Metþátttaka í 4. deildinni í ár.

Alls eru skráðar til leiks 31 skáksveit sem er, að ég best veit, metþátttaka.  Aldrei áður hafa svona margar skáksveitir verið skráðar til leiks í 4. deildinni.  Nýliðarnir eru Siglfirðingar, Mátar og skákfélag Vinjar.  Síðan hafa nokkur félög bætt við sig sveitum, eins og Akureyringar, Víkingasveitin, Eyjamenn, Bolvíkingar og svo auðvitað Goðinn.

Það er því allt útlit fyrir mjög spennandi keppni. Sérstaka athygli vekur að Ballar menn ætla að vera með aftur, en eins og menn muna vakti þátttaka þeirra í fyrra talsverða athygli. sérstaklega keppandinn sem tefldi við formann Goðans, því hann ýtti á klukkuna með hausnum (hann hefði betur notað hausinn til þess að hugsa) og gerði síðan líkamsæfingar á gólfinu þess á milli.

Hér er listinn.

Haukar d og e-sveit

Sf Siglufjarðar

UMFL

Garðabær b-sveit 

Skáksamband Austurlands    

Tf. Snæfellsbæjar            

Mátar

Taflfélag Vestmannaeyja b,c og d-sveit

Sd. Fjölnis b og c-sveit

SA c,d og e-sveit.

Tf. Hellir d,e og f-sveit.

UMSB

Goðinn a og b-sveit

Selfoss og nágrennis b-sveit

Skákfélag Vinjar

Sf Reykjanesbæjar b-sveit  

Tf. Bolungarvíkur c og d-sveit.

Sd. Ballar

Skákfélag Sauðárkróks

Víkingasveitin a og b-sveit

Haustmót S.A. Sigur hjá Tómasi.

Tómas Veigar vann Mikael J Karlsson í 3. umferð sem fram fór á sunnudag. Tómas er með 2 vinninga eftir 3 umferðir.

4. umferð verður tefld í kvöld kl 19:30.  Þá teflir Tómas við Jóhann Óla Eiðsson (1585)

Tómas verður með svart.

Tap í síðustu umferð.

Skákþingi Garðabæjar lauk nú í kvöld. Jakob Sævar tapaði fyrir Sigríði Björgu Helgadóttur í loka umferðinni. 

Jakob Sævar varð í 12 sæti með 3,5 vinninga (af 7 mögulegum)

Sigurvegari varð Einar Hjalti Jensson en hann fékk 5,5 vinninga og stórmeistarinn Henrik Daníelssen varð í öðru sæti með 5 vinninga.

Jafntefli hjá Jakob í 6. umferð.

Jakob Sævar gerði jafntefli við Kjartan Guðmundsson (2004) í 6. umferð í skákþingi Garðabæjar sem tefld var í gærkvöldi.

Jakob hefir 3,5 vinninga og er í 8. sæti þegar ein umferð er eftir.

7. og síðasta umferð verður tefld á máundag kl 19:30.  Þá teflir Jakob við Sigríði Björg Helgadóttur(1595).   Jakob verður með svart. H.A.

Haustmót S.A. 2. umferð.

Tómsa Veigar tapaði fyrir Sveini Arnarsyni (1775) í 2. umferð haustmóts skákfélags Akureyrar sem fram fór í gærkvöldi.

Á sunnudag kl 14:00 verður 3. umferð tefld.  Þá teflir Tómas við  Mikael J Karlsson (1470).

Tómas verður með hvítt. H.A.

Tap í 5. umferð.

Jakob Sævar tapaði í gærkvöldi fyrir FM Sigurði Daða Sigfússyni (2324) í 5. umferð. Jakob er í 8. sæti með 3 vinninga.

6. og næst síðasta umferð verður tefld á föstudaginn kl 19:30.

Þá teflir Jakob Sævar við Kjatan Guðmundsson (1830)  Jakob verður með hvítt.  H.A.

Pétur efstur á æfingu.

Pétur Gíslason varð örugglega efstur á skákæfingu sem fram fór nú í kvöld. Hann fékk 10,5 vinninga af 12 mögulegum.  Tefldar voru hraðskákir (5 mín) tvöföld umferð.

Úrslit urðu eftirfarandi :

1. Pétur Gíslason                  10,5 / 12
2. Ketill Tryggvason                7
3. Baldur Daníelsson               7            ( Hermann Aðalsteinsson 4)
4. Ármann Olgeirsson             6,5
5. Baldvin Þ Jóhannesson       6
6. Ævar Ákason                       3,5
7. Sigurbjörn Ásmundsson      1,5

Hermann Aðalsteinsson tók við af Baldri í seinni hlutanum og fékk 4 vinninga.

Næsta skákæfing verður 1 október, en þá verður tefld ein kappskák 90 mín + 30 sek/leik. H.A.

Skákstig 1 sept. 2008

Nýr skákstigalisti var gefinn út nú nýlega. Hann gildir 1. september. Einnig var gefinn út nýr atskákstigalisti, en hann gildir einnig 1. september.   Barði Einarsson kemur nýr inn á listann með 1750 stig.  Þau voru umreiknuð úr Breskum skákstigum.  Okkar virkasti skákmaður, Jakob Sævar hækkar á báðum listum.  Annars eru engar breytingar frá síðasta skákstigalista (1. júní 08)

                                      Skákstig 1 sept   08                           Atskákstig 1 sept 08

Ármann Olgeirsson                 1440                                                   1435

Baldur Daníelsson                  1650             

Baldvin Þ Jóhannesson          1445                                                    1535

Barði Einarsson                      1750       nýtt   

Einar G Hjaltason                   1655                                                    1620      

Heimir Bessason                    1590            

Hermann Aðalsteinsson         1375                                                    1405     

Jakob Sævar Sigurðsson        1675       +5                                         1660  +25

Orri Freyr Oddsson                                                                            1845

Pétur Gíslason                        1715                                                   1855

Rúnar Ísleifsson                     1695                                                    1710

Sighvatur Karlsson                 1300            

Sigurbjörn Ásmundsson          1305                                                   1290

Smári Sigurðsson                   1615                                                    1815     

Tómas V Sigurðarson              1855                                                   1860

Ævar Ákason                          1605          

Sigur hjá Jakob í 4. umferð.

Jakob Sævar hafði sigur í skák sinni við Bjarna Jens Kristjánsson (1912) sem tefld var í gærkvöld.

Á miðvikudag kl 19:30 verður 5. umferð tefld.  Þá teflir Jakob Sævar við FM Sigurð Daða Sigfússon (2324). Jakob verður með svart.

Jakob er sem stendur með 3 vinninga  í 4 sæti þegar 4 umferðum af 7 er lokið. H.A.

Breyting á æfingastað !

Veitingahúsið á Fosshóli verður lokað frá og með morgundeginum (23 sept) vegna utanlandsferðar rekstraraðilans. Húsið opnar aftur um miðjan október.

Af þessum sökum verða næstu tvær skákæfingar, miðvikudagskvöldið 24 sept og 1 október, í matsal Litlulaugaskóla í Reykjadal.  Æfingarnar hefjast kl 20:30.   H.A.