Ævar efstur á æfingu

Ævar Ákason varð efstur á skákæfingu GM-Hellis á Húsavík í gærkvöld. Ævar vann allar sínar skákir. Tímamörk voru 15 mín á skákina.

Lokastaðan:

1. Ævar Ákason                          5 af 5
2. Hlynur snær Viðarsson             4
3. Hermann Aðalsteinsson            3
4. Sigurbjörn Ásmundsson           2
5-6 Bjarni Jón Kristjánsson          0,5
5-6 Jón Aðalsteinn Hermannsson  0,5 

Næsta skákæfing verður á Laugum nk. mánudagskvöld 

Vignir Vatnar sigraði á hraðkvöldi

Vignir Vatnar Stefánsson sigraði öruggleg með fullu húsi eða 7v í jafn mörgum skákum á hraðkvöldi GM Hellis sem fram fór 2. desember. Annar var sigurvegari síðasta hraðkvölds Stefán Bergsson með 5v. Jöfn í 3.-4. sæti með 4,5v voru Sverrir Sigurðsson og Elsa María Kristínardótir en þau voru einnig jöfn á stigum, svo það var ekki ekki hægt að sker úr á milli þeirra hvort þeirra hlaut þriðja sætið. Vignir Vatnar Stefánsson dró svo í lok hraðkvöldsins Sverrir Sigurðsson í happdrættinu og fengu þeir báðir gjafamiða á Saffran. Þetta var í annað sinn í röð sem Sverrir er dreginn út svo hann getur boðið einhverjum með sér á Saffran.

Það verður nú gert hlé á þessum skákkvöldum fram yfir jól en næst viðburður í félagsheimili GM Hellis í Álfabakka 14a verður mánudaginn 30. desember kl. 20 og þá verður jólabikarmót GM Hellis.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Vignir Vatnar Stefánsson	7	21	0	7
2	Stefán Bergsson	5	14	0	5
3	Sverrir Sigurðsson	4,5	9,3	0,5	4
	Elsa María Kristínardóttir	4,5	9,3	0,5	4
5	Ólafur Guðmarsson	3	4	0	3
6	Vigfús Vigfússon	2	5	0	2
7	Gunnar Nikulásson	2	2	0	2
8	Björgvin Kristbergsson	0	0	0	0

Felix og Baltasar efstir á æfingu

Felix Steinþórsson sigraði með 4v í fimm skákum í eldri flokki á GM-Hellisæfingu sem fram fór þann 2. desember sl. Felix vann þrjár skákir og gerði jafntefli við Alec Elías í 2. umferð og Jón Otta í lokaumferðinni. Annar varð Jón Otti Sigurjónsson með 3,5v og bróðir hans Axel Óli Sigurjónsson var þriðji með 3v. 

Í yngri flokki var Baltasar Máni Wetholm efstur með 5,5v í sex skákum og gerði aðeins jafntefli við Birgi Loga skólafélaga sinn úr Ölduselsskóla. Annar varð Róbert Luu með 5v. Síðan komu jafnir með 3,5v þeir Ívar Andri Hannesson, Birgir Logi Steinþórsson og Sævar Breki Snorrason. Þar þurfti að grípa til stigaútreiknings og þá var Ívar Andri hlutskarpastur og hlaut þriðja sætið. 

Eftirtaldir tóku þátt í æfingunni: Felix Steinþórsson, Jón Otti Sigurjónsson, Axel Óli Sigurjónsson, Alec Elías Sigurðarson, Halldór Atli Kristjánsson, Sindri Snær Kristófersson, Oddur Þór Unnsteinsson, Baltasar Máni Wetholm, Róbert Luu, Ívar Andri Hannesson, Birgir Logi Steinþórsson, Sævar Breki Snorrason, Egill Úlfarsson, Adam Omarsson, Aron Kristinn Jónsson og Óttar Örn Bergmann Sigfússon

Næsta æfing í Mjóddinni verður svo mánudaginn 9. desember nk. og hefst kl. 17.15. Stefnt er að því að skipta þá í tvo flokka eftir aldri og stigum. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð. Annarri umferð í dæmatímum fyrir félagsmenn er búin og helstu viðfangsefni hafa verðið peðsendatöfl og taktísk dæmi. Þriðja umferð fer svo af stað eftir áramótin og þá verða m.a. tekin fyrir hróksendatöfl.

Jólapakkamót GM Hellis fer fram í Ráðhúsinu laugardaginn 21. desember

Jólapakkaskákmót GM Hellis verður haldið laugardaginn 21. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 16. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.
 
Keppt verður í allt að 5 flokkum: Flokki fæddra 1998-2000, flokki fæddra 2001-2002, flokki fæddra 2003-2004 og flokki fæddra 2005 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.  Skráning á mótið fer fram hér á heimasíðu GM Hellis og er skráningarform efst á síðunni.