Goðinn - Hellir á föstudagskvöld.

Goðinn mætir Helli í 8-liða úrslitum hraðskákeppni taflfélaga nk. föstudagskvöld kl 20:30. Viðureignin fer fram í Suðurvangi í Hafnarfirði, á heimili Jóns Þorvaldssonar, sem er heimavöllur og félagsheimili Goðans á suð-vesturhorninu.

Góðar líkur eru á því að Goðinn geti stillt upp sínu sterkasta liði gegn Hellisbúum og ekki veitir af enda Hellir núverandi Íslandsmeistarar í hraðskák. 

Viðureignin hefst kl 20:30 

Athugasemdir

[Skák.is, 24.8.2011 kl. 17:04]

Hellir hefur ekki séns gegn ofurliði Goðans. Treysti á góðar veitingar Jóns!

[Skákfélagið Goðinn, 24.8.2011 kl. 21:28]

Verst að geta ekki verið viðstaddur.

[Smári Sigurðsson (IP-tala skráð) 24.8.2011 kl. 21:59]

Þetta verður veisla í tvennum skilningi. Jón er höfðingi heim að sækja og svo verður líka veisla á reitunum 64 þar sem Goðar eru ekki árennilegir og Hellismenn eiga marga öfluga skákmenn í sínum röðum. En ég hef fulla trú á því að mínir menn landi sigri. Áfram Goðinn!

[Jón Þorvaldsson (IP-tala skráð) 25.8.2011 kl. 00:11]

Þakka skemmtilegar kveðjur. 

Gunni: það þýðir ekki að tala þína menn niður, ég er búinn að frétta af liðsuppstillingu ykkar sem verður svakaleg :-) 

Við Goðar gerum okkur grein fyrir því að við ofurefli verður að etja en munum leggja okkur fram við að reynast verðugir andstæðingar snillinganna í Helli.

Fyrst og fremst hlökkum við til skemmtilegrar kvöldstundar með góðum félögum.