Hjálmar Theodórsson.

Hjálmar Theodórsson var einn sterkasti skákmaður Húsvíkinga um árabil.  Hann varð skákmeistari Taflfélags Húsavíkur margoft.

Hjálmar varð Skákmeistari Norðlendinga tvisvar, árið 1965 (ásamt Hjörleifi Halldórssyni) og 1970.

Hjámar varð einnig Hraðskákmeistari Norðlendinga tvisvar, árið 1958 og 1960.

 

 

 

 

 

 

 

 

Hjálmar Theodórsson.

Athugasemdir

[Óttar Felix Hauksson, 23.1.2009 kl. 23:28]

Ég kynntist Hjálmari Theódórssyni sumarið 1961. Þá bjuggum við faðir minn, Haukur Sveinsson skákmeistari, hjá Hjálmari og Stefaníu konu hans, í mánaðartíma. Pabbi hafði fengið aukavinnu í sumarfíinu sínu við bókhald hjá fyrirtæki Jóns Ármanns Héðinssonar og hafði mig, strákhnohkkan þá 11 ára gamlan, með sér til Húsavíkur. Það var góður vinskapur milli Pabba og Hjálmars úr skákinni, Þegar Hjálmar kom suður til tefla á Íslandsþingum dvaldi hann oft hjá pabba. Þetta var mikið ævintýri fyrir mig, Ég fékk að stokka upp línu fyrir beitningamenn, minnir að maður hafi fengið 50 aura á stokkinn og þá hafi koistað 2,50 kr. í bíóið. Þá átti Albert heima í bíóinu. Maður fékk að æfa fótbolta með 5. flokknum hjá Völsungi. Eiður Gudjohnsen (afi Eiðs Smára) þjálfaði okkur strákana. Við Fói (Guðbrandur Guðjohnsen) vorum bestir spiluðum bæði með 5. og 4. flokki í keppnisferð til Akureyrar þar sem við áttum í höggi við KA. En af eldri strákunum voru Sissi og Hemmi og Gauji bestir. Pabbi og Hjálmar heitinn tefldu hraðskákir flest kvöld. Stundum var stór svoli með þeim Jón Víkingur eða Víkingsson. Þetta var frábær tími mér hefur alltaf þótt vænt um Húsavík og Húsvíkinga síðan. Guð blessi minningu sæmdarhjónanna Hjálmars og Stefaníu, þau voru okkur pabba afar góð. Theódór Friðriksson faðir Hjálmars var einn merkasti rithöfundur landsins á öndverðri síðustu öld. Halldór Laxness sagði að verk Theódórs, Í Verum, sé besta lýsing á kjörum íslensks alþýðufólks uppp úr aldamótunum 1900 sem skrifuð hafi verið. Théodór bjó alla ævi við kröpp kjör´, sótti sjóinn og vann erfiðisvinnu alla aævi, en afrekaði samt þessu meistaraverki  á ritvellinum. 

[Skákfélagið Goðinn, 24.1.2009 kl. 00:36]

Takk fyrir Óttar.