Skákþing Akureyrar. Jakob með jafntefli.

4. umferð á skákþingi Akureyrar var tefld í kvöld. Jakob Sævar Sigurðsson gerði jafntefli við Jón Kristinn Þorgeirsson.

Jakob Sævar er því kominn með 3,5 vinninga í mótinu, en ekki eru komin úrslit úr öðrum skákum þegar þetta er skrifað.

5. umferð verður tefld á sunnudag.

Hermann og Smári efstir á janúaræfingamóti Goðans.

Janúaræfingamóti Goðans lauk sl. mánudag þegar síðust skákirnar voru tefldar. Hermann Aðalsteinsson og Smári Sigurðsson urðu efstir og jafnir með 7 vinninga af 9 mögulegum. Umhugsunartíminn var 30 mín á mann og var mótið teflt á 4 mánudagskvöldum í janúar.

Lokastaðan:

1-2.   Hermann Aðalsteinsson     7 af 9
1-2.   Smári Sigurðsson               7
3-4.   Júlíus Bessason                 6
3-4.   Ævar Ákason                     6
5.      Snorri Hallgrímsson           5,5
6.      Sigurbjörn Ásmundsson    4,5
7-8.   Sigurgeir Stefánsson         3
7-8.   Hlynur Snær Viðarsson      3
9-10. Sighvatur karlsson            1,5
9-10. Heimir Bessason              1,5

Á Íslenska skákdeginum um daginn voru nýjustu meðlimum Goðans afhentir Goða-bolir eins og allir félagsmenn fá, að undangenginni læknisskoðun, þegar þeir ganga í félagið. Júlíus og Sigurgeir stóðust læknisskoðun með glans.

Hermann formaður afhendir Sigurgeiri Stefánssyni Goða-bolinn.

Því miður náðist ekki mynd af því þegar Júlíus fékk sinn bol.