Jón Kristinn, Óliver Aron og Dagur Ragnarsson sigurvegarar Landsmótsins í skólaskák 2012.

Jón Kristinn Þorgeirsson hafði fáheyrða yfirburði í yngri flokki Landsmótsins í skólaskák.  Jón Kristinn vann alla ellefu andstæðinga sína!  Vignir Vatnar Stefánsson, yngsti keppandinn, varð annar með 8 vinninga og Símon Þórhallsson varð þriðji með 7,5 vinning.   Oliver Aron Jóhannesson og Dagur Ragnarsson urðu efstir og jafnir í eldri flokki og tefla úrslitaeinvígi um titilinn síðar í maí.  Dagur Kjartansson og Emil Sigurðarson urðu í 3.-4. sæti og fékk Dagur þriðja sætið á stigum.  

Jón Kristinn vann mótið annað árið í röð.   Árangur Símons kom verulega skemmtilega á óvart en hann sló við mörgum mun stigahærri skákmönnum.   Símon flutti til Akureyrar fyrir um ári síðan og hefur bætt sig gífurlega á þeim tíma.  Jón Kristinn og Símon eru bekkjarbræður í Lundarskóla. 

Miklu meiri spennan var í eldri flokki.   Þar skiptust menn á forystu.  Skólabræðurnir Oliver Aron og Dagur Ragnarsson komu jafnir í mark en Oliver vann Dag Kjartansson í lokaumferðinni, en Dagur Kjartansson var efstur fyrir hana.  Ingibjörg Edda Birgisdóttir, nýr Landssmótsstjóri,  sýndi mikið öryggi og ljóst að skákhreyfingin hefur eignast nýjan frábæran Landsmótsstjóra.  Erfitt að feta í fótspor Páls Sigurðssonar sem hefur verið Landsmótsstjóri við góðan orðstýr árum saman. 

 

                  Jón Kristinn Þorgeirsson með sín verðlaun. 

 

 

Yngsti keppandinn á mótinu, Vignir Vatnar Stefánsson (Reykjanes) varð í öðru sæti í yngri flokki.

 

 

Dagur Ragnarsson og Óliver Aron Jóhannesson komu jafnir í mark í eldri flokki með 8,5 vinninga og heyja einvígi um titilinn við fyrsta tækifæri.

 

Lokastaðan í eldri flokki: 

 

Rk.		Name	sex	FED	RtgI	RtgN		Pts.	TB1
1		Jóhannesson Óliver Aron		ISL	0	1757		8.5	38.00
2		Ragnarsson Dagur		ISL	0	1974		8.5	37.75
3		Kjartansson Dagur		ISL	0	1652		8.0	36.75
4		Sigurðsson Emil		ISL	0	1821		8.0	36.50
5		Harðarson Jón Trausti		ISL	0	1773		7.5	31.25
6		Sigurðsson Birkir Karl		ISL	0	1810		7.0	28.50
7		Hauksdóttir Hrund		ISL	0	1555		7.0	26.75
8		Björgvinsson Andri Freyr		ISL	0	1424		5.0	14.00
9		Hallgrímsson Snorri		ISL	0	1323		2.5	6.00
10		Kolica Donika		ISL	0	1092		2.0	3.50
11		Freysson Mikael Máni		ISL	0	0		1.0	2.00
12		Viðarsson Hlynur Snær		ISL	0	1096		1.0	1.00

 

 

                  Dagur Kjartansson varð í þriðja sæti í eldri flokki. 

 

Lokastaðan í yngri flokki:

Rk.		Name	sex	FED	RtgI	RtgN	Pts.	TB1
1		Þorgeirsson Jón Kristinn		ISL	0	1779	11.0	55.00
2		Stefánsson Vignir Vatnar		ISL	0	1585	8.0	33.50
3		Þórhallsson Símon		ISL	0	1197	7.5	29.75
4		Heimisson Hilmir Freyr		ISL	0	1459	7.0	27.50
5		Jóhannesson Kristófer Jóel		ISL	0	0	7.0	27.00
6		Jónsson Gauti Páll		ISL	0	1410	6.5	29.25
7		Davíðsdóttir Nansý		ISL	0	1313	6.0	20.75
8		Hrafnson Hilmir		ISL	0	1000	6.0	20.25
9		Halldórsson Haraldur		ISL	0	0	2.0	7.50
10		Rúnarsdóttir Tinna Ósk		ISL	0	0	2.0	4.00
11		Tómasson Wiktor		ISL	0	0	2.0	3.00
12		Þorsteinsson Halldór Broddi		ISL	0	0	1.0	2.00

                     Símon Þórhallsson varð í þriðja sæti í yngri flokki.

 

Mótshaldið gekk vel og var keppendum til mikils sóma. Allir keppendur náðu amk. í 1 vinning og fór því enginn alveg sviðinn heim í dag.
Skákfélagið Goðinn hélt mótið í samvinnu við Skáksamband Íslands og var Þingeyjarsveit aðal styrktaraðili mótsins.

 

Ég vil fyrir hönd skákféalgins Goðans þakka öllum keppendum fyrir komuna og ánægjulegt mót.

                          Hermann Aðalsteinsson.

 

 

Hægt er að skoða talsvert margar myndir í myndaalbúmi hér til hægri á síðunni.

 

Öll úrslit má skoða hér:

http://www.chess-results.com/tnr71933.aspx?lan=1