15 mín skákmót Goðans 2010.

Hið árlega 15. mín skákmót Goðans 2010 verður haldið að Laugum í Reykjadal (Litlulaugaskóla) laugardaginn 18 september nk.

Mótið hefst kl 13:00 og því lýkur um kl 17:00.

Teflar verða skákir með 15 mín umhugsunartíma á mann og er reiknað með því að tefldar verða 7 umferðir eftir monrad-kerfi, en það fer þó eftir fjölda þátttakenda.
Mótið er opið öllu skákáhugafólki.

Veitt verða verðlaun fyrir þrjú efstu sætin auk farandbirkars og nafnbótina "15 mín meistari Goðans 2010" fyrir efsta sætið.

Núverandi 15 mín meistari Goðans er Jakob Sævar Sigurðsson.

Einnig verða veitt verðlaun fyrir þrjá efstu í flokki 16 ára og yngri.

Keppnisgjald er 500 krónur fyrir fullorna en 250 krónur fyrir 16 ára og yngri.

Mótið verður reiknað til atskákstiga.

Æskilegt er að áhugasamir skrái sig til leiks í síðasta lagi kvöldið fyrir mót. H.A.

Fyrsta skákæfing og stúdering Goðans sunnan heiða.

Fyrsta skákæfingar og stúderingakvöld Goðans sunnan heiða var haldið sl. fmmtudagskvöld í Hafnarfiðrinum. Jón þorvaldsson setti á blað nokkrar línur um kvöldið, sem lesa má hér fyrir neðan.

 

Frá vinstri: Jón Þorvaldsson, gestgjafi, Björn Þorsteinsson, Sigurður Jón Gunnarsson, Tómas Björnsson, Einar Hjalti Jensson og Páll Ágúst Jónsson.  

                 Goðinn eflist á höfuðborgarsvæðinu.

Mikill vakning er í íslensku skáklífi um þessar mundir og þar lætur Goðinn sannarlega ekki sitt eftir liggja. Fyrsta skemmtikvöld hjá SV-goðorði Goðans fór fram í síðustu viku. Þar komu saman nokkrir þeirra öflugu skákmanna sem skipa munu A-sveit Goðans í deildarkeppninni 2010 - 2911 en knáa kappa vantaði í hópinn svo sem Ásgeir P. Ásbjörnsson, Sindra Guðjónsson og fleiri. Slegið var á létta strengi og gamansögur úr skáklífinu rifjaðar upp yfir léttum kvöldverði.  Greinilegt var að menn hlakka til átaka vetrarins á svörtum og hvítum reitum.

 

           Einar Hjalti Jensson og Tómas Björnsson. 

Þá var komið að skákfræðnum og stúderingar á byrjunum tóku við. Þar kom upp úr dúrnum að Goðarnir eru einhuga um að tefla frumlega þessa leiktíð og fara lítt troðnar slóðir. Engu að síður kom á óvart hve mjög hin sjaldgæfa og vanmetna

 

                    Jón Þorvaldsson og Björn Þorsteinsson. 

Órangútanbyrjun (1. b2-b4) virtist eiga upp á pallborðið hjá liðsmönnum Goðans. Margir knáir kappar hafa teflt þessa djörfu byrjun, þ.á.m. Réti, Tartakover, Spassky og síðast en ekki síst snillingurinn Bent Larsen sem nú er nýlátinn. Gaman verður að sjá hvernig Goðunum vegnar með þessa apaloppu að vopni.

                  Björn Þorsteinsson og Páll Ágúst Jónsson. 

Skemmtilegu kvöldi lauk með hraðskákkeppni þar sem hart var tekist á og mjörg snjöll fléttan hrist fram úr erminni, andstæðingnum til heilabrota og hrellingar. Menn voru einhuga um að hittast aftur við fyrsta tækifæri og blóta skákkgyðjuna Cassiu eins og Goðunum einum lagið.  J.Þ.

                      Sigurður Jón Gunnarsson.

                    Jón Þorvaldsson.

Fleiri myndir má skoða í myndaalbúmi hér til hægri.
Reiknað er með vikulegum stúderingum og skákæfingum í suð-vestur goðorði Goðans, amk. fram að Íslandsmóti Skákfélaga.

Jakob Sævar efstur á fyrstu skákæfingunni.

Jakob Sævar Sigurðsson varð efstur á fyrstu skákæfingu Goðans þetta haustið, sem fram fór í Litlulaugaskóla í Reykjadal í gærkvöldi. Jakob fékk 4,5 vinninga af 6 mögulegum.  Tefldar voru skákir með 5 mín umhugsunartíma á mann.

                        Jakob Sævar Sigurðsson.

Úrslit Kvöldsins:

1.    Jakob Sævar Sigurðsson   4,5 af 6 mögul. 
2-3. Rúnar Ísleifsson               4
2-3. Smári Sigurðsson             4
4.    Ármann Olgeirsson          3,5
5.    Sigurbjörn Ásmundsson   3
6.    Hermann Aðalsteinsson   2
7.    Sighvatur Karlsson           0

Áður en skákæfingin hófst var efnt til félagsfundar samkv. venju í upphafi skákstarfsins hjá Goðanum.  Fundargerð félagsfundarins og stjórnarfundar frá því á mánudaginn, eru komnar inn á síðuna undir liðnum Lög Goðans og fundargerðir, hér til hægri.

Næsta skákæfing verður í nýuppgerðum sal Framsýnar-stéttarfélags á Húsavík, að viku liðinni.

Tómas Björnsson til liðs við Goðann.

Fidemeistarinn, Tómas Björnsson (2150) hefur tilkynnt félagaskipti í Goðann úr Víkingaklúbbnum.

Tómas Björnsson (lengst til hægri) tók þátt í Skákþingi Norðlendinga á Húsavík sl. vor.

Tómas mun styrkja A-lið Goðans enn frekar, enda stefnan sett á að komast upp í 2. deild í vor.
Þegar félagaskipti Tómasar hafa verið staðfest, verða 50 skákmenn skráir í Goðann.

Einar Hjalti Jensson til liðs við Goðann.

Einar Hjalti Jensson(2233) gekk til liðs við Goðann úr TG í gær. Einar Hjalti er mjög öflugur skákmaður og er mjög mikill fengur í honum.

                     Einar Hjalti Jensson (t.h.) Mynd af skák.is

Einar Hjalti mun styrkja A-lið Goðans mikið í baráttunni sem framundan er í 3. deildinni.

Netmót Goðans er að hefjast. Met þátttaka !

Netmót Goðans hefst á miðnætti í nótt. Mótið fer fram á Gameknot.com.

Met þátttaka er í mótinu, en 20 keppendur taka þátt í því. Teflt verður í A og B-flokki.  9 keppendur verða í A-flokki en 11 í B-flokki.

A-flokkur:

Sigurður Jón Gunnarsson (sfs1)

Jakob Sævar Sigurðsson  (blackdawn)
Páll Ágúst Jónsson          (pajj)

Smári Sigurðsson             (sesar)

Rúnar Ísleifsson              (runar)

Sveinn Arnarson              (sveinn)

Pétur Gíslason                 (peturgis)

Ármann Olgeirsson         (armanni)

Sigurjón Benediktsson    (kaldbakur)

B-flokkur.

Hermann Aðalsteinsson   (hermanna)

Sighvatur karlsson            (globalviking)

Andri Valur Ívarsson         (andriv)

Ingvar Björn Guðlaugsson (beramonster)

Hallur Reynisson               (hallurbirkir)

Árni Garðar Helgason       (arniga)

Ævar Ákason                     (akason)

Benedikt Þ Jóhannsson      (benedikt)

Jón Hafsteinn Jóhannsson (nonni86)

Sigurbjörn Ásmundsson     (bjossi)

Valur Heiðar Einarsson      (valli007)

Einar Garðar til liðs við SAUST

Einar Garðar Hjaltason(1660) er genginn til liðs við skáksamband Austurlands (SAUST).  Einar hefur starfað á Reyðarfirði að undanförnu og lá því beinast við að ganga til liðs við Austfirðinga.

                       Einar Garðar Hjaltason.

Um leið og við óskum Einari Garðari góðs gengis með Austfirðingum, þökkum við honum fyrir undangengin ár hjá okkur.  H.A.

Æfinga og mótaáætlun Goðans.

 8. sep.     Félagsfundur og skákæfing. Laugum
15.sept.   Skákæfing Húsavík
18. sept.  15 mín mót Goðans 2010  Laugum
22.sept.   Skákæfing Stórutjörnum
29.sept    Skákæfing Húsavík
6.  okt     Skákæfing  Laugum
8-10 okt  Íslandsmót skákfélaga í Reykjavík.
13.okt     Skákæfing Húsavík
20. okt    Skákæfing Stórutjörnum
27. okt.   Skákæfing  Húsavík
3.   nóv   Skákæfing  Laugum
10. nóv    Skákæfing  Húsavík
12-14 nóv Haustmót Goðans 2010 Húsavík
17. nóv    Skákæfing  Stórutjörnum
24. nóv    Skákæfing  Húsavík
1.   des     Skákæfing  Laugum
8.   des     Skákæfing  Húsavík
15. des     Skákæfing  Stórutjörnum
27. des     Hraðskákmót Goðans Húsavík  

 

(Athugið að þetta er áætlun og hugsanlegt er að einhverjar æfingar eða mót verði færð til.)       

Vetrarstarfið hefst með félagsfundi á Laugum 8 september. Mikilvægt að sem flestir félagsmenn mæti á fundinn. Línurnar verða lagðar fyrir vetrarstarfið og Íslandsmót skákfélaga.   

 

Skákæfingar hefjast kl 20:30 nema annað sé tekið fram. Teflt verður í nýjum sal stéttarfélagsins Framsýnar að Garðarsbraut 26 Húsavík, aðra hvora viku og í matsal Litlulaugaskóla, einu sinni í mánuði og í matsal Stórutjarnaskóla einu sinni í mánuði.  

 

Reynt verður að heimsækja SAUST á Egilsstöðum í haust. Líklegir dagar eru 25-26 september eða 23-24 október.  

 

Reiknað er með því að Haustmótið verði teflt á einni helgi. Hugsanlegt er að mótið verði eingöngu kappskákmót þar sem tefldar verði 5 umferðir. 1. umf. á föstudagskvöldi. 2 og 3 umf. verði tefldar á laugardegi og 4-5 umf. verði tefldar á sunnudegi.  

 

Skákþing Goðans fer fram í febrúar 2011. Stjórn stefnir að því að það mót verði 7 umf. Kappskákmót (90 mín+30 sek/leik) Það verði teflt á tveimur samliggjandi helgum og einum miðvikudegi, amk hálfum mánuði fyrir seinni hluta Íslandsmóts skákfélaga.                               

Stjórn skákfélagsins Goðans

Netskákmót Goðans hefst 1. september.

Netskákmót Goðans hefst 1. september.  Mótið fer fram á skákvefnum http://www.gameknot.com.
Mótið er lokað öðrum en félagsmönnum Goðans. Engin verðlaun verða veitt og ekkert þátttökugjald er í mótið. Mótið er að mestu leiti haldið til gamans. Líklegt er að mótinu verði lokið í lok apríl 2011.

 

 

 

 

Þetta verður í þriðja skiptið sem Goðinn heldur sérstakt netskákmót og hefur Sigurður Jón Gunnarsson (sfs1) unnið þau í bæði skiptin. Veturinn 2008-9 voru 11 keppendur með í mótinu.  í fyrra tóku 14 keppendur þátt í tveimur styrkleikaflokkum og í vetur stefnir í met þátttöku, því hugsanlegt er að 20 keppendur verði með í mótinu í ár.

Eins og í fyrra, verður keppendum skipt í A og B-flokk, eftir skákstigum þeirra á Gameknot.

Félagsmenn eru hvattir til þess að vera með í mótinu, því enn er tími til þess að skrá sig á gameknot.com til þess að geta verið með.

Jón og Hermann meðal keppenda á Borgarskákmótinu.

Jón þorvaldsson og Hermann Aðalsteinsson voru á meðal 100 keppenda á Borgarskákmótin sem fram fór í Ráðhúsinu í Reykjavík sl. fimmtudag. Tefldar voru 7 umf. með 7 mín. umhugsunartíma á mann.

Jón endaði í 45-55 sæti með 3,5 vinninga og Hermann endaði í 74-82 sæti með 2,5 vinninga.

Guðmundur Gíslason vann mótið með fullu húsi. Sjá nánar hér:http://www.skak.blog.is/blog/skak/entry/1087056/   

Fjórir skákmenn til liðs við Goðann !

4 skákmenn hafa tilkynnt félagaskipti í Goðann á undanförnum dögum og vikum.

 

Ásgeir P Ásbjörnsson (2295) úr Hafnarfirði, gekk til liðs við Goðann úr Haukum í vikunni. Ásgeir hefur ekki verið virkur lengi, en nú verður breyting á því.

 

Sveinn Arnarson (1940 fide) (1770 ísl.) úr Hafnarfirði, gekk til liðs við Goðann úr Haukum í vikunni. Sveinn er og hefur verið, búsettur á Akureyri undanfarin ár.

 

 

 

 

 

 

 

 

Ragnar Fjalar Sævarsson (1935) úr Hafnarfirði, gekk til liðs við Goðann úr Haukum í vikunni. Ragnar Fjalar býr í Lundi í Svíþjóð. Ragnar varð Íslandsmeistari í skák 14 ára og yngir á sínum tíma, en hefur ekki verið virkur í mörg ár.

 

Ingvar Björn Guðlaugsson (stiglaus) frá Húsavík, gekk til liðs við Goðann í sumar.
Ingvar er 22 ára og verður í háskólanum á Akureyri í vetur.

Það er því ljóst að Goðinn getur stillt upp mjög öflugum liðum í íslandsmóti skákfélaga í vetur. H.A.

Ný atskákstig.

Ný atskákstig voru gefin út í dag. Þau gilda 1. Júní. Ármann hækkar mest af félagsmönnum Goðans, eða um 85 stig. Rúnar hækkar um 35 stig, Björn og Jakob um 30 og Sigurbjörn hækkar um 25 stig. Aðrir lækka eða standa í stað.

Valur Heiðar Einarsson kemur nýr inn á listann með 1410 stig og Hlynur snær kemur líka nýr inn á listann með 1190 stig.

Nafn                             félag              stig    fj. skáka   síðasta mót.

  

Ármann Olgeirsson

Goðinn

1540

51

HSADEE10

Björn Þorsteinsson

Goðinn

2165

131

ATODL09

Einar Garðar Hjaltason

Goðinn

1635

80

OPBOL09

Heimir Bessason

Goðinn

1630

33

HAATGO09

Hermann Aðalsteinsson

Goðinn

1515

49

NORDAT10

Hlynur Snær Viðarsson

Goðinn

1190

13

HSADEY10

Jakob Sævar Sigurðsson

Goðinn

1750

49

NORDAT10

Jón Þorvaldsson

Goðinn

2085

47

ATODL09

Orri Freyr Oddsson

Goðinn

1715

17

ATGOÐ08

Pétur Gíslason

Goðinn

1815

38

NORDAT10

Rúnar Ísleifsson

Goðinn

1755

141

NORDAT10

Sigurbjörn Ásmundsson

Goðinn

1330

48

HSADEE10

Sindri Guðjónsson

Goðinn

1660

121

NORDAT09

Smári Sigurðsson

Goðinn

1745

51

NORDAT10

Valur Heiðar Einarsson

Goðinn

1410

10

HSADEY10

Ævar Ákason

Goðinn

1590

27

NORDAT10

Atskákstiga listinn í heild:

Skrár tengdar þessari bloggfærslu:

• Atskákstig 1. júní 2010

Ný Íslensk skákstig (1. Júní 2010.)

Ný Íslensk skákstig voru gefin út í dag. Þau gilda 1. Júní sl. Benedikt Þór hækkar um 50 stig frá síðasta lista. Pétur Gíslason hækkar einnig, eftir góða frammistöðu á SÞN á Húsavík, eða um 45 stig.
Snorri hækkar um 35 stig og Rúnar um 25 stig. Valur Heiðar Einarsson kemur nýr inn á listann, en hann er með 1170 skákstig. 

Nafn                                          Skákstig      (breyting+/-
 
Björn Þorsteinsson                       2210            (-25)
Jón Þorvaldsson                           2040             (-5)
Ragnar Fjalar Sævarsson              1935             (0)
Páll Ágúst Jónsson                        1895             (0)
Sigurður Jón Gunnarsson               1885             (-5)
Pétur Gíslason                                1790            (+45)
Sindri Guðjónsson                          1785            (-10)
Benedikt Þorri Sigurjónsson            1785            (0)
Sveinn Arnarson                             1770             (0)
Barði Einarsson                              1755            (0)
Rúnar Ísleifsson                              1730            (+25)
Jakob Sævar Sigurðsson                1715             (-35)       
Smári Sigurðsson                           1660             (0)
Baldur Daníelsson                           1655            (0)
Einar Garðar Hjaltason                   1655            (0)
Helgi Egilsson                                 1580            (0)
Heimir Bessason                             1555            (0)
Ævar Ákason                                 1535            (+5)
Sigurjón Benediktsson                    1520            (0)
Hermann Aðalsteinsson                  1445             (+10)
Ármann Olgeirsson                         1405            (-20) 
Benedikt Þór Jóhannsson                1390            (+50)  
Snorri Hallgrímsson                         1330            (+35 )
Sighvatur Karlsson                          1310            (+5)
Sigurbjörn Ásmundsson                  1175            (-25)   
Valur Heiðar Einarsson                   1170              nýtt 

Sjá má allan stigalistann hér fyrir neðan.

Skrár tengdar þessari bloggfærslu:

• Skákstig 1. júní 2010

Snorri í 5-6 sæti í Borgarnesi.

Snorri Hallgrímsson HSÞ (Goðinn) varð í 5-6 sæti í skák á unglingalandsmótinu í Borgarnesi í gær. Snorri fékk 4,5 vinninga af 7 mögulegum. Snorri tefldi í flokki 11-14 ára. Alls tóku 22 keppendur í þátt í þeim flokki. Emil Sigurðsson HSK varð efstur með 7 vinninga. 

 

                            Snorri Hallgrímsson.

HSÞ átti engan fulltrúa í eldri flokknum.

Öll úrslit má skoða hér: 
http://www.umfi.is/umfi09/upload/files/unglingalandsmot/skak/skak_-_urslit.pdf

 

Útifjöltefli Goðans á Mærudögum Húsavík.

Í dag fór fram útifjöltefli Goðans á Húsavík í rjómablíðu. Þeir sem áhuga höfðu gátu teflt við Norðurlandsmeistarann í skák 2010, sem er Áskell Örn Kárason. 21 skákmenn nýttu sér það.

Jón Kristinn Þorgeirsson SA. gegn Áskeli.  Mynd: Hafþór Hreiðarsson. (640.is)

Áskell vann 19 skákir, gerði eitt jafntefli og tapaði einni skák.

Fleiri myndir frá fjölteflinu er að sjá í myndaalbúmi hér til hægri.
Fleiri myndir munu svo bætast við á næstunni.

Hér fyrir neðan er svo pistill frá Sighvati Karlssyni um fjölteflið, en hann skipulagði það afar vel í fjarveru formanns og á hrós skilið fyrir framtakið.

 

Sighvatur Karlsson og hatturinn góði, sem Sighvatur neiddist til þess að éta. Mynd: Hafþór H.

              Hvað á leðurhattur og skák sameiginlegt? 

Skákfélagið Goðinn stóð fyrir útifjöltefli á Mærudögum á Húsavík í blíðskaparveðri í dag á palli í bakkanum vestur af kirkjunni. Norðurlandsmeistarinn 2010 í skák Áskell Örn Kárason gaf kost á sér til að tefla við hvern sem var.  Ritari félagsins, sr. Sighvatur Karlsson var efins um að nokkur myndi mæta og sendi áskorun í fjölmiðla þess efnis að ef tækist að manna borðin tíu væri hann tilbúinn að éta hattinn sinn. Undrun hans varð mikil þegar til kom. Leikar fóru þannig að borðin tíu mönnuðust tvisvar og einum betur en 21 tóku þátt í fjölteflinu, þar af ein kona, Ólöf Þorsteinsdóttir úr Mosfellsbæ. Áskell vann 19 skákir og gerði eitt jafntefli við Smára Ólafsson, Skákfélagi Akureyrar, sem hjólaði í fjóra klukkutíma frá Akureyri til að tefla í mótinu. Áskell tapaði einni skák fyrir Gunnari Sigurðssyni frá Keflavík. Ritarinn undirbjó sig vandlega fyrir þetta mót, ekki síst vegna áskorunar sinnar sem hann birti í fjölmiðlum og fékk konu sína, prestsfrúna, til að baka hattaköku kvöldið áður  því að ekki treysti hann sér til að éta leðurhattinn sinn nema með töluverðri fyrirhöfn, suðu og þess háttar. Hattakakan var súkkulaðikaka sem ritarinn gæddi sér á með bestu lyst og aðrir lysthafendur í útifjölteflinu. Var þetta hin besta skemmtun og er komin til að vera framvegis á Mærudögum á Húsavík. Má segja að skákin sé búin að koma sér rækilega á kortið á þeim skemmtilega árvissa vettvangi. Sighvatur Karlsson, ritari Skákfélagsins Goðans.

Smári Ólafsson frá Akureyri, lagði töluvert á sig til þess að taka þátt í fjölteflinu, en hann hjólaði frá Akureyri til þess.

Frétt á skarpur.is http://www.skarpur.is/frett.asp?fID=3581
Frétt 640.is http://www.640.is/news/fjoltefli_a_maerudogum/

Útifjöltefli Goðans.

Útifjöltefli á vegum Goðans verður haldið föstudaginn 23 Júlí á Húsavík. Fjölteflið fer fram á Pallinum á Kirkjutröppunum framan við Húsavíkurkirkju og hefst kl 15:00. 
Fjölteflið er partur af bæjarhátíð Húsvíkinga sem kallast Mærudagar.

                             Áskell Örn Kárason.

Þar geta þeir sem vilja att kappi við Norðulandsmeistarann í skák 2010 sem er Áskell Örn Kárason.

Sighvatur Karlsson stjórnar fjölteflinu.  Fjölteflið er öllum opið og ekkert kostar að vera með í því.

Ný FIDE-skákstig.

Nýr skákstiga listi FIDE var gefinn út í dag og miðast hann við 1 Júlí.

Fjórir félagsmenn Goðans eru með FIDE stig

Björn Þorsteinsson            2210
Sindri Guðjónsson             1917
Jakob Sævar Sigurðsson   1807
Barði Einarsson                 1755

Alls hafa 281 skákmenn á Íslandi FIDE-skákstig og þar af teljast 59 óvirkir, hafa ekki teflt síðustu 4 mánuði.  H.A.

 

Íslandsmót skákfélaga verður 8-10 október.

Fyrri hluti Íslandsmóts skákfélaga fer fram helgina 8-10 október í Reykjavík. 
     Goðinn sendir tvö lið til keppni, eins og undanfarin tvö ár og hugsanlegt er að þriðja liðið bætist við núna. Það verður þó ekki ljóst fyrr en á síðustu metrunum.
Nokkrir félagsmenn sem gátu ekki verið með í Íslandsmótinu í fyrra eru tilbúnir til þess núna, auk þess verður unglingunum okkar boðin þátttaka í mótinu.
Seinni hlutinn verður helgina 4-5 mars 2011.

     Næsti viðburður hjá Goðanum er útifjöltefli við Norðurlandsmeistarann í skák 2010 sem er Áskel Örn Kárason. Útifjölteflið verður einhversstaðar á hafnarsvæðinu á Húsavík föstudaginn 23 Júlí, en þá standa yfir Mærudagar á Húsavík og verður margt um manninn á Húsavík þessa helgi.

     Nokkuð góðar líkur eru á því að Goðinn taki þátt í Hraðskákkeppni taflfélaga í haust og skýrist það þegar nær dregur. Liðið verður mannað með félagsmönnum sem búa á höfuðborgarsvæðinu.  
Sömuleiðis er líklegt að félagsmenn sem hafa búsetu á höfuðborgarsvæðinu haldi sínar eigin skákæfingar frá og með haustinu.

     Stjórn Goðans vinnur nú að æfinga og mótaáætlun fyrir september til desember 2010 og vonandi verur hægt að birta hana ekki síðar en 20. ágúst.

     Reiknað er með óbreyttu sniði á skákæfingunum og skákmótunum í vetur. Nú eru nýhafnar framkvæmdir við stækkun á fundarsal Framsýnar stéttarfélags á Húsavík, en þar hefur félagið fengið inni í frábærri aðstöðu Framsýnar. Fundarsalurinn stækkar um 25 fermetra og ný borð og stólar verða í salnum. Formaður er vongóður um að samningar takist um afnot af fundarsalnum næsta vetur.  H.A.

Bongó blíða í Mývatnssveit !

Það var 18 gráðu hiti og sólskin í Mývatnssveit í dag þegar sumarskákmót Goðans var haldið í Dimmmuborgum. Borgirnar skörtuðu sínu fegursta. Mótið var haldið á veitingastaðnum Kaffi Borgum og var teflt úti þar sem frábært útsýni er yfir Dimmuborgir.

 

          Glæsilegt útsýni var af skákstað yfir Dimmuborgir.

Alls mættu 6 galvaskir skákmenn til leiks og þar af voru tveir frá Akureyri, þeir feðgar Sigurður Eiríksson og Tómas Veigar Sigurðarson. Tefld var tvöföld umferð af hraðskákum (5 mín)

 

Sigurður Eiríksson hafði sigur með 9 vinninga af 10 mögulegum !

Efstu menn:

1. Sigurður Eiríksson                9 vinn af 10 mögul.
2. Tómas Veigar Sigurðarson   8
3. Jakob Sævar Sigurðssom     5,5
4. Hermann Aðalsteinsson       4

    Aðrir fengu minna.

              Heimir Bessason. Bláfjall í baksýn.

Hermann formaður Aðalsteinsson að tafli við Sigurð Eríksson.

 

Útiskákmót í Kaffi Borgum í Dimmuborgum Mývatnssveit.

Skákfélagið Goðinn stendur fyrir útiskákmóti nk. laugardag 26 Júní. Mótið verður haldið á veitingastaðnum Kaffi Borgum í Mývatnssveit, sem er við innganginn í Dimmuborgir.

Tefldar verða skákir með 5-10 mín umhugsunartíma, allt eftir þátttöku.

Ekkert þátttökugjald verður og engin sérstök verðlaun verða veitt fyrir sigurvegarann.
Áhugasamir eiga að skrá sig til keppni hjá Hermanni í síma 4643187.