Skákæfingar á Húsavík.

Skákfélagið Goðinn mun nú í vetur standa fyrir skákæfingum á Húsavík í fyrsta skipti frá stofnun félagsins.  Tekist hafa samningar við Framsýn-stéttarfélag um afnot af sal Framsýnar við Garðarsbraut 26 á Húsavík. 

Fyrsta skákæfingin verður haldin þar miðvikudagskvöldið 5 nóvember kl 20:30. Verða skákæfingar því í hverri viku (öll miðvikudagskvöld) í allan vetur, til skiptis á Húsavík, í Litlulaugaskóla og í Stórutjarnaskóla.

Ókeypis er á allar æfingar hjá félaginu.

Nú stendur yfir átak á Húsavík með það að markmiði, að fá óvirka skákmenn á Húsavík og nágrenni, til þátttöku í starfi Goðans og svo er skákkennsluverkefni í Borgarhólsskóla í fullum gangi, þannig að brýn þörf var á að koma á reglulegum skákæfingum á Húsavík.

Skákæfingarnar á Húsavík verða í umsjá Ævars Ákasonar og Smára Sigurðssonar, auk Hermanns Aðalsteinssonar formanns félagsins.

Óvirkir skákmenn á Húsavík og nágrenni, sem og börn og unglingar við Borgarhólsskóla og öðrum skólum í nágrenninu, eru hvött til þess að koma á skákæfingar hjá félaginu og taka þátt í fræðandi og skemmtilegu starfi félagsins.

Æfinga og mótaáætlun fram til áramóta: 

29 október           Skákæfing       20:30           Stórutjarnaskóli.
5   nóvember       Skákæfing       20:30            Húsavík.
12 nóvember       Skákæfing       20:30            Litlulaugaskóli
15 nóvember    15 mín mót      13:00           Húsavík.
19 nóvember       Skákæfing       20:30            Húsavík.
26 nóvember       Skákæfing       20:30            Stórutjarnaskóli.
3   desember       Skákæfing       20:30            Húsavík
10 desember       Skákæfing       20:30            Litlulaugaskóli
17 desember       Skákæfing       20:30            Húsavík
27 desember    Hraðskákmót   13:00           Húsavík

Æfinga og mótaáætlun fyrir janúar til maí 2009 verður birt í lok desember. H.A.

Sigur hjá Barða og Jakob með jafntefli.

Jakob Sævar gerði í dag jafntefli með, svörtu mönnunum, við Patrek Maron Magnússon (1886) og Barði Einarsson vann Tinnu Kristínu Finnbogadóttur (1654) með hvítu mönnunum, í 1 umferð haustsmóts TR sem fram fór í dag.

Önnur umferð verður tefld á miðvikudag kl 19:30.

Þá teflir Jakob Sævar með hvítu mönnunum við Mattías pétursson (1896) og Barði teflir með svörtu mönnunum við Sigríði Björgu Helgadóttur (1595) H.A. 

Barði og Jakob keppa í Reykjavík.

Haustmót Taflfélags Reykjavíkur hefst í dag. Okkar menn, Jakob Sævar Sigurðsson (1817) og Barði Einarsson (1750) taka þátt í mótinu.  Jakob teflir í lokuðum 10 manna C-flokki og Barði í lokuðum 10 manna D-flokki.  Barði er næst stigahæstur í D-flokknum, en Jakob er stigalægstur í C-fokknum.

         

 

                                   

 

 

 

 

 

 

Tefldar verða 9 umferðir báðum flokkum. Alls taka 61 keppandi þátt í mótinu, þar af 21 í E-flokki.

Fylgst verður með gengi okkar manna í mótinu og úrslit birt eins fljótt og auðið er. H.A.

Jakob vann Gameknot mót Goðans.

Þá er fyrsta skákmóti Goðans á netinu lokið.  Jakob Sævar Sigurðsson hafði sigur með 16 vinningum af 20 mögulegum. Þorgeir Einarsson (Víkingaklúbburinn) og Rúnar Ísleifsson urðu jafnir í 2-3 sæti.

Úrslit urðu eftirfarandi..

player

vs #1

vs #2

vs #3

vs #4

vs #5

vs #6

vs #7

vs #8

vs #9

vs #10

vs #11

games

score

1. blackdawn (Jakob)

½/1

0/½

1/0

1/0

1/1

1/1

1/1

1/1

1/1

1/1

0 / 20 / 0

16

2. goggi1203 (Þorgeir)

0/½

1/½

1/½

1/0

1/1

0/½

1/½

1/1

1/1

1/1

0 / 20 / 0

14.5

3. runari         (Rúnar)

½/1

½/0

1/0

½/1

0/1

½/1

1/1

1/1

1/½

1/1

0 / 20 / 0

14.5

4. peturgis          (Pétur)

1/0

½/0

1/0

1/1

1/0

0/1

1/0

1/1

1/1

1/1

0 / 20 / 0

13.5

5. haddibje (Halldór B)

1/0

1/0

0/½

0/0

1/1

1/0

1/1

1/1

1/1

1/1

0 / 20 / 0

13.5

6. sesar          (Smári)

0/0

0/0

0/1

1/0

0/0

1/1

1/1

1/1

1/1

1/1

0 / 20 / 0

12

7. hallurbirkir    (Hallur)

0/0

½/1

0/½

0/1

1/0

0/0

½/1

1/1

½/0

1/1

0 / 20 / 0

10

8. hermanna (Hermann)

0/0

½/0

0/0

1/0

0/0

0/0

0/½

1/0

1/1

1/1

0 / 20 / 0

7

9. nonni86 (Jón Hafsteinn)

0/0

0/0

0/0

0/0

0/0

0/0

0/0

1/0

1/1

0/1

0 / 20 / 0

4

10. veigar  (Tómas Veigar)

0/0

0/0

½/0

0/0

0/0

0/0

1/½

0/0

0/0

1/0

0 / 20 / 0

3

11. bjossi      (Sigurbjörn)

0/0

0/0

0/0

0/0

0/0

0/0

0/0

0/0

0/1

1/0

0 / 20 / 0

2

Séstakir gestir mótsins voru þeir Þorgeir Einarsson Víkingaklúbbnum og Halldór Brynjar Halldórsson S.A. 

Í nóvember verður svo sett af stað annað innanfélagsmót á Gameknot.  tímamörkin verða þó styttri en í nýloknu móti, því það stóð óþarflega lengi yfir. (10 mánuðir !) H.A.

15 mín mótið verður haldið 15 nóvember.

Hið árlega 15 mín skákmót Goðans verður haldið laugardaginn 15 nóvember nk. á Húsavík. Tefldar verða 7 umferðir eftir monrad-kerfi og verður umhugsunartíminn 15 mín á mann.  Mótið verður reiknað til atskákstiga.

Keppt verður í fullorðinsflokki (17 ára og eldri), unglinga flokki (13-16 ára) og barnaflokki (12 ára og yngri).

Þátttökugjald er 500 kr fyrir fullorna, en 250 kr fyrir 16 ára og yngri.

Veitt verða verðlaun fyrir 3 efstu í öllum flokkum, auk þess sem sigurvegarinn í heildarkeppninni hlýtur að launum farandbikar til varðveislu.  Núverandi 15 mín meistari Goðans er Smári Sigurðsson.

Mótið verður haldið í sal Framsýnar-stéttarfélags að Garðarsbraut 26 á Húsavík og það hefst stundvíslega kl 13:00 og mótslok eru áætluð um kl 17:00.

Formaður skákfélagsins Goðans, Hermann Aðalsteinsson, tekur við skráningum í mótið í síma 4643187, auk þess að veita allar nánari upplýsingar.  H.A.

 

Baldur efstur eftir stigaútreikning.

Það var jöfn og spennandi keppni á skákæfingu kvöldsins.  Baldur Daníelsson varð þó efstur eftir stigaútreikning.  Tefldar 4 umferðir eftir monradkerfi.  Umhugsunartíminn var 15 mín á mann.

Úrslit urðu eftirfarandi :

1.    Baldur Daníelsson              3 vinningar af 4 mögulegum (10 stig)
2-3. Pétur Gíslason                   3                                          (8 stig)
2-3. Rúnar Ísleifsson                 3                                          (8 stig)
4.    Ármann Olgeirsson             2                                          (8 stig)
5.    Hermann Aðalsteinsson      2                                          (7 stig)
6.    Jóhann Sigurðsson              2                                          (5 stig)
7.    Baldvin Þ Jóhannesson       1
8.    Sigurbjörn Ásmundsson      0

Næsta skákæfing verður í Stórutjarnaskóla 29 október. H.A.

Breytingar á æfingastað.

Æfingastaður okkar og aðal mótsstaður undanfarin ár, Fosshóll í Þingeyjarsveit, verður lokaður í vetur.  Vegna þess verða engar skákæfingar né skákmót þar í vetur. 

Skákfélaginu hefur tekist að útvega tvö ný æfingahúsnæði, Stórutjarnaskóli og Litlulaugaskóli og verður teflt til skiptis í skólunum tveimur.

Skákæfingin annað kvöld, miðvikudagskvöldið 15 október, verður í Litlulaugaskóla og hefst hún á hefðbundnum tíma kl 20:30.  Næsta skákæfing, 29 október, verður í Stórutjarnaskóla.

Stjórn þakkar rekstraraðilum á Fosshóli fyrir aðstöðuna og ómælda kaffidrykkju þar, undanfarin ár.

Skákkennslu verkefnið "Skák í skólanna" hófst í dag í Borgarhólsskóla.

Skákkennslu verkefnið "skák í skólanna" hófst í Borgahólsskóla á Húsavík í dag.  Verkefnið er samvinnuverkefni skáksambands Íslands og menntamálaráðaneytisins.

Alls sóttu 21 grunnskóli á landinu um styrk til verkefnisins og var Borgarhólsskóli valinn ásamt 5 öðrum skólum.

Skákkennslan verður í umsjá Smára Sigurðssonar og Hermanns Aðalsteinssonar frá skákfélaginu Goðanum. Fyrsta kennslustundin fór fram í dag. 

Kennt verður alla miðvikudaga í vetur fram til apríl loka. Kennslan fer fram í stofu 6. í Borgarhólsskóla og hefst hún um leið og hefðbundnum skóladegi lýkur, kl 15:00.  Áætlað er að hver kennslustund standi yfir í um 60 mínútur.  

Nemendur í Borgarhólsskóla eru hvattir til þess að nýta sér þessa ókeypis kennslu í skák.

Síðar í vetur er svo von á Skákskóla Íslands í heimsókn í Þingeyjarsýslu og Húsavík.

Skákfélagið Goðinn hefur undanfarin ár haldið stutt skáknámskeið í skólum í Þingeyjarsýslu og Húsavík, en í vetur verður skákkennslan með markvissari hætti.

Skákfélagið Goðinn heldur nokkur árviss skákmót á sínu félagssvæði. Tvö skákmót eru á áætlun fyrir áramót.  15 mín mót verður haldið 15 nóvember og hraðskákmót verður svo haldið. 27 desember.

Eftir áramót eru svo fjölmörg skákmót á dagskrá, bæði hér í sýslunni, á Akureyri og í Reykjavík.

Íslandsmót barnaskólasveita er svo á dagskrá í mars. Mót þetta verður haldið í Reykjavík.  Stefnt er að því að Borgarhólsskóli sendi skáksveit til keppni á það mót.               

Skákkennslan verður því góð æfing fyrir öll þau skákmót sem nemendum í Borgarhólsskóla stendur til boða að taka þátt í, í vetur.                                                                                                   

Íslandsmót skákfélaga. Umferð 1-4. Pistill frá formanni.

Frammistaða skáksveita Goðans var með miklum ágætum í Íslandsmóti skákfélaga sem fram fór um helgina.  A-sveit Goðans náði mjög góðum árangri og er með 15,5 vinninga eins og fram hefur komið. B-sveitin félagsins lenti í strögli strax í byrjun og er með 7,5 vinninga og er í hópi neðstu liða.

                                            Árangur A-skáksveitar Goðans.

Goðinn - A  -  KR-c   2,5 - 3,5

Ekki góð byrjun hjá A-sveitinni að tapa fyrir c-sveit KR en sveit KR var skipuð öflugum mönnum sem voru stigahærri á flestum borðum.

Skáksamband Austurlands      -     Goðinn - A  2,5 - 3,5

Góður sigur vannst á Austfirðingum. Jafntefli á 5 borðum og sigur á einu borði tryggði sigurinn.  Afar góð úrslit gegn sterkri sveit.

Goðinn - A  -  Hellir - F       6 - 0

Stórsigur vannst á sveit Hellis enda um barnasveit félagsins að ræða.

Staða A-sveitarinnar eftir þrjár fyrstu umferðirnar var góð. A-sveitin var í 5-6 sæti með 12 vinninga og ljóst að andstæðingar okkar í 4. umferð yrðu mjög öflugir. Það gekk eftir.

Taflfélag Vestmannaeyja - B   -    Goðinn - A   2,5 - 3,5

Ótrúlegur og mjög óvæntur sigur vannst á mjög öflugum andstæðingum. Frábær úrslit fyrir félagið. Andstæðingarnir voru stigahærri á öllum borðum en vinningarnir komu á 3,4 og 5 borði og jafntefli á 6. borði.

A-sveitin er því komin með 15,5 vinninga eftir fyrri hlutann sem er 64,6% vinningshlutfall. þetta er frábær árangur, því það vantaði tvo stigahæstu skákmenn félagsins í liðið að þessu sinni.

Þetta er besti árangur sem skáksveit frá félaginu hefur náð til þessa. Í fyrra var skáksveit félagsins með 12 vinninga eftir fyrri hlutann og 8 vinningar voru í höfn 2006, þegar Goðinn tók þátt í Íslandsmóti skákfélaga í fyrsta skipti.  Það má því segja með sanni að hlutirnir séu á réttri leið hjá félaginu.

 

                                            Árangur B-skáksveitar Goðans.

KR - B     -    Goðinn - B          5,5 - 0,5

B-sveit félagsins átti ekki möguleika í öflugt lið KR þar sem andstæðingarnir voru mikið stigahærri en okkar menn. Baldur gerði þó glæsilegt jafntefli við 2000 stiga mann á fyrsta borði en allar aðrar skákir töpuðust.

Hellir - E   - Goðinn - B           3,5 - 2,5

Naumt tap fyrir barna og unglinga sveit Hellis. Viðureign sem hefði ekki átt að tapast en okkur vantaði mann á sjötta borð því ekki tókst að fullmanna liðið í þessari umferð. Það er í fyrsta skipti sem það gerist að ekki tekst að fullmanna skáksveit frá Goðanum.

Goðinn - B   -   Fjölnir - B       3 - 3

Loksins náði B-sveitin sér á strik með góðu jafntefli við Fjölnismenn. Góður árangur hjá liðinu því andstæðingarnir voru mikið stigahærri á 4 efstu borðunum.

Goðinn -B    -   Haukar - D     1,5 - 4,5

Full stórt tap miðað við aðstæður, Þó svo að andstæðingarnir væru eitthvað sterkari á pappírnum. Ein skák tapaðist sem hefði getað endað sem jafntefli og önnur endaði í jafntefli þar sem sigur var líklegri.

Niðurstaðan því 7,5 vinningar og 26-27 sæti af 30. Staða B-sveitarinnar er nokkuð undir væntingum og segja má að andstæðingarnir hafi verið óvenju sterkir miðað við stöðu sveitarinnar í neðri hluta 4. deildarinnar. 

                                       Árangur skákmanna Goðans :

Jakob Sævar Sigurðsson         4 vinningar af 4 !

Frábær frammistaða hjá Jakob. Hann tefldi á 4 borði í A-sveitinni. (RPf 2077) Það leyndi sér ekki að Jakob er í mikilli framför enda hefur hann teflt mjög mikið að undanförnu og er í góðri æfingu. Hann kemur til með að hækka mikið á stigum.

 

Rúnar Ísleifsson                        3 vinningar af 4

Mjög góð frammistaða hjá Rúnari. Hann gaf tóninn strax í fyrstu umferð þegar hann náði jafntefli í maraþon skák, við stigahærri andstæðing,sem stóð í tæpa 5 klukkutíma (102 leikir) Hann tapaði ekki skák. Hann vann tvær skákir og gerði tvö jafntefli. Rúnar tefldi á 3. borði í A-sveit (RPf 1744) Rúnar kemur til með að hækka talsvert á stigum.

Pétur Gíslason                           2,5 vinningar af 4

Pétur tefldi á öðru borði í A-sveit. Hann sýndi örugga taflmennsku. Hann vann tvær skákir, gerði eitt jafntefli og tapaði svo fyrir rúmlega 2000 stiga manni í loka umferðinni. Pétur hækkar væntanlega eitthvað á stigum.

Smári Sigurðsson                       2,5 vinningar af 4

Smári tefldi vel eins og venjulega á 5. borði í A-sveitinni.  Hann tapaði fyrir sterkum andstæðingi í fyrstu umferð gerði síðan jafntefli í næstu og vann tvær síðustu skákirnar. Hann vann sterkan eyjamann í loka umferðinni. Smári hækkar væntanlega eitthvað á stigum.

Hallur B Reynisson                     2,5 vinningar af 4

Hallur tefldi á 6 borði í B-sveit og stóð sig afar vel. Hann tapaði í fyrstu umferð gegn stiga háum andstæðingi en vann tvær næstu skákir og gerði svo jafntefli í síðustu skákinni, en var á tímabili með sterka stöðu í þeirri skák. Frábær frammistaða hjá Hall, þegar haft er í huga að hann var að tefla sínar fyrstu kappskákir á æfinni. Hallur er stigalaus.

Baldur Danílesson                        2 vinningar af 4

Baldur tefldi á 1. borði í B-sveit (fyrir utan eina skák á 6. borði í A-sveit) Hann sýndi afar örugga taflmennsku og gerði jafntefli í öllum skákunum fjórum. Andstæðingar hans voru stigahærri í öllum tilfellum. Baldur er eini skákmaður Goðans sem er ennþá ósigraður í Íslandsmóti skákfélaga frá upphafi (2006) en hann hefur teflt 12 skákir.(4 sigrar og 8 jafntefli). Baldur er ásamt Jakob og Rúnari taplausir í mótinu. Baldur hækkar talsvert á stigum.

Barði Einarsson                            1,5 vinningar af 4

Barði fékk það erfiða hlutverk að tefla á 1. borði í A-sveitinni. Hann fékk stigahærri andstæðinga í 3 af 4 skákunum. Hann vann eina skák og gerði eitt jafntefli. Alveg ágæt frammistaða þegar haft er í huga að Barði hefur ekki teflt kappskák í nokkur ár og var ekki í æfingu. Barði lækkar sennilega eitthvað á stigum.

Einar Garðar Hjaltason                1,5 vinningar af 3

Einar tefldi vel á 6. borði í A-sveitinni. Hann tapaði einni skák gerði eitt jafntefli og vann eina skák. Hann kom óvænt inní liðið rétt áður en 1. umferðin hófst, hafði sofið lítið eftir mikla keyrslu daginn fyrir mót. Litlar breytingar verða á stigum Einars.

Ármann Olgeirsson                      1,5 vinningar af 4

Ármann tefldi á 4. borði í B-sveitinni. Hann vann eina skák og gerði eitt jafntefli. Skákstig Ármanns breytast sennilega lítið.

Hermann Aðalsteinsson                1 vinningur af 4

Hermann tefldi á 5. borði í B-sveitinni. Hermann hefur oft teflt betur en núna. Hann vann eina skák en tapaði 3.  Honum yfirsást mátleikur í einni skáinni, sem hann tapaði svo. Hermann lækkar eitthvað á stigum. 

Baldvin Þ Jóhannesson                0,5 vinningur af 3

Baldvin tefldi á öðru borði í B-sveitinni. Baldvin tapaði fyrir tveimur stigaháum andstæðingum og gerði svo eitt jafntefli. Hann lækkar sennilega eitthvað á stigum.

Ævar Ákason                                 0,5 vinningar af 3

Ævar tefldi á 3. borði í B-sveitinni. Hann tapaði tveimur skákum og gerði jafntefli við stiga háan andstæðing. Hann lækkar sennilega eitthvað á stigum.

Jón S Guðlaugsson                          0 vinningar af 2

Jón kom nýr til liðs við Goðann nú í haust. Hann hafði aldrei teflt kappskák áður og var ekki í neinni æfingu. Hann tefldi tvær skákir á 6. borði og tapaði þeim báðum. Jón er stigalaus.

Keppendur skákfélagsins Goðans í Íslandsmóti skákfélaga í Rimaskóla í Reykjavík 3-5 0któber 2008.
Á myndina vantar Jón S Guðlaugsson.

                                    Seinni hlutinn tefldur á Akureyri.

Eins og væntanlega allir vita að þá fer seinni hlutinn fram á Akureyri daganna 21-22 mars 2009. Það er að sjálfsögðu gleðiefni fyrir okkur því flest allir félagsmenn búa hér norðan heiða. Ekki verða vandræði með að manna sveitirnar í seinni hlutann og líklegt er að ekki fái allir að tefla nægju sína...

Ég vil nota tækifærið og þakka öllum keppendum Goðans fyrir þátttökuna í skemmtilegu móti og vænti þess að allir sem tefldu í fyrri hlutanum gefi kost á sér til keppni í seinni hlutann.

Hermann Aðalsteinsson.

 

A-sveit Goðans í 5-6 sæti í 4. deildinni.

A-sveit Goðans er í 5-6 sæti í 4. deildinni, ásamt b-sveit KR, með 15,5 vinninga þegar fyrri hluta Íslandsmóts skákfélaga er lokið.  Skákfélagið Mátar er efst með 19,5 vinninga.

B-sveit Goðans er í 26-27 sæti (af 30) ásamt D-sveit TV, með 7,5 vinninga.  Árangur A-sveitarinnar er góður og stendur þar upp úr sigur á B-sveit TV í dag. Jakob Sævar Sigurðsson vann allar sínar skákir 4 að tölu sem er frábær árangur. 

Á morgun er væntanlegur pistill frá formanni þar sem keppninni verður gerð nánari skil. Síðan er væntanlegt nýtt myndaalbúm frá mótinu. H.A.

Íslandsmót skákfélaga hefst á morgun.

Íslandsmót skákfélaga hefst á morgun 3. október. 1. umferð á að hefjast kl 20:00.  Teflt er í Rimaskóla í Grafarvogi.  Dagskráin lítur svona út.

1. umferð.  kl 20:00 á morgun föstudag.
2. umferð.  kl 11:00 á laugardag.
3. umferð.  kl 17:00 á laugardag.
4. umferð.  kl 11:00 á sunnudag.

Goðinn sendir 2 skáksveitir til keppni í ár í 4. deildinni. Um 30 lið eru skráð til leiks. Vonandi tekst okkur að bæta árangurinn frá því í fyrra.  H.A. 

Ný FIDE skákstig.

Nýr skákstigalisti FIDE var gefinn út í gær. Hann gildir 1. október.  Goðinn á 2 skákmenn á listanum.

Tómas Veigar Sigurðarson            2045       (0)

Jakob Sævar Sigurðsson               1817    (- 43)

Reiknuð mót sem Jakob Sævar tók þátt í voru helgarmót Hellis og TR og svo áskorendaflokkur skákþings Íslands.  Tómas tók ekki þátt í neinu móti á tímabilinu.  H.A.

Lokaæfing fyrir Íslandsmót.

Í gærkvöld fór fram lokaæfing fyrir Íslandsmót skákfélaga.  Tefld var ein æfingaskák á mann. Umhugsunartíminn var 90 mín + 30 sek á mann.  Það mættu aðeins 6 keppendur og skýrist það af óhagstæðu tíðarfari, snjókomu og hálku.  Úrslit urðu eftirfarandi :

Baldur Daníelsson        -   Pétur Gíslason                    0 - 1
Hermann Aðalsteinsson - Baldvin Þ Jóhannesson    0,5 - 0,5
Hallur Birkir Reynisson  -  Sigurbjörn Ásmundsson      1 - 0

Íslandsmót skákfélaga hefst á morgun. H.A 

Haustmót S.A. Tómas með jafntefli.

Tómas Veigar gerði jafntefli við Jóhann Óla Eiðsson í 4. umferð ,sem tefld var í gærkvöldi.  Tómas er í 4-5 sæti með 2,5 vinninga eftir 4 umferðir.

Nú verður gert hlé á mótinu vegna Íslandsmóts skákfélaga sem fram fer um helgina.

5. umferð verður tefld 10 október. Þá teflir Tómas við Ulker Gasanova (1415). Tómas verður með hvítt.  H.A.

Metþátttaka í 4. deildinni í ár.

Alls eru skráðar til leiks 31 skáksveit sem er, að ég best veit, metþátttaka.  Aldrei áður hafa svona margar skáksveitir verið skráðar til leiks í 4. deildinni.  Nýliðarnir eru Siglfirðingar, Mátar og skákfélag Vinjar.  Síðan hafa nokkur félög bætt við sig sveitum, eins og Akureyringar, Víkingasveitin, Eyjamenn, Bolvíkingar og svo auðvitað Goðinn.

Það er því allt útlit fyrir mjög spennandi keppni. Sérstaka athygli vekur að Ballar menn ætla að vera með aftur, en eins og menn muna vakti þátttaka þeirra í fyrra talsverða athygli. sérstaklega keppandinn sem tefldi við formann Goðans, því hann ýtti á klukkuna með hausnum (hann hefði betur notað hausinn til þess að hugsa) og gerði síðan líkamsæfingar á gólfinu þess á milli.

Hér er listinn.

Haukar d og e-sveit

Sf Siglufjarðar

UMFL

Garðabær b-sveit 

Skáksamband Austurlands    

Tf. Snæfellsbæjar            

Mátar

Taflfélag Vestmannaeyja b,c og d-sveit

Sd. Fjölnis b og c-sveit

SA c,d og e-sveit.

Tf. Hellir d,e og f-sveit.

UMSB

Goðinn a og b-sveit

Selfoss og nágrennis b-sveit

Skákfélag Vinjar

Sf Reykjanesbæjar b-sveit  

Tf. Bolungarvíkur c og d-sveit.

Sd. Ballar

Skákfélag Sauðárkróks

Víkingasveitin a og b-sveit

Haustmót S.A. Sigur hjá Tómasi.

Tómas Veigar vann Mikael J Karlsson í 3. umferð sem fram fór á sunnudag. Tómas er með 2 vinninga eftir 3 umferðir.

4. umferð verður tefld í kvöld kl 19:30.  Þá teflir Tómas við Jóhann Óla Eiðsson (1585)

Tómas verður með svart.

Tap í síðustu umferð.

Skákþingi Garðabæjar lauk nú í kvöld. Jakob Sævar tapaði fyrir Sigríði Björgu Helgadóttur í loka umferðinni. 

Jakob Sævar varð í 12 sæti með 3,5 vinninga (af 7 mögulegum)

Sigurvegari varð Einar Hjalti Jensson en hann fékk 5,5 vinninga og stórmeistarinn Henrik Daníelssen varð í öðru sæti með 5 vinninga.

Jafntefli hjá Jakob í 6. umferð.

Jakob Sævar gerði jafntefli við Kjartan Guðmundsson (2004) í 6. umferð í skákþingi Garðabæjar sem tefld var í gærkvöldi.

Jakob hefir 3,5 vinninga og er í 8. sæti þegar ein umferð er eftir.

7. og síðasta umferð verður tefld á máundag kl 19:30.  Þá teflir Jakob við Sigríði Björg Helgadóttur(1595).   Jakob verður með svart. H.A.

Haustmót S.A. 2. umferð.

Tómsa Veigar tapaði fyrir Sveini Arnarsyni (1775) í 2. umferð haustmóts skákfélags Akureyrar sem fram fór í gærkvöldi.

Á sunnudag kl 14:00 verður 3. umferð tefld.  Þá teflir Tómas við  Mikael J Karlsson (1470).

Tómas verður með hvítt. H.A.

Tap í 5. umferð.

Jakob Sævar tapaði í gærkvöldi fyrir FM Sigurði Daða Sigfússyni (2324) í 5. umferð. Jakob er í 8. sæti með 3 vinninga.

6. og næst síðasta umferð verður tefld á föstudaginn kl 19:30.

Þá teflir Jakob Sævar við Kjatan Guðmundsson (1830)  Jakob verður með hvítt.  H.A.