Gagnaveitumótið - Haustmót TR hefst í dag

Gagnaveitumótið - Haustmót TR hefst í dag. Goðinn-Mátar á einn félagsmann í mótinu, Einar Hjalti Jensson og er hann þriðji stigahæsti keppandinn. Lokaðir flokkar verða þrír í Haustmóti Taflfélags Reykjavíkur sem í ár ber nafn Gagnaveitu Reykjavíkur. Á sjötta tug keppenda er skráður í mótið en enn er tekið við skráningum í opinn flokk sem mun líklega telja á þriðja tug keppenda.  Töfluröð lokuðu flokkanna er að finna hér að neðan.

• A-flokkur
• B-flokkur
• C-flokkur
• D-flokkur (enn er opið fyrir skráningu)

Smári efstur á æfingu

Smári Sigurðsson varð efstur á hraðskákæfingu í gærkvöld á Húsavík. Smári vann allar sínar skákir nema Sigurbirni, sem tefldi "Stangargambítinn" gegn Smára með góðum árangri.

Staða efstu:

1.    Smári Sigurðsson            7 af 8
2.    Hlynur Snær Viðarsson    6
3.    Sigurbjörn Ásmundsson   5
4-5  Ævar Ákason                   4,5
4-5  Heimir Bessason              4,5
6     Hermann Aðalsteinsson     4
7.    Sighvatur Karlsson           3

Næsta skákæfing verður á Laugum kl 20.00 nk. mánudagskvöld. 

Goðinn-Mátar hraðskákmeistari taflfélaga eftir gríðarlega spennandi úrslitaviðureign

Það var gríðarlega spenna fyrir úrslitaviðureign Hraðskákkeppni taflfélaga sem fram fór í húsnæði Skákskóla Íslands í dag. Um var að ræða endurtekið efni en Goðinn-Mátar og Víkingaklúbburinn mættust í úrslitum rétt eins og fyrra. Þá þurfti að grípa til bráðabana eftir að sveitirnar urðu jafnar 36-36. Þá hafði Víkingaklúbburinn betur í bráðabana 3,5-2,5. 

 

Íslandsmeistarar í hraðskák taflfélaga 2013 Goðinn-Mátar.  Sigurður Daði. Þröstur Árna, Kristján Eðvaðrs, Þröstur Þórhalls, Jón þorvalds, Helgi Áss og Tómas Björnss. Einar Hjalti, Arnar Þorsteins, Magnús Teits og Ásgeir Ásbjörns.  

Ljóst var fyrirfram að sveitirnar væru gríðarlega jafnar og flestir spáðu jafnri viðureign og jafnvel að aftur kæmi til bráðbana. Í sveit Víkingaklúbbsins vantaði Magnús Örn Úlfarsson en í sveit Goðans-Máta vantaði Hlíðar Þór Hreinsson. GoðMátar máttu hins vegar betur við forföllum enda með töluvert meiri breidd en Víkingarnir.

Í upphafi einvígisins var sunginn afmælissöngurinn til heiðurs Gunnar Frey Rúnarssyni liðsstjóra Víkingaklúbbsins sem á afmæli í dag.

GoðMátar byrjuðu með látum, vann fyrstu umferðina 5-1. Víkingar komu hins vegar sterkir til baka og með sigrum með annarri og þriðju umferð voru þeir skyndilega komnir yfir. Víkingar leiddu svo 19-17 í hálfleik.

GoðMátar byrjuðu svo seinni hlutann með látum þegar þeir unnu fyrstu viðureignina eftir hálfleik (7. umferð) 4,5-1,5 og höfðu þar með endurheimt forystuna. Þeir héldu forystunni fram til 10. umferðar þegar Víkingar jöfnuðu metin. Staðan orðin 30-30. Goð-Mátar unnu svo elleftu umferðina 4-2 og leiddu 34-32. Tekið var 5 mínútna hlé og GoðMátar byrjuðu lokaumferðina vel, voru komnir með aðra höndina á titilinn 36-33 en Víkingar unnu þrjár síðustu skákirnar og jöfnuðu metin 36-36!

 

Helgi Áss Grétarsson tekur við bikarnum úr höndum Gunnars Björnssonar forzeta skáksambands Íslands. Mynd: Hrafn Jökulsson. 

Og þá var komið að bráðabana. Þetta var í þriðja skipti í sögu keppninnar sem það gerist. Það gerðist fyrst fyrsta keppnisár keppninnar1995 þegar Taflfélag Garðabæjar vann Skákfélag Hafnarfjarðar í átta liðum úrslitum eftir bráðabana. Næst gerðist það í fyrra hjá Víkingum og Goðmátum!

Spennan var nánast óbærileg fyrir bráðabanann. GoðMátar byrjuðu vel og í stöðunni 3-2 þráskákaði Þröstur Þórhallssyni á móti Stefáni Kristjánssyni og þar með ljóst að sigurinn væri Þingeyinga.

Þeir voru vel að þessu komnir. Fengu erfiða andstæðinga í öllu umferðum þ.e. TR, Helli og Bolvíkinga fram að úrslitunum. Jón Þorvaldsson, liðsstjóri þeirra er ákaflega klókur sem slíkur og er með öll sálfræðitrikkin á hreinu.

Skor GoðMáta var tiltölulega jafnt. Einar Hjalti Jensson hlaut 7,5 vinning, Ásgeir P. Ásbjörnsson, Þröstur Þórhallsson og Sigurður Daði Sigfússon fengu 7 vinninga. Daði reyndist ákaflega dýrmætur "varamaður" en hann kom inn í liðið í fjórðu umferð og var því með 70% skor.

Hannes Hlífar Stefánsson bar höfuð og herðar yfir félaga sína í Víkingaklúbbnum og hlaut 11 vinninga í 13 skákum. Ótrúlega gott skor í svo sterkri keppni. Davíð Kjartansson hlaut 8,5 vinning en Stefán Kristjánsson og Björn Þorfinnsson 8 vinninga. Það sem reyndist Víkingum í raun og veru að falli að enginn vinningur kom í hús á sjötta borði. Afmælisbarnið Gunnar Freyr, formaður og liðsstjóri Víkinga, gerði sér lítið fyrir og vann Helga Áss 2-0.

Einstaklingsskor má nálgast hér. Þar vantar reyndar úrslit bráðabanans en þar urðu úrslit sem hér segir:

• Helgi Áss Grétarsson - Hannes Hlífar Stefánsson 0-1
• Þröstur Þórhallsson - Stefán Kristjánsson 0,5-0,5
• Ásgeir P. Ásbjörnsson - Björn Þorfinnsson 0-1
• Einar Hjalti Jensson - Davíð Kjartansson 1-0
• Sigurður Daði Sigfússon - Gunnar Freyr Rúnarsson 1-0
• Kristján Eðvarðsson - Stefán Þór Sigurjónsson 1-0

Myndir frá keppninni væntanlegar. Fjöldi áhorfenda var viðstaddur keppnina og stemming á skákstað mjög mikil.

Það var Taflfélagið Hellir sem stóð fyrir keppninni sem nú fór fram í 19. sinn. Skákstjórar voru Rúnar Berg og Gunnar Björnsson.

Skákæfinga og mótaplan sept-des 2013

Þá er búið að hnoða saman skákæfinga og mótaplani Goðans-Máta fram til áramóta. Planið er nokkuð svipað og undanfarin ár nema að fastar skákæfingar verða á Laugum einu sinni í mánuði. Skákæfingarnar á Laugum hefjast kl 20:00, eða hálftíma fyrr en æfingarnar á Húsavík.

 

September

2

9

16  Laugar

23

26-27 Skákkennsla Laugum

27-29 Framsýnarmótið Breiðumýri

30

Október

7

10-12 Íslandsmót skákfélaga Reykjavík

14

21 Laugar

28

30 héraðsmót HSÞ 16 ára og yngri Dalakofinn

Nóvember

4

11 Laugar

15. 15. mín skákmótið

18

25

Desember

2

9  Laugar

16

27 Hraðskákmót Goðans-Máta

Skákæfingar verða flest öll mánudagskvöld kl 20:30 í Framsýnarsalnum á Húsavík.

Þó verða skákæfingar eitt mánudagskvöld í mánuði á Laugum og hefjast þær æfingar kl 20:00

Það er gert til þess að auðvelda þátttöku unglinga á svæðinu.....

Ath. Þessi áætlun getur breyst....

Goðinn-Mátar sigraði Bolvíkinga

Goðinn-Mátar vann nauman sigur á Taflfélagi Bolungarvíkur í undanúrslitum hraðskákkeppni taflfélaga í gærkvöld. Lokatölur urðu 37-35 Goðanum-Mátum í vil. Eftir fyrri hlutann höfðu Goðmátar forystu, 20 vinninga gegn 16. Bolar unnu því seinni hlutann 19 - 17. Keppnin fór fram í húsnæði SÍ við Faxafen og var æsispennandi eins og ráða má af tölunum. Fyrir síðustu umferð voru Goðmátar tveimur vinningum yfir og höfðu Bolar hvítt á öllum borðum í lokarimmunni. Þrátt fyrir mikla baráttu á öllum borðum tókst Vestanmönnunum knáu ekki að saxa frekar á forskotið og niðurstaðan varð eins og áður segir.

 

Sveitirnar voru vel mannaðar. Bolvíkingar mættu með Jóhann Hjartarson, Braga Þorfinnsson, Jón Viktor Gunnarsson, Guðmund Gíslason, Halldór Grétar Einarsson og Guðna Stefán Pétursson.

Goðmátar mættu með Helga Áss Grétarsson, Þröst Þórhallsson, Einar Hjalta Jensson, Sigurð Daða Sigfússon, Ásgeir P. Ásbjörnsson, Arnar Þorsteinsson, Kristján Eðvarðsson, Þröst Árnason og Tómas Björnsson.

Sterkastir hjá Goðanum Mátum voru Þröstur Þórhalls með 8,5 af 12, Arnar Þorsteins með 6 af 9, Ásgeir P. með 6,5 af 12 og Helgi Áss, sem var nokkuð frá sínu besta að þessu sinni,  með 6 af 12.

Sterkastir Bolvíkinga voru Bragi Þorfinns og Guðmundur Gísla með 8,5 vinninga af 12, Jón Viktor með 8 af 12 og Jóhann Hjartarson sem aldrei þessu vant var ekki meðal allra efstu manna og hlaut 6 af 12.

Þar munaði því að Kristján Eðvarðs vann Jóhann tvisvar enda hefur Kristján lagt sig í framkróka eftir því að skilja og greina skákstíl þessa besta skákmanns okkar.Hefur hann þar notið aðstoðar ofurtölvu einnar en annars hvílir mikil leynd yfir því hvernig hann afrekaði þetta.

Bolvíkingar sáu um bruðerí í hléi og hljóta þakkir fyrir og eins er meistara Rúnari Berg þökkuð óaðfinnanleg dómgæsla og stigavarsla sem var til fyrirmyndar í hvívetna.

Pálmi R. Pétursson

 

Goðinn-Mátar eru þar með komnir í úrslit annað árið í röð og mæta Víkingaklúbbnum einnig annað árið í röð. Viðureignin fer fram sunnudaginn 8. september nk.

Undanúrslit Hraðskákkeppni taflfélaga fara fram í kvöld

Undanúrslit Hraðskákkeppni taflfélaga fara fram í kvöld. Þar mætast annars vegar Skákfélag Akureyrar og Víkingaklúbburinn og hins vegar Taflfélag Bolungarvíkur og Goðinn-Mátar. Viðureignirnar fara fram í húsnæði SÍ, Faxafeni 12 og hefjast kl. 20. Frá þessu er sagt á skák.is

Spennan er mikil fyrir viðureign Bola og Goð/Máta og úrslitin talinn ráðist á lokametrunum. Bæði liðin hafa tvo stórmeistara í sínum röðum. Fyrir Bolvíkinga tefla "gömlu" stórmeistararnir Jóhann Hjartarson, sem nýlega sigraði á afar sterku minningarmóti Guðmundar Arnlaugssonar og Jón L. Árnason. Með Goð/Mátum tefla "ungu" stórmeistararnir Helgi Áss Grétarsson og Þröstur Þórhallsson.

Í liði Víkara eru auk þess alþjóðlegu meistararnir Bragi Þorfinnsson og Jón Viktor Gunnarsson. Bolar eru sterkari á efri borðunum en Goð/Mátar hafa þéttari sveit. Skákspekingar meta líkurnar u.þ.b. 50-50 á milli þessu sterku klúbba.

Víkingaklúbburinn er að skákspekingum talinn eiga sigurinn vísan gegn Skákfélagi Akureyrar. Klúbburinn er núverandi Íslandsmeistari og hraðskákmeistari taflfélaga. Auk þess eru forföll í liði Akureyringa þar sem einn sterkasti hraðskákmeistari þeirra og landsins mun vera önnum kafinn við lögmannstörf og formaðurinn, Áskell Örn Kárason, verður staddur erlendis en hann er meðal þátttakenda á NM öldunga.

Í liði Víkingaklúbbsins eru meðal annars stórmeistarinn Hannes Hlífar Stefánsson, tólffaldur Íslandsmeistari í skák og Stefán Kristjánsson og alþjóðlegi meistarinn Björn Þorfinnsson. Akureyringar eru þó í góðri æfingu því fjórir liðsmanna þeirra, Stefán Bergsson, Mikael Jóhann Karlsson, Loftur Baldvinsson og Óskar Long Einarsson eru allir meðal keppenda á Meistaramóti Hellis.

Skákspekingar telja stórsigur Víkingaklúbbsins vísan.

Áhorfendur eru velkomnir í Faxafenið í kvöld til að horfa á spennandi skákir.

Framsýnarmótið 2013

Framsýnarmótið í skák 2013 verður haldið helgina 27-29 september nk. að Breiðumýri í Reykjadal Þingeyjarsveit. 

 

Það er skákfélagið Goðinn/Mátar í Þingeyjarsýslu sem heldur mótið með dyggum stuðningi Framsýnar-stéttarfélags og flugfélagsins Ernis  Mótið er öllum skákáhugafólki opið.

 

Dagskrá.

1. umf. föstudaginn 27 sept kl 19:30   25 mín (atskák)
2. umf. föstudaginn 27 -------kl 20:30       
3. umf. föstudaginn 27 -------kl 21:30     
4. umf. föstudaginn 27 -------kl 22:30     

5. umf. laugardaginn 28 sept kl 11:00  90 mín + 30 sek/leik
6. umf. laugardaginn 28 -------kl 17:00   
7. umf. sunnudaginn  29 ------kl 11:00  

Verðlaunaafhending í mótslok.

Verðlaun.

Veittir verða glæsilegir eignarbikarar fyrir þrjá efstu í mótinu sem eru félagsmenn Goðans-Máta sem stéttarfélagið Framsýn gefur í tilefni af samvinnu Framsýnar og skákfélagsins Goðans/Máta. Einnig hljóta þrír efstu utanfélagsmennirnir eignarbikara sem Framsýn gefur.

Einnig verða veitt verðlaun í unglingaflokki (16 ára og yngri) og fá allir keppendur í unglinga flokki skákbækur í verðlaun sem Skáksamband Íslands gefur. 

Mótið verður reiknað til íslenskra skákstiga og til FIDE-skákstiga.
Ekkert þátttökugjald er í mótið.

Upplýsingar.

Allar nánari upplýsingar um Framsýnarskákmótið eru og verða aðgengilegar á heimasíðu skákfélagins Goðans/Máta. Fréttir af mótinu eins og staða, skákir og svo loka-úrslit, verða birt á http://www.godinn.blog.is/  og á http://www.framsyn.is/

Skráning.

Skráning í mótið er hér efst á heimasíðunni. Einnig er hægt að skrá sig til leiks hjá Hermanni Aðalsteinssyni, formanni skákfélagins Goðans/Máta, í síma 4643187 og 8213187 [e-mail]

Upplýsingar um skráða keppendur má skoða hér     

Smári efstur á fyrstu skákæfingu vetrarins

Fyrsta skákæfing vetrarins 2013-2014 fór fram á Húsavík í gærkvöld. Kvöldið hófst þó á stuttum félagsfundi þar sem farið var yfir starfið framundan. Viðburðir eins og Framsýnarmótið og íslandsmót skákfélaga bar þar helst á góma enda stutt í þá viðburði.

 

 

Alls mættu 9 félagsmenn á fundinn. Að fundi loknum voru tefldar 10 mín skákir og kom Smári Sigurðsson best undan sumri.

 

Staða efstu í gærkvöld:

1. Smári Sigurðsson          5 vinningar
2. Ævar Ákason                3,5
3. Hlynur Snær Viðarsson  3
4. Hermann Aðalsteinsson  2,5

Aðrir fengu minna.

Næsta skákæfing verður að viku liðinni í Framsýnarsalnum á Húsavík. 

Félagsfundur og fyrsta skákæfing vetrarins í kvöld !

Vetrarstarf skákfélagsins Goðans-Máta hefst í kvöld með félagsfundi og skákæfingu kl: 20:30 í Framsýnarsalnum á Húsavík.

 

 

  

Á félagsfundinum verður vetrarstarfið rætt og svo teflum við létt að honum loknum.

 

Æskilegt er að sem flestir mæti á fundinn.

 

Stjórnin. 

Mætum Bolvíkingum í undanúrslitum 5. sept

Dregið var fyrr í dag til undanúrslita Hraðskákkeppni taflfélaga. Stóra viðureignin undanúrslita er viðureign Bolvíkinga sem mörðu Eyjamenn í gær og Goðans-Máta, sem hafa farið illa með Reykjavíkurfélögin TR og Helli í fyrri umferðum.

Skákfélag Akureyrar mætir svo sigurvegaranum úr viðureign Víkingaklúbbsins og Skákfélags Íslands sem mætast á þriðjudaginn.

Það eru fastir leikdagar á undaúrslitum og úrslitum keppninnar. Undanúrslitin fara fram á fimmtudaginn 5. september kl. 20 og úrslitin sunnudaginn 8. september kl. 14.

Nánar hér

Hraðskákmót taflfélaga Goðinn-Mátar bar sigurorð af Taflfélaginu Helli

Goðar og Mátar mættu glaðbeittir til sveitakeppni við Hellismenn í Faxafeni í gær. Síðarnefndu höfðu fengið léð salarkynni SÍ af þessu tilefni en þeirra eigin voru í notkun vegna meistaramótsins. Sveitunum laust saman á 6 borðum eins og reglur keppninnar gera ráð fyrir. Viðureignin var spennandi framan af og nokkuð jöfn. Í hléi var staðan 19.5-16.5 Goðmátum í vil en þeir bitu í skjaldarrendur, juku forskotið í seinni hlutanum og unnu að lokum góðan sigur, hlutu 45.5 vinninga gegn 26.5 vinningum Hellis. 

Sterkastir hjá Goðanum-Mátum voru; Þröstur Þórhallsson með 10 af 12, Helgi Áss Grétarsson með 8 af 11 og Ásgeir P. Ásbjörnsson með 6.5 af 9. Sterkastir gestgjafanna voru Hjörvar Steinn Grétarsson með 8.5 af 12, Davíð Ólafsson með 7 af 12 og Andri Áss Grétarsson með 6.5 af 12. 

Hellismönnum er þökkuð viðureignin og viðurgjörningur í hléi.

Pálmi R. Pétursson

Árangur

No.		Name	Rtg	Team	Pts.	Games	%	Bo.
1	GM	Þórhallsson Þröstur	2445	Goðinn-Mátar	10.0	12	83.3	3
2	IM	Grétarsson Hjörvar Steinn	2474	Hellir	8.5	12	70.8	1
3	GM	Grétarsson Helgi Áss	2497	Goðinn-Mátar	8.0	11	72.7	2
4	FM	Ólafsson Davíð Rúrik	2312	Hellir	7.0	12	58.3	2
5	FM	Ásbjörnsson Ásgeir Páll	2275	Goðinn-Mátar	6.5	9	72.2	3
6	FM	Jensson Einar Hjalti	2292	Goðinn-Mátar	6.5	11	59.1	3
7	FM	Grétarsson Andri Áss	2332	Hellir	6.5	12	54.2	3
8		Eðvarðsson Kristján	2210	Goðinn-Mátar	5.0	8	62.5	4
9		Hreinsson Hlíðar Þór	2188	Goðinn-Mátar	4.0	8	50.0	3
10	FM	Árnason Þröstur	2233	Goðinn-Mátar	3.0	4	75.0	4
11		Þorsteinsson Arnar	2167	Goðinn-Mátar	2.5	4	62.5	4

 

Loftur gengur í SA

Loftur Baldvinsson (1703) hefur gengið í uppeldisfélag sitt, Skákfélag Akureyrar, úr Goðanum-Mátum. 

 

Um leið og við þökkum Lofti fyrir samveruna í GM óskum við honum góðs gengis hjá SA. 

Töfluröð Íslandsmóts skákfélaga

Dregið var í fyrstu og aðra deild Íslandsmóts skákfélaga sem fram fer í október nk. A-lið Goðans-Máta mætir B-liði Goðans-Máta í fyrstu umferð. A-liðið fær svo Bolvíkinga í 2. umferð, TR-b í 3.umferð, A-lið Víkingaklúbbsins í 4. umferð og A-lið Taflfélags Reykjavíkur í 5. umferð. 

Töfluröðin er sem hér segir:

1	Víkingaklúbburinn A
2	Taflfélag Reykjavíkur A
3	Hellir A
4	Goðinn-Mátar A
5	Taflfélag Vestmannaeyja A
6	Skákdeild Fjölnis A
7	Goðinn-Mátar B
8	Taflfélag Bolungarvíkur A
9	Taflfélag Reykjavíkur B
10	Skákfélag Akureyrar A

B-lið Goðans Máta fær TV-a í 2. umferð, Fjölni-A í 3. umferð, SA-a í 4. umferð og svo Bolvíkinga í 5. umferð. 

Töfluröð í 2. deild er sem hér segir:

 

1	Taflfélag Akraness
2	Skákdeild Hauka
3	Vinjar A
4	Skákfélag Reykjanesbæjar A
5	Taflfélag Bolungarvíkur B
6	Taflfélaga Vestmannaeyja B
7	Víkingaklúbburinn B
8	Taflfélag Garðabæjar A

Dregið verður í 3 og 4. deild við upphaf Íslandsmóts skákfélaga í október.

Hellir í 8-liða úrslitum

Goðinn-Mátar drógust gegn Helli í 8-liða úrslitum hraðskákkeppni taflfélaga en dregið var í gærkvöld. Hellir á heimaleik. Aðrar viðureignir í 8-liða úrslitum má sjá hér fyrir neðan.

 

 

Hellir -- Goðinn-Mátar
Skákfélag Íslands -- Víkingaklúbburinn
Skákfélag Akureyrar -- Briddsfjelagið
Bolungavík -- Taflfélag Vestmannaeyja 

Þröstur Þórhallsson stórmeistari keppir á Framsýnarmótinu 2013

Skráning á Framsýnarmótið 2013 í skák fer vel af stað, þrátt fyrir að rúmur mánuður sé í mótið. Í morgun voru 8 keppendur búnir að skrá sig til leiks. Meðal þeirra er Þröstur Þórhallsson stórmeistari, Einar Hjalti Jensson, Jón Þorvaldsson og Sigurður Daníelsson.

Framsýnarmótið fer fram daganna 27-29 september á Breiðumýri í Reykjadal í Þingeyjarsveit. 

Það er Framsýn-stéttarfélag í Þingeyjarsýslu sem gefur verðlaun í mótið og þess vegna er ekkert þátttökugjald í mótið.  Mótið er venjulegt helgarmót þar sem tefldar verða fjórar atskákir og þrjár kappskákir.

Nánari dagskrá verður gefin út þegar nær dregur.

Hægt er að skrá sig til leiks hér efst á síðunni.

Hér má sjá lista yfir skráða keppendur. 

 

Ísland hafði betur í seinni umferð

Íslenska liðið vann það færeyska 6-4 í seinni viðureigninni sem fram fór í dag í Klaksvík. Hlíðar Þór Hreinsson, Stefán Bergsson, Haraldur Haraldsson og Viðar Jónsson unnu. Einar Hjalti Jensson, Rúnar Sigurpálsson, Halldór Brynjar Halldórsson og Gunnar Björnsson gerðu jafntefli en aðrir töpuðu.

 

Lokatölur urðu 7,5-12,5 Færeyingum í vil. Haraldur stóð sig best fékk 1,5 vinning en íslenska liðið var að mestu skipað Norðanmönnum.

Einstaklingaúrslit má nálgast á Chess-Results.

• Heimasíða færeyska skáksambandsins
• Chess-Results

Hlíðar Þór vann hraðaskákmót í Færeyjum - Einar varð þriðji

Í gærkveldi fór fram hraðskákmót í Klaksvík þar sem flestir keppenda landsdystins tefldu. Hlíðar Þór Hreinsson  var í miklu stuði og hlaut 15 vinninga í 16 skákum. Annar varð Rúnar Sigurpalsson og þriðji varð Einar Hjalti Jensson.

Síðari hluti landskeppninnar fer fram í dag og hefst kl. 13. Íslendingar stefna á að gera mun betur en á föstudag. skák.is segir frá

 

 

 

 

 

Úrslit hraðskákkeppninnar

 

Rank	Name	Rtg	FED	Pts
1	Hlidar Hreinsson	2238	ISL	15
2	Runar Sigurpalsson	2230	ISL	13½
3	Einar Hjalti Jensson	2305	ISL	12
4	Finnbjorn Vang	2051	FAI	11
5	Gunnar Bjornsson	2102	ISL	10½
6	Halldor Halldorsson	2228	ISL	10
7	Haraldur Haraldsson	0	ISL	9
8	Sigurdur Eiriksson	1946	ISL	9
9	Torbjorn Thomsen	2143	FAI	9
10	Stefan Bergsson	2157	ISL	8
11	Tummas M. Solsker	1927	FAI	7
12	Vidar Jonsson	1997	ISL	6
13	Andrias Danielsen	1859	FAI	6
14	Rogvi M. Olsen	1922	FAI	5
15	Janus Skaale	1334	FAI	3
16	Oskar Long Einarsson	1605	ISL	2
17	Arnhold Davidsen	0	FAI	0

 

Færeyingar unnu stórt í fyrri umferð

Færeyingar unnu afar öruggan sigur í fyrri umferð Landskeppninnar á milli þeirra og Íslendinga sem fram fer um helgina í Klaksvík. Það var snemma ljóst hvert stefndi en sigurinn var þó fullstór eða 8,5-1,5 og litlu samhengi við styrkleikamuninn á milli liðanna.

 

Allt gekk upp hjá hjá Færeyingum. Hjá íslenska liðinu,voru það Rúnar Sigurpálsson, Gunnar Björnsson og Haraldur Haraldsson sem gerðu jafntefli en aðrir töpuðu.

Færeyingar hafa sínt gestum sínum ákaflega mikla gestrisni - nema við skákborðið!

Síðari hluti landskeppninnar fer fram á sunnudag.

• Heimasíða færeyska skáksambandsins
• Chess-Results

Landskeppnin við Færeyjar um helgina

Landskeppnin við Færeyinga fer fram um helgina í Færeyjum. Hlíðar Þór Hreinsson og Einar Hjalti Jensson fara fyrir hönd Goðans-Máta til keppni ásamt skákmönnum úr SA og SAUST auk Gunnars Björnssonar forseta SÍ.

 

 

Búast má við hörku keppni og eru Færeyingar með eitthvað sterkara lið á pappírnum en Íslendingar eiga harma að hefna frá því tapinu fyrir tveimur árum á heimavelli. 

 

 

Samkvæmt heimasíðu Færeyrska skáksambandsins verður liðsuppstillingin svona:

 

Fyrri umferð á laugardag

Borð 1 IM Helgi Dam Ziska   2468   Einar Hjalti Jensson 2305

             

Borð 2 Rógvi Egilstoft Nielsen   2243   Hlíðar Þór Hreinsson 2238

             

Borð 3 FM Carl Eli Nolsøe Samuelsen 2194 Rúnar Sigurpálsson 2230

             

Borð 4 Høgni Egilstoft Nielsen 2102 Halldór Brynjar Halldórsson 2228

             

Borð 5 Torkil Nielsen 2113 2093   Stefán Bergsson 2157

             

Borð 6 Torbjørn Thomsen 2143   Gunnar Bjørnsson 2102

             

Borð 7 Herluf Hansen 2028       Haraldur Haraldsson 2005

             

Borð 8 Terji Petersen 2037        Sigurður Eiríksson 1948

             

Borð 9 Martin Brekká 2028             Viðar Jónsson 1891

             

Borð 10 Súni Jacobsen 1865      Óskar Long Einarsson 1605

             

             

Meðaltal   2122     2071

 

Seinni umferð á sunnudag.            

             

Borð 1 IM Helgi Dam Ziska 2468   Einar Hjalti Jensson 2305

             

Borð 2 IM John Rødgaard 2366   Hlíðar Þór Hreinsson 2238

             

Borð 3 FM Carl Eli Nolsøe Samuelen 2194 Rúnar Sigurpálsson 2230

             

Borð 4 Torkil Nielsen 2113 2093   Halldór Brynjar Halldórsson 2228

             

Borð 5 Torbjørn Thomsen 2143   Stefán Bergsson 2157

             

Borð 6 Terji Petersen 2037 1996   Gunnar Bjørnsson 2102

             

Borð 7 Martin Brekká 2028 1954   Haraldur Haraldsson 2005

             

Borð 8 Tummas Martin Sólsker 1927   Sigurður Eiríksson 1948

             

Borð 9 Súni Jacobsen 1865 1805   Viðar Jónsson 1891

             

Borð 10 Jóannes Guttesen 1609   Óskar Long Einarsson 1605

             

             

Meðaltal   2127     2071

 

Reynt verður að segja fra gengi okkar manna hér á síðunni. 

Góður sigur á TR - Helgi Áss vann allar sínar skákir

Goðinn-Mátar vann öruggan sigur á TR í hraðskákkeppni taflfélaga nú í kvöld. Goðinn-Mátar fengu 52 vinninga gegn 20 vinningum TR. Goðinn-Mátar unnu sigur í 11 af 12 umferðum og þar af þrjár þeirra 6-0. Teflt var í húsnæði Sensu á Klettshálsi. 

 

Helgi Áss Grétarsson var í góðu formi og vann hann allar sínar skákir 12 að tölu. Ásgeir Ásbjörnsson fékk 9 vinninga af 12, Kristján Eðvarðsson fékk 8 vinninga í 9 skákum, Tómas Björnsson fékk 7 vinninga í 8 skákum og Einar Hjalti Jensson fékk 7 vinninga af 10. Aðrir fengu færri vinninga.

Bestir TR-inga voru Arnar Gunnarsson, sem fékk 7 vinninga af 12 og Karl Þorsteinss með 6 vinninga af 12. Aðrir fengu færri vinninga.

Sjá nánar hér