Valur og Snorri Már héraðsmeistarar HSÞ í skák í flokki 16 ára og yngri.

Héraðsmót HSÞí skák í flokki 16 ára og yngri fór fram á Laugum í dag. Sjö keppendur mættu til leiks. þrír í eldri flokki og fjórir í yngri flokki.  Valur Heiðar Einarsson gerði sér lítið fyrir og vann allar sínar skákir, sex að tölu og hreppti þar með titilinn héraðsmeistari HSÞ í skák 2011 16 ára og yngri. Hlynur Snær Viðarsson varð í öðru sæti með 5 vinninga og Snorri Hallgrímsson varð þriðji með 4 vinninga. Tefldar voru skákir með 15 mín umhugsunartíma á mann.

 

Bjarni Jón Kristjánsson, Snorri Hallgrímsson, Hlynur Snær Viðarsson, Valur Heiðar Einarsson, Eyþór Kári Ingólfsson, Snorri Már Vagnsson og Ari Ingólfsson fyrir utan Dalakofann á Laugum í dag. 

Snorri Már Vagnsson vann í flokki 13 ára og yngri með 2,5 vinninga. Eyþór Kári Ingólfsson varð í öðru sæti með 1,5 vinning og Bjarni Jón Kristjánsson varð í þriðja sæti líka með 1,5 vinning. Eyþór og Bjarni háðu auka keppni um annað sætið. Þeir unnu hvor sína hraðskákina og var þá tefldur bráðabani þar sem hvítur hafði 6 mín en svartur var með 5 mín og svörtum dugði jafntefli til sigurs. Eyþór, sem var með hvítt, vann kónginn af Bjarna og þar með skákina og hreppti því annað sætið.

Lokastaðan:

1.  Valur Heiðar Einarsson   Völsungi   6 af 6
2.   Hlynur Snær Viðarsson  Völsungi   5
3.  Snorri Hallgrímsson        Völsungi   4
4.  Snorri Már Vagnsson      G&A         2,5
5.  Eyþór Kári Ingólfsson     Einingin   1,5  (+2)
6.  Bjarni Jón Kristjánsson   Eflingu     1,5  (+1)
7.  Ari Ingólfsson                 Einingin    0,5

Eyþór Kári Ingólfsson og Ari Ingólfsson báðir í Einingunni, að tafli.

Öðlingamótið. Jón og Björn efstir ásamt 4 öðrum fyrir lokaumferðina. 15. skákin hjá Jóni án taps !

Jón Þorvaldsson gerði jafntefli við Þorstein Þorsteinsson (2220) í 6. umferð Öðlingamótsins sem tefld var í gærkvöld og er ásamt Birni Þorsteinssyni, sem vann Jóhann Ragnarsson (2089), í efsta sæti eins og fjórir aðrir skákmenn með 4,5 vinninga. 
Þetta var 15 kappskákin í röð sem Jón teflir án taps, frá því að hann hóf taflmennsku fyrir Goðann !

Páll Ágúst Jónsson heldur áfram að velgja stigahærri mönnum undir uggum og gerði jafntefli við Braga Halldórsson (2194) og er Páll í 9. sæti með 4 vinninga fyrir lokaumferðina. Frábær frammistaða hjá Páli og er hann enn taplaus í mótinu líkt og Jón Þorvaldsson.

Sigurður Jón Gunnarsson gerði jafntefli við Halldór Pálsson (1966) með svörtu mönnunum og eins og Páll Ágúst var Sigurður að tefla upp fyrir sig í stigum. Mjög góð frammistaða hjá okkar mönnum í gær. 2,5 vinningar komu út úr umferðinni og engin skák tapaðist.

Staða efstu manna: 

Rk.	Name	Rtg	Club/City	Pts.	TB1
1	Thorsteinsson Thorsteinn	2220	TR	4,5	23
2	Gunnarsson Gunnar K	2221	KR	4,5	22,5
3	Gudmundsson Kristjan	2275	TV	4,5	22,5
4	Thorvaldsson Jon	2045	Godinn	4,5	21
5	Thorsteinsson Bjorn	2213	Godinn	4,5	21
6	Thorhallsson Gylfi	2200	SA	4,5	19,5
7	Halldorsson Bragi	2194	Hellir	4	20,5
8	Hjartarson Bjarni	2078		4	20,5
9	Jonsson Pall Agust	1895	Godinn	4	20
10	Loftsson Hrafn	2220	TR	4	17,5
11	Ragnarsson Johann	2089	TG	3,5	21
12	Valtysson Thor	2043	SA	3,5	20,5
13	Sigurdsson Pall	1929	TG	3,5	20
14	Palsson Halldor	1966	TR	3,5	19,5
15	Bjornsson Yngvi	0		3,5	17,5
16	Gardarsson Halldor	1945		3,5	17
17	Ingvarsson Kjartan	1720		3,5	15,5
18	Eliasson Kristjan Orn	1947	SFÍ	3,5	15
19	Gunnarsson Sigurdur Jon	1825	Godinn	3,5	14

• Chess-Results

 

Næst síðasta umferðin tefld í kvöld.

Sjötta og næst síðasta umferð Öðlingamótsins í skák verður tefld í kvöld. Jón Þorvaldsson verður með svart gegn Þorsteini þorsteinssyni, Björn hefur hvítt gegn Jóhanni Ragnarssyni, Páll Ágúst hefur svart gegn Braga Halldórssyni og Sigurður Jón sömuleiðis gegn Halldóri Pálssyni.

Pörun 6. umferðar.

Bo.	No.		Name	Pts.	Result	Pts.		Name	No.
1	2		Gunnarsson Gunnar K	4		4		Gudmundsson Kristjan	1
2	3	FM	Thorsteinsson Thorsteinn	4		4		Thorvaldsson Jon	11
3	5		Thorsteinsson Bjorn	3½		3½		Ragnarsson Johann	8
4	6		Thorhallsson Gylfi	3½		3½		Sigurdsson Pall	19
5	7		Halldorsson Bragi	3½		3½		Jonsson Pall Agust	20
6	25		Isolfsson Eggert	3		3		Loftsson Hrafn	4
7	9		Hjartarson Bjarni	3		3		Jonsson Olafur Gisli	24
8	18		Gardarsson Halldor	3		3		Valtysson Thor	12
9	16		Palsson Halldor	3		3		Gunnarsson Sigurdur Jon	26
10	10		Bjornsson Eirikur K	2½		3		Eliasson Kristjan Orn	17
11	15		Ragnarsson Hermann	2½		2½		Ingvarsson Kjartan	30
12	39		Bjornsson Yngvi	2½		2½		Schmidhauser Ulrich	35
13	13		Kristinsdottir Aslaug	2		2½		Gudmundsson Sveinbjorn G	32
14	23		Olsen Agnar	2		2		Baldursson Haraldur	14
15	27		Fridthjofsdottir Sigurl Regin	2		2		Jonsson Pall G	29
16	21		Jonsson Sigurdur H	1½		1½		Hermannsson Ragnar	40
17	22		Solmundarson Kari	1½		1½		Jonsson Loftur H	33
18	28		Hreinsson Kristjan	1		1		Thrainsson Birgir Rafn	31
19	34		Eliasson Jon Steinn	1		1		Johannesson Petur	38
20	36		Adalsteinsson Birgir	½		½		Kristbergsson Bjorgvin	37

Héraðsmót HSÞ í skák fyrir 16 ára og yngri.

Laugardaginn 7. maí verður héraðsmót HSÞ í skák fyrir 16 ára og yngri haldið á veitingastaðnum Dalakofanum á Laugum. Mótið hefst kl 13:00 og lýkur kl. 16:00. 

Tefldar verða 7 umferðir eftir monrad-kerfi og verður umhugsunartíminn 15 mín á keppanda í hverri skák. 

Verðlaun verða veitt í tveimur flokkum: 
13 ára og yngri  (1-7 bekkur)
14-16 ára          (8-10 bekkur) 

Vinningahæsti keppandinn hlýtur farandbikar að launum og nafnbótina Héraðsmeistari HSÞ í skák 2010 !
Þátttökugjald er krónur 500-  Sjoppa er á staðnum. 

Skáning í mótið fer fram hjá Hermanni í síma 4643187 eða með tölvupósti á netfangið: [e-mail]