Ármann efstur á æfingu

Ármann Olgeirsson hafði sigur á skákæfingu Goðans í gærkvöldi. Tefldar voru 15 mín skákir. Ármann fékk 4,5 vinninga úr 5 skákum.  Ármann vann alla nema Hermann formann, en þeir gerðu jafntefli.

Úrslit urðu eftirfarandi :

Ármann Olgeirsson           4,5 af 5

Rúnar Ísleifsson               3

Hermann Aðalsteinsson   2,5

Ketill Tryggvason              2

Jóhann Sigurðsson           2

Sigurbjörn Ásmundsson   1

Næsta skákæfing verður þriðjudagskvöldið 6. nóvember.

Nóvembermótið 2007

Þann 10 nóvember n.k. heldur Skákfélagið Goðinn 15 mín skákmót. Mót þetta verður öllum opið. Mótið verður haldið á Fosshóli í Þingeyjarsveit og hefst það kl 13:00. Áætluð mótslok er um kl 18:00.

Tefldar verða að lágmarki 7 umferðir en að hámarki 9 umferðir eftir monrad-kerfi, og fer umferða fjöldinn eftir fjölda keppenda.

Veitt verða verðlaun fyrir 3 efstu, auk þess fær sigurvegarinn, (efstur Goðamanna) afhentan farandbikar til varðveislu næsta árið og nafnbótina 15 mín meistari Goðans 2007. Einning verða veitt verðlaun í flokki 16 ára og yngri. Veitt verða peningaverðlaun fyrir 3 efstu sem verða að lágmarki kr 3000 fyrir 1 sæti, 2000 kr fyrir annað sæti og 1000 kr fyrir þriðja sæti. Fari keppendafjöldinn yfir 20 verða peningaverðlaunin hækkuð í samræmi við keppenda fjölda.

Keppnisgjald er 2000 kr og eru kaffiveitingar innifaldar í því. Keppnisgjald fyrir 16 ára og yngri er 800 kr.

Þeir sem ætla að taka þátt í mótinu geta skráð sig í síma 4643187 eða sent póst á [e-mail] fyrir kl 10:00 á keppnisdegi. Æskilegt er þó að keppendur skrái sig fyrir þann tíma.

Mótið verður reiknað til atskákstiga.

Upplýsingum um skráða keppendur verða birtar á þessari blogg-síðu dagnna fyrir mót.

Úrslitin verða síðan birt á þessari síðu og heimasíðu Goðans http://www.geocities.com/skakfelagidgodinn/  og á skak.blog.is 

Allar nánari upplýsingar veitir formaður Hermann Aðalsteinsson í síma 4643187

Skákstig félagsmanna.

1 október var birtur nýr skákstigalisti FIDE.  Á þeim lista á Goðinn 2 skákmenn, Tómas Veigar og Jakob Sævar og er Jakob nýr inn á listann. Reyndar ættu þeir að vera 3 því Pétur Gíslason hafði FIDE stig á meðan hann bjó í Svíþjóð. Ekki veit ég hvað orðið hefur um hans stig.

Alls hafa 11 félagar í Goðanum skákstig af einverju tagi. Og þeir eru eftirtaldir:

Nafn                                Íslensk stig 1 sept    atskák stig 1 jún        FIDE 1 okt

Tómas Veigar Sigurðarson    1885                        1850                          2078

Pétur Gíslason                      1715                        1720

Rúnar Ísleifsson                   1680                        1710

Baldur Daníelsson                1655

Einar Garðar Hjaltason         1655                         1620

Smári Sigurðsson                 1655

Jakob Sævar Sigurðsson      1645                                                             1837

Heimir Bessason                  1590

Baldvin Þ Jóhannesson        1445                         1490

Ármann Olgeirsson              1330

Orri Freyr Oddsson                                               1845

Aðrir Þingeyingar sem hafa stig en eru ekki í neinu skákfélagi eru :

Sigurjón Benediktsson        1520

Sighvatur Karlsson              1300

 

Síðan eru nokkrir félagsmenn skammt frá því að fá sín fyrstu skákstig. Tómas, Smári og Jakob eru á góðri siglingu upp listann en minni breytingar eru hjá öðrum.

 

Skáknámskeið í vetur

Skákfélagið mun í vetur eins og síðustu 2 vetur standa fyrir skáknámskeiðum fyrir börn og unglinga á sínu starfssvæði. Einnig mun félagið halda skólaskákmót í skólum sýslunnar og svo verður sýslumótið í skólaskák í mars. 

Goðinn mun síðan halda helgarnámskeið í skák einhverja helgina í vetur, en þó líklega ekki fyrr en eftir áramót. Félagið hefur fengið vilyrði fyrir því að skákskólinn undir stjórn Helga Ólafssonar stórmeistara muni koma í heimsókn til okkar. Nánari tímasetning á námskeiði skákskólans verður tilkynnt síðar.

Æfingar og mótaskrá

23 október          skákæfing    15 mín                         Fosshóll kl 20:30

6   nóvember      skákæfing  15 mín                           Fosshóll kl  20:30

10 nóvember  Nóvember mótið  Opið 15 mín skákmót.    Fosshóll kl 13:00  

Auglýst nánar þegar nær dregur. (Athugið að þetta er breyting á áður auglýstri dagskrá félagsins) 

 

20 nóvember      skákæfing   3.02                             Fosshóll kl 20:30

4   desember      skákæfing    25 mín                         Fosshóll kl 20:30

18-21  desember    Hraðskákmót Goðans 2007     Fosshóll kl 20:00                                    

Ágætt gengi á Íslandsmótinu.

Skáksveit Goðans tók þátt í Íslandsmóti skákfélaga sem fram fór í Rimaskóla í Reykjavík helgina 12 til 14 október.  Sveitin keppir í 4 deildinni. Eftir 4 umferðir er sveitin í 18-19 sæti með 12 vinninga af 24 mögulegum.   B-sveit Bolvíkinga er í efsta sæti með 17.5 vinninga.

27 lið eru í 4 deildinni þetta árið. Alls tefldu 7 skákmenn fyrir félagið, en þeir voru:

1 borð Rúnar Ísleifsson

2 borð Smári Sigurðsson

3 borð Jakob Sævar Sigurðsson

4 borð Baldur Daníelsson

5 borð Hermann Aðalsteinsson

6 borð Sigurbjörn Ásmundsson

Varamaður var Einar Már Júlíusson sem tefldi 1 skák á 4 borði.

 

Bestum árangri náðu þeir bræður Jakob Sævar og Smári, en þeir fengu hvor um sig 2,5 vinninga.

Andstæðingar okkar í 5 umferð verður skáksveit UMSB.  5-7 umferð verða síðan tefldar 29 febrúar og 1 mars á næsta ári.

Árangur félagsins nú er nokkuð betri en fyrir ári síðan, en þá höfðum við aðeins fengið 8 vinninga eftir fyrstu 4 umferðirnar. Nú hefur félagið líka töluvert sterkari skákmenn innan sinna raða en á síðasta ári. Samt vantaði í liðið stigahæðsta manninn okkar og nokkrir aðrir sterkir skákmenn gátu ekki teflt fyrir félagið í þetta skiptið.  Líklegt er að liðið verði eitthvað öflugra í seinni hlutanum á mótinu sem vonandi skilar liðinu inná topp 10 í 4 deildinni.