Taflfélag Reykjavíkur Íslandsmeistari unglingasveita GM-Hellir í öðru sæti

Taflfélag Garðabæjar hélt Íslandsmót Unglingasveita í Garðalundi í Garðabæ síðasta laugardag. Alls tóku 16 lið þátt frá 5 taflfélögum þátt. Eingöngu lið frá höfuðborgarsvæðinu voru með að þessu sinni en vitað var td. að Akureyringar eiga mjög sterkt lið sem gæti átt mörguleika á verðlaunasætum. Hvorki KR ingar né Víkingaklúbburinn náðu að manna lið.

Taflfélag Reykjavíkur eiginlega kom, sá og sigraði í mótinu þar sem þeir komu með alls 6 lið þar sem 5 af þessum 6 liðum lentu efst í sínum flokki, auk þess að verða íslandsmeistarar 2013, sem er fyrsti titill TR eftir nokkurt hlé.

Fjölnismenn voru reyndar í báráttunni alveg fram að síðustu umferðum mótsins þegar lið GM Hellis skaust hálfan vinning upp fyrir. 

Lið Íslandsmeistara TR A var skipað þeim Vignir Vatnar Stefánssyni 6 af 7, Gauta Páli Jónssyni 6,5 af 7, Veroniku Magnúsdóttur 5 af 7 og Birni Hólm Birkissyni 6 af 7 eða alls 23,5 vinningur. sem er glæsilegur árangur. 

Lið GM Helllis A sem endaði í 2. sæti var skipað Hilmi Frey Heimissyni, Dawid Kolka, Felix Steinþórssyni og Heimi Páli Ragnarssyni. 

Lið Fjölnis A sem voru meistarar í fyrra með fullu húsi var skipað þeim Óliver Aron Jóhannessyni sem var besti maður mótsins og vann allar skákirnar á fyrsta borði. Nansý Davíðsdóttir, Jóhanni Arnari Finnssyni og Hilmi Hrafnssyni.  Lið Fjölnis missti 2 gríðarsterka skákmenn vegna aldurs upp úr liðinu og náðu þeir ekki að fylgja frábærum árangri síðan í fyrra eftir.

B lið TR var svo mjög gott líka en þar á eftir komu lið GM Hellis B, TG A og Hauka og Fjölnis B öll með svipaðan árangur. GM Hellir B varð sjónarmun á undan TG á 2 stigaútreikningi.

Tveir liðsmanna GM Hellis náðu sér í borðaverðlaun á mótinu en það voru Dawid Kolka sem fékk 6,5v af 7 á 2. borði fyrir GM Helli A og Birgir Ívarsson sem fékk 6v á 4. borði fyrir GM Helli B.

Lokastaða

Rank	Team	Gam.	+	=	-	Pts.	MP
1	TR A	7	6	1	0	23½	13
2	GM Hellir A	7	4	1	2	21	9
3	Fjölnir A	7	5	2	0	20½	12
4	TR B	7	4	2	1	19½	10
5	GM Hellir B	7	3	1	3	15½	7
6	Taflfélag Garðabæjar A	7	3	1	3	15½	7
7	Haukar	7	4	0	3	15	8
8	Fjölnir B	7	3	1	3	15	7
9	GM Hellir C	7	3	1	3	13	7
10	TR D	7	3	0	4	12½	6
11	TR C	7	3	0	4	11½	6
12	Fjölnir C	7	3	0	4	11½	6
13	GM Hellir D	7	3	0	4	11	6
14	TR E	7	2	1	4	9½	5
15	Taflfélag Garðabæjar B	7	1	1	5	6½	3
16	TR F	7	0	0	7	3	0

TR A varð því Íslandsmeistari. 

GM Hellir C vann keppni C liða.

 

 

 

 

 

Sjá nánar á skák.is

Jón Þorvaldsson vann sigur á Grænlandsmótinu.

Jón Þorvaldsson og Magnús Magnússon urðu efstir og jafnir á Grænlandsmótinu, sem Vinaskákfélagið og Hrókurinn efndu til í dag. Þeir hlutu 5 vinninga af 6 mögulegum, en Jón var lítið eitt hærri á stigum og hreppti því efsta sætið. Gunnar Freyr Rúnarsson hreppti bronsið með 4,5 vinning. Keppendur á þessu bráðskemmtilega skákmóti voru alls 16. 

Sjá nánari umfjöllun á skák.is

 

 

 

 

 

 

 

Rk.	SNo		Name	FED	Rtg	Pts.	TB1	TB2	TB3
1	15		Jón Þorvaldsson	ISL	0	5.0	18.5	13.0	15.00
2	13		Magnús Magnússon	ISL	0	5.0	18.5	11.5	13.50
3	3		Gunnar Freyr Rúnarsson	ISL	0	4.5	20.5	13.0	15.00
4	6		Hrafn Jökulsson	ISL	0	4.0	20.0	13.0	13.00
5	14		Stefán Bergsson	ISL	0	4.0	14.0	9.5	7.00
6	9		Jón Birgir Einarsson	ISL	0	3.0	22.0	14.5	10.00
7	8		Hörður Jónasson	ISL	0	3.0	20.0	14.5	8.00
8	16		Ásgeir Sigurðsson	ISL	0	3.0	17.5	12.0	5.50
9	7		Hörður Garðarson	ISL	0	3.0	16.5	11.0	5.50
10	11		Kristinn Jens Sigurþórsson	ISL	0	3.0	16.0	11.0	5.50
11	5		Hjálmar Sigurvaldason	ISL	0	3.0	14.0	8.5	3.00
12	1		Bjarni Hjartarson	ISL	0	2.5	25.5	17.5	9.50
13	4		Haukur Halldórsson	ISL	0	2.0	20.0	13.0	5.00
14	12		Kári Einarsson	ISL	0	2.0	13.0	8.5	1.00
15	10		Jón Gauti	ISL	0	0.5	16.5	11.0	0.25
16	2		Björgvin Kristbergsson	ISL	0	0.5	15.5	11.0	0.25

 

Einar Hjalti atskákmeistari Reykjavíkur og GM Hellis

Einar Hjalti Jensson sigraði á vel skipuðu Atskákmóti Reykjavíkur sem sem lauk í gærkvöldi með 5,5 vinning í sex skákum. Einar Hjalti sigraði Guðmund Gíslason í spennandi skák í næstsíðustu umferð og tryggði svo sigurinn með jafntefli við Ögmund í lokaumferðinni. Einar Hjalti er einnig félagsmaður í GM Helli og varð einnig Atskákmeistari GM Hellis á suðursvæði og gekk því út með tvo titla í farteskinu.

Jafnir í öðru og þriðja sæti með 5 voru svo Ögmundur Kristinsson og Dagur Ragnarsson með 5 vinninga.

Ef ritstjóri man rétt er þetta fjórða skákmótið í röð sem Einar vinnur og hann er einnig taplaus í síðustu 30 skákum.  

 

 

 

 

Lokastaðan á Atskákmóti Reykjavíkur

Röð	Nafn	Vinn.	TB1	TB2	TB3
1	Einar Hjalti Jensson	5,5	22	15	19
2	Ögmundur Kristinsson	5	23	15	18
3	Dagur Ragnarsson	5	18	12	13
4	Guðmundur Gíslason	4,5	25	17	17
5	Vigfús Vigfússon	4	23	15	12
6	Andri Grétarsson	4	20	13	12
7	Felix Steinþórsson	3,5	20	13	8,8
8	Hjálmar Sigurvaldason	3,5	17	11	8,3
9	Oliver Jóhannesson	3	22	15	8
10	Gunnar Nikulásson	3	21	14	7,5
11	Jon Olav Fivelstad	3	19	13	7,5
12	Kristján Halldórsson	3	16	11	4
13	Bárður Örn Birkisson	3	15	9	5
14	Björn Hólm Birkisson	2,5	15	9,5	2
15	Hermann Ragnarsson	2,5	13	9,5	3,3
16	Loftur Baldvinsson	2	19	14	3
17	Árni Thoroddsen	2	18	12	3
18	Óskar Víkingur Davíðsson	2	15	11	1
19	Hörður Jónasson	1	15	9,5	0
20	Brynjar Haraldsson	0	13	9	0
21	Björgvin Kristbergsson	0	13	8,5	0

Mótstföflu má finna á Chess-Results.

EM-landsliða hófst í gær

EM-Landsliða í skák hófst í Póllandi í gær. Nokkrir félagsmenn GM-Hellis tefla fyrir Íslands hönd á mótinu eða eru fararstjórar. Kvennalandsliðið er næstum allt skipað konum úr GM-Helli. Grannt er fylgst með mótinu á skák.is 

 

Hér má skoða úrslit úr fyrstu umferð

 

Því er svo við þetta að bæta að stórmeistararnir og félagsmenn GM-Hellis, Gawain Jones og Robin Van Kampen er í liði Englendinga og Hollendinga á mótinu 

 

Samantekt EM-faranna 2013 af skák.is

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková    (GM-Hellir)
• 2. Hallgerður Helga Þorsteinsdóttir  (GM-Hellir)
• 3. Jóhanna Björg Jóhannsdóttir   GM-Hellir
• 4. Tinna Kristín Finnbogadóttir
• 5. Elsa María Kristínardóttir  GM-Hellir
• Liðsstjóri: Davíð Ólafsson     GM-Hellir
• Fararstjóri: Gunnar Björnsson  GM-Hellir
• Skákstjóri: Omar Salama
• Skákstjóri: Róbert Lagerman

Ævar efstur á æfingu

Ævar Ákason varð efstur á skákæfingu sem fram fór á Húsavík sl. mánudag og vann allar skákirnar. Teflar voru skákir með 20 mín umhugsunartíma að viðbættum 5 sek á leik. Aðeins fjórir félagsmenn mættu á æfinguna.

1. Ævar Ákason                 3  af 3
2. Sigurbjörn Ásmundsson  2 

Aðrir fengu minna.

Næsta skákæfing verður á Laugum nk. mánudagskvöld kl 20:00 

Elsa María sigraði á hraðkvöldi

Elsa María Kristínardóttir sigraði örugglega með fullu húsi á hraðkvöldi GM Hellis suðursvæði sem fram fór 4. nóvember. Það voru níu keppendur sem mættu til leiks og tefldu allir við alla svo það voru 9v sem komu í hús hjá Elsu Maríu að skottu meðtalinni. Elsa María fer því með sinn fyrsta sigur á hraðkvöldi í vetur í farteskinu á EM landsliða sem hefst 8. nóvember.  Annar var Vignir Vatnar Stefánsson með 7v og síðan komu Hermann Ragnarsson, Ólafur Guðmarsson og Vigfús Ó. Vigfússson með 5,5v. Elsa María dró svo Björn Hólm í happdrættinu og fengu þau bæði gjafamiða á Saffran.

Næsta skákkvöld í Hellisheimilinu verður mánudaginn 11. nóvember kl. 19.30. Þá verður Atskákmót Reykjavíkur og Atskákmót GM Hellis.

Lokastaðan á hraðkvöldinu:

1.   Elsa María Kristínardóttir     9v/9

2.   Vignir Vatnar Stefánsson     7v

3.   Hermann Ragnarsson          5,5v

4.   Ólafur Guðmarsson              5,5v

5.   Vigfús Ó. Vigfússon              5,5v

6.    Björn Hólm Birkisson           3,5v

7.    Bárður Örn Birkisson           3,5v

8.    Björgvin Kristbergsson        3v

9.    Gunnar Nikulásson              2,5v

Óliver, Jón Kristinn og Vignir meistarar Ágætu árangur okkar manna

Íslandsmóti yngri flokka í skák lauk á Akureyri í dag. Á Unglingameistaramóti Íslands (20 ára og yngri) reyndist stigahæsti keppandinn, Óliver Aron Jóhannsson, drýgstur á lokasprettinum. Keppendur voru átta talsins og tefldu innbyrðis, allir við alla. Óliver vann í morgun skákina við helsta keppinaut sinn, Örn Leó Jóhannesson; tók þá forystuna og lét hana ekki af hendi síðan. Hann fékk 6 vinninga úr 7 skákum. Örn Leó varð annar og Jóhanna Björg Jóhannesdóttir GM-Helli varð í þriðja sæti.

 

Teflt var í einum flokki um Íslandsmeistaratitil 15 ára og yngri og 13 ára og yngri. Þar tók hinn bráðefnilegi Vignir Vatnar Stefánsson úr TR forystuna snemma móts og virtist ætla að vinna báða titlana sem í boði voru. Hann var efstur fyrir síðustu umferð en mátti þá lúta í lægra haldi fyrir SA-manninum Óliver Ísak Ólasyni, en um 700 stig skilja þá félaga að á stigalistanum. Þetta voru tvímælalaust óvæntustu úrslit mótsins og skiptu sköpum í toppbaráttunni.  Við tapið hrökk Vignir niður í annað sætið í 15 ára flokknum en sigur hans í 13 ára flokknum var ekki í hættu. Hinsvegar naut félagi Ólivers, Jón Kristinn Þorgeirsson góðs af þessum úrslitum og skaust upp fyrir Vigni Vatnar.

 

 

 

 

Heimir Páll Ragnarsson varð efstur okkar keppenda á mótinu en Heimir hafnaði í 8-15. sæti með 5 vinninga. Eyþór Kári Ingólfsson, Bjarni Jón Kristjánsson og Ari Rúnar Gunnarsson fengu einnig 5 vinninga. Jón Aðalsteinn Hermannsson og Jakub Pitor Statkiewicz urðu í 16-17 sæti með 4,5 vinninga og Helgi James Þórarinsson fékk 4 vinninga. Björn Gunnar Jónsson og Stefán Bogi Aðalsteinsson fengu 3 vinninga og Kristján Davíð Björsson krækti í 2 vinninga. 

15 ára og yngri:

Jón Kristinn Þorgeirsson, SA      8

Vignir Vatnar Stefánsson, TR     7,5

Símon Þórhallsson, SA               7

13. ára og yngri:

Vignir Vatnar Stefánsson, TR    7,5

Björn Hólm Birkisson, TR           6

Óliver Ísak Ólason, SA              6

 

Sjá má lokastöðuna á Chess-results 

Örn Leó og Vignir efstir á Íslandsmótinu á Akureyri

Unglingameistaramót Íslands (20 ára og yngri) og Íslandsmót (15 ára og 13 ára og yngri) hófust í dag í íþróttahöllinni á Akureyri. Örn Leó Jóhannsson (1955) er efstur á Unglingameistaramóti Íslands hefur hlotið 3,5 vinning í 4 skákum. Jóhanna Björk Jóhannsdóttir GM-Helli er í 2-3 sæti með 3 vinninga. Alls taka þátt 8 keppendur í flokki 20 áro og yngri. Mótstöflu mótsins má finna á Chess-Results.

Vignir Vatnar Stefánsson (1802) er efstur á Íslandsmóti 15 ára og yngri, sem jafnframt er Íslandsmót 13 ára og yngri. Heimir Páll Ragnarson GM-Helli er í 2-6. sæti með 4 vinninga og Jón Aðalsteinn Hermannsson og Eyþór Kári Ingólfsson eru í 8-15. sæti með 3 vinninga. Alls taka 29 keppendur þátt í flokki 15 ára og yngri og þar af 10 frá GM-Helli. Mótstöflu mótsins má finna á Chess-Results. 

 

Mótinu verður farmhaldið á morgun og hefst taflmennska kl 11:00. 

Staðan eftir 5. umferðir í flokki 15 ára og yngri.

1		Stefansson Vignir Vatnar	ISL	1802	4.5	18.0
2		Thorhallsson Simon	ISL	1588	4.0	17.0
3		Thorgeirsson Jon Kristinn	ISL	1824	4.0	15.5
4		Palsdottir Soley Lind	ISL	1412	4.0	15.0
5		Finnsson Johann Arnar	ISL	1433	4.0	14.0
6		Ragnarsson Heimir Pall	ISL	1456	4.0	13.0
7		Jonsson Gauti Pall	ISL	1565	3.5	14.5
8		Magnusson Thorsteinn	ISL	1286	3.0	15.0
9		Birkisson Bardur Orn	ISL	1478	3.0	14.5
10		Gylfason Saevar	ISL	0	3.0	13.5
11		Hermannsson Jon Adalsteinn	ISL	0	3.0	11.5
12		Runarsdottir Tinna Osk	ISL	0	3.0	11.5
13		Olason Oliver Isak	ISL	0	3.0	11.0
14		Stefansson Benedikt	ISL	0	3.0	10.5
15		Ingolfsson Eythor Kari	ISL	0	3.0	10.0
16		Birkisson Bjorn Holm	ISL	1534	2.0	16.0
17		Kristjansson Bjarni Jon	ISL	0	2.0	14.0
18		Thorarinsson Helgi James	ISL	0	2.0	12.5
19		Jonsson Bjorn Gunnar	ISL	0	2.0	12.5
20		Statkiewicz Jakub	ISL	0	2.0	12.0
21		Gunnarsson Ari Runar	ISL	0	2.0	11.0
22		Bjornsson Kristjan David	ISL	0	2.0	7.0
23		Bjornsson Gabriel Freyr	ISL	0	1.5	11.5
24		Finnsson Julius Orn	ISL	0	1.5	11.0
25		Svavarsson Isak	ISL	0	1.5	10.0
26		Thorarinsson Audunn Elfar	ISL	0	1.5	9.5
27		Þórisson Garðar Gísli	ISL	0	1.0	13.5
28		Adalsteinsson Stefan Bogi	ISL	0	1.0	10.0
29		Birkisdottir Freyja	ISL	0	1.0	6.5

 

Pörun 6. umferðar:

 

	Name	Pts.	Result	Pts.		Name
	Stefansson Vignir Vatnar	4½		4		Finnsson Johann Arnar
	Ragnarsson Heimir Pall	4		4		Thorgeirsson Jon Kristinn
	Palsdottir Soley Lind	4		4		Thorhallsson Simon
	Jonsson Gauti Pall	3½		3		Birkisson Bardur Orn
	Ingolfsson Eythor Kari	3		3		Magnusson Thorsteinn
	Gylfason Saevar	3		3		Olason Oliver Isak
	Stefansson Benedikt	3		3		Hermannsson Jon Adalsteinn
	Runarsdottir Tinna Osk	3		2		Bjornsson Kristjan David
	Birkisson Bjorn Holm	2		2		Statkiewicz Jakub
	Gunnarsson Ari Runar	2		2		Thorarinsson Helgi James
	Kristjansson Bjarni Jon	2		2		Jonsson Bjorn Gunnar
	Finnsson Julius Orn	1½		1½		Bjornsson Gabriel Freyr
	Thorarinsson Audunn Elfar	1½		1½		Svavarsson Isak
	Þórisson Garðar Gísli	1		1		Birkisdottir Freyja
	Adalsteinsson Stefan Bogi	1	1			bye

 

 

Stefán Bogi Aðalsteinsson var að taka þátt í sínu fyrsta Íslandsmóti í dag.

 

Björn Gunnar Jónsson var líka að taka þátt í sínu fyrsta Íslandsmóti.

 

Kristján Davíð Björnsson var einnig að taka þátt í sínu fyrsta Íslandsmóti. 

 

 

Hilmir Freyr unglingameistari GM Hellis

Vignir Vatnar Stefánsson sigraði á jöfnu og skemmtilegu unglingameistaramóti GM Hellis (suðursvæði) sem lauk á þriðjudag. Vignir Vatnar fékk 6½ vinning í sjö skákum og það var Veronika Steinunn Magnúsdóttir sem náði jafntefli. Aðrar skákir vann Vignir Vatnar og gilti þá einu þótt hann stæði einhverju sinni höllum fæti um tíma; þá landaði hann sigri með keppnishörkunni og vann að lokum sanngjarnan sigur á mótinu. Annar varð Hilmir Freyr Heimisson með 6 vinninga, sem er sami vinningafjöldi og dugði honum til sigurs í mótinu í fyrra.

 

Hilmir Freyr, sem býr á Patreksfirði, gerði sér sérstaka ferð í bæinn til að taka þátt í mótinu og verja titilinn sem hann vann í fyrra. Það tókst, því Hilmir Freyr var efstur félagsmanna í GM Helli og er því unglingameistari félagsins. Þriðji varð Dawid Kolka með 5 vinninga. Hann vann mótið fyrir tveimur árum en var í skólaferðalagi í fyrra og átti þess ekki kost að verja titilinn þá. Núna vantaði herslumuninn til að ná lengra þótt vissulega hafi tækifæri boðist til þess í mótinu.

Vignir Vatnar og Hilmir Freyr voru einnig í tveimur efstu sætum í flokki 12 ára og yngri en þar náði Mikhael Kravchuk þriðja sætinu eftir mikinn stigaútreikning þar sem hann var hálfu stigi hærri en Óskar Víkingur Davíðsson í öðrum stigaútreikningi.

Hjörvar Steinn Grétarsson, heilsaði upp á keppendur í fimmtu og sjöttu umferð og tók við viðurkenningu frá félaginu. Hjörvar Steinn er líka sá sem oftast hefur orðið unglingameistari félagsins, fimm sinnum. Á þessu móti voru hins vegar keppendur sem eiga möguleika á að ná þeim árangri. Það fór síðan vel á því að Hjörvar Steinn léki fyrsta leiknum fyrir lærisvein sinn Vigni Vatnar í skák við Mikhael Kravchuk í 6. umferð. Sennilega er Hjörvar Steinn samt vanari því að aðrir fái það hlutverk að leika fyrsta leiknum fyrir hann. 

Myndir frá mótinu má skoða hér

 

 

 

Mótshaldið tókst vel og allir keppendur sem hófu mótið luku því, sem er ekki sjálfgefið í tveggja daga móti, með 20 mínútur í umhugsunartíma og marga unga þátttakendur. Allir stóðu þeir sig með prýði og tefldu af áhuga og þá ekki sísti yngstu keppendurnir Adam Omarsson sem er fæddur 2007 og Kristófer Jökull Jóhannsson sem er fæddur 2008.

Lokastaðan:

1. Vignir Vatnar Stefánsson                   6½ v./7

2. Hilmir Freyr Heimisson                       6 v.

3. Dawid Kolka                                       5 v.

4. Veronika Steinunn Magnúsdóttir       4½ v.

5. Birgir Ívarsson                                   4½ v.

6. Mikhael Kravchuk                              4 v. (24½; 28)

7. Óskar Víkingur Davíðsson                 4 v. (24½; 27½)

8. Alec Elías Sigurðarson                       4 v. (23; 26½)

9. Stefán Orri Davíðsson                       4 v. (23; 26)

10. Halldór Atli Kristjánsson                  4 v. (20)

11. Róbert Luu                                      4 v. (18)

12. Heimir Páll Ragnarsson                   3½ v.

13. Oddur Þór Unnsteinsson                 3 v.

14. Sindri Snær Kristófersson                3 v.

15. Óttar Örn Bergmann Sigfússon        3 v.

16. Ívar Andri Hannesson                      3 v.

17. Adam Omarsson                              3 v.

18. Brynjar Haraldsson                          2 v.

19. Egill Úlfarsson                                  2 v.

20. Kristófer Eggert Arnarson                2 v.

21. Kristófer Jökull Jóhannsson             1 v.

Ævar efstur á skákæfingu

Ævar Ákason varð efstu á skákæfingu GM-Hellis norðursvæði sl. mánudagskvöld á Húsavík. Ævar vann allar sínar skákir 4 að tölu. Teflt var eftir monrad-kerfi og voru tímamörkin 20 mín+5 sek á leik. 

Staða efstu:

Ævar Ákason                        4 af 4
Sigurbjörn Ásmundsson         3
Hlynur Snær Viðarsson          3
Hermann Aðalsteinsson          2
Jón Aðalsteinn Hermannsson  2
Heimir Bessason                   1
Eyþór Kári Ingólfsson            1 

Næsta skákæfing verður að viku liðinni. 

Páll efstur á hraðkvöldi GM-Hellis

Páll Andrason sigraði á hraðkvöldi GM Hellis suðursvæði sem haldið var 28. október sl. Páll fékk sex vinninga í sex skákum. Það voru Örn Leó og Ólafur Guðmarsson sem náðu jafntefli við Pál en hann sýndi mikla hörku í tímahrakinu og halaði þá inn ófáa vinninga. Annar var Örn Leó Jóhannsson með 5,5v en þeir Páll fylgdust að lengi vel Þangað til Erni Leó hlekktist á í lok skákarinnar gegn Vigfúsi í næst síðustu umferð. Þriðja sætinu náði svo Vigfús Ó. Vigfússon með 5v eins og Jóhanna Björg Jóhannsdóttir en Vigfús var hærri á stigum. 

Páll Andrason dró í happdrættinu og það var tala Björgvins Kristbergssonar sem kom upp og fékk hann því gjafamiða á Saffran eins og Páll.

Næsta skákkvöld í félagsheimili GM Hellis verður mánudaginn 4. nóvember kl. 20. Þá verður einnig hraðkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Páll Andrason	6	29	21	25
2	Örn Leó Jóhannsson	5,5	26	20	18
3	Vigfús Vigfússon	5	30	21	19
4	Jóhann Björg Jóhannsdóttir	5	26	20	15
5	Kristófer Ómarsson	4	27	19	12
6	Ólafur Guðmarsson	4	25	17	13
7	Elsa María Kristínardóttir	3,5	25	19	7
8	Hermann Ragnarsson	3,5	21	16	9,3
9	Hjálmar Sigurvaldason	3,5	20	14	6,8
10	Halldór Pálsson	3	27	20	7
11	Gunnar Nikulásson	3	23	17	6
12	Björgvin Kristbergsson	2	18	14	2
13	Hörður Jónasson	1	23	16	0,5

Mótið á Chess-Results

Vignir Vatnar efstur eftir fyrri hlutann á Unglingameistaramóti GM Hellis

Vignir Vatnar Stefánsson er efstur með 3,5v að loknum fjórum umferðum á Unglingameistaramóti GM Hellis (suðursvæði). Jöfn í 2-7 sæti með 3v eru Hilmir Freyr Heimisson, Veronika Steinunn Magnúsdóttir, Dawid Kolka, Mikhael Kravchuk, Oddur Þór Unnsteinsson og Halldór Atli Kristjánsson. Það stefnir því í harða baráttu um efstu sætin og titilinn unglingameistari GM Hellis. Þátttakendur á mótinu eru 21.

Síðustu 3. umferðirnar eru tefldar á morgun þriðjudaginn 29. október og hefst seinni hlutinn kl. 16.30. Þá er von á góðum gesti í heimsókn en Hjörvar Steinn Grétarsson mun þá heilsa upp á keppendur. Hjörvar náði nýlega síðasta áfanganum að stórmeistartitili og það hefur enginn orðið oftar unglingameistari Hellis. Þau voru 5 skiptin sem Hjörvar vann titilinn og oftast var hann einnig í 1. sæti mótinu sjálfu.

Staða efstu manna eftir fyrri hlutann:

1.    Vignir Vatnar Stefánsson               3,5v/4

2.    Hilmir Freyr Heimisson                   3v

3.    Veroníka Steinunn Magnúsdóttir   3v

4.    Dawid Kolka                                  3v

5.    Mikhael Kravchuk                           3v

6.    Oddur Þór Unnsteinsson               3v

7.    Halldór Atli Kristjánsson                3v

8.    Heimir Páll Ragnarsson                  2,5v

Í 5. umferð mætast eftirtaldir skákmenn:

1.   Vignir Vatnar - Dawid

2.   Veronika - Hilmir Freyr

3.   Mikhael - Oddur Þór

4.   Halldór Atli - Heimir Páll

5.   Óskar Víkingur - Stefán Orri

6.   Róbert Luu - Alec Elías

7.   Sindri Snær - Brynjar

8.   Birgir - Ívar Andri

9.   Óttar - Kristófer Eggert

10.  Egill - Kristófer Jökull

11.  Adam - Skotta

Kærum TR hafnað af dómstóli SÍ

Dómstóll Skáksambands Íslands hafnaði öllum kærum Taflfélags Reykjavíkur á hendur GM-Helli í úrskurði sem birtur var síðdegis í dag. í stuttu máli kemst dómstóllinn að því að keppendur í skáksveitum GM-Hellis hafi ekki verið ólöglegir í þeim viðureignum sem kærurnar litu að.

Dómstóllinn telur að ef beiti eigi svo íþyngjandi úrræðum sem TR fer fram á verði sú niðurstaða að eiga ríka lagastoð og sú lagastoð sé ekki fyrir hendi. Samkvæmt almennum reglum félagaréttar tekur sameinað félag við öllum réttindum og skyldum samrunafélags. Þannig verða félagsmenn sjálfkrafa félagsmenn hins sameinaða félags án þess að nein athöfn komi til að þeirra hálfu. Af því leiðir að 20 daga félagaskiptafrestur eigi því ekki við í þessu tilfelli.

Kröfum TR er því hafnað. 

Sjá úrskurðina hér fyrir neðan. 

Skrár tengdar þessari bloggfærslu:

• Úrskurður 28 okt 1
• Úrskurður 28 okt 2

Skákþing Garðabæjar hófst í gær

Skákþing Garðabæjar hófst í gær. Afar góð þátttaka er á mótinu en 48 keppendur taka þátt sem er metþátttaka. Það fyrirkomulag Garðbæinga að skipta mótinu í tvo flokka og tefla aðeins einu sinni í viku virðist hafa gefist afar vel.

Fimm félagmenn GM-Hellis taka þátt í mótinu og tefla þrír þeirra í A-flokki. Felix Steinþórsson gerði jafntefli í 1.umferð en Óskar Víkingur Davíðsson og Jón Eggert Hallsson töpuðu sínum skákum gegn stigahærri andstæðingum.

Brynjar Haraldsson og  Halldór Atli Kristjánsson tefla í B-flokki og töpuðu þeir báðir sínum skákum í 1. umferð

 

 

Pörun 2. umferðar liggur ekki fyrir. 

• Heimasíða TG
• Facebook-síða TG
• Chess-Results

Vigfús sigraði á hraðkvöldi

Vigfús Ó. Vigfússon sigraði á hraðkvöldi GM Hellis suðursvæði, sem haldið var 21. október sl. Vigfús fékk átta vinninga af níu mögulegum og var það Dawid Kolka sem lagði hann að velli í lokaumferðinni.

Vigfús var svo einnig hætt kominn í næst síðustu umferð á móti Magnúsi Matthíassyni þar sem glöggir menn töldu að hann hefði a.m.k. leikið einu ólöglegum leik í tímahraksbarningnum í lokin. Dawid lét hins vegar slíkar kúnstir ekki fram hjá sér fara.  Í öðru sæti varð svo Elsa María Kristínardóttir með 7v og þriðja sætinu náði svo Dawid Kolka með 5,5v eins og Magnús Matthíasson en Dawid var hærri á stigum.

 

Í þetta sinna var það tölvan sem dró í happdrættinu og upp kom talan 7 sem þýðyddi sjöunda sætið sem Gunnar Nikulásson skipaði fær hann því gjafamiða á Saffran eins og Vigfús.

Næsta skákkvöld í félagsheimili GM Hellis verður mánudaginn 28. okóber kl. 20. Þá verður einnig hraðkvöld.

Lokastaðan á hraðkvöldinu:

Röð Nafn

1 Vigfús Óðinn Vigfússon   8   
2 Elsa María Krístinardóttir 7   

3 Dawid Kolka                5,5   

4 Magnús Matthíasson        5,5   

5 Felix Steinþórsson        5   

6 Ólafur Guðmarsson         5   

7 Gunnar Nikulásson         4,5   

8 Óskar Víkingur Davíðsson 2,5    

9 Björgvin Kristbergsson  2      

10 Stefán Orri Davíðsson          0

Íslandsmót 13 og yngri og 15 ára og yngri fer fram 2. og 3. nóvember á Akureyri

Keppni á Íslandsmótinu í skák 15 ára og yngri (fædd 1998 og síðar) og 13 ára og yngri (fædd 2000 og síðar) verður haldið í félagsheimili Skákfélags Akureyrar, Íþróttahöllinni, dagana 2. og 3. nóvember nk.  Tefldar verða 9 umferðir eftir svissneska kerfinu og er umhugsunartíminn 20 mín. + 5 sek. Teflt verður í einum flokki.

Mótshaldari: Skákfélag Akureyar

Skákstaður: Íþróttahöllin á Akureyri

Laugardagur 2. nóvember 

Fyrsta umferð hefst kl. 14. Tefldar verða 5 umferðir. Áætlað er að taflmennsku ljúki fyrir kl. 19. Stutt hlé verður gert eftir þriðju umferð

Sunnudagur 3. nóvember   

Sjötta umferð hefst kl. 11. Tefldar verða 4 umferðir. Stutt hlé verður gert eftir sjöundu umferð. Verðlaunaafhending og mótsslit um kl. 15.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun: Verðlaunabikarar fyrir þrjú efstu sætin í hvorum flokki.

Ferðir og gisting

Kynningarfundur vegna mótanna með formönnum/umsjónarmönnum æskulýðsstarfs verður haldinn nk. þriðjudagskvöld kl. 20 í SÍ. Ætlunin með þeim fundi er að skoða mögulegt samstarf félaganna varðandi ferðatilhögun og gistingu. Tilgangurinn með fundinum er einnig að athuga mögulegan keppendafjölda svo skipulagning mótshaldara geti verið með besta móti.

Skráning

Hægt er að skrá sig til leiks hér. Upplýsingar um þegar skráða keppendur má finna hér.

SKÁKSAMBAND ÍSLANDS

Hlynur efstur á æfingu

Hlynur Snær Viðarsson varð efstur á skákæfingu sem fram fór í Litlulaugaskóla í kvöld. Hlynur vann alla nema Hermann. Tefldar voru skákir með 10 mín umhugsunartíma á mann.

1.   Hlynur Snær Viðarsson          4
2-3 Hermann Aðalsteinsson          3,5
2-3 Sigurbjörn Ásmundsson         3,5
4.   Jón Aðalsteinn Hermannsson  2
5-6 Stefán Bogi Aðalsteinsson      1
5-6 Jakub Pitor Statkiewizce        1

Næsta skákæfing á norðursvæði GM-Hellis verður á Húsavík að viku liðinni. 

Unglingameistaramót GM Hellis, suðursvæði

Unglingameistaramót GM Hellis 2013, suðursvæði hefst mánudaginn 28. október n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 29. október n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri í grunnskóla en titilinn sjálfan getur aðeins félagsmaður í GM Helli unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 4. nóvember n.k.  Keppnisstaður er Álfabakki 14a (inngangur við hliðina á Subway) og er salur félagsins á þriðju hæð. Engin þátttökugjöld.

Verðlaunagripir verða fyrir þrjú efstu sætin. Allir þátttakendur fá skákbók.

Umferðatafla:

1.-4. umferð:                Mánudaginn 28. október kl. 16.³⁰

5.-7. umferð:                Þriðjudaginn 29. október kl. 16.³⁰

Verðlaun:

• 1. Unglingameistari GM Hellis suðursvæði fær farandbikar til varðveislu í eitt ár.
• 2. Þrír efstu fá verðlaunagripi til eignar.
• 3. Allir keppendur fá skákbók.
• 4. Þrír efstu 12 ára og yngri fá verðlaunapening.
• 5. Stúlknameistari GM Hellis suðursvæði fær verðlaunagrip til eignar.

Íslandsmót skákfélaga - Pistlar liðsstjóra GM-Hellis

Fyrri hluti Íslandsmóts skákfélaga fór fram um nýliðna helgi. Hið ný sameinaða félag Skákfélagið GM-Hellir tefldi fram 9 keppnisliðum í mótinu, tveimur í 1. deild, einu í 2. deild og svo þremur liðum í 3 og 4. deild. Yfirliðsstjórn var í öruggum höndum þeirra Jóns Þorvaldssonar, Vigfúsar Vigfússonar og Hermanns Aðalsteinssonar og gekk öll skipulagning vel. Hér fyrir neðan eru birtir pistlar um mótið og skrifar Magnús Teitsson um 1 deild. Vigfús Vigfússon skrifar um 3. deildina og Hermann Aðalsteinsson skrifar pistil um 2. deild og 4. deild.

 

Stórmeistararnir Gawain Maroroa Jones, Robin Van Kampen og Þröstur Þórhallsson leiddu A-sveit GM-Hellis. 

 

Að kvöldi fimmtudagsins 10. október fór Íslandsmót taflfélaga af stað með nýju sniði, tíu liðum í efstu deild. GM Hellir tefldi fram tveimur sveitum og mættust þær í fyrstu umferð til að koma öllu samráði og hagsmunamiðuðum tilfærslum frá sem fyrst. Sem fyrr leiddi hinn geðþekki og nú nýgifti breski ofurstórmeistari Gawain Maroroa Jones A-sveitina og betri helmingurinn, Sue Maroroa Jones, styrkti B-sveitina. Gawain á hægri hönd var stórefnilegur prýðispiltur frá Hollandi, hinn tæplega nítján ára gamli Robin van Kampen. Úrslit í þessari viðureign voru að mestu leyti eftir bókinni; A-sveitin hafði sigur á öllum borðum nema því fimmta, þar sem hinn ólseigi Arngrímur Gunnhallsson náði jafntefli gegn Lenku Ptácníkovu í grimmúðlegri viðureign. Vert er líka að nefna viðureignina á áttunda borði, þar sem sóknarskákmennirnir Jóhanna Björg Jóhannsdóttir og Björn Þorsteinsson skiptust á sverðhöggum, en þar hafði reynslan sigur að þessu sinni eftir snarpa rimmu.

 

 

                 GM-Hellir -B 

 

Framvarðarsveit TR tuktaði hins vegar eigið B-lið með sama mun, og Bolvíkingar buðu Vinaskákfélagið velkomið í efstu deild með álíka skriðtæklingu, þannig að þrjú lið sátu á toppnum eftir fyrstu umferð. Næstir komu Vestmannaeyingar með sex punkta úr greipum Fjölnis og síðan Íslandsmeistarar Víkingaklúbbsins, sem höfðu unnið Skákfélag Akureyrar með fimm og hálfum vinningi gegn tveimur og hálfum.

Í annarri umferð bættust neðri deildirnar í hópinn og var öllu kunnuglegri bragur á því að tefla í stóra salnum í Rimaskóla en ekki hliðarsalnum frá því kvöldið áður, þar sem fótboltalandsleik Íslands og Kýpur var varpað á vegg í staðinn. A-sveitin gekk á undan með góðu fordæmi og vann afbragðs sigur á Taflfélagi Bolungarvíkur, fimm og hálfum vinningi gegn tveimur og hálfum. B-sveitin mætti Taflfélagi Vestmannaeyja og átti undir högg að sækja. Pálmi Pétursson vann hins vegar ágætan sigur á Sigurbirni Björnssyni, bóksalanum öfluga, og Hrannar Arnarsson hélt jöfnu gegn Þorsteini Þorsteinssyni. Á efsta borði stóð Lenka lengi vel til vinnings gegn hinum þrautreynda litháíska ofurstórmeistara Eduardas Rozentalis en hafði að lokum ekki erindi sem erfiði. Einn og hálfur vinningur var hins vegar viðunandi úrslit gegn sveit sem státaði af fjórum stórmeisturum og þremur FIDE-meisturum. Að umferðinni lokinni var A-sveitin á toppi deildarinnar með 13 vinninga en TV hálfum vinningi á eftir. B-sveitin var hins vegar á botninum með tvo vinninga eftir erfiða byrjun.

 

 

             Van Kampen, Jón Þ. Sue og Gawain.

 

Morgunstund gaf gull í mund á löngum laugardegi þegar A-sveitin vann 7-1 sigur á B-sveit Taflfélags Reykjavíkur, sem var svipuð úrslit og við var að búast miðað við styrkleika. B-sveitin dró þrjá vinninga í hús gegn Fjölni, en áhugavert er að bera saman samsetningu sveitanna í þessari viðureign. Heil 678 Elo-stig skildu að efsta og neðsta borð Fjölnis, meðan aðeins 191 stig var á milli sömu borða hjá jafnari sveit okkar fólks. Enda fór svo að neðstu borðin reyndust happadrýgst og Mátarnir Jón Árni Jónsson og fyrrnefndur Arngrímur hirtu heila punkta. Á meðan hrökk Víkingavélin í gang og flengdi Vinaskákfélagið 8-0, Skákfélag Akureyrar vann óvæntan 5-3 sigur á Taflfélagi Reykjavíkur og Eyjamenn höfðu Bola undir með minnsta mun. Okkar menn í A-sveitinni voru enn efstir en Víkingar einum og hálfum vinningi á eftir. B-sveitin var hins vegar í botnkraðaki með Vinaskákfélaginu og TR-b.

 

 

                Gunnar Björnsson var á 1. borði í C-sveit GM-Hellis.

 

Eftir síestuna settist A-liðið niður gegnt Íslandsmeisturunum í Víkingaklúbbnum og upphófst hörð rimma sem lauk með minnsta mögulega tapi. Sömu punktatölu náði B-liðið gegn Akureyringum í heldur friðsamlegri viðureign þar sem Baldur Kristinsson hafði betur gegn skákfrömuðinum valinkunna Stefáni Bergssyni, en hvorug úrslitin voru fjarri því sem búast mátti við fyrir fram. Vestmannaeyingar stukku í toppsætið með því að kjöldraga B-lið TR 7½-½ en A-lið TR lék Vinaskákfélagið jafn grátt. Bolvíkingar unnu síðan Fjölnismenn 5½-2½. Enn var allt í járnum á toppnum, við vinningi á eftir Eyjamönnum og Víkingar andandi ofan í hálsmálið á okkur hálfum vinningi neðar. Allt var hins vegar í framför í fallbaráttunni og bil að myndast á milli B-sveitarinnar annars vegar og Vina og TR-b hins vegar.

Á sunnudag mætti A-lið GM Hellis stórveldinu TR og marði minnsta mögulega sigur með góðum sigrum hjá van Kampen og Sigurði Daða. B-sveitin hafði þrjá vinninga af Bolvíkingum, þar sem Baldur Kristinsson vann aftur, nú gegn Magnúsi Pálma Örnólfssyni. Björn Þorsteinsson og Jón L. Árnason sættust á skiptan hlut, svo og Tómas Björnsson og Jón Viktor Gunnarsson. Einnig skildu Kristján Eðvarðsson og Bragi Þorfinnsson jafnir en á efsta borðinu mátti Magnús Teitsson játa sig sigraðan eftir tímahraksbarning gegn Jóhanni Hjartarsyni. Enn ein frambærileg úrslit hjá varaliðinu. Í fréttum var það annars helst þann dag að Víkingar og Eyjamenn skildu jafnir í þungavigtarslag, Akureyringar unnu Vinaskákfélagið 7-1 og Fjölnir sigraði TR-b með 6½ vinningi gegn 1½.

 

              A-sveit GM-Hellis gegn Víkingaklúbbnum. 

 

Að fimm umferðum loknum af níu er baráttan á toppnum æsispennandi. Taflfélag Vestmannaeyja hefur sýnt mikinn stöðugleika og er efst með 28½ vinning en A-sveit GM Hellis er aðeins hálfum vinningi þar á eftir. Víkingaklúbburinn kemur síðan næstur með 27 vinninga og virðist eiga léttari andstæðinga eftir, þannig að óráðlegt kann að vera að veðja á að nýir Íslandsmeistarar verði krýndir í vor. TR, TB og SA eru heldur ekki víðs fjarri en þurfa að gefa í til að komast í verðlaunasæti. Fjölnismenn úr Grafarvogi eru í einskismannslandi deildarinnar en B-sveit GM Hellis stendur vel að vígi til að bjarga sér frá falli nema Vinaskákfélagið og TR-b komi á óvart í síðari fjórum umferðunum í febrúarlok.

Gawain Jones sýndi enn og aftur hvílík mulningsvél hann er í þessari keppni, enda kann hann hvergi betur við sig en á Íslandi. Frammistaða upp á 2.796 stig og 4½ vinningar er ógnvekjandi árangur. Þá var Robin van Kampen fjalltraustur með fjóra vinninga. Árangur Einars Hjalta Jenssonar er einstaklega eftirtektarverður, en hann tefldi eins og 2.559 stiga maður og leyfði aðeins eitt jafntefli. Slík grimmd er til fyrirmyndar og sýnir hversu nautsterkur skákmaður Einar Hjalti er orðinn. Einnig átti Sigurður Daði stórgóða helgi og Kristján Eðvarðsson var afar stöðugur þrátt fyrir brokk milli A- og B-liða. Félagsmenn GM Hellis geta verið hæstánægðir með gengi liðanna tveggja í efstu deild en mörg stig eru enn eftir í pottinum og baráttan verður enn meira spennandi í vor. 

 

 
             D-sveit GM-Hellis.

2. deild

Þar sem Goðinn-Mátar og Hellir áttu samtals þrjú lið í 1. deildinni fyrir sameiningu og reglur leyfa ekki þrjú lið frá sama félagi í efstu deild varð það hlutskipti C-liðs GM-Hellis að tefla í 2. deildinni og tók Vinaskákfélagið laust sæti í 1. deild í staðinn. C-liðið tapaði 2-4 fyrir TV-B í 1. umferð og tapaði síðan stórt fyrir B-sveit Víkingaklúbbsins, ½-5½, í annarri umferð. Liðið fékk 1½ vinning gegn Skákfélagi Íslands í 3. umferð en náði jafntefli gegn Haukum í 4. umferð, 3-3. 

C-lið GM-Hellis er í neðsta sæti í 2. deildinni með 7 vinninga og þarf að ná hagstæðum úrslitum í seinni hlutanum til þess að falla ekki um deild. Vigfús Vigfússon og Arnaldur Loftsson náðu bestum árangri þeirra sem tefldu í C-liðinu og uppskáru 2½ vinning hvor fyrir C-liðið 

 

3. deild.

Skákfélagið GM Hellir var með þrjár sveitir í 3. deild að þessu sinni sem fengu heitin D, E og F. Við veltum því mikið fyrir okkur að senda sterka unglingasveit til leiks sem þeir Hilmir Freyr, Dawid, Felix, Heimir Páll, Óskar Víkingur og Alec Elías hefðu skipað. Sú sveit hefði teflt í fjórðu deildinni en við hættum við það þegar í ljós kom að F-sveitin í 3. deild hefði verið mun veikari en þessi unglingasveit og E-sveitin hefði verið sambærileg og þessi unglingasveit að styrkleika. Einnig hafði það áhrif að í 3. deildinni voru flestar sveitir vel skipaðar enda búið að fækka í deildinni um tvær sveitir frá árinu áður, þannig að hana skipuðu 14 sveitir. Þessir yngri félagsmenn fengju þá tækifæri til að tefla við sterka og reynda skákmenn í hverri viðureign.

 

             GM-Hellir E-sveit 

 

Þessi ákvörðun átti eftir að borga sig því þeir unglingar sem tefldu fyrir sveitirnar í 3. deild höluðu inn marga vinninga og eiga sinn þátt í að staða sveitanna er mun betri en búist var við. Fyrir fram reiknuðum við með að D-sveitin yrði fyrir ofan miðju, E-sveitin við miðju eða aðeins neðar og F-sveitin yrði í mikilli fallhættu. Sveitirnar eru nokkuð á svipuðu róli og reiknað var með fyrir utan það að F-sveitin er fyrir ofan E-sveitina, sem helgast að einhverju leyti af misjafnlega sterkum andstæðingum í sunnudagsumferðinni. Líklega jafnast það þegar líður á mótið.

D-sveitina skipuðu Hallgerður Helga Þorsteinsdóttir, Helgi Brynjarsson, Jóhanna Björg Jóhannsdóttir, Fumey Enyonam Sewa, Sigurður G. Daníelsson, Sigurður J. Gunnarsson, Jakob Sævar Sigurðsson, Snorri Þór Sigurðsson, Kristján Halldórsson, Óskar Maggason, Örn Stefánsson og Hilmir Freyr Heimisson.

E-sveitina skipuðu Snorri Þór Sigurðsson, Kristján Halldórsson, Óskar Maggason, Örn Stefánsson, Halldór Kárason, Elsa María Kristínardóttir, Hilmir Freyr Heimisson, Tómas Árni Jónsson, Smári Sigurðsson, Dawid Kolka, Jón Gunnar Jónsson, Benedikt Þorri Sigurjónsson, Kristófer Ómarsson, Gunnar Nikulásson og Sigurður Freyr Jónatansson.

F-sveitina skipuðu Smári Sigurðsson, Dawid Kolka, Kristófer Ómarsson, Gunnar Nikulásson, Sigurður Freyr Jónatansson, Felix Steinþórsson, Heimir Páll Ragnarsson, Jón Eggert Hallsson, Haraldur Magnússon, Ævar Ákason, Hermann Aðalsteinsson og Óskar Víkingur Davíðsson.

 

 

             GM-Hellir F-sveit 

 

4. deild. 
GM-Hellir tefldi fram þremur liðum í 4. deildinni; G-liði og svo Unglingaliði A og B. G-liðið átti erfitt uppdráttar til að byrja með og tapaði stórt fyrir B-liði Reykjanesbæjar ½-5½. G-liðið tapaði einnig stórt fyrir TR-unglingasveit B í annarri umferð. G-liðið fékk svo okkar eigin unglingasveit B í þriðju umferð og vann örugglega 5½-½ og vann svo 6-0 sigur á B-sveit skákdeildar Hauka. Staða G-liðsins í 4. deildinni er ágæt. Liðið er í 9. sæti með 4 punkta og 13 vinninga en mun líklega ekki blanda sér í toppbaráttuna að þessu sinni. Óskar Víkingur Davíðsson stóð sig best í G-liðinu og fékk 2½ vinning úr þremur skákum.

 

 

              GM-Hellir G-sveit teflir við Unglingasveit B 

Unglingalið A tapaði fyrir B-sveit Vinaskákfélagsins í 1. umferð 1½-4½. Gerði svo jafntefli við Skákdeild Hauka-B í annarri umferð. Liðið tapaði 0-6 fyrir D-liði Víkingaklúbbsins í 3. umferð og mætti svo hinu unglingaliðinu okkar í 4. umferð og vann nauman sigur 3½-2½. Liðið er í 12. sæti með 8 vinninga. Brynjar Haraldsson náði tveim vinningum úr 4 skákum og Sindri Snær Kristófersson fékk 1½ vinning.

 

              Unglingasveitir GM-Hellis, A og B mættust í 4. umferð. 

Unglingalið-B var eingöngu skipað unglingum úr Þingeyjarsýslu og var þetta í fyrsta sinn sem liðsmenn sveitarinnar taka þátt í Íslandsmóti skákfélaga. Fyrir fram var ekki búist við stórum afrekum hjá liðinu en það var þó ekki „núllað út“ í neinni viðureign. Liðið náði hálfum vinningi gegn Mosfellsbæ í 1. umferð og í annarri umferð náðist einn vinningur gegn B-liði SSON, þar sem Bjarni Jón Kristjánsson gerði sér lítið fyrir og vann Ingibjörgu Eddu Birgisdóttur á fyrsta borði með glæsilegum hætti. Unglingaliðið náði svo ½ vinningi gegn G-liðinu okkar og 2½ vinningi gegn unglingaliði A, eins og áður segir. Liðið er sem stendur neðst í 4. deildinni með 4½ vinning. Eyþór Kári Ingólfsson fékk 1½ vinning og þeir Bjarni Jón og Helgi James Þórarinsson fengu einn vinning hvor. 

 

           Vigfús Vigfússon Omar Salama yfirmótsstjóri og Viðar Njáll Hákonarson.

Nokkrir eftirmálar urðu af fyrri hluta Íslandsmótsins, sem ekki sér fyrir endan á, því alls bárust okkur 11 kærur vegna meintrar ólöglegrar uppstillingar á sameiginlegu liði GM-Hellis. Mótsstjórn ÍS vísaði þeim öllum frá í vikunni en þremur þeirra var vísað til dómstóls Skáksambandssins.

Þegar þetta er skrifað hefur dómstóll SÍ ekki skilað af sér niðurstöðu.  Niðurstöðu er að vænta á næstu dögum.  

Formaður og varaformaður GM-Hellis þakkar öllum þeim skákmönnum sem tefldu fyrir GM-Helli í fyrri hluta Íslandsmótsins kærlega fyrir og vonast eftir því að sjá þá alla í seinni hlutanum í Hörpu. 

Einar Hjalti Jensson sigurvegari Gagnaveitumótssins

FIDE-meistarinn Einar Hjalti Jensson (2305) sigraði á Gagnaveitumótinu - Haustmóti TR sem lauk í gærkveldi. Einar, sem gerði jafntefli við Oliver Aron Jóhannesson (2007) í lokaumferðinni, hlaut 7,5 vinning í 9 skákum. Frábær frammistaða hjá honum. Jón Viktor Gunnarsson (2409) og Stefán Kristjánsson (2491) urðu í 2.-3. sæti með 7 vinninga eftir jafntefli í innbyrðisskák í lokaumferðinni.

Einar hefur farið á kostum við skákborðið í haust.  Hann er taplaus 21 skák  sem hann hefur teflt og þar af eru 16 sigrar og 5 jafntefli.

Einar hækkar líklega um 45 stig og verður væntanlega komin með 2350 stig 1. nóvmeber nk.  

 

Lokastaðan í A-flokki:

Rk.		Navn	RatI	Klub/By	Pts.	Rp	rat+/-
1	FM	Jensson Einar Hjalti	2305	GM Hellir	7.5	2443	22.5
2	IM	Gunnarsson Jón Viktor	2409	TB	7.0	2379	-0.6
3	GM	Kristjánsson Stefán	2491	TB	7.0	2370	-6.8
4		Bergsson Stefán	2131	SA	5.0	2233	16.2
5		Jóhannesson Oliver Aron	2007	Fjölnir	3.5	2123	14.7
6		Ragnarsson Dagur	2040	Fjölnir	3.5	2120	9.3
7		Þórhallsson Gylfi Þór	2154	SA	3.0	2062	-18.5
8		Björnsson Sverrir Örn	2136	Haukar	3.0	2064	-14.9
9		Ragnarsson Jóhann Hjörtur	2037	TG	3.0	2075	2.4
10		Maack Kjartan	2128	TR	2.5	2024	-20.7

Mótstöflu flokksins má nálgast á Chess-Results.