Áramótapistill formanns.

Árið 2011 hefur verið skákfélaginu Goðanum gjöfullt. A-sveitin vann sig upp í 2. deild í mars og nú þegar fyrri hluti Íslandsmóts skákfélaga er lokið er staðan A-sveitarinnar í 2. deild mjög vænleg og nánast öruggt að Goðinn tefli fram liði í 1. deild keppnistímabilið 2012-13 í fyrsta skipti í sögu félagsins. B-sveitinni mistókst að komast upp úr 4. deildinni í mars sl. eftir frekar óvænt tap í lokaumferðinni. Staða B-sveitarinnar er vænleg fyrir seinni hlutann, en B-liðið er í 4. sæti og þarf að ná 3. sætinu til þess að fara upp í 3. deild. það skal takast á Selfossi í mars 2012. 

                 Sigurður Daði Sigfússon leiddi A-sveitina í október.

Enn fjölgaði félagsmönnum á árinu en nú um áramót eru 55 skákmenn skráir í félagið. Engin skákmaður yfirgaf félagið á árinu, en einn af stofnendum Goðans, Jóhann Sigurðsson, lést í janúar.

Eftirtaldir gengu til liðs við Goðann á árinu.

Sigurður Daði Sigfússon
Hlíðar Þór Hreinsson
Stephen Jablon      (USA)
Sigurgeir Stefánsson
Arnar Grant

Gríðarlegur liðstyrkur var í þeim Sigurði Daða og Hlíðari Þór og leiddi Sigurður Daði A-sveitina í deildarkeppninni á fyrsta borði í október. Hlíðar kom inn í A-sveitina og styrkti hana mikið. A-liðið er nú orðið það sterkt að hægt er að stilla upp liði þar sem enginn er undir 2200 stigum. Stephen er fyrsti erlendi skákmaðurinn sem gengur til liðs við Goðann. Hann tefldi í B-liðinu. Nokkrar deilur urðu í kringum hans félagsskipti í haust, en að lokum úrskurðaði mótsstjórn Íslandsmóts skákfélaga hann löglegan með Goðanum eftir þó nokkuð þras. Arnar og Sigurgeir gengu til liðs við Goðan nú á haustdögum en hafa ekki teflt í deildarkeppninni enn sem komið er.

Hér er formaður búinn að smala landsliði Færeyinga inn í helli í Dimmuborgum sl. sumar.

Mótahald var með miklum blóma á árinu, því auk hefðbundinna móta hélt Goðinn nokkuð fjölmennt sumarskákmót í Vaglaskógi þar sem nágrannar okkar frá SA fjölmenntu. Landskeppni við Færeyinga var svo haldin í ágúst á Húsavík, en þar var fyrri umferðin tefld. Þrír skákmenn frá Goðanum tefldu fyrir Íslands hönd í keppninni. Fyrr um daginn var farið með Færeyinganna í skoðunarferð í Mývatnssveit og svo bauð Goðinn öllum upp á kjötsúpuveislu á Húsavík.

                   Einar Hjalti Jensson á Framsýnarmótinu í október.

Framsýnarmótið var haldið í október og mættu 18 keppendur til leiks og þar af 5 frá nágrönnum okkar í SA. Mótið heppnaðist í alla staði vel en Sigurður Daði Sigfússon stóð að lokum uppi sem sigurvegari. Einar Hjalti Jensson kom tvisvar til Húsavíkur á árinu. Í fyrra skiptið tók hann félagsmenn í almennar stúderingar í júlí mánuði, en í september heimsókninni var skipulögð sérstök skákhelgi þar sem félagsmenn gátu pantað einkatíma og svo var boðið upp á hópstúderingu bæði kvöldin. Þetta heppanðist afar vel og voru félagsmenn ánægðir með heimsóknir Einars Hjalta.

                          Jón þorvaldsson.

Jón Þorvaldsson hefur verið iðinn við kolann í suðvestur-goðorði Goðans og eru heimboð hans orðin víðfræg í Íslenskum skákheimi. Þar hittast félagsmenn Goðans sem búa á suðvestur-horninu og stúdera saman og skemmta sér um leið. Engum blöðum er um að fletta að þetta tiltæki Jóns hefur skilað sér í auknum áhuga félagsmanna og er þegar farin að skila sér líka við skákborðið.
Eins eru kvöldverðarboð Jón og Helgu í Suðurvangi orðin að föstum lið í upphafi íslandsmóts skákfélaga bæði fyrir fyrri og seinni hlutann. þar hittast allir þeir skákmenn sem tefla í Íslandsmóti skákfélaga fyrir Goðans og borða saman kvöldverð, treysta liðsandann og undirbúa átökin fyrir deildarkeppnina.

                        Smári Sigurðsson.

Stefnt er að því að koma saman á einhverjum veitingastað á Selfossi laugardaginn 3. mars nk og borða saman fyrir síðustu umferðina. Þá getum við vonandi haldið upp á sæti í 1. deild og vonandi fagnað sæti fyrir B-liðið í 3. deild !

Það er alveg ljóst að það er vel hægt að halda saman skákfélagi þó svo að það hafi í raun tvær starfsstöðvar með hátt í 600 kílómetra millibili. Með tölvutækninni, góðri skipulagningu og sterkum félagslegum tengslum er þetta minna mál en margur heldur.

Að lokum vil ég þakka öllum félagsmönnum fyrir eftirminnilegt ár og óska þeim öllum farsældar á nýju ári.

Hermann Aðalsteinsson formaður skákfélagsins Goðans.

Jakob Sævar hraðskákmeistari Goðans 2011.

Jakob Sævar Sigurðsson vann sigur á hraðskákmóti Goðans sem var haldið í kvöld. Jakob vann sigur í fyrstu 10 skákunum og var því búinn að tryggja sér sigurinn fyrir lokumferðina, en Jakob tapaði fyrir Heimi Bessasyni í 11. umferð. Jakob Sævar er því hraðskákmeistari Goðans 2011.

Sigurður Ægisson frá Siglufirði, varð í öðru sæti með 9,5 vinninga, en þar sem hann er ekki félagsmaður í Goðanum hreppti Hermann Aðalsteinsson silfurverðlaun með 8,5 vinninga og Smári Sigurðsson krækti í bronsverðlaun með 7 vinningum. Einungis 12 keppendur tóku þátt í mótinu í þetta skiptið, sem er verulega minni þátttaka en er venjulega á hraðskákmóti Goðans.

Lokastaðan:

  1   Jakob,                 1694 10    54.00   10
  2   Sigurður Æ,            1708 9.5   43.00    9
  3   Hermann,               1343 8.5   35.25    8
 4-5  Smári,                 1664 7     27.50    6
      Benedikt,              1390 7     24.00    7
 6-7  Rúnar,                 1686 5.5   20.25    5
      Ármann,                1405 5.5   19.00    5
 8-9  Sigurbjörn,            1210 4     10.50    4
      Ævar,                  1508 4      9.00    4
 10   Sigurgeir,                  3      7.50    3
 11   Heimir,                1528 2     10.00    2
 12   Hlynur,                1055 0      0.00    0

 

Hlynur Snær varð efstur í flokki 16 ára og yngri, en hann var eini keppandinn í þeim flokki.

Hægt er að skoða öll úrslit í skránni hér fyrir neðan.

Name	#1	#2	#3	#4	#5	#6	#7	#8	#9	#10	#11	#12
Hermann,	*	1	1	0,5	0	1	1	1	1	1	1	0
Sigurbjörn,	0	*	0	1	0	0	1	0	1	1	0	0
Ármann,	0	1	*	1	0	0,5	1	1	0	1	0	0
Rúnar,	0,5	0	0	*	0	1	1	1	1	1	0	0
Jakob,	1	1	1	1	*	1	0	1	1	1	1	1
Smári,	0	1	0,5	0	0	*	1	1	1	1	1	0,5
Heimir,	0	0	0	0	1	0	*	0	0	1	0	0
Ævar,	0	1	0	0	0	0	1	*	1	1	0	0
Sigurgeir,	0	0	1	0	0	0	1	0	*	1	0	0
Hlynur,	0	0	0	0	0	0	0	0	0	*	0	0
Benedikt,	0	1	1	1	0	0	1	1	1	1	*	0
Sigurður Æ,	1	1	1	1	0	0,5	1	1	1	1	1	*

Skrár tengdar þessari bloggfærslu:

• Hraðskákmót 2011

Hraðskákmót Goðans 2011 fer fram annað kvöld.

Hraðskákmót Goðans 2011 verður haldið í sjöunda skipti, þriðjudagskvöldið 27 desember á Húsavík. 
Mótið fer fram í Framsýnar-salnum að Garðarsbraut 26 og hefst stundvíslega kl 20:00.
Reiknað er með því að mótslok verði um kl 23:00.

Tefldar verða 11 umferðir eftir monrad-kerfi. Verðlaun verða veitt fyrir þrjú efstu sætin, auk farandbikars fyrir sigurvegarann. Einnig verða veitt verðlaun fyrir þrjá efstu í yngri flokki (16 ára og yngri)

Núverandi hraðskákmeistari Goðans er Rúnar Ísleifsson.

Þátttökugjald er 500 krónur fyrir fullorna en 250 krónur fyrir 16 ára og yngri.  

Áhugasamir eru beðnir um að skrá sig til keppni hjá formanni [e-mail] eða í síma 4643187  8213187 begin_of_the_skype_highli  end_of_the_skype

Titilhafar frá upphafi:

2005  Baldur Daníelsson
2006  Smári Sigurðsson
2007  Tómas V Sigurðarson
2008  Smári Sigurðsson
2009  Jakob Sævar Sigurðsson
2010  Rúnar Ísleifsson
2011   ?

Íslandsmótið í hraðskák.

Íslandsmótið í hraðskák fór fram um helgina í höfðustöðvum Landsbanka Íslands í Reykjavík. Þeir Einar Hjalti Jensson og Tómas Björnsson frá Goðanum tóku þátt í mótinu og enduðu þeir í 21. og 23. sæti með 6,5 vinninga hvor. Stórmeistarinn Henrik Daníelssen vann mótið með 9,5 vinninga.

Sjá nánar hér:  Chess-Results. 

Smári efstur á æfingu.

Smári Sigurðsson varð langefstur á skákæfingu sem fram fór í gærkvöld. Smári leyfði aðeins jafntefli við Hlyn og Heimi en vann aðrar skákir. Tefld var tvöföld umferð af 5 mín skákum.

Úrslit kvöldsins:

1. Smári        11 vinninga af 12 

2. Sigurbjörn    6 1/2

3. -4. Hlynur    6

3.- 4. Ævar      6

5. -6. Snorri     5

5. - 6. Heimir    5

7. Sigurgeir      2 1/2

Þetta var síðasta skákæfing ársins 2011. Næsti viðburður hjá Goðanum er hraðskákmót Goðans 2011 en það fer fram 27 desember kl 20:00.

 

Vetrarmót öðlinga. Björn, Tómas og Sigurður með jafntefli í lokaumferðinni.

Vetrarmóti Öðlinga lauk sl miðvikudag. Björn Þorsteinsson, Tómas Björnsson og Sigurður Jón Gunnarsson gerðu jafntefli við sína andstæðinga, en Páll Ágúst Jónsson tapaði sinni skák.

Björn endaði í 7. sæti með 4,5 vinninga, Tómas varð í 9. sæti einnig með 4,5 vinninga. Sigurður Jón varð í 26. sæti með 3,5 vinninga og Páll Ágúst varð í 28. sæti með 3 vinninga. Alls tóku 47 keppendur þátt í mótinu.

Benedikt Jónasson varð efstur á mótinu með 5,5 vinninga.

• Heimasíða mótsins
• Chess-Results
• Myndaalbúm (GB)

 

Sigurgeir efstur á skákæfingu.

Sigurgeir Stefánsson varð efstur á æfingu gærkvöldsins. Sigurgeir vann 5 skákir og gerði tvö jafntefli. Tímamörkin voru 15 mín á mann. Lokaskákæfing þessa árs verður nk. mánudagskvöld kl 20:30 á Húsavík.  Hraðskákmót Goðans 2011 verður svo haldið þriðjudagskvöldið 27 des nk.

Úrslit kvöldsins:

Place Name        Feder Rtg Loc  Score Berg. Wins

  1   Sigurgeir,                 6     18.00    5
 2-3  Bjossi,               1250 4.5   13.00    4
      hermann,              1390 4.5   12.75    4
  4   Sighvatur,            1350 3.5   13.00    2
  5   hlynur,               1150 3      8.50    2
 6-7  Snorri,               1350 2.5    7.50    0
      heimir,               1520 2.5    6.00    1
  8   sigurjon,             1540 1.5    4.75    1

Einherjar í öðru sæti á Atskákmót Icelandair.

Sigurður Daði Sigfússon, Einar Hjalti Jensson, Kristján Eðvarðsson og Jón Trausti Harðarson, sem skipuðu lið Einherja, urðu í öðru sæti á Atskákmóti Icelandair sem lauk síðdegis í dag. Þeir félagar lönduðu 45,5 vinningum. Glæsilegt hjá þeim félögum.
Þeir félagar fengu allir í verðlaun út að borða fyrir tvo á veitingastað.
Sveit sem kallaði sig Unglingurinn og lyfjafræðingurinn unnu mótið með 47 vinningum. 

Mynd tekin ófrjálsri hendi af skák.is.Einarherjar vs SA.

Kristján Eðvarðsson landaði 12 vinningum á 3. borði. Sigurður Daði landaði 11,5 vinningum á 1. borði og Einar Hjalti (2. borð) og Jón Trausti 4. borð lönduðu 11 vinningum hvor.
Afar jöfn frammistaða hjá þeim félögum sem skilaði þeim öðru sætin.

Tómas Björnsson fékk 7 vinninga í liði Kórund Kort sem endaði í 12. sæti með 32,5 vinninga. Lið Hlíðars Þórs Hreinssonar, Berserkir, endaði í 8. sæti með 40 vinninga, en Hlíðar Þór tefldi ekkert í dag.

Lokastöðuna má finna á Chess-Results. 

Atskákmót Icelandair. Einherjar í 6. sæti eftir fyrri keppnisdag.

Fyrstu níu umferðirnar á Atskákmóti Icelandair fóru fram í magnþrungnu andrúmslofti í Hótel Natura (Loftleiðum) í dag.  Keppnin er afar jöfn og spennandi og aðeins munar 5,5 vinningi á efstu sveitinni og sveitinni í 11. sæti.   Sveitirnar Who Keres og Heiðursmenn leiða með 25 vinning af 36 mögulegum.  Three Burritos & One Pink Taco er í 3. sæti með 24,5 vinning.

Einherjar eru í 6. sæti með 22,5 vinninga en sveit Einherja skipa Goðamennirnir Sigurður Daði Sigfússon, Einar Hjalti Jensson og Kristján Eðvarðsson, auk Jóns Trausta Harðarsonar.

Tómas Björnsson teflir fyrir Kórund Kort sem er í 13. sæti með 14 vinninga og Hlíðar Þór Hreinsson teflir fyrir sveit sem kallast Berserkir sem eru í 8. sæti með 21,5 vinninga. Hlíðar tefldi aðeins tvær skákir en vann þær báðar.

Alls taka 18 lið þátt í mótinu og tefldar verða alls 17 umferðir. Tefldar eru 15 mín skákir.
Mótinu verður framhaldið á morgun.

Stöðuna má finna á Chess-Results.

Hraðskákmót Goðans 2011 verður haldið 27 desember.

Hraðskákmót Goðans 2011 verður haldið í sjönda skipti, þriðjudagskvöldið 27 desember á Húsavík. 
Mótið fer fram í Framsýnar-salnum að Garðarsbraut 26 og hefst stundvíslega kl 20:00.
Reiknað er með því að mótslok verði um kl 23:00.

Tefldar verða 11 umferðir eftir monrad-kerfi. Verðlaun verða veitt fyrir þrjú efstu sætin, auk farandbikars fyrir sigurvegarann.

 

Núverandi hraðskákmeistari Goðans er Rúnar Ísleifsson.
Einnig verða veitt verðlaun fyrir þrjá efstu í yngri flokki (16 ára og yngri)

Þátttökugjald er 500 krónur fyrir fullorna en 250 krónur fyrir 16 ára og yngri.  

Áhugasamir eru beðnir um að skrá sig til keppni hjá formanni [e-mail] eða í síma4643187 gsm 8213187 þegar nær dregur.

Titilhafar frá upphafi:

2005  Baldur Daníelsson
2006  Smári Sigurðsson
2007  Tómas V Sigurðarson
2008  Smári Sigurðsson
2009  Jakob Sævar Sigurðsson
2010  Rúnar Ísleifsson
2011   ?