Erlingur efstur á æfingu.

Erlingur Þorsteinsson varð efstur á skákæfingu kvöldsins sem fram fór á Húsavík. Hann vann alla sína andstæðinga. Tefldar voru skákir með 10 mín umhugsunartíma á mann.

Úrslit urðu eftirfarandi:

1.     Erlingur Þorsteinsson         8 vinn af 8 mögul.
2-4.  Hermann Aðalsteinsson     5
2-4.  Heimir Bessason                5
2-4.  Ævar Ákason                      5
5.     Sigurbjörn Ásmundsson      4,5
6.     Hlynur Snær Viðarsson        4
7.     Snorri Hallgrímsson             2,5
8-9.  Sighvatur Karlsson             1
8-9.  Valur Heiðar Einarsson       1

Næsti viðburður hjá félaginu er Haustmótið sem hefst kl 20:30 á föstudagskvöld, í sal Framsýnar stéttarfélags að Garðarsbraut 26 Húsavík. H.A.

Bolir fyrir félagsmenn.

Í dag lagði fyrirtækið BROS ehf, lokahönd á stuttermaboli fyrir félagsmenn Goðans. Útbúnir voru 50 bolir með merki félagsins og merki Líflands, en Lífland kostaði gerð þeirra. Bolirnir er svartir að lit og koma í ýmsum stærðum.

(Smellið á myndina til að stækka hana og svo aftur til að sjá hana í mjög stórri útgáfu)

Bolirnir eru félaginu að kostnaðarlausu og félagsmönnum einnig. Við getum þakkað það, Jóni Þorvaldssyni, hjá almannatengsla fyrirtækinu Eflir ehf, en hann hefur unnið að þessu verkefni að undanförnu. Einnig kunnum við fóðurvöru fyrirtækinu Líflandi okkar bestu þakkir.

Vonir standa til þess að hægt verði að útdeila þeim til félagsmanna á Haustmóti Goðans sem hefst á Húsavík á föstudaginn.

Skráðir keppendur í Haustmótið

12 keppendur hafa skráð sig í Haustmót Goðans 2009 sem fram fer á Húsavík helgina 13-15 nóvember nk.  Skráningarfrestur er til kl 20:00 föstudaginn 13 nóv, hálftíma áður en mótið hefst.

Nú er búið að setja mótið upp á chess-results og þar er hægt að sjá keppenda listann.
Listinn verður uppfærður jafnóðum:

chess-results: http://chess-results.com/?tnr=26984&redir=J&lan=1  

Rúnar efstur á æfingu.

Rúnar Ísleifsson varð efstur á skákæfingu kvöldsins sem fram fór á Laugum í kvöld. Rúnar vann alla sína andstæðinga.  Tefldar voru skákir með 10 mín umhugsunartíma á mann.

 

Úrslit kvöldsins:

1.     Rúnar ísleifsson                4 vinn af 4 mögul.
2.     Ármann Olgeirsson           3
3-4.  Hermann Aðalsteinsson    1,5
3-4.  Ketill Tryggvason              1.5
5.     Sigurbjörn Ásmundsson    0

Næsta skákæfing verður á Húsavík að viku liðinni. H.A.

Ný FIDE skákstig. Sindri hækkar um 15 stig.

Sindri Guðjónsson hækkar um 15 stig á nýja FIDE skákstigalistanum sem gefinn var út í dag.
Listinn gildir 1. nóvember 2009. Þrír aðrir félagsmenn eru með FIDE skákstig og eru stigabreytingar hjá þeim óverulegar.

Svona lítur listinn út:
                                FIDE 1. nóv    +/-

Barði Einarsson               1755       +1
Erlingur Þorsteinsson      2123       -1
Jakob Sævar Sigurðsson 1808         0
Sindri Guðjónsson           1930       +15 ´

Íslenski listinn er hér:
http://ratings.fide.com/advaction.phtml?idcode=&name=&title=&other_title=&country=ISL&sex=&srating=0&erating=3000&birthday=&radio=rating&line=asc

Hér geta félagsmenn skoðað stöðu sína hjá FIDE með því að slá inn eftirnafnið sitt í bláa leitardálkinn hér: http://ratings.fide.com/

Þarna eru búið að setja upp nákvæma skrá yfir allar skákir sem viðkomandi hefur teflt hingað til á Fide reiknuðum skákmótum. Þarna er að finna tölfræði fyrir vinninga fjölda með svörtu og hvítu og listi yfir andstæðinga sem viðkomandi hefur teflt við, svo að eitthvað sé nefnt.  H.A.

Heimir efstur á æfingu.

Heimir Bessason varð efstur á skákæfingu kvöldsins sem fram fór á Húsavík. Heimir fékk 4 vinninga af 5 mögulegum. Tefldar voru skákir með 10 mín umhugsunartíma á mann.

Úrslit kvöldsins:

1.     Heimir Bessason              4 vinningar af 5 mögul.
2-3.  Ævar Ákason                   3
2-3.  Hermann Aðalsteinsson   3
4-5.  Valur Heiðar Einarsson     2
4-5.  Sigurbjörn Ásmundsson   2
6.     Árni Garðar Helgason       1

Næsta skákæfing verður á Laugum að viku liðinni. H.A.
 

Valur Heiðar Einarsson Íslandsmeistari drengja fæddra 1997 !

Valur Heiðar Einarsson varð "Íslandsmeistari" drengja fæddra 1997 í skák í dag, á Akureyri, en Íslandsmóti drengja og stúlkna 15 ára og yngri, lauk þar í dag. Valur fékk 4 vinninga af 9 mögulegum og endaði í 23. sæti. Valur vann 3 af 4 skákum sínum í dag.

Gunnar Björnsson forseti Skáksambands Íslands afhendir Val verðlaunapeninginn.

Valur Heiðar er þar með fyrsti Íslandsmeistari Goðans. Ritstjóri óskar Val til hamingju með titilinn.

                  Hópmynd af verðlaunahöfunum.

Sjá heildarúrslitin á chess-results: http://www.chess-results.com/tnr26651.aspx?art=1&rd=9&lan=1&flag=30&m=-1&wi=1000  

Íslandsmót drengja og stúlkna. Valur Heiðar með 1 vinning

Íslandsmót drengja og stúlkna hófst á Akureyri í dag. Okkar maður, Valur Heiðar Einarsson, er á meðal keppenda.  Valur er í 25 sæti með 1 vinninga þegar 5 umferðum er lokið af 9. Alls taka 29 keppendur þátt í mótinu.  Snorri Hallgrímsson gat ekki teflt í mótinu vegna veikinda.

                        Valur Heiðar Einarsson.

Mótinu verður framhaldið á morgun, en þá verða síðustu 4 umferðirnar tefldar. Í 6. umferð teflir Valur við Heiðu Mist Kristjánsdóttur TG.

Jón Kristinn Þorgeirsson SA er efstur með fullt hús vinninga.

Sjá nánar á chess-results
http://www.chess-results.com/tnr26651.aspx?art=4&lan=1&fed=ISL&flag=30&m=-1&wi=1000

Haustmót Goðans 2009 !

Haustmót Goðans 2009 verður haldið helgina 13-15 nóvember í sal Framsýnar-stéttarfélags að Garðarsbraut 26 á Húsavík.
Tefldar verða 7 umferðir eftir monrad-kerfi, 3 atskákir og 4 kappskákir.
Mótið verður reiknað til Íslenskra skákstiga og fide-stiga.                                  

                                Dagskrá:

Föstudagur 13 nóvember    kl 20:30  1-3 umferð.   (atskák 25 mín )
Laugardagur 14 nóvember kl 10:00  4. umferð.     (90 mín +30 sek á leik)
Laugardagur 14 nóvember kl 14:00  5. umferð.       -------------------
Sunnudagur 15 nóvember  kl 10:00  6. umferð.       -------------------
Sunnudagur 15 nóvember  kl 14:00  7. umferð.        ------------------ 
 

Hugsanlegt er að 5 og 7. umferð hefjist seinna en ráð er fyrir gert, ef einhverjar skákir dragast á langinn úr 4 eða 6. umferð.  Mögulegt verður að fresta skák í 5. umferð til kvöldsins.Mögulegt verður að flýta skák úr 6. umferð þannig, að hún verði tefld kvöldið áður.
Frestun og/eða flýting á skák er þó háð samþykkis andstæðings og skákstjóra !
Skákum í öðrum umferðum verður ekki hægt að fresta eða flýta. 
 

Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.
Farandbikar fyrir sigurvegarann.
Sérstök gestaverðlaun verða fyrir utanfélagsmenn, en það er úrvals lambalæri frá Norðlenska á Húsavík.

  
Þátttökugjald er 2000 krónur fyrir fullorna, 2500 fyrir utanfélagsmenn og 1000 krónur fyrir 16 ára og yngri.  

Gunnar Björnsson forseti Skáksambands Íslands verður skákstjóri á mótinu. 

Skráning í mótið er hjá Hermanni, hér: [e-mail]  og í síma 4643187 og 8213187.
Æskilegt er að áhugasamir skrái sig til leiks sem fyrst og eigi síðar en hálftíma fyrir mót.Húsið tekur um 30 keppendur. Stjórn hvetur sem flesta félagsmenn til að taka þátt í mótinu.

Mótið er komið inná chess-results : 
http://chess-results.com/?tnr=26984&redir=J&lan=1 

Eftirtaldir hafa þegar tilkynnt þátttöku.

Erlingur Þorsteinsson         Sighvatur Karlsson        Valur Heiðar Einarsson
Sindri Guðjónsson            Ármann Olgeirsson         Ævar Ákason
Jakob Sævar Sigurðsson   Hermann Aðalsteinsson  Hallur Birkir Reynisson 
Smári Sigurðsson              Sigurbjörn Ásmundsson  Snorri Hallgrímsson     

Erlingur efstur á æfingu.

Erlingur Þorsteinsson varð efstur á skákæfingu kvöldsins sem haldin var á Stórutjörnum.           Hann vann alla sína andstæðinga. Teflar voru skákir með 10 mín umhugsunartíma á mann.

Úrslit urðu eftirfarandi:

1.    Erlingur Þorsteinsson       5 vinn af 5 mögul.
2.    Ármann Olgeirsson           3,5
3-4. Jóhann Sigurðsson           2
3-4. Sigurbjörn Ásmundsson   2
5.    Ketill Tryggvason              1,5
6.    Hermann Aðalsteinsson    1

Næsta skákæfing verður á Húsavík að viku liðinni.  H.A.

Jakob Sævar Sigurðsson 15 mín meistari Goðans 2009 !

Jakob Sævar Sigurðsson varð í dag 15 mín meistari Goðans 2009, en hann vann hið árlega 15 mín skákmót Goðans sem haldið var á Laugum.  Jakob vann 6 skákir, en tapaði einni. Rúnar Ísleifsson varð í öðru sæti með 5,5 vinninga og Hermann Aðalsteinsson varð þriðji með 5 vinninga. Smári Sigurðsson, 15 mín meistari Goðans síðustu tvegggja ára, varð í 4. sæti með 5 vinninga eftir stigaútreikning. 

 

Rúnar Ísleifsson, Jakob Sævar Sigurðsson og Hermann Aðalsteinsson.

 

                  Hlynur Snær, Snorri og Valur Heiðar. 

Valur Heiðar Einarsson vann yngri flokkinn með glæsibrag, en hann fékk 4 vinninga og varð í 5. sæti í heildarkeppninni.

Alls tóku 12 keppendur þátt í mótinu og tefldar voru 7 umferðir eftir monrad-kerfi.

Heildarúrslit urðu sem hér segir:

1.   Jakob Sævar Sigurðsson         6 vinn af 7 mögul.
2.   Rúnar Ísleifsson                      5,5
3.   Hermann Aðalsteinsson          5
4.   Smári Sigurðsson                    5
5.   Valur Heiðar Einarsson            4             (1. sæti í yngri fl.)
6.   Sigurbjörn Ásmundsson          3,5
7.   Ármann Olgeirsson                  3,5
8.   Ævar Ákason                           3
9.   Sighvatur Karlsson                  2,5
10. Hlynur Snær Viðarsson            2,5          (2. sæti í yngri fl.)
11. Snorri Hallgrímsson                 1,5          (3. sæti í yngri fl.)
12. Starkaður Snær Hlynsson        0 

Næsta skákmót sem Goðinn heldur verður haustmót Goðans, en það verður haldið á Húsavík helgina 13-15 nóvember nk.    H.A. 

 

Skráðrir keppendur í 15 mín mótið.

Eftirtaldir hafa nú þegar skráð sig í 15 mín skákmót Goðans 2009 !

Smári Sigurðsson                  (1825)
Rúnar Ísleifsson                     (1710)
Jakob Sævar Sigurðsson       (1685)
Ævar Ákason                          (1645)
Ármann Olgeirsson                (1515)
Hermann Aðalsteinsson        (1460)
Sigurbjörn Ásmundsson        (1265)
Sighvatur Karlsson                  0
Snorri Hallgrímsson                 0
Hlynur Snær Viðarsson            0
Valur Heiðar Einarsson            0
Starkaður Snær Hlynsson        0

Hægt er að skrá sig til leiks hér [e-mail] eða í síma 8213187

Mótið hefst kl 13:00 í Litlulaugaskóla á Laugum. Teflar verða 7 umferðir eftir monrad-kerfi. Líklegt er að mótinu verði lokið kl 17:00.  H.A.

Sigurbjörn og Hermann efstir á æfingu.

Sigurbjörn Ásmundsson og Hermann Aðalsteinsson urðu efstir og jafnir á skákæfingu kvöldsins sem fram fór á Húsavík. Þeir fengu báðir 4 vinninga af 5 mögulegum. Teflar voru skákir með 15 mín umhugsunartíma á mann.    

Úrslit kvöldsins.

1-2. Sigurbjörn Ásmundsson   4 vinn af 5 mögul.
1-2. Hermann Aðalsteinsson   4
3.    Snorri Hallgrímsson          2,5
4.    Hlynur Snær Viðarsson      2
5.    Sighvatur Karlsson            1,5
6.    Valur Heiðar Einarsson     1

Næsta skákæfing verður á Stórutjörnum að viku liðinni. H.A.

15 mín skákmót Goðans 2009 verður haldið 17 október.

15 mín mót Goðans 2009 verður haldið að Laugum í Reykjadal laugardaginn 17 október nk.

Mótið hefst kl 13:00 og því lýkur kl 17:00.

Teflar verða skákir með 15 mín umhugsunartíma á mann og er reiknað með því að tefldar verða 7 umferðir eftir monrad-kerfi, en það fer þó eftir fjölda þátttakenda.

Veitt verða verðlaun fyrir þrjú efstu sætin auk farandbirkars og nafnbótina "15 mín meistari Goðans 2009" fyrir efsta sætið.

Núverandi 15 mín meistari Goðans er Smári Sigurðsson og á hann möguleika á því að vinna bikarinn til eignar, vinni hann mótið á laugardaginn. Einnig verða veitt verðlaun fyrir þrjá efstu í flokki 16 ára og yngri.

Keppnisgjald er 500 krónur fyrir fullorna en 250 krónur fyrir 16 ára og yngri.

Mótið verður reiknað til atskákstiga.

Æskilegt er að áhugasamir skrái sig til leiks í síðasta lagi kvöldið fyrir mót. H.A.

Stúderað á Húsavík.

Í gærkvöld var fyrra stúderngakvöldið af tveimur haldið á Húsavík.  Nimzowitsch-vörn og Marshall-árás í Spænska leiknum voru stúderuð.  Jakob Sævar Sigurðsson stjórnaði þeim.

Jakob situr við tölvuna og stjórnar skýringunum í gegnum skjávarpa.

Í kvöld, laugardagskvöld, verður farið yfir Scheveningen-afbrigði Sikileyjarvarnar og Grjótgarðinn í Hollenzkri. Stúderingarnar hefjast kl 20:30 í Framsýnarsalnum.   H.A.

Stúderingar um helgina.

Um helgina verður stúderað mikið í skák á Húsavík.  Stúderingarnar verða í boði fyrir áhugasama bæði föstudagskvöld og laugardagskvöld. Stúderingarnar hefjast bæði kvöldin kl 20:30 í Framsýnarsalnum.  

Nimzowitsch-vörn og Marshall-árás í Spænskum leik verður krufið til mergjar á föstudagskvöldinu, en á laugardagskvöldinu verður Scheveningen-afbrigði Sikileyjarvarnar og Grjótgarðinn í Hollenzkri vörn tekið fyrir.

Stúderningarnar verða í umsjá Jakobs Sævars Sigurðssonar. Stúderingarnar fara fram í gegnum skjávarpa, úr tölvu, þannig að allir ættu að geta séð vel hvað um er að vera.

Vonandi geta sem flestir félagsmenn nýtt sér þessa fræðslu um helgina. H.A.

Skrár tengdar þessari bloggfærslu:

• Stúderingar Nimzovitsch-vörn

Ármann og Erlingur efstir á æfingu.

Ármann Olgeirsson og Erlingur Þorsteinsson urðu efstir á skákæfingu kvöldsins. Þeir fengu báðir 4 vinninga af 5 mögulegum.  Tefldar voru 10 mín skákir.

Úrslit kvöldsins:

1-2. Ármann Olgerisson          4 af 5 mögul.
1-2. Erlingur Þorsteinsson      4
3.    Smári Sigurðsson             3,5
4.    Hermann Aðalsteinsson   2,5
5.    Sigurbjörn Ásmundsson   1
6.    Ketill Tryggvason              0

Stúderingakvöld verður haldið á föstudaginn á Húsavík. Stúderingarnar hefjast kl 20:30 í sal Framsýnar-stéttarfélags á Húsavík. Jakob Sævar Sigurðsson stjórnar í þeim.  Stúderingunum verður svo framhaldið kvöldið eftir á sama stað. 

Vonandi sjá sem flestir félagsmenn sér hag í að koma. H.A. 

Tímaritið Skák 2. tölublað komið út.

Nú er 2. tölublað af tímaritinum Skák komið út. Það er eingöngu gefið út rafrænt.

Hér er hægt að nálgast það hér fyrir neðan: 
(hægri smellið og veljið save target as)

Skrár tengdar þessari bloggfærslu:

• Tímaritið Skák. 2. tölublað

Uppfærður skákbókalisti.

Hér er uppfærður og endurbættur skákbókalisti í eigu Jakobs Sævars. Áhugasamir geta haft samband við Jakob og fengið þær bækur að láni sem eru ekki í útláni.

Hér er listinn.

Byrjanir1.e41.e4 e5

The Philidor Files – Bauer (2006)
Offbeat Spanish – Flear (2000)
Open Ruy Lopez – Flear (2000) – Í láni
The Ruy Lopez main line – Flear (2004)
Play the Ruy Lopez – Greet (2006)
4...Qh4 in the Scotch Game – Gutman (2001)
The Fascinating King´s Gambit – Johansson (2004) – Í láni
The Latvian Gambit lives! – Kosten (2001)
Beating the Petroff – Kotronias & Tzermiadianos (2005)
The Marshall Attack – Lalic (2003)
Fighting the Ruy Lopez – Pavlovic (2009) (væntanleg)
The Two Knights´ Defence – Pinski (2003)

Sikileyjarvörn

Experts vs. The Sicilian, 2nd edition – Ýmsir (2006)
Challenging the Sicilian with 2.a3!? – Bezgodov (2004)
Starting Out: Sicilian Sveshnikov – Cox (2007) – Í láni
Play the Sicilian Dragon – Dearing (2004) – Í láni
Accelerated Dragons – Donaldson & Silman (1993)
The Sicilian Sozin – Golubev (2004)
Starting Out: Sicilian Dragon – Martin (2005) – Í láni
Sicilian Kalashnikov – Pinski & Aagaard (2001)
Starting Out: Sicilian Scheveningen – Pritchett (2006) Í láni
Starting Out: Classical Sicilian – Raetsky & Chetverik (2007) – Í láni
Anti-Sicilians: A Guide for Black – Rogozenko (2003) – Í láni
The Sveshnikov Reloaded – Rogozenko (2005)

Frönsk vörn

The French Advance – Collins (2006)
French: Advance and Other Lines – Pedersen (2005)

 Caro-Kann vörn

Starting Out: The Caro-Kann – Gallagher (2002)
Main line Caro-Kann – McDonald (2000)
Play the Caro-Kann – Houska (2007)
Caro-Kann Defence: Advance Variation and Gambit System – Karpov (2006)

Skandinavísk vörn

The Scandinavian, 2nd edition – Emms (2004)
The Essential Center-Counter – Martin (2004)
Scandinavian Defence: The Dynamic 3...Qd6 – Melts (2001)

Annað með 1.e4

Alekhine´s Defence – Davies (2001)
Tiger´s Modern – Persson (2005)
The Pirc in Black and White – Vigus (2007)

1.d4

Drottningarbragð

Play the Queen´s Gambit – Ward (2006)

Kóngsindversk vörn

The Controversial Sämisch King´s Indian – Ward (2004)
Starting Out: The King´s Indian – Gallagher (2002)
Play the King´s Indian – Gallagher (2004)
Understanding the King´s Indian – Golubev (2006) – Í láni
The Fearsome Four Pawns Attack – Konikowski & Soszynski (2005)

Benoni-vörn

Starting Out: Modern Benoni – Vegh (2004)
The Gambit Guide to the Modern Benoni – Watson (2001)

Hollenzk vörn

Understanding the Leningrad Dutch – Beim (2002)
Win with the Stonewall Dutch – Johnsen, Bern (2009)
Leningrad System – Kindermann (2002)
Starting Out: The Dutch Defence – McDonald (2004)
Play the Classical Dutch – Williams (2003) – Í láni

Enskur leikur

The Dynamic English – Kosten (1999)
Starting Out: The English – McDonald (2003)

Annað

The Blackmar-Diemer Gambit: KeyBook II – Sawyer (1999)
Starting Out: 1d4! – Cox (2006) – Í láni

Annað

Play 1...b6 – Bauer (2005)
Fighting the Anti King´s Indians – Dembo (2008)
Beating the Anti-King´s Indians – Gallagher (1996) – Í láni
Nimzo-Larsen Attack – Jacobs & Tait (2001)
Play 1...Nc6! – Wisnewski (2007)

Ýmislegt

Dvoretsky´s Endgame Manual, 2nd Edition – Dvoretsky (2008)
Besti leikurinn – Hort & Jansa (1982)
Hagnýt Endatöfl – Keres (1977) – Í láni
My System, 21st Century Edition – Nimzowitsch (1991)
Morphy´s Games of Chess – Sergeant (1957)
Chess Strategy in Action – Watson (2003)

Síminn hjá Jakob er 8657600  e-mail [e-mail]  

 

Íslandsmót skákfélaga. Pistill formanns.

Þá er fyrri hluta Íslandsmóts skákfélaga lokið og óhætt að segja að góður árangur hafi náðst hjá A-sveit Goðans. Liðið er sem stendur í 2 sæti í 4. deild, með 17 vinninga eftir 4 umferðir og aðeins hálfum vinningi á eftir efsta liðinu, A-liði Víkingasveitarinnar, sem verða andstæðingar A-sveitarinnar í 5. umferð í mars.
A-sveitin vann allar sínar viðureignir. Þar á meðal var sterkt lið TV-B sem búið var að spá sigri í 4. deildinni í vetur.

B-liðið er í 21 sæti í 4. deild, með 11 vinninga og er það svona á því róli sem við mátti búast. B-sveitin var ekki eins sterk eins og til stóð, því Rúnar forfallaðist óvænt og tefldi ekkert með okkur og Einar Garðar tefldi bara tvær skákir.

                       Árangur A-sveitarinnar.

TV - C        -    Goðinn A           2 - 4

Góður sigur vannst á C- sveit Eyjamanna.  Erlingur, Sigurður Jón og Pétur unnu sínar skákir. Barði og Smári gerðu jafntefli, en Jakob tapaði. Fín byrjun sem gaf tóninn.

Goðinn-A     -  Snæfellsbær.     4 - 2

Annar góður sigur vannst á Snæfellingum. Sigurður Jón og Barði unnu sínar skákir, en aðrar skákir enduðu með jafntefli. Nú var Sindri kominn inní liðið en Pétur kominn niður í B-sveitina.

TV - B           -   Goðinn A        2,5 - 3,5

Glæsilegur sigur á B-sveit Eyjamanna, þeirri sömu og "aðalritari" skák.is og forseti vor Gunnar Björnsson hafði spáð sigri í 4. deildinni. Sindri og Jakob unnu sínar skákir. Erlingur, Barði og Sigurður Jón gerðu jafntefli en Smári tapaði sinni skák.

Goðinn - A    - KR - E             5,5  -  0,5

Stórsigur á E-sveit KR fleytti A-sveitinni í annað sætið þegar þrjár umferðir eru eftir. Erlingur, Sindri, Jakob, Barði og Smári unnu sína andstæðinga og Sigurður Jón gerði jafntefli.

Óhætt er að segja að A-liðið hafa alla burði til þess að krækja í sæti í 3. deild að ári. Einungis tvær skákir af 24 töpuðust í fyrri hlutanum. Allir okkar bestu menn eru í liðinu og ef engin forföll verða í seinni hlutanum lítur þetta vel út. Við bíðum spenntir eftir viðureign okkar við Víkingasveitina í 5. umferð. Úrslitin úr þeirri viðureign koma til með að ráða miklu um framhaldið.

                          Árangur B-sveitarinnar.

Goðinn - B  -    SSON            0,5 - 5,5

Slæm byrjun hjá B-sveitinni. Hálfgerð flenging í boði Skákfélags Selfoss og nágrennis. Einar Garðar gerði jafntefli á fyrsta borði en Ævar, Sighvatur, Sigurbjörn, Brandur og Einar Már töpuðu sínum skákum. Hermann sat yfir en var einn af skákstjórunum í 1. umferð.

Haukar/TG   -  Goðinn - B     0 - 6

Eins og búast mátti við fengum við krakkasveit í annari umferð. Ekki var hún nein fyrirstaða fyrir B-sveitina. allar skákir unnust á sameiginlegu krakkaliði Hauka og Taflfélags Garðabæjar. Nú var Pétur kominn á fyrsta borð og Einar Garðar á annað borð. Sigurbjörn sat hjá í 2. umferð.

UMSB       -    Goðinn - B     5,5 - 0,5

Fastir liðir eins og venjulega. Alltaf teflum við gegn Borgfirðinga í deildarkeppninni. En nú náðu Borgfirðingar fram hefndum. Nú steinlágum við fyrir þeim. Aðeins Brandur náði janftefli, en aðrar skákir töpuðust. Bjarni Sæmundsson og John Ontiveros eru gegnir til liðs við UMSB og það var of stór biti fyrir B-sveitina.

Goðinn - B   - UMFL               4 - 2

Auðveldur sigur vannst á Laugvetningum. Hermann, Sigurbjörn og Brandur unnu auðvelda sigra eftir aðeins 30 mínútur því engir andstæðingar voru til staðar ! Pétur vann einnig sinn andstæðing en Ævar og Sighvatur töpuðu.

                         Árangur einstakra skákmanna Goðans.

Erlingur þorsteinsson  3 vinn af 4
Tveir sigrar og tvö jafntefli hjá Erlingi á 1. borði í A-sveitinni. Góð frammistaða hjá stigahæsta skákmanni félagsins.

 

Sigurður Jón Gunnarsson    3 vinn af 4
Frábær endurkoma að skákborðinu hjá Sigurði Jóni. Sigurður hafði ekki teflt kappskák í 20 ár. Það var ekki að sjá að svo væri. Hann tapaði ekki skák. Sigurður tefldi á 3. borði í A-sveitinni, en tefldi eina skák 2. borði í fyrstu umferð, í fjarveru Sindra. 

 

Barði Einarsson  3 vinn af 4
Barði undirstrikaði hve öruggur hann er. Tveir sigrar og tvö jafntefli. Barði tefldi á 5. borði, en á 4. borði í fyrstu umferð, í fjarveru Sindra.

 

Pétur Gíslason                     3 vinn af 4
Pétur vann þrjár skákir en tapaði einni. Hann tefldi á 1. borði í B-sveit, nema í fyrstu umferð, en þá var Pétur á 6. borði í A-sveitinni.

 

 

Sindri Guðjónsson            2,5 af 3
Sindri vann tvær skákir og gerði eitt jafntefli. Afar góð frammistaða eins og búast mátti við hjá Sindra. Sindri tefldi á öðru borði í A-sveitinni í 2-4 umferð. Sindri kom svo seint til Reykjavíkur á föstudeginum að hann gat ekki teflt með okkur þá, enda um langan veg að fara fyrir hann, alla leið frá Bakkafirði. Sindri er ásamt Barða, Sigurði Jóni, Erlingi og Einari Garðari,  taplausir eftir fyrri hlutann.

 

Jakob Sævar Sigurðsson   2,5 af 4
Jakob Sævar stóð fyrir sínu á 5. borði. Hann vann tvær skákir, gerði eitt jafntefli, en tapaði einni skák.

 

Brandur Þorgrímsson       2,5 af 4
Brandur tefldi á 6. borði í B-sveitinni. Hann stóð sig vel í sínu fyrsta kappskákmóti. Hann hafði ekki áður teflt kappskák og var stiglaus fyrir mótið. Brandur vann eina skák, gerði eitt jafntefli og tapaði einni. Svo fékk hann gefins vinning í síðustu umferð því andstæðngur hans mætti ekki til leiks.

Smári Sigurðsson                2 af 4
Smári tefldi á 6. borði í A-sveitinni. Hann vann eina skák, gerði tvö jafntefli, en tapaði einni skák.

 

Hermann Aðalsteinsson      2 af 3
Hermann vann eina skák og tapaði einni. Svo fékk hann einn vinning gefins því andstæðingur hann mætti ekki til leiks. Hermann tefldi ekki í 1. umferð.

 

 

Einar Garðar Hjaltason    1,5 af 2
Einar Garðar tefldi vel. Hann vann eina skák og gerði eitt jafntefli. Einar tefldi ekki í 3 og 4. umferð.

 

Ævar Ákason                      1 af 4
Ævar vann eina skák, en tapaði 3. Ævar átti möguleika á jafntefli í tveimur skákum en var sviðinn til taps í þeim báðum. 

 

Sighvatur Karlsson             1 af 4
Sighvatur teldi vel og vann eina skák, en var sviðinn til taps í endatafli í tveimur skákum.

 

 

Sigurbjörn Ásmundsson     1 af 3
Sigurbjörn tapaði tveimur skákum en fékk einn vinning þegar andstæðingur hans mætti ekki til leiks í síðustu umferð líkt og Hermann og Brandur. Sigurbjörn tefldi ekki í 2. umferð.

 

Einar Már Júlíusson             0 af 1
Einar tefldi eina skák í 1. umferð og tapaði henni.

 

 

 

Við bíðum spenntir eftir seinni hlutanum í mars og vonandi gengur það eftir sem við lögðum upp með, að A-liðið vinni sæti í 3. deild að ári.

Hermann Aðalsteinsson formaður.