Rúnar í 5-6 sæti á Akureyri.

Rúnar Ísleifsson varð í 5-6 sæti ásamt Ara Friðfinnssyni með 4 vinninga í Atskákmóti Akureyrar sem lauk í dag.  Áskell Örn Kárason varð efstur með 7 vinninga af 7 mögulegu. 

Jakob í 16. sæti.

Jakob Sævar tapaði í 7. og síðustu umferð fyrir Fonseca Rodriquez (2057) í dag. Jakob endaði í 16. sæti af 19. Jakob hafði svart.  Jakob lenti í tímahraki og lék af sér manni og gaf þá skákina.

Sórmeistarinn Henrik Danielsen varð efstur á mótinu með 6 vinninga.

Tap í næst síðustu umferð.

Jakob tapaði fyrir Degi Andra Friðgeirssyni í 6. umferð í dag.  7. og síðasta umferð verður tefld kl 16:00 í dag.

Góður sigur hjá Jakob.

Jakob Sævar vann Daníel Pétursson í 5 umferð nú í kvöld og er sem stendur í 12. sæti með 2 vinninga.  6. umferð verður tefld kl 11:00 á morgun sunnudag og þá verður Dagur Andri Friðgeirsson (1804) andstæðingur Jakobs. Jakob verður með svart.  

Ratingperformancið hjá Jakob er uppá 1944 stig eftir 3 skákir.

Tap fyrir Sverri.

Jakob tapaði fyrir Sverri Erni í dag. 5. umferð hefst kl 16:00. Þá hefur Jakob hvítt á Daníel Pétursson (1975)

Jakob með jafntefli.

Jakob Sævar gerði jafntefli við Svanberg Má Pálsson (1829) í 3 umferð Skákþings Hafnarfjarðar sem tefld var í gærkvöldi. Jakob hefur 1 vinning.  Árni Þorvaldsson veiktist í gær og því fékk Jakob Svanberg í staðinn.

2 Umferðir verða tefldar í dag. 4. umferð hefst kl 11:00 . Andstæðingur Jakobs í 4 umferð verður Sverrir Örn Björnsson (2107) Jakob stýrir svörtu mönnunum gegn Sverri. 5. umferð hefst kl 16:00. H.A.

Rúnar Ísleifsson teflir á Akureyri.

Okkar maður, Rúnar Ísleifsson, hefur staðið í ströngu á Akureyri að undanförnu. Nú nýlega tók hann þátt í 15 mín, móti hjá S.A. og endaði þar í 7. sæti með 3 vinninga.

Hann tekur einnig þátt í Atskákmóti Akureyrar, sem stendur yfir þessa daganna.  Þegar 3 umferðum er lokið er Rúnar með 2 vinninga.  Áskell Örn kárason er efstur með full hús vinninga.  Andstæðingur Rúnars í 4 umferð á sunnudag verður hinn aldni Haukur Jónsson.      

Greint verður frá gengi Rúnars hér á blogginu.           H.A.

Jakob Sævar með 1/2 vinning eftir 2 umferðir

Skákþing Hafnarfjarðar hófst í gærkvöld. Í fyrstu umferð gerði Jakob Sævar (1837) jafntefli við Ted Cross (2108)  en í annari umferð tapaði Jakob fyrir Sverri Þorgeirssyni (2061).  3 umferð ,sem er kappskák með 90 mín + 30 sek á leik, fer fram í kvöld kl 20:00 og þá hefur Jakob hvítt á Árna Þorvaldsson (1987)

Alls taka 18 keppendur þátt í mótinu og er Jakob næst stiga lægstur af þeim.

Jakob Sævar tekur þátt í Skákþingi Hafnarfjarðar

Okkar maður, Jakob Sævar Sigurðsson tekur þátt í Skákþingi Hafnarfjarðar sem hefst annað kvöld.(Fimmtudagskvöld)  Mótið er alls 7 umferðir.  Tvær fyrstu skákirnar eru atskákir en hinar 5 eru kappskákir. fylgst verður með gengi Jakobs hér á síðunni daglega.  Einn stórmeistari er skráður til leiks auk fjölda annara sterkra keppenda.  Jakob er 14. stigahæsti keppandinn á mótinu.   H.A.

Innkaup á skákklukkum og skáksettum.

Í næstu viku mun félagið panta nokkrar skákklukkur og nokkur skáksett frá Skáksambandinu. Skáksettin eru eins og félagið á fyrir, en klukkurnar eru eitthvað "fullkomnari" en þær sem við erum að nota í dag, en eru eins í útliti.  1 stk skákklukka kostar 6000 krónur og 1 stk skáksett kostar 1700 krónur.   

Félagsmönnum er hér með gefinn kostur á því að panta sína eigin klukku og/eða skáksett á hagstæðum kjörum um leið og félagið.  Ljóst er að þetta eru hagstæð kaup, því þessi útbúnaður er talsvert dýrari út úr búð.  Áhugasömum félagsmönnum er bent á að hafa samband við formann,fyrir miðvikudag í næstu viku, ef þeir vilja nýta sér þetta tækifæri.    H.A. 

 

Hraðskákmót Goðans 2007

Hraðskákmót Goðans verður haldið á Fosshóli þriðjudagskvöldið 18 desember og hefst það kl 20:00. Tefldar verða 9 - 11 umferðir eftir monrad-kerfi. Umferða fjöldinnn tekur þó mið af keppenda fjölda. Keppt verður í tveimur flokkum, 16 ára og yngir og 17 ára og eldri. Veitt verða verðlaun fyrir 3 efstu í báðum flokkum og sigurvegarinn fær farandbikar og nafnbótina, Hraðskákmeistari Goðans 2007. Núverandi hraðskákmeistari er Smári Sigurðsson. Í fyrra var slegið met í keppendafjölda (15), nú skulum við slá það met !

Þátttaka tilkynnist til formanns í síma 4643187 eða með því að senda póst á  [e-mail]

Þátttökugjald er 500 kr á mann og er kaffi og húsgjaldið innifalið í því. Ókeypis er fyrir 16 ára og yngri.     H.A.

 

Einar Garðar með yfirburði.

Einar Garðar Hjaltason gerði sér lítið fyrir og vann allar sínar skákir á skákæfingu Goðans í gærkvöldi. Tefldar voru hraðskákir og fékk  Einar  12 vinninga úr 12 skákum. Næstu menn voru aðeins með 7,5 vinninga. Röð efstu manna var :

Einar Garðar Hjaltason         12 vinn af 12

Ármann Olgeirsson               7,5

Heimir Bessason                  7,5

Jóhann Sigurðsson               6

Ketill Tryggvason                 5           og aðrir minna

Rausnarlegur styrkur frá K.E.A.

Það er mér sönn ánægja að segja frá því að Skákfélagið Goðinn fær styrk að upphæð 100.000 kr úr Menningar og viðurkenningarsjóði KEA. Styrk-úthlutunin fer fram þriðjudaginn 4 desember.  Alls bárust 102 styrkumsóknir og hlutu 22 aðlilar styrki úr sjóðnum að þessu sinni.  Ég sendi styrkumsóknina inn til KEA um miðjan október og átti ekki von á því að hún fengi jákvæða umsögn hjá fagráði KEA. En annað kom á daginn. Ljóst er að styrkur þessi breytir mjög miklu fyrir starfsemi félagsins og nú verður hægt að kaupa fleiri skákklukkur og skáksett, en styrkumsóknin var einmitt hugsuð til þess.  H.A. 

Rúnar efstur á hraðskákæfingu.

Rúnar Ísleifsson varð efstur á hraðskákæfingu hjá Goðanum í gærkvöldi. Hann fékk 12 vinningar af 14 mögulegum. Tefldar voru hraðskákir með 3 mín á mann + 2 sek á leik (Fischer rapid) og var þetta í fyrsta skipti sem þannig tímamörk eru notuð á æfingu hjá félaginu. 8 skákmenn mættu á æfinguna og var tefld tvöföld umferð.  Úrslit urðu eftirfarandi :

Rúnar Ísleifsson                12 af 14

Baldur Daníelsson             11

Þorgrímur Daníelsson        9

Sigurbjörn Ásmundsson     8

Ármann Olgeirsson            7

Hermann Aðalsteinsson     4

Jóhann Sigurðsson             3

Sighvatur Karlsson             2 

Næsta skákæfing verður 4 desember.

Smári 15 mín meistari Goðans 2007.

Smári Sigurðsson sigraði á nóvembermóti Goðans sem haldið var á Fosshóli í Þingeyjarsveit í dag. Hann fékk 8 vinninga af 9 mögulegum. Hann er því 15 mín meistari Goðans 2007. Tefldar voru skákir með 15 mín umhugsunartíma á mann.  Rúnar Ísleifsson varð í öðru sæti ásamt Sigurði Arnarssyni (S.A.) með 7,5 vinninga og Jakob Sævar Sigurðsson varð þriðji með 6 vinninga. Alls tóku 10 keppendur þátt í mótinu.  Benedikt Jóhannsson sigraði í flokki 16 ára og yngri með 1,5 vinning, en Benedikt sem er mjög efnilegur,afrekaði það að ná jafntefli við Smára í fyrstu umferð.       Úrslit urðu eftirfarandi :

1. Smári Sigurðsson                   8 af 9 mögul.       gull auk peningaverðlauna

2. Rúnar Ísleifsson                    7,5                       silfur auk peningaverðaluna

3. Sigurður Arnarsson               7,5                       peningaverðlaun

4. Jakob Sævar Sigurðsson       6                          brons

5. Hermann Aðalsteinsson        4                        

6. Sigurbjörn Ásmundsson        4                        

7. Ármann Olgeirsson               3,5

8. Sighvatur Karlsson                2

9. Benedikt Þ Jóhannsson        1,5                       gull

10. Jóhann Gunnarsson              1

Smári og Rúnar töpuðu ekki skák í mótinu og gerðu jafntefli sín á milli. Mótið var félagsmót hjá Goðanum og því fékk Sigurður ekki bronsverðlaun.

Með sigri í móti þessu bætti Smári fjórða félagstitlinum við sig og eru allir farandbikarar félagsins (4 að tölu) í hans umsjá.   Næsta mót félagsins er hraðskákmót Goðans og verður það haldið í desember. 

Nóvembermótið-skráðir keppendur.

Nú þegar hafa 7 skákmenn skráð sig til keppni í Nóvembermótið sem verður haldið á Fosshóli laugardaginn 10 nóvember kl 13:00.  Skráðir keppendur eru :

Ármann Olgeirsson

Jakob Sævar Sigurðsson

Jóhann Sigurðsson

Hermann Aðalsteinsson

Rúnar Ísleifsson

Sigurbjörn Ásmundsson

Smári Sigurðsson

Skráning í mótið er til kl 10:00 á keppnisdegi. Þó er æskilegt að skrá sig fyrr til að auðvelda mótshaldið. 

Allar upplýsingar um mótið er að finna í blogg-færslu hér neðar á síðunni !

Rúnar rúllaði öllum upp !

Rúnar Ísleifsson kom, sá og sigraði á skákæfingu hjá félaginu í gærkvöldi. Rúnar vann alla andstæðinga sína, 9 að tölu. Tefldar voru skákir með 10 mín umhugsunartíma.                            Úrslit urðu eftirfarandi :

Rúnar Ísleifsson                9 vinn af 9 mögul.

Ármann Olgeirsson            7

Jóhann Sigurðsson            6

Þorgrímur Daníelsson        5

Hermann Aðalsteinsson     5

Ketill Tryggvason               4

Sigurbjörn Ásmundsson    4

Sighvatur Karlsson            3

Dagur Þorgrímsson            2

Ásmundur Sighvatsson      0

Sighvatur og Ásmundur komu á skákæfingu hjá Goðanum í fyrsta skipti í gærkvöldi. 

Ármann efstur á æfingu

Ármann Olgeirsson hafði sigur á skákæfingu Goðans í gærkvöldi. Tefldar voru 15 mín skákir. Ármann fékk 4,5 vinninga úr 5 skákum.  Ármann vann alla nema Hermann formann, en þeir gerðu jafntefli.

Úrslit urðu eftirfarandi :

Ármann Olgeirsson           4,5 af 5

Rúnar Ísleifsson               3

Hermann Aðalsteinsson   2,5

Ketill Tryggvason              2

Jóhann Sigurðsson           2

Sigurbjörn Ásmundsson   1

Næsta skákæfing verður þriðjudagskvöldið 6. nóvember.

Nóvembermótið 2007

Þann 10 nóvember n.k. heldur Skákfélagið Goðinn 15 mín skákmót. Mót þetta verður öllum opið. Mótið verður haldið á Fosshóli í Þingeyjarsveit og hefst það kl 13:00. Áætluð mótslok er um kl 18:00.

Tefldar verða að lágmarki 7 umferðir en að hámarki 9 umferðir eftir monrad-kerfi, og fer umferða fjöldinn eftir fjölda keppenda.

Veitt verða verðlaun fyrir 3 efstu, auk þess fær sigurvegarinn, (efstur Goðamanna) afhentan farandbikar til varðveislu næsta árið og nafnbótina 15 mín meistari Goðans 2007. Einning verða veitt verðlaun í flokki 16 ára og yngri. Veitt verða peningaverðlaun fyrir 3 efstu sem verða að lágmarki kr 3000 fyrir 1 sæti, 2000 kr fyrir annað sæti og 1000 kr fyrir þriðja sæti. Fari keppendafjöldinn yfir 20 verða peningaverðlaunin hækkuð í samræmi við keppenda fjölda.

Keppnisgjald er 2000 kr og eru kaffiveitingar innifaldar í því. Keppnisgjald fyrir 16 ára og yngri er 800 kr.

Þeir sem ætla að taka þátt í mótinu geta skráð sig í síma 4643187 eða sent póst á [e-mail] fyrir kl 10:00 á keppnisdegi. Æskilegt er þó að keppendur skrái sig fyrir þann tíma.

Mótið verður reiknað til atskákstiga.

Upplýsingum um skráða keppendur verða birtar á þessari blogg-síðu dagnna fyrir mót.

Úrslitin verða síðan birt á þessari síðu og heimasíðu Goðans http://www.geocities.com/skakfelagidgodinn/  og á skak.blog.is 

Allar nánari upplýsingar veitir formaður Hermann Aðalsteinsson í síma 4643187

Skákstig félagsmanna.

1 október var birtur nýr skákstigalisti FIDE.  Á þeim lista á Goðinn 2 skákmenn, Tómas Veigar og Jakob Sævar og er Jakob nýr inn á listann. Reyndar ættu þeir að vera 3 því Pétur Gíslason hafði FIDE stig á meðan hann bjó í Svíþjóð. Ekki veit ég hvað orðið hefur um hans stig.

Alls hafa 11 félagar í Goðanum skákstig af einverju tagi. Og þeir eru eftirtaldir:

Nafn                                Íslensk stig 1 sept    atskák stig 1 jún        FIDE 1 okt

Tómas Veigar Sigurðarson    1885                        1850                          2078

Pétur Gíslason                      1715                        1720

Rúnar Ísleifsson                   1680                        1710

Baldur Daníelsson                1655

Einar Garðar Hjaltason         1655                         1620

Smári Sigurðsson                 1655

Jakob Sævar Sigurðsson      1645                                                             1837

Heimir Bessason                  1590

Baldvin Þ Jóhannesson        1445                         1490

Ármann Olgeirsson              1330

Orri Freyr Oddsson                                               1845

Aðrir Þingeyingar sem hafa stig en eru ekki í neinu skákfélagi eru :

Sigurjón Benediktsson        1520

Sighvatur Karlsson              1300

 

Síðan eru nokkrir félagsmenn skammt frá því að fá sín fyrstu skákstig. Tómas, Smári og Jakob eru á góðri siglingu upp listann en minni breytingar eru hjá öðrum.