Páll efstur á hraðkvöldi GM-Hellis

Páll Andrason sigraði á hraðkvöldi GM Hellis suðursvæði sem haldið var 28. október sl. Páll fékk sex vinninga í sex skákum. Það voru Örn Leó og Ólafur Guðmarsson sem náðu jafntefli við Pál en hann sýndi mikla hörku í tímahrakinu og halaði þá inn ófáa vinninga. Annar var Örn Leó Jóhannsson með 5,5v en þeir Páll fylgdust að lengi vel Þangað til Erni Leó hlekktist á í lok skákarinnar gegn Vigfúsi í næst síðustu umferð. Þriðja sætinu náði svo Vigfús Ó. Vigfússon með 5v eins og Jóhanna Björg Jóhannsdóttir en Vigfús var hærri á stigum. 

Páll Andrason dró í happdrættinu og það var tala Björgvins Kristbergssonar sem kom upp og fékk hann því gjafamiða á Saffran eins og Páll.

Næsta skákkvöld í félagsheimili GM Hellis verður mánudaginn 4. nóvember kl. 20. Þá verður einnig hraðkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Páll Andrason	6	29	21	25
2	Örn Leó Jóhannsson	5,5	26	20	18
3	Vigfús Vigfússon	5	30	21	19
4	Jóhann Björg Jóhannsdóttir	5	26	20	15
5	Kristófer Ómarsson	4	27	19	12
6	Ólafur Guðmarsson	4	25	17	13
7	Elsa María Kristínardóttir	3,5	25	19	7
8	Hermann Ragnarsson	3,5	21	16	9,3
9	Hjálmar Sigurvaldason	3,5	20	14	6,8
10	Halldór Pálsson	3	27	20	7
11	Gunnar Nikulásson	3	23	17	6
12	Björgvin Kristbergsson	2	18	14	2
13	Hörður Jónasson	1	23	16	0,5

Mótið á Chess-Results

Vignir Vatnar efstur eftir fyrri hlutann á Unglingameistaramóti GM Hellis

Vignir Vatnar Stefánsson er efstur með 3,5v að loknum fjórum umferðum á Unglingameistaramóti GM Hellis (suðursvæði). Jöfn í 2-7 sæti með 3v eru Hilmir Freyr Heimisson, Veronika Steinunn Magnúsdóttir, Dawid Kolka, Mikhael Kravchuk, Oddur Þór Unnsteinsson og Halldór Atli Kristjánsson. Það stefnir því í harða baráttu um efstu sætin og titilinn unglingameistari GM Hellis. Þátttakendur á mótinu eru 21.

Síðustu 3. umferðirnar eru tefldar á morgun þriðjudaginn 29. október og hefst seinni hlutinn kl. 16.30. Þá er von á góðum gesti í heimsókn en Hjörvar Steinn Grétarsson mun þá heilsa upp á keppendur. Hjörvar náði nýlega síðasta áfanganum að stórmeistartitili og það hefur enginn orðið oftar unglingameistari Hellis. Þau voru 5 skiptin sem Hjörvar vann titilinn og oftast var hann einnig í 1. sæti mótinu sjálfu.

Staða efstu manna eftir fyrri hlutann:

1.    Vignir Vatnar Stefánsson               3,5v/4

2.    Hilmir Freyr Heimisson                   3v

3.    Veroníka Steinunn Magnúsdóttir   3v

4.    Dawid Kolka                                  3v

5.    Mikhael Kravchuk                           3v

6.    Oddur Þór Unnsteinsson               3v

7.    Halldór Atli Kristjánsson                3v

8.    Heimir Páll Ragnarsson                  2,5v

Í 5. umferð mætast eftirtaldir skákmenn:

1.   Vignir Vatnar - Dawid

2.   Veronika - Hilmir Freyr

3.   Mikhael - Oddur Þór

4.   Halldór Atli - Heimir Páll

5.   Óskar Víkingur - Stefán Orri

6.   Róbert Luu - Alec Elías

7.   Sindri Snær - Brynjar

8.   Birgir - Ívar Andri

9.   Óttar - Kristófer Eggert

10.  Egill - Kristófer Jökull

11.  Adam - Skotta

Kærum TR hafnað af dómstóli SÍ

Dómstóll Skáksambands Íslands hafnaði öllum kærum Taflfélags Reykjavíkur á hendur GM-Helli í úrskurði sem birtur var síðdegis í dag. í stuttu máli kemst dómstóllinn að því að keppendur í skáksveitum GM-Hellis hafi ekki verið ólöglegir í þeim viðureignum sem kærurnar litu að.

Dómstóllinn telur að ef beiti eigi svo íþyngjandi úrræðum sem TR fer fram á verði sú niðurstaða að eiga ríka lagastoð og sú lagastoð sé ekki fyrir hendi. Samkvæmt almennum reglum félagaréttar tekur sameinað félag við öllum réttindum og skyldum samrunafélags. Þannig verða félagsmenn sjálfkrafa félagsmenn hins sameinaða félags án þess að nein athöfn komi til að þeirra hálfu. Af því leiðir að 20 daga félagaskiptafrestur eigi því ekki við í þessu tilfelli.

Kröfum TR er því hafnað. 

Sjá úrskurðina hér fyrir neðan. 

Skrár tengdar þessari bloggfærslu:

• Úrskurður 28 okt 1
• Úrskurður 28 okt 2

Skákþing Garðabæjar hófst í gær

Skákþing Garðabæjar hófst í gær. Afar góð þátttaka er á mótinu en 48 keppendur taka þátt sem er metþátttaka. Það fyrirkomulag Garðbæinga að skipta mótinu í tvo flokka og tefla aðeins einu sinni í viku virðist hafa gefist afar vel.

Fimm félagmenn GM-Hellis taka þátt í mótinu og tefla þrír þeirra í A-flokki. Felix Steinþórsson gerði jafntefli í 1.umferð en Óskar Víkingur Davíðsson og Jón Eggert Hallsson töpuðu sínum skákum gegn stigahærri andstæðingum.

Brynjar Haraldsson og  Halldór Atli Kristjánsson tefla í B-flokki og töpuðu þeir báðir sínum skákum í 1. umferð

 

 

Pörun 2. umferðar liggur ekki fyrir. 

• Heimasíða TG
• Facebook-síða TG
• Chess-Results

Vigfús sigraði á hraðkvöldi

Vigfús Ó. Vigfússon sigraði á hraðkvöldi GM Hellis suðursvæði, sem haldið var 21. október sl. Vigfús fékk átta vinninga af níu mögulegum og var það Dawid Kolka sem lagði hann að velli í lokaumferðinni.

Vigfús var svo einnig hætt kominn í næst síðustu umferð á móti Magnúsi Matthíassyni þar sem glöggir menn töldu að hann hefði a.m.k. leikið einu ólöglegum leik í tímahraksbarningnum í lokin. Dawid lét hins vegar slíkar kúnstir ekki fram hjá sér fara.  Í öðru sæti varð svo Elsa María Kristínardóttir með 7v og þriðja sætinu náði svo Dawid Kolka með 5,5v eins og Magnús Matthíasson en Dawid var hærri á stigum.

 

Í þetta sinna var það tölvan sem dró í happdrættinu og upp kom talan 7 sem þýðyddi sjöunda sætið sem Gunnar Nikulásson skipaði fær hann því gjafamiða á Saffran eins og Vigfús.

Næsta skákkvöld í félagsheimili GM Hellis verður mánudaginn 28. okóber kl. 20. Þá verður einnig hraðkvöld.

Lokastaðan á hraðkvöldinu:

Röð Nafn

1 Vigfús Óðinn Vigfússon   8   
2 Elsa María Krístinardóttir 7   

3 Dawid Kolka                5,5   

4 Magnús Matthíasson        5,5   

5 Felix Steinþórsson        5   

6 Ólafur Guðmarsson         5   

7 Gunnar Nikulásson         4,5   

8 Óskar Víkingur Davíðsson 2,5    

9 Björgvin Kristbergsson  2      

10 Stefán Orri Davíðsson          0

Íslandsmót 13 og yngri og 15 ára og yngri fer fram 2. og 3. nóvember á Akureyri

Keppni á Íslandsmótinu í skák 15 ára og yngri (fædd 1998 og síðar) og 13 ára og yngri (fædd 2000 og síðar) verður haldið í félagsheimili Skákfélags Akureyrar, Íþróttahöllinni, dagana 2. og 3. nóvember nk.  Tefldar verða 9 umferðir eftir svissneska kerfinu og er umhugsunartíminn 20 mín. + 5 sek. Teflt verður í einum flokki.

Mótshaldari: Skákfélag Akureyar

Skákstaður: Íþróttahöllin á Akureyri

Laugardagur 2. nóvember 

Fyrsta umferð hefst kl. 14. Tefldar verða 5 umferðir. Áætlað er að taflmennsku ljúki fyrir kl. 19. Stutt hlé verður gert eftir þriðju umferð

Sunnudagur 3. nóvember   

Sjötta umferð hefst kl. 11. Tefldar verða 4 umferðir. Stutt hlé verður gert eftir sjöundu umferð. Verðlaunaafhending og mótsslit um kl. 15.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun: Verðlaunabikarar fyrir þrjú efstu sætin í hvorum flokki.

Ferðir og gisting

Kynningarfundur vegna mótanna með formönnum/umsjónarmönnum æskulýðsstarfs verður haldinn nk. þriðjudagskvöld kl. 20 í SÍ. Ætlunin með þeim fundi er að skoða mögulegt samstarf félaganna varðandi ferðatilhögun og gistingu. Tilgangurinn með fundinum er einnig að athuga mögulegan keppendafjölda svo skipulagning mótshaldara geti verið með besta móti.

Skráning

Hægt er að skrá sig til leiks hér. Upplýsingar um þegar skráða keppendur má finna hér.

SKÁKSAMBAND ÍSLANDS

Hlynur efstur á æfingu

Hlynur Snær Viðarsson varð efstur á skákæfingu sem fram fór í Litlulaugaskóla í kvöld. Hlynur vann alla nema Hermann. Tefldar voru skákir með 10 mín umhugsunartíma á mann.

1.   Hlynur Snær Viðarsson          4
2-3 Hermann Aðalsteinsson          3,5
2-3 Sigurbjörn Ásmundsson         3,5
4.   Jón Aðalsteinn Hermannsson  2
5-6 Stefán Bogi Aðalsteinsson      1
5-6 Jakub Pitor Statkiewizce        1

Næsta skákæfing á norðursvæði GM-Hellis verður á Húsavík að viku liðinni. 

Unglingameistaramót GM Hellis, suðursvæði

Unglingameistaramót GM Hellis 2013, suðursvæði hefst mánudaginn 28. október n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 29. október n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri í grunnskóla en titilinn sjálfan getur aðeins félagsmaður í GM Helli unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 4. nóvember n.k.  Keppnisstaður er Álfabakki 14a (inngangur við hliðina á Subway) og er salur félagsins á þriðju hæð. Engin þátttökugjöld.

Verðlaunagripir verða fyrir þrjú efstu sætin. Allir þátttakendur fá skákbók.

Umferðatafla:

1.-4. umferð:                Mánudaginn 28. október kl. 16.³⁰

5.-7. umferð:                Þriðjudaginn 29. október kl. 16.³⁰

Verðlaun:

• 1. Unglingameistari GM Hellis suðursvæði fær farandbikar til varðveislu í eitt ár.
• 2. Þrír efstu fá verðlaunagripi til eignar.
• 3. Allir keppendur fá skákbók.
• 4. Þrír efstu 12 ára og yngri fá verðlaunapening.
• 5. Stúlknameistari GM Hellis suðursvæði fær verðlaunagrip til eignar.

Íslandsmót skákfélaga - Pistlar liðsstjóra GM-Hellis

Fyrri hluti Íslandsmóts skákfélaga fór fram um nýliðna helgi. Hið ný sameinaða félag Skákfélagið GM-Hellir tefldi fram 9 keppnisliðum í mótinu, tveimur í 1. deild, einu í 2. deild og svo þremur liðum í 3 og 4. deild. Yfirliðsstjórn var í öruggum höndum þeirra Jóns Þorvaldssonar, Vigfúsar Vigfússonar og Hermanns Aðalsteinssonar og gekk öll skipulagning vel. Hér fyrir neðan eru birtir pistlar um mótið og skrifar Magnús Teitsson um 1 deild. Vigfús Vigfússon skrifar um 3. deildina og Hermann Aðalsteinsson skrifar pistil um 2. deild og 4. deild.

 

Stórmeistararnir Gawain Maroroa Jones, Robin Van Kampen og Þröstur Þórhallsson leiddu A-sveit GM-Hellis. 

 

Að kvöldi fimmtudagsins 10. október fór Íslandsmót taflfélaga af stað með nýju sniði, tíu liðum í efstu deild. GM Hellir tefldi fram tveimur sveitum og mættust þær í fyrstu umferð til að koma öllu samráði og hagsmunamiðuðum tilfærslum frá sem fyrst. Sem fyrr leiddi hinn geðþekki og nú nýgifti breski ofurstórmeistari Gawain Maroroa Jones A-sveitina og betri helmingurinn, Sue Maroroa Jones, styrkti B-sveitina. Gawain á hægri hönd var stórefnilegur prýðispiltur frá Hollandi, hinn tæplega nítján ára gamli Robin van Kampen. Úrslit í þessari viðureign voru að mestu leyti eftir bókinni; A-sveitin hafði sigur á öllum borðum nema því fimmta, þar sem hinn ólseigi Arngrímur Gunnhallsson náði jafntefli gegn Lenku Ptácníkovu í grimmúðlegri viðureign. Vert er líka að nefna viðureignina á áttunda borði, þar sem sóknarskákmennirnir Jóhanna Björg Jóhannsdóttir og Björn Þorsteinsson skiptust á sverðhöggum, en þar hafði reynslan sigur að þessu sinni eftir snarpa rimmu.

 

 

                 GM-Hellir -B 

 

Framvarðarsveit TR tuktaði hins vegar eigið B-lið með sama mun, og Bolvíkingar buðu Vinaskákfélagið velkomið í efstu deild með álíka skriðtæklingu, þannig að þrjú lið sátu á toppnum eftir fyrstu umferð. Næstir komu Vestmannaeyingar með sex punkta úr greipum Fjölnis og síðan Íslandsmeistarar Víkingaklúbbsins, sem höfðu unnið Skákfélag Akureyrar með fimm og hálfum vinningi gegn tveimur og hálfum.

Í annarri umferð bættust neðri deildirnar í hópinn og var öllu kunnuglegri bragur á því að tefla í stóra salnum í Rimaskóla en ekki hliðarsalnum frá því kvöldið áður, þar sem fótboltalandsleik Íslands og Kýpur var varpað á vegg í staðinn. A-sveitin gekk á undan með góðu fordæmi og vann afbragðs sigur á Taflfélagi Bolungarvíkur, fimm og hálfum vinningi gegn tveimur og hálfum. B-sveitin mætti Taflfélagi Vestmannaeyja og átti undir högg að sækja. Pálmi Pétursson vann hins vegar ágætan sigur á Sigurbirni Björnssyni, bóksalanum öfluga, og Hrannar Arnarsson hélt jöfnu gegn Þorsteini Þorsteinssyni. Á efsta borði stóð Lenka lengi vel til vinnings gegn hinum þrautreynda litháíska ofurstórmeistara Eduardas Rozentalis en hafði að lokum ekki erindi sem erfiði. Einn og hálfur vinningur var hins vegar viðunandi úrslit gegn sveit sem státaði af fjórum stórmeisturum og þremur FIDE-meisturum. Að umferðinni lokinni var A-sveitin á toppi deildarinnar með 13 vinninga en TV hálfum vinningi á eftir. B-sveitin var hins vegar á botninum með tvo vinninga eftir erfiða byrjun.

 

 

             Van Kampen, Jón Þ. Sue og Gawain.

 

Morgunstund gaf gull í mund á löngum laugardegi þegar A-sveitin vann 7-1 sigur á B-sveit Taflfélags Reykjavíkur, sem var svipuð úrslit og við var að búast miðað við styrkleika. B-sveitin dró þrjá vinninga í hús gegn Fjölni, en áhugavert er að bera saman samsetningu sveitanna í þessari viðureign. Heil 678 Elo-stig skildu að efsta og neðsta borð Fjölnis, meðan aðeins 191 stig var á milli sömu borða hjá jafnari sveit okkar fólks. Enda fór svo að neðstu borðin reyndust happadrýgst og Mátarnir Jón Árni Jónsson og fyrrnefndur Arngrímur hirtu heila punkta. Á meðan hrökk Víkingavélin í gang og flengdi Vinaskákfélagið 8-0, Skákfélag Akureyrar vann óvæntan 5-3 sigur á Taflfélagi Reykjavíkur og Eyjamenn höfðu Bola undir með minnsta mun. Okkar menn í A-sveitinni voru enn efstir en Víkingar einum og hálfum vinningi á eftir. B-sveitin var hins vegar í botnkraðaki með Vinaskákfélaginu og TR-b.

 

 

                Gunnar Björnsson var á 1. borði í C-sveit GM-Hellis.

 

Eftir síestuna settist A-liðið niður gegnt Íslandsmeisturunum í Víkingaklúbbnum og upphófst hörð rimma sem lauk með minnsta mögulega tapi. Sömu punktatölu náði B-liðið gegn Akureyringum í heldur friðsamlegri viðureign þar sem Baldur Kristinsson hafði betur gegn skákfrömuðinum valinkunna Stefáni Bergssyni, en hvorug úrslitin voru fjarri því sem búast mátti við fyrir fram. Vestmannaeyingar stukku í toppsætið með því að kjöldraga B-lið TR 7½-½ en A-lið TR lék Vinaskákfélagið jafn grátt. Bolvíkingar unnu síðan Fjölnismenn 5½-2½. Enn var allt í járnum á toppnum, við vinningi á eftir Eyjamönnum og Víkingar andandi ofan í hálsmálið á okkur hálfum vinningi neðar. Allt var hins vegar í framför í fallbaráttunni og bil að myndast á milli B-sveitarinnar annars vegar og Vina og TR-b hins vegar.

Á sunnudag mætti A-lið GM Hellis stórveldinu TR og marði minnsta mögulega sigur með góðum sigrum hjá van Kampen og Sigurði Daða. B-sveitin hafði þrjá vinninga af Bolvíkingum, þar sem Baldur Kristinsson vann aftur, nú gegn Magnúsi Pálma Örnólfssyni. Björn Þorsteinsson og Jón L. Árnason sættust á skiptan hlut, svo og Tómas Björnsson og Jón Viktor Gunnarsson. Einnig skildu Kristján Eðvarðsson og Bragi Þorfinnsson jafnir en á efsta borðinu mátti Magnús Teitsson játa sig sigraðan eftir tímahraksbarning gegn Jóhanni Hjartarsyni. Enn ein frambærileg úrslit hjá varaliðinu. Í fréttum var það annars helst þann dag að Víkingar og Eyjamenn skildu jafnir í þungavigtarslag, Akureyringar unnu Vinaskákfélagið 7-1 og Fjölnir sigraði TR-b með 6½ vinningi gegn 1½.

 

              A-sveit GM-Hellis gegn Víkingaklúbbnum. 

 

Að fimm umferðum loknum af níu er baráttan á toppnum æsispennandi. Taflfélag Vestmannaeyja hefur sýnt mikinn stöðugleika og er efst með 28½ vinning en A-sveit GM Hellis er aðeins hálfum vinningi þar á eftir. Víkingaklúbburinn kemur síðan næstur með 27 vinninga og virðist eiga léttari andstæðinga eftir, þannig að óráðlegt kann að vera að veðja á að nýir Íslandsmeistarar verði krýndir í vor. TR, TB og SA eru heldur ekki víðs fjarri en þurfa að gefa í til að komast í verðlaunasæti. Fjölnismenn úr Grafarvogi eru í einskismannslandi deildarinnar en B-sveit GM Hellis stendur vel að vígi til að bjarga sér frá falli nema Vinaskákfélagið og TR-b komi á óvart í síðari fjórum umferðunum í febrúarlok.

Gawain Jones sýndi enn og aftur hvílík mulningsvél hann er í þessari keppni, enda kann hann hvergi betur við sig en á Íslandi. Frammistaða upp á 2.796 stig og 4½ vinningar er ógnvekjandi árangur. Þá var Robin van Kampen fjalltraustur með fjóra vinninga. Árangur Einars Hjalta Jenssonar er einstaklega eftirtektarverður, en hann tefldi eins og 2.559 stiga maður og leyfði aðeins eitt jafntefli. Slík grimmd er til fyrirmyndar og sýnir hversu nautsterkur skákmaður Einar Hjalti er orðinn. Einnig átti Sigurður Daði stórgóða helgi og Kristján Eðvarðsson var afar stöðugur þrátt fyrir brokk milli A- og B-liða. Félagsmenn GM Hellis geta verið hæstánægðir með gengi liðanna tveggja í efstu deild en mörg stig eru enn eftir í pottinum og baráttan verður enn meira spennandi í vor. 

 

 
             D-sveit GM-Hellis.

2. deild

Þar sem Goðinn-Mátar og Hellir áttu samtals þrjú lið í 1. deildinni fyrir sameiningu og reglur leyfa ekki þrjú lið frá sama félagi í efstu deild varð það hlutskipti C-liðs GM-Hellis að tefla í 2. deildinni og tók Vinaskákfélagið laust sæti í 1. deild í staðinn. C-liðið tapaði 2-4 fyrir TV-B í 1. umferð og tapaði síðan stórt fyrir B-sveit Víkingaklúbbsins, ½-5½, í annarri umferð. Liðið fékk 1½ vinning gegn Skákfélagi Íslands í 3. umferð en náði jafntefli gegn Haukum í 4. umferð, 3-3. 

C-lið GM-Hellis er í neðsta sæti í 2. deildinni með 7 vinninga og þarf að ná hagstæðum úrslitum í seinni hlutanum til þess að falla ekki um deild. Vigfús Vigfússon og Arnaldur Loftsson náðu bestum árangri þeirra sem tefldu í C-liðinu og uppskáru 2½ vinning hvor fyrir C-liðið 

 

3. deild.

Skákfélagið GM Hellir var með þrjár sveitir í 3. deild að þessu sinni sem fengu heitin D, E og F. Við veltum því mikið fyrir okkur að senda sterka unglingasveit til leiks sem þeir Hilmir Freyr, Dawid, Felix, Heimir Páll, Óskar Víkingur og Alec Elías hefðu skipað. Sú sveit hefði teflt í fjórðu deildinni en við hættum við það þegar í ljós kom að F-sveitin í 3. deild hefði verið mun veikari en þessi unglingasveit og E-sveitin hefði verið sambærileg og þessi unglingasveit að styrkleika. Einnig hafði það áhrif að í 3. deildinni voru flestar sveitir vel skipaðar enda búið að fækka í deildinni um tvær sveitir frá árinu áður, þannig að hana skipuðu 14 sveitir. Þessir yngri félagsmenn fengju þá tækifæri til að tefla við sterka og reynda skákmenn í hverri viðureign.

 

             GM-Hellir E-sveit 

 

Þessi ákvörðun átti eftir að borga sig því þeir unglingar sem tefldu fyrir sveitirnar í 3. deild höluðu inn marga vinninga og eiga sinn þátt í að staða sveitanna er mun betri en búist var við. Fyrir fram reiknuðum við með að D-sveitin yrði fyrir ofan miðju, E-sveitin við miðju eða aðeins neðar og F-sveitin yrði í mikilli fallhættu. Sveitirnar eru nokkuð á svipuðu róli og reiknað var með fyrir utan það að F-sveitin er fyrir ofan E-sveitina, sem helgast að einhverju leyti af misjafnlega sterkum andstæðingum í sunnudagsumferðinni. Líklega jafnast það þegar líður á mótið.

D-sveitina skipuðu Hallgerður Helga Þorsteinsdóttir, Helgi Brynjarsson, Jóhanna Björg Jóhannsdóttir, Fumey Enyonam Sewa, Sigurður G. Daníelsson, Sigurður J. Gunnarsson, Jakob Sævar Sigurðsson, Snorri Þór Sigurðsson, Kristján Halldórsson, Óskar Maggason, Örn Stefánsson og Hilmir Freyr Heimisson.

E-sveitina skipuðu Snorri Þór Sigurðsson, Kristján Halldórsson, Óskar Maggason, Örn Stefánsson, Halldór Kárason, Elsa María Kristínardóttir, Hilmir Freyr Heimisson, Tómas Árni Jónsson, Smári Sigurðsson, Dawid Kolka, Jón Gunnar Jónsson, Benedikt Þorri Sigurjónsson, Kristófer Ómarsson, Gunnar Nikulásson og Sigurður Freyr Jónatansson.

F-sveitina skipuðu Smári Sigurðsson, Dawid Kolka, Kristófer Ómarsson, Gunnar Nikulásson, Sigurður Freyr Jónatansson, Felix Steinþórsson, Heimir Páll Ragnarsson, Jón Eggert Hallsson, Haraldur Magnússon, Ævar Ákason, Hermann Aðalsteinsson og Óskar Víkingur Davíðsson.

 

 

             GM-Hellir F-sveit 

 

4. deild. 
GM-Hellir tefldi fram þremur liðum í 4. deildinni; G-liði og svo Unglingaliði A og B. G-liðið átti erfitt uppdráttar til að byrja með og tapaði stórt fyrir B-liði Reykjanesbæjar ½-5½. G-liðið tapaði einnig stórt fyrir TR-unglingasveit B í annarri umferð. G-liðið fékk svo okkar eigin unglingasveit B í þriðju umferð og vann örugglega 5½-½ og vann svo 6-0 sigur á B-sveit skákdeildar Hauka. Staða G-liðsins í 4. deildinni er ágæt. Liðið er í 9. sæti með 4 punkta og 13 vinninga en mun líklega ekki blanda sér í toppbaráttuna að þessu sinni. Óskar Víkingur Davíðsson stóð sig best í G-liðinu og fékk 2½ vinning úr þremur skákum.

 

 

              GM-Hellir G-sveit teflir við Unglingasveit B 

Unglingalið A tapaði fyrir B-sveit Vinaskákfélagsins í 1. umferð 1½-4½. Gerði svo jafntefli við Skákdeild Hauka-B í annarri umferð. Liðið tapaði 0-6 fyrir D-liði Víkingaklúbbsins í 3. umferð og mætti svo hinu unglingaliðinu okkar í 4. umferð og vann nauman sigur 3½-2½. Liðið er í 12. sæti með 8 vinninga. Brynjar Haraldsson náði tveim vinningum úr 4 skákum og Sindri Snær Kristófersson fékk 1½ vinning.

 

              Unglingasveitir GM-Hellis, A og B mættust í 4. umferð. 

Unglingalið-B var eingöngu skipað unglingum úr Þingeyjarsýslu og var þetta í fyrsta sinn sem liðsmenn sveitarinnar taka þátt í Íslandsmóti skákfélaga. Fyrir fram var ekki búist við stórum afrekum hjá liðinu en það var þó ekki „núllað út“ í neinni viðureign. Liðið náði hálfum vinningi gegn Mosfellsbæ í 1. umferð og í annarri umferð náðist einn vinningur gegn B-liði SSON, þar sem Bjarni Jón Kristjánsson gerði sér lítið fyrir og vann Ingibjörgu Eddu Birgisdóttur á fyrsta borði með glæsilegum hætti. Unglingaliðið náði svo ½ vinningi gegn G-liðinu okkar og 2½ vinningi gegn unglingaliði A, eins og áður segir. Liðið er sem stendur neðst í 4. deildinni með 4½ vinning. Eyþór Kári Ingólfsson fékk 1½ vinning og þeir Bjarni Jón og Helgi James Þórarinsson fengu einn vinning hvor. 

 

           Vigfús Vigfússon Omar Salama yfirmótsstjóri og Viðar Njáll Hákonarson.

Nokkrir eftirmálar urðu af fyrri hluta Íslandsmótsins, sem ekki sér fyrir endan á, því alls bárust okkur 11 kærur vegna meintrar ólöglegrar uppstillingar á sameiginlegu liði GM-Hellis. Mótsstjórn ÍS vísaði þeim öllum frá í vikunni en þremur þeirra var vísað til dómstóls Skáksambandssins.

Þegar þetta er skrifað hefur dómstóll SÍ ekki skilað af sér niðurstöðu.  Niðurstöðu er að vænta á næstu dögum.  

Formaður og varaformaður GM-Hellis þakkar öllum þeim skákmönnum sem tefldu fyrir GM-Helli í fyrri hluta Íslandsmótsins kærlega fyrir og vonast eftir því að sjá þá alla í seinni hlutanum í Hörpu. 

Einar Hjalti Jensson sigurvegari Gagnaveitumótssins

FIDE-meistarinn Einar Hjalti Jensson (2305) sigraði á Gagnaveitumótinu - Haustmóti TR sem lauk í gærkveldi. Einar, sem gerði jafntefli við Oliver Aron Jóhannesson (2007) í lokaumferðinni, hlaut 7,5 vinning í 9 skákum. Frábær frammistaða hjá honum. Jón Viktor Gunnarsson (2409) og Stefán Kristjánsson (2491) urðu í 2.-3. sæti með 7 vinninga eftir jafntefli í innbyrðisskák í lokaumferðinni.

Einar hefur farið á kostum við skákborðið í haust.  Hann er taplaus 21 skák  sem hann hefur teflt og þar af eru 16 sigrar og 5 jafntefli.

Einar hækkar líklega um 45 stig og verður væntanlega komin með 2350 stig 1. nóvmeber nk.  

 

Lokastaðan í A-flokki:

Rk.		Navn	RatI	Klub/By	Pts.	Rp	rat+/-
1	FM	Jensson Einar Hjalti	2305	GM Hellir	7.5	2443	22.5
2	IM	Gunnarsson Jón Viktor	2409	TB	7.0	2379	-0.6
3	GM	Kristjánsson Stefán	2491	TB	7.0	2370	-6.8
4		Bergsson Stefán	2131	SA	5.0	2233	16.2
5		Jóhannesson Oliver Aron	2007	Fjölnir	3.5	2123	14.7
6		Ragnarsson Dagur	2040	Fjölnir	3.5	2120	9.3
7		Þórhallsson Gylfi Þór	2154	SA	3.0	2062	-18.5
8		Björnsson Sverrir Örn	2136	Haukar	3.0	2064	-14.9
9		Ragnarsson Jóhann Hjörtur	2037	TG	3.0	2075	2.4
10		Maack Kjartan	2128	TR	2.5	2024	-20.7

Mótstöflu flokksins má nálgast á Chess-Results.

Mótsstjórn vísar kærunum 8 frá

Mótsstjórn Íslandsmóts skákfélaga hefur vísað frá 8 kærum TR á hendur GM-Hellis vegna fyrri hluta Íslandsmóts skákfélaga dagana 10.-13. október 2013. Ein kæra var á hvern liðsmann A-sveitar GM-Hellis í 1. deildinni. 

Af kærum TR í máli þessu verður ráðið að um sé að ræða sama ágreiningsefni og TR bar undir mótsstjórn með kæru þann 13. október 2013 og mótsstjórn vísaði frá með úrskurði 14. sama mánaðar, sbr. mál nr. 4/2013.

Með úrskurði þessum komst mótsstjórn að þeirri niðurstöðu að ágreiningur um þátttöku hins sameinaða félags GMH í Íslandsmóti skákfélaga 2013-2014 heyrði ekki undir mótsstjórn.

Með vísan til þess þykir bera að vísa kærum TR í máli þessu frá.

Búið er að vísa fyrstu þremur kærunum til dómstóls SÍ sem hefur nokkra daga til að birta sinn úrskurð. Einnig er hægt að vísa þessum 8 kærum til dómstólsins. 

Sjá má allan úrskurðinn hér fyrir neðan. 

Skrár tengdar þessari bloggfærslu:

• Úrskurður 17 okt

Einar Hjalti efstur fyrir lokaumferðina

FIDE-meistarinn Einar Hjalti Jensson (2305) er efstur fyrir lokaumferð Gagnaveitumótsins - Haustmóts TR. Í áttundu og næstsíðustu umferð, sem fram fór í gærkvöld, vann hann Sverri Örn Björnsson (2136). Einar hefur 7 vinninga. Jón Viktor Gunnarsson (2409) og Stefán Kristjánsson (2491) eru í 2.-3. sæti með 6,5 vinning. Jón vann Dag Ragnarsson (2040) en Stefán lagði nafna sinn Bergsson (2131).

 

Í lokaumferðinni sem fram fer á föstudagkvöld mætast Jón Viktor og Stefán en Einar teflir við Oliver.

Mótstöflu flokksins má nálgast á Chess-Results.

Mótsstjórn Íslandsmóts skákfélaga vísar kærum TR frá

Mótsstjórn Íslandsmóts skákfélaga hefur vísað frá kærum TR á GM-Helli vegna Íslandsmóts skákfélaga. TR hafði kært þrjár viðureignir. Annars vegar viðureignum a- og b-liða sinna gegn a-sveit GM Hellis í efstu deild og hinsvegar viðureign c-lið síns gegn e-liði GM Hellis í þriðju deild. Úrskurðurinn var birtur í gær.

Kært var á þeim forsendum að sveitarmeðlimir hinna sameinuðu félaga var ólöglegir með sameinuðu félagi í ljósi að þess að sameiningar félaganna hefðu átt sér stað eftir að félagaskiptaglugganum hafi verið lokað.

Mótsstjórn vísaði málunum frá þar sem hún taldi málið ekki heyra undir sig. Félögin geta áfrýjað málunum til Dómstóls SÍ innan 3ja sólarhringa.

Úrskurðinn má lesa hér fyrir neðan.

Skrár tengdar þessari bloggfærslu:

• Úrskurður mótsstjórnar

A-sveit GM-Hellis í öðru sæti eftir fyrri hlutann

Skákfélagið GM Hellir A-sveit er í öðru sæti á Íslandsmóti skákfélaga með 28 vinninga eftir sigur á Taflfélagi Reykjavíkur 4,5-3,5 í 5. umferð í dag. TV er efst með hálfum vinningi meira og Víkingaklúbburinn er í þriðja sæti með 27 vinninga. Búast má við harðri baráttu þessara þriggja félaga um Íslandsmeistaratitilinn í síðari hlutanum sem fram fer 27. febrúar - 1. mars nk.

Robin Van Kampen þungt hugsi á 2. borið í A-liði GM-Hellis 

Önnur úrslit fimmtu umferðar voru að Bolvíkingar unnu b-sveit GM Hellis naumlega, Fjölnir vann öruggan sigur á b-sveit TR og það sama gerði Skákfélag Akureyrar gegn Vinaskákfélaginu. B-lið GM-Hellis er í 8 sæti með 12 vinninga og með ágætt forskot á tvö neðstu liðin.

 

Unglingasveit GM-Hellis B.

Mótstöflu má finna á Chess-Results.

 
2. deild

Taflfélag Garðabæjar er efst með 16 vinninga, Skákfélag Reykjanesbæjar er í öðru sæti með 15,5 vinning og b-sveit Víkingaklúbbsins er í þriðja sæti með 14 vinninga. C-lið GM-Hellis hefur ekki náð sér vel á strik og er neðst með 7 vinninga eftir fyrri hlutann.

Stöðuna í 2. deild má finna á Chess-Results .

3. deild

Skákdeild KR er í efsta sæti með 7 stig. B-sveit Skákfélags Akureyrar, Skákfélag Selfoss og nágrennis og b-sveit Skákfélag Íslands eru í 2.-4. sæti með 6 stig. GM-Hellir er með þrjú lið í 3. deild og eru D og F-liðin um miðja deild og E-liðið er í 4 neðsta sæti.

Stöðuna í 3. deild má finna á Chess-Results.

4. deild

B-sveit Skákfélags Reykjanesbæjar er efst með 8 stig. Í 2.-4. sæti eru d- og c-sveitir Skákfélags Akureyrar og a-unglingasveit TR. G-sveitin er í 9 sæti með 4 punkta og 13 vinninga eftir 6-0 sigur í dag. Unglingasveit A er í 14. sæti með 2 punkta og 7 vinninga, en Unglingasveit B er neðst með 4,5 vinninga.

Stöðuna í 4. deild má finna á Chess-Results.

Nánar síðar. 

 

• Heimasíða Íslandsmóts skákfélaga
• Chess-Results
• Myndaalbúm (HÁ og ESE)

 

A-lið GM Hellis í 2. sæti eftir 4 umferðir

A-lið GM-Hellis er í öðru sæti í 1. deild Íslandsmóts skákfélaga þegar 4 umferðum er lokið með 23,5 vinninga, einum vinning minna en TV og hálfum vinningi meira en Víkingaklúbburinn sem er í þriðja sæti. B-liðið er í 8. sæti með 8,5 vinninga, tveimur og hálfum vinningi meira en Vinaskákfélagið og þremur og hálfum meira en B-lið TR sem er neðst.

C-liðið er sem stendur neðst í 2. deild og D, E og F-liðin eru 9-11. sæti í 3. deild.

G-liðið er í 12 sæti í 4. deild og unglingasveitirnar A og B reka lestina í 4. deild.

Óvænt úrslit urðu í viðureign Unglingasveitar B við SSON-b í morgun , en þá gerði Bjarni Jón Kristjánsson sér lítið fyrir og vann Ingibjörg Eddu Birgisdóttur (1791) á 1. borði. Eyþór Kári Ingólfsson gerði jafntefli við liðsfélaga sinn Ævar Ákason (1453) í 3. umferð og Ari Rúnar Gunnarsson gerði jafntefli við Sigurð Örn Leósson (1487) 

Sjá nánar á chess-results 

GM-Hellir efst eftir tvær umferðir á Íslandsmóti skákfélaga

A-sveit GM-Hellis ef efst í 1. deild á Íslandsmóti skákfélaga eftir góðan 5,5-2,5 sigur á Bolungarvík í annarri umferð í gærkvöld. B-sveitin er sem stendur neðst með tvo vinninga.

Gengi annarra liða var upp og ofan en góðir sigrar D og F sveitanna í þriðju deildinni standa uppúr.

Sjá nánar á chess-results. 

Íslandsmót skákfélaga hófst í gærkvöld

Fyrsta umferð fyrstu deildar Íslandsmóts skákfélaga fór fram í gærkvöld. Svo skemmtilega vildi til að sterkari fimm sveitirnar mættu þeim fimm lakari. Og úrslitin voru yfirleitt stór. TR og GM-Hellir unnu eigin b-sveitir 7,5-0,5 og Bolvíkingar lögðu Vinaskákfélagið með sama mun. TV vann Fjölni 6-2. Óvæntustu úrslitin verða að teljast að Íslandsmeistarar Víkingaklúbbsins unnu Skákfélaga Akureyrar "aðeins" 5,5-2,5. Öll einstaklingsúrslit má finna hér.

Önnur umferð fer fram í dag. Þá byrja sterkari sveitirnar að mætast innbyrðis. Þá mætast annars vegar Víkingaklúbburinn og TR og Bolvíkingar og GM-Hellir.

Á morgun hefst jafnframt taflmennska í hinum deildunum.

Það er athyglisvert að velta fyrir sér styrkleika sveitanna. Sé miðað við meðalstig skákmannanna í kvöld er hann hér segir:

1. Víkingaklúbburinn (2483)
2. TV (2413)
3. GM Hellir-a (2343)
4. TR-a (2321)
5. TB (2260)
6. SA (2218)
7. Fjölnir (2135)
8. GM Hellir-b (2066)
9. Vinaskákfélagið (1982)
10. TR-b (1939)

Rétt er að taka fram að styrkleiki sveitanna í kvöld þarf á engan hátt að endurspegla styrkleikann um helgina.

• Heimasíða Íslandsmóts skákfélaga
• Chess-Results

Gagnaveitumótið - Einar Hjalti efstur

Einar Hjalti Jensson (2305) gerði jafntefli við Stefán Bergsson (2131) í a-flokki Gagnaveitumótsins - Haustmóts TR sem fram fór sl. miðvikudagskvöld.

Einar Hjalti er efstur með 5,5 vinning í A-flokki, Jón Viktor Gunnarsson er annar með 5 vinninga og Stefán Kristjánsson þriðji með 4,5 vinning. Það stefnir því í æsispennandi lokaátök. Jón Viktor og Einar Hjalti mætast í sjöundu umferð sem fram fer á sunnudag.

Sjá nánar á skák.is 

• Heimasíða TR
• Chess-Results 
• Myndaalbúm (GB) 

Gagnaveitumótið - Einar Hjalti vann Stefán Kristjánsson

FIDE-meistarinn Einar Hjalti Jensson (2305) er í miklum ham um þessar mundir. Hann sigraði á Framsýnarmótinu um síðustu helgi og vann stórmeistarann Stefán Kristjánsson (2491) í fimmtu umferð Gagnaveitumótsins - Haustmóts TR í frestaðri skák sem fram fór í gærkvöld.

Einar Hjalti hefur fullt hús rétt eins og Jón Viktor Gunnarsson (2409). Stefán er þriðji með 3,5 vinning og nafni hans Bergsson (2131) er fjórði með 3 vinninga 

Nánar á skák.is 

• Heimasíða TR
• Chess-Results 
• Myndaalbúm (GB)

 

Áskell og Einar unnu Framsýnarmótið

Áskell Örn Kárason og Einar Hjalti Jensson unnu sigur á Framsýnarmóti Goðans Máta sem fram fór um helgina á Breiðumýri í Reykjadal. Þeir höfðu mikla yfirburði, gerðu jafntefli sín á milli og hlutu 6,5 vinning í 7 skákum. Þriðji varð Sigurður Eiríksson með 5 vinninga en hann gerði sér lítið fyrir og vann landsliðskonurnar Jóhönnu Björg Jóhannsdóttur og Hallgerði Helgu Þorsteinsdóttur í lokaumferðunum tveimur. Haraldur Haraldsson varð í fjórða sæti með 4,5 vinninga og Smári Sigurðsson varð í 5. sæti einnig með 4,5 vinninga, eftir sigur á Stefáni Bergssyni í gær og jafntefli við Jón Þorvaldsson í dag. 

 

Flest allir keppendur á Framsýnarmótinu 2013. 

Úrslit í 5. umferð

Úrslit í 6. umferð 

Úrslit í 7. umferð 

Lokastaðan. 

1		Kárason Áskell Örn	2205	SA	6.5	30.0
2	FM	Jensson Einar Hjalti	2305	Goðinn-Mátar	6.5	30.0
3		Eiríksson Sigurður	1940	SA	5.0	26.0
4		Haraldsson Haraldur	2004	SA	4.5	30.5
5		Sigurðsson Smári	1710	Goðinn-Mátar	4.5	26.0
6		Jóhannsdóttir Jóhanna Björg	1911	Hellir	4.5	25.5
7		Jónsson Logi Rúnar	1364	SA	4.5	22.5
8		Bergsson Stefán	2131	SA	4.0	31.5
9		Þorvaldsson Jón	2165	Goðinn-Mátar	4.0	31.5
10		Daníelsson Sigurður G	2030	Goðinn-Mátar	4.0	29.5
11		Sigurðarson Tómas Veigar	1982	Víkingaklúbburinn	4.0	29.0
12		Þorsteinsdóttir Hallgerður H	1949	Hellir	4.0	26.5
13		Björgvinsson Andri Freyr	1623	SA	4.0	26.5
14		Sigurðsson Jakob Sævar	1805	Goðinn-Mátar	4.0	24.0
15		Björnsson Gunnar	2102	Hellir	3.5	30.5
16		Þórhallsson Símon	1588	SA	3.5	26.5
17		Aðalsteinsson Hermann	1325	Goðinn-Mátar	3.5	22.0
18		Ragnarsson Heimir Páll	1455	Hellir	3.5	21.5
19		Ásmundsson Sigurbjörn	1191	Goðinn-Mátar	3.0	24.5
20		Karlsson Sighvatur	1307	Goðinn-Mátar	3.0	21.0
21		Viðarsson Hlynur Snær	1074	Goðinn-Mátar	3.0	20.0
22		Ingólfsson Eyþór Kári	0	Goðinn-Mátar	3.0	17.5
23		Gunnarsson Ari Rúnar	0	Goðinn-Mátar	3.0	16.0
24		Bessason Heimir	1528	Goðinn-Mátar	2.5	25.0
25		Kristjánsson Bjarni Jón	0	Goðinn-Mátar	2.5	23.5
26		Hermannsson Jón Aðalsteinn	0	Goðinn-Mátar	2.5	16.5
27		Þórarinsson Helgi James	0	Goðinn-Mátar	2.0	21.0
28		Statkiewicz Jakub	0	Goðinn-Mátar	1.5	19.0
29		Aðalsteinsson Stefán Bogi	0	Goðinn-Mátar	1.0	18.5

 

 

Verðlaunahafar. Haraldur, Áskell og Sigurður urðu efstir gesta, En Jón Þorvaldsson Einar Hjalti Jensson urðu efstir Goð-Máta. Á myndina vantar Smára Sigurðsson. 

Alls tók 29 keppendur þátt í mótinu og þar á meðal voru nokkrir ungir skákmenn úr Þingeyjarsýslu sem settu svip sinn á mótið. Sumir þeirra voru að taka þátt í sínu fyrsta stóra skákmóti. Þeir fengu allir skákbækur í þátttökuverðlaun.