Erlingur Þorsteinsson er genginn í Goðann !

Erlingur Þorsteinsson (2040) (2124 FIDE) er genginn í Goðann úr skálkdeild Fjölnis.  Erlingur mun tefla á fyrsta borði í A-sveit Goðans í 4. deild 25-27 september nk. í Reykjavík.
Ekki þarf að fjölyrða um hve mikill fengur það er fyrir félagið að fá hann til liðs við okkur. Erlingur hefur teflt 536 kappskákir á ferlinum. Hann er því sannkallaður reynslubolti.

                                     Erlingur Þorsteinsson.

Erlingur flutti í Lauga í Reykjadal nú í ágúst og kennir við framhaldsskólann á Laugum í vetur.

A-sveit Goðans styrkist því til muna með tilkomu Erlings í Goðann og Sindra Guðjónssonar sem gekk til liðs við félagið fyr í vikunni. Eins munar mikið um endurkomu Sigurðar Jóns Gunnarssonar (1880) að skákborðinu. Þessir þrír skákmenn skipa væntanlega þrjú efstu borðin í A-sveitinni. H.A.

Athugasemdir

[Baldur Fjölnisson, 4.9.2009 kl. 23:06]

Erlingur góður veit ég þó ég sé löngu hættur að tefla. Er ekki S.J.G. strákur sem ég var að tefla við fyrir tuttugu árum á Siglufirði?

[Skákfélagið Goðinn, 4.9.2009 kl. 23:40]

Örugglega.. Sigurður Jón er frá Siglufirði.

[Baldur Fjölnisson, 4.9.2009 kl. 23:58]

Jamm, traustur maður eins og fólk er þaðan.

[Skákfélagið Goðinn, 5.9.2009 kl. 12:47]

Bræðurnir , Smári Sigurðsson og Jakob Sævar Sigurðsson liðsmenn félagsins eru líka frá Sigló.

[Skákfélag Sauðárkróks, 5.9.2009 kl. 22:43]

Til hamingju með liðsstyrkinn. Þið verðið öflugir í vetur.