Haustmót TR. 6. umferð. Barði með jafntefli.

Barði Einarsson gerði í kvöld jafntefli við Svanberg Má Pálsson og er í efsta sæti í D-flokknum.  Skák Jakobs Sævars og Óttars Felix var frestað til mánudagskvölds.

Á sunnudag verður 7. umferð tefld. Þá teflir Barði við Gústaf Steingrímsson (1555) með svörtu mönnunum og Jakob Sævar teflir við Aron Inga Óskarsson (1876) með svörtu.  H.A.

Jafntefli og tap á haustmóti TR.

Barði Einarsson gerði jafntefli við Hörð Aron Hauksson og Jakob Sævar tapaði fyrir Ólafi Gísla Jónssyni í 5. umferð á haustmóti TR sem fram fór í kvöld.

Barði er sem fyrr í efsta sæti D-flokks með 3,5 vinninga ásamt Rafni Jónsyni. (Barði á inni óteflda skák við Rafn). Í 6. umferð sem tefld verður á föstudag, teflir Barði, með hvítu mönnunum, við Svanberg Má Pálsson (1751)

Jakob er í neðsta sæti C-flokks með 0,5 vinninga. Í 6. umferð teflir Jakob, með hvítu mönnunum, við Óttar Felix Hauksson.   H.A.

Smári efstur á æfingu.

Smári Sigurðsson varð efstur með 5 vinninga af 5 mögulegum á skákæfingunni sem fram fór á Húsavík í kvöld.  Tefldar voru 5 umferðir eftir monrad-kerfi og var umhugsunartíminn 10 mín á mann.  Alls mættu 13 keppendur til leiks og þar af voru 5 efnilegir grunnskólanemendur úr Borgarhólsskóla. 

Úrslit urðu eftirfarandi:

1.    Smári Sigurðsson                  5 vinn af 5                      
2.    Baldvin Þ Jóhannesson         4
3.    Hermann Aðalsteinsson        3,5     (13 stig)
4.    Sigurjón Benediktsson          3,5     (10stig)
5.    Óttar Ingi Oddsson               3
6-7  Benedikt Þór Jóhannsson     2,5     (16,5 stig)
6-7  Heimir Bessason                   2,5     (16,5 stig)
8.    Hallur B Reynisson                2         (14,5 stig)
9.    Snorri Hallgrímsson               2         (12,5 stig)
10.  Hlynur Snær Viðarsson          2         (11,5 stig)
11.  Sighvatur Karlsson                2         (10,5 stig)
12.  Valur Heiðar Einarsson          2         ( 7,5 stig)
13.  Egill Hallgrímsson                  1

Næsta skákæfing verður í Litlulaugaskóla í Reykjadal miðvikudaginn 12 nóvember kl 20:30.  H.A.

Skákæfing í kvöld á Húsavík.

Skákfélagið Goðinn verður með skákæfingu í kvöld á Húsavík.

Teflt verður í sal Framsýnar-stéttarfélags að Garðarsbraut 26 og hefst æfingin kl 20:30. Væntanlega verða tefldar 5-7 mín skákir, eða þá 15 mín skákir og þá 4. umf. monrad.

Búist er við góðri mætingu skákmanna í kvöld þar sem þó nokkrir hafa boðað komu sína sem ekki hafa teflt árum saman. Reikna má með að börn og unglingar úr Borgarhólsskóla mæti til leiks og auðvitað skákmenn, sem alltaf mæta á skákæfingar hjá félaginu.  H.A.

Tap hjá Jakob og frestun hjá Barða.

Skák Barða Einarssonar og Rafns Jónssonar var frestað vegna veikinda Rafns. Ekki hefur verið ákveðið hvenær hún verður tefld. Í 5. umferð sem tefld verður á miðvikudag teflir Barði við Hörð Aron Hauksson (1725) með svörtu.

Jakob Sævar tapaði skák sinni við Pál Sigurðsson vegna þess að Jakob ruglaðist á tímasetningu á skákinni og mætti ekki til leiks á réttum tíma. Í 5. umferð sem tefld verður á miðvikudag, teflir Jakob með svörtu við Ólaf Gísla Jónsson (1885) H.A.

Barði vann en Jakob tapaði.

Barði Einarsson er einn efstur í D-flokki með 3 vinninga eftir sigur á Degi Andra Friðgeirssyni í gærkvöld í 3. umferð haustmóts TR. 

Jakob Sævar tapaði fyrir Víkingi Fjalar Eiríkssyni í 3. umferð í C-flokknum og er sem stendur neðstur í C-flokknum. 

4. umferð verður tefld á morgun, sunnudag.  Þá mætir Barði, Rafni Jónssyni ( 0 ) með hvítu mönnunum og Jakob stýrir hvítu mönnunum gegn Páli Sigurðssyni (1867)  H.A.