Skáksveit Hafralækjarskóla sigraði á Laugamótinu.

Skáksveit Hafralækjarskóla í Aðaldal sigraði á grunnskólamóti Framhaldsskólans á Laugum sem fram fór í dag.   Sveit Hafralækjarskóla fékk  10 vinninga af 12 mögulegum. 4 sveitir tóku þátt í mótinu.  Úrslit urðu eftirfarandi :

1.     Hafralækjarskóli      10 vinningar af 12 mögulegum

2-3.  Reykjahlíðarskóli      7

2-3.  Litlulaugaskóli          7

4.     Stórutjarnaskóli       0

Dagur Þorgrímsson náði bestum árangri á 1. borði fyrir Hafralækjarskóla, en hann vann allar sínar skákir.  Sveitirnar voru skipaðar 4 keppendum hver og tefldu tveir strákar og tvær stúlkur frá hverjum skóla. Tefldar voru skákir með 10 mín. umhugsunartíma á mann. H.A. 

Athugasemdir

[Sindri Guðjónsson, 8.3.2008 kl. 05:15]

Ég er búinn að vera að lesa bloggið, og þið eruð greinilega að vinna skemmtilegt og gott starf. Vel af sér vikið. Ef mér skjátlast ekki, þá var hér um bil ekkert skáklíf í sýslunni fyrir örfáum árum. Vonandi á skákinni eftir að vaxa enn meiri fiskur um hrygg í Þingeyjarsýslu.

kv

Sindri

[Skákfélagið Goðinn, 8.3.2008 kl. 10:08]

Taflfélag Húsavíkur hætti starfsemi fyrir c.a. 7 árum.  Goðinn var stofnaður 2004. Síðan þá höfum við reynt að gera okkar besta og við höfum reynt að gera það sem við getum í barna og unglingastafri. Vonandi eru við á réttri leið.