Bloggfærslur mánaðarins, október 2010

31.10.2010 | 15:39

Sigur hjá Jakob í 7 og 8. umferð.

Okkar maður, Jakob Sævar Sigurðsson, vann Tómas Veigar Sigurðarson í 7. umferð haustsmóts Akureyrar. Jakob vann einnig sigur á Andra Frey Björgvinssyni í frestaðri skák frá því fyrr í mótinu.

Jakob Sævar Sigurðsson.

Þegar ein umferð er eftir er Jakob Sævar í 4 sæti með 5,5 vinninga en efstu menn eru með 6 vinninga. Vinni Jakob Sævar í síðustu umferð er hann öruggur með eitt af þremur efstu sætunum í mótinu.

Staðan fyrir lokaumferðina:

Jón Kristinn Þorgeirsson                                6 vinningar
Tómas Veigar Sigurðarson                            6
Sigurður Arnarson                                         6
Jakob Sævar Sigurðsson                                5½
Jóhann Óli Eiðsson                                        5
Mikael Jóhann Karlsson                                4½
Hersteinn Bjarki Heiðarsson                          3
Andri Freyr Björgvinsson                              2½
Haukur H. Jónsson                                        1
Jón Magnússon                                              ½

Í lokaumferðinni mætast:

Jakob Sævar Sigurðsson – Jón Magnússon
Jón Kristinn Þorgeirsson – Tómas Veigar Sigurðarson
Sigurður Arnarson – Andri Freyr Björgvinsson
Haukur H. Jónsson – Jóhann Óli Eiðsson
Hersteinn Heiðarsson – Mikael Jóhann Karlsson

Okkar menn | Slóð | Facebook | Athugasemdir (0)

31.10.2010 | 15:35

Smári efstur á æfingu.

Smári Sigurðssonvarð efstur á skákæfingu sem fram fór á Húsavík sl. miðvikudag. Smári vann alla sína andstæðinga. Tefldar voru skákir með 10 mín umhugsunartíma á mann.

Úrslit kvöldsins:

1.    Smári Sigurðsson            5 vinningar af 5 mögulegum.
2.    Sigurbjörn Ásmundsson 4
3-4. Heimir Bessason             2,5
3-4. Ævar Ákason                   2,5
5-6. Snorri Hallgrímsson         0,5
5-6. Hlynur Snær Viðarsson    0,5

Næsta skákæfing verður á Laugum miðvikudagskvöldið 3. nóvember kl 20:30.

Skákæfingar | Slóð | Facebook | Athugasemdir (0)

21.10.2010 | 11:17

Jakob vann í 6. umferð.

Jakob Sævar Sigurðsson vann Jóhann Óla Eiðsson í frestaðri skák úr 6. umferð sem tefld var í gærkvöld. Jakob er í 6. sæti með 3,5 vinninga, en á inni eina frestaða skák.

TómasVeigar Sigurðarson                                        6
Jón Kristinn Þorgeirsson                                          5
Jóhann Óli Eiðsson 5
Sigurður Arnarson 5
Mikael Jóhann Karlsson 3½
Jakob Sævar Sigurðsson 3½+ frestuð skák
Andri Freyr Björgvinsson 2½ + frestuð skák
Hersteinn Heiðarsson          2
Haukur H. Jónsson 1
Jón Magnússon ½

Skoða má skák Jakobs hér fyrir neðan:

Okkar menn | Slóð | Facebook | Athugasemdir (0)

20.10.2010 | 23:36

Hermann efstur á æfingu.

Hermann Aðalsteinsson varð efstur á skákæfingu kvöldsins er fram fór á Stórutjörnum. Tefldar voru skákir með 15 mín umhugsunartíma á mann.

Úrslit kvöldsins:

1. Hermann Aðalsteinsson   2,5 vinn af 3 mögul.
2. Ármann Olgeirsson          2
3. Sigurbjörn Ásmundsson 1,5
4. Jóhann Sigurðsson           0

Næsta skákæfing verður á Húsavík að viku liðinni í umsjá Sigurbjörns Ásmundssonar.

Skákæfingar | Slóð | Facebook | Athugasemdir (0)

14.10.2010 | 00:03

Sigurbjörn og Hermann efstir á æfingu.

Sigurbjörn Ásmundsson og Hermann Aðalsteinsson urðu efstir á skákæfingu kvöldsins en þeir fengu báðir 5 vinninga af 6 mögulegum. Tefldar voru skákir með 10 mín umhugsunartíma á mann.

Úrslit kvöldsins:

1-2. Sigurbjörn Ásmundsson      5 af 6 mögul.
1-2. Hermann Aðalsteinsson       5
3.    Heimir Bessason                  4
4.    Snorri Hallgrímsson              3,5
5.    Sighvatur karlsson               2
6.    Hlynur Snær Viðarsson         1
7.    Valur Heiðar Einarsson         0,5

Næsta skákæfing verður á Stórutjörnum að viku liðinni.

Skákæfingar | Slóð | Facebook | Athugasemdir (0)

13.10.2010 | 12:44

Jakob tapaði í 5. umferð.

Jakob Sævar tapaði fyrir Mikael J Karlssyni í 5. umferð haustmóts SA sem tefld var í gærkvöld.
6. umferð verður tefld á sunnudag. Þá verður Jakob Sævar með svart gegn efsta manni mótsins, Jóhanni Óla Eiðssyni.

Skoða má skákir úr 5. umferð hér:
http://www.skakfelag.blog.is/blog/skakfelag/entry/1105722/

Okkar menn | Slóð | Facebook | Athugasemdir (0)

11.10.2010 | 23:01

Íslandsmót skákfélaga. Pistill formanns.

Þá er fyrri hluta íslandsmóts skákfélaga lokið. Goðinn tefldi fram þremur liðum í keppninni í fyrsta sinn og verður fjallað um frammistöðu B og C-liðsins í þessum pistli. Jón þorvaldsson liðstjóri A-liðs Goðans er búinn að gera Frammistöðu A-liðsins góða skil.

B-liðið í þungum þönkum. Pétur, Sveinn, Rúnar, Jakob, Smári og Benedikt.

Frammistaða B-liðsins var ágæt en líklega dugar hún ekki til þess að B-liðið komist upp í 3. deild í vor því liðið hefur einungis 4 stig (MP) og 14,5 vinninga í 7. sæti, en tvö efstu liðið hafa 8 stig og næstu fjögur hafa 6 stig. Þrjú efstu liðin vinna sig upp um deild, þannig að líkurnar eru hverfandi. 6 stig eru eftir í pottinum og þurfa allar viðureignir að vinnast sem eru eftir og svo þarf að treysta á hagstæð úrslit úr öðrum viðureignum. C-liðið stóð sig vonum framar og er það með 4 stig eins og B-liðið, með 12,5 vinninga.

C-liðið. Sighvatur, Snorri, Bjössi, Valur og Hlynur. (Hermann tók myndina)

Staða efstu liða í 4. deild þegar þrjár umferðir eru eftir.

1. Sauðárkrókur 8 MP og 17 vinningar
2. Fjönir-B          8            15,5
3. UMSB             6            18
4. SFÍ                6             16,5
5. TR-D            6           16
6. SAUST           6             14
7. Goðinn-B       4             14,5
13. Goðinn-C     4             12,5

Alls taka þátt 23 lið í 4. deildinni í ár. Sjá nánar hér:
http://chess-results.com/tnr38868.aspx?art=0&lan=1&m=-1&wi=1000

Árangur B-liðsins.

Goðinn - B - Fjölnir-D
B-sveitin vann sigur 5,5-0,5. Pétur, Rúnar, Jakob, Smári og Benedikt Þorri unnu sína andstæðinga en Sveinn gerði jafntefli.

Goðinn - B- TR-E
B-sveitin vann stóran 6-0 sigur á TR- E í annarri umferð. Sveinn, Rúnar, Jakob, Smári, Benedikt og Hermann tefldu

Goðinn - B - SFÍ
B-sveitin tapaði 1-5 fyrir SFÍ í þriðju umferð. Jakob og Smári gerðu jafntefli, en Rúnar, Benedikt, Hermann og Sighvatur töpuðu. Vart var við öðru að búast því allir tefldu töluvert upp fyrir sig og þó sérstaklega Rúnar.

Goðinn - B - TR-D
B-liðið tapaði 2-4 fyrir TR-d í 4. umferð. Full stórt tap. Benedikt Þorri vann sína skák. Sveinn gerði jafntefli á fyrsta borði og Jakob sömuleiðis. Rúnar, Smári og Hermann töpuðu.

Árangur C-liðsins

Goðinn - C - TR-E
C-sveitin gerði 3-3 jafntefli við E-sveit TR, þar sem Valur, Sighvatur og Hermann unnu sínar skákir, en Sigurbjörn, Snorri og Hlynur töpuðu.

Goðinn - C - Hellir- E
C-sveitin tapaðu naumlega fyrir 2,5-3,5 fyrir Helli-e. Valur Heiðar vann sína skák létt þegar sími andstæðingsins hringdi snemma í skákinni og Viðar Hákonarson vann sína fyrstu skák á 6. borði. Hlynur Snær gerði jafntefli. Snorri, Bjössi og Sighvatur töpuðu.

Goðinn - C - Fjölnir - D
C-liðið vann svo Fjölni -d 4-2 í 3. umferð. Valur, Bjössi, Viðar og Andri Valur unnu sínar skákir, en Snorri og Hlynur töpuðu.

Goðinn - C - TV-D
C-liðið gerði 3-3 jafntefli við TV-d. Sighvatur og Viðar unnu mjög auðvelda sigra, því andstæðingar þeirra mættu ekki til leiks. Bjössi og Hlynur gerðu jafntefli, en Snorri og Valur töpuðu.

Frammistaða einstakra liðsmanna.

Pétur Gíslason tefldi eina skák á 1. borði í B-liðinu og vann hana frekar létt. Hann hefur það" næs" á Spáni núna og slær litlar hvítar kúlur með kylfu.

Sveinn Arnarson tefldi þrjár skákir vann eina og gerði tvö jafntefli

Rúnar Ísleifsson tefldi 4 skákir. Hann vann tvær skákir en tapaði tveimur og annarri þeirra gegn Sigurði Daða Sigfússyni.

Jakob Sævar Sigurðsson tefldi 4 skákir. Jakob vann tvær skákir og gerði tvö jafntefli.

Smári Sigurðsson tefldi 4 skákir. Vann tvær skákir, gerði eitt jafntefli og tapaði einni skák.

Benedikt Þorri Sigurjónsson tefldi 4 skákir. Benedikt vann 3 skákir en tapaði einni. Mjög góð frammistaða hjá Benedikt þegar haft er í huga að hann hafði ekkert teflt í hartnær tvö ár eftir dvöl í Afríku og var því hreint ekki í æfingu.

Hermann Aðalsteinsson. Tefldi 3 skákir með B-liðinu. Hann vann eina en tapaði tveimur. Hermann tefldi eina skák í C-liðinu og vann hana eftir að hafa haft gjörtapaða stöðu um tíma.

Sighvatur Karlsson. Tefldi 4 skákir. Sighvatur vann eina skák en tapaði tveimur. Svo fékk hann einn vinning gefins í síðustu umferð því að andstæðingurinn mætti ekki til leiks.

Snorri Hallgrímsson tefldi 4 skákir og tapaði þeim öllum. Snorra gekk illa í mótinu og var langt frá sínu besta.

Sigurbjörn Ásmundsson tefldi 4 skákir. Bjössi tapaði fyrstu tveimur skákunum, en vann þá þriðju og gerði jafntefli í þeirri fjórðu.

Valur Heiðar Einarsson. Valur tefldi 4 skákir. Valur vann þrjár skákir og vannst ein af þeim á Vodaphone-gammbítnum fræga. Valur tapaði einni skák. Flott frammistaða hjá Val.

Hlynur Snær Viðarsson. Hlynur tefldi 4 skákir. Hlynur gerði tvö jafntefli en tapaði tveimur. Hlynur átti vinning vísan í síðust umferð, en stóð uppi með biskup gegn kóngi og varð að sættast á jafntefli.

Viðar Hákonarson tefldi 3 skákir. Hann kom inn sem varamaður í 2. umferð. Viðar gerði sér lítið fyrir og vann allar skákirnar, en þá síðustu af því að enginn andstæðingur var til staðar. Mjög flott frammistaða hjá Viðari.

Andri Valur Ívarsson tefldi 1 skák. Andri Valur var kallaður inn í C-liðið í 3. umferð. Andri, líkt og Viðar, hafði ekki teflt kappskák áður, en það kom ekki að sök. Andir mátaði andstæðing sinn á hálftíma. Andri hefur verðir iðinn við kolann hjá Völsungi í sumar og skorað slatta að mörkum. Hann getur greinilega líka "skorað" við skákborðið.

Alls tefldu 20 skákmenn fyrir Goðann að þessu sinni. Aldrei áður hafa svo margir teflt fyrir Goðann á Íslandsmóti í skák.

Að lokum vill formaður þakka öllum liðsmönnum félagsins kærlega fyrir þátttökuna í mótinu. Margir lögðu talsvert á sig til þess að hægt væri að stilla upp þremur liðum og eiga þeir allar hinar bestu þakkir skilið fyrir.

Hermann Aðalsteinsson.

Spil og leikir | Breytt 12.10.2010 kl. 10:17 | Slóð | Facebook | Athugasemdir (1)

11.10.2010 | 12:27

A-sveit Goðans taplaus á Íslandsmótinu. Liðsstjóra pistill.

Jón Þorvaldsson liðsstjóri A-liðs Goðans skrifaði pistil um frammistöðu A-liðsins í fyrri hluta Íslandsmóts skákfélaga sem er birtur hér fyrir neðan í heild sinni. Pistill frá formanni er væntanlegur í kvöld eða á morgun.

Helgina 8. - 10 . okt. þreytti A-sveit Goðans frumraun sína í 3. deild Íslandsmóts skákfélaga og stóð sig með sóma. Goðinn hafði safnað vösku liði enda uggði menn að þriðja deildin yrði mun strembnari Herðubreið að klífa en sú fjórða, sem og kom á daginn. Kapparnir Ásgeir P. Ásbjörnsson, Einar Hjalti Jensson, Björn Þorsteinsson og Tómas Björnsson höfðu gengið til liðs við Goðann fyrir þessa leiktíð en fyrir voru kempurnar Sigurður J. Gunnarsson, Sindri Guðjónsson og Jón Þorvaldsson, liðsstjóri.

Ásgeir, Hermann, Hlynur, Valur, Smári, Sindri, Pétur, Rúnar, Benedikt, Jakob, Bjössi, Sigurður, Björn, Sighvatur, Tómas, Einar og Jón gestgjafi. Svein, Snorra, Viðar og Andra vantar á myndina.

Undirbúningur var góður. Keppendur höfðu æft saman um nokkurra vikna skeið undir öruggri stjórn þjálfara liðsins, Einars Hjalta, farið yfir valdar byrjanir og eflt með sér liðsanda undir forystu Tómasar Björnssonar. Lokahnykkur undirbúningsins var svo föstudagsdaginn 8. okt. þegar liðsmenn Goðans úr öllum þremur sveitunum hittust yfir léttum málsverði.

Léttur kvöldverður fyrir átökin á föstudaginn.

Mannýgir hrútar

Það var glatt á hjalla þessa síðdegisstund en skemmtilegu samneyti lauk með orðum formannsins, Hermanns Aðalsteinssonar, sem eggjaði menn til dáða, gráa fyrir járnum. Í bálokin gall við í einum árvökulum félaganum að umfram allt skyldu menn vara sig á bévítis gemsunum og helst umgangast þá eins og mannýga hrúta. Vissast væri slökkva á þeim strax, taka rafhlöðurnar úr, geyma gemsana í bílunum og leggja a.m.k. 100 metrum frá skákstaðnum. Slík væri váin. Síst mætti henda að góðri taflmennsku væri spillt með jarmandi gemsa sem leiddi beint til taps, viðkomandi skákmanni til hneisu og öðrum keppendum til armæðu og hugmyndateppu.

Goðinn - Sf Vinjar í 1. umf. Einar, Björn, Tómas, Sigurður og Sindri.

Í fyrstu umferð á föstudagskvöldið var tekist á við skákfélagið Vinjar. Þeir kappar eru margreyndir og ólseigir en góður sigur hafðist að lokum, 5 - 1, sem skaut Goðanum rakleiðis í 2. sætið. Í fyrri umferðinni á laugardeginum var röðin komin að B sveit KR sem var ein allra sterkasta sveitin í 4. deildinni í fyrra. Eftir snarpa viðureign hafðist sigur, 4 - 2, en óvænt tap á báðum neðstu borðum kom í veg fyrir enn stærri sigur.

Spennan magnast

Spennan magnaðist og síðari viðureign dagsins var sannkallaður stórislagur gegn hinum snjöllu og vöðvastæltu liðsmönnum Víkingasveitarinnar. Sveitirnar eru nánast hnífjafnar í skákstigum talið og svo römm var viðureignin að brakaði í hverju borði enda ekki við öðru að búast þegar goðar og víkingar reyna með sér í rammheiðnum anda. Niðurstaðan varð 3 - 3 þar sem jafnt var á öllum borðum nema hvað Ásgeir lagði sinn andstæðing á 1. borði á afar sannfærandi hátt en skákin á 6. borði tapaðist örugglega. Sigur Ásgeirs gegn hinum öfluga Fide meistara Davíð Kjartanssyni var þeim mun athyglisverðari þar sem sá síðarnefndi sá aldrei til sólar í skákinni. Slík var snilld Ásgeirs sem fyrir þetta mót hafði ekki komið nálægt keppnisskák í fjölda ára. Mikill fengur er fyrir íslenska skákíþrótt að fá Ásgeir aftur að reitunum hvítu og svörtu.

Goðinn- Víkingaklúbburinn. Ásgeir með hvítt gegn Davíð Kjartanssyni.

Í lokaumferðinni á sunnudag tefldi Goðinn við A-sveit Garðabæjar sem var í efsta sæti fyrir umferðina, stigi á undan okkar mönnum. Líkt og í viðureigninni við Víkingasveitina var sennan afar hörð og niðurstaðan aftur jafntefli. Nú varð það hinn margfaldi Íslandsmeistari, Reykjavíkurmeistari og Ólympíufari Björn Þorsteinsson sem hélt uppi heiðri Goðans með góðum endataflssigri á hinum ágæta skákmanni Jóni Þór Bergþórssyni en skákin á 6. borði tapaðist þó að vænlega horfði þar framan af.

Tómas Björnsson og Björn Þorsteinsson.

Að loknum fjórum umferðum eru sveit Garðbæinga og Víkingasveitin jafnar í efsta sæti með 7 stig og en þessar sveitir leiða saman riddara sína í 5. umferðin í mars nk. Í 3-5. sæti eru svo B sveit Vestamannaeyinga, B sveit Akureyringa og Goðinn með 6 stig en þessar fimm sveitir munu greinilega berjast til þrautar um tvö efstu sætin sem veita rétt til keppni í 2. deild leiktíðina 2011 - 2012.

Sindri Guðjónsson og Sigurður Jón Gunnarsson.

Góð liðsheild

Um frammistöðu einstakra liðsmanna er það að segja að Ásgeir og Björn fóru á kostum, hlutu hvor um sig 3,5 vinninga af 4. Einar Hjalti og Tómas voru líka mjög öflugir, skiluðu sveitinni 3 vinningum af 4 hvor. Jón tefldi upp á öryggið og gerði jafntefli í báðum sínum skákum. Hinir snjöllu skákmenn Sigurður Jón og Sindri voru fjarri sínu besta að þessu sinni enda báðir langþreyttir eftir mikla vinnu vikurnar fyrir mótið. Það sem öllu skiptir er að heildarframmistaða Goðans var mjög góð og geta keppendur og stuðningsmenn sannarlega hlakkað til spennandi úrslitaumferða á næsta ári.

Einar Hjalti Jensson og Ásgeir Ásbjörnsson.

Keppendum Goðans er þökkuð vasklega framganga og keppinautum Goðans þökkum við drengilega keppni og skemmtileg viðkynni. Jafnframt er ástæða er til að þakka forseta Skásambands Íslands, Gunnari Björnssyni, og starfsmönnum mótsins fyrir góða skipulagningu og þá miklu vinnu sem þarf til að hið fjölmenna Íslandsmót skákfélaga gangi snurðulaust fyrir sig. Þá er sérstök ástæða til að þakka Helga Árnasyni, skólastjóra Rimaskóla, fyrir að leggja skákmönnum til prýðilega aðstöðu til iðkunar þessarar merku íþróttar hugans sem nýtur vaxandi og verðskuldaðrar lýðhylli.

Jón Þorvaldsson liðsstjóri A-liðs Goðans.

Íslandsmót skákfélaga | Breytt s.d. kl. 12:34 | Slóð | Facebook | Athugasemdir (1)

10.10.2010 | 23:00

Goðinn í 3-5 sæti.

A-lið Goðanser í 3-5 sæti í 3. deild með 6 stig og 15 vinninga að afstöðnum fyrri hluta Íslandsmóts skákfélaga. A-lið Víkingaklúbbsins leiðir 3. deildina með 7 stig og 17,5 vinninga. A-liðið gerði 3-3 jafntefli við A-lið Taflfélags Garðabæjar í spennandi viðureign. Björn þorsteinsson vann sinn andstæðing, Ásgeir, Einar,Tómas og Jón gerðu jafntefli, en Sigurður tapaði.

B-lið Goðans er í 7 sæti með 4 stig og 14,5 vinninga og C-liðið er í 13 sæti með 4 stig og 12,5 vinninga. B-liðið tapaði í dag 2-4 fyrir TR-d. C-liðið gerði 3-3 jafntefli við TV-d

Seinni hlutinn verður tefldur dagana 4-5 mars 2011. Þá mætir A-lið Goðans B-liði Skákfélags Akureyrar í 5. umferð. B-liðið mætir skákfélaginu Æsir og C-liði keppir við Fjölni - C

Staðan í 3.deild
http://chess-results.com/tnr38867.aspx?art=0&lan=1&m=-1&wi=1000

Staðan í 4. deild
http://chess-results.com/tnr38868.aspx?art=0&lan=1&m=-1&wi=1000

Íslandsmóti skákfélaga verður gerð skil í pistli formanns á morgun og þá verða birtar myndir frá mótinu.

Íslandsmót skákfélaga | Slóð | Facebook | Athugasemdir (0)

9.10.2010 | 21:35

Skin og skúrir í dag.

Tvær umferðir voru tefldar í dag á íslandsmóti skákfélaga. A-sveit Goðans vann sigur á KR-b í annari umferð 4-2. Ásgeir, Einar, Björn og Tómas unnu, en Sigurður og Sindri töpuðu. A-sveitin gerði svo 3-3 jafntefli við A-sveit Víkingaklúbbsins í 3. umferð. Frábær úrslit gegn sterkri sveit.
Ásgeir Ásbjörnsson vann afar glæsilegan sigur á Davíð Kjartanssyni á fyrsta borði. Einar, Björn, Tómas og Jón Þorvaldsson gerðu jafntefli en Sindri tapaði.

Ásgeir Ásbjörnsson (t,v) vann Davíð Kjartansson í dag. Ásgeir hefur unnið allar skákirnar í mótinu sem er frábær árangur. Ásgeir hefur engu gleymt þó svo að hátt í 30 ár séu liðin frá því að hann tefldi kappskák síðast.

B-sveitin vann stóran 6-0 sigur á TR- í annari umferð.. Sveinn, Rúnar, Jakob, Smári, Benedikt og Hermann tefldu. B-sveitin tapaði svo 1-5 fyrir SFÍ í þriðju umferð. Jakob og Smári gerðu jafntefli, en Rúnar, Benedikt, Hermann og Sighvatur töpuðu.

Viðar Hákonarson hefur unnið báðar skákir sínar í dag, en hann tefldi fyrir C-liðið.

C-sveitin töpuðu naumlega fyrir 2,5-3,5 fyri Helli-e. Valur Heiðar vann skák létt þegar sími andstæðingsins hringdi snemma í skákinni og Viðar Hákonarson vann sína fyrstu skák á 6. borði. Hlynur Snær gerði jafntefli. Snorri, Bjössi og Sighvatur töpuðu. C-liðið vann svo Fjölni -d 4-2 í 3. umferð. Valur, Bjössi, Viðar og Andri Valur unnu sínar skákir, en Snorri og Hlynur töpuðu.

Valur Heiðar Einarsson (í blárri skyrtu) er búinn að vinna allar sínar þrjár skákir. Valur og Ásgeir eru þeir einu sem eru með fullt hús vinninga. Andri Valur Ívarsson (í grárri peysu) tefldi eina skák sem varamaður í dag og vann hana að sjálfsögðu.

A-lið Goðans er í 3 sæti í 3 deild með 5 stig og 12 vinninga.
http://chess-results.com/tnr38867.aspx?art=0&rd=3&lan=1&m=-1&wi=1000

B-liðið er í 5. sæti í 3-4. deild með 4 stig og 12,5 vinninga.
C-liðið er í 12. sæti með 3 stig og 9,5 vinninga.
http://chess-results.com/tnr38868.aspx?art=0&lan=1&m=-1&wi=1000

4. ufmerð verður tefld kl 11:00 á morgun sunnudag. A-liðið mætir A-liði Taflfélags Garðarbæjar. b-liðið mætir TR-d og C-liðið fær TV-d.

Íslandsmót skákfélaga | Breytt 10.10.2010 kl. 00:02 | Slóð | Facebook | Athugasemdir (0)

Næsta síða »

Heimsóknir

Flettingar

Í dag (22.1.): 0
Sl. sólarhring: 1
Sl. viku: 43
Frá upphafi: 0

Annað

Innlit í dag: 0
Innlit sl. viku: 7
Gestir í dag: 0
IP-tölur í dag: 0

Uppfært á 3 mín. fresti.
Skýringar

Jan. 2025
S	M	Þ	M	F	F	L
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Fyrri

Næsti

Skákfélagið Goðinn

Skákfélagið Goðinn

Aukavefur Skákfélagsins Goðans

Fide Skákstig félagsmanna

Ýmislegt

Fide Hraðskákstig

Fide Atskákstig

Fide Skákstig

Nýjustu færslur

FASTAR SÍÐUR

Tenglar

KRAKKASKÁK.IS

KRAKKASKÁK.IS Skemmtilegur vefur fyrir börn.

Visit Partners

Followmetodc.com Washington DC

ÍSLENSK SKÁKSTIG

Íslensk skákstig Allt um Íslensk skákstig.

SKÁKIR

GOÐHEIMAR Lokað vefsvæði Goðans

NETMÓT GOÐANS 2010-11

KEPPENDASKRÁ SÍ.

Keppendaskráin félagatal Íslenskra skákfélaga
Félagaskipti Rafrænt félagaskiptaeyðublað SÍ.
Styrkleikalistar félaganna okt 2011 Styrkleikalistar Íslenskra skákfélaga

Skákblogg

Skákblogg Ævars Ákasonar Ævar Ákason bloggar um sínar eigin skákir.
Skákblogg Hermanns
Skákblogg Sighvats

SKÁKVEFIR

Skák.is Skákfréttavefur Íslands
Skáksamband Íslands
Skákhornið Umræðuvefur skákmanna
Mótaáætlun SÍ Íslensk skákmót
Skákakademían Skákakademína Reykjavíkur
Skákskóli Íslands Skákskólinn

ÍSLENSK SKÁKFÉLÖG

TEFLT Á NETINU

http://<div style=
ICC
Skákþrautir Skákþrautir á netinu
Chess math Teflt við tölvu
chess.com Teflt við tölvu
Gameknot Bréfskák á netinu

Efni

Bloggfærslur mánaðarins, október 2010

Heimsóknir

Flettingar

Annað

Leita í þessu bloggi

Fide Skákstig félagsmanna

Ýmislegt

Fide Hraðskákstig

Fide Atskákstig

Fide Skákstig

FASTAR SÍÐUR

Tenglar

KRAKKASKÁK.IS

Visit Partners

ÍSLENSK SKÁKSTIG

SKÁKIR

NETMÓT GOÐANS 2010-11

KEPPENDASKRÁ SÍ.

Skákblogg

SKÁKVEFIR

ÍSLENSK SKÁKFÉLÖG

TEFLT Á NETINU

Styrktaraðilar

Czech-Open.

Færsluflokkar

Myndaalbúm

Eldri færslur

2023

2014

2013

2012

2011

2010

2009

2008

2007

Innskráning

Innskráning: