Barði aftur með jafntefli.

Barði Einarsson gerði í dag jafntefli við Ingvar Ásbjörnsson (2029) í 4. umferð skákþings Reykjavíkur. Barði er sem stendur í 30 sæti með 2 vinninga. Alls taka 62 keppendur þátt í mótinu.

5. umferð verður tefld á miðvikudag. Þá verður Barði með hvítt á Stefán Arnalds (1953). H.A.

Barði með jafntefli í 3. umferð.

Barði Einarsson gerði jafntefli við Tjorva Schioth (1375) í 3. umferð Skákþings Reykjavíkur sem tefld var í gærkvöldi.

4. umferð verður tefld kl 14:00 á sunnudag. Þá hefur Barði svart á Ingvar Ásbjörnmsson (2029).

Sjá:  http://www.chess-results.com/tnr18773.aspx?art=9&lan=1&fed=ISL&flag=30&m=-1&snr=34

H.A.

Sigur hjá Barða í 2. umferð.

Barði Einarsson vann sigur á Huldu Rún Finnbogadóttur (1210) í 2. umferð Skákþings Reykjavíkur sem tefld var í gærkvöldi.  Barði er með 1 vinninga eftir tvær umferðir.

 

 

 

 

 

 

 

 

 

 

3. umferð verður tefld á föstudagskvöldið. Þá stýrir Barði svörtu mönnunum gegn Tjorvi Schioth (1375).

Hér er hægt að skoða skákir Barða:  http://hornid.com/cgi-bin/mwf/topic_show.pl?tid=8996

Hægt er að sjá árangur Barða og hverjir voru/verða hans andstæðingar, hér :http://www.chess-results.com/tnr18773.aspx?art=9&lan=1&fed=ISL&flag=30&m=-1&snr=34  H.A.

Baldvin og Pétur efstir á æfingu.

Baldvin Þ Jóhannesson og Pétur Gíslason urðu efstir og jafnir á skákæfingu kvöldsins sem fram fór á Húsavík. Þeir fengu báðir 3,5 vinninga af 4 mögulegum.  Tefldar voru 4 umferðir eftir monrad-kerfi og var umhugsunartíminn 15 mín á mann.   Úrslit urðu eftirfarandi :

1-2.     Baldvin þ Jóhannesson     3,5 af 4 mögul.
1-2.     Pétur Gíslason                  3,5
3-4.     Smári Sigurðsson              3
3-4.     Ævar Ákason                    3
5-7.     Jóhann Gunnarsson         2
5-7.     Hlynur Snær Viðarsson     2
5-7.     Sigurbjörn Ásmundsson   2
8-9.     Benedikt Þ Jóhannsson    1,5
8-9.     Hermann Aðalsteinsson   1,5
10-11. Snorri Hallgrímsson          1
10-11. Valur Heiðar Einarsson     1

Næsta skákæfing verður í Litlulaugaskóla að viku liðinni. H.A.

Skákkennsla hafin í Litlulaugaskóla

 

 

Í dag hófst skákkennsla í Litlulaugaskóla í Reykjadal.  Það er Hermann Aðalsteinsson frá skákfélaginu Goðanum sem sér um kennsluna. Kennt verður alla mánudaga frá kl 15:00 til 16:00 fram til aprílloka.

 

Það mættu 15 börn í fyrstu kennslustundina í dag.

Litlulaugaskóli er þriðji grunnskólinn í Þingeyjarsýslu þar sem skákkennsla stendur nemendum til boða.  Skákkennsla hófst í Borgarhólsskóla á Húsavík í október og í nóvember hófst skákkennsla í Reykjahlíðarskóla í Mývatnssveit. H.A.

Tap hjá Barða í 1. umferð.

Skákþing Reykjavíkur hófst í dag. Okkar maður, Barði Einarsson(1767), tekur þátt í mótinu. Barði tapaði í 1. umferð fyrir Hjörvari Steini Grétarssyni (2279)

2. umferð verður tefld á miðvikudagskvöld. Þá stýrir Barði svörtu mönnunum gegn Huldu Rún Finnbogadóttur (1210) H.A.

Tap fyrir Austfirðingum.

Skáksveit Goðans tapaði fyrir skáksveit SAUST (skáksamband Austurlands) í atskákkeppni sem fram fór á hótel Reykjahlíð í Mývatnssveit í dag.  SAUST-menn fengu 18 vinninga en Goðinn aðeins 7 vinninga.  Keppnin fór þannig fram að félögin stilltu upp 5 manna liði og allir tefldu eina skák við alla úr liði andstæðinganna. Tefldar voru skákir með 25 mín á mann.

Albert Ó Geirsson og Sverrir Gestsson fóru hamförum í liði SAUST og fengu 4,5 vinninga hvor.
Magnús Valgeirsson krækti í 4 vinninga, Viðar Jónsson landaði 3 vinningum og Guðmundur Ingvi Jóhannsson fékk 2 vinninga.

Í liði heimamanna (Goðans) stóð Baldvin þ Jóhannesson sig vel og fékk 2,5 vinninga, en aðrir fengu færri vinninga og áttu almennt séð slæman dag.

Segja má að nú hafi SAUST menn náð fram hefndum gegn Goðanum því hingað til hafa skáksveitir Goðans unnið Austfirðinga.  Sjá má myndir frá mótinu í myndaalbúmi hér til hliðar. H.A.

Pétur efstur á æfingu.

Pétur Gíslason varð efstur á skákæfingu kvöldsins á Stórutjörnum.  Hann vann alla andstæðing sína.  Tefldar voru skákir með 10 mín á mann.

Úrslit urðu eftirfarandi :

1.     Pétur Gíslason                  6 vinn af 6 mögul.
2.     Ármann Olgeirsson           5
3-4.  Baldvin þ jóhannesson     3
3-4.  Hermann Aðalsteinsson    3
5-6.  Jóhann Sigurðsson           2
5-6.  Ketill Tryggvason              2
7.     Sigurbjörn Ásmundsson    0

Næsta skákæfing verður á Húsavík að viku liðinni. H.A.

Janúar dagskrá Goðans.

Svona lítur dagskrá skákfélagsins Goðans út fyrir janúar 2009. Athugið að þetta er nokkuð breytt frá áður auglýstri dagskrá.

7.         jan   Skákæfing                                                                20:30 Stórutjarnir

11        jan  Goðinn-SAUST   atskákkeppni 25 mín     13:00-17:30  hótel Reykjahlíð   

14        jan   skákæfing                                                                  20:30 Húsavík

21        jan    Skákæfing                                                                20:30 Laugar

28        jan    Skákæfing                                                                 20:30 Húsavík

30-31   jan   Heimsókn frá "Skák í skólanna" Davíð Kjartansson og heimsókn Skákskóla Íslands, Björn Þorfinnsson, til Húsavíkur. (nánar auglýst síðar)

Skákþing Goðans 2009 hefst síðan 4 febrúar á Húsavík. (nánar auglýst síðar) H.A.

Keppni við SAUST 11 janúar.

Sunnudaginn 11 janúar nk. verður atskákkeppni við skáksamband Austurlands (SAUST) í Mývatnssveit.  Austfirðingar mæta með 5 keppendur og Goðinn stillir upp 5 keppendum til keppni við þá.  Tefldar verða 5 atskákir (25 mín/mann) Allir keppendur Goðans tefla við alla SAUST-menn og öfugt.  Mótið verður reiknað til atskákstiga.

Mótið fer fram í hótel Reykjahlíð í Mývatnssveit og hefst það kl 13:00 sunnudaginn 11 janúar.

Í fyrra höfðum við sigur gegn SAUST 14-11 á Egilsstöðum og reikna má með því að Austfirðingar vilja jafna metin nú.  Eftirtaldir tefla fyrir hönd Goðans.

Pétur Gíslason                 1855
Smári Sigurðsson             1800
Rúnar Ísleifsson               1740
Baldvin þ Jóhannesson    1510
Ármann Olgeirsson          1490

Ný FIDE skákstig.

Ný FIDE skákstig voru gefin út í dag. Þau gilda 1 janúar 2009. Tveir félagsmenn í Goðanum eru á listanum, Jakob Sævar og Barði Einarsson, sem kemur nýr inn á listann.

                                      FIDE skákstig 1 jan´09                -/+

Jakob Sævar Sigurðsson                1806                            (-11)
Barði Einarsson                              1767

Íslandsmótið í netskák.

Tveir af félagsmönnum Goðans tóku þátt í Íslandsmótinu í netskák sem fram fór á ICC vefnum í gærkvöldi.  Tefldar voru 9 umferðir með 4 mín á mann + 2 sek á leik.

Einar Garðar Hjaltason varð í 36. sæti með 4 vinninga.

Baldvin Þór Jóhannesson varð í 60. sæti með 3 vinninga.

Alls tóku 65 keppendur þátt í mótinu sem er næst mesta þátttaka frá upphafi. H.A.

Smári Sigurðsson hraðskákmeistari Goðans 2008.

Smári Sigurðsson varð í dag hraðskákmeistari Goðans 2008. Hann fékk 9,5 vinninga af 11 mögulegum. Pétur Gíslason fékk einning 9,5 vinninga, en tapaði 0,5-1,5 fyrir Smára í einvígi um titilinn. Rúnar Ísleifsson varð í 3. sæti með 9 vinninga.

Þetta var þriðji titill Smára á árinu, því hann er skákmeistari Goðans frá því í mars sl, hann er 15 mín meistari félagsins frá því í nóvember og núna hirti hann hraðskáktitilinn líka. Aðeins atskáktitillinn (héraðsmeistari HSÞ) gekk honum úr greipum í vor. 

Úrslit urðu eftirfarandi :

1.     Smári Sigurðsson                  9,5 af 11 mögul.  (+1,5)
2.     Pétur Gíslason                       9,5                      (+0,5)
3.     Rúnar Ísleifsson                    9
4.     Jakob Sævar Sigurðsson       7
5.     Ævar Ákason                      6                                       
6-7.  Baldur Daníelsson                 5    (53 stig)
6-7.  Hermann Aðalsteinsson        5    (53 stig)
8.     Jóhann Sigurðsson                5    (44 stig)
9.     Benedikt Þ Jóhannsson         4,5
10.   Sigurbjörn Ásmundsson        4
11.   Heimir Bessason                   3,5  (54 stig)
12.   Jón Hafsteinn Jóhannsson    3,5  (43,5 stig)
13.   Sighvatur Karlsson                3
14.   Hallur Reynisson                    2 

Samhliða hraðskákmótinu var jólapakkahraðskákmót félagsins haldið fyrir 16 ára og yngri.  Valur Heiðar Einarsson varð hlutskarpastur með 5 vinninga af 6 mögulegum.  Einungis fjórir keppendur mættu til leiks og teldu þeir tvöfalda umferð.

Úrslit urðu eftirfarandi:

1.  Valur Heiðar Einarsson         5 vinn af 6 mögul.
2.  Hlynur Snær Viðarsson         4
3.  Snorri Hallgrímsson              3
4.  Ágúst Már Gunnlaugssson   0

Hraðskákmót Goðans 2008 ! Jólapakkamót fyrir 16 ára og yngri.

Hraðskákmót Goðans 2008 verður haldið 27 desember á Húsavík.  Teflt verður í sal Framsýnar- stéttarfélags að Garðarsbraut 26. Mótið hefst stundvíslega kl 13:00 og áætluð mótslok eru kl 16:00.   Þátttökugjald er 500 kr

Tefldar verða 11 umferðir eftir svissneska kerfinu og er umhugsunartíminn 5 mín á mann. Veitt verða verðlaun fyrir þrjá efstu, auk þess sem sigurvegarinn fær afhentan farandbikar til varðveislu næsta árið og nafnbótina hraðskákmeistari Goðans 2008!

 

Samhliða mótinu fer fram jólapakkahraðskákmót Goðans fyrir 16 ára og yngri. Það fer fram á sama stað og á sama tíma og hraðskákmót Goðans. Allir keppendur fá jólapakka og þrír efstu fá verðlaunapening.  Ekkert þátttökugjald er í jólapakkamótið !

Æskilegt er að keppendur í jólapakkamótinu skrái sig til keppni hjá formanni Goðans (Hermann) með því að senda póst á [e-mail] eða í síma 4643187 og 8213187 fyrir kl 12:00 á mótsdegi. H.A.

Jólapakkamót í Mývatnssveit.

Haldið var jólapakkaskákmót fyrir nemendur í Reykjahlíðarskóla í Mývatnssveit á fimmtudag. Mjög góð þátttaka var í mótinu því 25 krakkar úr öllum bekkjum skólans tóku þátt.  Krakkarnir tefldu í þremur aldurs flokkum, 1-2 bekkur, 3-5 bekkur og 6-10 bekkur. 

Vinningarnir voru einkar glæsilegir í jólapakkamótinu.

Bíómiðar fyrir tvo, sem Sambíóin á Akureyri gáfu, voru í verðlaun fyrir 1. sætið í öllum flokkum .

Skákfélagið Goðinn gaf öllum keppendum í yngsta flokki skákbókina Skák og mát og jólasælgæti

Keiluhöllin á Akureyri gaf miða fyrir tvo í keilu sem voru veittir í yngsta flokki, auk veitinga í sal fyrir 1000 krónur.

 

Samkaup gaf öllum keppendum jólapezkalla

Allir keppendur í eldri flokkunum fengu gefins skákbækur frá Skáksambandi Íslands  

Skautahöllin á Akureyri gaf tvo miða og voru þeir veittir í elsta og miðflokki fyrir tvo ásamt skautum.

 

                                                   Hjörtur Jón Gylfason vann sigur í elsta flokknum 6-10 bekk.
                                                   Ari Rúnar Gunnarsson vann sigur í miðflokknum 3-5 bekk.
                                                   Helgi Þorleifur Þórhallsson vann sigur í yngsta flokknum 1-2 bekk.

Það voru þeir Baldvin Þór Jóhannesson og Pétur Gíslason sem höfðu veg og vanda að þessu stórglæsilegu jólapakkamóti. Sjá má myndir frá mótinu í myndaalbúmi hér til hliðar. H.A.

Pétur efstur á æfingu.

Pétur Gíslason varð efstur á síðustu skákæfingu ársins sem fram fór í kvöld. Hann fékk 9,5 vinninga. Fast á hæla hans varð Smári með 9 vinninga.  Baldvin og Benedikt Þór fengu 8,5 vinninga hvor í 3-4 sæti. árangur Benedikts var glæsilegur, en hann tapaði aðeins fyrir Pétri. 

Úrslit urðu eftirfarandi:

1.        Pétur Gíslason                        9,5 af 10
2.        Smári Sigurðsson                    9
3-4.     Baldvin Þ Jóhannesson           8,5
3-4.     Benedikt Þ Jóhannsson           8,5
5.        Hermann Aðalsteinsson           6
6-7.     Benedikt Þorri Sigurjónsson    5
6-7.     Sigurbjörn Ásmundsson          5
8.        Sigurjón Benediktsson            4,5
9.        Sighvatur Karlsson                  3
10-11. Ágúst Már Gunnlaugsson        2
10-11. Hlynur Snær Viðarsson            2
12.      Snorri Hallgrímsson                1,5
13.      Valur Heiðar Einarsson           0,5

Vegna tímaskorts voru síðustu tvær umferðirnar ekki tefldar.

Hraðskákmót Goðans 2008 fer fram laugardaginn 27 desember (þriðji í jólum) á Húsavík. Teflt verður í Framsýnarsalnum að Garðarsbraut 27. Mótið hefst kl 13:00.  Tefldar verða 11 umf. eftir monradkerfi. Verðlaun verða veitt fyrir þrjá efstu í eldri flokki, auk þess sem sigurvegarinn fær afhentan farandbikar og titilinn hraðskákmeistari Goðans 2008 ! Allir velkomnir.

Samhliða mótinu verður jólapakka-hraðskákmót Goðans haldið fyrir 16 ára og yngri. Allir keppendur í yngri flokki fá jólapakka og þrír efstu fá verðlaunapening. Nánar auglýst síðar. H.A.

Ný atskákstig.

Ný atskákstig voru gefin út í dag. Þau gilda 1 desember.  Hermann Aðalsteinsson hækkar mest af félagsmönnum Goðans og næst mest af öllum, eða um 105 stig.  Ármann og Jakob hækka einnig talsvert.

Listinn lítur svona út :     atstig 1. des               breyting +/-

Ármann Olgeirsson                  1490                      +55
Baldvin Þ Jóhannesson            1510                       -25
Einar Garðar Hjaltason             1620                        0
Heimir Bessason                      1605                       -35
Hermann Aðalsteinsson           1510                      +105
Jakob Sævar Sigurðsson          1685                       +50
Orri Freyr Oddsson                  1715                       -120
Pétur Gíslason                         1855                          0
Rúnar Ísleifsson                       1740                       +30
Sigurbjörn Ásmundsson           1290                          0
Smári Sigurðsson                     1800                       -15

Jakob Sævar hækkar um 75 skákstig.

Ný Íslensk skákstig voru gefin út í dag. Þau gilda 1. desember. Talsverðar breytingar eru á stigum okkar manna og ber þar hæst mikil hækkun á stigum Jakobs Sævars, en hann hækkar um heil 75 stig frá síðasta lista. (1. sept) Jakob er einnig lang virkasti skákmaður félagsins en hann tefldi 26 skákir á tímabilinu. Baldur, Rúnar, Pétur og Smári hækka einnig nokkuð á stigum.

Stigabreytingin er jákvæð fyrir flesta, þar sem fleiri hækka á stigum en lækka.

Listinn lítur svona út :         stig 1. des.         breyting+/-

Ármann Olgeirsson                    1450                   +10
Baldur Daníelsson                     1670                   +20
Baldvin Þ Jóhannesson             1440                    -5
Barði Einarssson                       1740                    -10
Einar Garðar Hjaltason              1655                     0
Heimir Bessason                       1590                     0
Hermann Aðalsteinsson            1380                    +5
Jakob Sævar Sigurðsson           1750                    +75
Pétur Gíslason                          1730                    +15
Rúnar Ísleifsson                        1715                    +20
Sighvatur Karlsson                    1300                     0
Sigurbjörn Ásmundsson            1305                     0  
Sigurður Jón Gunnarsson          1880                     0
Smári Sigurðsson                      1635                     +20
Ævar Ákason                             1585                     -20

Ný atskákstig eru svo væntanleg fljótlega. H.A.

Pétur enn efstur á miðvikudagsæfingunum.

Pétur Gíslason heldur enn forystunni í samanlögðum vinningafjölda á miðvikudagsæfingunum félagsins.  Hann hefur krækt í 35,5 vinninga alls.  Baldvin og Hermann hafa náð að saxa vel á forystu Péturs sem var ansi mikil á tímabil.  Þessir þrír efstu hafa nokkuð forskot á næstu menn.

Staðan er þessi :

1.      Pétur Gíslason                    35,5 vinningar
2.      Baldvin Þ Jóhannesson       33,5
3.      Hermann Aðalsteinsson      33
4.      Smári Sigurðsson                21,5
5.      Rúnar Ísleifsson                  21,5
6.      Sigurbjörn Ásmundsson      17
7.      Ármann Olgeirsson              16,5
8.      Baldur Daníelsson               15,5
9.      Ketill Tryggvason                 9
10.    Sighvatur Karlsson              8
11.    Benedikt Þór Jóhannsson    7,5
12.    Jóhann Sigurðsson              7
13.    Heimir Bessason                  6
14.    Sigurjón Benediktsson        3,5
15.    Ævar Ákason                       3,5
16.    Snorri Hallgrímsson             3,5
17.    Hallur Reynisson                 3
18.    Óttar Ingi Oddsson             3
19.    Hlynur Snær Viðarsson        3
20.    Valur Heiðar Einarsson        2,5
21.    Egill Hallgrímsson                1

Tekið skal fram að sumir félagmenn hafa aðeins mætt á eina skákæfingu í vetur og eru því ekki með marga vinninga út af því.

Sá félagsmaður sem hlýtur flesta samanlagða vinninga á miðvikudagsæfingunum, þegar upp verður staðið í vor, hlýtur að launum farandbikar á síðustu skákæfingunni.
 

Baldur efstur á æfingu.

Baldur Daníelsson varð efstur á skákæfingu kvöldsins. Hann fékk 9,5 vinninga af 12 mögulegum. Tefld var tvöföld umferð af hraðskákum. (Umhugsunartími 5 mín á mann.)

Úrslit urðu eftirfarandi :

1.    Baldur Daníelsson             9,5 vinn af 12 mögul.                  
2.    Rúnar Ísleifsson                9
3.    Baldvin Þ Jóhannesson     7
4.    Hermann Aðalsteinsson    6
5.    Sigurbjörn Ásmundsson    5
6.    Jóhann Sigurðsson            4
7.    Ármann Olgeirsson           1.5

Síðasta skákæfing ársins verður á Húsavík að viku liðinni. H.A.