Skákkennsla í Borgarhólsskóla.

Í október hófst skákkennsla í Borgarhólsskóla á Húsavík. Um er að ræða framhald á skákkennslu sem hófst fyrir rúmu ári síðan, en þá var Borgarhólsskóli styrktur ásamt 5 öðrum grunnskólum á landinu til skákkennslu úr verkefninu "Skák í skólanna"

Skákfélagið Goðinn sér um skákkennsluna í skólanum og er hún í umsjá Smára Sigurðssonar og Hermanns Aðalsteinssonar.

 

Kennt er einu sinni í viku og skipta þeir Smári og Hermann kennslunni á milli sín. Í vetur hafa 8-12 krakkar í skólanum notið kennslunnar, sem er nemendum að kostnaðarlausu.