Vetramót Öðlinga. Tómas og Björn unnu. Páll og Sigurður með jafntefli.

Önnur umferð Vetrarmóts Öðlinga var tefld á miðvikudagskvöld. Tómas Björnsson og Björn Þorsteinsson unnu sínar skákir. Páll Ágúst Jónsson og Sigurður Jón Gunnarsson gerðu jafntefli.

Tómas og Björn eru báðir með fullt hús eftir tvær umferðir.

Ekki er búið að para í 3. umferð.

Chess-results:
http://chess-results.com/tnr59515.aspx?art=2&rd=2&lan=1&flag=30

Vetramót Öðlinga. Björn, Tómas og Páll unnu í fyrstu umferð.

Vetrarmót Öðlinga hófst í gærkvöld. Fjórir keppendur fra Goðanum taka þátt í mótinu en alls eru 47 skákmenn með í mótinu.
Björn Þorsteinsson vann Ólaf Gísla Jónsson (1854), Tómas Björnsson vann Sigurð Jón Gunnarsson (1833) í goðaslag og Páll Ágúst Jónsson vann Pétur Jóhannesson (1030)

Önnur umferð verður tefld annað kvöld. Þá mætir Björn Eiríki Björnssyni, Tómas teflir við Jón Pétur Kristjánsson, Páll teflir við Harvey Georgsson og Sigurður teflir við Frímann Benediktsson.

Mótið á chess-results:

http://chess-results.com/tnr59515.aspx?art=1&rd=1&lan=1&flag=30

Stephen efstur á æfingu.

Stephen Jablon varð efstur á skákæfingu sem fram fór á Húsavík í gærkvöld. Stephen vann allar sínar skákir. Tefldar voru fjórar umferðir eftir monrad og var umhugsunartíminn 20 mín á mann.

Úrslit kvöldsins:

1.   Stephen Jablon                4 af 4
2-3. Ævar Ákason                   2,5
2-3. Snorri Hallgrímsson         2,5
4-5. Heimir Bessason              2
4-5. Hlynur Snær Viðarsson    2
6-7. Hermann Aðalsteinsson  1,5
6-7. Sigurgeir Stefánsson      1,5
8.    Sigurbjörn Ásmundsson  0

Næsta skákæfing verður nk. mánudag á Húsavík.

Vetrarmót Öðlinga hefst annað kvöld.

Vetrarmót öðlinga í skák hefst annað kvöld kl 19:30 í Faxafeni 12 í Reykjavík. Fjórir félagsmenn úr Goðanum, þeir Björn Þorsteinsson (2201) Tómas Björnsson (2153) Jón þorvaldsson (2083) og Sigurður Jón Gunnarsson (1833) hafa skráð sig til leiks.

Dagskrá mótsins:

1. umferð mánudaginn  7. nóvember kl. 19.30
2. umferð miðvikudag 9. nóvember kl. 19.30
3. umferð miðvikudag 16. nóv. kl. 19.30
4. umferð miðvikudag 23. nóvember kl. 19.30
5. umferð miðvikudag 30. nóvember kl. 19.30
6. umferð miðvikudag 7. desember kl. 19.30
7. umferð miðvikudag 14. desember kl. 19.30

Nú hafa 40 keppendur skráð sig til leiks og það stefnir því í fjölmennt og skemmtilegt mót. Fylgst verður með gengi okkar mann í mótinu hér á síðunni.

 

Haustmót SA. Jakob vann og Sveinn með jafntefli. Jón Kristinn meistari.

Jakob Sævar vann Herstein Heiðarsson og Sveinn Arnarson gerði jafntefli við Sigurð Arnarson í lokaumferð haustmóts SA sem tefld var í gærkvöld. Jón Kristinn Þorgeirsson vann mótið nokkuð öruggleg, en hann lagði Smára Ólfasson í lokaumferðinni. 

Lokastaðan:

			1	2	3	4	5	6	7	8	vinn
1	Jón Kristinn Þorgeirsson	1609		½	1	1	1	1	1	1	6½
2	Sigurður Arnarson	1931	½		½	½	½	½	1	1	4½
3	Smári Ólafsson	1875	0	½		1	1	0	1	1	4½
4	Jakob Sævar Sigurðsson	1713	0	½	0		½	1	1	1	4
5	Andri Freyr Björgvinsson	1301	0	½	0	½		1	½	1	3½
6	Sveinn Arnarsson	1781	0	½	1	0	0		0	1	2½
7	Hersteinn Heiðarsson	1230	0	0	0	0	½	1		1	2½
8	Haukur Jónsson	1429	0	0	0	0	0	0	0		0

 Sjá nánar hér:skakfelag.blog.is

Heimir og Stephen efstir á æfingu.

Heimir Bessason og Stephen Jablon urðu efstir og jafnir á skákæfingu sl. mánudagskvöld. Þeir fengu báðir 5 vinninga af 6 mögulegum. Tefldar voru skákir með 10 mín á mann.

Úrslit kvöldsins:

1-2. Heimir Bessason              5 af 6
1-2. Stephen Jablon                5
3.    Hlynur Snær Viðarsson     4
4.    Hermann Aðalsteinsson   3
5-6  Sigurbjörn Ásmundsson  1,5
5-6  Snorri Hallgrímsson         1,5
7.    Sighvatur Karlsson          1

Næsta skákæfing verður á Húsavík nk. mánudagskvöld.

 

 

 
Stephen Jablon.

Þótt att væri undir rós..

Sighvatur Karlsson sóknar-prestur er búinn að "botna" vísu séra Sigurðar Ægissonar sem sá síðarnefndi setti fram í viðureign þeirra á Framsýnarmótinu um helgina.                  

                          Þótt att væri undir rós
                          og kveddu menn sína sauði
                          sá sóknarprestur vart ljós
                          í sínu heima brauði

                               Sérar tveir.

Ný alþjóðleg skákstig. Páll Ágúst fær sín fyrstu stig.

Ný alþjóðleg skákstig eru komin út og eru miðuð við 1. nóvember. Ásgeir Páll Ásbjörnsson hækkar um 13 stig og Sigurður Daði Sigfússon hækkar um 9 stig frá síðasta lista. Þröstur og Hlíðar hækka einnig á stigum. Aðrir standa í stað eða lækka á stigum.
Páll Ágúst Jónsson kemur nýr inná listann með 1930 stig.

         Páll Ágúst Jónsson kemur nýr inná listann.

Félagsmenn Goðans sem hafa alþjóðleg skákstig:

Sigurður Daði Sigfússon   2341    +9
Ásgeir P Ásbjörnsson       2316   +13
Þröstur Árnason               2283    +3
Hlíðar Þór Hreinsson         2254     +1
Einar Hjalti Jensson          2236     -3
Kristján Eðvarðsson          2223     -7
Björn Þorsteinsson           2201    -13
Tómas Björnsson              2153     -9
Sveinn Arnarsson             1934
Páll Ágúst Jónsson           1930       nýtt
Jakob Sævar Sigurðsson   1769     -8
Barði Einarsson                 1755