Framsýnarmótið framundan. Stefnir í góða þátttöku

Farmsýnarmótið í skák hefst kl 20:00 í sal Framsýnar föstudaginn 21 sept, á Húsavík. Lifnað hefur yfir skráningu á mótið en amk fjórir keppendur ætla að koma frá Akureyri og amk fjórir að sunnan. Eins lítur ágætlega út með þátttöku heimamanna.

Mótið verður sett upp á chess-results í kvöld eða á morgun og verður hægt að sjá skráningarnar þar.

Slóðin http://chess-results.com/tnr81200.aspx?lan=1

Ath. Ekki hafa allir staðfest þátttöku á mótinu sem eru skráðir inn og kanski bætast einhverjir við.  

Heimir og Ævar efstir á æfingu

Það var jöfn barátta á skákæfingu gærkvöldsins, en Ævar Ákason og Heimir Bessason voru þó frestir meðal jafningja með 3 vinninga af 5 mögulegum. Aðeins munaði 1 vinning af efstu og neðstu mönnum. Tefldar voru skákir með 15 mín á mann.

Úrslit kvöldsins.

1-2.  Heimir Bessason             3 af 5
1-2.  Ævar Ákason                   3
3-4.  Sigurbjörn Ásmundsson  2,5
3-4.  Hlynur Snær Viðarsson    2,5
5-6.  Árni Garðar Helgason      2
5-6.  Hermann Aðalsteinsson  2 

Framsýnarmótið fer fram um helgina og svo er næsta skákæfing nk. mándudag. 

Framsýnarmótið 2012

Framsýnarmótið í skák 2012 verður haldið helgina 21-23 september nk. í fundarsal stéttarfélagsins Framsýnar að Garðarsbraut 26 á Húsavík. Það er skákfélagið Goðinn/Mátar í Þingeyjarsýslu og Framsýn-stéttarfélag, sem sjá um mótshaldið.

Mótið er öllum áhugasömum opið.

Dagskrá.

1. umf. föstudaginn 21 september kl 20:00   25 mín (atskák)
2. umf. föstudaginn 21 ------------ kl 21:00       
3. umf. föstudaginn 21 ------------ kl 22:00     
4. umf. föstudaginn 21 -----------  kl 23:00     

5. umf. laugardaginn 22 september kl 11:00  90 mín + 30 sek/leik
6. umf. laugardaginn 22 ------------- kl 19:30   
7. umf. sunnudaginn  23 -------------kl 11:00 

Verðlaunaafhending í mótslok.

Verðlaun.

Veittir verða glæsilegir eignarbikarar fyrir þrjá efstu í mótinu sem stéttarfélagið Framsýn gefur í tilefni af samvinnu Framsýnar og skákfélagsins Goðans/Máta í þingeyjarsýslu. Einnig hlýtur efsti utanfélagsmaðurinn eignarbikar.

Mótið verður reiknað til íslenskra skákstiga og til FIDE-skákstiga.
Ekkert þátttökugjald er í mótið.

Upplýsingar.

Allar nánari upplýsingar um Framsýnarskákmótið verða aðgengilegar á heimasíðu skákfélagins Goðans/Máta, ásamt skráningu, stöðu, skákir og svo loka-úrslit, verða birt á http://www.godinn.blog.is/  og áhttp://www.framsyn.is/

Skráning.

Skráning í mótið er hjá Hermanni Aðalsteinssyni, formanni skákfélagins Goðans/Máta, í síma 4643187 og 8213187

Æfina og mótaáætlun.

3. sept.  Félagsfundur og skákæfing

10------  Skákæfing
17------  Skákæfing
21-23 sep Framsýnarmótið 2012 Húsavík
24------  Skákæfing

 

1. okt.    Skákæfing
5-7 okt   Íslandsmót skákfélaga Reykjavík
8-------   Skákæfing
15-----    Skákæfing
21 okt    Hérðasmót HSÞ 16 ára og yngri Dalakofinn Laugum.
22-----    Skákæfing
29------   Skákæfing

5. nóv.    Skákæfing
12------   Skákæfing
16 nóv    15 mín mótið Húsavík
19-------  Skákfæfing
26-------  Skákæfing

3. des      Skákæfing
10-------  Skákkæfing
17-------  Skákæfing
27. des    Hraðskákmótið 2012

Skákæfingar hefjast kl 20:30 í Framsýnarsalnum Garðarsbraut 26 Húsavík.

Ath. Þetta er áætlun og geta dagsetningar breyst.

Goðinn vann TG stórt. Mætir Víkingaklúbbnum í úrslitum 15. sept.

Goðinn mætti ekki með sitt sterkasta lið í Garðabæinn, en unnu samt stórsigur 57,5 vinningar gegn 14,5 vinningum Garðbæinga  Staðan í hálfleikvar 4,5 -31,5 fyrir Goðann. Kristján Eðvarðsson fór á kostum og fékk 11 vinninga af 12 mögulegum. Einar Hjalti fékk 10,5 og Tómas Björnsson 10 vinninga úr 12.

Árangur Goða:

• Kristján Eðvarðsson 11 v. af 12
• Einar Hjalti Jensson 10,5 v. af 12
• Tómas Björnsson 10 v. af 12
• Helgi Áss Grétarsson 7,5 v. af 8
• Jón Þorvaldsson 7 v. af 10
• Sigurður Daði Sigfússon 5,5 v. af 6
• Þröstur Árnason 4 v. af 6
• Páll Ágúst Jónsson 2 v. af 6

Fyrir TG tefldu:

• Björn Jónsson 4,5 v. af 12
• Leifur I. Vilmundarson 3,5 v. af 12
• Ásgeir Þór Árnason 3 v. af 12
• Jóhann H. Ragnarsson 3 v. af 12
• Páll Sigurðsson 0,5 v. af 9
• Jón Þór Bergþórsson 0 v. af 6
• Svanberg Pálsson 0 v. af 9

Einnig tefldu Taflfélagið Hellir gegn Víkingaklúbbnum og hafði þar Víkingaklúbburin betur.

Goðinn mætir því Víkingaklúbbnum í úrslitum hraðskákkeppni taflfélaga og fer viðureigin fram í Laugardalshöll 15. sept nk. 

Goðinn og Mátar sameinast !

Fréttatilkynning 7. sept. 2012

Skákfélagið Goðinn og Taflfélagið Mátar hafa tekið saman höndum og myndað með sér bræðralag.

Þannig renna félögin tvö nú  saman í eitt og ber hið sameinaða félag nafnið Goðinn-Mátar. Með þessum samruna verður til eitt af öflugustu skákfélögum landsins, grundvallað á sáttmála beggja félaga um góðan anda og gagnkvæma virðingu.

Skákfélagið Goðinn-Mátar mun væntanlega tefla fram einni sveit í 1. deild, einni í 3. deild og allt að fjórum liðum í fjórðu deildinni á næstu leiktíð Íslandsmóts skákfélaga. Mikill metnaður og tilhlökkun er meðal félagsmanna til að efla starfið á fleiri sviðum enda horfir vænlega um samvirkni og samlegðaráhrif. Ein veigamesta forsendan við sameiningu félaga almennt er að menning og bragur þeirra séu samstæð og eigi samleið.  Svo er í þessu tilviki þar sem bæði félögin leggja mikið upp úr nálægð, persónulegri vináttu og svolítið heimilislegum brag, auk áherslu á fræðslustarf á skemmtilegum  nótum.

 

Frekari fréttir af samruna og starfsemi Goðans-Máta verða birtar á heimasíðu félagsins og hér á síðunni skák.is eftir því sem málum vindur fram og vetrarstarfið tekur á sig gleggri mynd.

Fyrsta skákæfing vetrarins.

Í gærkvöld hófst vetrarstarf Goðans með félagsfundi og skákæfingu á Húsavík.
9 félagsmenn mættu á fundinn og tefldu svo einfalda hraðskákumferð að fundi loknum.

Smári Sigurðsson kemur vel undan sumri og lagði alla sína andstæðinga í gærkvöld.

Úrslit á fyrstu skákæfingu vetrarins:

1.    Smári Sigurðsson              7 af 7
2.    Ævar Ákason                     5
3-4. Baldur Daníelsson             4
3-4. Hermann Aðalsteinsson    4
5.    Hlynur Snær Viðarsson      3,5
6.    Sigurbjörn Ásmundsson    2
7.    Snorri Hallgrímsson           1,5
8.    Árni Garðar Helgason        1

Niðurstöðu félagsfundar verða gerð skil hér á síðunni síðar í vikunni. 

Félagsfundur og fyrsta skákæfing vetrarins

Skákfélagið Goðinn byrjar sitt vetrarstarf mánudagskvöldið 3. september með félagsfundi í Framsýnarsalnum Garðarsbraut 26 á Húsavík kl 20:30.

Mjög áríðandi er að sem flestir félagar mæti á fundinn þar sem að mikilvæg ákvörðun, er varðar framtíð félagsins, verður tekinn á fundinum.
Að fundi loknum verður teflt.

Með von um að sjá sem flesta.

Stjórn Skákfélagsins Goðans. 

 

Guðfríður Lilja gengur í Goðann!

Guðfríður Lilja Grétarsdóttir, alþingismaður og fyrrverandi forseti Skáksambands Íslands, er gengin til liðs við Goðann. Félaginu er mikill akkur í atfylgi þessarar fjölhæfu afrekskonu enda er hún ein fremsta skákkona Íslands og hefur unnið skákíþróttinni mikið gagn.

 

 

Guðfríður Lilja vakti þegar á unga aldri athygli fyrir skákhæfileika sína.  Kornung varð hún alþjóðlegur meistari og ellefu sinnum hefur hún hlotið sæmdarheitið Íslandsmeistari kvenna í skák. Guðfríður Lilja braut blað í skáksögu Íslands þegar hún var kjörin forseti Skáksambands Íslands árið 2004, fyrst kvenna, og hún varð einnig fyrst kvenna til að gegna formennsku í Skáksambandi Norðurlanda. Guðfríður Lilja hefur unnið ötullega að því að efla skákiðkun á Íslandi og endurvakti m.a. kvennalandslið Íslands í skák árið 2000. Hún er með BA-gráðu í sagnfræði frá Harvard og meistaragráðu í heimspeki frá Cambridge í Englandi.

 

 Hermann Aðalsteinsson, formaður Goðans: „Okkur er ljúft að bjóða skákdrottinguna Guðfríði Lilju velkomna í okkar raðir. Hið ötula starf hennar við útbreiðslu og eflingu skákíþróttarinnar er einstakt og við vonumst til þess að geta sótt til hennar góð ráð og innblástur á því sviði. Fyrst og fremst vonum við þó að Guðfríður Lilja eigi sem flestar ánægustundir við taflborðið og að hún njóti þess sem Goðinn hefur upp á að bjóða.“

 

Guðfríður Lilja: „Ég kveð Taflfélagið Helli með söknuði og þakklæti. Það er frábært félag. Nú er hins vegar komið að nýjum kaflaskilum í mínum skákferli og ég lít á inngöngu mína í Goðann sem upphafið að einhverju nýju og fersku. Goðinn hefur vakið athygli mína fyrir skemmtilegan liðsanda og kraftmikið félagsstarf.  Hér fæ ég tækifæri til  að rifja upp mannganginn í góðra vina hópi og hver veit nema þetta verði vel heppnuð innkoma í seinni helming míns skákferils. Skákin er falleg, skemmtileg og skapandi og ég á ekki von á öðru en að hún verði mér dyggur félagi út lífið.  Svo er það auðvitað borðleggjandi að hin klassíska skák er margfalt meira gefandi en refskák stjórnmálanna!“

 

Sigur á Tyrkjum - Þröstur Þórhallsson vann í magnaðri fórnarskák

Íslenska liðið í opnum flokki ólympíleikunum í skák vann 2,5-1,5 sigur á b-sveit Tyrkja í dag í æsispennandi viðureign.  Þröstur Þórhallsson tefldi glæsilega skák þar sem hann átti hvern þrumuleikinn á fætur öðrum, fórnaði fyrst drottningu fyrir hrók og síðar hrók og var um tíma heilli drottningu undir.  

 

Þröstur hefur byrjað mótið af krafti og er með 3,5 vinninga úr 4 skákum. Afar sterk byrjun hjá Þresti.

Á morgun mætir Íslenska liðið Filippseyjum.