Hraðskákmót GM-Hellis (norðursvæði) verður 27 desember

Hraðskákmót GM-Hellis á norðursvæði verður haldið föstudagskvöldið 27 desember í húsnæði Framhaldsskólans á Húsavík og hefst það kl 20:00. Tefldar verða 9-11 umferðir í einum flokki eftir monrad-kerfi. Tímamörk verða 5 mín á mann í hverri skák. Mótið er öllum opið, en einungis félagsmenn í GM-Helli geta unnið til verðlauna.

 

Veitt verða verðlaun í fullorðinsflokki og í flokki 16 ára og yngri. Farandbikar handa sigurvegaranum í báðum flokkum.

Mótsgjald er 500 krónur á alla.

Skráning er hafin í mótið og áhugasamir geta skráð sig til leiks hjá formanni í síma 4643187 eða 8213187. Líka hægt að senda skráningu á [e-mail]

Smári og Ármann efstir á æfingu

Síðasta skákæfing ársins á norðursvæði GM-Hellis var haldin sl. mánudagskvöld á Húsavík. Smári Sigurðsson og Ármann Olgeirsson voru í ham og unnu alla sína andstæðinga, þar til þeir mættust í síðustu umferð og gerðu þá jafntefli. Umhugsunartími var 10, mín á skák.

Lokastaðan:

1.-2. Ármann Olgeirsson         5,5 af 6
1.-2. Smári Sigurðsson         5,5
3. Hermann Aðalsteinsson 4
4. Ævar  Ákason                     3
5. Sigurbjörn Ásmundsson 2
6.-.7 Hlynur Snær Viðarsson 0,5
6.-7. Heimir Bessason          0,5 

Næst á dagskrá hjá félaginu er hraðskákmótið sem verður 27. desember og síðan Skákþing GM-Hellis á norðursvæði sem verður helgarnar 3-5 og 10-11 janúar 2014. 

Næsta skákæfing verður því væntanlega ekki fyrr en 20 janúar. 

Jólapakkamót GM Hellis fer fram í Ráðhúsinu laugardaginn 21. desember.

Jólapakkaskákmót GM Hellis verður haldið laugardaginn 21. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 16. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.
 
Keppt verður í allt að 5 flokkum: Flokki fæddra 1998-2000, flokki fæddra 2001-2002, flokki fæddra 2003-2004 og flokki fæddra 2005 og síðar og peðaskák fyrir þau yngstu (2007 og yngri). Tefldar verða 5 umferðir með 10 mínútna umhugsunartíma á mann.

Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig og sameiginlegt happdrætti í lokin þar sem m.a. verður dregin út spjaldtölva frá Tölvulistanum og allir þátttakendur verða leystir út með góðgæti frá Góu og Andrésblaði. Meðal þeirra fyrirtækja sem leggja til gjafir í jólapakkana eru: Myndform, Salka útgáfa, Sögur útgáfa, Edda útgáfa, Speedo, Nordic Games, Ferill verkfræðistofa, Veröld útgáfa, Bókabeitan útgáfa, Góa, Heimilistæki, Landsbankinn og Skákskóli Íslands og Skákfélagið GM Hellir. 

Skráning á mótið fer fram hér á heimasíðu GM Hellis og er skráningarform efst á síðunni. Einnig er hægt að skrá sig á skák.is. Upplýsingar um skráða keppendur er að finna hér.

Mikhael og Brynjar efstir á æfingu

Mikhael Kravchuk sigraði með fullu húsi 5v í fimm skákum í eldri flokki á GM-Hellisæfingu sem fram fór þann 16. desember sl. í Mjóddinni. Annar var Heimir Páll Ragnarsson með 3,5v. Það voru fjórir skákmenn sem komu næstir 5v en það voru Felix Steinþórsson, Hilmir Hrafnsson, Óskar Víkingur Davíðsson og Alec Elías Sigurðarson. Eftir mikinn stigaútreikning hlaut Felix svo þriðja sætið. 

Í yngri flokki leiddi Egill Úlfarsson mótið alveg fram í síðustu umferð þegar hann mætti Brynjari Haraldssyni. Í þeirri skák hafði Brynjar betur og náði þar með Agli að vinningum. Báðir fengu þeir 6v í sjö skákum  en Brynjar varð hlutskarpari á stigum og hlaut fyrsta sæti og Egill annað sæti.  Stefán Orri Davíðsson og Baltasar Máni Wedholm voru svo næstir með 4,5v og núna hafði Stefán Orri betur á stigum.

Eftirtaldir tóku þátt í æfingunni: Mikhael Kravchuk, Heimir Páll Ragnarsson, Felix Steinþórsson, Hilmir Hrafnsson, Óskar Víkingur Davíðsson, Alec Elías Sigurðarson, Jón Otti Sigurjónsson, Halldór Atli Kristjánsson, Axel Óli Sigurjónsson, Sindri Snær Kristófersson, Sigurður Bjarki Blumenstein, Andri Gylfason, Brynjar Haraldsson, Egill Úlfarsson, Stefán Orri Davíðsson, Baltasar Máni Wedolm, Ívar Andri Hannesson, Aron Kristinn Jónsson og Adam Omarsson.

Nú verður verður hlé æfingunum fram yfir áramót en næsta æfing í Mjóddinni verður svo mánudaginn 6. janúar og hefst kl. 17.15 en hún verður einungis fyrir félagsmenn í Skákfélaginu GM Helli þar sem unnið verður í verkefnahópum að mismunandi æfingum ásamt því að tefla. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Friðriksmót Landsbankans - Helgi Ólafsson Íslandsmeistari í hraðskák

Stórmeistarinn Helgi Ólafsson sigraði á Friðriksmóti Landsbankans sem fram fór í gær í útibúi bankans í Austurstræti. Helgi hlaut 9 vinninga í 11 skákum. Mótið var jafnframt Íslandsmótið í hraðskák þannig að Helgi telst því Íslandsmeistari í hraðskák. Í 2.-3. sæti með 8,5 vinning, urðu félagi hans úr Taflfélagi Vestmannaeyja, Ingvar Þór Jóhannesson, og nýjasti stórmeistari Íslendinga, Hjörvar Steinn Grétarsson.

Í 4.-7. sæti með 8 vinninga urðu félagsmenn okkar í GM-Helli , Þröstur Þórhallson, Andri Áss Grétarsson og Lenka Ptácníková, auk Björns Þorfinnssonar Víkingaklúbbnum.

GM-Hellismenn unnu fjölmörg aukaverðlaun. Lenka Ptácníková vann kvennaverðlaun með 8 vinninga. Tómas Björnsson varð efstur skákmanna undir 2200 stigum og nýjasti félagsmaður GM-Hellis, Lárus Knútsson varð efstur skákmanna undir 2000 stigum með 7,5 vinninga.

Alls tóku 21 skákmenn frá GM-Helli þátt í mótinu.

Önnur aukaverðlaun: 

• U16-strákar: (grunnskólaaldur): Gauti Páll Jónsson 6 v.
• U16-stúlkur: (grunnskólaaldur): Sóley Lind Pálsdóttir 4,5 v.
• Útdreginn heppinn keppandi: Arnljótur Sigurðsson

Lokstöðu mótsins má finna á Chess-Results. 

Nánar á skák.is 

Hilmir Freyr vann Jólamót Skákskólans/Skákakademíu Kópavogs þriðja árið í röð

Hilmir Freyr Heimisson vann öruggan sigur á Jólamóti Skákskóla Íslands og Skákakademíu Kópavogs sem fram fór í Stúkunni á Kópavogsvelli sl. fimmtudag. Alls tóku 32 ungir skákmenn úr Kópavogi þátt í mótinu.

Verðlaunahafar voru þessir:

1400 íslensk elo-stig og meira:

1. Hilmir Freyr Heimisson  8 v. (af 9)

2. Vignir Vatnar Stefánsson 7 ½ v.

3. Björn Hólm Birkisson 6 ½ v.

Í næst sætum komu:

4. - 6. Felix Steinþórsson, Dawid Kolka og Bárður Örn Birkisson allir með 6 vinninga.

Undir 1400 elo stigum:

1. Guðmundur Agnar Bragason 5 ½ v. ( 47,5)

2. Róvert Örn Vigfússon 5 ½ v. ( 46, 35,0 )

3. Aron Ingi Woodard  5 ½ v. ( 46, 34,5 )

Stúlknaverðlaun:

1. Móey María Sigþórsdóttir 

Nánar á skák.is 

Hermann efstur á æfingu

Hermann Aðalsteinsson varð efstur á skákæfingu sem fram fór á Laugum sl. mánudagskvöld. Hermann vann allar sínar skákir, fjórar að tölu. Umhugsunartíminn var 15 á mann.

Efstu menn:

1. Hermann Aðalsteinsson    4 af 4
2. Ármann Olgeirsson          3
3. Sigurbjörn Ásmundsson   2 

Síðasta skákæfing þessa starfsárs verður nk. mánudagskvöld 16. desember á Húsavík kl 20:30 

Jólapakkamót GM Hellis fer fram í Ráðhúsinu laugardaginn 21. desember.

Jólapakkaskákmót GM Hellis verður haldið laugardaginn 21. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 16. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.
 
Keppt verður í allt að 5 flokkum: Flokki fæddra 1998-2000, flokki fæddra 2001-2002, flokki fæddra 2003-2004 og flokki fæddra 2005 og síðar og peðaskák fyrir þau yngstu (2007 og yngri). Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.  Skráning á mótið fer fram hér á heimasíðu GM Hellis og er skráningarform efst á síðunni. Einnig er hægt að skrá sig á http://www.skak.blog.is/blog/skak/

Upplýsingar um skráða keppendur er að finna hér.

Dawid og Sindri Snær efstir á æfingu.

Dawid Kolka sigraði með fullu húsi 5v í fimm skákum í eldri flokki á GM-Hellisæfingu sem fram fór þann 9. desember sl. Næstir komu Hilmir Hrafnsson og Felix Steinþórsson með 4 en Hilmir var hærri á stigum og hlaut annað sætið og felix það þriðja. 

Í yngri flokki var Sindri Snær Kristófersson efstur með 5v í sex skákum og var það Stefán Orri sem skellti honum strax í fyrstu umferð. Annar var Róbert Luu með 4,5v og þriðji var Ívar Andri Hannesson með 4v. 

Eftirtaldir tóku þátt í æfingunni: Dawid Kolka, Hilmir Hrafnsson, Felix Steinþórsson, Óskar Víkingur Davíðsson, Jón Otti Sigurjónsson, Sigurjón Daði Harðarson, Mikhael Kravchuk, Alec Elías Sigurðarson, Birgir Ívarsson, Sigurjón Bjarki Blumenstein, Axel Óli Sigurjónsson, Oddur Þór Unnsteinsson, Halldór Atli Kristjánsson, Andri Gylfason, Baltasar Máni Wetholm, Ágúst Óli Ólafsson, Sindri Snær Kristófersson, Róbert Luu, Ívar Andri Hannesson, Brynjar Haraldsson, Stefán Orri Davíðsson, Birgir Logi Steinþórsson, Adam Omarsson, Sævar Breki Snorrason, Egill Úlfarsson, Óttar Örn Bergmann Sigfússon og Óskar Ingi Ólafsson.

 Næsta æfing í Mjóddinni verður svo mánudaginn 16. desember nk. og hefst kl. 17.15. Stefnt er að því að skipta þá í tvo flokka eftir aldri og stigum. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Bjarni, Kristján og Magnús héraðsmeistarar HSÞ í skák

Héraðsmót HSÞ í skák í flokki 16 ára og yngri var haldið í Litlulaugaskóla í Reykjadal í dag. Bjarni Jón Kristjánsson vann fimm af sex skákum og stóð uppi sem sigurvegari á mótinu og er því héraðsmeistari HSÞ í skák í flokki 13-16 ára (8-10 bekkur). Kristján Davíð Björnsson varð héraðsmeistari í flokki 9-12 ára (4-7 bekkur) með fjóra vinninga af 6 mögulegum og Magnús Máni Sigurgeirsson varð héraðsmeistari í flokki 8 ára og yngri (1-3 bekkur) með 3 vinninga af sex mögulegum. Tefldar voru 6 umferðir eftir monrad-kerfi og var umhugsunartíminn 10 mín.

 

        Keppendur á héraðsmóti HSÞ 2013. 

 

Lokastaðan: 

 

1       Bjarni Jón Kristjánsson              9 B    5      15.5     

 2-3   Jakub Piotr Statkiewicz              8 B     4.5   15.5     

 2-3   Eyþór Kári Ingólfsson                8 B     4.5   13.5     

 4-5   Kristján Davíð Björnsson           6 B     4      15.0     

 4-5   Jón Aðalsteinn Hermannsson     9  B    4      12.5     

 6-8   Björn Gunnar Jónsson               6 B     3      12.0     

 6-8   Ari Ingólfsson                           5 B     3      13.0     

 6-8   Magnús Máni Sigurgeirsson        3 B     3     10.5     

  9     Stefán Bogi Aðalsteinsson          6 B    2      11.5      

10-11 Hrólfur Jón Pétursson                4 B    1.5    10.5      

10-11 Hafþór Höskuldsson                   3 B    1.5    9.5      

 12     Valdemar Hermannsson             4 B    0      10.5  

 

Það var Hermann Aðalsteinsson formaður skákfélagsins GM-Hellis sem var mótsstjóri.

 

Sjá nánari úrslit í skránni hér að neðan. 

Skrár tengdar þessari bloggfærslu:

• HSÞ 2013