Vigfús sigraði á hraðkvöldi hjá GM Helli

Vigfús Ó. Vigfússon bar sigur úr bítum á jöfnu og spennandi hraðkvöldi GM Hellis sem fram fór 10.  febrúar sl. Það má segja að á hraðkvöldinu hafi allir getað unnið alla en að lokum fór það svo að Vigfús og Eiríkur Björnsson voru efstir og jafnir með 5,5v. Vigfús hafði svo sigurinn með því að vera hærri í öðrum stigaútreikningi eins og sést í töflunni. Örn Leó Jóhannsson varð svo þriðji með 5v. Í lok hraðkvöldsins dró svo Vigfús í happdrættinu og þá datt Jón Úlfljótsson í lukkupottinn og fengu þeir báðir gjafamiða á Saffran.

Næst æfing í félagsheimili GM Hellis í Álfabakka 14a verður mánudaginn 17. febrúar kl. 20 og þá verður einnig hraðkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Vigfús Vigfússon	5,5	28	21	20,8
2	Eiríkur K. Björnsson	5,5	28	20	20,8
3	Örn Leó Jóhannsson	5	26	20	16
4	Kristófer Ómarsson	4,5	25	18	14,8
5	Elsa María Kristínardóttir	4	29	21	14
6	Magnús Teitsson	4	27	19	12,5
7	Jón Úlfljótsson	3,5	29	21	12
8	Sverrir Sigurðsson	3,5	24	18	9,25
9	Kristinn Sævaldsson	3,5	22	16	8
10	Hjálmar Sigurvaldason	3	22	16	4,5
11	Finnur Kr. Finnsson	2,5	20	15	5,25
12	Björgvin Kristbergsson	2	21	15	3,5
13	Hörður Jónasson	1,5	22	16	3,25
14	Sindri Snær Kristófersson	1	21	15	1,5

Heimir Páll efstur á æfingu hjá GM Helli í þriðja sinni í röð.

Heimir Páll Ragnarsson og Róbert Luu voru efstir og jafnir á æfingu hjá GM-Helli sem fram fór þann 10. febrúar sl. Þeir fengu báðir 4,5v í fimm skákum og voru einnig jafnir í öllum stigaútreikningi og jafntefli varð í innbyrðis viðureign þeirra. Það var því gripið til þess ráðs að láta þá tefla bráðabanaskák. Róbert dró hvítu mennina og fékk því meiri tíma á klukkuna en þurfti að vinna á meðan Heimi Páli dugði jafntefli. Það fór svo að Heimir Páll tryggði sér sigurinn með því að þráleika í unninni stöðu og hlaut hann því efsta sætið í þriðja sinn í röð á þessum æfingum. Róbert Lu hlaut annað sætið og það þriðja hlaut Halldór Atli Kristjánsson með 3v og hærri stig en fimm aðrir þátttakendur á æfingunni.

Eftirtaldir tóku þátt í æfingunni: Heimir Páll Ragnarsson, Róbert Luu, Halldór Atli Kristjánsson, Alexander Már Bjarnþórsson, Oddur Þór Unnsteinsson, Birgir Ívarsson, Egill Úlfarsson, Sindri Snær Kristófersson, Ívar Andri Hannesson, Þórður Hólm Hálfdánarson, Arnar Jónsson, Óttar Örn Bergmann Sigfússon, Gabríel Sær Bjarnþórsson og Ólafur Tómas Ólafsson.

Næsta æfing í Mjóddinni verður svo mánudaginn 17. febrúar og hefst kl. 17.15.  Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Hraðkvöld hjá GM Helli í Mjóddinni mánudaginn 10. febrúar

Skákfélagið GM Hellir heldur hraðkvöld mánudaginn 10. febrúar nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili GM Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Bragi og Stefán efstir á Nóa Síríus mótinu

Alþjóðlegi meistarinn Bragi Þorfinnsson (2454) og stórmeistarinn Stefán Kristjánsson (2491) eru efstir með 4½ vinning að lokinni fimmtu umferð Nóa Síríus mótsins - Gestamóts GM Hellis og Breiðabliks sem fram fór sl. fimmtudagskvöld. Stefán vann Björn Þorfinnsson (2387) en Bragi gerði jafntefli við Dag Arngrímsson (2381) sem er einn í þriðja sæti með 4 vinninga. Tólf skákmenn hafa 3½ vinning. Allt getur því gerst í lokaumferðunum!

Meðal óvæntra úrslita má nefna að Björgvin S. Guðmundsson (1914) heldur áfram að gera frábæra hluti og gerði nú jafntefli við Elvar Guðmundsson (2322). Hrafn Loftsson (2192) gerði jafntefli við stórmeistarann Þröst Þórhallsson (2445). Dagur Ragnarsson hafði betur gegn Benedikt Jónassyni (2256).

Halldór Brynjar Halldórsson (2233) vann "uppgjörið um Akureyri" með sigri á Stefán Bergssyni (2122).

Næsta umferð

Sjötta umferð fer fram á fimmtudagskvöldið. Þá mætast meðal annars: Stefán - Bragi,  Karl Þorsteins - Dagur, Jón Viktor - Sigurður Daði, Björn - Guðmundur G., Lenka - Magnús Örn, Halldór Brynjar - Björgvin J., Björgvin G. - Davíð og Kristján E - Þröstur Þ.

• Chess-Results
• Myndaalbúm (GB, SB og HGE)
  

Elsa María sigraði á hraðkvöldi

Elsa María Kristínardóttir sigraði á hraðkvöldi  GM Hellis sem fram fór 3.  febrúar. Elsa María fékk 6 vinninga af sjö mögulegum og tapaði ekki skák en gerði jafntefli við Örn Leó í 4. umferð og Gauta Pál í lokaumferðinni. annar varð sigurvegari síðasta hraðkvöld Örn Leó Jóhannsson með 5,5v og þriðji var Jóhanna Björg Jóhannsdóttir með 5v. Í lok hraðkvöldsins dró svo Elsa María í happdrættinu og þá hafði Gunnar Nikulásson heppnina með sér og fengu þau bæði gjafamiða á Saffran.

Næst viðburður í félagsheimili GM Hellis í Álfabakka 14a verður mánudaginn 10. febrúar kl. 20 og þá verður einnig hraðkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Elsa María Kristínardóttir	6	26	19	22
2	Örn Leó Jóhannsson	5,5	27	19	19
3	Jóhanna Björg Jóhannsdóttir	5	26	18	18
4	Vigfús Vigfússon	4	27	19	10
5	Hjálmar Sigurvaldason	3,5	25	17	8,3
6	Gauti Páll Jónsson	3,5	24	17	9,5
7	Gunnar Nikulásson	3,5	23	16	8,3
8	Sigurður Freyr Jónatansson	3	26	19	8,5
9	Sverrir Sigurðsson	3	23	16	8
10	Hörður Jónasson	2	25	18	6,5
11	Björgvin Kristbergsson	1,5	23	16	3,8
12	Pétur Jóhannesson	1,5	23	15	2,8

Heimir Páll og Baltasar efstir á æfingu hjá GM Helli

Á fyrstu æfingunni í febrúar var sett upp þemaskák í fyrstu tveimur viðureignunum. Í yngri flokki fengust keppendur við stöðu úr fjögurra riddara tafli og í eldri flokki var sett upp staða úr slavanum. Þessar viðureigninr töldust með á sjálfri æfingunni. Það dróst aðeins að pizzurnar væru fullbakaðar svo tekin var ein umferð áður en þær komu í venjulegu æfingunni. Eftir að þátttandur voru búnir með pizzurnar var æfingin kláruð. Umhugsunartíminn var því í styttra lagi eða 7 mínútur og tefldar 5 umferðir eins og venjulega.

Heimir Páll Ragnarsson sigraði í eldri flokki aðra æfinguna í röð og fékk hann núna 4v. Annar varð Óskar Víkingur Davíðsson með 3,5v. Axel Óli Sigurjónsson varð svo þriðji með 3v eins og Róbert Luu og Alec Elías Sigurðarson en Axel Óli var hærri á stigum. Batasar Máni Wedholm sigraði með fullu húsi 5v í jafn mörgum skákum í yngri flokki. Fjórir voru svo jafnir með 3v en það voru Brynjar Haraldsson, Sólon Siguringason, Aron Kristinn Jónsson og Arnar Jónsson. Brynjar var þeirra hæstur á stigum og hlaut annað sætið, Sólon kom næstur og var því þriðji, Aron Kristinn var fjórði og Arnar fimmti. Skákbúðirnar um helgina virðast hafa haft jákvæð áhrif á keppendur í fjórða og fimmta sætið sem ekki hafa oft komist jafn nálægt verðlaunasæti.

Þátttakendur að þessu sinni voru: Heimir Páll Ragnarsson, Óskar Víkingur Davíðsson, Axel Óli Sigurjónsson, Róbert Luu, Alec Elías Sigurðarson, Halldór Atli Kristjánsson, Oddur Þór Unnsteinsson, Birgir Ívarsson, Stefán Orri Davíðsson, Sindri Snær Kristófersson, Baltasar Máni Wedholm, Brynjar Haraldsson, Sólon Siguringason, Aron Kristinn Jónsson, Arnar Jónsson, Birgir Logi Steinþórsson,  Adam Ómarsson, Óttar Örn Bergmann Sigfússon og Gabríel Sær Bjarnþórsson.

Næsta æfing verður svo mánudaginn 10. febrúar nk. og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Jón Viktor og Einar Hjalti urðu efstir og jafnir - Jón Viktor skákmeistari Reykjavíkur

Alþjóðlegi meistarinn Jón Viktor Gunnarsson (2412) sigraði á Skákþingi Reykjavíkur sem lauk í gær í húsakynnum Taflfélags Reykjavíkur að Faxafeni 12. Jón Viktor hlaut 8 vinninga, líkt og FIDE-meistarinn Einar Hjalti Jensson (2347), en varð ofar eftir stigaútreikning og er því Skákmeistari Reykjavíkur í fimmta sinn.  Í lokaumferðinni sigraði Jón Viktor Jón Trausta Harðarson (2003) en Einar Hjalti hafði betur gegn stórmeistara kvenna, Lenku Ptacnikovu (2245).

 

Einar Hjalti t.h. gegn Símoni Þórhalls á Breiðumýri 2013. 

Hinn fimmtán ára Oliver Aron Jóhannesson (2104) varð nokkuð óvænt í þriðja sæti með 7 vinninga en Oliver er á meðal efnilegustu skákmanna þjóðarinnar.  Haraldur Baldursson (2013), Mikael Jóhann Karlsson (2056) og Loftur Baldvinsson (1981)höfnuðu í 4.-6. sæti með 6,5 vinning hver en Haraldur hlaut jafnframt verðlaun fyrir bestan árangur skákmanna með minna en 2000 ELO-stig.

• Heimasíða TR
• Chess Results
• Myndir (GB)

Stefán, Dagur og Björn efstir á Nóa Síríus mótinu

Stórmeistarinn Stefán Kristjánsson (2491) og alþjóðlegu meistararnir Dagur Arngrímsson (2381) og Björn Þorfinnsson (2387) eru efstir og jafnir með 3,5 vinning að lokinni fjórðu umferð Nóa Síríus-mótsins - Gestamóts GM Hellis og Breiðabliks sem fram fór sl. fimmtudagskvöld. Afar óvænt úrslit urðu í umferðinni þegar Björgvin S. Guðmundsson (1914) vann Einar Hjalta Jensson (2347).

Tveimur skákum í umferðinni var frestað í umferðinni sem gætu haft áhrfi á röð efstu manna. Skák Braga Þorfinnssonar (2454) og Björgvins Jónssonar (2340) var frestað en þeir hafa báðir fullt hús og því ljóst að a.m.k. annar þeirra verður toppnum. Einnig var skák Davíð Kjartanssonar (2336) og Jóns Viktors Gunnarssonar (2412) frestað en þeir hafa báðir 2,5 vinning. 

Á efstu borðunum vann Stefán Elvar Guðmundsson (2322), Björn stöðvaði sigurgöngu Þrastar Árnarsonar (2267) með sigri og Dagur hafði betur gegn Þorsteini Þorsteinssyni (2243) í lengstu skák umferðarinnar. 

Sem fyrr var töluvert um óvænt úrslit. Má þar nefna Hrafn Loftsson (2192) gerði jafntefli við Karl Þorsteins (2452), landsliðskonan Tinna Kristín Finnbogadóttir (1917) gerði jafntefli við landsliðsþjálfara kvenna Davíð Ólafsson (2316) og Mikael Jóhann Karlsson (2057) vann Sigurð Pál Steindórsson (2240).

Næsta umferð

Fimmta umferð fer fram á fimmtudagskvöldið í Stúkunni í Kópavogi. Þá mætast meðal annars:

Björn - Stefán, Dagur - Bragi, Björgvin J. - Jón Viktor, Sigurður Daði - Lenka og Björgvin S. - Elvar Guðmundsson. 

• Chess-Results
• Myndaalbúm (GB, SB og HGE)
  

Hraðkvöld hjá GM Helli í Mjóddinni mánudaginn 3. febrúar

Skákfélagið GM Hellir heldur hraðkvöld mánudaginn 3. febrúar nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili GM Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jón Viktor og Einar Hjalti efstir fyrir lokaumferð Skákþings Reykjavíkur

Jón Viktor Gunnarsson (2412) og Einar Hjalti Jensson (2347) eru efstir með 7 vinninga að lokinni áttundu og næstsíðustu umferð Skákþings Reykjavíkur sem fram fór í gærkvöld. Einar gerði jafntefli við Davíð Kjartansson (2336) sem er núverandi Reykjavíkurmeistari en Jón Viktor við Harald Baldursson (2013). Þeir kumpánar hafa vinnings forskot á næstu menn og því langlíklegast að annar hvor þeirra verði skákmeistari Reykjavíkur 2014.

Fimm skákmenn hafa 6 vinninga og hafa því tölfræðilegan möguleika á titlinum. Það eru auk Davíðs þeir Þorvarður F. Ólafsson (2256), Lenka Ptácníková (2245), Jón Trausti Harðarson (2003) og Oliver Aron Jóhannesson (2104).

Níunda og síðasta umferð fer fram á sunnudag og hefst kl. 14. 

Stöðuna í mótinu má sjá hér

Pörun lokaumferðarinnar.

• Heimasíða TR
• Chess Results
• Myndir (GB)

Hlynur, Sigurbjörn og Smári efstir á æfingum

Hlynur Snær Viðarsson og Sigurbjörn Ásmundsson urðu efstir og jafnir á skákæfingu sem fram fór í Árbót fyrir rúmri viku síðan. Þeir hlutu báðir 3,5 vinninga úr sex skákum. Hermann Aðalsteinsson kom næstur með 3 vinninga.

Smári Sigurðsson vann alla sína andstæðinga á skákæfingu á Húsavík sl. mánudagskvöld. Smári endaði kvöldið með 5 vinninga. Hermann og Hlynur komu næstir Smára með þrjá vinninga hvor . Ævar var með 2,5 og Sigurbjörn fékk 1,5 vinninga. Umhugsunartíminn var 15 mín á mann. 

Heimir Páll sigraði í eldri flokki og Stefán Orri í yngri flokki á æfingu hjá GM Helli.

Heimir Páll Ragnarsson sigraði í eldri flokki á GM-Hellisæfingu sem fram fór þann 27. janúar sl. Heimir Páll fékk 4,5v í fimm skákum og landaði sigrinum með jafntefli við Róbert Luu í síðustu umferð og vann þar með sína fyrstu æfingu á þessum vetri. Annar varð Óskar Víkingur Davíðsson með 4v og þriðji varð Róbert Luu með 3,5 vinninga og þar með í fyrst sinn í verðlaunasæti í eldri flokknum á æfingunum. 

Stefán Orri Davíðsson sigraði með fullu húsi 5v í fimm skákum í yngri flokki. Stefán Orri fer því eins og jojo milli eldri og yngri flokks þessa dagana. Annar varð Brynjar Haraldsson með 4v og 13 stig og þriðji var Egill Úlfarsson með 4v og 12 stig.

Eftirtaldir tóku þátt í æfingunni: Heimir Páll Ragnarsson, Óskar Víkingur Davíðsson, Róbert Luu, Jón Otti Sigurjónsson, Axel Óli Sigurjónsson,Birgir Ívarsson, Halldór Atli Kristjánsson, Alec Elías Sigurðarson, Oddur Þór Unnsteinsson, Freyja Dögg Deleon, David Deleon, Sindri Snær Kristófersson, Baltasar Máni Wedholm, Stefán Orri Davíðsson, Brynjar Haraldsson, Egill Úlfarsson, Adam Omarsson, Óttar Örn Bergmann Sigfússon, Þórður Hólm Hálfdánarson, Arnar Jónsson, Birgir Logi Steinþórsson, Sævar Breki Snorrason, Alexander Már Bjarnþórsson, Ívar Andri Hannesson, Aron Kristinn Jónsson og Gabríel Sær Bjarnþórsson

Næsta æfing í Mjóddinni verður svo mánudaginn 27. janúar og hefst kl. 17.15. Þessi æfing er fyrir félagsmenn í Skákfélaginu GM Helli þar sem unnið verður í verkefnahópum að mismunandi æfingum ásamt því að tefla. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Óskar og Baltasar efstir á æfingu

Óskar Víkingur Davíðsson sigraði með fullu húsi 5v í fimm skákum í eldri flokki á GM-Hellisæfingu sem fram fór þann 20. janúar sl. í Mjóddinni. Annar varð Birgir Ívarsson með 4v og síðan voru Halldór Atli Kristjánsson og Róbert Luu með 3 en halldór Atli var sjónarmun á undan og hreppti þriðja sætið. 

Baltasar Máni Wedholm og Brynjar Haraldsson voru efstir og jafnir með 5v í yngri flokki en Baltasar Máni var hærri á stigum og hlaut hann fyrsta sætið og Brynjar annað sætið. Baltasar fær því að spreyta sig í eldri flokki á næstu æfingu. Egill Úlfarsson og Þórður Hólm Hálfdánarson komu næstir með 4v en Egill var hærri á stigum og hreppti þriðja sætið.

Eftirtaldir tóku þátt í æfingunni: Óskar Víkingur Davíðsson, Birgir Ívarsson, Halldór Atli Kristjánsson, Róbert Luu, Sindri Snær Kristófersson, Stefán Orri Davíðsson, Axel Óli Sigurjónsson, Alec Elías Sigurðarson, Oddur Þór Unnsteinsson, Jón Otti Sigurjónsson, Baltasar Máni Wedholm, Brynjar Haraldsson, Egill Úlfarsson, Þórður Hólm Hálfdánarson, Ívar Andri Hannesson, Adam Omarsson, Arnar Jónsson, Birgir Logi Steinþórsson, Óttar Örn Bergmann Sigfússon og Sævar Breki Snorrason.

Næsta æfing í Mjóddinni verður svo mánudaginn 27. janúar og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Sundlaugarskáksett vígt í sundlaug Húsavíkur á Íslenska skákdeginum

Nýtt sundlaugarskáksett var vígt í sundlaug Húsavíkur á Íslenska skákdeginum í dag. Það voru þeir Smári Sigurðsson og Svavar Pálsson félagsmenn GM-Hellis á norðursvæði, sem tefldu fyrstu skákina í einum af heitapottum sundlaugarinnar á Húsavík.

 

             Smári og Svavar tefla í heitapottinum. 

Skák þeirra Smára og Svavars lauk með jafntefli og nýttu aðrir sundlaugargestir sér það í dag að taka nokkrar köflóttar þegar skák þeirra lauk. Sundlaugarskáksettið verður gestum sundlaugarinnar til frjálsra afnota héðan í frá.  Hafþór Hreiðarsson tók meðfylgjandi myndir.

 

          Svavar Pálsson sýslumaður Þingeyinga.

 

Smári Sigurðsson margfaldur meistari GM-Hellis á norðursvæði. 

Bragi og Björgvin efstir á Nóa Síríus mótinu

Alþjóðlegu meistararnir Bragi Þorfinnsson (2454) og Björgvin Jónsson (2340) eru efstir með fullt hús að lokinni þriðju umferð Nóa Síríus-mótsins - Gestamóts GM Hellis og Breiðabliks sem fram fór í kvöld í Stúkunni í Kópavogi. Bragi vann Guðmund Gíslason (2316) en Björgvin hafði betur gegn Halldóri Grétari Einarssyni (2190) í maraþonskák. Þorsteinn Þorsteinsson (2243) gerði sér lítið fyrir og lagði stórmeistarann Þröst Þórhallsson (2445) í hörkuskák.

Átta skákmenn hafa 2½ vinning og ljóst að allt getur gerst á mótinu.

Sem fyrr var töluvert um óvænt úrslit. Þröstur Árnason (2267) heldur áfram að gera góða hluti og gerði jafntefli við Dag Arngrímsson (2381) en í annarri umferð vann hann Karl Þorsteins. Björgvin S. Guðmundsson (1914) gerði jafntefli við Lenku Ptácníková (2245) og Vignir Vatnar Stefánsson (1800) sýndi hvers hann er megnugur í endatöflum með sigri gegn Baldri A. Kristinssyni (2181).

Næsta umferð

Fjórða umferð mótsins fer fram nk. fimmtudagskvöld. Þá mætast meðal annars: Bragi-Björgvin, Elvar-Stefán, Davíð-Jón Viktor, Þröstur Á-Björn og Þorsteinn-Dagur A.

  

 

• Chess-Results
• Myndaalbúm (GB)

Stelpuæfingar GM Hellis í Mjóddinni byrja miðvikudaginn 22. janúar nk.

Skákfélagið GM Hellir byrjar með sérstakar stúlknaæfingar miðvikudaginn 22. janúar 2014. Taflið byrjar kl. 17:15 og fyrirkomulagið þannig á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tími vinnst til. Æfingarnar eru opnar öllum  stelpum15 ára og yngri en ef ástæða er til verður skipt í tvo flokka eftir aldri og styrkleika á sumum æfingum. Engin þátttökugjöld.

Æfingarnar verða haldnar í félagsheimili GM Hellis í Álfabakka 14a, Mjódd. Inngangur er við hliðina á Subway en salur félagsins er á þriðju hæð hússins. Umsjón með æfingunum hafa Elsa María Kristínardóttir og Jóhanna Björg Jóhannsdóttir.

Mörg óvænt úrslit í 2. umferð Nóa Síríus mótsins

Baráttuandi, fingurbrjótar og snilldartilþrif settu svip sinn á 2. umferð Nóa Síríus mótsins sem fór fram í gær í hinum aðlaðandi vistarverum á Kópavogsvelli. Keppendur skerptu einbeitinguna og leikgleðina með ljúfmeti frá Nóa Síríusi og óvænt úrslit létu ekki á sér standa. Þannig sigraði Þröstur Árnason (2267) alþjóðlega meistarann Karl Þorsteins (2452), hinn glaðbeitti formaður Skákdeildar Breiðabliks, Halldór Grétar Einarsson (2190),  knésetti Sigurð Daða Sigfússon (2328) og Dagur Ragnarsson (2073) gerði sér lítið fyrir og lagði Davíð R. Ólafsson (2316) eftir miklar kúvendingar. Síðast en ekki síst vakti athygli að hinn bráðefnilegi Kristófer Ómarsson(1756) náði að leggja kappann unga Nökkva Sverrisson  (2081) að velli.   

Sigurður  P. Steindórsson (2240) og Þröstur Þórhallssson, stórmeistari, (2445) skildu jafnir og stórmeistari kvenna, Lenka Ptácníková (2245), hélt upp á afmæli sitt með skiptum hlut við alþjóðlega meistarann Jón Viktor Gunnarsson (2412). Fleiri konur voru í essinu sínu þetta kvöld því að þrefaldur Norðurlandameistari kvenna,  Guðlaug Þorsteinsdóttir (2052), sigraði Hafnfirðinginn geðþekka FM Benedikt Jónasson (2256) og háskólastúdínan Hallgerður Þorsteinsdóttir (1955) sneri á söngvarann og sjentilmanninn Sæberg Sigurðsson (2153).

Birkir Karl Sigurðsson (1742), hélt jöfnu við Hrannar Arnarson (2111) og prófessor Snorri Þór Sigurðsson (1808) beitti vísindalegri sundurgreiningu til að halda skiptum hlut gegn Sverri Erni Björnssyni (2010). Vignir Vatnar Stefánsson (1800) tók hraustlega á móti Magnúsi Pálma Örnólfssyni (2161) og skildu þeir jafnir. Kristján Halldórsson (1811) mætti grjótharður til leiks og gerði jafnt við Arnald Loftsson (2107). Sama varð uppi á teningnum í skák Páls Andrasonar (1767) og Olivers Arons  Jóhannessonar (2105) og í viðureign Andra Steins Hilmarssonar  (1631) við víkingakappann hrikalega Gunnar Frey Rúnarsson (2058) sem mun vera sterkasti skákmaður heims, pund fyrir pund. 

Bæta mannbroddar árangur?

Aðvara þurfti keppendur fyrir umferðina vegna mikillar hálku á bílaplaninu við leikvanginn og voru þeir hvattir til þess að setja mannbrodda undir skóna. Sú öryggiskennd sem mannbroddar veita virðist hafa yfirfærslugildi fyrir taflmenskuna því að enginn þeirra keppenda sem væddust mannbroddum tapaði skák þetta kvöld! Fiskisagan flýgur og hafa margir á orði það þeir komi á mannbroddum í næstu umferð hvort sem hált verður eða færðin sem á sumardegi. Vert er að benda þeim, sem veigra sér við að setja mannbrodda undir blankskó, á að einnig má mannbroddavæða bomsur, stigvél, strigaskó, flókaskó og klossa svo að eitthvað sé nefnt – og jafnvel sauðskinnsskó eins og Hermann, formaður GM Hellis og fjárbóndi, vill sérstaklega minna á.

Stálin stinn í 3. umferð

Þriðja umferð  Nóa Siríus mótsins fer fram fimmtudaginn 23. janúar. Þá leiða m.a. saman hesta sína Stefán Kristjánsson og Davíð Kjartansson, Guðmundur Gíslason og Bragi Þorfinnsson, Dagur Arngrímsson og Þröstur Árnason og Björgin Jónsson og Halldór Grétar Einarsson en allir þessir skákmenn hafa fullt hús eftir tvær fyrstu umferðirnar.

• Chess-Results

 

Óskar Víkingur - pistill frá EM

Óskar Víkingur Davíðsson fór ásamt sjö öðrum keppendum á Evrópumótið í skák í október síðastliðnum. Hann hefur teflt með taflfélaginu Helli frá því að hann hóf taflmennsku fyrir tveimur árum, og teflir nú undir merkjum sameinaðs félags, GM Hellis.

Óskar Víkingur var yngsti keppandinn sem keppti fyrir Íslands hönd en hann tefldi í opnum flokki undir 8 ára. Einstakar skákir og niðurstöður allra flokka má finna á heimasíðu mótsins: http://budva2013.org, en Óskar bloggaði einnig á meðan á mótinu stóð á síðunni: http://oskarvikingur.blogspot.com/. 

****

Við ferðuðumst til Svartfjallalands með flugi í gegnum London til Dubrovnik í Króatíu. Síðan fórum við með rútu til Budva í Svartfjallalandi, sem er lítill strandbær við Adríahaf. Við vorum átta keppendur, en hópurinn var 17 manns í heildina, og þar af voru þjálfararnir okkar tveir, Hjörvar Steinn og Helgi Ólafsson. Við komum á hótelið okkar um klukkan hálf eitt um nóttu. Svo fórum við að tefla daginn eftir. Eldri hóparnir kepptu í íþróttahúsi, en við Vignir kepptum í barnaskóla og byrjuðum okkar umferðir klukkan fjögur. Aðstæður á skákstað voru ekki góðar, klósettin voru ömurleg og það var rosa þröngt. Áhorfendur máttu ekki koma inn í skáksal hjá okkur, ekki einu sinni þjálfarar. Í íþróttahúsinu voru áhorfendapallar, en þar voru líka fullt af þjálfarum og foreldrum að reyna að svindla, og gefa keppendum merki, svo að það er kannski bara eins gott að hafa alla úti. Hjá okkur var heldur engin aðstaða til að bíða úti, svo að mamma mín og pabbi hans Vignis þurftu að bíða úti á malbikuðu plani, en stundum var komið myrkur þegar við vorum búnir með skákirnar.

 

Hótelið var hins vegar mjög fínt, það voru góðar sundlaugar og stutt að labba niður á strönd. Reyndar var ekkert internet í herberginu okkar, en við komumst oft á netið í móttökunni á hótelinu. Maturinn var alveg fínn stundum en ekki alltaf. Svo var rosa rigning suma dagana, en það var bara allt í lagi.

 

Í fyrstu umferðinni mætti ég strák frá Austurríki og vann hann. Það var gott að vinna fyrstu umferðina svo að maður fái sjálfstraust. Svo vann ég líka umferð númer tvö, en þá keppti ég við strák frá Georgíu. Í þriðju umferð var ég eiginlega með unnið, tapaði því niður í jafntefli og svo var ég ekki sáttur við það og reyndi að vinna og gerði mistök sem að endaði með því að ég tapaði skákinni. Ég hefði átt að fara í jafntefli og var með smá móral eftir skákina í marga daga á eftir. Svo tapaði ég á móti frekar lélegum strák frá Þýskalandi í fjórðu umferð og ágætum Búlgara í fimmtu umferð. Í sjöttu umferð náði ég jafntefli á móti Austurríkismanni og var mjög sáttur við það því ég eiginlega byrjaði á að tapa manni. Svo keppti ég við tvo Rússa í röð, vann annan auðveldlega og tapaði fyrir hinum, og endaði á að vinna léttan Ísraela. Þannig að ég endaði með 4,5 vinninga úr 9 umferðum, sem er helmings vinningshlutfall. Ég var ekkert rosa sáttur við það því að ég veit að ég get gert betur, en þetta var líka bara ágætt svona á fyrsta stórmótinu mínu í útlöndum.

Mörg löndin senda bara einn eða tvo keppendur í yngsta flokknum, og hin norðurlöndin, England og Írland sendu t.d. enga í yngstu flokkunum. Ég held að það sé dálítið sniðugt að byrja í undir 8 ára því að þá fær maður keppnisreynslu, sérstaklega fyrir okkur Íslendinga því að það er dýrt fyrir okkur að fara á alþjóðleg mót svo að við höfum stundum ekki eins mikla keppnisreynslu og hinir sem að búa í miðri Evrópu. Þannig að það er frábært að fara í stærri hóp saman og fá að keppa við þessa sterkustu á okkar aldri. Mér fannst hinir keppendurnir í mínum flokki alveg ágætir, eiginlega betri en ég hélt að þeir væru. Þeir tefldu líka aðeins öðruvísi en ég var vanur, stundum var ég búinn að skoða þá en þeir notuðu margar ólíkar opnanir og komu á óvart. Svo er dálítið erfitt að undirbúa sig undir skákir því að margir eru ekki komnir með skákstig og maður finnur ekki gamlar skákir með þeim.

Um mitt mótið var heill frídagur. Við nýttum hann í að slappa af og við Verónika og Mikki fórum líka í bátsferð. Við sigldum einmitt framhjá Sveti Stefan þar sem annað einvígi Fischer og Spassky fór fram akkúrat fyrir 21 ári síðan. Úrslitin voru þau að Bobby vann með tíu vinninga, fimm töp og 15 jafntefli.  Síðan var Bobby Fischer eftirlýstur af Bandaríkjunum fyrir að brjóta verslunarbann við Júgóslavíu og að lokum endaði þessi mikli skákkappi á Íslandi. Því miður missti ég af því að hitta hann því hann dó árið 2008 og þá var ég bara þriggja ára.

 

Sumir keppendanna eru að þjálfa rosalega mikið, eru í sérstökum skákskólum og margir eru með sérþjálfara með sér. Tyrkirnir verða kannski sterkir á næstu árum, en austantjaldsþjóðirnar röðuðu sér í efstu sætin, strákur frá Aserbaijan sigraði og annar þaðan var í þriðja sæti. Svo var rosa sterkur Rússi í öðru sæti, Hvítrússi í fjórða og Tyrki í því fimmta. Þessir þrír efstu á Evrópumótinu röðuðu sér líka í sæti 2-4 á heimsmeistaramótinu sem er nú nýbúið, en þá kom Indverji inn í fyrsta sæti. Þessir gaurar eru með um 1800 skákstig. Þessir bestu eru svo komnir upp í 1900-2000 elo stig í undir 10 ára flokki og með 2200 í undir 12 ára flokki. Þannig að það má ekkert slaka á til að missa ekki af öllu.  Rússarnir voru  með fimmtán keppendur bara í flokknum mínum, undir 8 ára, sem er næstum tvöfaldur sá fjöldi sem við Íslendingar sendum til að keppa í öllum flokkum! Þeir senda líka sterkustu 7 ára gaurana, til að æfa þá svo að þeir geti unnið flokkinn þegar þeir eru ári eldri.

 Ég lærði alveg fullt af mótinu, það var mjög góð reynsla að fá tækifæri til að keppa á svona stóru móti og ég segi takk fyrir við alla þá sem styrktu mig fyrir ferðina og líka við þjálfarana, sem kenndu mér mikið, bæði á mótinu og fyrir það. Svo var ég líka búinn að læra mikið áður af hinum þjálfurunum mínum, þeim Vigfúsi, Birni Ívari og Davíð Ólafs svo að ég segi líka takk við þá! Hinir keppendurnir í landsliðinu voru líka frábærir, allir stóðu saman og voru svo hvetjandi og það var frábært að vera hluti af íslenska ungmennalandsliðinu í skák.

 

Örn Leó sigraði á hraðkvöldi

Örn Leó Jóhannsson sigraði á hraðkvöldi  GM Hellis sem fram fór 13.  janúar. Örn Leó fékk 8 vinninga af níu mögulegum. Vignir Vatnar Stefánsson og Elsa María Kristínardóttir voru svo jöfn með 7,5v en Vignir Vatnar var hærri á stigum í þriðja stigaútreikningi og hlaut annað sætið en Elsa María það þriðja. Örn Leó dró svo Hjálmar Sigurvaldason í lok hraðkvöldsins og fengu þeir báðir gjafamiða á Saffran.

Nú verður gert smá hlé á þessum skákkvöldum en næst viðburður í félagsheimili GM Hellis í Álfabakka 14a verður mánudaginn 3. febrúar kl. 20 og þá verður einnig hraðkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Örn Leó Jóhannsson	8	29	23	22,5
2	Vignir Vatnar Stefánsson	7,5	30	23	22,3
3	Elsa María Kristínardóttir	7,5	30	23	19,3
4	Vigfús Vigfússon	6	31	24	11
5	Jón Úlfljótsson	5	32	25	11,3
6	Gunnar Nikulásson	4	33	26	4,75
7	Ingibergsson Gunnar	3,5	34	27	3
8	Björgvin Kristbergsson	2,5	35	28	2
9	Hjálmar Sigurvaldason	1	36	29	0

Óskar og Stefán Orri efstir á æfingu.

Óskar Víkingur Davíðsson sigraði með 4,5v í fimm skákum í eldri flokki á GM-Hellisæfingu sem fram fór þann 13. janúar sl. í Mjóddinni. Ýmislegt gengur á í skákum Óskars á þessum æfingum en hann getur verið laginn við redda sér út úr vandræðum eins og kom sér vel í tveimur síðustu skákunum á æfingunni. Þar náði hann jafntefli á móti Halldóri Atla í næst síðust umferðinni og vann Alec Elías þótt stöðurnar gæfu ekki beint tilefni til svo hagstæðra úrslit. Annar var Heimir Páll Ragnarsson með 4v og þriðji varð Oddur Þór Unnsteinsson með 3v. 

Stefán Orri Davíðsson og  Baltasar Máni Wedholm voru efstir og jafnir með 5,5v í yngri flokki en Stefán Orri var hærri á stigum og hlaut hann fyrsta sætið og Baltasar annað sætið. Stefán Orri fær því að spreyta sig í eldri flokki á næstu æfingu í fyrsta sinn. Sævar Breki Snorrason varð svo þriðji með 4v og er þetta í fyrsta sinn sem hann er í verðlaunasæti á æfingunum.

Eftirtaldir tóku þátt í æfingunni: Óskar Víkingur Davíðsson, Heimir Páll Ragnarsson, oddur Þór Unnsteinsson, Alec Elías Sigurðarson, Birgir Ívarsson, Halldór Atli Kristjánsson, Brynjar Haraldsson,  Sindri Snær Kristófersson, Stefán Orri Davíðsson, Baltasar Máni Wedholm, Sævar Breki Snorrason, Þórður Hólm Hálfdánarson, Adam Omarsson, Arnar Jónsson, Óttar Örn Bergmann Sigfússon og Aron Kristinn Jónsson.

Næsta æfing í Mjóddinni verður svo mánudaginn 20. janúar og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.