Fjölgun liða í 3. deild samþykkt !

Aðalfundur Skáksambands Íslandsvar haldin í dag. Fyrir fundinum lágu þó nokkrar lagabreytingatillögur, ma. tvær frá skákfélaginu Goðanum (Hermann).

Skemmt er frá því að segja að þær voru báðar samþykktar !

Önnur tillagan kvað á um það að notast við liðsstig (matchpoints) í stað vinninga til að ákvarða röð liða á Íslandsmóti skákfélaga, í þeim deildum þar sem teflt er eftir monrad-kerfi (svissneska) Tillagan var samþykkt með góðum meirihluta.

Hin tillagan, sú sem mestu máli skipti og hafði verið talsvert rædd á skákhorninu í vetur, var hinsvegar samþykkt með miklum meirihluta atkvæða. Þegar upp var staðið voru aðeins tveir sem greiddu atkvæði á móti en 21 samþykktu tillöguna. Reyndar var gerð smávægileg breyting á tillögunni, en liðunum var fækkað í 3 sem flytjast á milli 3. og 4. deildar, í stað 4.

3. deildin lítur þá svona út í haust:

	TG a Hellir c  SA b TR c Bolungarvík c Hellir d  TG-b Haukar c Víkingakl. a
	TV b
	KR b
	TV c
	Goðinn a
	Sf. Vinjar
	SR b
	SA c

Fundinn sátu fyrir hönd Goðans þeir Páll Ágúst Jónsson, Sigurður Jón Gunnarsson og meistari Jón Þorvaldsson, en Jón talaði fyrir tillögunum í fjarveru formanns með glæsibrag og má leiða að því líkum að mjórra hefði verið á munum hefði hans ekki notið við.

A-lið Goðans mun að öllu óbreyttu hefja keppni í 3. deildinni næsta haust !

Sjá lagabreytingatillögurnar hér fyrir neðan.

Skrár tengdar þessari bloggfærslu:

• 16. greinin
• 17. greinin

Benedikt og Snorri héraðsmeistarar HSÞ 2010.

Benedikt Þór Jóhannssonvarð í dag héraðsmeistari HSÞ í skák í yngri flokki, en hann vann héraðsmótið örugglega. Benedikt fékk 6 vinninga af 6 mögulegum. Hann var eini keppandinn í flokki 14-16 ára. Þetta var þriðja skiptið í röð sem Benedikt vinnur titilinn og vann hann því bikarinn til eignar. Tefldar voru 6 umferðir eftir monrad-kerfi og var umhugsunartíminn 15 mín á mann.
Mótið fór fram á veitingastaðnum Dalakofanum á Laugum.

           Verðlaunahafar. Snorri, Benedikt, Valur, Lena og Sigtryggur.

Snorri Hallgrímsson vann flokk 13 ára og yngri á stigum, en Sigtryggur Vagnsson hafði vinnings forskot á aðra keppendur í 13 ára og yngri flokknum, fyrir lokaumferðina. Sigtryggur tapaði fyrir Val Heiðari í síðustu umferð og endaði í 4. sæti á stigum. Lena Kristín Hermannsdóttir var eini keppandinn í stúlknaflokki og varð því héraðsmeistari í eldri flokki stúlkna.

  

                   Frá mótinu í Dalakofanum í dag. 

Lokastaðan:

1     Benedikt Þór Jóhannsson,               6        
2-4  Snorri Hallgrímsson,                        4        22.0 stig
2-4  Valur Heiðar Einarsson,                   4        21.0  
2-4  Sigtryggur Vagnsson,                      4        17.0   
5-7  Hlynur Snær Viðarsson,                   3        19.0  
5-7  Starkarður Snær Hlynsson,              3       18.0  
5-7  Snorri Már Vagnsson,                      3       15.0  
8     Bjarni Jón Kristjánsson,                   2       
9     Jón Aðalsteinn Hermannsson,          1        
10   Lena Kristín Hermannsdóttir,            0   

 

               Frá mótinu í Dalakofanum í dag.

Barna og unglingastarf Goðans hefst aftur á haustdögum. H.A.    

Skrár tengdar þessari bloggfærslu:

• Héraðsmót HSÞ 2010 yngri fl.

Björn Þorsteinsson gengur í Goðann !

Björn Þorsteinsson(2283) er genginn til liðs við skákfélagið Goðann ! Hann gekk frá félagaskiptum úr TR í Goðann í morgun. Björn er einn af öflugustu og reyndustu skákmönnum Íslands. Björn hefur orðið Íslandsmeistari í skák tvisvar sinnum, árin 1967 og 1975

 

           Björn Þorsteinsson. Mynd af skák.is 

Björn varð Íslandsmeistari í hraðskák árin 1964, 1966 og 1968.
Björn varð einnig Íslandsmeistari öldunga árið 2002.
 

Hann hefur margoft keppt fyrir íslands hönd á skákmótum erlendis, m.a. með  íslenska landsliðnu sem keppti á Ólympíumótum í Búlgaríu, Júgóslavíu, Sviss og tvisvar í Ísrael. 

Með komu Björns í Goðann styrkist A-lið Goðans verulega fyrir átökin á Íslandsmóti skákfélaga næsta vetur, en Björn mun tefla á fyrsta borði í A-liðinu.  H.A.