Tap í 5. umferð.

Jakob Sævar tapaði fyrir Inga Tandra Traustasyni í dag.  Á morgun teflir Jakob Sævar við Guðmund Kristinn Lee (1465)

Jakob verður með svart.

Sigur í 4. umferð

Jakob Sævar sigraði Jóhann Óla Eiðsson í 4. umferð í dag og er því komin með 1,5 vinninga.

Á morgun kl 14:00 teflir Jakob við Inga Tandra Traustason (1774)

Jakob hefur hvítt. H.A.

Jafntefli í 3. umferð.

Jakob Sævar gerði jafntefli við Friðrik Þjálfa Stefánsson í kvöld. 

Á morgun teflir Jakob Sævar við Jóhann Óla Eiðsson (1809)

Jakob hefur svart.

Goðinn með 2 sveitir á Íslandsmót skákfélaga !

Nú er það ljóst að Goðinn mætir með 2 skáksveitir (A og B-sveit) til keppni á Íslandsmót skákfélaga (4 deild) 3-5 október n.k. í Reykjavík. Það er sérstaklega ánægjulegt að svona margir gefi kost á sér til þátttöku í mótinu og þakkar stjórn Goðans þeim kærlega fyrir.  

12 keppendur hafa staðfest þátttöku. Þeir eru :

Ármann Olgeirsson
Baldur Daníelsson
Baldvin Þór Jóhannesson
Barði Einarsson
Hallur Birkir Reynisson
Hermann Aðalsteinsson
Jakob Sævar Sigurðsson
Pétur Gíslason
Rúnar Ísleifsson
Smári Sigurðsson
Sigurður Jón Gunnarsson
Tómas Veigar Sigurðarson

Verði engin forföll á framangreindum keppendum er ljóst að Goðinn stillir upp sínu sterkasta mögulega liði, því allir sterkustu skákmenn félagsins ætla að vera með.  A-sveit Goðans verður töluvert sterkari en í fyrra því aðeins verða 2 keppendur úr skáksveit félagsins frá því í fyrra í A-sveitinni núna.  Aðeins tveir keppendur í A-sveitinni eru undir 1700 skákstigum (Íslensk) og annar þeirra er með 1695 stig.

Markmiðið félagsins er að A-sveitin nái að vinna sig upp í 3. deild að ári. Það ætti að vera vel raunhæft núna.

B-sveit félagsins verður álíka sterk og þegar Goðinn sendi sína fyrstu skáksveit til keppni á Íslandsmóti skákfélaga 2006-7 enda skipuð, að mestu, sama mannskap og þá en sá mannskapur er nú reynslunni ríkari.

Nú vantar aðeins 2 keppendur í viðbót því við verðum að geta skipt inná ef forföll verða í hópnum.

Áhugasömum er bent á að hafa samband við formann hið fyrsta. H.A.

                        Viðbætur.

Ævar Ákason var að bætast í hópinn. Samtal hafa því 13 keppendur skráð sig til leiks ! 

Tap í 2. umferð.

Jakob Sævar tapaði fyrir Jóhönnu Björg Jóhannsdóttir í kvöld.  

Á morgun teflir Jakob við Friðrik Þjálfa Stefánsson (1455)

Jakob hefur hvítt.

Tap í fyrstu umferð.

Jakob Sævar Sigurðsson (1860) tapaði fyrir stigahæsta keppanda áskorendaflokks skákþings Íslands, Sigurbirni Björnssyni (2316) í 1. umferð sem fram fór nú í kvöld.

Andstæðingur Jakobs Sævars í 2. umferð á morgun er Jóhanna Björg Jóhannsdóttir (1655)

Jakob verður með svart.

Undirbúningur fyrir Íslandsmót skákfélaga hafinn.

Eins og væntanlega flestir félagsmenn vita þá stefnir félagið á að senda 2 skáksveitir til keppni á Íslandsmóti skákfélaga sem fer fram 3-5 október í Reykjavík. (fyrri hluti)

Allir félagsmenn fengu í gær (mánudag) e-mail þar sem óskað er eftir því að áhugasamir skrái sig til keppni.  Nú aðeins sólarhring síðar hafa 7 félagsmenn skráð sig til keppni fyrir Goðann.
Til þess að manna tvær sveitir þurfum við 12 keppendur og svo 1-2 varamenn, alls 13-14 keppendur. Þannig að ekki vantar nema 6-7 í viðbót til þess að markmiðið náist.

Ég bendi áhugasömum félögum á að hafa samband við formann og skrá sig til leiks. 

Jakob Sævar Sigurðsson teflir í áskorendaflokki.

Okkar maður Jakob Sævar Sigurðsson (1860) teflir í áskorendaflokki
skákþings Íslands sem hefst á miðvikudaginn. Teflt verður í Reykjavík.

Nú þegar eru 25 keppendur skráðir til leiks.

Tefldar verða 9 umferðir með 90 mín + 30 sek á leik.

 

 

Fylgst verður með gengi Jakobs hér á síðunni.

Goðheimar.

Nú hefur verið opnaður spjallvefur sem hlotið hefur nafnið Goðheimar !  Það er formaður Goðans sem stendur fyrir þessum spjallvef.  Félagsmenn eru hvattir til að skrá sig inn sem notendur.

Goðheimar eru einungis fyrir félagsmenn í skákfélaginu Goðanum.

Slóðin þangað er :  http://www.atfreeforum.com/godin/            (Sjá tenglasafn)

Goðheimar eru með svipuðu sniði og Skákhornið.  Þar er hægt að setja inn fyrirspurnir til stjórnar um hvað eina það sem félagsmenn vanhagar um.  Einnig er hægt að setja þar inn skákþrautir svo að eitthvað sé nefnt.  

Stjórn vonast eftir því að félagsmenn notfæri sér þennan spjallvef. H.A.