Hlíðar Þór Hreinsson er genginn í Goðann.

Hlíðar Þór Hreinsson (2180) Ísl (2253 FIDE) hefur tilkynnt félagaskipti úr Haukum í Goðann.    

Hlíðar Þór Hreinsson (tv) teflir við Þröst Þórhallsson stórmeistara. Mynd: skák.is

Með komu Hlíðars Þórs Hreinssonar til félagsins, styrkist Goðinn mikið, enda er Hlíðar Þór öflugur skákmaður.
Hlíðar Þór hóf ferilinn í Taflfélagi Reykjavíkur 7 ára gamall og tefldi með unglingasveitum TR en fór í Taflfélag Kópavogs eftir nokkur ár og var þar allt til að félagið lagðist í dvala. Hlíðar hefur síðustu ár teflt með Skákdeild Hauka í fyrstu og annarri deild. Hann á að baki talsverðan félagsmálaferil, var skákkennari í 8 ár meðfram námi og var stjórnarmaður í Skáksambandi Íslands og Taflfélagi Kópavogs um árabil. Hlíðar er formaður Skákstyrktarsjóðs Kópavogs sem styrkir barna og unglingastarf í Kópavogi.

Hlíðar tefli frekar lítið fyrir utan deildakeppnina, en síðasta mót sem hann tók þátt í var Boðsmót Hauka 2009 og varð hann þar í 1-3. sæti ásamt Hjörvari Steini Grétarssyni og Lenku Ptacnikovu. Besti árangur Hlíðars í deildakeppninni var 6,5 af 7 vinningum 2008-2009 þegar b lið Hauka vann sig upp í fyrstu deild.

Stjórn skákfélagsins Goðans býður Hlíðar Þór Hreinsson velkominn í Goðann.

Athugasemdir

[Skákfélagið Goðinn, 29.6.2011 kl. 20:27]

Velkominn Hlíðar Þór í Goðann. Mikill fengur af komu þinni.

Hermann Aðalsteinsson formaður.

[Jón Þorvaldsson (IP-tala skráð) 29.6.2011 kl. 20:56]

Gleðitíðindi!

Goðanum er mikill akkur í að fá svo góðan félaga og skákmann til liðs við sig. Þegar skákjöfur á borð við Hlíðar Þór bætist í hóp keppenda, styrkjast allar sveitir Goðans, ekki bara A-sveitin.

Ég býð Hlíðar Þór velkominn og vona að Goðinn fái notið frábærs atfylgis hans um ókomin ár.

[Einar Hjalti Jensson (IP-tala skráð) 29.6.2011 kl. 21:07]

Vertu innilega velkominn til Goðans, Hlíðar. Það verður gaman að tefla aftur við hliðna á þér í deildarkeppninni eftir nokkurra ára hlé.

Kveðja,

Einar Hjalti

[Tómas Björnsson (IP-tala skráð) 29.6.2011 kl. 21:27]

Glæsilegt að fá þig Hlíðar sem félaga okkar í Goðanum og þetta mun án efa styrkja okkur í komandi deildakeppni.

Ég býð þig velkominn í sterkan og framsækinn hóp okkar í Goðanum.

Kveðja,

Tómas Björnsson

[Sigurður Jón Gunnarsson (IP-tala skráð) 29.6.2011 kl. 22:42]

Velkominn í Goðann Hlíðar!

Kveðja,

Siggi

[Sighvatur Karlsson (IP-tala skráð) 29.6.2011 kl. 23:13]

Velkominn í Goðann. Fengur væri af komu þinni norður til Húsavíkur til að kenna okkur mannganginn, norðanmönnum. Við tökum vel á móti þér sem öðrum sunnanmönnum. En vertu enn og aftur hjartanlega velkominn. Áfram Goðinn

[Páll Ágúst Jónsson (IP-tala skráð) 29.6.2011 kl. 23:39]

Velkominn í Goðann Hlíðar frábært að fá þig til okkar

kv PAlli

[Smári Sigurðsson (IP-tala skráð) 30.6.2011 kl. 00:18]

Hjartanlega velkominn í hópinn Hlíðar. Megir þú eiga mörg gjöful og gæfurík ár í hópi okkar Goðamanna.

 Smári Sigurðsson

[Erlingur Þorsteinsson (IP-tala skráð) 30.6.2011 kl. 15:13]

Til hamingju Goðamenn! Ég spái að eftir næsta Íslandsmót Skákfélaga verði Goðinn kominn í 1 deild. með góðri kveðju Erlingur Þorsteinsson