Rúnar Ísleifsson til liðs við SA.

Rúnar Ísleifsson hefur tilkynnt félagaskipti úr Goðanum í Skákfélag Akureyrar.

                                  Rúnar Ísleifsson. 

Rúnar hefur verið einn af máttarstólpum Goðans frá því að hann flutti að austan fyrir 6 árum síðan. Rúnar varð skákmeistari Goðans í febrúar 2012 í annað sinn, en Rúnar vann titilinn einnig árið 2010. Rúnar hefur einnig unnið hin ýmsu styttri skákmót Goðans  á undanförnum árum.

Rúnar hefur verið fastamaður í A og B-sveitum Goðans í Íslandsmóti skákfélaga um árabil og alltaf staðið sig með miklum sóma.  

Stjón Skákfélagsins Goðans óskar Rúnari góðs gengis með Skákfélagi Akureyrar í framtíðinni. 

Athugasemdir

[Jakob Sævar Sigurðsson (IP-tala skráð) 4.8.2012 kl. 21:25]

Ég þakka Rúnari fyrir ánægjulega samveru í Goðanum. Hann er traustur félagi með traustan skákstíl og mér er sérstaklega minnisstætt 102. leikja jafntefli hans gegn Páli G. Jónssyni í deildakeppninni, þar sem hann var upp við vegg bróðurpart skákarinnar. Ég held mér sé óhætt að segja að það sé harðsóttasti hálfi vinningur sem Goðinn hefur fengið í deildakeppninni. Ég óska honum svo jafnframt góðs gengis á nýjum vettvangi.

[Skákfélagið Goðinn, 5.8.2012 kl. 10:21]

Já. það er mikil eftirsjá af Rúnari. 102 leikja jafnteflið var mjög eftirminnilegt. Við eru strax farnir að sakna þín Rúnar.