Myndir frá Norðurlandsmótinu.

                            

Þingeyingar sigursælir.

Við Þingeyingar "eigum" nú fleiri verðlaunahafa en Benedikt, því Aðalsteinn Leifsson sem varð efstur í barnaflokki og í 4. sæti í heildarkeppninni er hálfur Bárðdælingur og hálfur Húsvíkingur. Hann er systur sonur ykkar ástsæla formanns. Svo eru systkinin Elise Marie og Magnus hálfgerðir Þingeyingar líka, því faðir þeirra er Valmar tónlistarkennari sem hefur kennt í flestum skólum sýslunnar undanfarin ár en flutti til Akureyrar síðastliðið haust. H.A 

Benedikt Þór Norðurlandsmeistari í skák !

Benedikt Þór Jóhannsson varð í dag skákmeistari Norðlendinga í flokki 13-15 ára. Benedikt fékk 5,5 vinninga af 7 mögulegum og varð jafn Ulker Gasanova. Þau háðu einvígi um titilinn og hafði Benedikt sigur. Hann fékk að launum farandbikar til varðveislu næsta árið og einnig eignarbikar.

Benedikt er fyrsti Norðurlandsmeistari félagsins. 

                                 

                                Benedikt Þór

 

Stjórn skákfélagsins Goðans óskar Benedikt Þór innilega til hamingju með sigurinn. H.A.

Rúnar héraðsmeistari HSÞ í skák.

Rúnar Ísleifsson varð í dag hérðasmeistari HSÞ 2008 í skák eftir jafna og spennandi keppni. Rúnar fékk 3 vinninga af 5 mögulegum. Baldvin Þ Jóhannesson varð í öðru sæti einnig með þrjá vinninga og Smári Sigurðsson varð í 3 sæti með 2,5 vinninga. 

Sigurður Eiríksson var efstur í mótinu með 5 vinninga af 5 mögulegum og Sigurður Arnarsson varð annar með 4 vinninga, en þar sem þeir eru hvorki í skákfélaginu Goðanum né HSÞ, kepptu þeir sem gestir.

Úrslit urðu eftirfarandi:

1. Sigurður Eiríksson        SA                 5 vinningar af 5

2. Sigurður Arnarsson      SA                 4

3. Rúnar Ísleifsson                               3         (14,5 stig)

4. Baldvin Þ Jóhannesson                    3          (14,5 stig)

5. Smári Sigurðsson                             2,5       (11 stig)

6. Jakob Sævar Sigurðsson                  2,5       ( 8 stig)

7. Hermann Aðalsteinsson                   2          (10,5 stig)

8. Ármann Olgeirsson                          2          (9,5 stig)

9. Sigurbjörn Ásmundsson                   1

Mótið fór fram í Borgarhólsskóla á Húsavík. Tefldar voru 5 umferðir með 25 mín umhugsunartíma á mann.(atskák) H.A.

Smári efstur á æfingu.

Smári Sigurðsson varð efstur á æfingu hjá félaginu í kvöld. Hann vann alla sína andstæðinga. Tefldar voru þrjár 15 mín skákir, ein 10 mín skák og tvær hraðskákir. úrslit urðu eftirfarandi :

1.    Smári Sigurðsson                 6 vinn af 6

2.    Baldvin Þ Jóhannesson        4

3-4. Pétur Gíslason                     3

3-4. Hermann Aðalsteinsson      3

5-6. Jakob Sævar Sigurðsson     2

5-6. Sigurbjörn Ásmundsson      2

7.    Ármann Olgeirsson              1

Héraðsmótið verður haldið  laugardaginn 29 mars á Húsavík.  Skráning stendur yfir.  H.A.

Héraðsmótið í skák.

Héraðsmót HSÞ í skák, 17 ára og eldri, verður haldið í Borgarhólsskóla á Húsavík laugardaginn 29 mars og hefst mótið kl 10:30. Tefldar verða 6 umferðir eftir monrad-kerfi og með 25 mín umhugsunartíma á mann (atskák)  Verðlaun verða veitt fyrir 3 efstu og sigurvegarinn fær afhentann farandbikar og nafnbótina héraðsmeistari HSÞ í skák.

Mótið er öllum opið, en aðeins félagar í Goðanum eða félagar í einhverju af aðildarfélaögum HSÞ, geta unnið til verðlauna. Þátttökugjald er 500 krónur.

Þeir sem hafa hug á að taka þátt í mótinu er bent á að skrá sig, með því að skrifa athugasemd við þessa FÆRSLU, eða með því að senda formanni tölvupóst í síasta lagi kl 10:00 á mótsdegi.  H.A.

Merki félagsins.

Að undanförnu hefur staðið yfir kosning um merki félagsins.  Kosningu lauk á aðalfundinum í gærkvöldi.   Svona lítur merki skákfélagsins Goðans út.  Ég vona að merki þetta verði félaginu til framdráttar og að félagsmenn séu ánægðir með val aðalfundar. H.A.      

                  

 

Uppfærð dagskrá vetrarins.

Dagskrá vetrarins. Mars - apríl 2008

26. mars           Skákæfing

29. mars           Héraðsmótið í skák 17 ára og eldri. Húsavík

2.  apríl             Skákæfing

11-13 apríl       Skákþing Norðlendinga 2008.  Bakkaflöt í Skagafirði

16. apríl            Skákæfing

23-27  apríl     Skákþing Goðans 2008 Fosshóll

                       Miðvikudagskvöldið 23 apríl kl 20:00 1-3 umferð   atskák 25 mín á mann.

                       Föstudagskvöldið    25 apríl kl 20:00 4. umferð      90 mín + 30 sek á leik

                       Laugardagur          26 apríl kl  13:00 5. umferð      90 mín + 30 sek á leik ***

                      Laugardagur           26 apríl kl  17:00 6. umferð      90 mín + 30 sek á leik ***

                      Sunnudagur            27 apríl kl 13:00  7. umferð      90 mín + 30 sek á leik

En vegna kosninga um sameiningu sveitarfélaga sem verður laugardaginn 26 apríl verða 5 og 6. umferð ekki tefldar á Fosshóli. Ekki er búiða að ákveða hvar 5 og 6. umferð verða tefldar.

Heimilt verður að fersta skákum í 6. umferð fram til kl 20:00 um kvöldið henti það einhverjum keppendum.

1.  maí             Héraðsmótið í skák 16 ára og yngri. Húsavík.

                          Stjórnin.

 

Fréttir frá aðalfundi.

Aðalfundur Goðans var haldinn í kvöld. Alls mættu 7 félagsmenn til fundar. Það urðu breytingar á stjórn félagsins, því Hallur Birkir Reynisson gaf ekki kost á sér til endurkjörs. Í staðinn var Sigurbjörn Ásmundsson kosinn til tveggja ára sem aðalmaður í stjórn. Stjórn fól honum gjaldkera embættið. Ketill Tryggvason var endurkjörinn sem fyrsti varamaður í stjórn.

Kosning um merki félagsins fór fram og á endanum var tillaga 1-G samþykkt sem merki félagsins í síðari umferð með 4 atkvæðum en tillaga 1-C fékk 3 atkvæði.

Gengið var endanlega frá dagskrá félagsins það sem eftir lifir vetrar og verður henni gerð skil hér í næstu færslu.  Allir félagsmenn fá send eintak af skýrslu stjórnar í tölvupósti. Þannig að ekki verður greint frá henni hér.

Að loknum fundi var gripið í tafl og tekin var ein létt hraðskák keppni. Úrslit urðu eftirfarandi :

1. Pétur Gíslason                   6 af 6

2. Rúnar Ísleifsson                4,5

3. Baldvin Þ Jóhannesson      4

4. Ármann Olgeirsson            3

5. Ketill Tryggvason               2

6. Sigurbjörn Ásmundsson     1,5

7. Hermann Aðalsteinsson      0

Næsta skákæfing verður á Fosshóli miðvikudagskvöldi 26 mars. H.A. 

Aðalfundur Goðans í kvöld.

Í kvöld kl 20:30 verður aðalfundur skákfélagsins Goðans haldinn á Fosshóli. Stjórn vonast eftir góðri mætingu á aðalfundinn því mörg miklivæg málefni bíða þess að verða rædd. Meðal þess sem þarf að ákveða er merki fyrir félagið og tilhögun á skákþingi Goðans 2008. Þar fyrir utan verður dagskrá með hefðbundnu sniði, Skýrsla stjórnar, reikningar félagsins, önnur mál og svo þarf að kjósa inn nýjan mann í stjórn félagsins því Hallur Birkir Reynisson gefur ekki kost á sér til áframhaldandi setu í stjórn.   H.A.

Myndir frá Sýslumótinu í skólaskák.