Skákþing Akureyrar 2008.

Skákþing Akureyrar hefst sunnudaginn 3 febrúar kl 14:00.  Tefldar verða 7 umferðir eftir monrad-kerfi. Tímamörk eru 90 mín + 30 sek/á leik.  Teflt verður í Íþróttahöllinni á Akureyri. Dagskráin er eftirfarandi :

1 umf. sunnudaginn            3 feb kl 14:00

2 umf. fimmtudagskvöldið   7 feb kl 19:30

3 umf. sunnudaginn           10 feb kl 14:00

4 umf. fimmtudagskvöldið  14 feb kl 19:30

5 umf. sunnudaginn           17 feb kl 14:00

6 umf. fimmtudagskvöldið  21 feb kl 19:30

7 umf. sunnudaginn           24 feb kl 14:00

Félagsmönnum í Goðanum er velkomið að taka þátt í mótinu. Keppnisgjaldið er 2000 kr. Líklegt er að 3 keppendur úr Goðanum taki þátt í mótinu.  Að sjálfsögðu verður fylgst með gangi okkar manna og skýrt frá því hér á síðunni.  H.A.

Stúderingakvöld á Fosshóli í kvöld.

Sérstakt stúderingakvöld verður á Fosshóli í kvöld. Nokkrar byrjanir verða þar krufnar til mergjar og mótleikir við þeim.  Allir þeir sem áhuga hafa á stúderingum eru velkommnir.

Stúderingarnar hefjast upp úr kl 8 í kvöld.   H.A.

Dagskrá skákfélagsins. Janúar til apríl 2008

Hér er vetrardagskráin.

26.  jan.                              Stúderingakvöld á Fosshóli    ( Nýtt inní dagskrá.)

6.    feb.                              Skákæfing

20.  feb.                             Skákæfing

27.  feb.                             Lokaæfing fyrir Íslandsmótið

29.  feb og 1. mars.           Íslandsmót skákfélaga í Rimaskóla

8.   mars.                           Sýslumótið í skólaskák á Húsavík

12. mars.                          Skákæfing

17. mars.                           Héraðsmótið í skák 16 ára og yngri.   Húsavík

19. mars.                           Aðalfundur og hraðskák.

26. mars.                          Skákæfing

2.   apríl.                           Skákæfing

4-6 apríl eða 11-13 apríl.  Skákþing Norðlendinga 2008 haldið í Skagafirði

16  apríl.                           Skákæfing

17-20 apríl                        Skákþing Goðans 2008 Fosshóll

                         EÐA

18-27 apríl                        Skákþing Goðans 2008 Fosshóll

Athugið að hér eftir fara skákæfingar félagsins fram á miðvikudagskvöldum. Æfingarnar hefjast kl 20:30 og fara fram á Fosshóli í Þingeyjarsveit nema annað sé tekið fram.  Þetta er áætlun svo að dagsetnignar geta breyst.

Héraðsmótinu í skák, sem fyrirhugað var 9 febrúar, hefur verið frestað um óákveðinn tíma. H.A.

Pétur og Baldvin efstir á æfingu.

Pétur Gíslason og Baldvin Þ Jóhannesson urðu efstir og jafnir með 5 vinninga á skákæfingunni sem fram fór í gærkvöldi.  Tefldar voru 10 mín skákir í tvöfaldri umferð, því keppendur voru aðeins 4. Ármann Olgeirsson fékk 2 vinninga og Sigurbjörn Ásmundsson varð neðstur með engann vinning.

Vafalaust hefur leikur Íslands og Ungverjalands orðið til þess að færri mættu en venjulega.

Næsta skákæfing verður miðvikudagskvöldið 6 febrúar.  H.A.

Sigur á Egilsstöðum.

Skáksveit Goðans vann sigur á skáksveit skáksambands Austurlands (SAUST) á móti sem fram fór á Egilsstöðum í dag. Goðinn fékk 14 vinninga en SAUST 11 vinninga. 5 keppendur voru í hvoru liði og tefldu allir 1 atskák, með 25 mín umhugsunartíma á mann, við alla úr liði andstæðingana eða samtals 5 skákir. Vinningahæstur af Goðanmönnum varð Pétur Gíslason, en hann gerði sér lítið fyrir og vann allar sínar skákir 5 að tölu. Smári Sigurðsson vann 4 skákir og Jakob Sævar Sigurðsson fékk 3 vinninga.

Bestum árangri heimamanna náði Viðar Jónsson, en hann fékk 4 vinninga og Hákon Sófusson fékk 2,5 vinninga.

Hvorugt félagið gat stillt upp sínu sterkasta liði. Þetta var í fyrsta sinn sem félögin etja kappi og standa vonir til þess að þetta verði árlegur viðburður hér eftir. Stefnt er að því að Austfirðingar komi til okkar á næsta ári og keppi við okkur í Mývatnssveit.  H.A. 

Fyrsta skákæfing ársins.

Fyrsta skákæfing ársins fór fram í kvöld.  Tefldar voru 3 umferðir með 25 mín á mann. (atskák) 8 keppendur mættu til leiks.  Úrslit urðu eftirfarandi :

1.    Rúnar Ísleifsson                 3 vinn

2-4  Pétur Gíslason                   2

2-4  Smári Sigurðsson              2

2-4  Baldvin Þ Jóhannesson     2

5-7 Hermann Aðalsteinsson     1

5-7 Ármann Olgeirsson            1

5-7 Ketill Tryggvason               1

8    Sigurbjörn Ásmundsson     0

Á laugardaginn fer svo fram keppni á milli Goðans og skáksambands Austurlands á Egilsstöðum. Æfingin í kvöld var því góð upphitun fyrir átökin á laugardag. H.A.

 

Fyrsta skákæfingin á nýju ári

Fyrsta skákæfingin á nýju ári verður á Fosshóli miðvikudagskvöldið 9 janúar kl 20:30.  (Athugið breytingu á kvöldum) Hér eftir verður félagið með skákæfingar á miðvikudagskvöldum.  Þetta varð niðurstaðan eftir óformlega könnun á meðal félagsmanna.  Það er von stjórnar að fleiri félagsmenn sjái sér fært að mæta á æfingar eftir þessa breytingu.

Vetrardagskráin (jan-apr) verður birt fljótlega.  H.A.

Keppni við skáksamband Austurlands.

Laugardaginn 12 janúar fer fram keppni á milli Goðans og skáksambands Austurlands (SAUST) og verður hún haldin á Egilsstöðum.  Við sendum 5 keppendur austur sem tefla við jafnmarga austfirðinga. Tefldar verða 5 atskákir (25 mín) á mann, þannig að allir úr okkar liði tefla eina skák við alla úr liði SAUST. Mótið verður reiknað til atstiga.  Reiknað er með að keppnin hefjist kl 13:00 og ljúki um kl 18:00.

Ekki er búið að velja alla keppendur í okkar lið, þannig að áhugasamir geta haft samband við formann og skráð sig hjá honum.  Nánar verður fjallað um mót þetta hér á síðunni, þegar nær dregur.  Verði verðurfar óhagstætt þann 12, verður keppninni frestað til 19 janúar.  H.A.

Ný Íslensk skákstig.

Nýr Íslensk skákstig voru gefin út í dag og gilda þau frá 1 desember s.l.   13. félagsmenn eru á listanum.    Listinn lítur svona út:

                                                   Ísl. stig 1 des 07      FIDE 1. jan 08      Atskákstig 1 des 07

Tómas Veigar Sigurðarson          1855                         2056                    1835

Pétur Gíslason                            1715                                                     1720

Rúnar Ísleifsson                          1670                                                     1735

Einar Garðar Hjaltason                1655                                                     1620

Baldur Daníelsson                       1650

Smári Sigurðsson                        1640

Jakob Sævar Sigurðsson             1635                         1827

Orri Freyr Oddsson                                                                                   1845

Heimir Bessason                         1590

Baldvin Þ Jóhannesson               1445                                                      1490

Sigurbjörn Ásmundsson                                                                            1385

Ármann Olgeirsson                      1330

Sighvatur Karlsson                      1300

Svo er Sigurjón Benediktsson með 1520 Ísl. stig en hann er ekki félagsmaður í Goðanum.  Enginn félagsmaður hækkaði á stigum frá síðasta lista og nokkrir stóðu í stað. 5 félagsmenn lækkuðu á stigum frá síðasta lista.  H.A.

 

Tómas í öðru sæti.

Tómas Veigar Sigurðarson varð í öðru sæti á Nýárshraðskákmóti Skákfélags Akureyrar sem fram fór í gær.  Tómas fékk 9 vinninga af 12 mögulegu.  Gylfi Þórhallsson varð efstur með 10 vinninga.

Alls tóku 7 keppendur þátt í mótinu.    H.A.