Einar Garðar í 8. sæti.

Einar Garðar Hjatason endað í 8 sæti með 3,5 vinninga í opna Bolungarvíkurmótinu í skák sem lauk í gærkvöld. Daði Guðmundsson vann mótið, en hann fékk 8,5 vinninga.

                                 Einar Garðar Hjaltason.

Sjá nánar hér: http://install.c.is/bolungarvik2009/opbol09.htm 

Hraðskákmót Íslands verður haldið í Bolungarvík um helgina og er Einar Garðar á meðal keppenda. Fylgst verður með gengi Einars í mótinu, hér á síðunni. H.A.

Einar Garðar teflir fyrir vestan.

Einar Garðar Hjaltason er í 8. sæti með 2,5 vinninga í opna Bolungarvíkurmótinu í skák, þegar 5 umferðum er lokið.

Mótinu verður framhaldið í kvöld, en þá verða tefldar 6 umferðir. Tefldar eru skákir með 15 mín umhugsunartíma.

Sjá nánar hér: http://www.skak.blog.is/blog/skak/entry/945939/  

Erlingur efstur á æfingu.

Erlingur Þorsteinsson varð efstur á skákæfingu sem fram fór á Húsavík í gærkvöldi. Erlingur fékk 6,5 vinninga af 7 mögulegum. Erlingur vann alla nema Smára, en þeir gerðu jafntefli. Tefldar voru skákir með 10 mín umhugsunartíma á mann.

Úrslit urðu eftirfarandi:

1. Erlingur þorsteinsson        6,5  af 7 mögul.
2. Pétur Gíslason                   5,5
3. Smári Sigurðsson              4,5
4. Rúnar Ísleifsson                 4
5. Ævar Ákason                     3
6. Hermann Aðalsteinsson     2,5
7. Sigurbjörn Ásmundsson     2
8. Benedikt þór Jóhannsson  0

Næst skákæfing verður að viku liðinni. H.A.

Ný skákstig

Ný skákstig eru komin út. Þau gilda 1. september. Engar breytingar eru á Íslenskum stigum hjá félagsmönnum enda enginn teflt í kappskákmóti frá síðasta lista. Nokkrar breytingar eru á atskákstigum en Landsmót UMFÍ var reiknað til atskákstig. Ævar Ákason fær sín fyrstu atskákstig, sem eru 1645. Sigurbjörn og Sindri hækka um 25 stig og Jakob hækkar um 15 stig.

Aðrir lækka á stigum eða standa í stað.

Nafn                                            skákstig 1.september 2009

                                               íslensk stig         atstig        FIDE 

Ármann Olgeirsson                         1420         1480

Baldur Daníelsson                           1655        

Barði Einarsson                              1740                  

Benedikt Þ Jóhannsson                   1340                 

Benedikt Þorri Sigurjónsson            1785     

Einar Garðar Hjaltason                   1655        1620

Erlingur Þorsteinsson                      2040        2090            2124 

Heimir Bessason                             1590        1605

Hermann Aðalsteinsson                   1405        1460

Jakob Sævar Sigurðsson                1745         1700           1806            

Orri Freyr Oddsson                                       1715

Pétur Gíslason                                1730        1825

Rúnar Ísleifsson                              1705        1705

Sighvatur Karlsson                          1325

Sigurbjörn Ásmundsson                  1230       1290

Sigurður Jón Gunnarsson                1885

Sigurjón Benediktsson                    1520        1460

Sindri Guðjónsson                          1775        1660          1915

Smári Sigurðsson                           1665        1825       
Ævar Ákason                                  1560       1645

Sjá má skástiga listana í heild hér:

Skrár tengdar þessari bloggfærslu:

• Íslensk Skákstig 1. sept 2009
• Atskákstig 1. sept 2009

Erlingur Þorsteinsson er genginn í Goðann !

Erlingur Þorsteinsson (2040) (2124 FIDE) er genginn í Goðann úr skálkdeild Fjölnis.  Erlingur mun tefla á fyrsta borði í A-sveit Goðans í 4. deild 25-27 september nk. í Reykjavík.
Ekki þarf að fjölyrða um hve mikill fengur það er fyrir félagið að fá hann til liðs við okkur. Erlingur hefur teflt 536 kappskákir á ferlinum. Hann er því sannkallaður reynslubolti.

                                     Erlingur Þorsteinsson.

Erlingur flutti í Lauga í Reykjadal nú í ágúst og kennir við framhaldsskólann á Laugum í vetur.

A-sveit Goðans styrkist því til muna með tilkomu Erlings í Goðann og Sindra Guðjónssonar sem gekk til liðs við félagið fyr í vikunni. Eins munar mikið um endurkomu Sigurðar Jóns Gunnarssonar (1880) að skákborðinu. Þessir þrír skákmenn skipa væntanlega þrjú efstu borðin í A-sveitinni. H.A.

Fréttir af félagsfundi.

Í kvöld fór einnig fram félagsfundur í skákfélaginu Goðanum og fékkst niðurstaða í öllum þeim málum sem á dagskrá voru.

Ný lög fyrir félagið voru samþykkt óbreytt eins og þau höfðu verið kynnt fyrir félagsmönnum. Þau verða sett inn á síðuna á morgun.

Æfinga og mótaáætlun verður tilbúin á næstu dögum. Ákveðið var að halda fyrsta haustmót Goðans einhverja helgi í nóvember með 4 atskákum og 3 kappskákum.
Fram að deildarkeppni verða tefldar skákir með umhugsunartíma sem lengist með hverri æfingu. Á síðustu æfingu fyrir deildarkeppnina verðu tefld kappskák.

Íslandsmót skákfélaga: Undirbúningur gengur vel og mönnun í tvær sveitir auk varamanna lítur vel út.

Skákþing Norðlendinga 2010.  Ákveðið var að SÞN 2010 fari fram helgina 9-11 apríl á Húsavík.

Fleira ekki bókað. H.A.

 

Erlingur og Smári efstir á fyrstu æfingu vetrarins.

Erlingur Þorsteinsson og Smári Sigurðsson urðu efstir og jafnir með 4,5 vinninga á fyrstu skákæfingu vetrarins sem fram fór í Litlulaugskóla nú í kvöld. Þeir gerðu jafntefli innbyrðis og unnu aðrar skákir.  Tefldar voru hraðskákir.

Úrslit urðu eftirfarandi:

1-2. Erlingur þorsteinsson     4,5 af 5 mögul.
1-2. Smári Sigurðsson            4,5
3.     Ármann Olgeirsson        3
4.     Jóhann Sigurðsson         2
5.    Hermann Aðalsteinsson  1
6.    Sigurbjörn Ásmundsson  0,5

Næsta skákæfing verður að viku liðinni, en ekki er búið að ákveða hvar hún verður. Æfinga og mótaáætlun verður tilbúin á næstu dögum og þá verður hún birt hér á síðunni. H.A. 

Sindri, Sigurjón og Árni Garðar í Goðann !

Skákmennirnir Sindri Guðjónsson, Sigurjón Benediktsson og Árni Garðar Helgason, hafa gengið í skákfélagið Goðann.  Þetta er að sjálfsögðu mikið fagnaðarefni og koma þeirra í félagið styrkir félagið mikið.

 

Sindri Guðjónsson (1760) (1635 at) (1915 FIDE) er okkur að góðu kunnur, en hann ólst upp að hluta til, á Húsavík á sínum yngri árum, en hefur verið í Taflfélagi Garðabæjar. Sindri er fluttur til Bakkafjarðar í Norður-Þingeyjarsýslu. Hann mun annast skákkennslu í grunnskólanum á Bakkafirði og grunnskóla Þórshafnar í vetur.

Sindri mun tefla með okkur í Íslandsmóti skákfélaga í haust og þá að öllu óbreyttu á fyrsta borði í A-sveitinni.

 

Sigurjón Benediktsson (1520) (1460 at) er vel þekktur í skáklífi Þingeyinga enda var hann formaður Taflfélags Húsavíkur sáluga, um árabil. Sigurjón er nú um stundir í Noregi en er væntanlegur heim í desember. Hann mun því ekki tefla með Goðanum í fyrri hluta Íslandsmóts Skákfélaga.

Árni Garðar Helgason (0) Ætlar að draga verulega úr notkun á spilum í vetur og tefla meira enda mun skemmtilegar að tefla á æfingum og skákmótum hjá Goðanum heldur en spila Bridds.  H.A.