Tap í 2. umferð.

Jakob Sævar tapaði fyrir Jóhönnu Björg Jóhannsdóttir í kvöld.  

Á morgun teflir Jakob við Friðrik Þjálfa Stefánsson (1455)

Jakob hefur hvítt.

Tap í fyrstu umferð.

Jakob Sævar Sigurðsson (1860) tapaði fyrir stigahæsta keppanda áskorendaflokks skákþings Íslands, Sigurbirni Björnssyni (2316) í 1. umferð sem fram fór nú í kvöld.

Andstæðingur Jakobs Sævars í 2. umferð á morgun er Jóhanna Björg Jóhannsdóttir (1655)

Jakob verður með svart.

Undirbúningur fyrir Íslandsmót skákfélaga hafinn.

Eins og væntanlega flestir félagsmenn vita þá stefnir félagið á að senda 2 skáksveitir til keppni á Íslandsmóti skákfélaga sem fer fram 3-5 október í Reykjavík. (fyrri hluti)

Allir félagsmenn fengu í gær (mánudag) e-mail þar sem óskað er eftir því að áhugasamir skrái sig til keppni.  Nú aðeins sólarhring síðar hafa 7 félagsmenn skráð sig til keppni fyrir Goðann.
Til þess að manna tvær sveitir þurfum við 12 keppendur og svo 1-2 varamenn, alls 13-14 keppendur. Þannig að ekki vantar nema 6-7 í viðbót til þess að markmiðið náist.

Ég bendi áhugasömum félögum á að hafa samband við formann og skrá sig til leiks. 

Jakob Sævar Sigurðsson teflir í áskorendaflokki.

Okkar maður Jakob Sævar Sigurðsson (1860) teflir í áskorendaflokki
skákþings Íslands sem hefst á miðvikudaginn. Teflt verður í Reykjavík.

Nú þegar eru 25 keppendur skráðir til leiks.

Tefldar verða 9 umferðir með 90 mín + 30 sek á leik.

 

 

Fylgst verður með gengi Jakobs hér á síðunni.

Goðheimar.

Nú hefur verið opnaður spjallvefur sem hlotið hefur nafnið Goðheimar !  Það er formaður Goðans sem stendur fyrir þessum spjallvef.  Félagsmenn eru hvattir til að skrá sig inn sem notendur.

Goðheimar eru einungis fyrir félagsmenn í skákfélaginu Goðanum.

Slóðin þangað er :  http://www.atfreeforum.com/godin/            (Sjá tenglasafn)

Goðheimar eru með svipuðu sniði og Skákhornið.  Þar er hægt að setja inn fyrirspurnir til stjórnar um hvað eina það sem félagsmenn vanhagar um.  Einnig er hægt að setja þar inn skákþrautir svo að eitthvað sé nefnt.  

Stjórn vonast eftir því að félagsmenn notfæri sér þennan spjallvef. H.A.

Nýr félagsmaður !

Sigurður Jón Gunnarsson, er genginn til liðs við Skákfélagið Goðann.   Hann er búsettur í Reykjavík.

Sigurður Jón er öflugur skákmaður en hefur lítið teflt að undanförnu.   Sigurður hefur 1885 skákstig (eftir 39 skákir).  Hans síðasta mót var deildarkeppnin 1990, en þá tefldi hann fyrir skákfélag Sauðárkróks.

Hann kemur til með að styrkja A-sveit Goðans verulega í deildarkeppninni í haust. 

Stjórn skákfélagsins býður Sigurð Jón Gunnarsson velkominn í Goðann.  H.A.

Jakob Sævar í 6. sæti með 4 vinninga.

Jakob Sævar Sigurðsson varð í 6. sæti, með 4 vinninga, á helgarskákmóti Hellis og T.R.  sem lauk í dag.  Jakob vann Örn Stefánsson í loka umferðinni.

Sigurvegari varð Davíð Kjartansson en hann fékk 6 vinninga.  Halldór Brynjar Halldórsson varð í öðru sæti með 5,5 vinninga.  Alls tóku 18 keppendur þátt í mótinu.  H.A.

Jafntefli og tap hjá Jakob.

Jakob Sævar tapaði fyrir Sverri Þorgeirssyni í 5 umferð sem fram fór í dag. 

Í 6. umferð, sem var tefld í kvöld, gerði Jakob jafntefli við Magnús Mattíasson.

Jakob Sævar hefur 3 vinninga eftir 6 skákir og er í 9-12 sæti (af 18) þegar ein umferð er eftir.  Síðasta umferð verður tefld á morgun sunnudag. 

Þá hefur Jakob hvítt á Örn Stefánsson.

Jakob Sævar með 2,5 vinninga.

Jakob Sævar Sigurðsson er í 6. sæti með 2,5 vinninga þegar 4 umferðum er lokið í helgarskákmóti Hellis og T.R. 

Halldór Brynjar Halldórsson er einn efstur með 4 vinninga.

Úrslit úr skákum Jakobs Sævars :

1. umferð Jakob - Gísla Benjamín Einarsson      1-0
2. umferð Jakob - Torfi Leósson                         0-1
3. umferð Jakob - Stefán Bergsson                    1-0
4. umferð Jakob - Friðrik Þjálfi Stefánsson       0,5-0,5

Jakob teflir með hvítu mönnunum við Sverri Þorgeirsson í 5. umferð á morgun. H.A.

Helgarskákmót Hellis og T.R. Jakob Sævar meðal keppenda.

Helgarskákmót Hellis og T.R. hefst annað kvöld. (föstudagskvöld)  Okkar maður, Jakob Sævar Sigurðsson er meðal keppenda.  Tefldar verða 4 atskákir á föstudagskvöldið og síðan 2 kappskákir á laugardag og ein á sunnudag.  

Meðal keppanda er Davíð Kjartansson, Sverrir Örn Björnsson, Halldór Brynjar Halldórsson og Stefán Bergsson.

Fylgst verður með gengi Jakobs hér á síðunni um helgina. H.A.

Baugaselsmótið 2008. Tómas efstur og Jakob í 3. sæti.

Tómas Veigar Sigurðarson varð efstur á minningarmótinu um Steinberg Friðfinnsson sem haldið var í Baugaseli í Barkárdal í gær (sunnudag). Tómas fékk 10 vinninga af 14 mögulegum. Sigurður Arnarsson náði einnig 10 vinningum, en Tómas hafði betur í einvígi um efsta sætið með 2,5 -1,5

Jakob Sævar varð í 3 sæti með 9 vinninga.

Alls tóku 8 keppendur þátt í mótinu og þar af þrír frá Goðanum.

Tefldar voru hraðskákir (5 mín) allir við alla, tvöföld umferð.

Afar gott veður var í Barkárdalnum og fór mótið fram
utandyra í veðurblíðunni.

Úrslit urðu eftirfarandi:

1. Tómas Veigar Sigurðarson   Goðinn   10 af 14
2. Sigurður Arnarson                   S.A.     10
3. Jakob Sævar Sigurðsson      Goðinn    9
4. Sigurður Eiríksson                   S.A       8
5. Sveinbjörn Sigurðsson            S.A.      6,5
6. Ari Friðfinnsson                       S.A.      5,5
7. Haki Jóhannesson                  S.A.      4
8. Hermann Aðalsteinsson       Goðinn    0

Það var Skákfélag Akureyrar sem stóð fyrir mótshaldinu í Baugaseli.  H.A.

FIDE skákstig 1 júlí 2008.

Stigalisti FIDE var gefinn út í gær. Goðinn á 2 skákmenn á listanum, þá Tómas Veigar og Jakob Sævar.  Jakob hækkar um 49 stig frá síðasta lista (1. apríl) en Tómas lækkar um 11.

                                          FIDE 1 Júlí 2008                         breyting +/-

Tómas Veigar Sigurðarson       2045                                      -11
Jakob Sævar Sigurðsson          1860                                     +49

         

 

 

 

 

 

Viðbót.

Þess má geta að Jakob Sævar hækkaði næst mest allra Íslenskra skákmanna og það aðeins eftir 5 reiknaðar skákir ! 

Gylfi Þórhallsson (S.A.)  hækkaði mest allra um 55 stig en hann átti 18 skákir sem voru reiknaðar.

Omar Salama efstur á sumarskákmóti Goðans.

Omar Salama sigraði örugglega á sumarskákmóti Goðans sem fram fór í kvöld. Omar vann alla sína andstæðinga 8 að tölu.  Tefldar voru 7 mín skákir. Úrslit urðu eftirfarandi:

1.      Omar Salama                     Hellir             8 af 8                      
2.      Sigurður Arnarson              S.A.              7
3.      Sigurður Eríksson               S.A               5                  
4-5    Smári Sigurðsson               Goðinn         4
4-5    Sindri Guðjónsson              T.G.              4
6-7    Tómas V Sigurðarson         Goðinn          3
6-7    Hermann Aðalsteinsson     Goðinn         3
8.      Ármann Olgeirsson            Goðinn         1,5
9.      Sigurbjörn Ásmundsson     Goðinn         0,5

Mótið fór fram að Laugum í Reykjadal. Skákstjóri var Hermann Aðalsteinsson.

 

Sumarskákmót Goðans.

Sumarskákmót Goðans verður haldið í Litlulaugaskóla í Reykjadal mánudagskvöldið 30 júní. Mótið hefst kl 20:30.  Tefldar verða 10 eða 15 mín skákir. (Eftir þátttöku)

Sérstakur gestur á mótinu verður Omar Salama (2205) skákkennari.

Það kostar ekkert að vera með en engin verðlaun verða veitt í mótinu

Félagsmenn í Goðanum,  sem og aðrir skákmenn í nágrenninu, er hvattir til þess að vera með í móti þessu.   H.A.

Íslandsmót skákfélaga 2008-9. Seinni hlutinn tefldur á Akureyri.

Nú er búið að ákveða dagsetningar fyrir Íslandsmót skákfélaga 2008-9. Fyrri hlutinn verður tefldur dagana 3-5 október nk. í Reykjavík, en seinni hlutinn 6-7 mars 2009 á Akureyri. (að öllum líkindum)

Skákfélag Akureyrar á 90 ára afmæli um þessar mundir og í tilefni þess verður seinni hlutinn tefldur á Akureyri.  Þetta er auðvitað fagnaðarefni fyrir okkur því ferðakostnaður sparast, tími og fyrirhöfn.

Stjórn Goðans stefnir að því að stilla upp tveimur skáksveitum til keppni í 4. deildinni. (A og B lið) Það ætti að vera vel raunhæft markmið. það hefur fjölgað í félaginu og síðan er tímasetningin á fyrri hlutanum sennilega heppilegri fyrir marga og svo er staðsetningin á seinni hlutanum augljós kostur fyrir okkur.

Félagsmenn eru hvattir til að taka frá þessar dagsetningar og láta skák ganga fyrir þessar helgar !  H.A.

Ný atskákstig.

Ný atskákstig voru gefin út í dag. Ármann kemur nýr inn á listann með 1435 stig. Baldvin og Hermann hækka báðir um 55 stig, Tómas um 25 og Rúnar um 5 stig. Aðrir standa í stað eða lækka.

Listinn lítur svona út :       Atstig 1 júní ´08

Ármann Olgeirsson               1435          nýtt
Baldvin Þ Jóhannesson         1535         +55
Einar Garðar Hjaltason         1620       
Hermann Aðalsteinsson        1405         +55
Jakob Sævar Sigurðsson       1635          -50
Orri Freyr Oddsson                1835
Pétur Gíslason                       1855
Rúnar Ísleifsson                    1710         +5
Sigurbjörn Ásmundsson        1290         -95
Smári Sigurðsson                  1815         -120
Tómas V Sigurðarson            1860         +25

Reiknuð mót sem einhverjir af okkur mönnum tóku þátt í voru Skákþing Norðlendinga 1-4 umf. Héraðsmót HSÞ, Skákþing Goðans 1-3 umf. og Minningarmót um Albert Sigurðsson 1-4 umf. H.A.

Ný skákstig.

Ný Íslensk skákstig sem gilda 1. Júní 2008 voru gefin út í dag. Ármann Olgeirsson hækkar um heil 110 stig sem er mjög mikil hækkun og sú næst mesta af öllum. Jakob og Rúnar hækka líka talsvert frá síðasta lista og Hermann og Sigurbjörn koma nýir inn. Listinn lýtur svona út:

Nafn                             stig 1 júní 08    breyting+/-

Ármann Olgeirsson                 1440        +110

Baldur Daníelsson                  1650             0

Baldvin Þ Jóhannesson          1445             0

Einar G Hjaltason                   1655             0

Heimir Bessason                    1590             0

Hermann Aðalsteinsson         1375           nýtt

Jakob Sævar Sigurðsson        1670            +30

Pétur Gíslason                        1715            0

Rúnar Ísleifsson                     1695           +25

Sighvatur Karlsson                 1300             0

Sigurbjörn Ásmundsson          1305            nýtt

Smári Sigurðsson                   1615            -25

Tómas V Sigurðarson              1855             0

Ævar Ákason                          1605           -15

Mót sem reiknuð eru inn og einhverjir af okkar mönnum tóku þátt í, eru Íslandsmót skákfélaga síðari hluti, Skákþing Akureyrar, Skákþing Norðlendinga og Skákþing Goðans.

Ný atskákstig eru væntanleg innan tíðar. Greint verður frá þeim þegar þau berast.  H.A.

Tómas í 16 sæti.

Tómas vann Svein Arnarsson í 6 umferð í gær. (Sveinn mætti ekki til leiks)

Tómas tapaði fyrir Kristjáni Erni Elíassyni í loka umferðinni sem tefld var í gærkvöld.

Tómas endaði í 16 sæti með 3,5 vinninga. 

Tómas með jafntefli í 5 umferð.

Tómas Veigar Sigurðarson gerði jafntefli við Þór Valtýsson í 5. umferð sem lauk í gærkveldi.

6. umferð hófst kl 11:00. Þá hefur Tómas hvítt á Svein Arnarsson.

Tómas er með 2, 5 vinninga í 15 sæti.   H.A.

Tap í 4. umferð.

Tómas tapaði í 4. umferð fyrir Rúnari Berg.

5. umferð hófst kl 19:30.    Tómas hefur hvítt á Þór Valtýsson.

Gylfi Þórhallsson, Davíð Kjartansson og Arnar Þorsteinsson eru efstir með 3,5 vinninga. H.A.