Sigur í 4. umferð.

Einar Hjalti Jensson vann Dag Ragnarsson í 4. umferð meistaramóts Hellis sem tefld var í gær. 5. umferð verður tefld annað kvöld kl 19:30. Þá verður Einar með svart gegn Sævari Bjarnasyni (2142)

Staða efstu manna. 

Rk.		Name	Rtg	Pts.
1	FM	Gretarsson Hjorvar Steinn	2437	4
2	IM	Thorfinnsson Bjorn	2412	4
3		Sigurdsson Pall	1957	4
4	IM	Kjartansson Gudmundur	2310	3
5	FM	Kjartansson David	2295	3
6		Jensson Einar Hjalti	2227	3
		Olafsson Thorvardur	2174	3
8		Halldorsson Bragi	2198	3
9	IM	Bjarnason Saevar	2142	3
		Traustason Ingi Tandri	1830	3
11		Hardarson Jon Trausti	1636	3
12		Johannsdottir Johanna Bjorg	1796	3

 

Tap fyrir Íslandsmeisturunum.

Taflfélagið Helli vann Skákfélagið Goðann í hörkuviðureign í síðustu viðureign átta liða úrslita sem fram fór í gær.  Teflt var heimastöðvum Goðans, á stór-Reykjarvíkursvæðinu, heimili Jóns Þorvaldssonar og óhætt er að segja að sjaldan hafi jafn vel verið tekið betur á móti gestum í þessari keppni.  Keppnin var jöfn frá upphafi og eftir 4 umferðir var hnífjangt.  Hellismenn unnu svo 4,5-1,5 í fimmtu en Goðmenn svöruðu fyrir með 5-1 sigri í sjöttu umferð og leiddu því í hálfleik, 18,5-17,5.  Í síðari hlutanum hrukku hins vegar Hellismenn í gang og unnu 5 af 6 umferðum, samtals 22,5-13,5 og samtals því 40-32. 

Hjörvar fór mjög mikinn fyrir Helli og hlaut 11 vinninga í 12 skákum.  Skor Goðamanna var hins vegar mun jafnara en þar fékk Sigurður Daði Sigfússon flesta vinninga eða 6,5 vinning.

Frábær árangur hjá okkar mönnum að vera yfir í hálfleik gegn jafn sterku liði og Hellir hefur á að skipa. Tveir landsliðsmenn skipuð lið Hellis, Hjörvar Steinn og Björn Þorfinnsson. 

Árangur einstakra liðsmanna:

Goðinn (allir tefldu 12 skákir):

• Sigurður Daði Sigfússon 6,5 v.
• Einar Hjalti Jensson 6 v.
• Ásgeir Ásbjörnsson 5,5 v.
• Tómas Björnsson 5,5 v.
• Þröstur Árnason 5 v.
• Hlíðar Þór Hreinsson 3,5 v.

Hellir

• Hjörvar Steinn Grétarsson 11 v. af 12
• Björn Þorfinnsson 8,5 v. af 12
• Davíð Ólafsson 7,5 v. af 12
• Rúnar Berg 5 v. af 8
• Sigurbjörn Björnsson 5 v. af 11
• Gunnar Björnsson 2 v. af 9
• Helgi Brynjarsson 1 v. af 7
• Vigfús Ó. Vigfússon 0 v. af 0

 Goðinn hefur því lokið þátttöku í hraðskákeppni taflfélaga að þessu sinni.

Mynd: Vigfús Ó Vigfússon

Tap í þriðju umferð.

Einar Hjalti Jensson tapaði fyrir Páli Sigurðssyni í 3. umferð meistaramóts Hellis í fyrradag.
Einar Hjalti er með 2 vinninga í 8. sæti þegar þremur umferðum er lokið.

4. umferð verður tefld á mánudagskvöld. Þá verður Einar með hvítt á Dag Ragnarsson (1728)

Mótið á chess-results:
http://chess-results.com/tnr55111.aspx?art=2&rd=4&lan=1

Goðinn - Hellir á föstudagskvöld.

Goðinn mætir Helli í 8-liða úrslitum hraðskákeppni taflfélaga nk. föstudagskvöld kl 20:30. Viðureignin fer fram í Suðurvangi í Hafnarfirði, á heimili Jóns Þorvaldssonar, sem er heimavöllur og félagsheimili Goðans á suð-vesturhorninu.

Góðar líkur eru á því að Goðinn geti stillt upp sínu sterkasta liði gegn Hellisbúum og ekki veitir af enda Hellir núverandi Íslandsmeistarar í hraðskák. 

Viðureignin hefst kl 20:30 

Einar með fullt hús á meistaramóti Hellis.

Einar Hjalti Jensson (2227) vann Örn Stefánsson (1770) í 2. umferð Meistaramóts Hellis sem tefld var í gærkvöld.  Einar Hjalti er ásamt 11 öðrum keppendum með fullt hús vinninga á mótinu.

Í kvöld mætir Einar Hjalti, Páli Sigurðssyni (1957) með svörtu.

Mótið á chess-results:
http://www.chess-results.com/tnr55111.aspx?art=2&rd=3&lan=1&fed=ISL

Meistaramót Hellis. Einar vann í fyrstu umferð.

Meistaramót Hellis hófst í kvöld.  Okkar maður Einar Hjalti Jensson er meðal keppenda.
Einar Hjalti vann Kristófer Jóel Jóhannsson (1464) í fyrstu umferð.

                Einar Hjalti Jensson.

Önnur umferð fer fram á morgun, þriðjudag og hefst kl. 19:30. Þá verður Einar Hjalti með hvítt gegn Erni Stefánssyni (1770)

Töfluröð fyrir Íslandsmót skákfélaga.

Í dag var dregið í töfluröð fyrir Íslandsmót skákfélaga í 1. og 2. deild.

2. deild: 

1. Skákfélagið Goðinn
2. Taflfélag Akraness
3. Skákfélag Reykjanesbæjar
4. Víkingaklúbburinn
5. Taflfélag Reykjavíkur b-sveit
6. Skákdeild Hauka
7. Skákdeild KR
8. Taflfélagið Hellir b-sveit

Niðurröðun:

Umferð
1	1:8	2:7	3:6	4:5
2	8:5	6:4	7:3	1:2
3	2:8	3:1	4:7	5:6
4	8:6	7:5	1:4	2:3
5	3:8	4:2	5:1	6:7
6	8:7	1:6	2:5	3:4
7	4:8	5:3	6:2	7:1

 Goðinn-A fær því:

Helli-B í 1. umferð. Taflfélag Akraness í 2. umferð, Skákfélag Reykjanesbæjar í 3. umferð og
Víkingaklúbbinn í 4. umferð.

Í seinni hlutanum í mars 2011 mætir Goðinn TR-b í 5. umferð. Haukum í 6. umferð og KR í 7. og síðustu umferð.

Pörun í 1. deild er svona:

1. Taflfélag Bolungarvíkur a-sveit
2. Skákfélag Akureyrar
3. Taflfélagið Mátar
4. Taflfélag Vestmannaeyja
5. Skákdeild Fjölnis
6. Taflfélagið Hellir
7. Taflfélag Reykjavíkur
8. Taflfélag Bolungarvíkur b-sveit

Pörun í 1. umferð í 3 og 4. deild verður líklega ekki framkvæmd fyrr en við upphaf Íslandsmóts skákfélaga sem hefst 7. október nk.

Tómas ofarlega á Stórmóti TR og Borgarskákmótinu.

Í vikunni voru haldin tvö árleg skákmót í Reykjavík. Þetta voru Stórmót TR og Árbæjarsafns, sem haldið var á Árbæjarsafni og Borgarskákmótið sem haldið var í Ráðhúsi Reykjavíkur. Okkar maður, Tómas Björnsson tók þátt í þeim báðum og náði í 3. sætið á Stórmóti TR og 2-3 sæti á Borgarskákmótinu. Snyrtilega gert hjá Tómasi.

                    Tómas Björnsson.

Á báðum mótunum voru tefldar 7. umferðir með 7 mín skákum.
Tómas fór taplaus í gegnum Stórmót TR og var eini keppandi Goðans á því móti.

Tómas var ekki eini keppandinn frá Goðanum á Borgarskákmótinu því Sigurður Daði Sigfússon tók þátt í því og varð í 7-19. sæti með 5 vinninga.

                        Sigurður Daði Sigfússon (tv)

Sjá nánar hér: http://www.skak.blog.is/blog/skak/entry/1185460/

og hér: http://www.skak.blog.is/blog/skak/entry/1184614/

Goðinn mætir Helli í 8 liða úrslitum.

Goðinn mætir Hellisbúum í 8-liða úrslitum hraðskákkeppni taflfélaga en dregið var í gærkvöld.
Aðrar viðureignir í 8-liða úrslitum eru:

• Taflfélag Bolungarvíkur - Skákfélag Reykjanesbæjar
• Skákfélag Íslands - Víkingaklúbburinn
• Skákfélag Akureyrar - Taflfélag Reykjavíkur/Taflfélagið Mátar
• Skákfélagið Goðinn - Taflfélagið Hellir

Umferðina skal klára eigi síðar en 25. ágúst.

Sigur á TV í hraðskákkeppni taflfélaga.

Harðsnúið lið Goðans vann TV í frumraun sinni í hraðskákkeppni taflfélaga nú í kvöld. Viðureignin fór fram í húsnæði SÍ í Faxafeni. Okkar menn fengu 41,5 vinninga gegn 30,5 vinningum TV. Með sigrinum í kvöld tryggði Goðinn sér sæti í 8-liða úrslitum.

Goðinn
Sigurður Daði Sigfússon   9
Ásgeir P Ásbjörnsson       8
Tómas Björnsson             7
Hlíðar Þór Hreinsson        6
Björn Þorsteinsson          5,5
Einar Hjalti Jensson         5

Lið TV
Ingvar Þór Jóhannesson 7,5
Björn Ívar                        7
þorsteinn Þorsteinsson   6,5
Kristján Guðmundsson    6
Nökkvi Sverrisson           2,5
Bjartni Hjartarson           2

Dregið verður í 8-liða úrslit eftir helgi.