Goðinn mætir TV í fyrstu umferð.

Goðinn þreytir frumraun sína í hraðskákkeppni taflfélaga nú í ágúst. Andstæðingar Goðans verður harðsnúið lið TV. Dregið var í gærkvöld í 16 liða úrslit og í forkeppnina.

Röðun forkeppni:

• Fjölnir - Víkingaklúbburinn
• Vin - TA

Röðun 1. umferðar:

• Mátar - TR
• Goðinn - TV
• SA - TG
• SSON - SR
• Hellir - Bridsfjelagið
• Haukar - Fjölnir/Víkingaklúbburinn
• SFÍ - Vin/TA
• TB - KR

Félögin eru hvött til þess að klára fyrstu umferð fyrir 15. ágúst nk. Einar Hjalti Jensson er liðsstjóri okkar og mun hann hafa samband við keppendur fyrir viðureignina gegn Eyjamönnum.
Goðinn á "heimaleik" gegn þeim en ekki er búið að ganga frá því hvar né hvenær viðureignin fer fram.

Jakob með sigur í 4. umferð.

Jakob Sævar Sigurðsson vann Invana Ivekovic (1932) í 4. umferð á Chech open í dag.
(Skákin verður birt hér fyrir neðan síðar í kvöld)

Á morgun verður Jakob með svart gegn Deniss Dunaveckis (2009) frá Lettlandi

Jakob er sem stendur í 251 sæti með 1. vinning.

[Event "?"] [Site "?"] [Date "2011.07.25"] [Round "?"] [White "Jakob Sævar Sigurðsson"] [Black "?"] [Result "1-0"] [ECO "E91"] [PlyCount "133"] [EventDate "2011.07.25"] [SourceDate "2011.07.25"] 1. d4 Nf6 2. c4 g6 3. Nc3 Bg7 4. e4 d6 5. Be2 c6 6. Nf3 Bg4 7. Be3 O-O 8. O-O Nbd7 9. Re1 Ne8 10. Nd2 Bxe2 11. Rxe2 e5 12. d5 c5 13. Rb1 f5 14. f3 Nef6 15. b4 cxb4 16. Rxb4 b6 17. Qb1 Qe7 18. exf5 gxf5 19. Qxf5 Nc5 20. Bg5 Qe8 21. Qc2 Qh5 22. Be3 Nfd7 23. Nde4 Qg6 24. Ng5 Rf5 25. Nge4 Rxf3 26. Bxc5 dxc5 27. Rb1 Rf7 28. Rf2 Raf8 29. Rbf1 Bh6 30. Rxf7 Rxf7 31. Rxf7 Qxf7 32. Qf2 Qg6 33. Qg3 Qxg3 34. hxg3 Be3+ 35. Kf1 a6 36. Ke2 Bd4 37. a4 Kf7 38. Kd3 Kg6 39. g4 h6 40. Ne2 Nf6 41. Nxf6 Kxf6 42. Ke4 Bf2 43. Kf3 Bd4 44. Ng3 b5 45. Ne4+ Ke7 46. cxb5 axb5 47. axb5 c4 48. Ke2 Kd7 49. Kd2 Kc7 50. d6+ Kb6 51. Nc3 Kb7 52. Nd5 Kc8 53. Ne7+ Kd7 54. Nf5 Ke6 55. Nxh6 Kxd6 56. Nf5+ Kc5 57. g5 e4 58. g6 Be5 59. g7 Bxg7 60. Nxg7 Kxb5 61. Nf5 Kb4 62. Kc2 Kc5 63. Kc3 Kd5 64. Ne3+ Ke5 65. g3 Kf6 66. Kxc4 Kg5 67. Kd5 1-0

Tap í annari og þriðju umferð.

Jakob Sævar Sigurðsson tapaði fyrir Þjóðverjanum Linh Myn Tran (1960) í þriðju umferð á CZECH OPEN í dag. Í gær tapaði Jakob fyrir spánverjanum Victor Vega Llanceza (1994)
Jakob er ekki kominn á blað á mótinu og er í hópi neðstu manna.

Á morgun verður Jakob með hvítt gegn Invana Ivekovic (1932)

Alls taka 281 keppandi þátt í B-flokknum og er Jakob sjöundi stigalægsti keppandinn í B-flokknum. Tefldar verða 9. umferðir á jafnmörgun dögum.

http://www.chess-results.com/tnr52964.aspx?art=4&lan=1&fed=ISL&turdet=YES&flag=30&zeilen=99999 

Tap hjá Jakob í fyrstu umferð á CZECH OPEN 2011.

Jakob Sævar Sigurðsson tapaði fyrir Tomas Hlavacek (2022) í fyrstu umferð á Czezh open sem hófst í dag. Jakob hafði svart í skákinni og þurfti Tomas að hafa fyrir hlutum í dag því skákin fór í 112 leiki.

            

                 Jakob Sævar Sigurðsson.

Önnur umferð verður tefld á morgun. Þá verður Jakob með hvítt gen Victor Vega Llaneza frá Spáni.
Alls taka 281 skákmenn þátt í B-flokknum.
Sigurður Eiríksson SA er einnig með í B-flokknum, en hann tapaði líka sinni skák í dag.

Mótið á chess-results:

http://www.chess-results.com/tnr52964.aspx?art=0&lan=1&turdet=YES&flag=30&zeilen=99999  

Stúderað á Húsavík með Einari Hjalta.

Einar Hjalti Jensson staldraði við á Húsavík sl. sunnudag og stúderaði með félagsmönnum sem lögðu leið sína í félagsaðstöðu Goðans á Húsavík.

 

Einar var með fyrirlestur um skák sem hann hafði áður flutt í suðvestur goðorði Goðans og tilbúnar æfingar, taktík og byrjanir í chess-base.
Stúderingarnar hófust kl 12:00 og lauk ekki fyrr en um kl 17:00.
Fimm félagsmenn höfðu tök á því að fylgjast með, en von er á Einari Hjalta til Húsavíkur aftur um miðjan september. þá verður heil helgi tekin í stúderingar og einkatíma með Einari.

Fyrirlestur og stúderingar með Einari Hjalta á Húsavík

Okkar ágæti félagi Einar Hjalti Jensson verður á ferðinni í Þingeyjarsýslum um komandi helgi. Hann verður með fyrirlestur, skákstúderingar og yfirferð á algengum byrjunum á Húsavík nk. sunnudag 17 júlí í Framsýnarsalnum að Garðarsbraut 26.

                         Einar Hjalti Jensson.

Fyrirlesturinn hefst kl 12:00 og stendur til kl 17:00 sunnudaginn 17 júlí og er ókeypis.

Félagsmenn eru hvattir til þess að nýta sér þetta tækifæri og efla þekkingu sína um leið.
Ekki er nauðsynlegt að vera allan tímann. (menn geta komið og farið að vild)
En þetta nýtist auðvitað best ef fylgst er með allan tímann.

Mjög áríðandi er að áhugasamir láti formann vita hvort þeir muni nýta sér þetta með að hafa samband við hann í síma 4643187 eða 8213187.

Næstu viðburðir hjá Goðanum

Vert er að minna félagsmenn á nokkra viðburði sem eru á dagskrá hjá Goðanum á næstunni.
Ekki eru þeir þó allir staðfestir og niður negldir, en hér fyrir neðan er upptalning á þeim.

Skáknámskeið með Einari Hjalta 17 júlí Húsavík   (óstaðfest)
Unglingalandmót UMFÍ Egilsstaðir verslunarmannahelgin.
Landskeppni við Færeyinga 6-7 ágúst. Húsavík og Akureyri.
Fyrsta skákæfing haustsins 5. sept Húsavík.            (óstaðfest)
Skákhelgi með Einari Hjalta um miðjan september. (óstaðfest)
Íslandsmót skákfélaga 7-9 október Reykjavík.

Æfinga og mótaáætlun Goðans fram til áramóta verður svo gefin út í lok ágúst eða byrjun september.

Ný alþjóðleg skákstig.

Ný alþjóðleg skákstig voru gefin út í dag.  Afar litlar breytingar eru á stigum okkar manna frá síðasta lista. Björn Þorsteinsson hækkar um eitt stig en aðrir standa í stað. Fyrir mistök skilaði Stigamót Hellis sér ekki til útreiknings nú en mótið verður reiknað til stiga 1. september.
Þess vegna breytast stig Sigurðar Daða og Einars Hjalta ekkert.

Sigurður Daði er stigahæstur okkar manna, en 11 félagsmenn eru með alþjóðleg skákstig.
Jón Þorvaldsson vantar aðeins eina skák til að ná inn á listann og það styttist mjög í að Páll Ágúst og Sigurður Jón vinni sér inn alþjóðleg skákstig.

Sigurður Daði Sigfússon     2337                  0
Ásgeir P Ásbjörnsson         2303                  0
Þröstur Árnason                 2280                  0
Hlíðar Þór Hreinsson          2253                   0
Kristján Eðvarðsson           2230                  0
Einar Hjalti Jensson           2227                   0
Björn Þorsteinsson            2214                  +1
Tómas Björnsson               2162                   0
Sveinn Arnarsson               1934                  0
Jakob Sævar Sigurðsson    1789                   0   
Barði Einarsson                  1755                   0

Sjá allan listann hér:  http://www.skak.blog.is/blog/skak/entry/1177069/

Hlíðar Þór Hreinsson er genginn í Goðann.

Hlíðar Þór Hreinsson (2180) Ísl (2253 FIDE) hefur tilkynnt félagaskipti úr Haukum í Goðann.    

Hlíðar Þór Hreinsson (tv) teflir við Þröst Þórhallsson stórmeistara. Mynd: skák.is

Með komu Hlíðars Þórs Hreinssonar til félagsins, styrkist Goðinn mikið, enda er Hlíðar Þór öflugur skákmaður.
Hlíðar Þór hóf ferilinn í Taflfélagi Reykjavíkur 7 ára gamall og tefldi með unglingasveitum TR en fór í Taflfélag Kópavogs eftir nokkur ár og var þar allt til að félagið lagðist í dvala. Hlíðar hefur síðustu ár teflt með Skákdeild Hauka í fyrstu og annarri deild. Hann á að baki talsverðan félagsmálaferil, var skákkennari í 8 ár meðfram námi og var stjórnarmaður í Skáksambandi Íslands og Taflfélagi Kópavogs um árabil. Hlíðar er formaður Skákstyrktarsjóðs Kópavogs sem styrkir barna og unglingastarf í Kópavogi.

Hlíðar tefli frekar lítið fyrir utan deildakeppnina, en síðasta mót sem hann tók þátt í var Boðsmót Hauka 2009 og varð hann þar í 1-3. sæti ásamt Hjörvari Steini Grétarssyni og Lenku Ptacnikovu. Besti árangur Hlíðars í deildakeppninni var 6,5 af 7 vinningum 2008-2009 þegar b lið Hauka vann sig upp í fyrstu deild.

Stjórn skákfélagsins Goðans býður Hlíðar Þór Hreinsson velkominn í Goðann.

Rúnar Sigurpálsson efstur á útiskákmóti Goðans í Vaglaskógi.

Rúnar  Sigurpálsson (Mátar) varð efstur á útiskákmóti Goðans sem fram fór í Vaglaskógi í gærkvöld. Rúnar fékk 7 vinninga af 8 mögulegum og tapaði aðeins einni skák, fyrir Jóni Kr þorgeirssynin, sem varð í öðru sæti með 6,5 vinninga. Jakob Sævar Sigurðsson, Smári Sigurðsson og Hlynur Snær Viðarsson urðu jafnir í 3-5 sæti með 5 vinninga hver.

Alvarlegt tölvuvandamál kom upp eftir þrjá umferðir sem tafði mótið mikið og var því mótið stytt niður í 8 umferðir, en til stóð að tefla 11 umferðir.

Veðrið var þurrt og gott í Vaglaskógi, en ansi kalt var orðið í síðustu þremur umferðunum.
Þó fraus ekki.

Úrslit:

1.       Rúnar Sigurpálsson          Mátar     7 vinn af 8 mögulegum.
2.       Jón kristinn Þorgeirsson     SA        6,5
3-5     Jakob Sævar Sigurðsson  Goðinn   5
3-5     Smári Sigurðsson             Goðinn   5
3-5     Hlynur Snær Viðarsson     Goðinn   5
6-7     Rúnar ísleifsson               Goðinn    4,5
6-7     Bragi Pálmaon                     SA       4,5
8-11   Ármann Olgeirsson          Goðinn    4
8-11   Sveinbjörn Sigurðsson        SA       4
8-11   Wylie Wilson                     USA       4
8-11   Jón Magnússon                  SA        4
12-13 Hermann Aðalsteinsson   Goðinn   3
12-13 þorgeir Jónsson               SA          3
14-15 Sigurbjörn Ásmundsson   Goðinn   2
14-15 Ketill Tryggvason             Goðinn    2
16      Hjörtur Snær Jónsson       SA          0,5

Myndir verða birtar á morgun.

Verslunin í Vaglaskógi gaf ís í brauði fyrir sigurvegarann, en Rúnar ánafnaði Jóni Kr ísinn. Jón Kr og fjölskylda fá ís í brauði næst þegar þau eiga leið um Vaglaskóg.

Útiskákmót Goðans í Vaglaskógi fer fram annað kvöld.

Útiskákmót Goðans verður haldið við verslunina í Vaglaskógi föstudaginn 24 júní og hefst það kl 21.00. Mótið er útiskákmót og verður teflt á pallinum framan við verslunina.
Verslunin verður opin þetta kvöld og geta keppendur fengið sér mæru og drykk á meðan mótið stendur yfir.
Líkleg tímamörk verða 5-7 mín á mann og líklegt er að umferðirnar verði ekki fleiri en 11.

Við bjóðum nágrönnum okkar í SA velkomna yfir í Vaglaskóg til þátttöku í mótinu, en ekkert mótsgjald er og engin verðlaun verða veitt. Mótið er einungis til gamans og væntir stjórn Goðans þess að félagsmenn fjölmenni til keppni og vonandi geta Akureyringar litið við í einni af perlum okkar Þingeyinga sem Vaglagskógur er svo sannarlega.

                         Gamla bogabrúin yfir Fnjóská.

Að afloknu móti er ætlunin að taka hópmynd af keppendum á gömlu bogabrúnni yfir Fnjóská í tilefni dagsins en bogabrú þessi var, samkvæmt öruggum heimildum, ein elsta og ef ekki stærsta brú slíkrar gerðar á norðurlöndunum þegar hún var byggð. Er því um frekar merkilegt mannvirki að ræða. 

Jakob Sævar skráður til leiks á Czech-Open.

Jakob Sævar Sigurðsson hefur skráð sig til leiks á Czech-Open sem fram ferð í borginn Pardubice í Tékklandi daganna 14-31 júlí nk. Jakob Sævar tekur þátt í C-flokki.
Vel verður fylgst með gengi Jakobs hér á síðunni þegar mótið hefst.

                      Jakob Sævar Sigurðsson

Jakob Sævar verður ekki eini Íslendingurinn sem teflir á mótinu því Sigurður Eiríksson úr SA teflir í B-flokknum og þeir Guðmundur Kjartansson og Guðmundur Gíslason tefla í A-flokknum

Sjá allt um mótið http://www.czechopen.net/cz/novinky/stav-prihlasek/#C 

Ekki er búið að setja mótið upp á Chess-results.

Fide-meistarinn Sigurður Daði Sigfússon gengur til liðs við Goðann.

Fide-meistarinn Sigurður Daði Sigfússon (2337) er genginn til liðs við Goðann frá SFÍ.
Hann gekk frá félagaskiptunum um helgina. Afar mikill fengur er af komu Sigurðar Daða til liðs við Goðann, enda er hann stigahæsti félagsmaður Goðans og kemur til með að styrkja A-lið Goðans gríðarlega fyrir komandi átök í 2. deild á Íslandsmóti skákfélaga næsta vetur.

Sigurður Daði Sigfússon (t.h) á Friðriksmótinu árið 2007. Mynd af Skák.is

Sigurður Daði Sigfússon hefur teflt opinberlega í rúm 30 ár og búinn að vera með um og yfir 2300 stig í 20 ár. Sigurður hefur náð yfir 2400 á íslenskum stigum og hæst 2381 á FIDE stigum.  Sigurður er Fide-meistari og er búinn að ná í einn IM áfanga.  Hann hefur orðið Skákmeistari Reykjavikur og Skákmeistari TR ásamt Norðulandameistaratitlum í sveitakeppni (grunnskóla og menntaskóla).  Besti árangur var sigur á alþjóðlegu móti KB banka árið 2006 og sigur á móti í Ungverjalandi 2001. Sigurður vann Stigamót Hellis sem er fram fór nú nýlega.

Einar Hjalti fer á kostum.

Einar Hjalti Jensson (2227) hefur reynst Goðanum drjúgur liðsmaður síðan hann  gekk til liðs við félagið haustið 2010. Strax í öndverðu var ljóst að mikill fengur væri í svo öflugum keppnismanni. Síðar kom á daginn að hæfileikar hans nýttust félaginu á fleiri vegu.  

 Einar Hjalti Jensson í essinu sínu að uppfræða félagana.

Einar Hjalti hefur lag á að hrífa félaga sína með sér í krafti jákvæðni og félagsþroska. Sú lyndiseinkunn fellur vel að þingeyskri hugmyndafræði Hermanns formanns og félaga sem leggja áherslu á glaðværð og skemmtilegt samneyti. Það á alltaf að vera gaman í Goðanum -   þar gildir einu hvort menn eru að spjalla saman í mesta bróðerni eða berast á banaspjót á vígvelli skákborðsins. 

Einar er ennfremur afar vel að sér í skákfræðunum og býr þar m.a. að þeirri uppfræðslu  er hann hlaut í Skákskóla Íslands sem einn af efnilegustu unglingum landsins. Hann hefur staðið að vandaðri byrjankennslu á skemmtikvöldum Goðans sunnan heiða og hafa sumar kennslustundir hans meira að segja verið sendir félögunum norðan heiða í gegnum Skype. Fyrir skömmu hélt Einar áhugavert erindi um undirbúning og sálfræði skáklistarinnar og sama kvöld hélt Ásgeir P. Ásbjörnsson fróðlegan fyrirlestur um skák á Internetinu, en hann á hugmyndina að þemakvöldum.

Björn Þorsteinsson og Ásgeir P Ásgeirsson fylgjast með.

Einar Hjalti hefur gjarnan aðstoðað einstaka félaga sína í Goðanum við byrjanaval og sitthvað fleira. Þannig var undirrituðum t.d. akkur í ábendingum og hvatningu Einars á nýafstöðnu öðlingamóti. Vonandi nær Einar að skjótast norður í Þingeyjarsýslu með haustinu og halda þar fróðleg og hvetjandi erindi um leynda dóma skáklistarinnar.

Ég vil að endingu óska Einari Hjalta til hamingju með mjög góðan árangur á stigamóti Hellis þar sem hann hafnaði í 1.-3. sæti. Við Goðamenn vonumst til að njóta félagsskapar þessa geðþekka vígamanns um langa framtíð.

Jón Þorvaldsson.

Einar Hjalti með jafntefli í síðustu umferð. Varð í 1-3 sæti.

Einar Hjalti Jensson gerði jafntefli við Sigurð Daða Sigfússon í síðustu umferð á Stigamóti Hellis sem tefld var í kvöld. Sigurður, Einar og Davíð Kjartansson urðu efstir og jafnir með 5,5 vinning, en Einar varð í 3. sæti eftir stigaútreikninga.

                  Einar Hjalti Jensson.

Chess-Results  

Lokastaðan.

1	FM	Sigfusson Sigurdur	ISL	2337	5.5	32.0	22.5	24.00
2	FM	Kjartansson David	ISL	2294	5.5	31.0	22.0	22.75
3		Jensson Einar Hjalti	ISL	2227	5.5	30.0	21.5	22.25
4		Hardarson Jon Trausti	ISL	1602	5.0	30.0	22.0	21.00
5		Ragnarsson Dagur	ISL	1718	5.0	23.5	18.0	15.50
6		Sigurdsson Johann Helgi	ISL	2071	4.5	28.5	20.0	17.00
7		Johannsdottir Johanna Bjorg	ISL	1810	4.5	26.5	19.0	14.00
8	IM	Bjarnason Saevar	ISL	2142	4.0	29.5	21.0	14.75
9		Thorsteinsdottir Hallgerdur	ISL	2019	4.0	29.5	20.5	16.25
10		Traustason Ingi Tandri	ISL	1830	4.0	27.5	20.0	11.50
11		Jonsson Sigurdur H	ISL	1839	4.0	26.0	19.0	13.00
12		Masson Kjartan	ISL	1916	4.0	26.0	19.0	12.25
13		Kjartansson Dagur	ISL	1526	4.0	25.5	19.0	13.75
14		Sigurdarson Emil	ISL	1699	4.0	25.5	18.5	10.50
15		Matthiasson Magnus	ISL	1800	3.5	25.5	19.0	10.50
16		Vigfusson Vigfus	ISL	2001	3.5	25.0	17.5	10.50
17		Johannesson Oliver	ISL	1660	3.5	23.5	16.5	7.75
18		Finnbogadottir Tinna Kristin	ISL	1796	3.5	22.5	17.5	8.00
19		Thorarensen Adalsteinn	ISL	1738	3.5	22.0	15.5	8.25
20		Johannesson Kristofer Joel	ISL	1466	3.5	16.0	12.0	6.25
21		Sigurdsson Birkir Karl	ISL	1535	3.0	25.5	18.0	8.50
22		Kolica Donika	ISL	1000	3.0	22.5	15.5	8.75
23		Sigurvaldason Hjalmar	ISL	1415	3.0	20.0	14.0	4.00
24		Einarsson Oskar Long	ISL	1560	3.0	19.5	15.0	4.00
25		Heimisson Hilmir Freyr	ISL	1313	2.5	22.5	16.5	6.75
26		Bragason Gudmundur Agnar	ISL	0	2.5	21.0	15.5	4.00
27		Ragnarsson Heimir Pall	ISL	1195	2.5	19.0	13.5	5.00
28		Stefansson Vignir Vatnar	ISL	1463	2.0	22.0	16.5	3.50
29		Kravchuk Mykhaylo	ISL	0	2.0	19.5	14.0	3.00
30		Kristbergsson Bjorgvin	ISL	1085	2.0	19.5	14.0	2.00
31		Johannesson Petur	ISL	1047	1.0	18.0	13.0	0.50

Stigamót Hellis. Full hús hjá Einari í dag.

Einar Hjalti Jensson vann tvo góða sigra á stigamóti Hellis í dag. Í 5. umferð vann hann Emil Sigurðsson (1699) og í 6. umferð vann Einar, Davíð Kjartansson (2294).
Einar er ásamt Sigurði Daða Sigfússyni efstur á mótinu með 5 vinninga.

Staða efstu manna:

1	FM	Sigfusson Sigurdur	ISL	2337	5.0	23.5	16.0	19.25
2		Jensson Einar Hjalti	ISL	2227	5.0	20.5	14.0	16.50
3	FM	Kjartansson David	ISL	2294	4.5	22.5	15.0	15.00
4		Sigurdsson Johann Helgi	ISL	2071	4.5	20.5	14.0	15.00

 

7. og síðasta umferð verður tefld á morgun. Þá mætir Einar, Sigurði Daða Sigfússyni (2337) með hvítu mönnunum.

Chess-Results   

Stigamót Hellis. Einar með þrjá vinninga.

Stigamót Hellis hófst í gærkvöld. Einar Hjalti Jenssson er á meðal keppenda á mótinu. þegar 4 umferðum er lokið er Einar með 3 vinning. Einar tapaði fyrir Jóni Trausta Harðarsyni í fyrstu umferð en vann síðan næstu þrjá andstæðinga.

Einar hefur svart gegn Emil Sigurðarsyni (1699) í 5. umferð sem hefst kl. 11:00.
6. umferð verður tefld kl 17:00

Chess-Results  

Staða efstu manna:

Rk.		Name	FED	Rtg	Pts.	TB1	TB2	TB3
1	FM	Sigfusson Sigurdur	ISL	2337	3.5	11.0	5.5	9.25
2	FM	Kjartansson David	ISL	2294	3.5	9.5	4.0	7.75
3	IM	Bjarnason Saevar	ISL	2142	3.5	9.0	4.0	7.50
4		Sigurdsson Johann Helgi	ISL	2071	3.0	10.5	5.5	8.00
5		Hardarson Jon Trausti	ISL	1602	3.0	8.5	4.0	6.50
6		Sigurdarson Emil	ISL	1699	3.0	8.0	4.0	4.50
7		Masson Kjartan	ISL	1916	3.0	7.5	4.0	4.50
8		Jensson Einar Hjalti	ISL	2227	3.0	7.5	3.5	4.50
9		Kjartansson Dagur	ISL	1526	3.0	7.0	4.0	4.50

Ný Íslensk skákstig. Jón Þorvaldsson hækkar um 38 stig

Ný Íslensk skákstig voru gefin út í dag. Jón Þorvaldsson hækkar mesta allra félagsmanna frá síðasta lista, eða um heil 38 stig og Páll Ágúst bætir 20 stigum við sig. Góð frammistaða Jóns og Páls á Öðlingamótinu sést hér í stigahækkun þeirra. Tómas og Sveinn hækka um 16 stig, Snorri um 15 stig og Sighvatur um 13 stig. Ásgeir, Sigurður Jón, Heimir og Valur hækka líka á stigum.
Aðrir standa í stað eða lækka á stigum.

Íslensk skákstig Goðamanna.       Stig 1/6     breyting +/-

Ásgeir Páll Ásbjörnsson                2292           +2           
Þröstur Árnason                           2247           -8
Kristján Eðvarðsson                      2209           -6
Einar Hjalti Jensson                      2209           -6           
Björn Þorsteinsson                       2198           -7           
Tómas Björnsson                          2151           +16
Jón Þorvaldsson                           2083            +38            
Ragnar Fjalar Sævarsson              1935            
Páll Ágúst Jónsson                        1915             +20
Ingi Fjalar Magnússon                   1845             
Sigurður Jón Gunnarsson               1833            +8            
Pétur Gíslason                                1795                       
Benedikt Þorri Sigurjónsson            1740            
Sveinn Arnarson                             1781            +16            
Barði Einarsson                              1755                       
Rúnar Ísleifsson                              1686            -10
Jakob Sævar Sigurðsson                1713             -16      
Smári Sigurðsson                           1640              -1
Baldur Daníelsson                           1655           
Helgi Egilsson                                 1580           
Heimir Bessason                             1528              +8
Ævar Ákason                                 1525           
Sigurjón Benediktsson                    1520
Ármann Olgeirsson                         1405           
Hermann Aðalsteinsson                  1391               -6
Benedikt Þór Jóhannsson                1390              
Sighvatur Karlsson                          1351             +13
Snorri Hallgrímsson                         1332             +15
Sigurbjörn Ásmundsson                  1217              -20 
Sæþór Örn Þórðarson                    1170            
Valur Heiðar Einarsson                   1151               +8
Hlynur Snær Viðarsson                   1047               -5

Sjá heildarlistann hér fyrir neðan:

Skrár tengdar þessari bloggfærslu:

• Ísl skákstig 1 júní 2011

Skákfélagið Goðinn og 641.is í eina sæng.

Veffréttasíðan 641.is, sem segir fréttir úr Suður-Þingeyjarsýslu, hefur gert samkomulag við skákélagið Goðann um að styrkja félagið.

 

                                    641.is

Skákfélagið Goðinn yfirtekur rekstur 641.is, en fyrir þá sem ekki vita að þá er formaður Goðans, Hermann Aðalsteinsson, einnig stofnandi og vefstjóri 641.is.
Það voru því hæg heimatökin þegar Hermann formaður skákfélagsins Goðans og Hermann vefstjóri 641.is gerðu með sér framangreint samkomulag. 

641.is vefurinn hefur verið starfræktur í tvö og hálft ár og hefur fengið góðar móttökur í héraði. Á milli 3 og 400 gestir heimsækja 641.is daglega og flettinga fjöldinn er óðum að nálgast 200.000.

Sjá hér: http://www.641.is

Ritstjóri hvetur félagsmenn til að kíkja reglulega inn á 641.is

Stigamót Hellis. Einar Hjalti Jensson meðal þátttakenda.

Stigamót Hellis hefst annað kvöld kl 19:30 með 4 atskákum. Okkar maður, Einar Hjalti Jensson, er skráður til keppni.

                           Einar Hjalti Jensson.

Nú tæpum tveimur sólarhringum fyrir mót hafa 20 keppendur skráð sig til leiks og er Einar Hjalti næst stigahæstur. Fylgst verður með gengi Einars hér á síðunni.