Einar Hjalti með fullt hús á Kornax-mótinu

Einar Hjalti Jensson (2301) er efstur með fullt hús að lokinni 4. umferð KORNAX-mótsins - Skákþings Reykjavíkur sem fram fór í dag. Einar vann Lenku Ptácníková (2281). Fimm skákmenn koma næstir með 3,5 vinning.

 

Einni skák úr 4. umferð er frestað og því liggur pörun fimmtu umferðar ekki fyrir en parað verður annað kvöld.

Öll úrslit 4. umferðar má finna hér.

Stöðu mótsins má finna hér.

• Heimasíða TR (beinar útsendingar)
• Myndaablúm (GB)
• Chess-Results

Skákþing Akureyrar hófst í dag.

Skákþing Akureyrar hófst í dag. Alls taka 10 skákmenn þátt í mótinu og er Jakob Sævar Sigurðsson meðal keppenda. Jakob tapaði fyrir Karli Steingrímssyni í 1. umferð.

Jakob verður með svart gegn fyrrum félaga okkar, Rúnari Ísleifssyni í 2. umferð sem verður tefld nk. fimmtudag. 

Sjá nánar um mótið hér og á chess-results 

Kornax-mótið. Einar efstur ásamt þremur öðrum

Einar Hjalti Jensson (2301) er efstur á KORNAX-mótinu - Skákþingi Reykjavíkur, ásamt þremur öðrum skákmönnum Þegar þremur umferðum er lokið. Það eru 4 stigahæstu keppendurnir, Davíð Kjartansson (2323), Lenka Ptácníková (2281) og Omar Salama (2265), auk Einars Hjalta

Öll úrslit 3. umferðar má finna hér.

Stöðu mótsins má finna hér.

Í 4. umferð sem fram fer í dag mætast meðal annars: Davíð-Omar og Lenka-Einar Hjalti. Pörun 4. umferðar í heild sinni má finna hér.

• Heimasíða TR (beinar útsendingar)
  
• Myndaablúm (GB)
• Chess-Results

KORNAX-mótið Einar Hjalti meðal keppenda

Tólf skákmenn eru efstir og jafnir með 2 vinninga að lokinni 2. umferð KORNAX-mótsins - Skákþings Reykjavíkur og er Einar Hjalti Jensson einn af þeim. Tiltölulega lítið var um óvænt úrslit og iðulegu unnu hinir stigahærri þá stigalægri þótt nokkur jafntefli yrðu þar sem stigamunur var töluverður. Öll úrslit 2. umferðar má nálgast hér. 

Staða efstu manna:

Name	RtgI	Club/City	Pts.	TB1	TB2	TB3	Rp
Kjartansson Davíð	2323	Víkingaklúbburinn/Þróttur	2.0	2.0	0.0	2.00	2645
Jensson Einar Hjalti	2301	Goðinn-Mátar	2.0	2.0	0.0	2.00	0
Ptácníková Lenka	2281	Hellir	2.0	2.0	0.0	2.00	0
Salama Omar	2265	Hellir	2.0	2.0	0.0	2.00	0
Ómarsson Daði	2218	TR	2.0	2.0	0.0	2.00	0
Pálsson Halldór	2074	TR	2.0	2.0	0.0	2.00	0
Ragnarsson Jóhann Hjörtur	2043	TG	2.0	2.0	0.0	2.00	1929
Jóhannesson Oliver Aron	1998	Fjölnir	2.0	1.5	0.0	1.50	0
Vigfússon Vigfús Óðinn	1993	Hellir	2.0	1.5	0.0	1.50	0
Karlsson Mikael Jóhann	1960	SA	2.0	1.5	0.0	1.50	0
Sigurðsson Páll	1986	TG	2.0	1.0	0.0	1.00	0
Jóhannsson Örn Leó	1956	Skákfélag Íslands	2.0	1.0	0.0	1.00	0

 

3. umferð stendur nú yfir og má sjá beinar útsendingar frá völdum skákum  hér.

Kristján skákmeistari Skipta 2013

Kristján Eðvarðsson er skákmeistari Skipta 2013, en Kristján vann sigur á skákmóti Skipta sem lauk nýlega. Kristján vann allar sínar skákir 7 að tölu. Kristján er ekki eini Goð-Mátinn hjá Skiptum því Jón Hafsteinn Jóhannsson vinnur þar einnig og hann varð í 15. sæti með 2,5 vinninga.

Lokastaðan. 

 

FASTUS-mótið. Karl, Sigurbjörn, Þröstur og Ingvar efstir

Alþjóðlegi meistarinn, Karl Þorsteins (2464), stórmeistarinn Þröstur Þórhallsson (2441) og FIDE-meistararnir Sigurbjörn Björnsson (2381) og Ingvar Þór Jóhannesson (2340) eru efstir og jafnir með fullt hús að lokinni 2. umferð Fastus-mótsins - Gestamóti Goðans sem fram fór gær.

 

Ingvar Þór Jóhannesson og Hrafn Loftsson 

Sem fyrr var eitthvað um óvænt úrslit. Einar Hjalti Jensson (2301) gerði jafntefli við stórmeistarann Stefán Kristjánsson (2486). Jóhanna Björg Jóhannsdóttir (1872) heldur áfram að eiga frábært mót og gerði nú jafntefli við Andra Áss Grétarsson (2327) og Hallgerður Helga Þorsteinsdóttir vann Björn Þorsteinsson (2209).  Öll úrslit 2. umferðar má finna hér.

Búið er að raða í 3. umferð sem fram fer á fimmtudagskvöld nk. Þá mætast meðal annars: Sigurbjörn-Karl, Þröstur-Ingvar Þór og Stefán - Jóhanna Björg. Röðun í 3. umferð má finna hér.

Mótið fer fram í húsakynnum Skákskóla Íslands, Faxafeni 12.

• Chess-Results

Ármann og Smári efstir á æfingu

Ármann Olgeirsson og Smári Sigurðsson urðu efstir og jafnir á skákæfingu sl. mánudagskvöld. Báðir fengu 6 vinninga af 7 mögulegum. Tímamörk voru 10 mín á mann að þessu sinni.

Lokstaðan:

1-2. Ármann Olgeirsson               6  af 7
1-2. Smári Sigurðsson                  6
3.    Heimir Bessason                   5
4.    Hermann Aðalsteinsson        4
5.    Sigurbjörn Ásmundsson        3
6.    Ævar Ákason                         2,5
7.    Hlynur Snær Viðarsson          1,5
8.    Bjarni Jón Kristjánsson          0 

Athygli félagsmanna er vakinn á því að næsta skákæfing verður í Dalakofanum á Laugum
kl: 20:00 nk. mánudagskvöld 

 

FASTUS-mótið - 2. umferð í kvöld

2. umferð á FASTUS-mótinu verður tefld í kvöld.  Meðal athyglisverða viðureigna má nefna skák Einars Hjalta við Stefán Kristjánsson stórmeistara og viðureign Þrastar Árnasonar við Þröst Þórhallsson stórmeistara.

Pörun í aðra umferð:

 

 Smelltu á myndina til að skoða betur.

    chess-results. 

Gawain vann Hastings mótið

Gawain Jones vann sigur á Hastings-mótinu í skák sem lauk í gær. Gawain fékk 7,5 vinninga af 10 mögulegum og fór taplaus í gegnum mótið. Hjörvar Steinn Grétarsson varð í öðru sæti ásamt nokkrum öðrum keppendum með 7 vinninga.

Gawain með verðlaunin fyrir sigurinn. 

Sjá nánar á heimasíðu Gawains 

Þröstur Þórhallson er skákmáður ársins 2012

Þröstur Þórhallsson er skákmaður ársins 2012 að mati skák.is. Þröstur stóð sig afar vel á Ólympíuskákmótinu og hampaði sínum fyrsta Íslandsmeistaratitli í 25 tilraunum! Hann vann Braga Þorfinnsson í afar spennandi einvígi.

 

Þröstur átti einnig skák ársins, gegn Tyrkjanum Muhammed Dastan á Ólympíuskákmótinu sem hægt er að nálgast hér. 

Og til að kóróna árið stóð Þröstur sig best allra á Atskákmóti Skákklúbbs Icelandair sem fram fór við frábærar aðstæður í Hótel Natura síðustu helgi ársins.

Sjá nánari umfjöllun á skák.is 

FASTUS-mótið Gestamót Goðans-Máta hófst í gær

FASTUS mótið - Gestamót Goðans-Máta hófst 3. janúar. Mótið er gríðarlega sterkt og eru meðalstig keppenda um 2200. Þrír stórmeistarar taka þátt í mótinu, Þröstur Þórhallsson, Stefán Kristjánsson og Lenka Ptacnikova stórmeistari kvenna. Þá eru þrír alþjóðlegir meistarar og 10 Fide-meistarar meðal keppenda auk þess sem Ólympíulandsliði Íslands í kvennaflokki var boðið sérstaklega til leiks. Alls leiða 30 keppendur saman hesta sína á mótinu.

 

Bergþóra Þorkelsdóttir framkvæmdastjóri FASTUS lék fyrsta leikinn í skák Þrastar Þórhallsonar og Björns Þorsteinnssonar. Gunnar Björnsson forzeti SÍ fylgist með 

FASTUS er bakhjarl mótsins en umsjón þess er í höndum skákfélagsins Goðans-Máta. FASTUS mótið 2013 fer fram í húsakynnum Skáksambands Íslands í Faxafeni 12 í Reykjavík, með góðfúslegu leyfi Skákskóla Íslands sem hefur aðstöðuna til umráða. Teflt er á fimmtudagskvöldum og hefst rimma snillinganna við skákborðið kl. 19:30 

Eins og venja er var sitthvað um óvænt úrslit. Þau helstu voru að Jóhanna Björg Jóhannsdóttir (1872) vann Benedikt Jónasson (2246) og Hrafn Loftsson (2193) vann alþjóðlega meistarann Jón Viktor Gunnarsson (2413). 

Tveimur skákum var frestað vegna veikinda en engu að síður er búið að raða í 2. umferð sem fram fer á fimmtudagskvöldið.

Pörun og úrslit má nálgast áChess-Results.

Goðar-Mátar eru sem fyrr duglegir að draga lítt virka skákmenn að skáborðinu. Karl Þorsteins (2464) er nú að tefla á sína fyrsta kappskákmóti síðan í landsliðsflokki Skákþings Íslands árið 1993 en meðal annarra fátíðra keppenda á lengri mótum má nefna Andra Áss Grétarsson (2327) og Þröst Árnason (2291).

 

• Heimasíða Goðans-Máta
• Chess-Results

FASTUS-mótið - Gestamót Goðans-Máta hefst í kvöld

Fastusmótið - Gestamót Goðans-Máta hófst kl 19:30 í kvöld. Mótið fer fram í aðstöðu Skáksambands Íslands í Faxafeni 12 í Reykjavík. Mótið er gríðarlega sterkt og eru meðalstig keppenda yfir 2200 elóstig. Þrír stórmeistarar eru meðal keppenda, Þröstur Þórhallsson, Stefán Kristjánsson og Lenka Ptacnikova stórmeistari kvenna. Alls eru 29 keppendur með í mótinu

3 alþjóðlegir meistarar og 9 Fidemeistarar taka þátt í mótinu auk ólympíuliðs Íslands í kvennaflokki. 

 

 Pörun í 1. umferð.

 

	Name	Rtg	Pts.		Name	Rtg
GM	Kristjansson Stefan	2486	0	FM	Einarsson Halldor Gretar	2218
	Omarsson Dadi	2218	0	IM	Thorsteins Karl	2464
GM	Thorhallsson Throstur	2441	0		Thorsteinsson Bjorn	2209
	Loftsson Hrafn	2193	0	IM	Gunnarsson Jon Viktor	2413
FM	Bjornsson Sigurbjorn	2391	0		Bergsson Stefan	2180
	Bjornsson Sverrir Orn	2154	0	FM	Johannesson Ingvar Thor	2340
FM	Sigfusson Sigurdur	2334	0	FM	Bjornsson Tomas	2151
	Maack Kjartan	2136	0	FM	Gretarsson Andri A	2327
FM	Jensson Einar Hjalti	2301	0		Gunnarsson Sigurdur Jon	2000
	Thorsteinsdottir Hallgerdur	1960	0	FM	Arnason Throstur	2291
WGM	Ptacnikova Lenka	2281	0		Hreinsson Hlidar	2251
FM	Thorsteinsson Thorsteinn	2251	0		Jonsson Pall Agust	1934
	Johannsdottir Johanna Bjorg	1872	0	FM	Jonasson Benedikt	2246
	Olafsson Thorvardur	2221	0		Finnbogadottir Tinna Kristin	1871
	Kristinardottir Elsa Maria	1747			bye

 

Sjá nánar á chess-results 

Fyrirtækið Fastus gefur öll verðlaun á mótinu.  

 

Æfinga og mótaáætlun jan - mars

Fyrsta skákæfing ársins verður nk. mánudag 7 janúar kl 20:30 á Húsavík.

Skákæfinga verða öll mánudagskvöld í vetur kl 20:20.

Skákþing Goðans verður væntanlega helgina 8-10 febrúar 

Smári hraðskákmeistari Goðans-Máta 2012

Smári Sigurðsson varð í kvöld hraðskákmeistari Goðans-Máta með öruggum hætti þegar hann vann alla sína andstæðinga 8 að tölu. Jakob Sævar Sigurðsson varð annar með 7 vinninga og Heimir Bessason varð í þriðja sæti með 5 vinninga. Hlynur Snær Viðarsson vann sigur í yngri flokki með 5 vinninga, Jón Aðalsteinn Hermannsson varð í öðru sæti með 2 vinninga og Bjarni Jón Kristjánsson, sem einnig fékk tvo vinninga, varð í þriðja sæti örlítið lægri á stigum en Jón.

 

Heimir, Jón Aðalsteinn, Smári, Bjarni, Jakob og Hlynur.

Lokastaðan:

1.    Smári Sigurðsson                    8  af 8
2.    Jakob Sævar Sigurðsson          7
3-4. Heimir Bessason                     5
3-4. Hlynur Snær Viðarsson            5
5.    Hermann Aðalsteinsson           3
6-8. Ævar Ákason                           2
6-8. Jón Aðalsteinn Hermannsson  2
6-8. Bjarni Jón Kristjánsson            2
9.    Sighvatur Karlsson                  1         

Hraðskákmót Goðans-Máta verður 28. desember

Hraðskákmót Goðans-Máta 2012 verður haldið í áttunda skipti, föstudagskvöldið 28 desember á Húsavík.  Mótið fer fram í Framsýnar-salnum að Garðarsbraut 26 og hefst stundvíslega kl 20:00. 

Reiknað er með því að mótslok verði um kl 23:00.

Tefldar verða 11 umferðir eftir monrad-kerfi. Verðlaun verða veitt fyrir þrjú efstu sætin, auk farandbikars fyrir sigurvegarann. Einnig verða veitt verðlaun fyrir þrjá efstu í yngri flokki (16 ára og yngri)

Núverandi hraðskákmeistari Goðans-Máta er Jakob Sævar Sigurðsson.

Þátttökugjald er 500 krónur fyrir alla keppendur  

Áhugasamir eru beðnir um að skrá sig til keppni hjá formanni [e-mail] eða í síma 4643187  8213187

Smári efstur á æfingu

Smári Sigurðsson varð efstur með fullt hús vinninga á síðustu skákæfingu ársins 2012 sem fram fór á Húsavík í kvöld. Fyrst voru tefldar 10 mín. skákir og þar urðu úrslit sem hér segir:

1. Smári Sigurðsson                4 vin. af 4

2.-3. Sigurbjörn Ásmundsson    2

2.-3. Heimir Bessason              2

4.-5. Ævar Ákason                   1

4.-5. Hlynur Snær Viðarsson     1

 

Að því loknu langaði mannskapinn í hraðskák að undanskildum Heimi sem kvaddi og hélt heim. Þeir sem eftir voru tefldu eina hraðskákumferð og hún fór svona:

 

1. Smári    3 vin. af 3

2. Bjössi    2

3.-4. Hlynur  1/2

3.-4. Ævar    1/2

 

Síðasti viðburður ársins er hið árlega hraðskákmót Goðans-Máta sem haldið verður föstudagskvöldið 28. desember nk. í Framsýnarsalnum og hefst það kl 20:00 

Íslandsmótið í hraðskák - Friðriksmótið

Íslandsmótið í hraðskák - Friðriksmótið fór fram í höfuðstöðvum Landsbanka Íslands í gær. Goðinn-Mátar áttu 4 keppendur á mótinu og náði Einar Hjalti Jensson bestum árangri þeirra. Einar fékk 7,5 vinninga í 11 skákum. Þröstur Þórhallsson varð í 14 sæti með 7 vinninga. Helgi Áss Grétarsson varð í 20. sæti með 6,5 vinninga og Tómas Björnsson varð í 31. sæti með 6 vinninga.

 

Alls tók 80 keppendur þátt í mótinu. 

 

Röð efstu manna:

• 1. AM Bragi Þorfinnsson (2484) 8,5 v.
• 2. AM Hjörvar Steinn Grétarsson (2516) 8,5 v.
• 3. AM Jón Viktor Gunnarsson (2413) 8,5 v.
• 4.-8. SM Jóhann Hjartarson (2592), AM Björn Þorfinnsson (2386), SM Hannes Hlífar Stefánsson (2512), SM Helgi Ólafsson (2547) og AM Arnar Gunnarsson (2440) 8 v.
• 9.-12. SM Henrik Danielsen (2507), SM Stefán Kristjánsson (2486), SM Jón L. Árnason (2498) og FM Einar Hjalti Jensson (2284) 7,5 v.
• 
  
• Heildarúrslit má finna á Chess-Results.
• Sjá nánar hér

Pálmi hraðskákmeistari Garðabæjar

Pálmi R. Pétursson (2118) vann öruggan sigur á Hraðskákmóti Garðabæjar sem fram fór í gær. Pálmi vann alla níu andstæðinga sína, fékk þremur vinningum meira en næstu menn.  Pálmi er því hraðskákmeistari Garðabæjar.

Ögmundur Kristinsson (2032), Arnaldur Loftsson (2094) og Leifur Ingi Vilmundarson (1948) komu næstir með 6 vinninga.

18 skákmenn tóku þátt.

Lokastöðuna má finna í Chess-Results.

Goðinn-Mátar og Velferðarsjóður Þingeyinga taka höndum saman og efna til fjársöfnunar á Íslenska skákdeginu 26. janúar

Í tilefni af Íslenska skákdeginum 26. janúar nk. mun Goðinn-Mátar og Velferðarsjóður Þingeyinga taka höndum saman og safna peningum fyrir sjóðinn.

 

 

Söfnunin fer þannig fram að félagsmenn Goðans-Máta munu vera í anddyri Kaupfélagshússins á Húsavík, framan við matvörubúðina Kaskó, með skákborð og skákklukku.

Þar geta gestir og gangandi teflt við félagsmenn hraðskákir og greitt fyrir það að lágmarki 500 kr fyrir skákina. Eins geta þeir sem vilja greitt meira. Allt fé sem safnast með þessum hætti mun renna til velferðarsjóðsins.

Ef svo fer að einhver gestur vinni einhvern félagsmann verður viðkomandi umsvifalaust innlimaður í félagið og fær fyrsta árgjaldið að félaginu fellt niður.

 

Nú þegar hafa Heimilistæki heitið á Kristinn Vilhjálmsson, hjá Víkurraf á Húsavík, 50.000 krónum ef hann teflir eina hraðskák við einhvern af félagsmönnum Goðans-Máta á Íslenska skákdeginum.

 

Hermann efstur á æfingu

Hermann Aðalsteinsson varð efstur á skákæfingu sem fram fór á Húsavík í gærkvöld, með fullt hús vinninga. Tefldar voru skákir með 15 mín umhugsunartíma á mann.

Lokataðan:

1. Hermann Aðalsteinsson          5 af 5
2. Sigurbjörn Ásmundsson          4
3. Ævar Ákason                           3
4. Hlynur Snær Viðarsson            2
5. Jón Aðalsteinn Hermannsson  1
6. Bjarni Jón Kristjánsson            0 

Næsta skákæfing verður  mánudaginn 17 desember kl 20:30 á Húsavík