, Jakob og Smári.

Lokastaðan:

1.  Jakob Sævar Sigurðsson       6 af 7 (+2)
2.  Smári Sigurðsson                 6
3.  Hlynur Snær Viðarsson         5
4.  Ármann Olgeirsson               4,5
5.  Sigurbjörn Ásmundsson         3
6.  Hermann Aðalsteinsson         2,5
7.  Bjarni Jón Kristjánsson          1
8.  Jón Aðalsteinn Hermannsson  0

Hlynur Snær varð hærri að vinningum en Ármann en héraðsmótið fyrir 16 ára og yngri fór fram fyrr í vetur og þar sem þetta var fullorðinsflokkur fékk Hlynur ekki verðlaun í þessu móti. 

Sigtryggur og Eyþór skólameistarar

Sigtryggur Andri Vagnsson og Eyþór Kári Ingólfsson urðu skólameistarar í skák í Stórutjarnaskóla í dag. Sigtryggur vann eldri flokkinn með fullu húsi, eða 5 vinningum. Eyþór tapaði aðeins einni skák og vann því yngri flokkinn með 4 vinningum. Alls tóku 13 keppendur þátt í mótinu og teflt var í einum hóp. Tímamörk voru 10 mín á hverja skák.

Þrír efstu í eldri flokki. Pétur Ívar, Sigtryggur Andri og Tryggvi Snær 

Heildarstaðan:

1   Sigtryggur Andri Vagnsson,        10b    5         9.0  15.0   15.0
2   Eyþór Kári Ingólfsson,                7b     4         7.0  13.0   11.0
3-6  Elín Heiða Hlinadóttir,               6b     3         9.0  15.0   12.0
      Pétur Ívar Kristinsson,               8b     3         8.5  15.5   10.0
      Tryggvi snær Hlinason,              10b   3         8.5  14.5   11.0
      Ingi Þór Halldórsson,                 10b   3         7.0  12.0    9.0
7-9  Sylvía Rós Hermannsdóttir,        5b    2.5       7.0  13.0    6.0
      Ari Ingólfsson,                           4b    2.5       7.0  11.0    7.0
      Þórunn Helgadóttir,                    2b    2.5       6.5  10.5    6.5
10   Hafþór Höskuldsson,                  2b    2         7.5  11.5    6.0
11-13 Grete Alavere,                       1b    1.5       7.5  12.5    5.5
       Heiðrún Harpa Helgadóttir          5b  1.5       7.5  12.5    2.5
      Rannveig Helgadóttir,                 2b  1.5       7.0  12.0    3.5

 

Þrjú efstu í yngri flokki. Elín Heiða, Eyþór Kári og Sylvía. 

Skrár tengdar þessari bloggfærslu:

• Stórutjarnaskóli 2013

Skólamótin í skák

Nokkrum skólaskákmótum er lokið í Þingeyjarsýslu. Skólaskákmót Litlulaugaskóla var haldið í vikunni og urðu úrslit eftirfarandi:

 

Úrslit í yngri aldurshópnum, 1.-7. bekk.
Í fyrsta sæti með 4,5 vinninga varð Jakub Piotr Statkiewicz og systir hans Olivia Konstancja 

Statkiewicz varð í öðru sæti einnig með 4,5 vinninga

Í þriðja sæti með 3 vinninga varð svo Tanía Sól Hjartardóttir. 

Þau hafa unnið sér keppnisrétt á sýslumótinu í skólaskák 

 

 

 

 

 

 

 

 

 

 

 

 

 

 

 

 

 

 

 

Úrslit í eldri aldurshópnum, 8.-10. bekk.
Í fyrsta sæti með 5 vinninga var Elvar Baldinsson
Í öðru sæti með 5 vinninga var Bjarni Jón Kristjánsson
Í þriðja sæti með 4 vinninga var Jón Aðalsteinn Hermannsson.

Þessir þrír hafa sömuleiðis unnið sér keppnisrétt á sýslumótinu.

 

Alls kepptu 19 nemendur í skák eða rúmlega 65% nemenda skólans.

 

Skólamótinu í Reykjahlíðarskóla er lokið og urðu úrslit svona:

 

Yngri flokkur:

1. Elvar Goði Yngvason

2. Ari Rúnar Gunnarsson

3. Helgi James Þórarinssson

 

 

Eldri flokkur: 

1. Friðrik Páll Haraldsson

2. Hjörtur Jón Gylfason

3. Ingimar Atli Knútsson

 

 

 

 

 

 

 

 

 

 

 

 

 

 

 

 

 

 

Úrslit í yngri flokki í Borgarhólsskóla á Húsavík urðu þannig að Björn Helgi Jónsson varð efstur og Magnús Máni Sigurgeirsson varð annar. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Björn og Magnús. 

Skólamótið í Stórutjarnaskóla verður í næstu viku. 

Arnar og Helgi Áss sigruðu á páskamóti Nóa-Siríusar

Það sveif léttur en hátíðlegur andi yfir páskahraðskákmóti Goðans Máta sunnan heiða sem haldið var miðvikudaginn 27. mars. Mótið var kennt við hið ágæta fyrirtæki Nóa-Siríus sem lagði keppendum til verðlaun, páskáegg að sjálfsögðu. Svo skemmtilega var um búið að allir málshættirnir í páskaeggjunum tengdust skák beint eða óbeint, t.d.: „Enginn verður óbarinn biskup“ og „Ja sko Spassky.“

 

Pálmi, Arnar, Kristján, Helgi, Jakob og Arngrímur. Jón Þ tók myndina. 

Páskarnir eru hátíð upprisu og frjósemi  og því ekki að furða að snilldartilþrif sæjust í mörgum skákanna. Sérstakt ánægjuefni var  hve oft brá fyrir djörfum upphafsleikjum á borð við 1.b-4 og 1. g-4 en félagsmenn hafa einmitt sökkt sér ofan í þessar byrjanir að undanförnu í þeim ásetningi að gera þær að beittu vopni á Íslandsmóti skákfélaga 2013-2014.  

Mótið var vel mannað enda voru nokkrir af sprækustu hraðskákmönnum landsins meðal þátttakenda.

Röð efstu manna: 

1.-2.sæti          Arnar Þorsteinsson og Helgi Áss Grétarsson

3. sæti             Kristján Eðvarðsson

4.-5. sæti         Jón Þorvaldsson og Pálmi R. Pétursson

6. sæti             Arngrímur Gunnhallsson

7. sæti             Jakob Þór Kristjánsson

 

Nýtt þróunarverkefni Goðans-Máta

Hverju félagi er hollt að ástunda þróun og nýsköpun. Í mótslok var greint frá nýju þróunarverkefni Goðans-Máta sem félagið mun leita til Nóa-Siriusar og etv. fleiri matvælafyrirtækja til samstarfs um. Hugmyndin gengur út á nýja tegund hraðskákar, svonefnda átskák.

Í átskák verða taflmennirnir gerðir úr matvöru, t.d. hvítu og dökku súkkulaði, og í hvert sinn sem annar hvor keppenda drepur taflmann andstæðingsins verður jafnframt að leggja sér þann taflmann til munns. Átið verður þó ekki lagt á skákmanninn sjálfan því að gert er ráð fyrir að hann hafi sér til fulltingis aðstoðarmann, svonefnt átvagl, sem sporðrennir föllnu mönnunum auk þess að gefa góð ráð um vænleg uppskipti. Átvagl verður virðingarheiti en augljóst er að reyna mun mjög á siðferðilegan þroska viðkomandi einstaklings að láta ekki stjórnast af græðginni einni saman við ráðgjöfina. Gert er ráð fyrir að fyrsta átskákmót Goðans-Máta verði haldið á öndverðu ári 2014 undir viðeigandi kjörorði: ÁT og MÁT.

Að endingu var að venju sunginn félagssöngur Goðans-Máta „Sé ég eftir sauðunum“. Forsöngvari var Pálmi R. Pétursson, sem er maður einmuna raddfagur og lagviss, en aðrir viðstaddir hrinu við eftir föngum.  

Gens una sumus – Við erum öll af sama sauðahúsi.