Fjársöfnun Goðans-Máta fyrir Velferðarsjóð Þingeyinga

Íslenski skákdagurinn var haldinn hátíðlegur um allt land í dag. Félagar í Goðanum-Mátum blésu til fjársöfnunar fyrir Velferðarsjóð Þingeyinga á Húsavík og gekk hún ágætlega. Hápunktur söfnunarinnar var þegar Kristinn Vilhjálmsson, starfsmaður Víkurrafs á Húsavík, tefldi eina hraðskák við Sigurbjörn Ásmundsson gjaldkera Goðans-Máta. Heimilstæki hf. höfðu heitið 50.000 krónum í söfnunina ef Kristinn tefldi eina skák og vék hann sér ekki undan því. 

Kristinn Vilhjálmsson að tafli við Sigurbjörn Ásmundsson. Sighvatur Karlsson fylgist með. 

Kristinn stóð lengi vel í Sigurbirni en varð að láta í minni pokann fyrir rest. Nokkrir aðrir tefldu skákir og gáfu fé til söfnunarinnar. Þeirra á meðal var sýslumaður Þingeyinga, Svavar Pálsson. Svavar gerði sér lítið fyrir og vann Hermann Aðalsteinsson formann Goðans-Máta. Svavar var þar með umsvifalaust skráður í félagið, enda var það mönnum metið til tekna að vinna einhvern félagsmann skákfélagsins og ekki verra að vinna sjálfan formanninn.

Páll Svavarsson að tafli við Sigurbjörn Ásmundsson. 

Söfnunni lauk klukkan 16:00 og þá afhenti Hermann Aðalsteinsson formaður Goðans-Máta Þórhildi Sigurðardóttur hjá Velferðarsjóði Þingeyinga, það fé sem safnast hafði yfir daginn. 

 

Hermann Aðalsteinsson formaður Goðans-Máta afhendir Þórhildi Sigurðardóttir söfnunarféð. Mynd: Hafþór Hreiðarsson.

Sjá fleiri myndir í myndaalbúmi hér í hliðardálki. 

KORNAX-mótið. Einar með jafntefli í lokaumferðinni

Einar Hjalti Jensson (2301) gerði jafntefli við Daða Ómarsson (2218) í lokaumferð KORNAX-mótsins sem lauk í gærkvöld. Einar varð í 4. sæti með 6,5 vinninga. Davíð Kjartansson (2323) varð skákmeistari Reykjavíkur eftir hörkubaráttu við Omar Samla (2265).

Davíð varð efstur með 8 vinninga, Omar Salama annar með 7,5 vinning og Mikael J Karlsson varð í þriðja sæti með 7 vinninga.

Úrslit níundu og síðustu umferðar má finna hér.

Röð efstu manna:

• 1. Davíð Kjartansson (2323) 8 v.
• 2. Omar Salama (2265) 7,5 v.
• 3. Mikael Jóhann Kjartansson (1960) 7 v.
• 4.-5. Einar Hjalti Jensson (2301) og Halldór Pálsson (2074) 6,5 v.
• 6.-10. Lenka Ptácníková (2281), Daði Ómarsson (2218), Þór Már Valtýsson (2023), Jóhann H. Ragnarsson (2043) og Júlíus Friðjónsson (21859

Lokastöðu mótsins má finna hér.

 

• Myndaablúm (GB)

Sigurður Daði og Þröstur meðal fjögurra efstu á FASTUS mótinu

Sigurður Daði Sigfússon (2334), Þröstur Þórhallsson,(2441)  Sigurbjörn Björnsson (2391) og Stefán Kristjánsson (2486) og  eru efstir og jafnir með 3½ vinning að lokinni 4. umferð FASTUS-mótsins - Gestamóti Goðans sem fram fór í gærkveldi. Dagurinn í gær var svartur en stjórnendur svörtu mannanna unnu á fjórum efstu borðunum og alls 7 skákir á meðan hvítur vann aðeins tvær skákir. 

 

 

Sigurður Daði vann Karl Þorsteins (2464) í skemmtilegum sviptingum í miðtaflinu og Lenka (2281) gafst upp fyrir Þresti þegar óverjandi mát blasti við. Sigurbjörn hafði betur gegn Ingvari Þór Jóhannessyni (2340) og Stefán lagði Andra Áss Grétarsson (2327) að velli.

 

 

 

Öll úrslit 4. umferðar má finna hér.

 

Stöðu mótsins má finna hér.

 

Búið er að raða í 5. umferð sem fram fer á fimmtudagskvöld nk. Þá mætast meðal annars: Stefán og Sigurbjörn og svo okkar menn, Þröstur og Sigurður Daði.

 

Röðun í 5. umferð má finna hér.

 

Mótið fer fram í húsakynnum Skákskóla Íslands, Faxafeni 12.

•Chess-Results

Skákþing Akureyrar- Jakob vann í 4. umferð

4. umferð Skákþings Akureyrar var tefld í gærkvöld. Jakob Sævar vann Sigurð Arnarson (1977) og lyfti sér upp í 4. sætið á mótinu.

 

Eftir slæma byrjun er Jakob nú kominn á beinu brautina eftir tvo sigra í röð. 5. umferð verður tefld á sunnudag kl 13:00. Þá verður Jakob með svart geng Andra Frey Björgvinssyni. 

Mótið á chess-results 

KORNAX-mótið - Einar í 3. sæti fyrir lokaumferðina

Einar Hjalti Jensson vann Jóhann Ragnarsson í 8. umferð á Kornax-mótinu sem tefld var í gærkvöld. Einar hefur 6 vinninga og er í 3. sæti á mótinu. Efstir á mótinu eru Omar Salama og Davíð Kjartansson með 7,5 vinninga.

 

Í lokaumferðinni verður Einar með svart geng Daða Ómarssyni (2218) en hún verður tefld annað kvöld kl 19:30

Mótið á chess-results 

Smári efstur á æfingu

Smári Sigurðsson varð efstur á skákæfingu sl. mánudagskvöld. Smári fékk 6 vinninga a 7 mögulegum og var Sigurbjörn Ásmundsson sá eins sem vann Smára það kvöld. Tefldar voru skákir með 7 mín umhugsunartíma á mann.

Lokastaðan:

1.    Smári Sigurðsson                    6 af 7
2.    Hermann Aðalsteinsson          4,5
3-4. Ármann Olgeirsson                 4
3-4. Ævar Ákason                          4
5.    Sigurbjörn Ásmundsson          3,5
6.    Hlynur Snær Viðarsson            3
7.    Bjarni Jón Kristjánsson            2
8.    Jón Aðalsteinn Hermannsson  1

 

Skákþing Akureyrar - Jakob vann í dag

Í dag var 3. umferð tefld á Skákþing Akureyrar.

Jakob Sævar Sigurðsson vann Símon Þórhallsson og mætir Sigurði Arnarsyni með hvítu mönnunum nk. þriðjudag.

Sjá nánar hér  

Skákþing Akureyrar. Jakob tapaði fyrir Rúnari

Jakob Sævar Sigurðsson tapaði fyrir Rúnari Ísleifssyni í 2. umferð skákþings Akureyrar sl. fimmtudag. Rúnar Ísleifsson og Haraldur Haraldsson eru sem stendur efstir á mótinu með tvo vinninga, en Jakob er neðarlega, án vinninga, eftir erfiða byrjun í mótinu.

3. umferð verður tefld kl. 13:00 á morgun. Þá verður Jakob með svart geng Símoni Þórhallssyni.

Sjá nánar hér 

Kornax-mótið. Einar Hjalti tapaði fyrir Omar

Einar Hjalti Jensson (2301) tapaði fyrir Omar Salama í sjöttu umferð KORNAX-mótsins - Skákþings Reykjavíkur. Einar er í 9. sæti með 4 vinninga en á inni frestaða skák gegn Davíð Kjartanssyni sem fram fer í dag.

Pörun sjöundu umferðar, sem fram fer á sunnudag, er væntanleg síðar í dag. 

Öll úrslit 6. umferðar má finna hér. 

Stöðu mótsins má finna hér.

• Heimasíða TR (beinar útsendingar)
• Myndaablúm (GB)
• Chess-Results

Smári efstur á æfingu í Dalakofanum.

Smári Sigurðsson varð efstur á skákæfingu sem haldinn var í Dalakofanum í Reykjadal í kvöld. Smári krækti sér í 5,5 vinninga af 6 mögulegum og gerði aðeins jafntefli við Hlyn Snæ Viðarsson.

Þeir Ari Rúnar Gunnarsson og Helgi James Þórarinsson úr Mývatnssveit komu á sína fyrstu skákæfingu í kvöld og stóðu sig með prýði. Tefldar voru 6 umferðir eftir monrad-kefri og var umhugsunartíminn 10 mín á skákina.

 

 

 

 

 

 

Lokastaðan: 

 

  1   Smári,                  1685 5.5      14.0  
  2   Ævar,                   1447 4.5      14.0  
 3-4  Viðar,                       4        14.5  
      Hlynur,                 1073 4        13.5  
 5-8  Hermann,                1347 3        14.5  
      Ármann,                 1413 3        13.0  
      Bjössi,                 1199 3        11.0  
      Bjarni,                      3        10.0  
9-11  Ari,                         2        10.0  
      Helgi James,                 2        10.0  
      Ketill,                      2        10.0  
 12   Jón,                         0        10.0  

Sjá nánari úrslit í skránni hér að neðan.

Skrár tengdar þessari bloggfærslu:

• Æfing 1471 2013

Einar Hjalti með fullt hús á Kornax-mótinu

Einar Hjalti Jensson (2301) er efstur með fullt hús að lokinni 4. umferð KORNAX-mótsins - Skákþings Reykjavíkur sem fram fór í dag. Einar vann Lenku Ptácníková (2281). Fimm skákmenn koma næstir með 3,5 vinning.

 

Einni skák úr 4. umferð er frestað og því liggur pörun fimmtu umferðar ekki fyrir en parað verður annað kvöld.

Öll úrslit 4. umferðar má finna hér.

Stöðu mótsins má finna hér.

• Heimasíða TR (beinar útsendingar)
• Myndaablúm (GB)
• Chess-Results

Skákþing Akureyrar hófst í dag.

Skákþing Akureyrar hófst í dag. Alls taka 10 skákmenn þátt í mótinu og er Jakob Sævar Sigurðsson meðal keppenda. Jakob tapaði fyrir Karli Steingrímssyni í 1. umferð.

Jakob verður með svart gegn fyrrum félaga okkar, Rúnari Ísleifssyni í 2. umferð sem verður tefld nk. fimmtudag. 

Sjá nánar um mótið hér og á chess-results 

Kornax-mótið. Einar efstur ásamt þremur öðrum

Einar Hjalti Jensson (2301) er efstur á KORNAX-mótinu - Skákþingi Reykjavíkur, ásamt þremur öðrum skákmönnum Þegar þremur umferðum er lokið. Það eru 4 stigahæstu keppendurnir, Davíð Kjartansson (2323), Lenka Ptácníková (2281) og Omar Salama (2265), auk Einars Hjalta

Öll úrslit 3. umferðar má finna hér.

Stöðu mótsins má finna hér.

Í 4. umferð sem fram fer í dag mætast meðal annars: Davíð-Omar og Lenka-Einar Hjalti. Pörun 4. umferðar í heild sinni má finna hér.

• Heimasíða TR (beinar útsendingar)
  
• Myndaablúm (GB)
• Chess-Results

KORNAX-mótið Einar Hjalti meðal keppenda

Tólf skákmenn eru efstir og jafnir með 2 vinninga að lokinni 2. umferð KORNAX-mótsins - Skákþings Reykjavíkur og er Einar Hjalti Jensson einn af þeim. Tiltölulega lítið var um óvænt úrslit og iðulegu unnu hinir stigahærri þá stigalægri þótt nokkur jafntefli yrðu þar sem stigamunur var töluverður. Öll úrslit 2. umferðar má nálgast hér. 

Staða efstu manna:

Name	RtgI	Club/City	Pts.	TB1	TB2	TB3	Rp
Kjartansson Davíð	2323	Víkingaklúbburinn/Þróttur	2.0	2.0	0.0	2.00	2645
Jensson Einar Hjalti	2301	Goðinn-Mátar	2.0	2.0	0.0	2.00	0
Ptácníková Lenka	2281	Hellir	2.0	2.0	0.0	2.00	0
Salama Omar	2265	Hellir	2.0	2.0	0.0	2.00	0
Ómarsson Daði	2218	TR	2.0	2.0	0.0	2.00	0
Pálsson Halldór	2074	TR	2.0	2.0	0.0	2.00	0
Ragnarsson Jóhann Hjörtur	2043	TG	2.0	2.0	0.0	2.00	1929
Jóhannesson Oliver Aron	1998	Fjölnir	2.0	1.5	0.0	1.50	0
Vigfússon Vigfús Óðinn	1993	Hellir	2.0	1.5	0.0	1.50	0
Karlsson Mikael Jóhann	1960	SA	2.0	1.5	0.0	1.50	0
Sigurðsson Páll	1986	TG	2.0	1.0	0.0	1.00	0
Jóhannsson Örn Leó	1956	Skákfélag Íslands	2.0	1.0	0.0	1.00	0

 

3. umferð stendur nú yfir og má sjá beinar útsendingar frá völdum skákum  hér.

Kristján skákmeistari Skipta 2013

Kristján Eðvarðsson er skákmeistari Skipta 2013, en Kristján vann sigur á skákmóti Skipta sem lauk nýlega. Kristján vann allar sínar skákir 7 að tölu. Kristján er ekki eini Goð-Mátinn hjá Skiptum því Jón Hafsteinn Jóhannsson vinnur þar einnig og hann varð í 15. sæti með 2,5 vinninga.

Lokastaðan. 

 

FASTUS-mótið. Karl, Sigurbjörn, Þröstur og Ingvar efstir

Alþjóðlegi meistarinn, Karl Þorsteins (2464), stórmeistarinn Þröstur Þórhallsson (2441) og FIDE-meistararnir Sigurbjörn Björnsson (2381) og Ingvar Þór Jóhannesson (2340) eru efstir og jafnir með fullt hús að lokinni 2. umferð Fastus-mótsins - Gestamóti Goðans sem fram fór gær.

 

Ingvar Þór Jóhannesson og Hrafn Loftsson 

Sem fyrr var eitthvað um óvænt úrslit. Einar Hjalti Jensson (2301) gerði jafntefli við stórmeistarann Stefán Kristjánsson (2486). Jóhanna Björg Jóhannsdóttir (1872) heldur áfram að eiga frábært mót og gerði nú jafntefli við Andra Áss Grétarsson (2327) og Hallgerður Helga Þorsteinsdóttir vann Björn Þorsteinsson (2209).  Öll úrslit 2. umferðar má finna hér.

Búið er að raða í 3. umferð sem fram fer á fimmtudagskvöld nk. Þá mætast meðal annars: Sigurbjörn-Karl, Þröstur-Ingvar Þór og Stefán - Jóhanna Björg. Röðun í 3. umferð má finna hér.

Mótið fer fram í húsakynnum Skákskóla Íslands, Faxafeni 12.

• Chess-Results

Ármann og Smári efstir á æfingu

Ármann Olgeirsson og Smári Sigurðsson urðu efstir og jafnir á skákæfingu sl. mánudagskvöld. Báðir fengu 6 vinninga af 7 mögulegum. Tímamörk voru 10 mín á mann að þessu sinni.

Lokstaðan:

1-2. Ármann Olgeirsson               6  af 7
1-2. Smári Sigurðsson                  6
3.    Heimir Bessason                   5
4.    Hermann Aðalsteinsson        4
5.    Sigurbjörn Ásmundsson        3
6.    Ævar Ákason                         2,5
7.    Hlynur Snær Viðarsson          1,5
8.    Bjarni Jón Kristjánsson          0 

Athygli félagsmanna er vakinn á því að næsta skákæfing verður í Dalakofanum á Laugum
kl: 20:00 nk. mánudagskvöld 

 

FASTUS-mótið - 2. umferð í kvöld

2. umferð á FASTUS-mótinu verður tefld í kvöld.  Meðal athyglisverða viðureigna má nefna skák Einars Hjalta við Stefán Kristjánsson stórmeistara og viðureign Þrastar Árnasonar við Þröst Þórhallsson stórmeistara.

Pörun í aðra umferð:

 

 Smelltu á myndina til að skoða betur.

    chess-results. 

Gawain vann Hastings mótið

Gawain Jones vann sigur á Hastings-mótinu í skák sem lauk í gær. Gawain fékk 7,5 vinninga af 10 mögulegum og fór taplaus í gegnum mótið. Hjörvar Steinn Grétarsson varð í öðru sæti ásamt nokkrum öðrum keppendum með 7 vinninga.

Gawain með verðlaunin fyrir sigurinn. 

Sjá nánar á heimasíðu Gawains 

Þröstur Þórhallson er skákmáður ársins 2012

Þröstur Þórhallsson er skákmaður ársins 2012 að mati skák.is. Þröstur stóð sig afar vel á Ólympíuskákmótinu og hampaði sínum fyrsta Íslandsmeistaratitli í 25 tilraunum! Hann vann Braga Þorfinnsson í afar spennandi einvígi.

 

Þröstur átti einnig skák ársins, gegn Tyrkjanum Muhammed Dastan á Ólympíuskákmótinu sem hægt er að nálgast hér. 

Og til að kóróna árið stóð Þröstur sig best allra á Atskákmóti Skákklúbbs Icelandair sem fram fór við frábærar aðstæður í Hótel Natura síðustu helgi ársins.

Sjá nánari umfjöllun á skák.is